الأخ الفاضل رمضان لا ترحل

[أبو حميد]

رمضان كتب اليوم:

السلام عليكم ورحمة الله وبركاته

سوف اقوم من اليوم بتعليق مشاركتي في المنتدى وذلك بسبب حذف بعض التعليقات لي من قبل الادارة من جهة ومهاجمة بعض الاعضاء لفكري من جهة اخرى لقد تقبلت اراء الاخرين في كل موضوعاتي ومشاركاتي وللاسف بعضهم اعترض على فكري ودون مبرر

شاكر لكم

العزيز رمضان ما هكذا تورد الأبل يا أخي. الإدارة زي ما بتقول حذفت تعليقاتك وماله ده حقهم وأنت من حقك تبعت للإدارة تسألهم ليه المواضيع أو التعلقات بتاعتك أتحذفت وهما مشكورين هايردوا طبعا عليك ولو عندك أعتراض برضه ترد عليهم لحد كل طرف ما يوضح وجهة نظره وفي الأخر الكل يبقوا حبايب وتكمل مشاركاتك عادي جدا ومن غير ما حد يزعل من حد. وبعدين هما مين الإدارة دول غير أخوه أفاضل متطوعين بيسيطروا على المنتدى علشان المنتدى يحافظ على مستواه.

ولو هما من وجهة نظرك كانوا حساسين شوية زيادة وبيتدخلوا وبيحذفوا مشاركات أو بيقفلوا بسرعة على بعض المواضيع بدون سبب مقنع ليك فهم عندهم أسبابهم وحط نفسك مكانهم وهما معاهم أكتر من 10,000 مشترك محتاجين الواحد يكون صاحي 48 ساعة في ال24 ساعة.

وأحنا أساسا موجودين هنا في المنتدى ليه؟ مفيش اي مكسب غير أننا نشارك بعض في أفكارنا يعني أنت لما تعلق مشاركتك بتعاقبنا وبتعاقب نفسك بقرار التعليق ومنعت نفسك من التعبير عما بداخلك.

أحنا باين علينا أتحسدنا ولا أيه بعد ما تقابلنا؟ ودي أخرة نشر الصور على النت قلتلك بلاش. رجاء يا رمضان ترجع تكتب تاني علشان حبايبك الكتار بالموقع وتعمل زي نانو ما قالتلك "كشكشها وما تعرضهاش"

تم تعديل العنوان ليعبر عن الموضوع

الإدارة

[النسر المصري]

تمشي فين ياعم...... :blush:

مين اللي يمشي.... :)

اومال يارمضان انت رئيسنا السياسي ازاي يعني.....يعجبك يعني تيبنا بدون سياسة :)

وانا أقول ياربي ليه الدنيا بره مظاهرات وزحمة ومعلقين يفط كبيره وماليين الشارع....وعمالين ينادو...(رمضان يارمضاااان... انا بحبك كمان وكمااان) ...وفي رواية أخرى ( يامحاورات المصرييين...منغير رمضان محناش عايشييين)

انا الاول افتكرت ان الناس دي مساطيل وفاكره ان شهر رمضان المبارك قرب ولا حاجة

اتريهم بيتكاموا عليك ياريس!!!

حتى شوف الصوره اللي واخده لسه حالا ازاي ....ده المظاهرات شغاله من الصبح

ارجع يازعيم ..... حبك في دمنا بيجري.....واسمك في قلبنا يسري :)

تم تعديل 5 ديسمبر 2006 بواسطة النسر المصري

[نانو]

بيتهئلي احمد قالك كل اللي ممكن يتقال بجد تسلم يا احمد

و بعدين كتير مننا مر بمواقف غريبه في بدايه كتابته...اسالني انا :blush:

لكن اكيد بتعرف ازاي تعبر عن نفسك صح مع الوقت ...

