أهلي البرج ... اوعي يكون عقدتنا

[wahed masry]

انا أهلاوي صميم وحقيقي كنت باشجع الزمالك انهارده .... وكنت متراهن مع أصدقائي علي نتيجه 4 / صفر للزمالك

لكن برضه مش عايزين يفرحونا وزي ماعملها مع الإسماعيلي عملها مع الزمالك وربنا يستر ... لحد امتي حيفضل مجلس اداره الزمالك ساكت علي اللي بيحصل

[otaka]

انا أهلاوي صميم وحقيقي كنت باشجع الزمالك انهارده .... وكنت متراهن مع أصدقائي علي نتيجه 4 / صفر للزمالك

لكن برضه مش عايزين يفرحونا وزي ماعملها مع الإسماعيلي عملها مع الزمالك وربنا يستر ... لحد امتي حيفضل مجلس اداره الزمالك ساكت علي اللي بيحصل

الزمالك وحش قوى قوى قوى

طبعا كالعاده لعيبه الزمالك فرديا فعلا عاليين جدا لكن جماعيا صفر

انا ماليش دعوه بمجلس الاداره ده تبع حسن بيه صقر اللى هو المفروض اصلا زملكاوى بس خلينا فى الكوره

خط نص الزمالك بينزل فى حضن الدفاع و فى فجوه كيبره بين جمال حمزه و ابو العلا و عبد الرؤوف

معتقدش ان فى حاجه فى الكوره اسمها 5 2 3

الزمالك فعلا بيلعب باتنين ارتكاز و اتنين مساكين قمه التاليف اللى ابتدعه كبرال لما جه تانى مره و مرضيش يلعب 4 4 2

مش ممكن فرقه بتلعب 90 دقيقه تلعب فى ملعب مفتوح للدرجه دى

انت لو جبت بن جونسون مش هيغطى مكان يوسف حمدى

الثردباكين و الاخ الابو دايما مغطيين الاوف سيد

صراحه هما عملوا كام كوره النهارده كويسيين بس ضعف خط النص بيضيع مجهودهم و اهو عم محمود محمود هيشيل الليله

مصطفى بيه جعفر بيلعب لنفسه مش للفرقه

الزمالك عاوز مدرب مصرى عالى جنب كاجودا لان الكوره فى مصر هيه كده مدرب كويس و خواجه جنبه تمشى لكن رزه الدور كبير عليه

[drhouba]

شوف يا عمنا الزمالك بيدار على الكيف و الكارثه بدأت من هذا المجلس المفروض على أعضاء الزمالك و جماهيره فى الكيل بمكيالين بين اللاعبين و التجديد للى بتحبه و إهمال اللى مش بتستظرفه و إطلاق يد الجهاز الفنى فى القضاء على النجوم اللى دمهم تقيل و وصل الحال إن فريق كامل قاعدين تماما لأسبا مختلفه منهم إبراهيم سعيد و حازم و وليد عبد اللطيف و تامر عبد الحميد و معتز و عبد الواحد و جونيور و عبد الحليم و يمكن أكون ناسى أسماء كمان و نترك فى الملعب محمد أبو العلا اللى بيلعب ماتشين كويس يكبس بيهم على نفسنا باقى الموسم و فى الآخر تعدى على الجمهور اليوم عشان ما بيعرفوش يتفرجوا على الكوره بصراحه مفيش فايده لأن هو ده اللى كان مقصود من تعيين مجلس بهذا الشكل المخزى إننا نوصل للمرحله دى مع إن أى مدرب يتمنى يكون معاه التشكيله الموهوبه من معظم لاعبى الزمالك الموجودين دلوقتى و اللى كان الفضل فى وجود معظمهم يعود لمرتضى منصور ..... صح ؟ يبقى اللى بيحصل عادى و اللا لأ ؟ و لسه اللى جاى أكتر و لا حول و لا قوة إلا بالله و للحديث بقيه

[رمضان]

