ماذا تفعل لو كنت مسئول قطاع المرور في القاهرة

[عبده بيه]

الموضوع في كلمتين

القاهرة في ذيل المدن المتمدنة

طبعا بها مشاكل كثيرة جدا واليوم سنناقش مشكلة المرور

مفيش اشارات بالفعل

مفيش اماكن خاصة بمرور الافراد

مفيش اماكن خاصة بالمعوقيين

مفيش حد للسرعة المراعاة في المدينة

كثرة المطبات وتاءثيراها علي السيارات

مفيش محطات اتوبيسات محددة في الشوارع

ضرورة وجود جارة خاصة بالاتوبيسات والتاكسيات

تطبيق تسعيرة للتاكسي

الحد من الرخص للميكروباصات

الحد والمنع للكارو وما شبيه ذلك

الحد او المنع للنصف نقل من المكشوف لازم ان يغطاي النصف الخلفي للسيارة

كل هذا علي مكتب سيادك القارءي العزيز ماذا تفعل لو كنت في هذا المكان

ياريت الوزارة تاخد براءينا ولو مرة واحدة

[wahed masry]

يااااااااااااااه إخترت أصعب حاجه في الدنيا ... المرور ... الحل الوحيد نطبق الطريقه اللي في السعوديه ... أي نعم هما بيطبقوها لمكافحه الأرهاب ولكنها برضه طريقه حلوه لحل مشكله المرور وهي مدخل واحد ومخرج واحد مافيش منافذ ولا يو تيرن ولا ملفات عمال علي بطال وتكون من طوب أسمنتي كبير عشان ماحدش يقدر يشيله ولا الونش اللي اتسرق في رمسيس بذات نفسه يشيله

اوكي انشاءالله حنلاقيلها حل بس اللي يغيظ حوادث الطرق

كل يوم 5 و 10 و20 بيموتوا بحوادث غريبه مالهومش ذنب فيها الا رعونه السائقين فلازم يتحط قانون قاسي جدا للسائقين المستهترين حتي لو يصل لقطع يد أو رجل المخالف والمتسبب في الحادث لمنعه من القياده فأنا أعرف سائق اتوبيس دخل في محطه الألف مسكن وماتوا ساعتها 7 غير اللي ماتوا بعد كده ويادوب خد 3 شهور وطلع وساب الهيئه واشتغل في شركه تابعه لمصر للطيران وفي مره رايح رحله بموظفين الشركه لمرسي مطروح وبرضه بسبب السرعه اتقلب وماتوا حوالي 5 غيراللي اتصابوا وبرضه خدله اقل من شهرين وطلع ودلوقتي شغال في شركه بترول ومش عارف الدور جاي علي مين ... لكم لو قطعوا ايد والا رجل كان زماته قاعد بيشحت في الحسين وبيصلي عشان ربنا يغفرله ...ربنا ياخده وياخد أمثاله.

عدوا معايا الحوادث في آخر خمسه أيام .... العدد في الليمون

[عبده بيه]

الاخ واحد مصري تحية طيبة

عزيزي مطلوب بالفعل ان نقدم الحلول ونحن متفقين ان فيه اهمال ما بعده اهمال لدرجة انهم بيقولوا ان السائق والذي بالركاب في النيل انه مريض نفسيا طيب لما هوه مريض نفسيا ازاي يقود الاتوبيس ومعه كل العدد ده يعني الاهمال مشترك بين الادارة والعمال وايضا الاعلاميين في الداخلية والان مطلوب ان نفكر سويا ماذا نفعل مع تحياتي

لسه مهمة مصلحة استخراج رخص القيادة وكيفية التعامل مع هذا القطاع ده بعدين

[darker19]

جعل جميع الطرق إتجاه واحد عشان الي يروح ما يرجعش

من رأيي الموضوع ده مش أصعب حاجة في الدنيا, أنا بيتهيألي الموضوع ده عايز قدرات خارقه أعلى من قدرات العقل البشري.....