و بعدين زي ما احمد قالك كشكشها ما تعرضهاش...بس يا احمد ديه كلمه بنت النيل... :)

عوووووووووود

[صبح]

الأخ الفاضل رمضان

أنا بالنيابة عن نفسي وعن الإدارة أتمنى بقائك معنا

يمكنك مراسلتي على الخاص لمعرفة أوجه إعتراضك

وتأكد أنها ستكون محل إهتمام وستجد ما يسرك إن شاء الله

[inas]

اخي المحاور رمضان رغم اني ملياش هنا كتير بس اتعرفت على فكرك من خلال قرائتي في صفحات المنتدى وتلاقيت معاك في مناقشه بس احترمت رايك ومزعلتش منك لو كل واحد انتقد ساب البيت ومشي يبقى البيت هيفضى اقصد النتدى

وهو واضح ان حد حسدكم :blush:

متشمتش فينا الاعداء :)

[lonly in cold night]

يا رمضان

بقى انت داخل تفرج عن نفسك شويه ولا تاخد المواضيع بحساسيه؟

يا عم ما تاخدش كل حاجه على صدرك كده

و بعدين صحيح هما مين الإدارة دول غير أخوه أفاضل متطوعين بيسيطروا على المنتدى علشان المنتدى يحافظ على مستواه.

[عبده بيه]

الاخ رمضان من عضو جديد في المنتدي

لسه انا بشكر في النخبة الجميلة دي وفجئت بموضوعك

الاخ رمضان واضح ان ليك جماهير وان كانوا غير متفقين او متفقين معك في الرايء لكن انا بسالك انت هتروح فين الناس هنا بتحبك ولازم نكمل المشوار ومع تحياتي

الاخ السابقني وكتب قبلي حاطط صورة اماميييييييير امارات ربنا يخليهم لك ويرجع لنا رمضان

[otaka]

لا عيد بلا رمضان

مع انك اهلاوى :blush:

ارجع تعالى على راى محمد رشدى

[darker19]

يا رمضان, شاورملي بس على زعلك و أنا هاعرفه أخرة الي يزعل رمضان....

يا رمضان, أنا مريت بنفس الظروف دي قبل كده و معظم الي في المنتدى مروا بنفس الظروف دي, وأنا واحد من الناس الي كنت أختفي بالسنة وزيادة ماكتبش, ولسة حاصل معايا موقف من المواقف المستفزة دي من حوالي اسبوعين تلات بالكتير, وكنت ناوي أعمل زيك كده تاني, بس لقيت ان العملية مش مستاهلة, أنا قلت الي في نفسي, سواء حد اعترض ولا لأ, أنا برضة استريحت وطلعت الي جوايا.

بالرغم من اني مريت بالمواقف دي وسبت المنتدى أكتر من مره ولفترات طويلة, بس صدقني ندمان جدا اني عملت كده, مافيش أحلى أو أجمل من لحظات حب وصدق وصراحة من الي بنعيشهم في المنتدى ده, ومفيش أجمل من الوقت الي قضيته في صحبة الناس الي قابلتهم في ليالي الحلمية يوم الخميس الي فات, بجد المنتدى ده بأهلة وناسة الحلوين بينسوني همومي, كل ماكون متضايق بدخل هنا بلاقي الأخ و الأخت و الأب و الأم, الي مش عايزين غير مصلحتي, وحسيت الكلام ده أوي لما كان عندي مشكله ولقيت الكل بينصحني, ولما في مره قريت موضوع لواحده من الأعضاء بتعتذر انها مش هاتقدر تشترك عشان الإمتحانات ولقيت الكل بيدعيلها بالتوفيق.

مهما عملت ولفيت ودورت مش هتلاقي ناس تحبك وتتمنالك كل خير زي أعضاء المنتدى هنا.

يلا خلينا نشوف مشاركاتك في المنتدى عشان نغينلك رمضان جانا....

