كرسي الاعتراف

[bentmasria]

استعننا على الشقاء بالله

الاول النسر

وناخدهم بالترتيب يا ننوسة احنا ورانا ايه

ارسين وسكوب دوركم جاى ان شاء الله (وش ريا وسكينة)

ربى يجعل كلامى خفيف على اللى بالى بالكم :) :blink:

[nancy]

يا بنت مصرية مانت شايفة اهو ارسين لوبين بيزايد على نفسة بنافسة

عموما دة راى وانتم احرار :blink:

وبما اننا من الاحرار يا على( مين على دة)

عموما ارسين لوبين 104 :)

نسر صوتين

واحد تانى .. لا اصوات

اسكوربيون .. لا اصوات

[Folana]

السلام عليكم ورحمة الله ...

خير يا جماعة ان شاء الله ..انتم ماصدقتم تخلصوا من موديست ولا ايه؟...يعنى بعد ما كان مفرغ نفسه لتحقيقاتكم وسين وجيم..ومطحون معاكم...تقوموا تعملوا كده برضه ؟

طب حتى يقول رأيه مش النظام كان ماشى كده؟.....

خلونا نمشى تبع القواعد اللى وضعتوها فى البداية....واللى يسيب الكرسى هو اللى يرشح..ولا ايه رأيكم علشان نحافظ على روح الموضوع الجميلة دى...والا كده كل عضو حيختار تلاتة مختلفين كل مرة .......تعرفوا يا اولاد نفسى قبل ما اموت اشوف حاجة واحدة بس قادرين نتفق فيها ونفضل متمسكين بالاسس اللى وضعناها ومانغيرهاش....يارررررررررررب .....

تيجيوا نجرب نتمسك بالقاعدة مرة واحدة ...:)

[نانو]

6- عندك كام في البنك؟ (السؤال ده اتسأله س س من قبلك بس كان سؤال في الجون)

أتمنى توريد هذا الشيك إلى رصيدي في بنك المحاورات

موديست بجد ده اجمل رد علي اصعب سؤال

و ديه مننا ليك

و ديه اقل حاجه علي الشيك.... الشيك اوي بتاعك :)

متظرين ترشيحك يا افندم لان ده حقك بعد كل التعب و سهر الليالي قدام شاشه الكومبيوتر في تجهيز الرد وخصوصا ان عمليه الترشيح اتلخبطت شويتين

تم تعديل 9 يناير 2007 بواسطة نانو

[Ahmad Farahat]

خلاص أنا متبرع بال104 بتوعي ليكي يا نانسي.............

ولو إن البنت المصرية غالية عليه ومحبش أزعلها..............

يبقى النسر المصري............

بس نهاره مش فايت اللي هيقعد عالكرسي............

أنا لوحدي.............

هغرقه أسئله..........

بس لما اشوف شكله :)

[Folana]

و ديه اقل حاجه علي الشيك.... الشيك اوي بتاعك :blink:

متظرين ترشيحك يا افندم لان ده حقك بعد كل التعب و سهر الليالي قدام شاشه الكومبيوتر في تجهيز الرد وخصوصا ان عمليه الترشيح اتلخبطت شويتين

السلام عليكم ورحمة الله ...

الله عليك يا نانو يا جميلة..طول عمرى بأقول عليك جميلة وحساسة وكلك ذوق وبتعرفى تختارى كلماتك بعناية..بس ما كنتش اعرف انك جميلة قوى كده....

ربنا يكرمك ويبارك لك

نينة الحاجة :)

[nash]

مبرووووووووووووووووك يا موديست..... :)

كفارة....والله ....

هوة الصراحه أنا حاسه بتأنيب الضمير....بس أنا عارفه أنك قدها وقدود....

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

والله كان أسبوع جميل الصراحه...بس خير يعني...هوه أيه اللي حصل؟؟

اللي أعرفه أن المفروض موديست اللي يختار....طيب دلوقتي أيه اللي غير القاعده يعني...

