كرسي الاعتراف

[Siwa]

الف سلامه على حضرتك يا استاذ نسر....

ربنا يشفيك ويعفي عنك إن شاء الله

[bentmasria]

الف سلامة ياقمر

هى الناس بتعيا فى عيد ميلادها ولا ايه

مفيش تزويغ

حتجاوب يعنى حتجاوب

والسؤال

هو

بص ياسيدى

اصل يعنى

السؤال

يوووه

نسيته

طايب لما افتكر ارجع اكتبه

ولا اقولك

افتكرته

مين اكثر واحد حبيته طول عمرك مع وصف تفصيلى يعنى لون عنيها شعرها حاجات كده

انا جاية اهدى النفوس

يعنى موش حشيل نسخة من الاجابة لخطيبتك لا سمح الله

وحشتنا ياعمو عمر ده على لسان فرقع افندى اللوز ولدى

حمد لله على السلامة

[Ahmad Farahat]

نسيت أقول مع كل سنة وانت طيب في الإجتماعيات.........

ألف حمد الله عالسلامة.............

والله أنا كنت عايز أقعد عالكرسي مكانك...........

بس واضح إنهم بيحبوك قوي :lol:

إنت تستاهل كل خير..........

واهتم بالأسئلة بالذات

موضوع

البنت الحلوة دي

أنا عايز اعرف ذوقك

[kokowawa1979]

يابني دي عين وصابتك وانا عارف هي عين مين :blink:

ألف سلامة عليك يابو النسور

لكن نصيحة اخوية أنا مش دكتور لكن اللي فهمته من كلامك [انك مطلوب لك أكل معين مسلوق - ( خضروات ) أعتقد إنه بعد الشر عليك آمل أن يكون ظني مش في محله إن الكوليسترول والدهون زايدة عندك شوية ودي نتيجة طبيعيه لعشقنا لخروف العيد وباعتبار إنك نسر كاسر :angry2: خلصت على الخروف بما فيها الليه :blush: ودي يمكن اللي سببت المشكلة عندك .

أهم حاجة بقى في موضوع الدهون ياخويا النسر هي الرياضة يعني تمشي هرولة أو تجري خفيف يوميا على الأقل ساعة وبعدهاإن شاء الله في خلال شهر ستعود الأمور إلى طبيعتها .

وعليك بالخس والكرنب الأحمر والبروكلي وقرن شطه خضراء على مدار اليوم ( لقرن الشطة فقط)

لكن ياترى يانسر ياخويا قلت للدكتور إنك بتشجع الأهلي ؟؟؟؟ :D

أصل دي بالذات للأسف مالهاش علاج :D

[سهيلة]

الف سلامة عليك

وعشان تعبان يا نسر موش هتقل ف الاسءلة

س

حلم لم يتحقق؟؟؟؟؟؟؟؟؟

س

حلم تحقق ولكن اثبتت الايام انة كان سراب ووهم وليس حلم

س

اسعد لحظة ف حياتك

س

حاجة لو شفتها مهما كنت حزين تنسى حزنك وتبتسم

[inas]

يلا يا نسر شد حيلك وخلص الهوم ورك بتاعك

في واحد واقف في طابور المرشحين تعالى ورشح 3 متتأخرش :ninja:

[النسر المصري]

أنا طبعا قصرت أوي إوي معاكم

لكن عشان ماحدش يفتكر اني هاهرب ولا حاجة ....لا انا ضكر...ونسر أهلاوي أصيل...أوع وشك

أنا هابأ الإجابات

أسئلة سيوا

س: وانت صغير العيال كانوا بيضربوك وياكلوا الساندويتشات بتاعتك ولا انت اللي كنت شقي وبتضربهم!!!!!!

ج: انا كنت محمي بموجب ان ابويا كان مدرس في نفس المدرسة...وبما ان كان ليا واسطة تقيله....فكنت بضرب العيال ...لا وكمان كنت بطلع الأول عالمدرسة...وزي مقال الزعيم زكي جمعه...( عفواً..انه زمن الواسطة) :D

س: مين اكتر شخصيات اثرت في حياتك على المستوى العام والخاص!!!!