[بنت النيل]

ايه ده ايه الكلام اللى انا بسمعه ده ؟؟؟؟؟؟؟؟؟

معقووووووووووووووووول رمضاااااااااااان يمشى ويسبنا لاء لاء مش معقول ولا افتكر ان احنا نهون عليه

ولا حتى نقدر نستغنى عن اننا نشوف مدخلاته وكلامه ،، شوف يا رمضان احمد اتفضل شاكرا وقالك كل المفيد

لكن انك تقول تمشى وتسبنا لاء ده اللى مش معقول احنا كسبناك صديق عزيز علينا اولا فى المحاورات وثانيا خارج المحاورات

ومش انت بس اللى بتحصل معاه الحاجات دى احنا ياما بيقابلنا كتييييييييييييير

يا ريال استهدى بالله كدا وصلى على النبى لما دقت على الراس

ودايما يعنى هفضل اقولك كشكشها ماتعرضهاش لغايه ما احمد اقتبسها منى

خليت الكل يقولها اعمل فيك ايه يعنى :blush:

ايه ياجماعة احنا بدء يأثر فينا الحسد ولا ايه اوعوا تشمتو فينا حد

و احنا عارفين ان رمضان مش هيقدر يستغنى عننا :)

اوع تكسفنى بقى قدام الناس :) :)

[رمضان]

الاخوة والاخوات أعضاء المنتدى الافاضل

اتقدم اليكم بخالص الشكر والعرفان وأخص الاخوة بالكويت على ما أبديتموه من مواقف جليلة لها مكانتها الخاصة في قلبي غمرت نفسي بالسعادة لانني شعرت أننا أسرة واحدة لا يجب ان تتفكك أو تتفرق فأنتم جميعا خير رفيق على الطريق .

الاخوة والاخوات

لقد قرأت كلامكم وتفهمته جيدا وفكرت مليا في موضوع التعليق ووجدت بعد نصائحكم لي انه ليس من الموضوعية ان أعلق عضويتي ومشاركتي في الحوار لانه ان كان هناك من مستفيدين فنحن المشاركون أو المستفيدين من هذا المنتدى الذي يشع بهجة ومعرفة بين المنتديات وأنني لاعتبره من أفضل المنتديات على الشبكة ، والطريق الذي بدأناه سويا يجب ان نكمله معا دون كلل أو ملل أو تراجع لتقديم صورة مشرفة لشباب وحدتهم الغربة ولكي يستفيد منه القاصي والداني وكل من يتصفح موقعنا .

واحب ان احيط الاخوة بالكويت علما بأنني سأبدأ من الان بممارسة مهام عملي كرئيس اعلى للقسم السياسي وكعضو من الاعضاء الثمانية الدائمين .

اشكركم ودام عزكم

[MZohairy]

الاخوة والاخوات أعضاء المنتدى الافاضل

اتقدم اليكم بخالص الشكر والعرفان وأخص الاخوة بالكويت على ما أبديتموه من مواقف جليلة لها مكانتها الخاصة في قلبي غمرت نفسي بالسعادة لانني شعرت أننا أسرة واحدة لا يجب ان تتفكك أو تتفرق فأنتم جميعا خير رفيق على الطريق .

الاخوة والاخوات

لقد قرأت كلامكم وتفهمته جيدا وفكرت مليا في موضوع التعليق ووجدت بعد نصائحكم لي انه ليس من الموضوعية ان أعلق عضويتي ومشاركتي في الحوار لانه ان كان هناك من مستفيدين فنحن المشاركون أو المستفيدين من هذا المنتدى الذي يشع بهجة ومعرفة بين المنتديات وأنني لاعتبره من أفضل المنتديات على الشبكة ، والطريق الذي بدأناه سويا يجب ان نكمله معا دون كلل أو ملل أو تراجع لتقديم صورة مشرفة لشباب وحدتهم الغربة ولكي يستفيد منه القاصي والداني وكل من يتصفح موقعنا .

واحب ان احيط الاخوة بالكويت علما بأنني سأبدأ من الان بممارسة مهام عملي كرئيس اعلى للقسم السياسي وكعضو من الاعضاء الثمانية الدائمين .