لا حول ولا قوة الا بالله

كان الله في عون الزملكاوية بصراحة رغم اني اهلاوي صميم بس اتأثرت قوي لان دي سمعة الكرة المصرية يعني تسوى ايه لما فريق معفن في زيل جدول الدوري الجزائري يطلع تاني اكبر فريقين في مصر والله عيب وفضيحة

بس اوعدكم ان الاهلى هينتقم لكم باذن الله بس لما يخلص بطولة العالم ويفوز بيها

[se_ Elsyed]

إمبارح ولظروف العمل كنت خارج المنزل حتى ساعة متأخرة من الليل

لكن كنت هاتجنن عشان أعرف النتيجة

ولما رجعت قلبت كل القنوات ما فيش فايدة

شوية قلت أتفرج على برنامج 90 دقيقة على قناة المحور اللي بيجيبوا شريط أخبار تحت لاشاشة كده وعرفت النتيجة الزبالة

وشوية على قناة دريم إلا ورسايل جايه من جزائريين كلها شماته وفرحه بإنتصار فريقهم

مع العلم إني أول مرة اسمع إسم الفريق ده لما كان بيلاعب الإسماعيلي وخرجه من البطولة

فالأندية المعروفة في الجزاير هي

مولودية وهران

وشبيبة القبائل

وفاق سطيف

مودلودية الجزائر

إتحاد البليدة

لكن يبدو إن الفريق ده لسه طالع من الدرجة التانية

الزمالك بحاجة إلى إدارة قوية وحازمة أكثر من حاجته إلى لعيبه

ولا أقصد إدارة حازمة حاجة كده زي مرتضى منصور عاشق الأضواء والشهرة والبؤ على الفاضي

ولكن أقصد إدارة محترفة تعمل في صمت وللصالح العام وبدون شوشرة ولا ضواء ولا مُعاداة لخلق الله وكل واحد يبقى عارف شغله

ساعتها هاينعكس ده على اللعيبة وهايمشوا على العجين ما يلخبطهوش

الأمل الوحيد للزمالك هو الفوز هناك بأي نتيجة وهو قادر على ذلك

لإن عيب قوي فريق زي ده مع إحترامي ياخد معظم نقاط المباراة من الزمالك

خصوصاً إن أهلي جده إلتهم القادسية الكويته وشيله 6/0 ودي نتيجة هلاميه وتخوف طبعاً من مستوى الفريق الفائز .

[Ahmad Farahat]

والله أنا اللي اتعقدت من الزمالك.............

أمال لو كنت زملكاوي كان جرالي إيه...........

الله يكون في عون جماهير الزمالك...........

من قلبي بقولها والله...........

[هيثم نافع]

إمبارح ولظروف العمل كنت خارج المنزل حتى ساعة متأخرة من الليل

لكن كنت هاتجنن عشان أعرف النتيجة

ولما رجعت قلبت كل القنوات ما فيش فايدة

شوية قلت أتفرج على برنامج 90 دقيقة على قناة المحور اللي بيجيبوا شريط أخبار تحت لاشاشة كده وعرفت النتيجة الزبالة

وشوية على قناة دريم إلا ورسايل جايه من جزائريين كلها شماته وفرحه بإنتصار فريقهم

مع العلم إني أول مرة اسمع إسم الفريق ده لما كان بيلاعب الإسماعيلي وخرجه من البطولة

فالأندية المعروفة في الجزاير هي

مولودية وهران

وشبيبة القبائل

وفاق سطيف

مودلودية الجزائر

إتحاد البليدة

لكن يبدو إن الفريق ده لسه طالع من الدرجة التانية

الزمالك بحاجة إلى إدارة قوية وحازمة أكثر من حاجته إلى لعيبه

ولا أقصد إدارة حازمة حاجة كده زي مرتضى منصور عاشق الأضواء والشهرة والبؤ على الفاضي

ولكن أقصد إدارة محترفة تعمل في صمت وللصالح العام وبدون شوشرة ولا ضواء ولا مُعاداة لخلق الله وكل واحد يبقى عارف شغله

ساعتها هاينعكس ده على اللعيبة وهايمشوا على العجين ما يلخبطهوش

الأمل الوحيد للزمالك هو الفوز هناك بأي نتيجة وهو قادر على ذلك

لإن عيب قوي فريق زي ده مع إحترامي ياخد معظم نقاط المباراة من الزمالك

خصوصاً إن أهلي جده إلتهم القادسية الكويته وشيله 6/0 ودي نتيجة هلاميه وتخوف طبعاً من مستوى الفريق الفائز .

