ماتش الزمالك مع القادسية فى الكويت 20ديسمبر مهم جدا للمشاركة

[zamalkawi fe el kuwait]

السلام عليكم ورحمة اللة وبركاتة

اخوكم احمد عرب

انا اللى عملت الموضوع الاولانى وفضلت متابعة لمدة يومين وفجاءة النهاردة لقيت الموضوع اتنقل ماعرفش من اللى نقلة ولا راح فين المهم انا لقيت موضوع تانى معمول بخصوص انة اتنقل علشان فية ناس اتكلمت مع بعض بطريقة مش مضبوطة او غير رياضية....المهم يا جماعة انا رسالتى الاولى كانت عشان احنا كمصريين فى الكويت عاوذ الناس كلها تشارك الزمالك لان دة مهمة رياضية تحمل اسم مصر فى الاول والاخر.لكن كون ان واحد يخش يكتب تعليق سخيف او غير رياضى فدة طبعا ما يصحش نعمل كدة لان الهدف فى الاخر من الموضوع ان المصرى يروح الماتش سواء كان زمالكاوى او اهلاوى او اى فرقة بيشحعها من مصر .

ارجوكم ياجماعة لو سمحتم اللى عاوذ يشاركنا ان احنا نتفق و نتقابل يوم الماتش يتفضل مشكورا بالمشاركة

ولو فى اى حد عندة موقف مخالف فى الموضوع دة ياريت يحتفظ بة لنفسة.

انا لتانى مرة بنادى فقط للناس اللى عاوذة تروح الماتش وتبقى فرصة للتعارف مع بعض ومش مهم ان الزمالك يفوزأو يتغلب انت فى الاخر روحت شجعت اسم بلدك اللى خرها مغرق الوطن العربى كلة,فياريت ماحدش ينقل الموضوع من الادارة او يحذفة لمجرد واحد خرج عن الروح الرياضية من الأجدر ان اللى عمل تصرف غير لائق هوة اللى يتعملة bannd مش نحرم الناس كلها من انها تبدى برايها فى موضوع.

متشكر جدا لكم واحنا فى الاخر مصريين

رقم تليفونى 6279337 للاتفاق على ميعاد المقابلة يوم الماتش باذن اللة تعالى.

[النسر المصري]

السلام عليكم ورحمة اللة وبركاتة

اخوكم احمد عرب

ماعرفش من اللى نقلة ولا راح فين المهم انا لقيت موضوع تانى معمول بخصوص انة اتنقل علشان فية ناس اتكلمت مع بعض بطريقة مش مضبوطة او غير رياضية....المهم يا جماعة انا رسالتى الاولى كانت عشان احنا كمصريين فى الكويت عاوذ الناس كلها تشارك الزمالك لان دة مهمة رياضية تحمل اسم مصر فى الاول والاخر.لكن كون ان واحد يخش يكتب تعليق سخيف او غير رياضى فدة طبعا ما يصحش نعمل كدة لان الهدف فى الاخر من الموضوع ان المصرى يروح الماتش سواء كان زمالكاوى او اهلاوى او اى فرقة بيشحعها من مصر .

ارجوكم ياجماعة لو سمحتم اللى عاوذ يشاركنا ان احنا نتفق و نتقابل يوم الماتش يتفضل مشكورا بالمشاركة

ولو فى اى حد عندة موقف مخالف فى الموضوع دة ياريت يحتفظ بة لنفسة.

انا لتانى مرة بنادى فقط للناس اللى عاوذة تروح الماتش وتبقى فرصة للتعارف مع بعض ومش مهم ان الزمالك يفوزأو يتغلب انت فى الاخر روحت شجعت اسم بلدك اللى خرها مغرق الوطن العربى كلة,فياريت ماحدش ينقل الموضوع من الادارة او يحذفة لمجرد واحد خرج عن الروح الرياضية مش نحرم الناس كلها من انها تبدى برايها فى موضوع.

