ماذا لو عاد بك الزمن للوراء؟؟؟؟

[inas]

السلام عليكم ورحمة الله وبركاته

فى حياة الكل منا قرارات مصيرية تتوقف عليها بعض من مسار حياته.............ولكن هل تمنيت ولو لمرة واحدة ان يعود بك الزمن للوراء؟

قرار كدخول الجامعة او الزواج وشراء منزل هل يعتبر ذلك من القرارات المصيريه ام لا؟

ولكن هل باستطاعة اى منا تغير شىء من ذلك بعد مرور الزمن ؟

الكثير والكثير من الخواطر التى جالت بخاطرى واردت ان تشاركوننى اياها

فمثلا على المستوى الشخصى لقد تمنيت مرات عدة ان يعود الزمن بى للوراء

اريد ان اتساال هل مر احدكم فى فترة من حياته تمنى فيها ان يعود الزمن به للوراء؟

[أبو زياد]

أكيد أن كل منا مر بهذه الحالة .. وربما كثيرا

الموضوع مهم و شيق جدا

ولكنك تفتحين جرحا لا ادرى إن كان من السهل إقفاله !!!

لو مر بى الزمن للوراء لا اعتقد اننى كنت ساتخذ هذا المسار كلية

حيث اننى كنت ساختار لنفسى مجالا دراسيا أحبه و أتفوق فيه دراسيا و عمليا و ليس هو المجال الذى اتخذته

وربما لم أضطر للغربة لأجد عملا مناسبا ...

وعلى فكرة كان هيبقى مجال الكمبيوتر !!

أما عن الزوجة و البيت . فأظن أننى لو عدت لاتخذت نفس القرار ..لأنه نصيبى الذى لا فرار منه -_-

نصيب حلو طبعا :happy:

إلى اللقاء مع باقى الأعضاء

[رمضان]

السلام عليكم ورحمة الله وبركاته

لقد تمنيت ان يعود بي الزمان للوراء مرات ومرات كثيرة جدا

تمنيت ان يعود بي الزمان الى الوراء لاجد رمضان لاجد نفسي فأنا أفتقد رمضان كثيرا

تمنيت ان يعود بي الزمان الى الوراء لأجد اصدقائي اصدقاء الدراسة والطفولة وحتى الشارع والجيران

تمنيت ان يعود بي الزمان الى الوراء لاجد الود والمحبة بين الناس والجيران والعادات والتقاليد التي افتقدتها والحياة الاجتماعية

لكن اكثر مرة تمنيت ان يعود بي الزمان الى الوراء هو عندما نزلت اجازة لمصر لاول مرة بعد سنتان من الغربة بعيدا عنها

ياااااااااااااااااااااااه لقد تمنيت ان يعود بي الزمان الى الوراء لأجد مصر لاجد ذكرياتي واحلامي

[Tafshan]

لو رجع بي الزمان ما استسلمت ليأسي بعد نتيجة الثانويه العامه و حاربت من اجل دراسه كنت اتمناها بدلاً من استسلامى التام لكلية تجاره حيث لا اذكر منها الا صبحى بتاع السندوتشات

[عصام]

ما كنتش اتجوزت :happy:

[النسر المصري]

يخربيت دة سؤال يا إيناس........ السؤال دة دايما على بالي...وبسبب حالة واحدة فقط لاغير!!

انا لااندم على شيء فعلته....كل شيء تقريبا مشي حسب المخطط...كليتي...دراستي....شغلي....اصدقائي....وماإلى ذلك

شيء واحد فقط اتمنى ان يرجع بي الزمن للوراء ومن كل قلبي لكي أصلحه!!!

إمرأه احببتها في صمت!!

تم تعديل 6 ديسمبر 2006 بواسطة النسر المصري

[darker19]

لو عاد بك الزمن للوراء, هاتعمل ايه يا دراكر, كنت هاتعمل ايه ركز شوية بأه.....

أه عرفت كنت هاعمل حساب للأيام وغدرها....

ماكنتش هاسمح لنفسي بتضيع سنين من عمري عالفاضي....

