هدية قيمة لهواة عِلم إدارة المشاريع

[se_ Elsyed]

إلى ابنائي الاعزاء طلبة الثانوية العامة :sad:

وأخص بالذكر من هم مهوسون بعلم إدارة الاعمال وخصوصاً خصوصاً الباحثون عن الإستزادة من علم الـ PMP ( Project Management Professional

هاكومو ( إيه الكلمة الغريبة دي ؟ ... بس هي إسم إشارة بمعنى إليكم .. أو خدو ) أشهر الكتب في علم إدارة المشاريع باللغة العربية ... حجمه 10 ميجا

أنا عارف مونكن ناس تقولي .. إيه الآرف ده .. إنت كده عامل زي اللي بيعرب العلوم الطبية ... لكن أنا قلت أهو في ناس كتيرة غلابة - وأنا منهم - ممكن تنق نق الأول في الكتاب بالعربي لحد ما تدخل في الكتاب الأصلي اللي باللغة الإنجليزية

عامةً لو حد له في الصنف .. أنا عندي برضوا النسخة الإنجليزية ممكن أرفعها لكم

وبالتوفيق ياولاد

http://z13.zupload.com/download.php?file=g...;filepath=57846

يا خوفي يا بدران تكون إنت لوحدك اللي بتدن في مالطه

[واحد تاني]

عامةً لو حد له في الصنف .. أنا عندي برضوا النسخة الإنجليزية ممكن أرفعها لكم

يا ريت يافندم

[أبو زياد]

أخى و حبيبى س س

هاكومو ماتاتا ( يعنى شكرا )

مجهود رائع الله يجعله فى ميزان حسناتك - و أنا أستعد للتحميل و أفادك الله و أفادنا

محدش بيدن فى مالطا و لا حاجة !!

[se_ Elsyed]

زبونين بس ؟!!!! B)

الحمد لله .. نِعمه ورضا وأهو يبقى مجهودي مارحش هدر برضوا

واحد .... أبو زياد

أنا هاتبناكو من النهاردة وهابقى الراعي الرسمي والناقل الحصري لكما لحد ما أكبركم وأخلي منكم مديرين كبار .. ومش بعيد تبقوا في يوم " مُديريتور " بدل أ/ عادل أبو زيد

السايت بتاع الآب لود فيه مُشكلة ..

هادني وراه لحد ما أرفع الملف التاني ..

إوعوا تمشو وتسيبوا المحل

[sayed_ossman]

شكرا يا باشا انا حاليا بجهز لاختبار PMP والحمد لله جمعت مجموعة كبيرة من المواد

وعلى استعداد لرفع اللينكات بتاعتها لو حد مهتم

انا ممكن ابقى اقولكو على كل المتريال اللى عندى واماكن اللى جبت منها على النت

تم تعديل 16 ديسمبر 2006 بواسطة sayed_ossman

[صبح]

أنا أول مرة أشوف الموضوع ده :)

شكرا جزيلا يا س س

إسمح لي بنشره للفائدة -_- ؟

[rar]

عامةً لو حد له في الصنف ..

هو ده كمان اتمنع؟؟؟ امال نشتغل في ايه بعد كده!!

سؤال للناس الي يهمها موضوع البروجكت ماناجمنت ده... بخصوص ال MBA

هل هو صفقه كسبانة... و لا خسرانة؟

الشهاده بتتكلف كتير هنا... و بتاخد سنين مع الشغل... هل الموضوع برضه كسبان لمهندسين التكنولجيا... و لا شهاده هندسية تانية أفيد؟

مع العلم أني هأستمتع بالدراسة جدا لأني جاهل جدا في مواضيع الاداره و الاقتصاد و التمويل... لأن التعليم الهندسي في مصر لا يهتم بالكلام ده... لكن دي شهاده كنوع من الاستثمار... و قرار هأخده بالنيابة عن المدام و الأولاد... فلازم أسأل الناس الي اشتغلت و شافت الدنيا من فوق... هل الموضوع استثمار رابح... و لا مكسبه صفر لو ما بدأتش شركة خاصة؟

أرجو الاستفاضة... لأنة سؤال لا ينفع فيه ال Googling

تم تعديل 20 ديسمبر 2006 بواسطة rar

[se_ Elsyed]

