مغتربي الإمارات

[مهندس باسم]

السلام عليكم

ياجماعة الخير اناخريج هندسة قسم ميكانيكا بتقدير امتياز و سوف احصل على فيزا زيارة للامارات لمدة شهر و قابلة للتجديد شهر اخر

و اريد منكم المساعدة لكى احصل على عمل و ايضاعلى سكن

و دى البيانات الخاصة بى

التليفون : 01009128960

الايميل :- bassemxx10xx@yahoo.com

و انا كلى امل و عشم فى مساعدتكم

[alaashabana]

انا عندى تعليق على بعض المداخلات للاخوة الاعزاء بخصوص الرواتب وان كان دة يعبر عن وجهه نظرى الشخصية ليس اكثر ولا اقل

بخصوص موضوع المرتبات والحياة فى الامارات ف انا معاكم فعلا ان الحياة هنا غالية حبتين وللاسف بقيت كل شوية تنزل قرارت غريبة وندفع فلوس عليها زى مثلا اخرها قرار عدم نشر اى غسيل على احبال فى البلكونة من الداخل وانا فعلا اخدت مخالفة وانا قاعد فى بيتى ب 250 درهم حراام فعلا

بس انا عندى كلام تانى بخصوص المرتبات اولا يا جماعه وزى ما الاخوة فعلا قالو ان الحياة هنا غالية وموضوع 3000 درهم شهريا والكلام دة يبقى مرتب قليل بس تعالو بينا نحسبها ودة بأكد تانى من وجهه نظرى الشخصية ليس اكثر

لو نفترض انك هنا جديد زيارة اية الراتب اللى ممكن تاخدة ؟ لو نفترض ان الراتب كان 3000 ودة للناس اللى جايين زيارة هل دة يبقى كويس للحياة ؟ انا بقول انه مش كافى ولكن بتختلف من شخص لشخص اخر

انا عاوز اوضح ان اولا الهنود هنا بكثرة جدااا ولا احد ينكر فى فيهم فى بعض المجالات اكثر مننا خبرة وفهما وتعليما . يعنى على سبيل المثال كتير اوى اوى من المحاسبين الهنوج معاهم ماستر ومع كل دة تلاقى مرتباتهم قليلة يفى تفتكر لو انت صاحب عمل هتجيب واحد مصرى زيارة وجديد ومش عندة خبرة فى البلد علشان ياخد 5000 وكمان سكن ولا اجيب واحد هندى ياخد 2000 ويبوس ايدة وش وظهر

طبعا علشان الهنود هنا بكثرة دة ادى ان بعض الوظائف هما دائما فى الصدارة واصحاب العمل بيفضولهم وانا بقول بعض الوظائف او بمعنى اصح بعض المجالات زى المبيعات خدمة العملاء المحاسبة الاعمال المكتبية وهكذا

وبقول ان اى شخص بيجى هنا زيارة وجالة شغل مثلا ب 3000 اية المانع انه مش يقبلة ؟ طيب تعالوا نحسبها

الحياة فى مصر كله عارفها اوى وان معظم الشركات للاسف دلوقتى لو بيشغلوا حد فى مصر بيطلبوا منهم كتابة وصل امانه بمبلغ معي غير ان المرتبات فى مصر ضعيفة يعنى ممكن تاخد فى مصر 1000 جنية شهريا وطبعا هتكون فى مدتن تانية غير مدينتك يعنى هتعيش وتاجر شقة برة او تعيش مع حد يعنى فى الاخر مش هتحوش بالعكس هتستلف علشان تعيش

طيب هنا لو انت بتاخد 3000 ودة فى حالة لو انت مش متجوز ومش عندك عائلة انت ممكن تعيش شيرنج ب 600 درهم وتاكل ب 700 درهم او 1000 درهم و300 درهم مشتريات على تليفون على نت وخلافة يعنى بيبتقى ليك فى الشهر 1000 درهم صافى يعنى 1500 جنية تقريبا

اية المانع انى اقبل المرتب دة كبداية يعنى معلش لما اخذة حضرتك مش جاى من مصر معاك دكتوارة .. يبقى ممكن اقبل الراتب دة كبداية منها هحوش شوية فلوس حتى لو قليلة لكن فى نفس الوقت باخد خبرة واكسب معارف واخد الرخصة القيادة ومن هنا ابدا انطلق ابدا ادور علىى شغل تانى يعد سنة وهكذا لغاية ما انا اللى اختار بعد كدة الراتب اللى يناسبنى يناسب خبراتى ..