ج: ستي ام القلب الطاهر أم ماما...وسيدي ابو القلب الطاهر أبو بابا....(انا مش فاهم ليه ماتجوزوش بعض :ph34r: )

س:إيه اكتر بلد كان نفسك تزورها ومازورتهاش!!!!!

ج: ايطاليا...وفرنسا ...واسبانيا........ عاوز اشوف فن العملاقة.... رمبرانت....ليوناردو دافنشي.....مايكل أنجلو

س: بيقولوا العمر بيتحسب باللحظات الجميله اللي البني آدم بيعيشها...لو افترضتا إن الكلام ده صحيح يبقى عمرك كام سنه!!!!!

ج: والله كتير ...كتير أوي.... كتير اوي اوي اوي اوي.. يعني يمكن مائة عام..........طبعا اكيد عارفين ليه.......................لان الأهلي دايما رافع راسي :D

س:لو هتوجه رساله للشخصيات التاليه هتقول فيها ايه

نوره : عندك عروسة لية؟

استاذ أبو محمد: هل تقبل ان اكون شقيقا لك؟

مصريه يعني مصريه: هل تقبلي ان اتزوج احدى بناتك ياطنط؟

واحد تاني : ممكن تقولي ايه حكاية حولي والفروانيه دي اللي انت خرمتلي نافوخي بيها؟

استاذ زهيري : هل يقتصر فن الروقان وتهدئة النفوس على شخصكم الكريم؟

استاذ وليد صفوت : ممكن تعلمني ازاي اعزف ناي؟

س: ماذا يمثل لك هؤلاء....

. طبق كشري ويا حبذا لوكان من عند ابو طارق

ج: عامل زي سيجارة الحشيش بالنسبة للمدمن.....دماغ يعني....بس مين ابو طارق :P ؟؟؟

.فانوس رمضان

رغم اني مالعبتش بيه..... بس بحبه عشان رمضان

. النادي الإهلي

هو كياني...هو دمي ...هو عشقي...هو فخري كمصري...هو وطني الحبيب والأول على أرض مصر....هو الرمز للمباديء والأخلاق.....هو القدوه لكل اندية مصر وشعبها وحكوماتها.....هو الشي الوحيد الصحيح إداريا على ارض مصر

هو .....هو..........................هو حبي :D

س: هل لديك أقوال آخرى!!!!!

ج: ايوه عندي......... شمعنة صورة جمال عبدالناصر يعني؟!!

[nora]

انا كنت سالتك بس شكلها طارت ايام المشكله اياها

سؤالي باه انت فين مش بترد ليه على الاساله؟؟:ph34r:

[النسر المصري]

معلش يانورا والله كنت عيان جدا ومقيها في المستشفى....بس ماتخافيش انا هجاوب على كل الأسئلة....وياريت لو تقدروا تعملولي بس استثناء وتمدو الاعتراف اسبوع كمان عشان اوفيلكم حقكم..... واوعدكم اني هكون معاكم على الخط....اصل كمان الاعتراف جه في الوقت اللي جيت فيه من مصر...وكمان عيد ميلادي اللي ورملي راسي.....وكمان المستشفيات وتقبل التهنئات ...وكمان لسه طالعين من عيد ولحمة بقى وافلام :D

معلش ادوني اسبوع كمان وانا هارد على كل اسئلتكم

نرجع للإجابات.

الصديق الغالي آرسن لوبن الأهلاوي المحترم الأصيل الحبيب

انت تسأل على راحتك ياباشا وولا يهمك هو انا ليا كام آرسن لوبن بحبه في الدنيا دي

يلا خد اجاباتك يامعلم

إيه أحلى منظر شفته فحياتك

استقبال المصريين لابطال النادي الأهلي بعد تحقيق اعظم انتصار عالمي على مر التاريخ المصري والعربي والإفريقي :ph34r:

