كرسي الاعتراف

[م الغزالى]

أرشح المسيو زهيرى

ياه ده انا مستنى اليوم ده من زمان يا مان !

[memo2007]

ادى صوتى لميييييييييين ............... بدون تفكير اديه لبنت مصريه

[inas]

1 - بنت مصرية ( صوتين)

2 - فولانة .(صوت)

3 - سكوربيو ..(صوت)

انا بدي صوتي لفولانه

[النسر المصري]

مع ان كان نفسي سكوب حبيب قلبي هو اللي يقعد على كرسي المملكة :blink:

وكان نفسي كمان فولانه هي اللي تشيل المرادي -_- \بس يلا ملحلحلولوقه :)

بس

انا بارشح شاعرة المنتدى ورفيقة الدرب الفني

بنت مصريه :rolleyes:

(اصل ياجوماعه انا ماقدرش اكسر كلام الست الكبيره :) )

[MZohairy]

أرشح المسيو زهيرى

ياه ده انا مستنى اليوم ده من زمان يا مان !

ياجدع صلي على النبي و خلينا في حالنا :rolleyes:

قولي كده بيني و بينك يا ملك الغابه سابقا.....

من انت؟ :blink:

[inas]

وصلنا الى:

1 - بنت مصرية ( 3 اصوات)

2 - فولانة .(صوت)

3 - سكوربيو ..(صوت)

[nora]

اختار الاستاذ سكوربيون لان عندي ليه لفيف من الاساله

معلش باه اعذرني

[Ahmad Farahat]

صح يا اخوانا

لازم أم مادا تقعد على الكرسي

عشان كده

1-البنت المصرية

2-أم مادا

3-الشاعرة الرقيقة التي تكتب لنا آخر الحكايا

[inas]

وصل التصويت الى:

1 - بنت مصرية ( 4 اصوات)

2 - فولانة .(صوت)

3 - سكوربيو ..(صوتان)

[Scorpion]

كان نفسي ارشح مدام فولانة .... علشان أم مادا بعد السنين دي يعني تقريبآ الواحد عارف اللي يكفيه عنها ... بينما مدام فولانة ما نعرفش عنها غير الشرز الأحمر اللي وقع عليه كابوتشينو ...لكن درءآ للخطر ... و حركة ترقيص من عالم مش جدعة .. فأنا صوتي أديه ل

بنت مصرية

و آدينا قفلنا الخمسة أهه ....

الفلكة يا جابر

[inas]

الف مبروك بنت مصريه -_-

واحد شاي وكرسي مكهرب الاعده هنا مطوله

شدي حيلك ربنا معاك :blink:

كلنا لها :rolleyes:

[النسر المصري]

كان نفسي ارشح مدام فولانة .... علشان أم مادا بعد السنين دي يعني تقريبآ الواحد عارف اللي يكفيه عنها ... بينما مدام فولانة ما نعرفش عنها غير الشرز الأحمر اللي وقع عليه كابوتشينو ...لكن درءآ للخطر ... و حركة ترقيص من عالم مش جدعة .. فأنا صوتي أديه ل

بنت مصرية

و آدينا قفلنا الخمسة أهه ....

الفلكة يا جابر

بلااش فلكة ياجابر :rolleyes:

شاكوووووش ياجااابر -_-

:sad:

[memo2007]

اول حاجه لازم اباركلك يا مصريه :D على الكرسي الجميل ده وتانى حاجه لازم اسألك سؤال حلو كده.......... انتى متزوجه صح طب عندك كام ابن وابنه و اساميهم ايه وهما طبعا لسه صغار احكيلنا عن بعض المواقف " المضحكه " اللى بيعملوها معاكى :wub: ......... اكيد دمهم زى الشربات :) هايطلعو لمين غير لامهم :o

[Ahmad Farahat]

يا سلام

البنت المصرية قاعدة على الكرسي

مش عارف مين الكسبان والله.........