وبعدين هوة المفروض أي حد يدخل ويرشح نفسه كده..ولا أيه...بس والله..يعني هي أسئله بريئه ...ممكن يعني أعرف؟؟؟

[inas]

كده نسر الف مبروك عليه

كمل خمس اصوات

متزعليش يا فولانه والله انا حبيت ارضي موديست وليس اكثر

انا مبكسرش القواعد عموما ومحبش اكسرها وقلت لموديست يرشح تاني بس هو مصدق خلع

وارسين الكرسي يتشرف بيك ان شاء الله

بس عشان مكنكسرش القواعد المرادي :rolleyes:

[Folana]

السلام عليكم ورحمة الله ...

:rolleyes: :lol:

قواعد ايه بس يا ايناس اللى مش عايزة تكسريها المرة دى...ضحكتينى ربنا يسعدك والله ..انا حاسة انى كنت فى مكان بعيد جدا .....:)

يا ست الكل يا جميلة..انا مش باتكلم عن قواعد المنتدى ولا قواعد النحو...انا باقول راى متواضع جدا فى موضوع جميل جدا..واجمل مافيه انه كان ماشى بنظام معين ..وفجأة ده اتغير ..بس كده فكنت اتمنى احافظ على روح الموضوع جميلة زى ماهى..من غير ماحد يزعل من حد....فهمتى حاجة؟:)..وده موضوعك اولا واخيرا تمشيه بطريقتك طالما مش بتتعدى على حرية حد...

:):)

[inas]

انا اقصد قواعد اللعبه

انا الحمد لله مليش دعوه بقواعد المنتدى مبجيش جمبها :)

حد اتكلم هنا في السياسه ولا جاب سيرت كروت ولا انذارات :lol:

ربنا يجعل كلامنا خفيف عليهم :rolleyes:

اما قواعد النحو فانا مكسراها كووووووووووووووولها :) :)

[وليد صفوت]

خلاص يا جماعة مادام اسم النسر عمرو عمور نزل على الأفيش ... قصدى العنوان يبقى خلاص ثبتوه بقى و هاتوه هنا على الكرسى و اربطوه كويس و وصلوا سلوك الكهرابا على ايديه و رجليه :rolleyes: ... أنا عاوز ابدأ :) :

عمرو أجب أفصح بالتفصيل:

1- حجم مناخيرك قبل الحادثة و بعد الحادثة. :lol:

2- لو ماكانش حلمك اتحقق بدخول كلية الفنون و العمل فى مجال الرسوم الكرتونية.. كنت تتمنى تبقى ايه؟

3- موقفك من بن لادن.

4- موقفك من كوندليزا رايز.

5- موقفك من مارينجوس الأول :o

6- اذكر أحب ثلاث اشياء مادية (جماد) الى قلبك. و أحب ثلاث اشياء معنوية (صفات-خصال-ثروة-قوة-حب-عطف-بطش-غرور-...الخ) الى قلبك. و أحب ثلاث اشخاص الى قلبك (من غير أهلك و أقاربك :) ).

7- السؤال التقليدى: عُرض عليك الذهاب الى جزيرة منعزلة عن العالم بشرط أخذ خمس اشياء فقط معك .. فما هم؟

8- ماذا ستفعل لو كنت رئيس الولايات المتحدة الأن ؟

9- ماذا ستفعل لو كنت رئيس مصر الأن؟

10- متى ستتزوج ؟ :)

كفاية عليك كده دلوقتى ... شد سكينة الكهربا يا جابر على النسر و خليه ياخد خمسين ستين فولت كده لحاد لما ارجعلك بأسئلة تانية :D

[النسر المصري]

( مشهد ليلي في ممر مضلم أخره في بقعة صلصة بايته من امبارح ولمبة جاز وحيطان مشققه واتنين لابين ازرق ف ازرق وساحبين المغلوب على امره نسر افندي وهو يصرخ)

بعد ايدك ياض منك ليها لاها لاوها...

بقولك نزل ايدك...اية الاستعباط دة.... ابعد بقولك انت واخدني رايح على فين ياض انت!!!...يوووه وبعدين بقولكم سبوووونيييييي!!!