ويا ترى تحب تتجوز واحدة شبه مين من الممثلات

مديحة كامل في عز شبابها...أو حنان ترك بعد الحجاب

وليه ممكن تشتري موبايل بكاميرا

عشان اللحظات الحلوة

وليه مبتحبش الزمالك

لا هنا ستوب بقى يا صديقي....انا بحب الزمالك...وبحب القناة....وبحب بورسعيد...وبحب الدلتا......وبحب سينا....وبحب الصعيد.......وبحب لاسكندرية....وبحب مصر.....عشان أنا أهلاوي :P

وإيه أحب الحيوانات ليك

القطط...بموووووووووووووووووووووت في القطط....بعشق القطط....... حتى زوجتي المستقبليه اتمنى ان تكون فيها شبه من القطط....ويتجلى ذلك في اختياري لمديحة كامل او حنان ترك....بردو بعد الحجاب :D

وانت صغير والدك قالك مرة ياريتني ما خلفتك ...........أجب عن السؤال ذاكرا السبب

مش بالصيغة دي اتقالتلي......لكن كذا مره ابويا يعاقبني عقاب شديد.....لاني كنت شقي جدا... ومازلت :D

فيه واحدة قبل كده قلتلها بحبك واديتك بومبة

بردو مش بالشكل ده...هي مش بمبه...انما من أول ماقلتلها وهي رفضت على طول....وحاولت معاها بشتى الطرق

لو عاوز تعرف قصتها إقرأ الحكاية اللي انا كتبتها دي بعنوان (أم الشاااال الأحمر...غزل ومواااال) (

وهكذا ينتهي الحوار مع صديقي الأهلاوي الحميم الحبيب وجاهزله بردو لأي سؤال

يلا الللي بعععععععععععععععععععدههه

[النسر المصري]

صديقي الزمالكاوي (مش عارف لي زمالكاوي وعلى ايه :P ) كوكو واوا (معلش مش لاقي لون أبيض :ph34r: )

طبعا احنا بينا احترام وصداقة ابديه...وعشان كده انا بحبك

ده كان استهلالا لابد منه

اسئلتك بقى ياعم زمالكاوي ياكوكو

انت سألت

قل بقى ياعم النسر :

من فترة الجنس الناعم في المحاورات كان عارض عليك فتح موضوع الزواج وانت كنت بتتهرب على ما أعتقد فهل ياترى دخلت المعتقل واللا لسة وإذا لسة إيه الأسباب ؟

للأسف لسة مادخلتش....وانا نزلت سبوعين مصر عشان اطمن على ابويا.....لكن لقيت ابويا وامي والعيله كلها عيانه في قلبها...لية بقااااا.؟؟...سألتني ليه؟

أصلهم قرفو مني وعايزيني اتجوز.....وفعلا كنت على وشك اني ازنق نفسي في واحدة جميله وأخلاق وعائله محترمه....بس للأسف مادخلتش قلبي رغم اني قعدت معاها تلات مرات......

بس قولي ......فين الموضوع ده اللي الجنس الناعم عرض عليا فتح موضوع زواج ....لاني ماشفتهوش....ياريت تحطلي اللينك بتاعه

هل أنت مقتنع بالعمل الذي تمارسه أم أن الظروف هي التي أجبرتك عليه - دي بقى عايزة صراحة الصراحة

طبعا مقتنع...لاني طول عمري بحب الفن والرسم .... ومازالت طموحاتي اكبر من ذلك بكثير... بس نفسي استغل حبي للدعاية والاعلان باني اعمل مصنع لاي منتج صناعي.....واعمل شغل الدعايه اللي احبه...وربنا يوفق

إذا فتح الله عليك باب الرزق الحلال من أوسع أبوابه فما المشروع الذي يمكن أن تساهم به في تخفيض البطالة ؟

زي ماجاوبت في سؤالي السابق.... مصنع لاي منتج متميز.....ويتفرع منه شركة صناعة اعلان.......وشركة تأهيل مهني للكوادر النادرة...من الآخر...أنا أؤمن بالتخصص

وأخيرا ليه بتشجع الأهلي مع إنه نادي الحكومة الفاسدة وانت أخلاقك بسم الله ماشاء الله؟؟!!

