كرسي الاعتراف

[inas]

ما كانش يومك يا س س

انا اشكرك على مثولك لرغبة المحاورين

واللعب هيحلو اهو

واحنا هنشبتك في الكرسي لمدة اسبوعين هنهريك

الي نفسو يسال اي سؤال يقول ميتكسفش

والدعوه عامه وهتبقى لما

كنت متاكده من اختيارك للشزلونج

عرفاك بتحب تايل في النص شويه

بس بزمتك شورتي وحشه :wub:

يا جمعاه اسئلو سؤال واحد س س معاكم لمدة اسبوعين

يلا اسال باه

مين اكتر عضو مبتسطلطفوش؟؟؟؟؟؟؟؟؟؟ متقلش انا حد تاني يعني

[النسر المصري]

صبح الصباح

كيفك يا س س انت اللى اخترت وقاعدت على الكرسى خد عندك بقى بس خد بالك لحسن يكون الكرسى مايل :wub:

السؤال بقى ياسيدى

ايه حكاية اختيارك لاسمك ايه سى السيد ؟؟ هل الاختيار راجع لسبب

او لان اسمك الحقيقى السيد ولا ايه :wub:

سؤال محير الست امينه :D :D

اسمحلي انا ارد عالسؤال ده يا س س باشا

اصل يابنت النيل ياغاليه كان الراجل له صديقة قامت بدعوته لدخول المحاورات.....وكانت اسمها الست امينه على ماأذكر

ولما عرف انها اسمها امينه في المحاورات فقالها مازحاً...(حيث كدة انا هسمي نفسي سي السيد)... ودخل سين سين المحاورات من اوسع باب...وقامو الجميع بالترحيب به ..واكن وقتها يوجد ناس ومثقفين ياسلااااام..... لا يمكن انسى رجب الساخر المثقف وكلماته الآسره

وحشيش طبعا كان ومازال نجم الكصص ....وغيرهم

معلش يا س س كان نفسي بس تعرف انا قد ايه باعزك وبعرف تاريخك :D :D

[nora]

يحلاوه يولاد اخيرا هنهريك اما مطلعناه عليك

سؤالي ما هو سر ال7000 مداخله ؟؟وازاي قدرت تضرب الرقم القياسي ده واذكر بالتفصيل كانو في ايه ؟؟:wub:

[se_ Elsyed]

داركر

السؤال بجد بأه إيه هيا هواياتك و برجك ايه؟

-----------------

بسم الله الرحمن الرحيم : الإجابة الأولى تونس :wub:

يابني أنا عايز أسئلة عويصة من اللي تدوخ

عامة : أنا هواياتي هي القراءة وتشجيع - مش لعب - كرة القدم وخصوصاً النادي الاهلي .. خصوصاً إن الواحد بقى عضمه كبيرة وما فيش وقت أمارس رياضة .. أولاد بقى ورضاعة وكده يعني .. بكرة تتجوز وتعرف

أنا برج الجزيرة قصدي العقرب .. عصبي وعقلاني ومش رومانسي ويميل إلى حب القيادة ( مش السواقة . قيادة يعني إدارة )

------------

اللي بعده

بنت النيل

ايه حكاية اختيارك لاسمك ايه سى السيد ؟؟ هل الاختيار راجع لسبب ؟

-----------

ج : مانتي لو بتذاكري الـ 8000 مداخلة كنتي عرفتي

بقى يا ستي تعود قصى إختيار الإسم إلى حقبة الحرب العالمية الثانية ..

حيث إن لي صديقة بمثابة أختي الكبيرة إسمها " ست أمينة " ربنا يفك سجنها .. قصدي يرجعها بالسلامة .. فإحنا أصدقائك من سنة 98 وبعدين في سنة 2002 كده لقيتها بتتصل بي وتقولي أما في حتة موقع عايزاك تشترك فيه وإسمه محاورات المصريين .. هاتلاقيني هناك بإسم " ست أمينة " فقلتها لها بشكل تلقائي لما أنتي تبقي ست أمينة .. يبقى انا سي السيد .. ومن ساعتها بقى والإسم لزق في .. أما إسمي الحقيقي فهو احمد ولو تحبي رقم بطاقة الرقم القومي ممكن أبعتها لك برسالة خاصة :wub:

----------------

النسر المصري

أنا طول عمري أقول النسور دي ما فيهاش خير ...