اللهم اشهد يارب العالمين ....الحمدلله على نعمة اليمان والعقل يارحمن يارحيم

سيدي وحبيبي الاستاذ الفاضل والخلوق أحمد عرب ...المصري أولا والزمالكاوي ثانيا... والمحترم جدا قبل كل شيء

انا معك قلبا وقالبا في كلامك العظيم الجميل هذا ...الذي يشير الى شخصية فاضلة محترمة تحافظ على المباديء والأخلاق

استعنت بالله...وباذن ستجدني يوم المباره...وسأكون معك ...مشجعا من كل قلبي.....لان هذا هو هدفي الرئيسي

واشكرك جزيل الشكر

وخايرا ...لقد شهد شاهد من أهلها

دمت لنا سالما مواطنا مصريا خالصا مسلما محبا للجميع يا استاذ احمد عرب

اشكرك من كل قلبي

[zamalkawi fe el kuwait]

لا شكر على واجب يا اخ نسر

واشكرك على المبالغة الجميلة دة انت كبرتنى اوى

وأشكرك لذوققك الرفيع دة

[Ahmad Farahat]

بصراحة............

يا ريت كل الناس زيك.......

أهو إنت اللي يتقلك أكثر الله من أمثالك..........

سيدي لقد كنا دولة أسلامية واحدة ثم دولا كبير متعدد أصغر ثم أقطار ثم مصر والسودان ثم مصر ثم أهلاوي وزملكاوي

نفسي نبقى على الأقل مصر.............

وأمثالك هيرجعوها مصر..........

شكرا ليك.........

وأنا مصري قبل ما اكون أهلاوي........

وحتى أهلاوي مش قادر انطقها جنب كلمة مصر......

البلد اللي تستاهل حاجه غير اللي هيه فيه..........

بجد مش لاقي كلام أقوله

ربنا يخليك..........

[zamalkawi fe el kuwait]

ربنا يخليك يا استاذ arsen loben

[بنت النيل]

هو الماتش فين بظبط يعنى هيلعبوا فى اى نادى بالكويت

[zamalkawi fe el kuwait]

اخت بنت النيل

الماتش يوم 20 ديسمبر

واخر ما توصلت لية هو ان الماتش فى استاد الكويت الرياضى .

[lonly in cold night]

الاخوة الاعزاء

تابعت الموضوعين المكتوبين من قبل و كل مره اجى اشمر رجل المنطلون علشان انزل اخوض فى الترعه قصدى فى الموضوع الاقى الادارة تقفله و ترش ميه وكل واحد يلعب قدام بيته

انا زملكاوييييييي لما كان فيه فيه كوره في مصر

و بصراحه كان بيتحرق دمى من اى اهلاوى يقول انه لو الزمالك بيلاعب اسرائيل حايشجعوا اسرائيل

و كنت باقول لو الاهلى حيلاعب السودان حاشجع الاهلى بواقع الانتماء

فاتحرق دمي لما لاقيت واحد بيتكلم باسمنا و يقول مش عاوزين اهلاوى ...... يا عم احنا فى عرض واحد يشجع الزمالك و يقول انه مصري

يعنى احنا نخلص من مطالبي الحركات الانفصاليه على اساس الدلتا و النوبه و الصعيد فى بعض المحافظات نلاقى اللى بيطالب بالانفصال على اساس التشجيع الكروى يا جماعهههههه ارحمونااااااااا

[النسر المصري]

ياسلاام عليك يالونلي باشا

والله انت ونعم المصري

اهو ده الكلام ياجماعه....اهو ده الحب ...اهو ده حقيقة المصري......وحنا بعون الله والمصريين اللي بيحبو مصر اكتر من دمهم هيرجعوها زي ماكانت واحسن من الأول

ولا عزاء في اللي بيقول ده كان زمان...ولا عزاء في اللي كان بيشتم.....