ده لينك الـ PMP باللغة الإنجليزية

PMP English

ونصيحة يا رجالة ما حدش يحاول يدوس في الكتاب اللي باللغة العربية

لإنه ببساط لا يُسمن ولا يُغني من جوع بعد تجربة

وهاتبقى أنت في وادي والدراسة اللي بالإنجليزي في وادي تاني

------------------------

صبح

إسمح لي بنشره للفائدة ؟

أسمح لك ياخويا .. إنت هاتهددني يعني

صبح إنت لك في اللون

------------------------

سيد عثمان

شكرا يا باشا انا حاليا بجهز لاختبار PMP والحمد لله جمعت مجموعة كبيرة من المواد

إنت في مصر ولا فين ؟

وهل أنت تعمل فعلاً في مجال إدارة المشاريع ؟

يعني هايكون هناك مردود لتلك الشهادة ؟

---------------

rar

سؤال للناس الي يهمها موضوع البروجكت ماناجمنت ده... بخصوص ال MBA

حضرتك هنا بتسأل عن شيئين مختلفين

أولاً : لازم الإنسان يحدد هو عايز إيه وليه ؟

إنت راجل شغال في شركة لديها مشاريع سواء كانت متخصصة في ذلك أو المشاريع تقع ضمن إهتماماتها وأنشطتها .. يبقى الشهادة هاتفيدك ومع بعض المهارات الإدارية هاتبقى مدير مشروع ناجح ومحترم لأنك دارس .. ممكن تلاقي ناس كتير جداً جداً بتدير مشاريع بالبركة والخبرة وليس معها تلك الشهادة .. لكن إذا كانت بتديرها بنسبة نجاح 60 % .. إيه المانع إنهم يبقوا 80 % فأكثر ؟

هل الموضوع استثمار رابح

يا عزيزي إن الإستثمار في العلم لا يذهب هباءً أبداً

لكن برضوا نرجع ونقول : ما أكونش انا مُحاسب وأروح اخد شهادة في الكيميا الحيوية وأقول انا بأستثمر في التعليم !!!!

ومع ذلك مثلاً الـ MBAاللي بنقول عليها شهادة ماجستير في إدارة الاعمال تُعتبر من الشهادات القوية وإذا كنت إنت راجل إداري في أي مجال فهاتنفعك كتير جداً

لكن إدفع يا حلو بقى وخُد قوتي وقوت عيالي يا عبد الهادي وإصرف يا ريس

[عادل أبوزيد]

بالنسبة لشهادة ماجستير إدارة أعمال لا تستحق الجهد المبذول فيها اللهم إلا إذا كنت تعمل فعلا فى مكان ما يقيم هذه الشهادة أى إذا كانت تلك الشهادة ستعطيك ترقية ما ، أعرف شابا هنا فى مصر كان يعمل فى أحد البنوك و كان مرتبه ثلاث آلاف جنيه و نمى إلى علمه أن أحد زملائه يتقاضى خمسة آلاف و أن ذلك يرجع لأنه حاصل على ال MBA ، و ترك عمله و ذهب إلى أمريكا متفرغا للدراسة و حصل على ال MBA بتكلفة تقرب من ربع مليون جنيه و مدة سنتين من العمر ...... و عاد ولم يتمكن من الحصول على مرتبه السابق فى أى جهة ..

ما سبق كان إستهلالا لابد منه

أما دراسة ال Project management فيمثل إضافة حقيقية لمهارات الفرد و لقيمته السوقية فى مجال العمل.

و أنصح خريجى ال IT بدراسة عدد من برمجيات إدارة المشروعات فإنها تمثل عملة صعبة فى الشركات الكبرى ، يوجد عديد من تلك البرمجيات منها ما يمكنك تشغيله على ال PC و منها ما يحتاج إلى أنظمة كبيرة .

من أنظمة ال Project Management ال SAP و premavera و ال MS PM و يمكنك البحث فى الإنترنت عن برمجيات ال بروجيكت مانجمنت.