لا كده ازعل منك...انت عارف ان النادي الأهلي رفع راس مصر وفاز ببطولات تاريخية...ولو هو نادي حكومه فاسده....فكر وقولي ايه اللي يخليه يفوز ببطولات خارجية....هل عشان حكام افريقيا بيساندوه؟؟!!!....وهل في بطوله العالم بردو الحكام ساندوه....ولا ايه بالظبط؟!!

بس بردو هفضل احبك يا كوكو ياخويا

الليييي بعددددهههه

[النسر المصري]

حبيبي وتوأم روحي في الدماغ الرايقه اونكل مسيو زوهيري

اما ياأخي انت عليك شوية أسأله....سؤال من كلمتين عاوزله سبع صفحات

من أنت؟

طيب انا هجاوب بطريقتك الشعريه المفضلة

اسمع ياسيدي

بتسألني مين أنا؟؟؟ طب إسألني اذا كنت عاوز حاجة؟!! اي حاجة محتاجة!!

ولا أقولك ...مانيش عايز خلاص حاجة...ولا محتاج انا لحاجة..... ولو عايز صحيح حاجة .... يبقى مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة ....وأهى حاجة مع حاجة ...هتظهر وتبان لنا حاجة

وانا ما بخفش من حاجة ....مانيش مسنول عن حاجة

لكن ما بخفش من حاجة ...و فرضاً لو هقول حاجة ...هيحصل إيه؟؟ ... ولا حاجة!!!

هيعملوا إية؟؟.... ولا حاجة .....ولو بعد الشر .. بعد الشر ....لو واحد من القاعدين من السامعين من الضالين فِهِم حاجة .....هَيعملوا إيه ؟؟؟؟

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة .....وناس بتموت علشان حاجة..... وناس بتموت على الحاجة !!!

وناس تديلك الحاجه.... وهى ليها محتاجه.... وناس تديلك الحاجه ....و تاخد قصدها ميت حاجه!!!!

وناس تكبر تكون حاجه .....و ناس تصغر علشان حتة حاجه !!

وناس منظر ومش حاجة....وتلقاه كبير حرس ونفير عليه منظر... وهو جبان وشيخ منصر...... ولا بيبانش عليه اي حاجة !!!

كلامى يا خلق فيه حاجة؟؟ ... لحد دلوقتى فيه حاجه؟ ....كلام عادى وبسيط جداً .. ولا فِهشِ ولا حاجة !!!

ما انا ما أقدرش أقول حاجه ....صحيح نفسى أقول حاجه ....وميت حاجه..... لكن مش قادر اقول حاجة ...

لأنى لو هقول حاجه ..هييجى ناس بتوع الحاجه ...وياخدونى ورا الحاجة..... وهو لو سمع حاجه.... هيعملوهالى ميت حاجه!!!

عموما ... بصو لو حد من القاعدين عايزنى أبلغه بحاجة... يقول مايخفش من حاجة!!!

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة!!

وبتقول إيه...مصمصوا إيه.... وخصخصوا إيه....ده كله كلام مفهوش حاجه ...

قضية إيه ... ياشيخ روح خلاص مافيش حاجه !!!

حرامى إيه ... ولَكّح إيه ... وهرّب إيه؟ شــفـافـيـه مافيش حاجة !!!

وبتقول إيه ... لالالآلأ عـــيب لافيه تدليس ولاترقيص ولا تدبيس.... وولا حاجه!!!

سمع مع هووووس ...انا حاسس انه فيه حاجة.... دقيقة سكات لَتبقى حداد ....انا حاسس انه فيه حاجه !!!

زمنكوا ياخلق فيه حاجه.... ولازملوا كام وميت حاجه.... ده لو يعنى إذا كان فيه حاجة..... انا عن نفسى مش حاسس ولا بحاجة...... ولا متضايق ولا حاجة....!!!

سعادتك برضه مش زَيـىِ مافيش حاجة ؟ ..... أهـه بيقول مافيش حاجة ....جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة !!!!

ما أنا قولتلكو من الأول مافيش حاجة...... عليا النعمه يا اخوانّا مافيه حاجة ......ورحمة ابويا ويّا أبوك على إللّى جابوك ما فيه حاجه !!!!