المهم ............

بعد إذنك لازم احضر الأسئلة

مينفعشي من غير تحضير

لحضرتك لازم نحضر

المهم

لازم أقول إن أول مقال وقصيدة كتبتها كان أول تعليق عليهم من البنت المصرية ودي لوحدها حاجة متتنسيش خصوصا وإني بعد كده بقيت معروف مش عشان اللي أنا كتبته ولكن عشان الرد الجميل اللي كان من نصيبي ودي تستاها تحضير أسئلة من نوع خاص.........

خاص جدا.......

جدا........

دا..........

ا..........

على طريقة الأستاذ نبيل فاروق

[النسر المصري]

شوفي شوية الأسئله الجامدة دي بقى ؟! :)

ماذا يعني النسر المصري بالنسبه لك؟! :wub:

وماذا تعني المحاورات بالنسبة لك؟!

ومتى اكتشفت انك عبقرية في الأدب والشعر...ومن هو أول من لفت نظرك لذلك......وماهي أول خواطر او قصيده كتبتيها وانت صغيره.......وماهي أعز وأغلى قصيده كتيبتيها.............ولماذا فضلت ان تسلكي مجال الرسم اكثر من الأدب والشعر؟!

سوآل شديد بقى يوجع القلب؟!

احكي لنا عن تجربتك المريره بالكويت وتوابعها ليعرف اصدقائك معنى العذاب الحقيقي؟!

[نيرون]

بنت مصريه!!!!!!!!!!!!!؟؟؟؟؟؟؟؟؟؟؟؟؟؟؟؟؟

أم مادااااااااااا؟؟؟؟؟؟؟!!!!!!!!!!!!!!!!!!

يا دى الفرح يادى الهنا

أم مادا يعنى...

الكلمه الحلوه

يعنى

الاحساس العالى

يعنى

الشعر الجميل

يعنى

المجامله الرقيقه

يعنى

النقد البناء

يعنى

التشجيع بلا من او تجريح

والى يحبنا ما يضربش نار

يبقى اييييييييييه؟

مع الاحترام بالطبع لكل المرشحين الافاضل

بس ام مادا عالم لوحدها

ممكن أسأل؟؟

ليه كل اشعارك حتى الرومانسى منها حزين؟

بس

وما قدرش اوقع توقيعى الى انتم عارفينه هنا

[MZohairy]

من أنت؟ :wub:

[kelwa]

بختصار

ــــــــــــ

الي بيحب بجد من السهل انو يسيب الي بيحبوا بسرعه :unsure:

[bentmasria]

ازيكواااااااااااا :unsure:

كل ده بيحصل من ورايا

وصوتك ياسكوب يرشحنى لجلسة المقصلة

تصدق انا كنت موش عاوزة الموضوع ده ده انا عملت عمايل فيهم حتى اسال سى السيد ولا الطيب موديست ولا ............

على العموم انا حجاوب ورزقى على الله

ولنبدأ

الاستاذ ميمو

اول حاجه لازم اباركلك يا مصريه على الكرسي الجميل ده وتانى حاجه لازم اسألك سؤال حلو كده.......... انتى متزوجه صح طب عندك كام ابن وابنه و اساميهم ايه وهما طبعا لسه صغار احكيلنا عن بعض المواقف " المضحكه " اللى بيعملوها معاكى ......... اكيد دمهم زى الشربات هايطلعو لمين غير لامهم

ميرسى على الذوق وانا يا سيدى الفاضل ارملة من حوالى اربع سنوات وربنا رزقنى قمر صغير اتجوزته وهو كل حياتى مادا افندى او محمد حيتم 3 سنين كمان كم يوم وهو سكر وفنان ورسام وصوته حلو والطف طفل فى الدنيا وكفاية ربنا يبارك فيه وفى اولادنا جميعا يارب

ويكفينى انه يكفينى -_-

ارسين

............

