كرسي الاعتراف

[bentmasria]

-_- :unsure: :ph34r:

يا ارسين

الرحمة قبل العدل

انا بقى لى 8 ساعات بترجم وبكتب وتقريبا موش شايفة بس علشان خاطرك ولانى فعلا بحترمك وبقدرك كانسان وشاعر ححكيلك حكايتى مع الزمان وربنا يعينك ده ولا امتحان الثانوية ياجماعة دعواتكم

1-ماذا يمكن أن تسمين البيئة التي عاشت فيها الشاعرة أم مادا؟ هل هي شعبية أم أرستقراطية أم ماذا؟البيئة اللى عشت فيها متوسطة ماهو انا مقدرش اصنفها بالارستقراطية وانا شخص عادى دلوقتى بل واقل من العادى لكن تقدر تقول كانت شبه ارستقراطية لمنصب والدى رحمة الله عليه واصبحت غير استقراطية بعد الريان الله يكرمه ما خلص عليها وبس نحمد ربنا واحنا بخير يا استاذى

2-في أي كلية تخرجت؟

اساسا فنون جميلة قسم جرافيك سنة 90 والمعهد العالى للنقد الفنى 93 وماكجيل لعلوم الكمبيوتر 94 وكملت شوية دراسات عليا كده يعنى اصلى لسه بذاكر بجد الكتب عشقى الأول ومن كثر ما قريت حسيت احيانا ان دماغى تحولت لمخزن وبحاول انسى علشان اعيد القراءة غالبا الزهايمر قرب وكله حيبقى تمام

3-لماذا أرادت أم مادا أن تكون شاعرة ومتى قررت هذا؟

انا ما قررتش حاجة انا لقيتنى بعبر عن كل شىء بالكتابة او الرسم او الموسيقى من وانا طفلة يمكن ساعد فى ده وجود مكتبة ثرية امامى طول الوقت ووجود فنان جميل الله يرحمه والدى موش عارفة برضه بس الأكيد انه عمره مابيكون قرار بالعكس احيانا بيكون اجبارى بس جميل

4-عندما أقرأ أشعارك أتخيل ماذا كنتي عليه وأنت في مثل سني فلا أراك إلا هادئة.حازمة مرحة في أوقات قليلة للغاية فهل أنا على صواب؟

طايب انا فعلا شخص هادىء بشكل كبير حازمة بشكل سخيف خاصة فى العمل وقلما اضحك علشان ما بيضحكنيش الا وطن عمرى محمد او صديق عزيز دمه خفيف جدا بس حتى النكت مابعرفش اضحك عليها بصوت عالى ببتسم يعنى لا انفعل بشدة فى اى اتجاه وده فضل من ربى بس الصراحة بحس انى موش قادرة اعبر لمحمد عن حبى وسعادتى بيه احيانا وبحس انى بعامله زى مايكون عنده 20 سنة موش 3 بس ربنا يعينه

5- هل تعتقدين أن الإستعداد للشعر في المرأة أضعف من الرجل كما يقول العقاد؟ولماذا؟

انا اخالف العقاد بشكل ما فى هذه المقولة وربما كان ذلك قبل ان تقوم المرأة بالبحث والدراسة بتوسع وقراءة الشعر وحفظه واجادته وفهمه وانت طبعا فاهمنى لا فرق بين رجل وامرأة حين تكون هناك ملكة وموهبة وقدرة واتقان والكثيرات اجدن واتقنن من ايام الخنساء يا صديقى لكن لتحرى الصدق ليس من يكتب خواطره شاعرا رجلا كان او انثى فالشعر حياة تستغرق صاحبها او مع صعوبة التشبيه مس شيطانى يتجلى فى قلب صاحبه وعقله فيكتب بعد ان حفظ الآف الابيات واتقن فنون الكلمة وموسيقاها وانطلقت قافيته سلسة جزلة ومتقنه لم اسمع بشاعر قدير او قديم راجع قصيدة كتبها بحثا عن خطأ فى وزن او بحر او قافية وربما لا يعلم البعض ان الشعراء حتى الغربيين يكتبون تبعا لمعايير متقنة وتتحلى كتاباتهم بالوزن والصور والتشبيهات والجناس وغيرها كفاية كده حيضربونى....

6-همن همو كاتبك المفضل؟

كل كاتب يحترم قلمه وعقلى كاتبى المفضل حتى وان كان مغمورا

7-هل تتمنين لمادا أن يكون امتدادك؟

لا احد امتداد لاحد فهو سيصبح يوما باذن الله شابا يافعا سأحسن تعليمه وثقافته بقدر الامكان واحاول ان انشىء اذنيه على حسن الاختيار والتصرف حيال ما يحدث حوله لكنه ذو عقل حر واختيارات خاصة اتمنى ان يحسنها ليكون اكثر نجاحا وتوفيقا منى فى حياته بس يبقى يقرا لى الفاتحه لو افتكر

8-هل ترين الشعر ملخصا للحياة (بكسر الخاء وتشديدها)؟

الشعر الحياة موش ملخص الشعر لسان حالى ونبضة قلبى واظن كل من يكتب او يقرأ او يتذوق الكلام الصادق يشعر بهذا مثلى

حقيقة هناك شعر لا يسردنا بل يكتبنا وان كان بغير حروفنا لكنه هو الحياة على الأقل فى عالمى الصغير

