اذهب إلى المحتوى
محاورات المصريين

منح وسام الإستحقاق من الدرجة الأولى لولادنا " فولانه " و " صُبح "

se_ Elsyed

بواسطة se_ Elsyed
في باب الإجتماعيات

 مشاركة

Recommended Posts

se_ Elsyed عضو جديد

se_ Elsyed

بتاريخ:
بتاريخ:

بجد والله يا جماعه مش هزار .. ومش عشان هما ولاد كار يعني ومُشرفين زي حالاتي

لكن اود أن أُعرب عن شكري وتقديري لولادنا

فولانه هانم

وصبح بك

عن خالص تقديري لمجهوداتهم العظيمة في مجال الإشراف بمحاورات المصريين

وانا عارف كويس المجهود الضخم اللي بيبذلوه من وراء الكواليس

ورغم حداثة سنهم - الإشرافي - إلا أنهم أثبتوا جدارتهم في هذا المجال بإخلاص يُحسدوا عليه .. مما حدا بكثير من المشرفين المعتقين - إحم إحم - إنهم يآنتخوا ويعملوا بيات شتوي ويرموا الحِمل عليهما

فتحيه لهؤلاء الرجال - لا مؤخذه يا فُله -

وتحية أيضاً على حُسن إختيارهم

ودي حاجة كده بسيطة على ما قُسم

اللي يسمع إسمه يرد ويتقدم خطوة إلى الأمام وخطوتين للخلف

فُولانه هانم الشهيرة بفُله ( بضم الفاء مش عايزين لخبطه )

وسام الإستحقاق من الدرجة الأولى مع معاش شهري ( شكرتين رُز وعلبة زيت ذرة )

medal-ZDH.jpg

قربي يا فُلانه ما تخافيش الوسام ما فيهوش دبوس .. ده بيتعلق على الرقبة زي الكوليه كده والعيال هايفرحوا به قوي .. واهو ماحدش عارف الأيام الجاية فيها إيه ، يمكن تتزنقي في يوم وتبعيه زي احمد مظهر في فيلم الإيدين الناعمه

-----------

صبح بك الشهير بالشيخ صُبح

وسام الإستحقاق من الدرجة الأولى ، مع معاش شهري 120 جنيه مدى الحياة ( اهم حلوين وعلى الأقل ممكن يسددوا فاتورة الموبيل )

medal.jpg

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
  • الردود 48
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

darker19 عضو جديد

darker19

بتاريخ:
بتاريخ:

ead42115dd.jpg

:sad: ;)

UNITED STATES OF AMERICA

خياااااااااااااااااااااانه.........

قال تعالى : { قٍلً يّا عٌبّادٌيّ الَّذٌينّ أّسًرّفٍوا عّلّى" أّنفٍسٌهٌمً لا تّقًنّطٍوا مٌن رَّحًمّةٌ اللَّهٌ إنَّ اللَّهّ يّغًفٌرٍ الذٍَنٍوبّ جّمٌيعْا إنَّهٍ هٍوّ الًغّفٍورٍ الرَّحٌيمٍ } الزمر : 53

( نحن قوم أعزنا الله بالإسلام, و مهما إبتغينا العزة في غيره أذلنا الله )

f5c572b885.gif

a5c7b9fbde.gif

رابط هذا التعليق
شارك
نانو عضو جديد

نانو

بتاريخ:
بتاريخ:

فتحيه لهؤلاء الرجال - لا مؤخذه يا فُله -

مين فتحيه ديه يا س س :sad:

ديه المشرفه الجديده ولا ايه

اما بالنسبه لانشط مشرفين في ارض المحاورات فلهم تحيه اجلال و تقدير و معزه و ربنا يجزيهم خير علي مجهودهم معانا علشان يفضل بيتنا دايما واقف علي رجليه في صوره مشرفه

فولانه...صبح

كل واحد يشوفني بحاجه....هه.....اي حاجه ازازه زيت عباد الشمسمن فولانه ....و صبح فوتلي ربع دينار(ما يعادل 5 جنيه) مصروف البنت اديهولها في ايديه الصبح و هيا نازله

س س...اسمحلي باسم اخواني و زملائي من الرعاه و الحرافيش...ان احنا نتقدم لك بخالص الشكر و التقدير... لشخصك الكريم

.لرجل يعرف معني الاخلاص يعرف معني العرفان و الوفاء و الائثار الحقيقي

انا عارفه ان كلامي حقيقي قليل علي وصف شخصك...و اخلاقك لكن بجد موقف زي ده عمره ما يكون غريب علي سي السيد

ريالين في ايدك مصروف البنت التانيه....و كده ابقي مرضيه ;)

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله ..........