وهي كبمة اتعلمتها وانا صغير...

مصر أولاً......وقبل كل شيء

[zamalkawi fe el kuwait]

يا جماعة اللى عاوذ يشارك مع الرابطة فى لينك اهو

http://www.zamalek.tv/forum/showthread.php...d=1#post1407997

والتنى اهوة:

http://www.zamalek.tv/forum/showthread.php...993#post1407993

علشان تعرفوا المصريين ازاى يد واحدة فى كل مكان

بس اعتقد علشان تشارك لازم تعمل تسجيل عشان تكون عضو

الناس كتيرة جدا وان شاء اللة هيكون يوم حلو زى يوم ماتش مصر مع الكويت اللى كسبناهم فية السنة اللى فاتت

لمعرفة كافة التفاصيل 6279337

[أبو محمد]

و بصراحه كان بيتحرق دمى من اى اهلاوى يقول انه لو الزمالك بيلاعب اسرائيل حايشجعوا اسرائيل

أى واحد يقول الكلام اللى بالأحمر ده يبقى عنده مشكلة كبيرة فى تنشئته وتربيته .. تقصير كبير من أهله ومن المدارس اللى اتعلم فيها .. أنا بصراحة مش مصدق إن كلام زى ده ممكن يتقال .. ولو إتقال قدامى فلن يكون الرد عليه بأقل من صفعة على الفم لتخرسه :lol:

و كنت باقول لو الاهلى حيلاعب السودان حاشجع الاهلى بواقع الانتماء

فاتحرق دمي لما لاقيت واحد بيتكلم باسمنا و يقول مش عاوزين اهلاوى ...... يا عم احنا فى عرض واحد يشجع الزمالك و يقول انه مصري

يعنى احنا نخلص من مطالبي الحركات الانفصاليه على اساس الدلتا و النوبه و الصعيد فى بعض المحافظات نلاقى اللى بيطالب بالانفصال على اساس التشجيع الكروى يا جماعهههههه ارحمونااااااااا

ده كلام واحد متربى .. مولود لأب وأم مصريين :sad:

ربنا يكتر من أمثالك .. ويقلل أو يعدم من ينطقون بكلام خلاف ما تفضلت به :blink: ..

فى الحقيقة لا أدرى كيف أصدق هؤلاء الناس عندما يتكلمون فى غير الكرة معبرين عن غيرتهم وحرصهم على مصر .. :lol:

[zamalkawi fe el kuwait]

ابو محمد هتيجى الماتش؟

الرابطة هنا فى الكويت هتعمل احلى شغل وعاوذ اقولقوا ان الاهلوية جايين ان شاء اللة وهنشرف اسم مصر

[أبو محمد]

ابو محمد هتيجى الماتش؟

الرابطة هنا فى الكويت هتعمل احلى شغل وعاوذ اقولقوا ان الاهلوية جايين ان شاء اللة وهنشرف اسم مصر

ياريت يازملكاوى .. أنا سايب الكويت من سنة 2000

والله لو كنت مازلت فى الكويت كنت حضرته مع كل المصريين ..

أنا فاكر سنة 83 عندما جاء النادى الأهلى للعب مباراة ودية مع نادى القادسية .. وكان أول فريق مصرى يلعب فى الكويت بعد فترة مقاطعة (بعد توقيع معاهدة السلام) .. وأذكر خناقة علا صوتها فى مكتب مجاور لمكتبى .. فخرجت لأستطلع سبب الخناقة .. لقد كان سبب الخناقة أن زميل (من جنسية غير خليجية .. ولا داعى لذكرها) قال لزميل مصرى إن الشيخ فهد الأحمد دافع للأهلى عشان القادسية تكسب ومكسب كبير كمان وبكره نشوف .. واهو كله بالمصارى ... فما كان من الزميل المصرى إلا الرد بكلام أخف ما فيه كان : "كفاية إنكم بتقولوا على الفلوس مصارى .. لإنكم ماكنتوش تعرفوا فلوس إلا اللى بتجيلكم من مصر" ..