يبقى حوشت مبلغ مش بطال وفى نفس الوقت اخدت خبرة طيب دة كلام كويس اوى

نيجى لو انت مش قبلت بالراتب دة شوف اية اللى هتكسبة واية اللى هتخسرة

اولا مممكن مش تلاقى الفرصة دى تانى وترجع مصر يبقى انت خسرت ثمن الفيزا والتذكرة اللى ممكن تكون محوش ومستلف علشان تعرف تيجى هنا ودة كلام صحيح مش غلط ما اكيد لو انت مرتاح ماديا فى مصر وبتاخد راتب كويس مش هتفكر تسافر وتتغرب

انا يا حماعه برجع اقول ان ممكن اللى مش ينطبق علية يبنطبق على غيرى يعنى ممكن ربنا يباركلك فى القرش القليل دة وياما ناس هنا فى الامارات بتاخد 30 الف و40 الف لى الشهر ومش بيقضوهم علشان مصاريفهم عالية واولادهم فى مدارس امريكية وبيسكوناو فى فلل وهكذا

لكن حضرتك ابدا صغير ومع تعبك ومجهودك ربنا هيعوضك ومش بعيد بعد سنى تلاقى اضعاف الراتب اللى كنت بتاخدة

يعنى لو كل واحد فكر وقال لا لا انا مش هقبل باقل من كذا ربنا عمرة ما هيديك لازم تقول ربنا يرزقنى خيرا ويباركلى فى رزقى وصحتى ساعتها ربنا هيدكى مش غير ما تتشرط اما هتتشرط على ربنا تقول ياما اخد راتب كذا او لا طيب بناء على اية على خبرتك فى الامارات ولا على الدكتواة اللى انت واخدها من امريكا

يا جماعه خلينا واقعين مفيش حد بيبدا باشا لازم اول سنة ولا سنتين بتتبهدل فيهم فى اى مكان بعد كدة هترتاح

كتير اوى اوى اوى من المهندسين اللى اعرفهم مع اننا عارفين ان مرتباتهم كبيرة بداو ب 3000 درهم وبعد 3 سنين تعالى شوفهم ما شاء الله كل واحد بياخد اقل حاجة 20 الف غير اللى معاهم عربيات غير اللى فتحوا شركات لحالهم يعنى كل انسان مع الوقت والصبر والكفاح هتوصل

اما فى مصر هتقبل بشغل ب 1000 جنية وبعد 3 سنين تلاقى بقى مرتبك 1200 يا حلاوة بجد

انا بشجع كل واحد يشتغل هنا حتى لو بداية مرتب يقضى احتياجتة الشخصية وبعد سنة ربنا هيديك والله

وموضوع الشيرنج انت فعلا ممكن تسكن مع ناس فى شقة وبيبقى ارخص وحاليا اسعار الشقق بقيت فى النازل يعنى انت ممكن تاخد ستوديو فى الشارقة ب 15000 سنويا يعنى فى الشهر تقريبا 1250 يعنى لو انت وواحد صاحيك يبقى كل واحد بيدفع 700 درهم تقريبا يبقى اية المانع من كدة