أبويا العمدة س.س. (بكاء حاد)....ايدك أبوسها يا با الحاج...انا لسه شايفة الموضوع ده حالا ....ربنا يكرمك

ويجازيك كل الخير........

اذا كان فيه حد يستاهل الوسام فهو انت بجد يا ابا العمدة...قلب ابيض ...وطيبة نادرة الوجود...وجدعنة....وشهامة

وروح جميلة بتجمع الناس كلها حواليك .....

انا متأثرة جدا بجد..... :sad:

ربنا يسعدك ويبارك لك ويبارك فى اولادك ..ويدخل السرور على قلبك زى ما اسعدتنى بكلامك ده....

(بكاء حاد....)

نينتك الحاجة

فولانة ;)

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
رمضان عضو جديد

رمضان

بتاريخ:
بتاريخ:

مساكم الله بالخير

مبروك لهم على هذه الاوسمة

انا بصفتي اطالب بأوسمة لكل المصريين في الكويت على مجهوداتهم الجبارة في المنتدى

واحنا هنشوفكم برده :sad:

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك
nancy عضو جديد

nancy

بتاريخ:
بتاريخ: (معدل)

وليد انت وسامك حيبقى مع شهادة انهاء الخدمة العسكرية

بس اوعى تضيع الورقة الصفراء :sad:

تم تعديل بواسطة nancy
رابط هذا التعليق
شارك
nash عضو جديد

nash

بتاريخ:
بتاريخ:

1468_p36068.jpgوللللللللللللللللللللللللللللللوووولللللي

يا ألف نهار أبيض يا ألف نهار مبرووووووووك

ألف مبروك ياستي فولانه...وألف مبروك ياسيدي صبح....

أيه النورده ...أيه الهنا ده...

والله أنتم تستاهلوا كل خير...وفعلا بتتعبوا علينا وشقيانين بينا....

بس كله علي الله ..ومن قدم شيء بيداه ألتقاه....

وهنيالك ياسي السيد يافاعل الخير.......

نانو كاتبه...... بالنسبه لانشط مشرفين في ارض المحاورات فلهم تحيه اجلال و تقدير و معزه <<<<<معزه يانانو؟؟ طب قولي جمل...خروف....مش معزه يعني

وبعدين هو أحنا كل مانحطك في فصل نحو الأميه اللي فتحه أبو محمد تنطي من فوق السور؟؟؟

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

فوفو...سيبك من ميداليه سي السيد.....

خليكي في شويه الحلويات دي..ويارب تعجبك1468_p36076.jpg

........................................................................................

وأنت ياصبح تستاهل والله كل خير.....تعالي خدلك شويه بومبوني...هايعجبوك والله

1468_p36068.jpg

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ألف مبروووووووووووووووووووووك

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
inas عضو جديد

inas

بتاريخ:
بتاريخ:

الف مبروك يا فولانه وصبح بيك

تستاهلو كل خير ولكم مني كل احترام وتقدير لاني فعلا بفرح بردودكم على موضوعاتي رغم حداثت تسجيلي في المنتدى

مفيش جايزا للاعضاء الحلوين الجداد النشطين الي زيييييييي B) واسمهم بالاماره ايناس B)

* لسانك لا تذكر به عورة امرىء فكلك عورات وللناس أعين

* إذا الشعب يوما أراد الحياة فلا بد أن يستجيب القدر

022.gif

79046.gif

رابط هذا التعليق
شارك
bentmasria عضو جديد

bentmasria

بتاريخ:
بتاريخ:

والله عظمة يا سى السيد

فعلا يستحقوا كل احترام وتقدير

بدءا من ارواحهم الطيبة الاصيلة وانتهاء بجهدهم الكبير ومتابعتهم اليقظة لكل الابواب

انا فاكرة برضه ياسى السيد فى شبابك كنت بتعمل كده B) B)