[عبده بيه]

الاخ داركار مساء الخير

اكيد وحتما ستصل الي عدد اكبر من الملايين خلال سنوات ويزداد الضغط السكاني فبتالي من الممكن ان يكون هناك حلول لكل المشاكل التي نواجهنا

من حيث المبدءهنبدء بعمل دورة تدريبية لكل من يحمل رخصة قيادة في القاهرة والمحافظات المجاورة

الدورة تتكون من 8 ساعات متواصلة وياخذ ما يثبت انه حضر الدورة هذه

الدورة عبارة عن شرح وافي لحقك كقائد سيارة وواجبك نحو من يعبر الطريق من خلال متخصص في المرور وهنا هشرح من هو الذي يلقي المحاضرات هذه فيما بعد

وسائل الشرح الفيديو او سي دي واختبار لقدرات المتلقي في اخر المحاضرة

المحاضريين هم من الذين يستوعبون هذه الاسلوب من خلال محاضرات متخصصة يتلقاها خلال اسبوع

يحدد المشروع بفترة زمنية معينه حتي يستوعب كل من يقود السيارة في القاهرة كمثل اولا وبوقع عقوبة لمن لا يحضر التدريب

الاماكن المتخصصة التي ستسوعب الجمهور هي المدارس بالاحياء القاهرية

الممولين فقط هي وزارة الداخلية ويتقاضي المحاضريين اجورا مجزية

الواجب عمله من طرف المحافظة اولا عمل اشارات مرور باضاءة قوية وواضحة

تمهيد الشوارع والطرق ورفع المطبات الزائده وعمل لوحات تحديد السرعة

العمل علي تخصيص حارة للاتوبيسات والتاكسيات وبالتالي سيستخدمها المطافي والاسعاف والشرطة في نفس الحارة

منع الكاروا وما شبه ذلك

التليفزيون والاعلام عليه عمل الاعلانات الازمة لتوعية المواطنين بعدم عبور الشارع الا بالشارة الضوئية يعني عندما تضيء الاشارة طبعا لو عملوا اشارات مرور

ولسه للموضوع بقية

[رمضان]

مساء الخير

يا جماعة والله الحل عمره ما هيكون في ايد المسؤول

لابد من تغيير ثقافة هذا الشعب في كل شيء

الشعب ليس عنده اي نوع من الثقافة في اي شيء من الاخر ناس في التراوة

[عبده بيه]

الاخ رمضان تحية وبعد

اكيد لازم نتغير ونغير عادات سيئة ونبدء في تكوين اسلوب حضاري بالاعلام وعمل صحوة في المدارس والنوادي ولا ايه رايك يا استاذ

[رمضان]

رأيي ان هعملك النائب بتاعي انته تستاهل كل خير وبتنفذ سياستنا الحكيمة والرشيدة بكل اخلاص مبروك المنصب

[Diab]

ماذا تفعل لو كنت مسئول قطاع المرور في القاهرة

أجيب بتوع المرور و أقطعهم واخرطهم للوز وبعدين الوز يموت بعد حالة تسمم

-_-

[عبده بيه]

شكؤا للاستاذ رمضان وانا في انتظار الرد النهائي للمنصب

[MZohairy]

أخلي العربيات اللي الأرقام بتاعتها فرديه تتحرك في الأيام السبت والأتنين والأربع و الجمعه

واللي الأرقام بتاعتها زوجيه تتحرك الأحد والثلاثاء و الخميس و الجمعه

و بكده 50% من العربيات مش حيكون موجود في الشوارع طول السنه

[رمضان]

لا شكر على واجب يا عبده بيه

المنصب موجود ومستنيك بس فيه مشكلة واحدة الرابت هيكون صغير يعني في حدود 50 الف جنبيه من قوت الشعب

[بنت النيل]

انابقى اولا :

هوقف ترخيص السيارات :blink:

هعمل حملة على فحص السيارات وخصوصا اللى ماشية على نظام كرباج ورا ياسطى :wub: (بالذق يعنى ) :blink:

هعمل على الحد من الاشارات فى الشوارع ويكون بدالها مثلا دخلات يمين او شمال للرجوع فهمنى -_-

واحسن فكرة لعدم وجود الزحمه هعمل الشوارع كلها رايح ومفيش جاى -_- mfb:

وياريت كل ده يكون بفيده ولوان اعتقد خلاص معتش فى فايدة

عارفين الفايدة فين لو الناس التزمت بالاشارات واحترمت قواعد المرور

العيب مش فى المكان العيب فى السكان

[أسد]

ماذا تفعل لو كنت مسئول قطاع المرور في القاهرة

أفعل القانون ...