يبدو أن إسم الأهلي له رهبته في قلوب الزمالكاوية و الإسمعلاوية..

حتى و لو كان...

أهلي بوعريج

[zamalkawi fe el kuwait]

السلام عليكم ورحمة اللة وبركاتة

أخوكم احمد عرب المسؤول عن (رابطة محبى الزمالك فى الكويت)

احنا عان شاء اللة هنعمل احلى شغل هنا قى الكويت وكل الناس رايحة اهلوية قبل زمالكاوية اللى عاوذ ينضم ممكن يتصل6279337 علشان يعرف التفاصيل.هنروح وخنشجع الزمالك حتى لو هيتغلب لان مصر اللى بتلعب وصدقونى ناس كتيرة جاية وانا عامل مفاجئة رهيبة واعذرونى ما هقولها وهتشفوها هناك بأذن اللة اتمنى انى اسمع صوتكوا اللى عاوذ يشارك فى توبك انا عاملة من شهر تحت عناون هام بخصوص ماتش القادسية بالكويت 20 ديسمبر.........أخوكم أحمد عرب

القادسية فريق تعبان وهيشيل

[zamalkawi fe el kuwait]

يا باشا حتى لو شال الزمالك يبقى اسمى مصرى وروحت شجعت بلدى مش اقعد اتريق.........

[رمضان]

اعتقد مفيش داعي للتشكيك في وطنية حد

كلنا مصريين

على فكرة يا اخ انا كنت بتفرج على ماتش الاهلي والصفاقسي في القهوة ولما الصفاقسي اتعادل كل الزملكاوية هيصوا كأن الزمالك اللي بيلاعب الاهلي مش فريق تونسي

الزملكاوية اخر ناس يتكلموا عن الوطنية الكروية

[Modest]

الزملكاوية اخر ناس يتكلموا عن الوطنية الكروية

لا حول و لا قوة إلا بالله

البعض أصابه الغرور لتفوق فريقه حتى اصبح يحتكر الوطنية أيضاً !!!!!!!!!!!!!!

و نسي أن الأمر لا يتعدى "لعبة" أساسها الروح الرياضية .. يعني التواضع عند النصر.

ربنا يهدي الجميع.

[رمضان]

حبيب قلبي انا كاتب الوطنية الكروية يعني الانتماء للنادي وليس للوطن دخل في هذا الموضوع رجاء لا تحرف الكلام

همه كل الزملكاوية كده ولا ايه

على فكرة يا شباب هوه لسه فيه زمالك ولا ايه علشان يطلع كل شوية واحد يقول زمالك ووجع دماغ

اتفرجوا على الاهلي وكورته الحلوة

[Diab]

هو الزمالك ده مبيسترش ابداَ . فاضحنا في كل حتة كدة :wub:

تم تعديل 13 ديسمبر 2006 بواسطة Diab

[رمضان]

معلش يا دياب لازم نستحمل وفي الاول والاخر مصري برده والاهلي بيحسن السمعة اللي الزمالك عاملها للكرة المصرية وبيكسب في كاس العالم للاندية

[drhouba]

اعتقد مفيش داعي للتشكيك في وطنية حد

كلنا مصريين

على فكرة يا اخ انا كنت بتفرج على ماتش الاهلي والصفاقسي في القهوة ولما الصفاقسي اتعادل كل الزملكاوية هيصوا كأن الزمالك اللي بيلاعب الاهلي مش فريق تونسي

الزملكاوية اخر ناس يتكلموا عن الوطنية الكروية

و يا ترى الزملكاويه طول عمرهم كده و اللا ده شئ جديد و لو جديد يا ترى إيه السبب يعنى هم مولودين كده و اللا دى تراكمات من نادى المبادئ و إعلامه المحايد و جماهيره المتواضعه و إتحاده الملاكى عموما يا عم دى بلدكم و إعملوا ما بدا لكم :)

