تغيير مهنه

[wahed masry]

هل ينفع لتغيير المهنه في الباسبور في السعوديه برساله من الشركه إلي من يهمه الأمر بإن فلان الفلاني يعمل لديها بمهنه كذا والشهاده عباره عن شهاده تعريف ومختومه من الشركه وموثقه من الغرفه التجاريه ...... ولو فيه توقيع تاني فإيه هو ياريت توضحولي ولكم جزيل الشكر

[MZohairy]

تقدر توضح اكتر

المهنه القديمه و الجديده؟

و ايه اثباتاتك للحصول على مسمى المهنه الجديده؟

[wahed masry]

أولا أشكرك علي إهتمامك

حاوضحلك ... المهنه في الباسبور بدون عمل .. ومهنتي هنا اللي عايزين يطلعولي الفيزا عليها مدير شركه .. وحابب قبل ماأستلم فيزه الإقامه وأنزل بيها أغير المهنه أو آخذ رساله من الشركه بمهنتي الجديده وأغيرها في مصر فهل ينفع رساله تعريف من الشركه معتمده من الغرفه التجاريه بمهنتي فيها وهل بهذا الختم أقدر أغير المهنه في القنصليه والا لازم أغيرها من مصر ... طيب لو نزلت مصر هل ينفع أعتمد ختم الغرفه التجاريه بختم الخارجيه السعوديه اللي بدورها تقبل اعتمادها السفاره المصريه وتغيرلي المهنه .... بص انا عارف اني حيرتك ... أسهلهالك .. أعمل إيه عشان أغير المهنه في الباسبور بمهنتي الجديده اللي هي مدير شركه ..........

[MZohairy]

انا كنت فاكر الموضوع له علاقه بالإجراءات السعوديه

و كده اعتقد ان اخوانا في مصر يقدروا يفيدوك اكتر مني

تمنياتي لك بالتوفيق

[أسد]

إذا كنت في السعودية .. وتريد تغيير المهنة في جواز السفر ..

فيكفي خطاب من جهة عملك أو الجهة الراغب في التعاقد معها موجه إلى السفارة المصرية فيها طلب تغييرالمهنة ..

وتصدق الخطاب من الغرفة التجارية ..

وتذهب إلى السفارة .. تسدد رسوم التسجيل وتغير المهنة في جواز السفر بمنتهى السهولة .. وكل ما تحب تجدد الجواز بعد كده سيكون بالمهنة الجديدة ..

الموضوع في منتهى السهولة ..

أما لو كنت في مصر وتريد تغيير المهنة في جواز السفر .. فهذا يحتاج إلى تغيير المهنة في البطاقة أولاً .. والذي يحتاج إلى جهة عمل في مصر وبطاقة تأمينات إجتماعية بالمهنة ...

[wahed masry]

عزيزي أسد

الأول أشكرك ولكن أنا هنا مش إقامه أنا زياره وباقعد أجدد فيها لمده أربع شهور وبعدين أنزل مصر بفيزه زياره تانيه أخدها من السفاره السعوديه وآجي تاني لحد مانحل مشاكل الشركه في اداره العمل وهي قربت تنحل ونبتدي في إجراءات فيز الإقامه ... طيب أعمل ايه دلوقتي هل ممكن وانا فيزه زياره وموجود داخل المملكه برساله من الشركه معتمده من الغرفه التجاريه بالمسمي الوظيفي الجديد أروح السفاره وأغير المهنه والا لازم وجودي في المملكه بإقامه .... معلش انا عارف اني باتاقل عليكم لكن أعذروني فماليش بعد الله هنا الا انتم ياولاد بلدي

[MZohairy]

اسلم طريق يا واحد مصري انك تكلم السفاره المصريه في الرياض

الرقم اهو

014831275

بالتوفيق

[أسد]

محدش حيرد عليك هناك علىالرقم ده

حاول على الرقم 70027412

وعلىكل حال ..

خد خطاب من الشركة .. والجواز .. وحاول في السفارة شخصياً ..

لو رفضوا .. روح قابل القنصل محمود عوف .. ممكن يستقبلك من الساعة 11 - 12

هو راجل كويس ..إشرح له ظروفك حيتفهم وأعتقد إنها حتنفع إن شاء الله

طمنا بعد ما تعملها

تحياتي

[wahed masry]

عزيزي أسد والاخ العزيز mzohairy

اتصلت ورد علي محترم منا القنصليه اسمه محمد وجاوبني وأفادني ولكم وله جزيل الشكر

وبجد انتم نعم ونعم انتم ( معلش مش قادر أشكلها )