(داخل الغرفه المظلمة واحد جحش بقرنين بلاستيك وعين حمرة والتانيه خضره وشرارة من النص وعندة سنة آآ وسنة لأ وماسك النسر من مراخيرة وقافش عليها بشوارع ايده)

-اية دة. :lol: ...مين دة :rolleyes: ..... جابر مييييييين!!!!!!!!!!! ليه بس كدة ياخوانا !! :) ياعم انت بتبصلي كدة ليه......!!! ياناس عيب كدة خلو عندكم رحمة....الله يسامحكم...اهىء اهىء!!!

خاضر ياعم جابر انا قاعد اهو ....ولا هفتح بقي ...هلاص انا اتربيت ...يترب استر

يلا خلصونا واحد ورا التاني خلينا نخلص من أم الا سبوع اللي هيخرملنا نافوخنا

اتفضل ياسي وليد...مالك بتضحك من تحت لتحت في الخباثه....ماتسأل وتخلص!!!

استعنا بالله تعالى وتوكلنا على الله ......الاجابات ياعم ليد (افهم بس مين واسطتك في الجيش اللي سابك براحتك دة )

ماعلينا

1- افهم مراخيري مضايقاك فيه ايه...!!! انت مالك ومالها...هي نفس الحجم ماتغيرتش...بس شوية انعواج في النايه اليمين ومسمارين حديد صلب وحاشينها ممبار عشان تسمن.... بس ماتقلقش سليمه

2- ملحوظة انا كنت بتمنى ابقى طيار قبل فنون جميلة... بس لو مادخلتش قنون جميلة يبقى احسن لي دخلت مستشفى العباسية....( بس كان ممكن اقبل بكلية أداب قسم علم نفس او فلسفة ....بجد والله كنت ومازلت بموت في المادتين دول)

3- أوافق على الرأي القائل انه نصاب وخائن ومتعاون مع الامريكان ولي تفسيرات وتحليلات طويلة في ذلك الشأن

4- كنلة من القذارة السياسية العنصرية تجمعت في تلك الكوندليزا...وهي تطبيقات ثابته لامريكا منذ الازل في ذلك الشأن... حيث ان المعتاد ان تكون السياسة الخارحة لامريكا لها تلك الرائحة النتنة

5- كان راجل طيب والله وابن حلال...ربنا يديله الصحة :)

6-اكتر ثلاث اشياء جماد ( عربيتي البي ام البيضا المرحومة- لوحاتي ايام الكليه-هدايا اصدقائي التذكارية)

اكثر ثلاث اشياء معنوية ( الجمال السامي - الصدق والصراحة- القوة في القيادة)

اكثر ثلاث اشخاص ( سؤال صعب اجابته......لاني مابحبش اظلم حد...بس باختصار...بحب عائلتي...وصحابي.........................والمحاورات) :)

7- القرآن طبعا اولا - قلمي الرصاص المفضل- ورق كتييييير اوي- سكينة ابولو بتاعتي- عدسة تايتانك بتاتعتي بردو)

8- رغم اني هيكون صعب اصلح اخطاء الغبي بوش دة هو وابوه....الا ان الفرصة قائمة في ان اكسب احترام العالم واصلاح الضرر

9- الاجابه موجودة هنا

10- والنبي ماتفكرني.....بلا خيبه يا شيخ!!!!!

اللي بعدة

[Siwa]

شوف حضرتك يا أستاذ نسر....والله انا كان منى عيني اشوف حد أهلوي على الكرسي :) والحمد لله ربنا كرمني وشوفت اليوم ده برجوعك بالسلامه...

نبدأ التحقيق

س: وانت صغير العيال كانوا بيضربوك وياكلوا الساندويتشات بتاعتك ولا انت اللي كنت شقي وبتضربهم!!!!!! :rolleyes:

س: مين اكتر شخصيات اثرت في حياتك على المستوى العام والخاص!!!!

س:إيه اكتر بلد كان نفسك تزورها ومازورتهاش!!!!!

