كرسي الاعتراف

[Ahmad Farahat]

معقول أنا أفرح فيك يا راجل.............

عيب............

داأنا بس مستغرب........... :wub:

والله..........

أنا زعلان إني معنديش أسئلة ليك...........

بس خد السؤال ده..........

إيه هوه بيت الشعر المحبب ليك..........

[nora]

هسالك كام سؤال كده على الماشي؟؟

اشمعنا سميت نفسك النسر المصري ؟؟

ايه معني الككلمات دي بالنسبه ليك:

1- مصر

2-الام

3-الابن

4-الله

5-الحق

6-الخيانه

7-الندم

8-الذكرى

9-الشتاء

10-الوداع

بس يلا جاوب بسرعه

[النسر المصري]

رغم اني معترض اني ارد على حد الا لما تجيبولي الكرسي بتاعي والمشروبات والبنانيت..... -_- .....

بس انا بردو هطلع ابن بلد وامشيهالكم المره دي

صاحبي وتوأم روحي الأهلاوي الحبيب آرسن لوبن

س : إيه هوه بيت الشعر المحبب ليك..........؟

السييكا في الننه...والننه في السييكا...

وحبيبي بياكل منجة... وانا باكل فسيييخة !!

حوكشة الزفر- 1893 - العتبة

لا بجد انا عاوز تعرف ..في بيتين شعر علموني ازاي وامتى اتعامل مع صحابي...عشان اوقف حكاية (هتقلب بجد) ...البيتين كاتبهم الشاعر أبوهفان كنت درستله ايام المدرسه في كتاب النصوص .....البيتين بيقولوا

مازح صديقك إن أراد مزاحا .............فإذا أباه فلا تزده جماحا

فلربما مزح الصديق بمزحةٍ .............. كانت لبدء عداوةٍ مفتاحا

ومن يومها وانا بظبط نفسي في الهزار.... (بس بردو احيانا بتفلت مني غصب عني :D )

الاخت الغالية جدا نورا

اشمعنا سميت نفسك النسر المصري ؟؟

اصل انا اهلاوي صميم...والنسر ده شعار الأهلي...عوضا عن اني معجب بشخصية النسر وشكله ...وايضا معجب بشخصية النمر الأسود...ودول بالنسبه لي هم احق بلقب ملوك الغابه...(طبعا ده في رأيي المتواضع :closedeyes: )

المهم اني في الآخر سميت نفسي النسر المصري...وبعدين اتقرفت من الاسم لما اعرفت فيما بعد ان الافاش كيري بتاعنا ملقب ايضاً بنفس الاسم.......بس اعمل ايه ..نصيبي كده <_<

ايه معني الككلمات دي بالنسبه ليك:

- مصر : فدائي وروحي لها ولأرضها وشعبها........ولكن ليس لحكومتها الخائنه!!

-الام: ،هل يوجد ما تجود بها لغتنا العربيه من مفردات لنكرم بها تلك الأم العظيمه.....أكتفييي بما كرم الله بها في القرآن.....اللهم اغفر لي ولوالدي وارحمهما كما ربياني صغيرا...

-الابن : هو فين ده جتو نيله :blink:

-الله: ربي رب السموات والأرض ومابينهما....اللهم تقبل توبتنا في كل وقت يارب العالمين

-الحق : والله لو قطعوني حتت حتت عشان اقول غيره مانيش قايل...... !!!

-الخيانه : دوقتها من صحابي......!!! لكن لو بتسأليها عن الحياة الزوجية....فانا ما قدرش اتقبل الفكره دي اساسا ولا يمكن اسمح لمراتي انها تعمل كدهوده تحذير نهائي !!! :angry: ..........ثم انا ماعنديش تليفووون :blink: ..أأأقصدي مش متجوز :D

-الندم: حلو.....صدقيني شيء كويس ان الواحد يندم...المهم انه يتعلم!!

-الذكرى: عايش على حاجات كتير جميلة فيها...بس بأمانه انا بحاول اعيش اللحظه بتاعتي اكتر لانها مستقبلا هتبقى ذكرى هي كمان.... مش كده ولا ايه؟!

-الشتاء : ياسلام عليكي يانورا....انت اخترت الجو الوحيد اللي بموت فيه...بحب المصره...بحب اللبس الشتوي...بحب رائحة الشتاء....وكمان من غير تريقة.....بحب الطرطشةعالشط فيالشتا :) ....ياسلام لو كوباية نسكافيه والوكمان وتسمعي فيروز...يااااااه عالجمااااال

-الوداع : بكرهه...مش بحبه......اصل كله عياط وقرف وزعل.......... وعشان كده مش هاودعك

انما هقولك القاك ققريبا :D

[Ahmad Farahat]

إنت جميل...........