بعد إذنك لازم احضر الأسئلة

مينفعشي من غير تحضير

لحضرتك لازم نحضر

المهم

لازم أقول إن أول مقال وقصيدة كتبتها كان أول تعليق عليهم من البنت المصرية ودي لوحدها حاجة متتنسيش خصوصا وإني بعد كده بقيت معروف مش عشان اللي أنا كتبته ولكن عشان الرد الجميل اللي كان من نصيبي ودي تستاها تحضير أسئلة من نوع خاص.........

خاص جدا.......

جدا........

دا..........

ا..........

مستنياك يا شاعر بس بالياحة عليا عشان خاطر حماده :blink:

عمور صاحبى وحبيب البى من ايام البعكوكة

ماذا يعني النسر المصري بالنسبه لك؟!

صديقى الراجل ابن البلد الأصيل اللى لا غربة غيرته ولا طباع الناس بدلته بحبه وبحترمه وحفضل كده طول عمرى ان شاء الله ونفسى افرح بيه واجيب له اجمل عروسة يارب

وماذا تعني المحاورات بالنسبة لك؟!

المحاورات البيت الكبير الدفا بعد البرد والوفا بعد الوجع موش ببالغ او بجامل انا بدين للمحاورات واهلها بعد ربنا بحياة ابنى وانا موش هنا عرفان بالجميل وبس لكن من الكبير للصغير ناس فيها اصالة وفهم ورقى مايتقدرش بكنوز العالم ورب اخ لى لم تلده امى ولا ايه؟؟؟!!

ومتى اكتشفت انك عبقرية في الأدب والشعر...ومن هو أول من لفت نظرك لذلك......وماهي أول خواطر او قصيده كتبتيها وانت صغيره.......وماهي أعز وأغلى قصيده كتيبتيها.............ولماذا فضلت ان تسلكي مجال الرسم اكثر من الأدب والشعر؟!

بص ياعمور بلاش موضوع عبقرية ده بس انا بكتب من صغرى بشكل كويس واول قصيدة بجد وجدى ضربنى عشان الوزن كنت عمرى حوالى 10 سنين وطبعا حفظنى الالفية كعقاب وقبلها القرءان كلغة وجرس وابداع معجز ونسيت شوية ورجعت تانى اكتب اللى بحسه وكمان كنت برسم وانحت بمستوى كويس وما زعلتش حد رحت فنون ودرست عروض وادب فى الكلية اللى على بابها وخلصت ماجستير فى الجرافيك وقصاده واحد فى النقد الفنى المهم ابتديت احس انى بفهم جمال اللغة وعبقريتها وبحاول محاولات متواضعة للكتابة بس عشان اقول انا فين من الدنيا.......................وبس

سوآل شديد بقى يوجع القلب؟!

احكي لنا عن تجربتك المريره بالكويت وتوابعها ليعرف اصدقائك معنى العذاب الحقيقي؟

عارف ياعمر بلاش بجدانا لخصتها فى موضوع كان لسلمى كانت بنوته عاوزة تسافر وحدها تشتغل بالكويت بس حقولهم انه هناك المرأة منفردة حتى ولوكانت حامل قد تضطر الى الدفاع عن احترامها ومبادئها باستخدام الركل وحركات الكاراتيه القديمة (تنويه بلا تفصيل) اللهم احفظكم ولحفظ بنات المسلمين اجمعين وان سلم الجسد فربما تنكسر الروح من سوء النوايا وسوء الاستغلال والكذب والنفاق واللهم ارحمنا من شر ابن آدم فى كل مكان.

