كرسي الاعتراف

[بنت النيل]

انا عندي سؤال مش لازم تجوبي عليه (if u don't want to answer it okay with me)

ما هو النطبع الذي تركته فيكي عندم قراتي مضوعاتي

what was your Impression of me

like what do u think of me and my Personality

as i said if u don't want to answer it okay

even if the games rules says u have to

okay

thnx

t.c.

bubyez

السلام عليكم ورحمة الله

الابنة العزيزة كيوت بتسأل.:.ايه انطباعك عنى ورأيك فىَ وفى شخصيتى

وانت مش مضطرة تجاوبى حتى لو قواعد اللعبة بتنص على كده

باباز :victory:

كيوت يا جميلة...برجاء الكتابة بالعربية فهى لغة المحاورات ...وخصوصا انك بتتكتبى عربى....

واحنا حنفهم برضه

شكرا لك....

شوفى انتى باين عليكى بنت مرحه ولذيذه بس محتاجه تتعلمى لغه بلدك شوية ياريت تهتمى بتعلمها

وبعدين ده حتى ياستى النبى عربى واعتقد ان لغتنا الاساسية نحن المصرين لابد من ان تكون اللغه العربيه

ياريت مثل مابنسعى لتعليم اولادنا اللغات الاخرى ان نحرص على تعليمهم اللغه العربيه وقواعدها

اما باقى السؤال معلش لا اقدر ان اجاوب عليه لان مقدرش اقولك رأى فى شخصك لانى بكل بساطه لم اعاشرك

تعرف فعلان ايوه اعرفه عشرته لاء يبقى متعرفوش فلا استطيع ان احكم على شخصيتك حتى لا اظلمك

ولكنى قلت لكى انطباعى عنك فقط

مع تحياتى

[الحاج فوزى]

بنت النيل ، بما انك من القناه ، ده رقم واحد

وبما ان قواعد اللعبة لا تحدد نوع الاسئلة ، ده اتنين

فسؤالى هو

من خلال ترعرعك ( حلوه ترعرعك ديه ) فى مدن القناه

ومن خلال تأثير البحر والميه والهواء عليكى ، والايدولوجية الثقافية الشعبية ، والديمجرافية فا من فضلك ما هى افضل واحلى طريقة عمل اشهى وجبة سمك ؟؟ :victory:

حسين

[بنت النيل]

بنت النيل ، بما انك من القناه ، ده رقم واحد

وبما ان قواعد اللعبة لا تحدد نوع الاسئلة ، ده اتنين

فسؤالى هو

من خلال ترعرعك ( حلوه ترعرعك ديه ) فى مدن القناه

ومن خلال تأثير البحر والميه والهواء عليكى ، والايدولوجية الثقافية الشعبية ، والديمجرافية فا من فضلك ما هى افضل واحلى طريقة عمل اشهى وجبة سمك ؟؟ :wub:

حسين

سيبك انتى حلوة ترعرعك دى :lol:

شوف ياسيدى احلى واشهى وجبه سمك واحنا بالذات البورسعيدية مشهورين بيها

اسمها{ السمك الصياديه } فى محافظات تانية بمصر بتعملها لكن بورسعيد لها طريقة مختلفة شوية واحلى طبعا

وبتتعمل بالسمك البورى عشان بيتقطع حلقات ده افضل نوع سمك بتتعمل بيه الوجبه

وعندك كمان صنية سمك السردين ياعينى عليه :victory: لما تقطع معاه الطماطم والفلفل الاخضر وحلقات البصل

وعموما هنروح بعيد ليه ياسلام غالى والطلب رخيص عزومة من بنت النيل على احلى اكله صياديه لعم حسين rs:

[أبو حميد]

عموما هنروح بعيد ليه ياسلام غالى والطلب رخيص عزومة من بنت النيل على احلى اكله صياديه لعم حسين :victory:

بما إني بحب السمك الصيادية وبما أنك بتشجعي النادي المصري والزمالك ممكن تعزميني على السمك الصيادية مع عمو حسين؟؟؟

[الحاج فوزى]

ايه نظام الزحاليق ده

انا بقولك وصفه زى بتاعت كتب الطبخ

يعنى تقوليلى ، تجب السمك وتقطه وتعصر والخ الخ الخ لحد ما نوصل لمرحلة الاكل بالهناء والشفاء :victory:

بصراحة انا عندى عزومة بكرة لجار وصديق عزيز على اكلة سمك ، وبما ان تخصص السمك فى البيت يقع على عاتقى

فكنت عايز اعمل حاجه جديدة غير السمك الصنية والجمبرى والمقلى وخلافه .