اشكركم ودام عزكم

اسمع الكلام وابتدي بدايه مظبوطه و انضم للجنه الرباعيه بالسعوديه عشان تعوض الوقت اللي راح منك هدر في الكويت <_<

[Modest]

ما صدقنا قلنا حبايبنا بتوع الكويت عددهم هايقِل .. نقوم نلاقي رمضان رجع تاني <_<

ياللا معلش ... خيرها في غيرها mfb:

باهزر معاك يابو صيام .. ماتزعلش و تستنى معانا <_<

[مصرية يعني مصرية]

الأخ العزيز الغالي

رمضان

أهلا بيك من جديد

في بيتك و بين أهلك

و إوعى تزعل تاني ...إحنا مش مستغنين عنك ...

ده أحلى شهر في السنه ...رمضان... <_<

تحـــــــية عطــــرة

[متمردة]

السلام من عند ربى

لكن ليه تعليق اللى انا اعرفه عن رمضان انه من خلال مهنته عرف ازاى يضع الكلام فى موضعه كونه بيشتغل فى مجال الصحافه فى الكويت واراه مش متطرفه بالدرجة اللى يتحذف منها حاجة ولا هو شيوعى او اسلامى متشدد

ومعرفتى ايضا باصحاب المنتدى والقائمين عليه من خلال مشاركتى فى موضوعات الجاده بيدل انهم اصحاب افاق واسعه

واعتقد ان الموضوعات على المنتدى وخاصه قسم المغتربين ولا تسب الذات الاهيه ولا قيم المجتمع وحتى تجريح وسب فى الاخرين

اعتقد ان الموضوع يخفى وراه الكثير مما هو ظاهر الرجاء توضيح الامر اكثر

اما عن موقف الذى اتخده رمضان ثم تراجع عنه

فتعليقى هو العين بصيرة واليد قصيرة اه <_< حتى كمان فيك يامنتدى عجبى

[رمضان]

السلام عليكم ورحمة الله

الاخت الفاضلة تمرد

ممكن توضحي انتي تقصدي ايه من كلامك ده احنا بنتناول كل شيء بشفافية ومفيش حاجة مستخبية اه

ثم ايه حكاية الايد قصيرة والعين بصيرة دي انا ايدي طويلة قوي بتطول لحد مصر والحمد لله

بصي يا تمرد بلاش انتي خليها تيجي في حد تاني والنبي

الاخت الغالية مصرية انا لا يمكن اقدر اكسف او اي حد من الاعضاء واخص الاعضاء الثمانية الدائمين

[otaka]

مصطفى بكرى كاتب فى الاسبوع انه محاوله اقصاء رمضان موامره داخليه من اعضاء الكويت فى حين ان التليفزيون المصرى بياكد ان مفيش حاجه حصلت و الموضوع مجرد اشاعه

اين الحقيقه

[bentmasria]

الاخ الكريم رمضان

لا ادرى ماذا حدث كلنا هنا اخوة نتحاور ونختلف ونعد دائما وابدا لروح الود والصفاء التى تسود قلوبنا قبل افكارنا وكتاباتنا

سيدى الكريم

ارجو الا تعتبر حذف بعض التعليقات شيئا خاصا بك ولو راجعت كم مداخلة حذفت فيها بعض التعليقات لفهمت مغزى الامر ببساطة سيدى الكريم ربما كتبت انت تعليقا فيه بعض التجاوز وعندما تقوم الادارة بحذفه فهذا لصالحك انت ومحاورات المصريين ليس الجميع هنا انت ولن يفهم مقصدك من هذا التلميح او التعليق بشكل سليم على جميع المستويات

بمعنى انك قد تحظى برد او تعليق مواز من عضو جديد لا يعلم من انت وما هى طبيعتك

او ربما تبدأ مسيرة التعليقات او التجاوزات لنجد محاورات المصريين بعد قليل وقد تدنى اسلوب الحوار كما حدث فى منتديات اخرى وفى حديثى هذا لا اقصد طبعا انك ستتسبب فى اى من هذا بل اقصد ان اوضح وبهدوء انه من واجبنا ان نلاحظ اى شىء قد يقود الى هذه النتائج لاقدر الله ومن حقك كعضو ان تنبهنا ان اخطأنا وان تعلم ان المحاورات لا تقيد الحريات بل مساحات الحوار هنا مفتوحة الى اقصى حد وان سبب الاختلاف هو الروح الطيبة التى يتحلى بها اعضاؤنا الكرام وتعاونهم الجميل والدائم معنا ان نظل متميزين باختيارهم لنا وبوجودنا من خلالكم