نيرون

ممكن أسأل؟؟

ليه كل اشعارك حتى الرومانسى منها حزين؟

لانى بحس ان كل شىء يزداد جمال لما يغلفه الحزن وانى بكون صادقة ومابعرفش ازيف مشاعرى او ازينها ولان دى انا مجرد بنت مصرية نص اسكندرانية طلعت زى حلم لسه بحلمه وما مسكتوش بين ايديا وبس اللى يصفى روحى ويخليها تحلق فى السما نور عينى بضحكة قلبه الجميلة وحضنه الدافى :ph34r: ;)

بس

وما قدرش اوقع توقيعى الى انتم عارفينه هنا؟

انا بصراحة اكذب لو قلت فاكراه بس ارجو تبعتهولى على رسالة خاصة وربنا ييسر الخير نناقش الامر مع الاشاكيف الكبار والامر فى الاول والاخر لله ولمصلحة اخوننا وحبايبنا هنا ولا ايه يا استاذى :ph34r:

يا استاذ محمد زهيرى

ازى حضرتك

من انت؟.

ده سؤال اجابته مستحيلة لانى لسه يادوب بتعرف عليها

انا كل ماقول خلاص عرفتها عرفتها الاقى واحدة جديدة بتتولد بس اجملهم

انا ام محمد اجمل نعمة نورت عمرى وياريت اقدر اهديه عمرى وقلبى وما اشوفهوش بيتألم او بيتعرض للخطر تانى ابداااااااااااااااا.....................وبس

على فكرة وبجد انا بشكر كل اسئلتكم الحلوة وكل الحب انا فى مهرجان حب واحترام اتمنى انى استحقه ويارب اكون رديت بالشكل المناسب لاقرب الاخوة والاخوات الى قلبى

مستنية بس بالياحة والنبى بياحة على رأى السيناتور مادا

[Ahmad Farahat]

ها هي الأسئلة وأعتذر مقدما إذ تدخل جميعها في نطاق واحد..........

الأسئلة

1-ماذا يمكن أن تسمين البيئة التي عاشت فيها الشاعرة أم مادا؟ هل هي شعبية أم أرستقراطية أم ماذا؟

2-في أي كلية تخرجت؟

3-لماذا أرادت أم مادا أن تكون شاعرة ومتى قررت هذا؟

4-عندما أقرأ أشعارك أتخيل ماذا كنتي عليه وأنت في مثل سني فلا أراك إلا هادئة.حازمة مرحة في أوقات قليلة للغاية فهل أنا على صواب؟

5- هل تعتقدين أن الإستعداد للشعر في المرأة أضعف من الرجل كما يقول العقاد؟ولماذا؟

6-همن همو كاتبك المفضل؟

7-هل تتمنين لمادا أن يكون امتدادك؟

8-هل ترين الشعر ملخصا للحياة (بكسر الخاء وتشديدها)؟

9-ما هي الحياة في نظرك؟

10-الحب ……متى يكون قوة؟ …..ومتى يكون ضعفا؟…..ومتى يكون مذلة؟……

11-من هو شاعرك المفضل؟…..وعلى أي أساس اخترت هذا الشاعر تحديدا؟

12-كان هذا أكبر خطأ في حياتي…………..متى قلت العبارة؟

13-شيء غير حياتك…….ما هو؟

14-ربما تغير مسار حياتي إلى الأسوأ لو فعلت غير هذا……..ما (هذا) بالضبط؟

15-رأيت في شعره ما لم أره في شعري وأشعر أنه يقول ما أعجز عنه……من هو؟

16-ما هي الدرجة التي تمنحينها لشعراء هذ المنتدى كمجموع كلي؟

17-هل هناك شيء تتمنين حدوثه وآخر تتوقعينه لهذا العالم وآخر تتمنينه؟

18-من أي محافظة أنت في الأصل؟ وهل أثرت في تكوينك النفسي؟

19-ما هو اللون المضل لديك؟ وهل تحبين الرياضة؟ ولأي فريق تميلين؟ يالا سؤال خفيف ع الماشي……

20-لو لم أكن شاعرة لوددت أن أكون…………………..

21-وفي النهاية يظل هذا السؤال هو الأهم في نظري ………

ما هو العــــــجز في نظرك؟؟؟؟؟؟؟

كفاية كده