الفاضل س س أحييك على هذا الموضوع الذى يمثل خطوة فى طريق إشاعة ثقافة النجاح

[يحى الشاعر]

بــأدرة طيبة جدا

قد لا تعلموا ، أننى عضو مؤسس فى الأتحاد الأمريكى Project Management Association التى يصدر عنها

هذين المرجعين PMP فهما فى الواقع Project Management Professional Handbook

... والوثيقتين "إنجليزى" المصدر الأساسى" والعربى .. ترجمته" هما عن "إحدى طرق وضع نظام أساسى ومبدأ متوحد لإدارة المشاريع" ...

سيساعدك قرائتهم على تفهم التداخل بين أطراف عديدة فى "المشاريع" ولكن ستجد ، أن هناك إختلاف كبير بين المحتوى

وبين "أنظمة إدارة المشاريع" التى تتبع المبدأ ألأصلى السائد فى جميع العالم ...

وهنا ينصح كمثال واحد فقط ، ضرورة تعلم ومعرفة "نظام تطبيق السوفتوير .. الذى تصدره مايكروسوفت" ..و ال MS PM

ويلاحظ ، شراء والتدرب على النظام الأخير ... فى الوقت الحاضر 2003بروجيكت وهو جيد جدا ويعتبر أساس لأدارة المشاريع فى العالم

وينافسه premavera وكذلك كومبيوتر أسوشييت CA Project Management أما عن نظام ال Project Management ال SAP

فهو مبنى أساسا على سوفتوير الروفيسور شيرير ... وقد إشترته إس أه بى لأنه مبنى على أساس العلاقة المتشابكة للبروسيسس فى إطار

العمل وإدارة المشروع ... Process Management ، وهو شيىء مختلف تماما عن Project Management ، حيث أنه يشملهم

ويتشابك معهم

وأنصح بأستعمال MS PM سوفتوير... باللغة الأنجليزية ، فهو يعتبر أساس هام لبدء الأهتمام بموضوع "إدارة المشــاريع" ... وتفهم موضوعها

أذ أن مستقبل "مدراء المشاريع " ينمو فى العالم بشكل إنفجارى

لذلك .. نصيحتى لمن يود أن يــتـــقدم فى عمله ......

إحصلوا على علم إدارة المشاريع بأى شكل وتفهموه جيدا .. وبالذات باللغة الأنجليزية ...

... "يمكنكم ذلك فى معاهد دراسات ليلية أو نهاية الأسبوع موجودة فى مصر" ..

ولا تتركوا وظيفتكم ... ولكن .. تقدموا لشركتكم بما يثبت حصولكم على "الشهادة ، والمعرفة ، والخبرة والعلم" .. فسوف يساعدكم

ذلك على ... الــــترقـــية ....

يحى الشاعر

تم تعديل 30 ديسمبر 2006 بواسطة يحى الشاعر

[se_ Elsyed]

الف شكر للأستاذ عادل والدكتور يحي على تفاعلهم الايجابي .. وايوه كده ما تخلونيش الحارب لوحدي وياريت يا دكتور يحي لو تُفيدنا بخبراتك في هذا المجال

[sayed_ossman]

ايوه يا سى السيد انا موجود فى الرياض

وعندى معظم المتريال الخاصه PMP

انا بعمل فى وظيفة IT Manager

وانا كمان

MCSE-CCNA-CCNP

اللينك ده يا شباب هيجبلكو مجموعه من المتريال الاحدث فى العالم عن PMP

http://www.BLOCKED77/network/search.jsp?...=10&start=0

منها كتاب ريتا ( الكتاب ده اكثر من رائع فى تحضيرك للشهادة دى)

وكمان كتاب PMBOK 2004 ( والكتاب ده هة الرئيسي فى دراسة PMP

انا تحت امركم لو عايزين ملف بوك مارك فيه كل اللينكات الخاصه بشهادة ال PMP

والشركات المهتمه بيها ولينكات CBT الخاص Project managment

اللينك ده يبين متطلبات هذةالشهاده

http://www.BLOCKED77/file/7924789/88a8b0...ndbook.html?s=1

تحياتى

تم تعديل 3 يناير 2007 بواسطة sayed_ossman

[صبح]

جزاكم الله خيرا

ومنتظرين المزيد منك يا أستاذ سيد

[se_ Elsyed]

قشطه يا باشمهندس سيد

بس مانا عندي عشروميت ملف برضوا وأحمال وأثقال من الماتيريال

إنت هاتسجل للإمتحان إمتى .. عشان أبتديت أزهق من كتر الكتب

[se_ Elsyed]

اللينكات فيها مشاكل يا باشمهندس والتحميل لا يكتمل

يا ريت تخففها شويه

وعلى الأقل لو سمحت أعطيني لينك للفاست تراك وأي إكزام بريبريشن حديث

[يحى الشاعر]

الف شكر للأستاذ عادل والدكتور يحي على تفاعلهم الايجابي .. وايوه كده ما تخلونيش الحارب لوحدي وياريت يا دكتور يحي لو تُفيدنا بخبراتك في هذا المجال

عند زيارتى للقاهرة المرة القادمة إن شاء الله ، يمكننى أن أقوم ب سمينار خفيف CRASH COURSE SEMINAR كهدية منى للشباب المصرى

وبدون أى إشتراك مادى ... بعد التنسيق مع الأخ العزيز الفاضل الأستاذ ‘ادل أبوزيد ، يشترك فيه عدد محدد من المستمعين ، حتى تتاح فرصة المناقشة والسؤال والأجابة ... وأتطرق خلالها الى النظم المختلفة لإدارة المشاريع ... ومكان ب م ب فى محيطهم ... حيث ان التمعن الجيد فى ب م ب ، سيبين لك ... فرق شاسع بين "العملية اليومية" .. والتخطيط طبعا لا بد أن تتوفر إمكانيات فنية للمحاضرة التى ستعتمد بشكل متوسع على إستعمال التعبيرات الأنجليزية الأصلية" .. مما يحتم معرفة الأنجليزية بشك جيد جدا

يحى الشاعر

[sayed_ossman]

''طيب يا باشا انا هقولك على طريقه سهله مع ان اللنكات شغاله معايا كويس - بس يمكن علشان انا شغال على برودباند

ادخل على موقع 4shared.com

اضغط على Search

وبعدها اكتب PMP

هتجيلك نتيجة البحث بخيرات ياما منها كتاب للبريبراشن احدثها اصدار 2005 من كتاب ريتا ( الكتاب ده رقم واحد فى العالم فى التحضير لشهادة PMP)

مقلتليش انا فين لو انت جنبى هنا انا ممكن انسخلك سيدى فيها كل المتريال والفاست تراك اللى عندى اصدار 4.3

لكن الحديث منها 5

يحثت كتير وملقتش غير الاصدارات دى بس

بالنسبة للامتحان لسه شوية علشان قدامى مشروع عندى واخد كل وقتى

تم تعديل 4 يناير 2007 بواسطة sayed_ossman

[عصام أبوالفتح]

أولاً الموضوع فاجأنى تماماً ، وبصراحة فى الجووووووووووووون يا س س .. شكرا جزيلا يا فندم

أشكر كل الأخوة اللى افادونى بمداخلاتهم ، ملحوظة د عادل اثارت تفكيرى فعلا خصوصا ان مجال الهندسة المعمارية يحتاج اكثر الى ادارة المشروعات PM لكن الكورس الرهيب اللى درسناه فى الكلية كنت اعتقد انه كافى خصوصا اننا درسنا البريمافيرا والام اس بروجكت وتقديرى امتياز ، فكان اللى فى بالى ادارة الاعمال علشان أجهز نفسى لمرحلة قادمة قيادية باذن الله ، اعتقد ادارة الاعمال MPA لو حضرت للماجستير فيها هايكون انفع للمستقبل من ال PMP اللى عندى فكرة ممتازة عنها , وممكن آخد الماجيستير بتاعها بسهولة ,,, حقيقة ... احترت

ايه رأيك يا د/ عادل ؟ ويا د/ يحيى ؟

وكمان يا أخ سيد عثمان أنا شغلى مجاور لبرج المملكة واتمنى وقتك يسمح بشرب الشاى فى مكتبى

( بس ماتجيش من غير السى دى اللى مليانة ماتيريال :lol: )

تحياتى للجميع