إطلع بره يا نسر وإخزي لاشيطان

ما تسألني أحسن عن أسماء سكان دولة الصين الشعبية ؟

----------------

أناناس المورطاتية ؟

مين اكتر عضو مبتسطلطفوش؟؟؟؟؟؟؟؟؟؟ متقلش انا حد تاني يعني

---------------

ج : والله يا إناناس.. سدقيني ( وش حسين صدقي )

لما أقولك إن في شغلي تعودت دائماً على فصل العواطف عن العمل

وأنا باعتبر وجودي في المحاورات هو شغل أو رسالة أؤديها سواء كنت عضو او مُشرف أو متفرج حتى

فبالتالي لا مجال لوجود شخص اطيقه أو اكرهه .. إلخ

لإن اللي بيننا هو حروف مكتوبه وإحترام متبادل

أما لما تبقى بيننا علاقة نسب وورث وبيزنس يبقى نضطر بقى نعادي بعض ونكره بعض

اموت وأعرف كتبتي الكلمة دي إزاي مبتسطلطفوش

ولا صحيح مانتي اخت نورا اللي كانت بتورين عجب العجاب في اللغة العربية :D

فاكرة يا نورا .. انا خيفه خيفه خيفه :D

وكفاية كده دلوقت عشان أروح أتغدا احسن صفافير بطني صوصوت وأنا شايف شهد ونانو واقفين وكل واحده ماسكه سكينة مطبخ وطاسة ومستعده تخبطني بها على دماغي

وبعدين إنت يابنتي : إسبوعين كتير قوي ده انا أنشف عالكرسي ده وأبقى هيكل عظمي من كتر الكهربا

مشيها إسبوع وهاشوفك بإنذارين عالطاير

[nora]

يا سلام على الردود الدبلماسيه يا س س

عموما اسالك سؤال كمان مهى فرصه استغلها

هتتغدى ايه النهرده:wub:

ومش معقوله يا س س لسه فاكرلي خيفه خيفه يا ساتر دا انت قلبك اسود بشكل

تم تعديل 12 ديسمبر 2006 بواسطة nora

[inas]

مش عرفا ازنقك يعني :wub:

طيب ايه هو اغلس موقف مريت بيه؟؟

[nash]

هتتغدى ايه النهرده

<<<<<<<<<<<<<<<<<<<

قرنبيط محشي

وأنا اللي هاعملهوله :wub:

..............................................

سؤالي هو....

موقف تتمني نسيانه تماما وتتمني أنك ماتوجدتش فيه أساسا

ماتقعدش تقولنا ..أنا أصل وفصل.....

جاوب علي طول :wub:

[darker19]

مش عارف أسئله تدوخ زي إيه؟؟؟؟

على كل حال أنا هاسأل كل شوية بحيث أدوخك من كتر الأسئلة, و هحاول أدوخك بعوصتها على أد ما أقدر.....

خد السؤال ده على الله يعجبك....

وإنتا شاب كنت لعبي ولا كنت ماشي جمب الحيط؟

ما تعملش نفسك مش فاهم السؤال - أنا متأكد إنك فاهمه كويس

عايز إجابة وافية وشاملة فيما لا يقل عن 1500 كلمة (تقدر تعتبره تقرير أو موضوع تعبير)....

-------------------------------------------------------------------------------------------------------------

يا سلام على الردود الدبلماسيه يا س س

عموما اسالك سؤال كمان مهى فرصه استغلها

هتتغدى ايه النهرده

نورا إسمها دبلوماسية يا ماما هاعلم فيكي لإمتى.....

تم تعديل 12 ديسمبر 2006 بواسطة darker19

[النسر المصري]

ايه ياحج سين سي :wub: ن

انت ايه نظامك في الحلاقة :wub:

الأسئلة اللي سألتهالك دي كلها حقيقية على فكره......وكنت هقيس بيها ال IQ بتاعت سعادتك!!

جاوب من غير حلاقة بليييظ!!