بجد

تستاهلوا اكثر من النياشين ويكفى اننا جميعا اعضاء وفريق اشراف بنحب تواجدكم وبنحترم جهدكم واقلامكم

وليكم منى

w6w20050415004301370dda6ce.jpg

وحضن كبيييييييييييييييييييير من مادا لخالو وخالتو :D

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك
وليد صفوت عضو جديد

وليد صفوت

بتاريخ:
بتاريخ:

الورقة الصفرا :blink:

نانسى ... انتى اخدتى تأجيل امتى ؟ :D :D

---------------

أم مادا

w6w20050415004301370dda6ce.jpg

ايه الورد اللى يفتح النفس ده B) B)

تنا نيلة فى حظنا الهوباب :sad: :D .. ولا حد افتكرنى بحزمة جرير حتى mfb:

44489_10151097856561205_1288880534_n.jpg

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:
UNITED STATES OF AMERICA

خياااااااااااااااااااااانه.........

ما تكبرش الموضوع يا داركر

مانا كل ما كنت اشتري حاجه يا آلاقيها صيني يا امريكاني .. فقلت فُله وصُبح مقامهم عالي عندي ولا أشتري لهمش حاجه غير

أصلي

------------------

س س...اسمحلي باسم اخواني و زملائي من الرعاه و الحرافيش...ان احنا نتقدم لك بخالص الشكر و التقدير... لشخصك الكريم

لعلمك بقى يا نانو ... فلانه وصُبح إقترحوا يزودو الإتاوة عليكو عشان مصاريفنا زادت .. فانا وقفت لهم وقلت لهم : لأ .. مش دي أخلاق الفتوات ....

---------------------

عمو عمو ..... عمو عمو...

ممكن جايزة ؟

من عيني يا واوا

يا سلام .. هو أحنا عندنا كام واوا

خد دول وإركن على جنب .. وفرق على اخواتك وما تبقاش اناني وتكوش عليهم لوحدك

lolipup%20display%20003.png

------------

(بكاء حاد....)

إمسحي دموعك يا فُلانه ..

إنتي تستاهلي الدبح

قصدي يعني مجهوداتك دي تستاهل الواحد يعملك حفلة كبيرة ( شادر يعني ونجيب شعبولا .. ودينا قُله ) وتبجى ليلة ..

----------------

انا بصفتي اطالب بأوسمة لكل المصريين في الكويت على مجهوداتهم الجبارة في المنتدى

ماتنبرش فيها يا مرضان .. ده انا سايبكو بمزاجي ومطنش .. وكل ما أفتح الحنفية آلاقي موضوع عن الكويت .. وتجمعات الكويت وقهاوي الكويت ... ده أنا حتى بأفكر اعمل لكم رُكن لوحدكو كده .. واخلي موضوعاتكو كلها مخفيه وإنتوا بس اللي تشوفوها مراعاة لمشاعر الآخرين ( الآخرين اللي هما إحنا يعني في صحراء الربع الخالي وطريق الملك فهد )

------------------

ناش

إنتي تعرفي حد محجوز في مستشفى التخصصي ؟

أصل الحلويات دي بأشوفها هناك على طول .. والغريبة إن عمري ما بأشوفها غير في المستشفيات

يالله خير وأهي تبقى حلويات صحية عشان الكوريستيرور وكده يعني

--------------

انا فاكرة برضه ياسى السيد فى شبابك كنت بتعمل كده

يالله حسن الختام بقى يا أم مادا .. إحنا هاناخد زماننا وزمن غيرنا

طب ده أنا لما كنت بعافيتي كنت بأقفل خمس بيبان في اليوم .. ده غير الإنذارات ...

بس بأمانه يا جماعة .. أم مادا دي بتُمثل لي أنا شخصياً .. صوت العقل ... وصوت الحكمة .. وصوت الموسيقى كمان .