احسبها يا اخى العزيز لو انت شغال وعندك شغلك فى مصر وبتقبض كويس يبقى الرواتب هنا اقل من 5000 مش كويسة علشانك لكن لو زى حالتنا مفيش شغل عندك فى مصر وما صدقت جيت هنا وانك مستعد تصبر سنة ولا اتنين باى راتب يكفى احتياجتك بعد كدة تدور تانى وتحصل شغل براتب يعوضك عن السنين دى يبقى توكل على الله واستخير ربنا واقبل الرواتب 3000 او 4000 وصدقنى بصبرك ربنا هيعوضك خير على الاقل لو نزلت مصر هتلاقى نفسك بتقعد فى شهور ورا شهور بدون اى دخل بيدخلك وبدون اى خبرة

يبقى ايهما احسن اشتغل هنا حتى لو مش هحوش ولا درهم لكن بتزيد من خبرتك ولا تنزل مصر ساعتها ولا بتاخد خبرة ولا بتاخد فلوس

وربنا يبارك لكل الناس ان شاء الله وسامحونى لو كلامى مش هيعجب بعض الناس لكن فى الاول وفى الاخر احترام الرأى والرأى الاخر واجب وانا بس بعرض فكرتى الشخصية مش اكتر

بالتوفيق

[sokra]

هاي يا شباب .... عايزه اعرف المصاريف هناك من غير السكن ....يعني اكل و شرب و موصلات للفرد الواحد تعمل كام ؟

شكرا جزيلا

[amr fahmy]

ياجماعة بعد اذنكم انا عاوز أسال عن متوسط راتب لرئيس قسم تكاليف علما بأنى خبرة 7 سنوات و احمل شهدة CMA ,

و اجيد العمل فى على انظمة ERP و منها الاوراكل

علما بانى ساستقدم زوجتى و عندى طفلة فى الحضانة , ماهو الراتب المعقول الان الذى يكفى العمل فى دبى و مصاريف السكن و الاقامة , ارجو الافادة جزاكم الله خيرا

[amr fahmy]

ارجو سرعة الافادة من الاخوة الكرام و لكم جزيل الشكر

[أبو العز]

الاستاذ عمر فهمي

الرواتب تختلف من مكان لاخر واذا كان العمل في الحكومة او قطاع خاص

عموما لاتقبل براتب اقل من خمسة عشر الف + سكن + تامين طبي لك ولاسرتك + تذاكر طيران

وبالتوفيق ان شاء الله

[عبيد الله]

ارجو سرعة الافادة من الاخوة الكرام و لكم جزيل الشكر

أخي الحبيب/ عمرو

قرأت استفسارك وعرضته على صديق لي مصري كان مسؤولاً سابقاً في ديوان المحاسبة في أبوظبي، والآن يعمل في مؤسسة عالمية مرموقة.. وقال الآتي:

بناءً على شهادتك وسنوات خبرتك فإن راتبك سيتراوح بين 20 ألف إلى 30 ألف درهم شامل ( أي يشمل الراتب الأساسي وجميع البدلات). وقال: يتوقف هذا على المهارات الإضافية مثل إجادة الإنجليزية بلكنة صافية، وغيرها من متطلبات الشركات الخاصة في الإمارات...الخ. وقال الوضع الآن صعب في دبي والرواتب مخفضة. أما إذا كان العرض حكومي، فهذا أمر آخر لأن رواتب الحكومة محددة سلفاً للجميع.

بالتوفيق أخي

[amr fahmy]

جزاكم الله خيرا و شكرا على الافادة و اود ان استفسر من الجميع هل منطقة جبل على بديى تبعد عن منطقة دبى كثيرا و هل قانون العمل فى المنطقة الحرة بجبل على يختلف عن قانون العمل السارى فى جميع انحاء الامارات و ماهى اهم الاختلافات ؟

[Mr MAGED]

جزاكم الله خيرا و شكرا على الافادة و اود ان استفسر من الجميع هل منطقة جبل على بديى تبعد عن منطقة دبى كثيرا و هل قانون العمل فى المنطقة الحرة بجبل على يختلف عن قانون العمل السارى فى جميع انحاء الامارات و ماهى اهم الاختلافات ؟