اما طبعاَ بالنسبة للعزومة فده موضوع تانى ، ولا يتعارض اطلاقا مطلقا بالمرة مع الموضوع الاول اللى هوا كان ... كان ايه ؟ مش فاكر

المهم الحقينى بالوصفه :lol: :wub:

[بنت النيل]

عموما هنروح بعيد ليه ياسلام غالى والطلب رخيص عزومة من بنت النيل على احلى اكله صياديه لعم حسين :victory:

بما إني بحب السمك الصيادية وبما أنك بتشجعي النادي المصري والزمالك ممكن تعزميني على السمك الصيادية مع عمو حسين؟؟؟

يا سلام يا الف اهلا وسهلا

ده الفروانية كلها تنور مش البيت بس اعملوها انتم بس وقولوا جايين :lol:

[الحاج فوزى]

عموما هنروح بعيد ليه ياسلام غالى والطلب رخيص عزومة من بنت النيل على احلى اكله صياديه لعم حسين :wub:

بما إني بحب السمك الصيادية وبما أنك بتشجعي النادي المصري والزمالك ممكن تعزميني على السمك الصيادية مع عمو حسين؟؟؟

ايه يا عم ابو حميد .. انت هتقطع عليا فى العزومة ولا ايه ؟!!! :victory:

وايه اللى دخل الزمالك والاهلى بس دلوقتى فى الكلام .. :lol:

حسين

[بنت النيل]

ايه نظام الزحاليق ده

انا بقولك وصفه زى بتاعت كتب الطبخ

يعنى تقوليلى ، تجب السمك وتقطه وتعصر والخ الخ الخ لحد ما نوصل لمرحلة الاكل بالهناء والشفاء :victory:

بصراحة انا عندى عزومة بكرة لجار وصديق عزيز على اكلة سمك ، وبما ان تخصص السمك فى البيت يقع على عاتقى

فكنت عايز اعمل حاجه جديدة غير السمك الصنية والجمبرى والمقلى وخلافه .

اما طبعاَ بالنسبة للعزومة فده موضوع تانى ، ولا يتعارض اطلاقا مطلقا بالمرة مع الموضوع الاول اللى هوا كان ... كان ايه ؟ مش فاكر

المهم الحقينى بالوصفه :lol: :wub:

حاضر ياعم حسين نعتبرها سؤال عن الوصفة

شوف ياسيدى هتجيب السمك البورى وتنظفه جيدا وبعدين تقطعه حلقات على حسب رغبتك بس متكونش صغيرة يعنى اقسم السمكة نصفين افضل عشان ما يتكسرش فى الطبخ

وبعدي ترشه ملح فقط

وتجيب عدد 3بصلات كبار ويفضل بصل احمر وتبشره وتحمره على النار لحد ما يبقى لونه بنى غامق جدا كأنه كدا هيتحرق مثلا وتروح حاطط المايه فيه على حسب رغبتك برده وتسبها تغلى شوية 10 دقايئق كدا حلو .

بعدها تصفيه من البصل عشان ما يكنش فى الشوربه لا يفضل وتحط الشوربة تانى على النار وتحط شوية فلفل اسود والملح وتقطع 1 طماطم كبيره مربعات فيها وتسبها شوية لما تغلى تبدء تحط السمك فيها ماشى

لمده ربع ساعة او ثلث ساعة تقريبا يكون السمك استوى بس يا سيدى بعدها تشيل السمك من الشوربه فى طبق وتحط بقى الشوربة فى الاطباق

معلش نسيت قبل ما تحط السمك فى الشوربه خد منها شوية اطبخ بيهم الارز طبعا عشان يكون ارز صيادية ايضا لازم

وكدا بالهنا والشفا

[الحاج فوزى]

اهو ده الكلام ..

نجربها بكرة فى العزومة ، واقولك النتيجة :victory:

حسين

[Ahmad Farahat]

هوا محدش عايز يسأل بنت النيل ليه..............

هوا فيه حاجة؟؟؟؟؟؟؟؟؟؟؟؟؟؟؟

لعل المانع خيرا.......

[عازفه على أوتار الذهب]

اهلآ بيكي يابنت النيل على كرسي الاعتراف.... :angry:

انا بقالي كتير قوي مسألتش..وبصراحه ماليش فموضوع الاسئله ده قوي....

بس قلت لازم أسألك سؤالين عالماشي قبل ماتقومي من عالكرسي.....

س:

ج:

السؤال التاني بقى :unsure:

ايه اكتر الحاجات اللي بتحسي انها انجازات فحياتك او نجاحات؟؟

س:بتخافي من ايه في الحياه؟؟؟

س:ايه اكتر حاجه ممكن تفرحك؟؟

وايه اكتر حاجه ممكن تزعلك؟؟

س:لو اديتلك 2بوكيه ورد واحد تهديه لحد قريب منك

وواحد تهديه لحد في المحاورات تهديهم لمين؟؟؟

س:صفه فنفسك بتعتزي بيها ؟؟

سؤال بقى بيوجع....بتحبي مصر؟؟؟؟؟؟؟

تم تعديل 5 مارس 2007 بواسطة عازفه على أوتار الذهب

[بنت النيل]

اهلآ بيكي يابنت النيل على كرسي الاعتراف.... :angry:

انا بقالي كتير قوي مسألتش..وبصراحه ماليش فموضوع الاسئله ده قوي....