[inas]

ياه يا س س

واضح حب الشعب ليك

يا شماتت ابله ظاظا فيك

بس لحسن ليا يوم اكيد هتشمت فيا

صحيح بتسال على المده والله دا يعتمد على سلوكك

ممكن ساعتها نخفضلك المده ونخليها اسبوع ونطلعك حسن سير وسلوك :wub:

اليوم الثلاثاء الموافق :12/12 /2006 بدا استجواب السيد سي السيد :wub:

ويفرج عنه يوم الثلاثاء الموافق: 19/12/2006

ونبدأ في ترشيح ثلاث اعضاء اخرين

ونشوف نتيجة الانتخابات وهكذا

وضحا القواعد بتاعت اللعبه ولا لسه؟؟..........

والان فلنتابع الاستجواب

فاصل اعلانيي ونعود معكم مع السيد سي السيد بس هو هياكل ويقيل شويه بعد الاكل شكلو عملها

تم تعديل 12 ديسمبر 2006 بواسطة inas

[darker19]

إيه قرنبيط محشي ده يا ناش - ايه ده يا جماعة هوا في أكل الواحد لسه ما سمعش عنه ولا ايه الحكاية

س : أخبار القرنبيط المحشي ايه يا س س, وطمنا ناش بتعرف تطبخ ولا لأ؟

[nash]

س : أخبار القرنبيط المحشي ايه يا س س, وطمنا ناش بتعرف تطبخ ولا لأ؟

جاااااااااااااااااااااااااوب

[نانو]

شوف يا س س يا اخويا

انا قعدت افكر و اعصر في مخي علشان ارزعك سؤال مناسب

المهم يا سيدي اسمحلي استفيد من خبرتك في الاداره والمشاريع

شوف يا سيدي حضرتك طبعا شايف الوضع المتردي اللي فيه الامه الاسلاميه لو حضرتك معاك 10 مليون جنيه و سلطات لا حدود لها

ممكن تعمل ايه فكره او مشروع يفيدنا كامه اسلاميه

و هاتستخدم مين يقوم بالمشروع ده و يتابع تنفيذه معاك

و شوكرن .... :wub:

[هيثم نافع]

عم أبو السِيِيِيِد .. منور الكرسي :wub:

من هم أحب المطربين و المطربات إليك؟ .. من الزمن القديم و الجديد ؟

ما الشريط أو الأغنية التي لا تمل من سماعها ؟

أيهما أكثر معاصرة للوقت الحالي أم كلثوم أم فيروز؟ ... و من تفضل ؟ .... و لماذا ؟

لي عودة :wub:

[se_ Elsyed]

حيث إني إتغديت وظبطت المسائل .. نرجع ونجاوب

-----------

بنتنا نورا

س : إتغديت إيه النهاردة

ج : بسم الله الرحمن الرحيم : مكرونة بالباشمل وأشياء أخرى

---------------------------

أناناس

س : طيب ايه هو اغلس موقف مريت بيه؟؟

ج : ده موقف كل مصر بتمر بيه .. بجد .. كنت مره خارج مع خطيبتي - المرحومة .. أصل أنا كنت خاطب قبل كده وما حصلش نصيب - وبعد قعده ظريفة فضلنا نشرب فيها مشاريب في عز الشتا وبعدين سيبنا الكوفي شوب والمشاريب إشتغلت وإني ألاقي حمام يا بنتي .. أبداً .. المهم كنت قريب من محطة ما لمترو الأنفاق وروحت مقتحم على ناظر المحطة مكتبة وأخذت منه بالاكراه مفتاح حمام مكتبة .... ما هي يا روح ما بعدك روح ... ومن بعدها حرمت أشرب حاجة بره البيت خصوصاً وإني إنف وأليط ومش أي حمام أستخدمه أو سرير غير حمامي وسريري .

---------------------

بنتنا الصغننة ناش

س : موقف تتمني نسيانه تماما وتتمني أنك ماتوجدتش فيه أساسا ؟

ج : أي يوم بيبقى فيه تسليم خطاب رفد لأي موظف وأنا بأكون في وش المدفع وشكلي بيبقى عامل زي عشماوي اللي

بينفذ حكم الاعدام

------------

إبننا داركر

تاني

س : وإنتا شاب كنت لعبي ولا كنت ماشي جمب الحيط؟

ج : بسم الله الرحمن الرحيم .. هاجاوبك على الخاص

( والله لا أوريك يا دراكر )

---------------

النسر اللي جاي الموضوع ده غلط

س : انت ايه نظامك في الحلاقة ؟

ج : كابوريا

----------------

داركر اللي حاططني في جمجمته

س : س : أخبار القرنبيط المحشي ايه يا س س, وطمنا ناش بتعرف تطبخ ولا لأ؟

ج : أول مرة أسمع الأكله دي .... والقرنبيط أساساً من الاكلات اللي محطوطه عندي في البلاك ليست .. بجد مش عارف ليه يمكن من ريحته وهو بيتقلي ..