هذا يكفي

[تلميذ]

الأخوات والأخوة الأفاضل

الســلام عليكم ورحمة الله وبركاته

بالنسبة لمشكلة المرور في القاهرة أري أن بعضا من علاجاتها كالتالي:

1. يجب تقليل الضغط علي القاهرة بنقل الوزارات والمصالح الحكومية الرئيسية إلي المدن الجديدة خارج القاهرة.

2. رفع المعايير المطلوبة لاستخراج رخصة القيادة.

وبالنسبة لهذه الجزئية يتم إعطاء مهلة لحاملي الرخص الحاليين لمدة سنة حتي يتمكنوا من إعادة تأهيلهم طبقا لمعايير القيادة الدولية كأي دولة متقدمة وذلك في مراكز يتم إعدادها لهذا الغرض يتم دعمها بما سيتم تحصيله من رسوم التأهيل ويخضع كل حاملي الرخص إلي إختبار في القيادة بعد مرحلة الإعداد هذه وفي حالة فشله في اجتياز الإختبار يتم سحب رخصته.

3. زيادة رسوم إســـتخراج الرخصة بنسبة ملحوظة ويتم توجيه هذه الزيادة لزيادة رواتب القائمين علي إســـتخراج الرخص حتي لايكون لهم عذر في قبول الرشاوي.

4. الرقابة علي القائمين علي إستخراج الرخص فمثلا علي سبيل المثال يكون هناك لجان تجوب كل أماكن إستخراج الرخص بصورة عشوائية وفجائية يكون عملهم إعادة إختبار كل من تم إختباره ونجح وذلك قبل أن يتسلم الرخصة وفي حالة فشل الشخص في إجتياز الإختبار لايتسلم رخصته ويعاقب الموظف الذي أجري له الإختبار ووافق علي استخراج الرخصة.

5. عدم تجديد رخصة السيارات التي تجاوزت 15 ســنة (علي سبيل المثال) من سنة الصنع.

6. توفير مواصلة عامة ذات خدمة متميزة وسعر في متناول الجميع كما في حالة مترو الأنفاق حتي نشجع الناس علي الإستغناء عن السيارة معظم الوقت.

7. إلزام كل المنشــآت الجديدة والعمارات بعمل جراج ســيارات أســفل المبني يســـتوعب كل ســـيارات القاطنين في المبني وبهذا نقلل من السيارات التي يتم تجريشها في الشارع مما يعيق سيولة المرور.

8. في حالة حدوث حادث فإن أي سائق يكون طرفا في الحادث تسحب رخصته ويخضع للتأهيل من جديد ولا يعطي الرخصة إلا بعد إجتياز إختبارات إستخراج الرخصه. هذا ســـيجعل الجميع في منتهي الحذر من أخطاء الغير.

9. يكون جزءا من عقاب من يتسبب في وفاة شخص بسبب حادث أن يحرم من القيادة لمدة خمس ســـنوات وفي حالة تكرارها يحرم نهائيا من القيادة.

10. الحزم في تطبيق القانون.

مع خالص إحترامي وتحياتي.

[عبده بيه]

الاخ زهيري شكرا لمرورك الكريم

الاخ رمضان شكرا للتواصل

الاخت بنت النيل شرفتي ونورتي

الاخ دياب نورتنا

الاخ اسد شكرا للحزم

الاستاذ تلميذ افكارك جميلة فعل

اللهيجعلكم زخرا للامتنا ويبارك فيكم مع تحياتي

[Ahmad Farahat]

هعمل زي ما قال محمد صبحي.............

هخلي الطرق كلها طريق واحد.............

عشان اللي يروح ميرجعشي...............

[نبض الابداع]

اور يهم النجوم في عز الضهر