وعهد الله . وعهد الله. وعهد الله ما خللولنا ولا حاجه!!!!!

بقولك إيه خـــلاص خلّص وفركش يا اخوانا وكله يروح يعمله حاجة !!

[النسر المصري]

زهيرى أرحمنا من من انت تكونش انت مش عارف من انت فبتسال كل واحد من انت علشان يمكن تفهم من انت

عمور حمد الله على السلامة وزى ما صعب عليا مودست من كتر الاسئله واكيد حتصعب عليا انت كمان

فقررت مسالكش بس اسلم عليك واشجعك وامشى

يلا سلام وربنا يعدي الاسبوع دة على خير

رفيقتي في الدرب الفني وصديقتي الجدعة جدا جدا وأم الجدعان الحاجة نانسي

والله انت بنت ناس راقيه وغالية عليا جدا....

ماقولتلكيش انا على اللي حصل في الاسكندريه في الزيارة التاريخية اللي قمت بها انا اول ماوصلت على مطار النزهة....ياسلاااام...ده كان حتة يوم...انا واخواتي الربعه قضينا احلى يوم في مصر

بس اكن نفسي اقعد فيها كل الاجازه واجيب ابويا وامي هناك نعيش حياتنا اسبوعين كده من نفسنا

عموما انا قررت قرارين مهمين مع بداية السنه الجديدة

اولا شراء شقه بالاسكندريه :D

ثانيا: الاشتراك بالنادي الأهلي العظيم :D

ثالثا .......يمكن اتجوز!!!!!!!! :ph34r:

عموووورة بص هو سؤال واحد بس بس مش شخصي :P

يا تري بتستعمل أنهي برفان من دول

1- one man show

2-two men show

3-seventy million men show

شوفت أسئلتي هادفة إزاي مش زي أسئلتهم :D

دياب حبيب قلبي

ياسلاااام عليك يادياب وعلى اسئلتك الهادفه :D

عبقري.....!!!. طول عمري بقول عليك عبقري!!!

طبعا ً بستخدم ...CUCCI :D !!!!

تم تعديل 15 يناير 2007 بواسطة النسر المصري

[MZohairy]

حبيبي وتوأم روحي في الدماغ الرايقه اونكل مسيو زوهيري

اما ياأخي انت عليك شوية أسأله....سؤال من كلمتين عاوزله سبع صفحات

من أنت؟

طيب انا هجاوب بطريقتك الشعريه المفضلة

اسمع ياسيدي

بتسألني مين أنا؟؟؟ طب إسألني اذا كنت عاوز حاجة؟!! اي حاجة محتاجة!!

ولا أقولك ...مانيش عايز خلاص حاجة...ولا محتاج انا لحاجة..... ولو عايز صحيح حاجة .... يبقى مخليتوليش ولا حاجة

عموماً بصوا فيه حاجة ...... هقولها بس محتاج لعقول تفهم..

ولو حاجة مهيش مفهومة او حاجة ....نفسرها بكام حاجة ..

نوضحها بكام حاجة ....وأهى حاجة مع حاجة ...هتظهر وتبان لنا حاجة

وانا ما بخفش من حاجة ....مانيش مسنول عن حاجة

لكن ما بخفش من حاجة ...و فرضاً لو هقول حاجة ...هيحصل إيه؟؟ ... ولا حاجة!!!

هيعملوا إية؟؟.... ولا حاجة .....ولو بعد الشر .. بعد الشر ....لو واحد من القاعدين من السامعين من الضالين فِهِم حاجة .....هَيعملوا إيه ؟؟؟؟

اكيد برضُه ولا حاجة ....فنتوكل على الستار لوجه الله نقول حاجة فيه

ناس بتعيش علشان حاجة .....وناس بتموت علشان حاجة..... وناس بتموت على الحاجة !!!

وناس تديلك الحاجه.... وهى ليها محتاجه.... وناس تديلك الحاجه ....و تاخد قصدها ميت حاجه!!!!