أما قرنبيط ومحشي فتُسأل عنه ام ياسر الشهيرة بناش

------------------

د / نانو بتاع البروسبان والتوسيفان

س : شوف يا سيدي حضرتك طبعا شايف الوضع المتردي اللي فيه الامه الاسلاميه لو حضرتك معاك 10 مليون جنيه و سلطات لا حدود لها

ج : هاكدب عليكي ... زودي صفر كمان وأقدر اجاوبك .. بجد ... أصل 10 مليون يا نانو يا أختي هايعملوا إيه .. وبعدين دول معايا already فشيلي كلمة لو mfb: ... عيدي السؤال تاني وهاتلاقي أحلى إجابة .

---------------

هيثوم

س : من هم أحب المطربين و المطربات إليك؟ .. من الزمن القديم و الجديد ؟

الزمن القديم : الست .. اساسي .. فيروز ... بعض اغاني عبوهاب

الجديد : منير وبس

س : ما الشريط أو الأغنية التي لا تمل من سماعها

ج : الحكومة - المدام - مانعه الاغاني في البيت .. فبأضطر في الخباثة كده أسمع حاجات في السيكريت ومنها سي دي عندي مُعتز به وهو للست وتأليف الشاعر الرائع الهادي أدم اللي توفي الأسبوع الماضي بالسودان ... وهو " اغداً ألقاك " لكن هذا لا يمنع إن عندي مجموعة سيديهات للست وتقريباً المجموعة كاملة ..

س : أيهما أكثر معاصرة للوقت الحالي أم كلثوم أم فيروز؟ ... و من تفضل ؟ .... و لماذا ؟

ج : كل واحده ولها طعمها

القوة والكلمة والإحساس أم كلثوم

ج : النعومة والطيران فوق في السما بدون جناحات - من غير ما تكون بتشرب ريد بُل - هي فيروز صوتها بتحس إنه سلاسل من دهب ..

س : لي عودة

ج : بالسلامة <_<

------------------

[inas]

يعجبني فيك التزامك

احيك على اجوتك

ايه باه اطرف موقف تعرضت ليه؟

[se_ Elsyed]

سؤالي ما هو سر ال7000 مداخله ؟؟وازاي قدرت تضرب الرقم القياسي ده واذكر بالتفصيل كانو في ايه ؟؟<_<

أولاً بصي عالعداد كويس يا ست هانم

البُنديرة قربت على 8000

حد يجيب شكل خمسة وخميسة هنا ياخواننا او على الأقل فاسوخه وعين العفريت ...

[نانو]

طيب تصدق يا س س يا اخويا

بعد ما كتبت قولت ايه ده ايه الرقم التعبان ده دول يادوب يجيبوا ربع ارض المشروع

و كمان قولت المها شويه واخليها في حدود مصر

يعني بمعني اخر

لو معاك ال100 مليون و لك مطلق الحريه هتعمل ايه مشروع لمصر(او الامه الاسلاميه اختر بقه انت) و برضه هتوكل مين ينفذه

بس س س و مشرف عام و 8000مداخله و مش قادر يعني يتصرف ويزود صفر و يخلص الموضوع بدل الاحراج اللي علي الهواء مباشره ....

[nora]

والله يا س س انا مبسوطه جدا من التزامك الشديد وخد الورده دي هديه عربون محبه علشان بس تفتكرنا ايام الانذاراتmfb:

جبتهولك بنفسجي علشان لما تطلع على قبري:wub:

سؤالي كيف تم ترشيحك انك تكون صاحب باب اي مشرف اي قل بالتفصيل كيف تم ومن المرشح والخطوات؟؟

قوم يا س س من الكرسي الي انا ناس جبتهولك جبتلك واحد احسن منه ...

علشان متعرفش تفرفص من الاساله <_<

تم تعديل 12 ديسمبر 2006 بواسطة nora

[nora]

ايه يا س س رحت فين هربت من الاساله من اولها واحنا عملين نشكر فيك مش معقول كده ولا كل ده واخد قيلوله:wub: