مغترب يفاضل بين الكويت و البحرين - أطلب المشورة

[مصري مخنوق]

السلام عليكم اخواني

انااخوكم شريف مصري طبعا و عضو جديد في المنتدي وكنت عايز استشيركم في حاجه؟

انا عندي عرضين تقريبا ماديا زي بعض واحد في البحرين والتاني في الكويت والحقيقه مش قادر اقرر لاني معرفش حاجه عنهم

عشان كدع بسألكم انهي بلد احسن من حيث التعليم لاولادي والصحه والحياه عامه والمصاريف والتدين

وجزاكم الله خيرا

تم تغيير العنوان ليعبر عن محتوى الموضوع

تم تعديل 14 ديسمبر 2006 بواسطة عادل أبوزيد

[أسد]

الكويت

[se_ Elsyed]

طالما قُلت التدين

يبقى الكويت

الحياة العامة والمجتمع المفتوح - عالبحري - يبقى البحرين

[زعلان]

البحرين

البحرين ما زلت دولة نامية و العقارات و الاسواق فيها معقولة مقارنة بالكويت فالكويت اكثر غلاءً من البحرين

يعني من الناحية الاقتصادية البحرين ارخص

أما بالنسبة للطابع الاجتماعي فالبحرنين شعب اكثر ودا ولطفا وبساطة من الشعب الكويتي وقد يعود هذا للناحية المادية ايضا فالشعب البحريني شعب فقير مقارنة بباقي دول المنطقة

التشيع موجود في البلدين ولكن نظرا لقلة عدد سكان البحرين فالنسبة فيها اعلى ولكن عدديا قد يكونوا متقاربين مع الكويت

الحكومة في كلتا البلدين سنية وكذلك الاسرة الحاكمة

الترفيه قد يكون متساو قد تكون الفخامة في الكويت اعلى

[أبو زياد]

أنا فى السعودية

بس أعتقد الكويت أفضل من النواحى التى ذكرتها

[رمضان]

الكويت يا باشا ان شاء الله

[shourba]

اخى الفاضل

انت خلطت أشياء كثيرة مع بعضها

باختصار لو انت عاوز تربية الابناء والمحافظة على اولادك يبقى البحرين دون تردد لو انت تبى المادة ومستوى المعيشة المرتفع وتضحى بما دون ذللك تبقى الكويت واتمنى لك التوفيق فى اختيارك

[أبو زياد]

اعتذر للعودة لإضافة بسيطة

فقد ذكر الإخوة أن البحرين أو المجتمع البحرينى يشبه الدول النامية كما انه مجتمع منفتح و أظن ان أكثر من يفيدنا فى ذلك هو الإخوة فى البحرين الذين عاشوا و جربوا

وفى هذه الحالة فلابد ان تعلم انه من تجاربنا فى المجتمع السعودى - و الذى يقترب كثيرا من الكويتى - أن هناك فارق حضارى ضخم بين القيم و العادات التى تربينا عليها كمصريين و بين هذه المجتمعات مما يجعل المغترب فى بداية انتقاله يواجه صعوبات قد تكون شديدة فى أولها

وفى هذه الحالة فالإنفتاحية - اعنى بذلك المجتمع المفتوح وليس المغلق - تكون أكثر قربا و أسهل تأقلما للمصرى المغترب سواء كان فردا او عائلة - و هذا مع الحفاظ و التحفظ على الجانب الدينى

أرجو توجيه الإنتباه إلى هذه النقطة إلى جانب آراء الإخوة القيمة

[inas]

الكويت

انا زرت البحرين لما كنت بعمل اقامه وشفت حجات هناك في يوم واحد قضيتو مشفتهاش في 25 سنه قضتها في الكويت

باختصار التدين في الكويت افضل وارجع وقول مصر فيها برضو بس الواحد يقفل بابو على نفسو على عيالو الصح معروف طريقو اما من ناحية المعيشه فالكويت احلى بكتيييييييييير انا لفيت البحرين في يوم و عملا زي متكون بيوتها كواليس افلام معرفش ليه حسيت كده ومطارها شقه ستوديو ( اوضه وصاله) اما مطار الكويت اوووووووووووو

خصوصا بعد التجديدات اوقات كنت بفكر اروح واتفسح هناك انا وابو العيال :wub: في كل حاجه ناقصو صالة سينما وبيبقى ولا اجدعها مول -_-

وفي مفارقه شفتها ان الشرطه في البحرين اجانب

تم تعديل 17 ديسمبر 2006 بواسطة inas

[اسكندرية تانى]

بسم اللة

شوف يا اخى الفاضل انا اشتغلت فى البحرين و فى الكويت و باقولك مخلصا من كل قلبى

توكل على اللة و روح البحرين

[drhouba]

بدون تردد و بدون الدخول فى تفاصيل إقبل البحرين و حتدعى لى الكلام ده بعد خبره سنتين فى الكويت مش من فراغ

[بنت النيل]

بدون تردد و بدون الدخول فى تفاصيل إقبل البحرين و حتدعى لى الكلام ده بعد خبره سنتين فى الكويت مش من فراغ

يادكتور انت قولت عن خبره سنتين وانا هقول عن خبره11 سنة بالكويت

بالنسبة لاخونا الفاضل وسؤاله اولا الجواب الكــــــــــــويـــــت طبعا بدون تردد

واهم شىء انت قولت الاكثر تدين صحيح البلدين اللى ذكرتهم فيهم مصايب ولكن اعتقد البحرين اكثر بكتييييييييييييييير من الكويت

الكويت بلد صغير ومش هنقول كل اهلها كويسين لاء طبعا مستحيل ولكن فعلا الاغلبيه هما الكويسين

وبدون مبالغه كل شىء فيها ممتاز تعليم ،، المستشفيات والعلاج ،،، طريقة الحياة فيها بسيطة ومريحة

وبعدين مين بيقول الكويت الحياة فيها غاليه بالعكس شوف كل واحد بيعيش على قد دخله فى اى مكان كان

لكن تعرف حاجة ان فى الكويت ميزة حلوة اوى انك تقدر تروح فيها اى مكان مهما كان مستواه ومهما كان دخلك

فعلا

ونرجع ونقول الكويت الكويت اكثر بكتيير تدين من البحرين واللى بنسمعه عنها

واطمنك يا اخى الفاضل ادينا اهوا بالكويت من 11 سنة وجوزى بقاله اساسا بالكويت 16سنة ومعانا اولادنا والحمدلله

مطمنين عليهم هنا وبيتعلمو احسن تعليم واغلب مدرسين المدارس هنا مصرين يعنى متفهمين مع الاولاد

حتى الدكاترة مشاءالله عليهم ملين الكويت ودى حاجه مش غريبة على المصرى فى اى مكان

بص بقى من الاخــــــر كدا : الكـــــــــــــــــــــــــويـــــــــــــــــــــــــت

[drhouba]

أختى العزيزه بنت النيل أنا بنيت وجهة نظرى مش بس على فترة إقامتى فى الكويت و لكن أنا معى فى المستشفى 4 أطباء لسه جايين من البحرين طازه بنار الفرن ندمانين و مصدومين فى الكويت لأن بصراحه هى بتأتى فى المرتبه الأخيره فى دول الخليج من حيث التطور و بالنسبه للفلوس فى البحرين الإجراءات أسهل و المعيشه أرخص و بيعطوا الناس ما تستحق و أكثر بدون الدخول فى التفاصيل عشان ما أطولش عليكم و يمكن إنتى بنيتى رأيك لأنك من فتره طويله هنا و المصريين عاطفيين و بيرتبطوا بالمكان و الناس بس الأخ المخنوق اللى بيسأل لو قال طبيعة العمل اللى جاى له ممكن نفيده أكتر و السلام ختام

[ابن الصعيد]

من واقع خبرتى

البحرين

لانك هتقدر تحوش هناك ..... الكويت غلاء ........

اقل شقة 2 وصالة فى مكان ترضى تعيش فية انت واولادك ب200دينار

الفساد فى كل حتة بالخليج

فى اى مكان لا تامن على نفسك واسرتك بالخليج

عش ولكن بحرص

الناس شايفة اللحى والصلى ولكن ما خفى كان اعظم

الاطباء هم اكثر الناس يعلمون ما يدور فى المجتمع ... هنا كل الموبقات تعمل ولكن فى الخفاء

روح البحرين وستدعوا لنا بعد ذلك

وربنا يوفقك

[اسكندرية تانى]

البحرين لا تقارن طبعا بالكويت وان شاء اللة تروح البحرين و تنبسط و تدعى لنا

شوف البحرين هى المدينة الفاضلة فى عالمنا العربى

و الاخوة اللى عايشين فى الكويت فعلا مظلومين لانهم ما شافوش غير الكويت

و همة لما يعيشوا فى البحرين حيحسوا انهم فعلا مضحوك عليهم للاسف كل السنين اللى فاتت دى

[بنت النيل]

البحرين لا تقارن طبعا بالكويت وان شاء اللة تروح البحرين و تنبسط و تدعى لنا

شوف البحرين هى المدينة الفاضلة فى عالمنا العربى

و الاخوة اللى عايشين فى الكويت فعلا مظلومين لانهم ما شافوش غير الكويت

و همة لما يعيشوا فى البحرين حيحسوا انهم فعلا مضحوك عليهم للاسف كل السنين اللى فاتت دى