وفى يوم المباراة ذهب جميع المصريين فى الشركة كمجموعة واحدة لتشجيع الأهلى .. ويومها فقط علمت أن زميلى الذى تشاجر فى اليوم السابق كان زملكاويا ...

وانصهر الكل فى تشجيع فريق مصرى يلعب على أرض الكويت .. وأقسم لك أن عدد الجالية المصرية الذين كانوا فى الملعب كان ضعف الكويتيين ... ويومها فاز الأهلى 3/1 ليخرس لسان من أهان المصريين بادعاء أن الأهلى جاء لينهزم من القادسية فى مقابل ما يدفعه الشيخ فهد الأحمد (رحمه الله)

على العموم سأترك منزلى يوم مباراة الزمالك لأشاهدها فى أى مقهى لأستعيد شعور الانتماء الذى كاد أن ينقرض بين بعض الشباب :lol:

[drhouba]

أعتقد يا شباب إن المباراه يوم 18 مش 20 أنا قريت كده فى جدول المباريات أنا قلت أقول لكم أحسن تروحوا يوم 20 و الدنيا برد و حيكون النور مطفى أهو قلت آخد ثواب :angry2:

[zamalkawi fe el kuwait]

احب اقول لحضرتك الماتش يوم 20 مش 18 فى استاد الكويت الرياضى واحتمال يكون فى استاد الصادقة والسلام.......وشكرا لمشاركتك الظريفة!!!!

احب اقول لحضرتك الماتش يوم 20 مش 18 فى استاد الكويت الرياضى واحتمال يكون فى استاد الصادقة والسلام.......وشكرا لمشاركتك الظريفة!!!!

[zamalkawi fe el kuwait]

قول يا رب وان شاء اللة ربنا يقدرنا على كل شىء.

المطلوب من كل المصريين اللى هنا يدوا رقم تليفونى فى اى برنامج محادثة فية مصريين فى الكويت علشان ينضموا لينا باذن اللة 6279337رابطة محبى الزمالك فى الكويت

أمانة عليكم يا ناس لو سمحتم كل دة علشان نادينا الحبيب الاوحد

[zamalkawi fe el kuwait]

فى مفاجات كتيرة هتكون فى الاستاد وكل مصر رايحة والرابطة هنا عاملة احلى شغل هيبقى يوم رياضى والقادسية فريق ضعيف

[zamalkawi fe el kuwait]

اخر التفاصيل الزمالك جى النهاردة الساعة 12.30 ظهرا على مصر للطيران

وهينزل فى فندق الجى دبليو ماريوت

التدريب فى القادسية النهاردة الساعة 5.30

الماتش هيكون فى استاد الكويت 5.30 الاربعاء اى حد عاوذ يعرف اى حاجة واخر التطورات لحضور الماتش يتفضل مشكورا بالاتصال بالاخ احمد عرب مع تحياتى لكم جميعا واتمنى الاهبى يفوز النهاردة

الاهلى لانة بيلعب باسم مصر وصباح جميل مشرق عليكم بس انا شايف انة صباح متكتك ومتلج النهاردة:unsure:

[drhouba]

ما هى الترتيبات التى تمت بالنسبه للرابطه لحضور المباراه هل هناك جديد أم مجرد الذهاب للتشجيع ؟

[النسر المصري]

ما هى الترتيبات التى تمت بالنسبه للرابطه لحضور المباراه هل هناك جديد أم مجرد الذهاب للتشجيع ؟

وهل مجرد الذهاب للتشجيع لايكفي يادكتور هوبا!!! أليس هو فريق مصري يلعب باسم مصررر!!! وخصوصا انك زمالكاوي!!!

اما شيء غريب وعحيب!!