وناس تكبر تكون حاجه .....و ناس تصغر علشان حتة حاجه !!

وناس منظر ومش حاجة....وتلقاه كبير حرس ونفير عليه منظر... وهو جبان وشيخ منصر...... ولا بيبانش عليه اي حاجة !!!

كلامى يا خلق فيه حاجة؟؟ ... لحد دلوقتى فيه حاجه؟ ....كلام عادى وبسيط جداً .. ولا فِهشِ ولا حاجة !!!

ما انا ما أقدرش أقول حاجه ....صحيح نفسى أقول حاجه ....وميت حاجه..... لكن مش قادر اقول حاجة ...

لأنى لو هقول حاجه ..هييجى ناس بتوع الحاجه ...وياخدونى ورا الحاجة..... وهو لو سمع حاجه.... هيعملوهالى ميت حاجه!!!

عموما ... بصو لو حد من القاعدين عايزنى أبلغه بحاجة... يقول مايخفش من حاجة!!!

نعم ...... فيه إيه؟ ...لالالالالأ مافيش سرقه ولا تهليب ولا تهريب ولا حاجة!!

وبتقول إيه...مصمصوا إيه.... وخصخصوا إيه....ده كله كلام مفهوش حاجه ...

قضية إيه ... ياشيخ روح خلاص مافيش حاجه !!!

حرامى إيه ... ولَكّح إيه ... وهرّب إيه؟ شــفـافـيـه مافيش حاجة !!!

وبتقول إيه ... لالالآلأ عـــيب لافيه تدليس ولاترقيص ولا تدبيس.... وولا حاجه!!!

سمع مع هووووس ...انا حاسس انه فيه حاجة.... دقيقة سكات لَتبقى حداد ....انا حاسس انه فيه حاجه !!!

زمنكوا ياخلق فيه حاجه.... ولازملوا كام وميت حاجه.... ده لو يعنى إذا كان فيه حاجة..... انا عن نفسى مش حاسس ولا بحاجة...... ولا متضايق ولا حاجة....!!!

سعادتك برضه مش زَيـىِ مافيش حاجة ؟ ..... أهـه بيقول مافيش حاجة ....جنابك برضه مش زَيـىِ وعلشان زَيـىِ مافيش حاجة .. أهـه بيضحك بيقول مافيش حاجة !!!!

ما أنا قولتلكو من الأول مافيش حاجة...... عليا النعمه يا اخوانّا مافيه حاجة ......ورحمة ابويا ويّا أبوك على إللّى جابوك ما فيه حاجه !!!!

وعهد الله . وعهد الله. وعهد الله ما خللولنا ولا حاجه!!!!!

بقولك إيه خـــلاص خلّص وفركش يا اخوانا وكله يروح يعمله حاجة !!

رغم اختصارك المجحف للاجابه على السؤال العظيم الا اني اشكرك على الافاده والتوضيح :ph34r:

[النسر المصري]

العزيزه والغالية سيوا (نفسي افهم شمعنه اخترتي اسم سيوا :ph34r: ..)

الله يسلمك واشكرك جدا جدا على السؤال ياست الستات :D

شاعرة المنتدى والصديقة الغالية بنت مصرية (ام مادا)

مرسي جدا جدا على سؤالك على صحتي

بس مش مرسي خالص مال على سؤالك عن حبيبة القلب القديمة

بس عشان اكون بردو ملتزم بقوانين كرسي الاعتراف والمشروطة بالصدق والأمانة فإليك هذا اللينك واللي انت ماشفتهوش ونفسي تعلقي على الكلام اللي فيه

أم الشال...غزل وموال

الصديق الغالي الأهلاوي الحبيب آرسن لوبن

شوف ياسيدي انت سألت سؤلين عن سبب عدم تشجيعي لنادي الزمالك....وعن البنت الحلوه اللي بتمناها

بالنسبه للبنت الحلوه انا سبق وجاوبت على السؤال ده فملش مشهقدر اكتب تاني عنها لان قلب بيتعب لما بتككلم عنها :P

اما عن سبب عدم تشجيعي لنادي الزمالك....فدي ليها اسباب واضحة جدا رغم اني بشجعه في المحافل الدوليه..ولكن حسناً ما سألت فلنجيب!!!