--------------

إيناس اللي بطعم الانانس ( أناناس بالإنجليزي يعني i'm people ) إكتبيها يمكن تنفعك

من عيني يا اناناس يا غاليه يا أخت الغاليين

خدي شوية الألعاب دول لولادك .. وفرقي شويه برضوا على ولاد خالتهم نورا عشان العيال ما تشبطش ببعض ... ولا أقولك عينيهم للعيد واهو تبقى مناسبة سعيدة وخلي العيال تفرح

ده إنسان آلي بيعمل حركات ومستورد من اليابان مخصوص

WSTGRIMLOCK.gif

وده دبدوب كموله وعسوله بس يا خسارة مراخيره طارت في خناقة مع شوية عيال دباديب صيع في الحارة

Organic%20Cotton%20Bear.jpg

أما بقى لو عندك بنات .. فأدي عروسة زي السكر بتقول ماما وبابا وبترضع كمان

AnaMing_closeup.jpg

-----------------

نانسي

الله يخليكي تدعي لوليد في الأرض الطاهرة اللي إنتي فيها إن ربنا يسهله جيشه ولا يرزقوش بشاويش يعكنن عليه حياته .. ويكتر اجازته ... ويقلل خدماته ..... ويخفف شداته .... قادر يا كريم .. ده وليد ده هو الحيله .... والنبي يا أختشي جايبينه على سبع بنات وغلاوته في القلب ما تتوصفش ..

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
رمضان عضو جديد

رمضان

بتاريخ:
بتاريخ:

السلام عليكم ورحمة الله وبركاته

الاخ سي السيد تقصد ايه من مطنش دي ؟ انته مش عارف بتهدد مين ؟

احنا هنا في الكويت لوبي لا يستهان به في المنتدى ولنا ثقلنا

بلاش انته احنا بنحبك

وابقى شفنا بكام وسام والنبي ينوبك ثواب

خرج الثعلب يوما في رداء الواعظين

ومشى في الأرض يهذى ويسب الماكرين

رابط هذا التعليق
شارك
inas عضو جديد

inas

بتاريخ:
بتاريخ:

ايه ده كلو ايه ده كلو

شكرا يا سي السيد

انا صحيت من النوم لقيت الحجات دي :o

ولا بابا نيويل

شكرا الف شكر

بس صعبان على الدب لا بق ولا مرنخير يعيني :)

بس شكلي انا الي هلعب بيهم مش العيال :blink:

مين نوره مسمعتش الاسم ده قبل كده :blink:

اختكم

i'm people

* لسانك لا تذكر به عورة امرىء فكلك عورات وللناس أعين

* إذا الشعب يوما أراد الحياة فلا بد أن يستجيب القدر

022.gif

79046.gif

رابط هذا التعليق
شارك
صبح عضو جديد

صبح

بتاريخ:
بتاريخ:

الإخوة الأفاضل

أنا للأسف لا أملك خفة دم سي السيد ولا حضوره

ولا أملك رقة وخفة دم مدام فولانة في الردود

ولم أكن أتوقع أبدا أن يقوم سي السيد بفتح هذا الموضوع برغم ما أعلمه ويشهد به الجميع له من حسن الخلق وحسن العشرة

لا أملك سوى كلمة جزاك الله خيرا يا سي السيد

وجزاكم الله خيرا كلكم على مشاركاتكم

وأرجو أن تغفروا لنا أخطائنا وسهواتنا في حقكم

وأن تعفو عن أي شيء بدر مننا في فترة الإختبار (ال3 شهور الأولانيين)

لأن التقيل جاي ورا :blink:

إحنا إتثبتنا خلاص :blink:

وعينُ الرِّضا عن كلَّ عيبٍ كليلة ٌ وَلَكِنَّ عَينَ السُّخْطِ تُبْدي المَسَاوِيَا

وَلَسْتُ بَهَيَّــــــابٍ لمنْ لا يَهابُنِي ولستُ أرى للمرءِ ما لا يرى ليــا

فإن تدنُ مني، تدنُ منكَ مودتــي وأن تنأ عني، تلقني عنكَ نائيــــا

كِلاَنــا غَنِيٌّ عَنْ أخِيه حَيَـــــاتَــه وَنَحْنُ إذَا مِتْنَـــا أشَدُّ تَغَانِيَــــــــا

رابط هذا التعليق
شارك
se_ Elsyed عضو جديد

se_ Elsyed

بتاريخ:
  • كاتب الموضوع
بتاريخ:

مين نوره مسمعتش الاسم ده قبل كده :blink:

اختكم

i'm people

ده اللي كنت خايف منه

وما توجست منه خيفة حدث

ففي بدء مشاركات أختنا I'm People تلقينا رسالة خطية من أختها light الشهيرة بنورا تُحذرنا من أن إيناس شخصية Truoble Maker وثورجيه بطبعها .. وطلبت مننا أخذ الحيطة والحذر ..