اتمنى انك تستجيب لطلبنا ببقاءك وان يتسع صدرك لتوضيحنا وشكرا لك عزيزى على وجودك معنا

وبعدين شكلك بتزوغ من عزومة فبراير ولا ايه

ربنا يسعدك واشكرك لتفهمك

البنت المصرية

[الرافعي]

السلام عليكم ورحمة الله

الاخت الفاضلة تمرد

ممكن توضحي انتي تقصدي ايه من كلامك ده احنا بنتناول كل شيء بشفافية ومفيش حاجة مستخبية اه

ثم ايه حكاية الايد قصيرة والعين بصيرة دي انا ايدي طويلة قوي بتطول لحد مصر والحمد لله

بصي يا تمرد بلاش انتي خليها تيجي في حد تاني والنبي

الاخت الغالية مصرية انا لا يمكن اقدر اكسف او اي حد من الاعضاء واخص الاعضاء الثمانية الدائمين

يا أخي رمضان

ما تصلى على النبي بقى ..

لازم يعني نعمل مظاهرة ونقول لك يا رمضان مش كفاية

لقد قالت الأخت الفاضلة مصرية ما يكفي ولا يمكنني الزيادة على ما قالت، لكن ما تمر به الأن مررت به من قبل ومر به آخرون، لكن ليس هذا هو الحل ..

حديث رسول الله صلى الله عليه وسلم يقول (الذي يخالط الناس ويصبر على أذاهم خير من الذي لا يخالط الناس ولا يصبر على أذاهم) ... والحديث يرشدنا إلى الإيجابية والتفاعل مع المجتمع مهما كانت فيه من سلبيات، وأن الحل لا يكون في العزلة .. لقد أرشد النبي صلى الله عليه وسلم إلى الاعتزال في حالة سواد الفتن التي يتعذر فيها تبين الحق من الباطل كما حدث في الفتنة الكبرى بين خير الخلق أصحاب النبي صلى الله عليه وسلم الأبرار... لا يمكنك أن تجزم من كان مصيباً ومن كان مخطئاً لذا تباينت المواقف .. وكان هناك من رأى الحق مع هذا الفريق الصحابي المطهر، ومن رأى الحق مع الفريق الصحابي الآخر المطهر أيضاً ... وهناك من اعتزل الفتنة كحذيفة بن اليمان الذي كان دوماً يسأل النبي صلى الله عليه وسلم عن الشر مخافة أن يقع فيه.

لكن الموقف هنا ليس هكذا أبداً، وحذف مشاركة أو تعليق لا يرقى أبداً إلى ذلك المستوى من الفتن .. المسألة مسألة وجهة نظر، ونفترض في القوم حسن النية وأنهم يرمون إلى مصلحة الجميع كما قالت الأخت مصرية، لكنهم بشر وقد يخطئ أحدهم أو بعضهم أو قد يجانبه التوفيق في قراره .. وعندها تكون هناك وسائل كثيرة للمراجعة، ولا أظن أبداً أن الأمور قد تخطت هذه الحدود ولم تفلح أي وسيلة للتوضيح ...

اتكلمنا كتير .. كفاية دلع بقى .. وارجع لموضوعاتك المشاغبة

قبل أن أنسى .... لي همسة في أذنك .. وإن كان الجميع قد سمعها ..

إيه حكاية إيدي طايلة ولحد مصر كمان دي ؟؟؟ هزار ولا جد ولا إيه بالضبط ؟؟

تحياتي يا أستاذ وتحياتي لكم جميعاً

الرافعي

تم تعديل 6 ديسمبر 2006 بواسطة الرافعي

[أبو زياد]

كلامك يفيدنا جميعا يا أستاذنا و حبيبنا الرافعى

حقا أنت كلمة لا تنسى و أخ لا يعوض

جزاك الله كل خير

اما عن الأخ رمضان :

اتحسدتوا و فرحتوا فيكم الأعداء !!!