بس قلت لازم أسألك سؤالين عالماشي قبل ماتقومي من عالكرسي.....

س:

ج:

السؤال التاني بقى :unsure:

ايه اكتر الحاجات اللي بتحسي انها انجازات فحياتك او نجاحات؟؟

س:بتخافي من ايه في الحياه؟؟؟

س:ايه اكتر حاجه ممكن تفرحك؟؟

وايه اكتر حاجه ممكن تزعلك؟؟

س:لو اديتلك 2بوكيه ورد واحد تهديه لحد قريب منك

وواحد تهديه لحد في المحاورات تهديهم لمين؟؟؟

س:صفه فنفسك بتعتزي بيها ؟؟

سؤال بقى بيوجع....بتحبي مصر؟؟؟؟؟؟؟

اهلا بيكى حبيبة قلبى عازفه ليست على عازفه على اوتار الذهب بل انتى الذهب نفسه

اول اجابه لاول سؤال اكثر انجازات فى حياتى حاليا هى الاطلاع على شهادة محمود بعد معانه من المذاكرة والمراجعه واشوف درجات تفرحنى احس انى انجزت شىء كويس

بخاف من ايه فى الحياة تقدرى تقولى كدا طلما لكل شىء نهاية فلا خوف من شىء مهما كان مؤلم طول ما انا متوكله على الله فى كل امورى فلا اخاف شىء سواه

اكتر حاجة ممكن تفرحنى عندما اشاهد اولادى سعداء ومبسوطين من اى شىء

اكتر حاجة ممكن تزعلنى والله يا عازفه هى فى حاجات كتير بتزعل الانسان لكن اكتر حاجة هى نكران الجميل والمعروف

اما عن بوكيه الورد الاول اهديه الى لاخويا الكبير لانى احبه فوق ماتتصور الحب

اما البوكيه الثانى انتى حيرتنى فيه عموما اهديه لمحاورات المصريين

صفه فى نفسى بعتز بيها هى " الامانه وعدم التكبر "

جينا للسؤال اللى بيوجع بتحبى مصر يااااااااااااه يا عازفه ومين مش بيحب مصر

وهل توجد كلمات تستطيع وصف حبى لمصر اعتقد لا تكفينى الكلمات ولكنى اكتفى بقولى لها

بحبك يامصر وربنا يعينك

[بنت النيل]

هوا محدش عايز يسأل بنت النيل ليه..............

هوا فيه حاجة؟؟؟؟؟؟؟؟؟؟؟؟؟؟؟

لعل المانع خيرا.......

ايه يا ارسين بتفكرهم ليه :unsure:

خليهم كله مصلحة برده :angry: ده حتى الكرسى مريح اوى

[inas]

بنت النيل كنت منوره الكرسي واليوم لازم ترشحي حد ;)

في انتظار ترشيحك :)

وشكرا

[nora]

نداء الي بنت النيل هل تسمعني :rolleyes:

المفروض ترشحى 3 اشخاص علشان يتكهربو يلا بسرعه كده ضيعتي عليه يوم في الاسئله

[inas]

وبما ان بنت النيل مرشحتش

وعشان نحافظ على استمرارية اللعبه

انا برشح ارسين لوبين

الي عايز يرشح حد يجي ونشوف اكثر تصويت لمين بس شرط منزيدش عن 3 اعضاء

[عازفه على أوتار الذهب]

اوك يا نونوس.....

انا برشح....

1:استاذنا الفاضل عادل ابو زيد..... :rolleyes:

ياريت الكل يرشح استاذ عادل ابوزيد عايزين نتعرف عليه اكتر.....

تم تعديل 8 مارس 2007 بواسطة عازفه على أوتار الذهب

[Ahmad Farahat]

أنا ما دمت داخل في التصويت.............

يبقى انا مش هصوت...........

مع تمنياتي بالتوفيق لنفسي..........

لأني دايما باخسر في الترشيح

آتشووووووووووووووووو

[Eldisel]

انا بقالي كتير مدخلنش على بسيط على الكورسي

وبما ان الترشيح كفتوح لأي حد فانا برشح ..... :rolleyes:

ارشح .... ( مين ... مين -_- )

برشح نفسي

ايوه انا برشح الديزل ....... ( يارب الاستاذ عادل ابو ذيد يكسب :D )

[Ahmad Farahat]

أنا شايف الترشيحات قليله

عشان كد قررت أرشح

معلشي

أرسين لوبين

تصفيق

هييييييييييييييييييييييييييييييييييييييييييييييييييه