والأهم إني ماكنتش هافتح الموضوع ده (لأنه قلب عليا المواجع)

[inas]

واضح ان الكل ناقم على الجواز B)

أبو زياد مش عرفه اصدق ايه بالوش الي انت حاطو :happy: ؟؟؟؟؟؟

عصام لدرجادي الجواز وحش -_-

النسر المصري هفتن عليكك

داركر دخلت ليه طيب :o مفيش حد ضيع عمرو على الفاضي اكيد استفدت من تجربتك

[أبو زياد]

أبدا يا أختى العزيزة

لا اقصد شيئا :)

وآدى الوش تانى :)

الحمد لله أنا اتجوزت أعظم إنسانة و مافيش نقمة على الجواز والله

بس طبيعة الإنسان إنه دايما ناقم على مافاته ودى طبيعته

ربنا يجعلنا من الفائزين بالدنيا و الآخرة

شكرا لك على إجادة اختيار الموضوعات وتنسيقها

[alhazem12004]

السلام عليكم

مافيش انسان مش بيحلم برجوع الزمن للوراء لتصحيح كل اخطاءه .

وكلنا عايشين لحد النهارده فى ذكريتنا وايامنا الحلوه اللى عمرها ماهاتتكرر تانى .

وعلى فكره متهئيلى ان السبب الحقيقى اللى مخلينا عايشين لحد النهارده وقادرين نستحمل اللى احنا فيه ....

هو اننا عايشين فى الاحلام اللى فاتت :)

كانت كلها احلام جميله والحمد لله الواحد لما كبر اكتشف انها كانت احلام لم ولن يتحقق ولو جزء بسيط منها .

يعنى صحينا من حلم على واقع فاااااااااااااااااااااااشل

مصرى^بالكويت

[otaka]

مش عارف هل انا بنى ادم قنوع و لا عديم الطموح

لم يمر ببالى هذا السوال ابدا و لم اندم على اى قرار اتخذته فى حياتى

يمكن لان اهلى كانوا بيتعاملوا معايا بمسؤليه شديده و لا يتدخلوا فى اى امر مصيرى فى حياتى معرفش بس انا اخدت قرارات مستحيله فى بيئه شرقيه غيرت دراستى مثلا للتجاره و سبت كليه الطب مع انى نجحت اول سنه طبعا فى مكان ما فى العالم ذى عندنا الكلام ده صعب الحدوث خصوصا ان رغبه اهلى كانت اسيب طب و اخش هندسه و انا لحد الان مش عارف لو كنت سمعت كلامهم كان زمانى منتحر

كليه ممله و طلبه دمهم واقف و مفيش بنات :)

لكن اعتقد ان اهلى حاليا مبوسطين باختيارى و حاسيين انهم لما سابونى اتصرف من صغرى على اساس انى اتحمل تبعات اختيارى كانوا بيفكروا صح لذا لا مكان للندم فى حياه اى شخص حر

لان الاختيار بتاعك يستتبع بالضروره الحفاظ عليه بس طبعا مش فى حاله الخطا

[inas]

بصراحه مفاجأه اني اعرف انك سبت طب ودخلت تجاره اوعي يكون السبب عشان (كليه ممله و طلبه دمهم واقف و مفيش بنات )

انا ارغمت على دخول هندسة حاسب الي رغم ان امنيتي كانت فنون جميله !!!! :)

[بنت النيل]

كثيير من المرات التى تمنيت فيها ان يعود الزمان بى الى الوراء

ولكن طبعا ده شىء مستحيل ولكن مجرد امنيه وحلم بعيش الواحد لدقائق جميلة مع نفسه

ولو كان الزمان يعود بى للوراء لكنت اعدت تصحيح مسار حياتى من جديد

اولا مكنتش فكرت فى الزواج وانا بهذا السن لانى تزوجت صغيرة وكنت اكملت تعليمى فى المجال اللى بحبه

الكمبيوتر والمحاسبة ولكنى اكتفيت بالتجارة فقط ولذلك برده بسبب الزواج :) والغربه

واكثير امنية لى لارجاع الزمان للوراء هو رجوع والدى مره اخرى فى حياتى الذى توافاه الله منذ خمس سنوات

ولم يمر يوما الا واتذكره وادعو له بالرحمع والمغفره

مع تحياتى لزمن قادم مليىء بالسعادة والهنا

[inas]