هو الزمالك ده مبيسترش ابداَ . فاضحنا في كل حتة كدة :unsure:

و الله عندك حق إيه رأى كل الأهلويه ما يعكروش مزاجهم بالفرجه على الزمالك و لا تشجيعه فى أى مباراه خارجيه و ما يعتبروش إنه بيلعب بإسم مصر لأن اللى بيلعب بإسم مصر هو الأهلى اللى مفيش غيره فى الكوكب لأن ببساطه و واقعيه مصر هى الأهلى و الأهلى هو مصر و إحنا حاليا بندور على مكان تانى نعزل فيه عشان ما نعكننش على المصريين

تم تعديل 13 ديسمبر 2006 بواسطة drhouba

[رمضان]

ما تكبرش الموضوع قوي كد احنا بنتناقش بس

وانا فعلا معاك ان الاهلي هو افضل سفير يمثل مصر واكبر دليل مباراة اليوم مع الفريق البرازيلي رغم الهزيمة الاهلي ادى مباراة ترفع راس كل مصري

[drhouba]

حاضر يا عم طالما بنتناقش بس كلنا لازم نعرف إن الدنيا دواره و مفيش حاجه بتفضل على حالها و اللى إحنا فيه كنتوا إنتم فيه 4 سنين أيام بونفرير و أوليفيرا و جوزيه النسخه الأولى بالإشتراك مع البن الأثيوبى و مازيمبى و بيترو أتليتكو و الباقى انت عارفه و تحياتى لك طالما بنتناقش

تم تعديل 15 ديسمبر 2006 بواسطة drhouba

[Sherief AbdelWahab]

حاشية :

الاسم الصحيح لأهلي البرج هو أهلي برج بوعريرج (وتنطق : بوعريريج أو للتبسيط : بوعريري-ريج)..

يحتل النادي المذكور ترتيباً متواضعاً في الدوري الجزائري ، ولم يسبق له المشاركة خارجياً إلا في بطولة دوري أبطال العرب العام الماضي وخرج منها مبكراً..أسمع إنه شارك في أفريقيا بس ما عملش حاجة..

فاز أهلي بوعريريج على الأهلي السعودي بهدف ، ويتصدر النادي الجزائري المجموعة حالياً برصيد أربع نقاط ويواجه القادسية في الجولة القادمة..

لم أستطع الحصول على معلومات كافية عن النادي سوى أنه أنشئ في العام 1931 ، ومدربه اسمه مصطفى بسكري ، وشهرته في الجزائر "الجراد الأصفر"..

هوبة : خسر الأهلي أمام بترو أتليتكو .. لكنه كسب البطولة في النهاية!

جوزيه خسر الدوري بخلع الضرس وأحرز لقبين أفريقيين هما دوري الأبطال ومباراة السوبر الأفريقية في النسخة الأولى ، قبل أن يضم الكأس لأملاك النادي بفوزه به مرتين أخرتين في نفس الولاية ، مع مباراة سوبر أخرى..

ومن جانبنا سنعمل على عدم دخول الأشكال من أمثال بونفرير وديكسي إلى مصر مرة أخرى..

كاجودا مظلوم فعلاً.. ومش عارف الزمالك قلب ليه عليه القلبة الغريبة دي؟ :unsure:

خلص الكلام

[Ahmad Farahat]

حاضر يا عم طالما بنتناقش بس كلنا لازم نعرف إن الدنيا دواره و مفيش حاجه بتفضل على حالها و اللى إحنا فيه كنتوا إنتم فيه 4 سنين أيام بونفرير و أوليفيرا و جوزيه النسخه الأولى بالإشتراك مع البن الأثيوبى و مازيمبى و بيترو أتليتكو و الباقى انت عارفه و تحياتى لك طالما بنتناقش

مش ده الحل يا حاج.............

ما الأهلاوي يقدر يقول برضه...........

كنت فين في السبع سنين اللي قبلهم..............

عايزين نرتقي بالحوار على قد ما نقدر...........