وأديتني بيتين حلوين قوي..........

وخلتني أحبك أكتر من الأول...........

في الله طبعا.........

[nora]

هسالك تاني يانسر اصلي سهرانه ومش لقيه حد اتسلى عليه حتى سيف نايم ونور هو الي مطلع عيني مش راضي ينام.........

بص يا سيدي

تحب تعيش فيين؟

مين اكتر انسان اقرب الي فلبك مع التعليل؟

مين اكتر انسان مش بطيقه مع التعليل؟

لو حد غلس عليك او اداك اسفين بتعمل في ايه؟

لو عندك عيل زنان كنت عملت في ايه!!! اصلي شكلي هرمي نور من الشباك وانا عمله زي المجنونه بزعق وبضرب سيف بايدي التنيه فقلت استفهم بس هو ده طبيعي ولا لازم اخد جلسات كهربه :closedeyes:

[النسر المصري]

اولا اشكر حبيبي الاهلاوي آرسن لوبن على الكلمتين الحلوين !!

نيجي بقى لأسئلة الست نورا الغالية

تحب تعيش فيين؟

في اي بلد الاقي فيها تحدي....بس المهم انها تكون على قدي :)

مين اكتر انسان اقرب الي قلبك مع التعليل؟

ابويا وأمي بالمساواة.......فراقهم صعب علي....والسبب طبعا اكيد ومؤكد لاني بحبهم اوي :wub:

مين اكتر انسان مش بطيقه مع التعليل؟

الزنديق بوش ومن على شاكلته...ولكني ابغض كثيرا السحلية العفرة كوندليزا زفت....ومن قبلها العفريته الشاشونيه مادلين اولبرايت

لو حد غلس عليك او اداك اسفين بتعمل في ايه؟

لو صاحبي وفي بيني وبينه عشره....هعاتبه لان العشرة غاليه علي اوي اوي.....لكن لو معرفه هيكون يوم نهاره اسود مزرق مطلعلهوش شمس :angry2:

لو عندك عيل زنان كنت عملت في ايه!!! اصلي شكلي هرمي نور من الشباك وانا عمله زي المجنونه بزعق وبضرب سيف بايدي التنيه فقلت استفهم بس هو ده طبيعي ولا لازم اخد جلسات كهربه :wub:

هههههههههههههههههههه... ضحكتيني اوي والله يانورا....بس انا بقى شاطر في التعامل مع الاطفال...لان شغلتي اساسا هي للاطفال....وانا يمووووووووووووووووووووووووووت في اي طفل في العالم حتى لو يهودي....بيخطفو قلبي ولد الذين...زي ماالقطط الحلوة الجكميلة كدة بتخطف قلبي هي كمان :wub: :wub:

[memo2007]

ياااااااااااااااااه اخيرا خلصت الامتحانات وفضيت ليكم :P بس يا خساره كان نفسي اشارك معاكم من البدايه وانتم عمالين تسألو النسر المصرى عشان اتفرج عليه وهو مزنوق فى الكرسي :blush: بس ربنا بيحبنى انه خد مده تانيه عشان اعرف اسأل براحتى :P ............ سؤالى هو..... اسمك ايه ؟ ومش عاوز تتجوز ليه؟؟؟؟؟؟؟؟؟؟؟؟؟؟؟؟؟؟؟؟؟؟ :huh: "تاعب امك وابوك معاك ليه" :lol:

[se_ Elsyed]

هو في اي ايه ؟

الراجل ده بقى له سنة محبوس

انت استحليتها يابني ولا ايه نظامك ؟

مين المسجون اللي بعده اللي هانكهربو

تكفى وانا اخوك يالنسر .. عساك تختار لنا مسجون متختخ كده وياريت اول حرف من اسمه يبقى ياسو او مزهوراتي ... داكور ؟

[inas]

س س احنا هنغشش :angry2:

ايون يا نسر :huh:

ياريت تعمل الي قال عليه الاخ س س :rolleyes:

وكفايه عليك كهربا يا ابني لحسن انت قربت تنشف :closedeyes:

يلا رشح حد :unsure:

[النسر المصري]

أخيرا ياسيسو هخلص من أم الكرسي اللي كان دابحني ده (قال يعني حد كان نفسه يسألني طوال اليومين اللي فاتتو دول.. :closedeyes: )

خلاص ياسيسو وياايناس....انا هارشح

بس الأول اجاوب

الغالية ميمو

كفارة ياست الستات ...بس يلرب تكوني نجحت في الفيزياء... :D

الاجا بات على اسإلتك ياستي

-اسمي عمرو ...الملقب بالنسر المراخيري :rolleyes:

- مين قال اني مش عاوز اتجووز -_- ... انا بستهبل بس B) ......