اولا.. فشله الإداري وبلطجة بعض الإدارات السابقة وفضائحة التي ملئت الدنيا...واذكر منها المسدسات وضرب النار والبلطجية بين اسماعيل سليم ومورته منظور....وحادثة ضرب الاغيبه بالمطوه لعبدالواحد السيد وابراهيم سعيد من احد اعضاء النادي ....الشتئم العلينيه والافلام الهنديه من كبار مسؤولينادي الزمالك....واياك اسمع حد زمالكاوي يقول ان السبب هو الاعلام لان كلنا فاكرين طاهر ابو زيد لما كان في الإداره كان عامل مشاكل وكانت الجرايد مليانه من فضائح الأهلي ...وطبعا سائت نتائج الأهلي لانه بقى بتاع مشاكل والاعيبه طلعت من تركيزها....لكن اعضاء النادي عرفو ان طاهر ابو زيد ازاي كان خبيث وبتاع مشاكل....وعشان كده مانتخبهوش......اما اعضاء نادي الزمالك المساكين....انتخبو مرتأي منشور اللي كلنا عارفين انه محامي الراقصات والعاهرات .... وطبعا على جاعوره وشتايم تهد بلد....ده ياراجل شتم زكريا عزمي على الهواء مباشرة.....بذمتكم ده مش مجنون

ده كله بقى اولا...اومال لو دخلت على ثانيا وثالثا ورابعا........ياشيخ بلا هم

بس بيني وبينكم انا بردو بحب الزمالك كفريق مصري....ونفسي يبقى حاجة مهمه زي الأهلي...وعااوز الاسماعيلي كمان وكل فرق الدوري تبقى حاجة فوق الوصف...وده مش هيحصل الا ذا بصوا على نفسهم..وصلحو من ادارتهم....وتخذوا الأهلي قدوه لهم.....وبطلوا حقد وكلام عبيط مالهوش اي لازمه ...ومحاولاتهم الفاشله على مدار مائه عام من البحث عن فضيحة واحدة للنادي الأهلي....وفوق ده كله...النادي الأهلي كمان مابيردش عليهم..وبيعمل في صمت ...وبينجح نجاح تلو الآخر...وهم لسه بيلعبو في المتر ربع الأول.....ياشيخ بلااا همممممممممممممممم!!!

[Siwa]

اولا الف حمد لله على السلامه

حد في مصر كلاتها مايعرفش كشري أبو طارق يانسر.....اتفضل ادي الWebsite بتاعه

كشري أبو طارق

وايه بس كل وجع الدماغ ده على الاهلي بس....دا حتى اسمه مش عاطفي خالص :D .....

واشمعن عبد الناصر!!!!!!عشان باحبه جدا وباحب توجهات فترته....ولو إن كده شكلهم هيلموا كل اللي بيحبوه قريب :D -_- ....وواحد من اولادي المستقبليين إن شاء الله هيكون اسمه ناصر او جمال.....يلا ياترى من يعيش ياولاد :angry:

اما ليه اخترت سيوة.... فجاوبت السؤال ده قبل كده في موضوع مصريه يعني مصريه ورط اللي بعدك بسؤال....اللي مافيش حد عبرني ورد على اخر سؤال فيه <_< ....وادي الlink وادي الرد

http://www.egyptiantalks.org/invb/index.ph...9877&st=465

شوفي حضرتك سيوة دا اسم واحه من اجمل واشهر الواحات المصريه وتقع اداريا في محافظه مطروح. معنى الاسم غير مؤكد، بس الاحتمال الاكبر انه تحريف لاسم مصري قديم. سبب اختياري للاسم لإنها من اجمل الاماكن في مصر وفيها شويه آثار جميله جدا وانا اساسا خريجة آثار مصريه. بس اللي شجعني على اختيار الاسم إن فيه صديقه و اخت عزيزه مسميه قطتها سيوة. فقلت ليه انا ماتفألش خير وإن ربنا كرمني في المستقبل بطفله اسميها سيوة لإن حقيقي باحب سيوة. عشان كده انا اخترت إن اسمي هنا يكون سيوة.

