احبها على الانترنت وعند اللقاء اكتشف انها !!!!!!

[The Professor]

[متمردة]

بجد ممكن تحصل كتير

انا مش بمؤمن بحب الانرنت ده ابدا

اعتقد الانرنت هو عبارة عن شئ للتستر عن عيوب كتير ممكن تكون فى الانسان اللى قدامك

وياترى ايه راى صاحب الموضوع ؟ فى النقطة ده

[The Professor]

إلى المتمردة

اعتقد انك محقة جزئيا في رأيك ولكن هناك دائما استثناء. ما أثارني حقيقة في هذا الموضوع ان الكثيرين ممن يتعاملون مع هذه التقنية خصوصا برامج الشات ليسو بالبراءة التي يتصورها البعض ولكن هناك ايضا من هو جاد ويرغب فعلا في عمل صداقات من نوع جديد يشاركهم الرأي كمن يلتقي مع اصدقاء له آخر اليوم في النادي او المقهى يتبادلون اطراف الحديث حول مختلف الأمور يعلق و يشارك في الأمور التي يجد نفسه ( فاهم فيها ومهتم بها ) ويفيد ويستفيد . لكن ده مش معناه إنه كل واحد بيتعامل مع النت وخصوصا البرامج دي عنده نقص عاوز يداريه وكده أعتقد هذه النوعية بتبقى فاضية وبينكشفوا بسرعة . لكن وعلى الجانب الآخر ومثلا في منتدى زي محاورات المصريين بصراحة لقيت ناس على اعلى درجة من الفكر والثقافة والاحترام ويمكن ده اللي دفعني إني اشارك في منتدى ولأول مرة رغم إن تعاملي مع النت يرجع لسنوات كتيرة . ده رأيي بصراحة . وتحياتي الكثيييييييييييييرة لك.

[رمضان]

السلام عليكم

هاي يا متمردة

احب اوضح لك كام نقطة تعقيبا على كلامك

مشكلتنا نحن العرب هي الكدب والخداع واللي عاوز يتستر على عيوبه هيتستر عليها بالانترنت او بدون الانترنت

اهم شيء المبادئ والاخلاق

المبادئ لا تتجزأ وصاحب المبدأ والانسان الصادق بيكون على الانترنت نفس ما بيكون في الواقع

[nora]

انا شيفه ان في كتير بيكدبو فعلا على النت اي الاغلبيه العظمى وبيكون الاغلبيه العظمى من الشباب اي في سن الشباب سواء لبحثهم عن الحب الوهمي او للعب والتسليه

[متمردة]

الى صاحب الرد الدبلوماسى جدا البروفسير عجبنى رايك لكن انت مردتش على سؤالى وموضوعك اللى انت حاطة

هل تتزوج من على الانرنت ؟ هل تحب وتنحب من النت واعتقد ان فية فرق كبير بين الصداقه والمراسله والتواجد فى بعض الاحيان من وقت لاخر على المنتديات والسهر والتواصل ليلا صباحا مع الحبيب المجهول على النت

وطبعا الى الاخ العزيز جدا رمضان انت قلت

المبادئ لا تتجزأ وصاحب المبدأ والانسان الصادق بيكون على الانترنت نفس ما بيكون في الواقع

اى مبادئ انت بتكلم عنها يا عزيزى انت على النت . هل تدرك حقا معنى ذلك ؟؟؟؟؟؟؟؟؟

واى صدق تتحدث عنه ؟ وما بالك بجملة انا لا احب ان اكذب ولكنى اتجمل(وهنا العمليات التجميلية كثيرة )

[عازفه على أوتار الذهب]

موضوعكThe Professor بيكشف لنا قد إيه الأنترنت سلاح ذو حدين

وفرأيي أن الناس دلوقتي بيتقابلوا ويعاشروا بعض فتره ويقدروا يتستروا

على عيوب كتييير جدآ فيهم...فإذا كان الصفاء مش موجود في حياتنا

وجهآ لوجه......