الأخ الفاضل عمرو

جبل علي هي حي أو منطقة من مناطق دبي ، تعتبر أول منطقة بدبي وانت قادم من أبو ظبي ، لا يوجد فرق تقريبا بالنسبة لك كموظف في الشركة ان كانت الشركة منطقة حرة، أو شركة تم تسجيلها بدبي نفسها، الفرق يكون بالنسبة لمالك الشركة، حيث تتيج القوانين أن أي مستثمر يمكنه أن ينشأ شركة بنظام المنطقة الحرة ويتملك 100% من أسهمها دون الحاجة لشريك أو وكيل محلي، ولكنه في هذه الحالة لا يمكنه مزاولة أي نشاط تجاري داخل الامارات، بمعني ان كانت شركتك تقوم باستيراد نوع معين من المنتجات وتقوم ببيعها مرة ثانية، أو أي نوع أخر من انواع الخدمات، فهي لا تستطيع البيع أو تقديم الخدمات لأي عميل داخل الامارت الا من خلال وكيل محلي، وهذا ليس شيء يصعب توفيره، ولكنها يمكنها أن تبيع لأي عميل أخر في أي مكان بالعالم، فشركات المنطقة الحرة تعتبر مراكز أعمال.

الرق الوحيد كما قلت أن شركات المنطقة الحرة يتملكها المستثمر الاجنبي بنسبة 100%، أما الشركات الداخلية فلابد من تواجد شريك محلي بنسبة 51% وهؤلاء متوفرون أيضا برسوم معقولة، وبنظم أمنة بعكس ما يحدث مثلا بالسعودية، فهنا في الامارات يمكنك تسجيل شركة داخلية مع شريك محلي وتقوم بكتابة عقد بينك وبينه بتوكيلك في جميع امور الشركة و بتنازله عن كل حقوقه ويتم تسجيل هذا العقد في المحكمة .

أرجو أن أكون أفدتك .. تمنياتي لك بالتوفيق

[amr fahmy]

شكرا لك أخى العزيز على الافادة و جزاكم الله خيرا

[الرويناء]

السلام عليكم اعتقد فيه فروق ايضا فى قانون العمل يعنى مثلا الشخص الذى يعمل فى اى شركه لايستطيع فى اغلب الاحيان ان ينتقل عند للعمل عند عميل ا او شركه منافسه الذى يسمى بقانون الممانعه ولكن هذا القانون لا يطبق على المناطق الحره وربما يكون هناك اختلافات اخرى

جزاكم الله خيرا و شكرا على الافادة و اود ان استفسر من الجميع هل منطقة جبل على بديى تبعد عن منطقة دبى كثيرا و هل قانون العمل فى المنطقة الحرة بجبل على يختلف عن قانون العمل السارى فى جميع انحاء الامارات و ماهى اهم الاختلافات ؟

الأخ الفاضل عمرو

جبل علي هي حي أو منطقة من مناطق دبي ، تعتبر أول منطقة بدبي وانت قادم من أبو ظبي ، لا يوجد فرق تقريبا بالنسبة لك كموظف في الشركة ان كانت الشركة منطقة حرة، أو شركة تم تسجيلها بدبي نفسها، الفرق يكون بالنسبة لمالك الشركة، حيث تتيج القوانين أن أي مستثمر يمكنه أن ينشأ شركة بنظام المنطقة الحرة ويتملك 100% من أسهمها دون الحاجة لشريك أو وكيل محلي، ولكنه في هذه الحالة لا يمكنه مزاولة أي نشاط تجاري داخل الامارات، بمعني ان كانت شركتك تقوم باستيراد نوع معين من المنتجات وتقوم ببيعها مرة ثانية، أو أي نوع أخر من انواع الخدمات، فهي لا تستطيع البيع أو تقديم الخدمات لأي عميل داخل الامارت الا من خلال وكيل محلي، وهذا ليس شيء يصعب توفيره، ولكنها يمكنها أن تبيع لأي عميل أخر في أي مكان بالعالم، فشركات المنطقة الحرة تعتبر مراكز أعمال.