س: بيقولوا العمر بيتحسب باللحظات الجميله اللي البني آدم بيعيشها...لو افترضتا إن الكلام ده صحيح يبقى عمرك كام سنه!!!!! :)

س:لو هتوجه رساله للشخصيات التاليه هتقول فيها ايه

نوره

استاذ أبو محمد

مصريه يعني مصريه

واحد تاني

استاذ زهيري

استاذ وليد صفوت

س: ماذا يمثل لك هؤلاء....

1. طبق كشري ويا حبذا لوكان من عند ابو طارق :)

2.فانوس رمضان :D

3. النادي الإهلي :lol:

س: هل لديك أقوال آخرى!!!!! :o

تم تعديل 10 يناير 2007 بواسطة Siwa

[Ahmad Farahat]

أستاذ نسر

كنت وعدت الناس هنا إني هفرجهم عاللي هيقعد عالكرسي

بس احنا أهلاوية ومينفعشي نعض فبعض

لكن برضه هسألك

إيه أحلى منظر شفته فحياتك

ويا ترى تحب تتجوز واحدة شبه مين من الممثلات

وليه ممكن تشتري موبايل بكاميرا

وليه مبتحبش الزمالك

وإيه أحب الحيوانات ليك

وانت صغير والدك قالك مرة ياريتني ما خلفتك ...........أجب عن السؤال ذاكرا السبب

فيه واحدة قبل كده قلتلها بحبك واديتك بومبة

اسئلة سهله أهي

من أخيك أرسين

[kokowawa1979]

كان نفسي ألحق سي السيد على كرسي الاعتراف بس ماحصلش نصيب -ماهو الشغل للأسف مابينقطعش ويادوب الواحد يحصل فرصة يدخل على طول - لكن أهو واحد أهلاوي تاني يسد :rolleyes:

قل بقى ياعم النسر :

من فترة الجنس الناعم في المحاورات كان عارض عليك فتح موضوع الزواج وانت كنت بتتهرب على ما أعتقد فهل ياترى دخلت المعتقل واللا لسة وإذا لسة إيه الأسباب ؟

هل أنت مقتنع بالعمل الذي تمارسه أم أن الظروف هي التي أجبرتك عليه - دي بقى عايزة صراحة الصراحة

إذا فتح الله عليك باب الرزق الحلال من أوسع أبوابه فما المشروع الذي يمكن أن تساهم به في تخفيض البطالة ؟

وأخيرا ليه بتشجع الأهلي مع إنه نادي الحكومة الفاسدة وانت أخلاقك بسم الله ماشاء الله :lol:

[MZohairy]

من أنت؟ :rolleyes:

(سعاد حسني موجهه السؤال الى حسين فهمي في خلي بالك من زوزو)

[nancy]

زهيرى أرحمنا من من انت تكونش انت مش عارف من انت فبتسال كل واحد من انت علشان يمكن تفهم من انت :rolleyes:

عمور حمد الله على السلامة وزى ما صعب عليا مودست من كتر الاسئله واكيد حتصعب عليا انت كمان

فقررت مسالكش بس اسلم عليك واشجعك وامشى

يلا سلام وربنا يعدي الاسبوع دة على خير :lol:

تم تعديل 10 يناير 2007 بواسطة nancy

[Diab]

عموووورة بص هو سؤال واحد بس بس مش شخصي :)

يا تري بتستعمل أنهي برفان من دول

1- one man show

2-two men show

3-seventy million men show

شوفت أسئلتي هادفة إزاي مش زي أسئلتهم :wub:

تم تعديل 10 يناير 2007 بواسطة Diab

[Ahmad Farahat]

ياريت حضرتك تفرد لنا أسباب عدم تشجيع الزمالك مع رصد شامل لتاريخ الزمالك عشان خاطر عيون كوكوواوا

[النسر المصري]

اولا اعتدر لجميع الحبايب على تأخري عالرد بسبب مرضي المفاجيء اللي خلاني بايت في السرير اربع ايام عجاف بهدلوني وبهدلو اللي خلفوني ...فكامل اعتذاري لكم ولشخصكم الكري

وهابدأ الرد عليكم واحد واحد حالا بعد تسجيل المداخله دي