أبدا يا أختى العزيزة

لا اقصد شيئا :)

وآدى الوش تانى B)

الحمد لله أنا اتجوزت أعظم إنسانة و مافيش نقمة على الجواز والله

بس طبيعة الإنسان إنه دايما ناقم على مافاته ودى طبيعته

ربنا يجعلنا من الفائزين بالدنيا و الآخرة

شكرا لك على إجادة اختيار الموضوعات وتنسيقها

ايوه كده :)

لا شكر على واجب اخي الفاضل وده بفضل متابعتي لطريقتكم في اختيار الموضوعات

السلام عليكم

كلنا عايشين لحد النهارده فى ذكريتنا وايامنا الحلوه اللى عمرها ماهاتتكرر تانى .

وعلى فكره متهئيلى ان السبب الحقيقى اللى مخلينا عايشين لحد النهارده وقادرين نستحمل اللى احنا فيه ....

هو اننا عايشين فى الاحلام اللى فاتت :)

كانت كلها احلام جميله والحمد لله الواحد لما كبر اكتشف انها كانت احلام لم ولن يتحقق ولو جزء بسيط منها .

يعنى صحينا من حلم على واقع فاااااااااااااااااااااااشل

مصرى^بالكويت

كلامك اكيد في جانب كبير من الصحه

كثيير من المرات التى تمنيت فيها ان يعود الزمان بى الى الوراء

ولكن طبعا ده شىء مستحيل ولكن مجرد امنيه وحلم بعيش الواحد لدقائق جميلة مع نفسه

ولو كان الزمان يعود بى للوراء لكنت اعدت تصحيح مسار حياتى من جديد

اولا مكنتش فكرت فى الزواج وانا بهذا السن لانى تزوجت صغيرة وكنت اكملت تعليمى فى المجال اللى بحبه

الكمبيوتر والمحاسبة ولكنى اكتفيت بالتجارة فقط ولذلك برده بسبب الزواج :blink: والغربه

واكثير امنية لى لارجاع الزمان للوراء هو رجوع والدى مره اخرى فى حياتى الذى توافاه الله منذ خمس سنوات

ولم يمر يوما الا واتذكره وادعو له بالرحمع والمغفره

مع تحياتى لزمن قادم مليىء بالسعادة والهنا

رحمه الله يا بنت النيل وتحياتي لك يا اختي العزيزه

اسفه لو كنت قلبت عليكي المواجع :sad:

[otaka]

بصراحه مفاجأه اني اعرف انك سبت طب ودخلت تجاره اوعي يكون السبب عشان (كليه ممله و طلبه دمهم واقف و مفيش بنات )

انا ارغمت على دخول هندسة حاسب الي رغم ان امنيتي كانت فنون جميله !!!! :)

كليه الطب ممله و كلها حفظ و انا بصراحه مش بتاع مذاكره انا بحب استمتع يعنى بوقتى و الطب ده معناه ضياع فتره الشباب ما بين الجثث و الدماء

بصراحه انا مع مبدا اللى ميحبش حاجه ميعملهاش

انا كنت فاكر انى هحبها لكن للاسف طلعت ممله

بس التجاره و خصوصا الخارجيه كلها فوائد يعنى اتذكر ان دفعه الخارجيه كانت 50 بنى ادم فيهم بتاع 40 بنت

طبعا ده غير انه انا مش منظر طالب اصلا ده انا فاكر لما حولت خارجيه قضيت اول سيمستر مطرود و مسحوب كارنيهى :)

بالاضافه انه كان عندى وقت اسافر و اشترك فى نشطات و مؤتمرات و اقرا و اتكلم مع ناس مش ممكن افهم هما بيقولوا ايه لو كنت فى طب

[نانو]

لو عاد بيا لزمن للوراء

كنت ..عشت حاجات حرمت نفسي منها بدون قصد لمجرد اني ما حولتش اطرق بابها

و اكتشفت بعد كده اني كنت بحبها جدا

كنت كل اسبوع بعد ما اخلص مذاكرتي في يوم الاجازه حضرت حفله في الاوبيرا

او حفله للموسيقي العربيه...و استمعت باصوات الالات بصوره حيه

كنت زورت كل معرض صور قرات عنه او سمعت عنه

كنت قرات عن الشعر و فنونه والوانه و درسته في كليتي

كنت جيبت فرشه و الاوان زيت و شخبطت في لوحات كتير حتي لو كنت رميتها

كنت اشتغلت في جمعيات خيريه كتير بتخدم كبار السن....