الرق الوحيد كما قلت أن شركات المنطقة الحرة يتملكها المستثمر الاجنبي بنسبة 100%، أما الشركات الداخلية فلابد من تواجد شريك محلي بنسبة 51% وهؤلاء متوفرون أيضا برسوم معقولة، وبنظم أمنة بعكس ما يحدث مثلا بالسعودية، فهنا في الامارات يمكنك تسجيل شركة داخلية مع شريك محلي وتقوم بكتابة عقد بينك وبينه بتوكيلك في جميع امور الشركة و بتنازله عن كل حقوقه ويتم تسجيل هذا العقد في المحكمة .

أرجو أن أكون أفدتك .. تمنياتي لك بالتوفيق

[Mr MAGED]

السلام عليكم اعتقد فيه فروق ايضا فى قانون العمل يعنى مثلا الشخص الذى يعمل فى اى شركه لايستطيع فى اغلب الاحيان ان ينتقل عند للعمل عند عميل ا او شركه منافسه الذى يسمى بقانون الممانعه ولكن هذا القانون لا يطبق على المناطق الحره وربما يكون هناك اختلافات اخرى

[quote

بند الممانعة ده تقريبا بيكون ثابت في كل العقود .. بس فعلا مش بيكون موجود في عقود المنطقة الحرة .. بس لا يتم تطبيقه بصورة كاملة .. وكمان البند ده موجود في التعاقدات مع الشركات السعودية

بس هو منطقي يعني انا لما اسيب شركة واروح اشتغل في شركة تانية .. أكيد هاشتغل في نفس المجال .. مش هاغير الكاريير بتاعي مع كل شركة أتنقل ليها

[amr fahmy]

ياشباب , كنت عاوز اسال على اسعار الايجارات حاليا للمناطق القريبة من جبل على او فى جبل على نفسه رغم علمى بان جبل على نفسه الايجارات فيه مرتفعة و ذلك لشقة بها غرفتين نوم , و ايضا ماهى اسعار المدارس القريبة من هذه المنطقة و اقصد المدارس الاجنبية ذات المستوى الجيد ليس الراقى جدا و لكن المستوى العالى , و كمان ماهى تكلفة الحياة من اكل و شرب و مستلزمات حياة اخرى كاتصالات و خلافه , و ايضا تكلفة الانتقالات حيث سيتعذر فى البداية شراء سيارة , ارجو منكم سرعة الافادة و جزاكم الله اخوانى خير الجزاء............

[amr fahmy]

ارجو من الاخوة الكرام سرعة الافادة ...جزاكم الله خيرا

[amr fahmy]

ايه ياشباب , لم يرد عليا احد , اخوكم طالب الافادة و النصيحة .........

[احمد محاسب جديد]

السلام عليكم ورحمته الله وبركاته ... اخوانى الكرام .. انا عضو جديد فى هذا المنتدى الرائع جعله الله فى موازين حسناتكم

كنت اريد الاستفسار من حضراتكم عند عقد عمل للامارات التأشيرة محاسب فى شركة سيارات

العقد ده كان جاى على اسم و احد تانى و السمسار قالى انه حصلت له ظروف و مش هيسافر و انه هيحولهولى على اسمى .

العقد مميزاته .. السكن و المواصلات على الشركة .. الراتب 3000 درهم .. فترة العمل 8 سعات .. تذكرة طيران ذهاب و عوده كل 3 سنوات ..

شهر اجازة سنويا مدفوع الراتب .. السمسار هيأخذ مبلغ 11000 جنية قيمة العقد مع العلم انى محاسب حديث التخرج دفعة 2010 .