ممكن نعرف السبب اللى هنقول عشانه ان احنا كان مضحوك علينا

ولكن احب اوضح شىء ان الاخ المصرى لما سأل مقلش اى بلد افضل فى الشوارع ولا المنتزهات ولا المجمعات ولا الطلعات والحاجات اللى احنا عارفنها دى

اعتقد كان سؤاله فى الاول والاهم اى بلد يعتبر فيها التدين اكثر واعتقد ومن اللى سمعته من بعض الناس لما سألت ان الكويت افضل من الناحية دى من البحرين

البحرين اصبحت بلد متفتحه جدا من كل شىء وبلاش اقول اللى سمعته خلى الطابق مستور :wub:

وعلى العموم الاختلاف فى الرءى لايفسد للود قضيه ودى وجهات نظر

وعلى فكره برده اللى اتكلمو عن الغلاء فى الكويت اقولهم لاء الكويت مش غاليه ابدا بالعكس الكويت فيها كل المستويات معلش يعنى هو انا لازم اروح اسكن فى المناطق الغاليه واقول ده الايجارات نااااار طب مدور على الرخيص شوية وبرده مستواه كويس جدا بدل ما اسكن فى ابو 250ايجار ادور على بـ 200 ولو مش يسمح ادور على بــ150 وفى مش مفيش

ومش لازم عشان اروح الجمعية افضل اعبى فى العربانه اللى له لزمه واللى ملوش وادفع مبلغ وقدره واقول ده غاليه

ده مش معناه بخل ولكن ده معناه شىء اننا فى غربه ومعروف متغربين ليه والله لو انا راتبى مشاالله كبيير مفيش مانع امتع نفسى

هو الواحد بيستحمل الغربه وبعده عن الاهل والاحباب ليه عشان انهارده اطلب الغدا من المطعم فلانى وباليل انزل اتعشى فى المطعم الفلانى وذى مابيقولو ان الغربه لها ثمن الشاطر اللى ياخد ثمنه منها :)

تم تعديل 14 ديسمبر 2006 بواسطة بنت النيل

[نانو]

اخينا مصري مخنوق

لو جيت الكويت هتتخنق اكتر

لسبب لسيط هو انك طالع من مصر و عايز تعيش كويس و اذا كان لديك اسره نفسك برضه تعيشها في مستوي كويس وتعيش مرتاح

الكويت غاليه جدا...و مش معقول هتطلع من بلدك مخنوق علشان تروح تتخنق في الغربه...كنت خليك مخنوق وسط اهلك

النقطه التانيه هتلاحظ ان كل الناس اللي قالتلك الكويت ما شفاتش البحرين و بالتالي علي السمعه اللي في البحرين بتفضل الكويت علي اساس التدين

و كل واحد عاش في البحرين و الكويت قالك البحرين وبدون تردد

اظن كده الفرق واضح

بالنسبه لنقطه التدين....احنا في بلادنا العربيه و الحمد لله ...لم يشيع فينا الجهر بالمعصيه و بالتالي سهل اوي انك تبعد عن الاماكن اللي فيها شبهه

و تكون انت واهلك وسط المجتمع العادي

و ربنا يوفقك للخير...و ما تنساش صلاه الاستخاره

تم تعديل 15 ديسمبر 2006 بواسطة نانو

[The Professor]

اخي الفاضل هاحاول افيدك من واقع خبرتي المتواضعة

هاتكلم عن البحرين. هي بلد متحضر وناسها متحضرين ومتدينين جدا واهم من كده ماعندهمش عنجهية ولا تكبر على الآخرين وطيبين وولاد نكته . تعالى وشوف التقدم المعماري اللي فيها وصل لمرحلة خرافية وكمان كل بلد فيها الصالح والطالح يعتمد إنت اي طريق تختار.

فيه اخت فاضلة ذكرت بعض المغالطات عن مطار البحرين ومنظر العساكر أكيد دي كانت في البحرين من ييجي خمسين سنه فاتوا.

وعلى فكرة مستوى المعيشة في البحرين ارتفع جدا في السنوات الأخيرة والإيجارات زادت جدا والأسعار طبعا زادت لأنها مرتبطة بالأسعار العالمية.

البحرين البلد الخليجية الوحيدة اللي تقدر تستبدل فيه رخصة القيادة المصرية ببحرينية ( مصر مابتعملهاش )

أهم من كده تحس إنك في مصر بس يعتمد على المنطقة اللي هاتسكن فيها.