كنت كملت فن الباليه و ما توقفتش عنه ابدا

كنت.....

حاجات كتير...اوي

يمكن جزء منها ينفع يتعمل دلوقتي

لكن لو كنت بدات من زمان كان هيبقي احسن ....اكيد..كنت هابقي انا كمان احسن

[أسد]

الحمد لله ..

ما أنا فيه الآن أفضل مما كانت تأمل أحلامي ...

ولكن ..

إذا عاد الزمن بي للوراء ..

لكنت إجتهدت أكثر .. وتعبت أكثر ..

ولكن ..

مازالت الفرصة متاحة لتحقيق ذلك ..

فلدي إبني ..

أحاول أن أعوض فيه .. وأجعله يفعل ما كنت سأفعله لو عاد بي الزمان للخلف

[inas]

اوتكا المهم انك حققت حلمك :sad:

نانو يارب تكوني دائما احسن تعرفي ان امنياتك حلوه اوي وقريبه من الحجات الي كنت بتمنى اعملها وانا صغير بس في منها بحققو دلوقت امنياتك فعلا بسيط وممكن تعمليها دلوقتي بس الا الباليه انا طول عمري كان نفسي اتعلموا بس دلوقتي معدش ينفع :closedeyes:

تعرفي انا رسمت على كل حاجه ورق وزجاج وقماش وخشب وفخار عملت مفارش وورد فخار و لوحات بحرق الخشب

عملت مشغولات فنيه ويدويه كتير كان نفسي بجد ادخل فنون جميله كان حلمي طول عمري ولو الزمن رجع بيا عمري مكنت هتنازل عنو :rolleyes:

اسد ربنا يخليك ليه وتحقق ليه كل الي يتمناه يارب كلنا مبنعرفش ان لو كنا اجتهدنا شويه كان مسار حيتنا اتغير معرفش طيش ولا عدم احساس بمدى اهمية الي احنا فيه وعواقبه على حياتنا فيما بعد <_<

[The Professor]

موضوع حقيقي جميل وشيق. اشكرك كتير عليه.

كان لي زميل يردد العبارة التالية " لو رجع بيه الزمان ماكنتش هاغير حاجة من اللي عملتها" وكنت اشعر بنوع من الحزن عند سماعي لهذه العبارة التي كان يرددها من وقت لآخر. السبب أنها كانت تجعلني أشعر بانى متهور , قليل الخبرة إلى غير ذلك حيث كنت اردد بيني وبين نفسي لو عاد بي الزمان لغيرت الكثير مما فعلته. واعتقد انه كان يبالغ كثيرا عندما يقول ذلك فانا اليوم اكثر خبرة من الأمس والكثير مما نفعله في حياتنا يرتبط بظروف زمنية معينة لا تلبث ان تتغير كما ان سعلى الإنسان للأفضل يجعله يقول " لو ....." وهذه كلمة خطيرة حذرنا منها الدين وطبعا إنتو عارفين هي من عمل مين؟

لكن على العموم لوعاد بي لزمان للوراء لغيرت الكثيـيييييييييييييييييييييييييييييييير. ولكن علينا ان نرضى بما نحن فيه ونحمد الله عليه ودائما نقول " قدر الله وماشاء فعل"

[أبو زياد]

يا أستاذ بروفيسور

حضرتك لمست نقطة فى غاية الأهمية

وهى ندم الإنسان على ما فاته ..

أنا تذكرت العديد من المواقف فعلا و كان فيها الزمن يرجع للوراء ...

أقصد أن الفرصة التى كانت متاحة تتاح مرة أخرى

والمفاجأة أننى كنت اختار ما اخترته فى أول مرة ؟

حتقولوا اعترافات .. تناقضات .. التناقض وارد فى كل خطوات الإنسان

ولكن تلك حقيقة .. أعتقد مر بها الكثيرين

فعلا كلامك صحيح إلى حد كبير ..

الخيرة فيما اختاره الله