هنلاقيه عالنت؟؟؟؟؟؟؟؟

[SANAA]

خدعه كبري تسمي بالحب الالكتروني إنه الاعجاب بما يكتب وليس اعجاب لشخص ما

قد يعطي صاحبه نشوة مؤقتة‚ لكن النتيجة تكون في معظم الحالات صدمة كبيرة

فالاتنين يتحدثان لساعات عن الامور المشتركة بينهما‚ فهما بالتأكيد يعشقان نفس المأكولات والمشروبات‚ ويحبان نفس المغنين والممثلين ويفضلان نفس الالوان والملابس‚ ويملكان نفس الطباع ‚‚ ما الذي يريدان اكثر من ذلك؟!

ولكن المؤكد انهما لم يذكرا سوى أفضل ما عندهما‚ والمؤكد اكثر انهما تجاهلا طباعهما السيئة

الحب عبر الانترنت له طعم خاص‚ لأنه سهل وسريع ومريح‚ لكنه ينتهي الى الفشل غالبا ليس لأن الحب سيئ ولا لأن الانترنت سيئ .........لا لأن من يقعون فيه ينسون ان الطرف الآخر يمارس نفس ما يفعلون اي تحويل البشر الى ملائكة

فتستبدل النظرات برسوم وجوه وخدود حمراء، والابتسامة بعدة حروف متواصلة واصداء كلمات حب تنقلها زهرة حمراء ترسلها لتظهر في مربع الحوار على الشاشة الاخرى المقابلة مجتازة المسافات

الشباب يفكرون في تلك الأمور ويأخذهم خيالهم الى عالم كبير وجميل واشعار وحب وهيام وهوس و احلام وشوق وهو في الحقيقة في وهم ودوامة عملاقة

ينسي الداخل إلى ساحات الحوار أنه يتعامل مع شخصيات كثيرة مجهولة وأن هامش الثقة ضيق .

البعض يهرب من مجتمعه المغلق الى عالم الانترنت الرحب حيث لا يوجد قانون يحكم ... ويسهل للبعض ان ينصب شباكه

معظم الشباب الذين يلجؤون الى التعرف عبر الانترنت يكون السبب الاساسي هو الفراغ فاذا كان هناك شئ اهم من مثل تلك الأمور ليشغل بالهم لما لجؤوا الى النت وترك الواقع

[darker19]

يا جماعة الحب عن طريق النت موجود بس مش بالشكل ده, يعني أنا مش هاتعرف على واحده على النت و هاحبها برضه على النت, ما تجييش و الي بيقتنع بحاجه زي كده 99% بيكون نفسيا مش مزبوط.....

النت مجرد وسيلة تعارف و الحب ممكن يجي بعدين بناءا على التعرف الحقيقي على أرض الواقع مش بالرسايل....

بس برضه عن نفسي مش مستريح للموضوع ده, لأن مشاكله أكتر من فوائده, و الفوائد تكاد تكون منعدمه....

[alhazem12004]

انا عن نفسى مؤمن بيه على النت لانه بقه شئ واقع وعلى فكره الانسان اللى بيكون على النت بيكون نفس الشخص خارج النت

بمعنى انه مش هايقدر يغير شئ من نفسه او حياته وحتى لو غيرها فى اول التعارف وقدر يتحكم فى نفسه شويه .... لازم فى النهايه هاتظهركل عيوبه .. لانها بتكون طباع الشخص نفسه وصعب ان الانسان يغير نفسه من يوم وليله ....

((( من شب على شئ شاب عليه )))

وعلى فكره وعن تجربه شخصيه وكانت صادقه وناجحه مافيش داعى انى اخوض فى تفاصيلها واصدعكم بيهم ...... انا حبيت وعشقت اجمل وارق انسانه فى العالم وولما نزلت اجازه اتقابلنا لقينا كل حرف اتقال بينا على النت كان حقيقى حياتنا وشعورنا وكل شئ ......... بس للاسف انتهى كل شئ بعدها .

الحب الصادق والحقيقى موجود على نت او فى اى مكان كان .................

المهم والاهم الصدق فى المشاعر سواء على النت او خارجه