ولكن ولإننا تعودنا على تهدئة النفوس فقد خاطبناها بكل ود قائلين : عيب يا نورا إنتو مهما كان إخوات من زمان وعيالك بيقولوا لإناس يا خالتو .. وعيال إيناس بيقولولك برضوا يا خالتو - سبحان الله على الصدف - وإذا كان داركر قسى في مرة على حد فيكُن عشان هو راجل وإنتو بنات مهضومة الجناح فده مش مبرر إنكو تخسروا بعض .. وعامة ربنا يهدي ...

وبإذن الله أنا متوقع إن المية ترجع لمجاريها في الأيام القادمة مع وصول الهدايا ولبس العيد للأولاد .. وأهو حتة لحمة من إيناس لنورا في العيد .. على طبق فتة بالخل والتوم من نورا لإيناس مع العيدية اللي داركر مُلزم إنه يحولها لولادهم في العيد بالدينار الكويتي .. كله ده هايُساعد في رآب الصدع اللي بينهم ...

هــــــــــــــيه ( تنهيده ) .. لا تتصوروا مدى السعادة التي انا فيها عندما أرى الأخوة يحبون بعضهم البعض ويودون بعضهم البعض لإن المثل بيقول ( عمر الدم ما يبقى شوربه )

سين سين مدير مكتب مشاكل الأسرة والطفل بمحكمة زنانيري

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
shahd عضو جديد

shahd

بتاريخ:
بتاريخ:

جدو جدو جدووووووووو سين سين ماليش دعوة انا عايزة عكاز الأستحقاق :)

نينا فولانة دفعتي تستاهلي ياست الكل مبرووووووووووووك :blink:

صبح باشا دشليون مبرووووووووووك :blink:

 

طـــــــفولــــة شــــــهـــد

رابط هذا التعليق
شارك
أبو زياد عضو جديد

أبو زياد

بتاريخ:
بتاريخ:

العجيب يا س س إنك بتتقمص شخصية مهدى النفوس

لما يكون مش موجود

و الأعجب إنه حيكون موجود خلال دقائق

خللى بالك يا أيام بيوبل ( يعنى أنا تلميذ )

وكمان إنتى كدة ثبتى الإسم عليكى - على كيفك !!

طيب نرجع للحفلة - خدوووهم بالصووت

بسرعة كدة نسيت حفلة عيد الميلاد ؟

ولما تيجى تعمل حفلة تعملها لإتنين و تنسى باقى الأعضاء ؟

عاوزين نصيبنا و إلا حانضم لبتوع الكويت !!

بس حلوة حكاية اللقاءات المختفية دى - عجبتنى قوى :blink:

خلاص سامحتك و مش عايز حاجة و حاطنش على موضوع أمريكا دة

ألف سلام للناس الكويسة : صبح و فلانة

هو الذي أرسل رسوله بالهدى ودين الحق ليظهره على الدين كله ولو كره المشركون.

رابط هذا التعليق
شارك
inas عضو جديد

inas

بتاريخ:
بتاريخ: (معدل)

انا Truoble Maker طيب لما اشوفك يا light

بس كويس انك فتحت موضوع العيديه قولو يا سي السيد مش انا اختو الكبيره ولازم يديني العديه وخصوصا ان داركر بيشتغل في الخليج وشايلهم على قلبو :blink:

بعدين غداكم اول يوم العيد عندي و لكل الحلوين الي هنا اصلي نويت اضحي بكتكوت حته وحده والوليمه دي متحلاش غير بيكو

وابقى اشيل الفخده لنوره تعمل عليها عزومه لحماتها :)

انا عارفه انك جي تهدي النفوس :blink:

اختكم

I'm People (عاجبني اوي الموضوع ده انا ناس)

تم تعديل بواسطة inas

* لسانك لا تذكر به عورة امرىء فكلك عورات وللناس أعين

* إذا الشعب يوما أراد الحياة فلا بد أن يستجيب القدر

022.gif

79046.gif

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...