تم تعديل 15 يناير 2007 بواسطة Siwa

[النسر المصري]

ايناس ...انا طالب منك خدمه....عاوزك بس تمديلي اسبوع كمان عشان بس اعوض اللي فات...معلش سامحيني ياست الستات

مسيو زوهيري.....هبقى اعوضك المره الجاية...احنا نتقابل وتعزمني على جوز كواررع وبعدين احكيلك عن نفسي -_-

ست الستات سيوا باشا :D :D

وصلت الاجابه وشكلك انت اللي هتلبسي بعدي في الكرسي....بس استنيني لما افوققلك :D

الغالية جدا جدا والدكتورة العظيمه والصديقة سهيلة

الف سلامة عليك

وعشان تعبان يا نسر موش هتقل ف الاسءلة

حلم لم يتحقق؟؟؟؟؟؟؟؟؟

ابقى زعيم وطني....زي جمال عبدالناصر كده :) :D ....او جمال مبارك مش هتفرق :closedeyes:

حلم تحقق ولكن اثبتت الايام انة كان سراب ووهم وليس حلم

واحدة كنت بتمنى اتجوزها....طلع الموضوع مش موجود اصلا...لان مفيش وجود ليها :wub: ب

اسعد لحظة ف حياتك

يوم لما دخلت فنون جميله.......ويوم لما فاز الأهلي ببطوله افريقيا وعاليابن والتالت بقى وحركات :D ب

حاجة لو شفتها مهما كنت حزين تنسى حزنك وتبتسم

قطة جميلة صغنونه ... وياسلام لو بيضا وعينها زرقا...اللله..جكميييله خالص ياخواتشي :D ب

[inas]

اول مره حد يتمسك بالكرسي :D

عينينا ليك يا نسر ;)

بس عشان انت كنت عيان وماخدتش جلسات كفايه :D

يتم مد فترة سلخ النسر حتى الاثنين المقبل :D

[Ahmad Farahat]

بجد فرحتلك...........

حتى كرسي الإعتراف محدش عاز يسيبه........

بالمناسبة كرسي الوزير يتفك بكام كرسي اعتراف............

المهم............

خليك معانا بقى..........

خصوصا إن الأسئلة حلوة والناس هنا عسل............

وانا معنديش حاجه أقولهالك........

غير.......

قلبي معاك..........

[shahd]

النسر المصري اتقبض عليه ومش راضين يفرجوا عنه ياحلاوة ياولاااااااااااااااااااااد

ولولولولوولولولولولولولولولوولولولولولولولولولوولولولولولولولولولوولولولولي

معلث معلث تعيس وتعتلف .. لو حايز تطلع اطلب من المحكمة الموقلة .. ولااااااااااااايهمك انا اضمنلك افراج بعد سبعميه وخمسة وتسعين شهر ;)

يلا ياحلوييييييييييييييييييين انا عايزة اسألة كتيييييييييييير كل واحد يسأل 100 سؤال كفاية ما يكترش عشان خاطر عمور .. :D

[النسر المصري]

طيب حيث الست ايناث بت اخت توتي ثهد واونكل آرثن لوبن فلحانين اوي كده فيا

انا بطالب بتغير الكرسي بتاعي ;)

عاوز كرسي أحمر ف احمر ...وعليه نسر اهلاوي من دهب عيار سبعميه وخمسة

وألماظتين لامعانين عى كل مسند

ويكون رجليه مصنوعة من الابلاتين الخالص

وتحتيه سجادة بيضاء بخطين حمر عفشه وشكلها وحش ..عشان كل ماشوفها اتقرف!!

وعاوز اربع خوريات قمرات سكريات قشطات يخدمو عليا في المشروبات...ولازم يكونو بالاسم

هيفاء وهبي......... ميريام فارس.......سميره سعيد (عشان تغنيلي).......رنين (طلعت في اغنيه واحده بس واختفت)

يلا بسرعه ياولاد...انجزوا!!