لا بجد ..انا عاوزك بس تدعيلي ان ربنا يوقعني في نصيبي بدري بدري ...لان العمليه خلاص جابت جاز معايا .....خصوصا ان ابويا وامي قلبهم اتوجع فعلا :angry2:

والآن حان وقت الترشيحاات

بناء على طلب الجماهير والمحبين والمعجبين والمخلصين والموسيقاريين من المحاوراتييين

فانني اود ان ارشح هؤلاء لما يحتلوه من حب لدى الجميع

أولا: المرشحة الأولى..سيدة المحاورات الأولى......أم المحاوراتيين..... مدام سلوى (تتصقيف جار ياجماعه للست الرائعه دي) :unsure:

المرشح الثاني: سنيوري وحبيبي الدوق برنسيسيو مسيو مزهوراتي :D ..... ملك الدماغ الرايقة ...ومهديء النفوس الأول بلا منازع B)

المرشح الثالث: الأهلاوي المخلص....صاحب المباديء والأخلاق الرفيعه....الصديق الغالي والحبيب جدا......آرسن لوبن... :huh: (يأحمر انت ياحلو )

[inas]

تمام انا بدي صوتي لارسين لوبين

كده يبقى النتائج

1.ارسين لوبين ( صوت واحد)

2.مدام سلوي (لاشىء)

3. الاخ موزهري (لا شيء)

[Eldisel]

لا حول ولا قوه الا بالله

اسبوعين ماسكين الراجل بتكهربوة ...... والله حرام عليكم ..

بس ارجع واقول انت السبب بردة يا نسر يامصري .. :closedeyes: انت لو كنت ورتهم العين البمبة من الاول مكنوش عملوا فيك كدة :unsure:

وانا مدايق اني مدخلتش الفترة الي فاتت دي ومشاركتش في هذة المذبحة :angry2: -_- بس يلا خيرة في غيرة ..... وانا يانسر يامصري ممكن اكلمك على الخاص في بعض الاستفسارات الي كنت عاوز اعرفة منك عشان انا حالة مشابهة ليك من ناحية الزواج ( اكمني مضرب عن الزواج ) فيمكن استفيد من خبراتك وتستفيد من خبراتي لتحريك الجمود الحاصل في داخلي دة ......

اما بخصوص الترشيح فانا محتار فيه اشد الحيرة بين

ست الكول مدام سلوى ذات الشخصية الثرية وخبره الحياة

ولا موزهري الي هاري الجالسين على الكوسي من انت ؟ ..... من انت ؟ ورئيس قسم تهدئة النفوس في المحاورات

ولا آرسن لوبن اخ عزيز ومشجع كورة بشرف ..... بس انا مبحبش الكورة :rolleyes:

لا يعم انا هختار مدام سلوى احسن .... احسن موزهري يهدي النفوس بين الاعضاء ويولع في الكورسي :huh:

ترشيحي مدام سلوى

تم تعديل 22 يناير 2007 بواسطة Eldisel

[inas]

كده النتيجه وصلت الى

1.ارسين لوبين ( صوت واحد)

2.مدام سلوي (صوت واحد)

3. الاخ موزهري (لا شيء)

[nora]

طبعا ماما سلوى

كفارة يا نسر

[محمود الشاعر]

ترشيحي هو لمدام سلوي لما تحمله من حب لكل الناس ولما نحمله لها من حب واحترام

معلهش يا اخويا يا ارسين لوبن بس مدام سلوى تكسب

[inas]

كده النتيجه وصلت الي:

1.ارسين لوبين ( صوت واحد)

2.مدام سلوي (3 أصوات)

3. الاخ موزهري (لا شيء)

معلش باه يا مدام سلوى شكل الناس بتحبك اوي المره دي :blush:

[النسر المصري]

معلش باه يا مدام سلوى شكل الناس بتحبك اوي المره دي :blush:

المرة دي بس!!! :angry:

ده المره دي واللي قبلها واللي بعدها وكل مره احنا بنموووووت في ماما سلوى :ph34r:

تحية كبيره اوي ليك يا أم المحاوراتيين :lol:

[وليد صفوت]

مدام سلوى :blush:

[inas]

كده مدام سلوى تتفضل تعد على الكرسي

طبعا مدام سلوى حبيبت الكل بدون نقاش :blush: :lol:

[وليد صفوت]

هذا و تعتذر وزارة الكهرباء و الطاقة عن امداد كرسى الإعتراف بالكهرباء هذة الأيام و ذلك لتشريف مدام سلوى و تُستبدل بدلاً من الكهرباء ورد و فل حوالين الكرسى و شاى و قهوة على حساب وزارة التموين (ايديك معايا يا اناناس يا اوختشى ننقى الشاى من الخشب اللى فيه :blush: )