فأن عاوزكم تفيدونى .. ايه رائيكم فى هذا العقد .. مع العلم انى رائيت صورة من العقد بس كانت ورقة عادية خالص كده و مكتوب فيها

شوية كلام عن مميزات العقد السابقه و عليها ختم واحد بس .. وانا عاوز اعرف ازاى اتأكد من صحة العقد ده و ازاى اتأكد ان الكلام الى مكتوب فى العقد ده مش ممكن حد يتلاعب به لما اسافر .. يعنى ازاى اضمن انى ميكونش هيتنصب عليا .. انتظر ردكم وشكرا جزيلا

[Mr MAGED]

ياشباب , كنت عاوز اسال على اسعار الايجارات حاليا للمناطق القريبة من جبل على او فى جبل على نفسه رغم علمى بان جبل على نفسه الايجارات فيه مرتفعة و ذلك لشقة بها غرفتين نوم , و ايضا ماهى اسعار المدارس القريبة من هذه المنطقة و اقصد المدارس الاجنبية ذات المستوى الجيد ليس الراقى جدا و لكن المستوى العالى , و كمان ماهى تكلفة الحياة من اكل و شرب و مستلزمات حياة اخرى كاتصالات و خلافه , و ايضا تكلفة الانتقالات حيث سيتعذر فى البداية شراء سيارة , ارجو منكم سرعة الافادة و جزاكم الله اخوانى خير الجزاء............

أخي الفاضل

بالنسبة للسكن القريب من جبل علي .. ديسكفري جاردن تعتبر اكتر مكان مناسب .. ودي تعتبر من افضل الاماكن اللي السكن فيها رخيص نسبيا مع جودة السكن .. الاستوديو بيبدأ تقريبا من 25 الف سنويا ... بالنسبة للمدارس الانترناشيونال تقريبا 20 الف سنويا .. طبعا بتختلف حسب الجراد والمدرسة ... الانتقالات في دبي مرتفعة شوية .. طبعا مش هيكون فيه مترو .. والتاكسي بيمشي بالعداد والحد الادني لاي مشوار حتي لو قريب هو 10 درهم ... العداد دايما بيفتح ب 3 درهم ويبدأ يعد نص درهم كل كم .... تكلفة الحياة دي ترجعلك انت وبتحتلف من شخص لشخص وعازب ولا عيلة .. وبتخرج تتفسح ولا لا .... فدي مسألة متغيرة انا ماقدرش اقولك عليها .. بس طبعا الاسعار هنا مختلفة واغلي كتير عن مصر

فيه مواقع بتعرض السكن المعروض للايجار والسيارات المستعملة .. ممكن تعمل سيرش علي جوجل وتاخد فكرة من خلالها

تمنياتي لك بالتوفيق

[amr fahmy]

شكرا لك أخى العزيز على ردك و اهتمامك , بس عاوز اعرف فى المتوسط يعنى مصاريف الاكل و الشرب لاسرة من اب وام و طفلين , تبقى فى حدود كام , يعنى اسعار المواد الغذائية هل هى زى مصر و لا ايه بالضبط و ماهى تكلفة فرش شقة فى المتوسط برده من حجرتين نوم و ماهى اجراءات استخراج رخصة القيادة و هلى هى صعبة جدا كما اسمع و ماهى مصاريف استخراجها ...اسف على الاطالة و جزاكم الله خيرا

[احمد ماستر]

سلام عليكم ورحمه الله وبركاته

كنت عاوز استفسر عن الفيزا بالنسبه للامارات (فيزا عمل)

مهندس من الشركه عمل الانترفيو على الفون والحمد لله اتقبلت وقالى ان الورق

تم الموافقه من العمل والعمال واخد الموافقه الامنيه بس حاليا المشكله فى الجوازات

الورق بقالو تقريبا 10 ايام وكلمنى امبارح وقالى عاوز حد يكون مرجع ليك فى مصر

ياريت يا(اخوة & اخوات ) الاقى افاده :egyflag:

شكرا :)

[احمد ماستر]

ايه يا شباب مفيش اى حد عندة اخبار عن ابوظبى

وهل فيزا العمل متاحه الان للمصرين فيها

ام مازات متوقفه