الترفيه زي مانت عاوز وحسب ميزانيتك وكذلك التعليم ( مستوى التعليم هنا مرتفع جدا جدا مقارنة بمصر ودول الخليج الأخرى : طالب الثانوي هنا بيدرس 8 كتب رياضيات و6 كتب فيزياء و6 أحياء و4 كتب كيمياء غير اللغات ده في المدارس الحكومية)

كل حاجة هنا سهلة ومريحة حتى لو ما عندكش سيارة وسائل المواصلات زي الباصات والتاكسيات متوفرة وبأسعار معقوله جدا

ولو شفت مطار البحرين وروعته مش هاتصدق إنك في بلد عربي

وبينك وبين السعودية نصف ساعة والعمرة متيسرة في كل وقت برا

لكن نصيحتي لك في الأخير أن تصلي صلاة الاستخارة وتذكر قول الله " وما تدري نفس ماذا تكسب غدا" صدق الله العظيم

تحياتي

[otaka]

والله انا ليا راى مخالف

يعنى الاحسنلك انك تشوف اى الاتنين بيديك فرصه اكبر فى المستقبل

اى الاتنين بيوفرلك تدريب و تطوير

فرص الترقيات

و طبيعه الناس اللى هتتعامل معاها

دى اهم من موضوع الاخلاق العامه فى المجتمع لان لو كده الناس اللى فى اوربا هتروح كلها بكره

و شكرا

[car]

سيدي الفاضل

طالما جيت على البحرين استاذنكم اشارك

انا بقالي فترة في البحرين 14 سنة

وعملت قبلا في عمان " مسقط" والامارات و قطر وزرت السعودية طبعا مرور وعمره الى آخره

المهم الكويت لم ازرها - بس سبحان الله لما تيجي سيرة الكويت احس بالحر مش عارف ليه

انا حتكلم عن ميزة كبيرة في البحرين لا توجد في اي دولة خليجية او غير خليجية

اولا حجمها لا يتعدى حجم محافظة الأسكندرية

وبالتالي فإن كان مكان عملك في ابعد مكان في البحرين وساكن في مكان بعيد جدا لا تتعدى المسافة يالسيارة 20 دقيقة

يعني المسافة بين ابعد نقطتين لا تتعدى 30 كيلو متر

مع اعتبار ان الطرق ممهدة كلها ومنظمة غير مصر - طبعا المشكلة الوحيدة حدوث اختناقات مرور في بعض الاماكن في الاونة الاخيرة يعني ابعد ممكان بسبب الزحام يزيد 20 دقيقة يعني 40 دقيقة

والله الحجم الصغير للبحرين ميزة كبير ليس هناك مكان بعيد يعني لو سكنت في اي مكان المطار المجمعات اي مكان قريب -

المواصلات لازم تمتك عربية لان المواصلات العامة الباسات مشكلة كل نص ساعة اما التاكسيات مش ذي مصر في اي وقت لازم تروح مكان محطة للتكسيات واما نادرا تلاقي تاكسي ماشي يوقف زي مصر - بس العربيات رخيصة

اهل البحرين طيبين بس الشيعة مشكلة

ما زال المصري محترم في البحرين لماذا حيث نادرا ما تلاقي عمال في البحرين الفئات الموجودة في البحرين المحامين والاطباء والمستشارين والمدرسين والمحاسبين والمهندسين وبالتالي البحرانيين يكنون لهم الاحترام - لماذا اقول ان لهم احترام للاسف بسبب كثرة العمال في جميع الدول الاخرى فهم يعاملون المصري كعامل - طبعا ليس الكل لكن كثير من الاحيان زملائي يقولون لي ذلك - يعني واحد مصري يقولي وحنا ماشيين في الشارع تلاقى عيال ينادوهم من بعيد يــــا مصــــــــري!!!

الاسعار حاليا في البحرين نار بس طبعا فيه اماكن واماكن بس الميزة كلها قريبة من بعض يعني تلاقي شقق اعتبارا من 90 دينار بالعافية وحتى 700 دينار مثل مناطق الجفير والعدلية

اسعار الاكل والمشروبات زادت في الاونة الاخيرة حوالي 20% وعلى فكرة اعتقد ان هذه الزيادة في كل دول الخليج وخصوصا السكن

البحرين زحمة جدا زي مصر واقول اكثر من مصر لان كثافة السكان لكل كيلو متر مربع اكثر من كثافة مصر

المهم

انا الي عجبني في البحرين تلاقي الناس في الشوارع زي مصر خصوصا انا سافرت تقريبا جميع دول الخليج تلاقيها اغلبها صحاري وسافات متباعده لكل كل البحرين تلفها في نصف ساعة

اعمل صلاه استخارة واختار الافيدلك