9-ما هي الحياة في نظرك؟

غير الشعر تبقى ريحة تراب مندى فى ارض وطنى وحكاية حب حلوة عايشة اجمل ذكرياتها ولحظة صفاء روح تحلق بيها فى سماء الأحلام ودمعة تنور عينيك فى لحظة سعادة وحضن امى وابنى ودفا اهلى وناسى واصحابى وصديق عزيز يضمك ويشيل همك ويدفيك من برد الطريق وياااااااااااااااااااااااه كفاية

10-الحب ……متى يكون قوة؟ …..ومتى يكون ضعفا؟…..ومتى يكون مذلة؟……

الحب دايما قوة حتى لو انتهى بنهايات غير مقبولة او غير منطقية لحظة الحب الصادقة دفعة للحياة تحتويك وتسرى فى دمك وتدفيك وتخلى لكل الاشياء طعم ولون جديد عارف حتى عذابات الحب جميلة وذكرياتها اصيلة تدفى برد ارواح الناس كلها انا حخالف اى حد يقول ان الحب فيه لحظة ضعف منتهى القوة انك تدافع عن صرح احلامك قبل ما ينهار ومنتهى القوة انك تصرخ باسم الحبيب لحظة فراقه ومنتهى القوة انك تحبس نبضات المك جوه عيونك دموع عمرها ما حتنزل سعادته قوة وضعفه قوة ووجده قوة وحنينه قوة فكرتنا بالذى مضى يااااااااااااااااااااه

11-من هو شاعرك المفضل؟…..وعلى أي أساس اخترت هذا الشاعر تحديدا؟

طايب من القديم شوية انا بعشق ابوالقاسم الشابى مدرسة خاصة جدا ورائعة وراقية جدا وبعده ابراهيم ناجى وشعراء المهجر

من الجديد سلمى الجيوشى بنت فلسطين حكاية ونزيه حسون كمان ونزار الثائر بس انا موش قادرة احدد محدش فيهم عنده اكتمال القدماء فبأخذ من كل بستان زهرة

12-كان هذا أكبر خطأ في حياتي…………..متى قلت العبارة؟

الحمد لله يوم قلتها اصلحتها وربنا نجانى من تبعاتها عندما اقترنت بزوجى الاول سامحه الله وقبل زواجنا فعلا يعنى كتبوا كتابى رأيت كل ما غفلت عنه فصارحت ابى رحمة الله عليه وساعدنى فى التخلص من الورطة التى وقعنا فيها معا جواز صالونات واسر وده موش دايما بيكشف الهوية الحقيقية للبشر والحمد لله

13-شيء غير حياتك…….ما هو؟

محمد ابنى وجوده ومرضه وشفائه الفضل والحمد لله رب العالمين واهله اهل المحاورات وبس

14-ربما تغير مسار حياتي إلى الأسوأ لو فعلت غير هذا……..ما (هذا) بالضبط؟

عندما توفى زوجى رحمة الله عليه واكتشفت حملى فكرت جديا فى الاستقرار بالمانيا لمصلحة طفلى لكنى قررت وعدت ولم ير محمد المانيا حتى الآن وكان قرارى الحمد لله صائبا فتوقعى انى كنت سأنسى هويتى وشبعت غربة كان صحيحا الى حد كبير

15-رأيت في شعره ما لم أره في شعري وأشعر أنه يقول ما أعجز عنه……من هو؟

بلا اسماء كثيرون كتبوا ما اعجز عنه فأنا لست حقا شاعرة لكنى احس واكتب وكثيرا ما اتمنى بدون حقد ان اكون قد كتبت هذه الحروف بنفسى لصدقها واتقانها وروعة معانيها وصدقنى منكم هنا من يفعل هذا بدرجة اكثر من ممتاز بدون ادنى مجاملة

16-ما هي الدرجة التي تمنحينها لشعراء هذ المنتدى كمجموع كلي؟

امنحهم درجة الصدق الأولى والاحساس الممتازة والرقة اللامتناهية اما العروض والاتقان فلا اظن انه مسعى اغلبهم وانت تعلم مثلى كلنا هنا هاو وليس بمحترف ولكن ببعض الجهد والقراءة لمن يرغب سيصلون اليها مع المتابعة والنقد البناء يا شاعر يا مهندس فين النقد يا استاذ

17-هل هناك شيء تتمنين حدوثه وآخر تتوقعينه لهذا العالم وآخر تتمنينه؟

اتمنى ان يسود السلام قلوب البشر ولا اقصد النموذجية او اليوتوبيا لكنه سلام نفسى هادىء من نوع خاص يجعلنا نطلق ابتسامة الصباح فى وجه الآخرين ونعود المرضى ونتفاءل باشراقة اليوم الجديد ساعتها سنتمتع بلحظات سعادة حقيقية

اتمنى ان تعود فلسطين وان نتوقف عن التخلى عن هويتنا الحقيقية لمظاهر اولادعاءات لن تدوم وان نلبس وجوهنا بلا اضافات ونتكشف بهدوء وروية ونحب ذواتنا كماهى ونقبل الآخرين بعيوبهم تخيل هذا العالم

للأسف انا لااتوقع الكثير من العالم حولى وافضل الاحتفاظ بدف عالمى الصغير والمحيطين به لست انانية باذن الله لكنه عالم غير مضطرب احياه برضى كبير وثقة فى رحمة الله وعدله

توقفت عن الامنيات منذ امد بعيد لكن هناك امنية صغيرة دائما سأطلبها تمام شفاء طفلى وان اراه شابا يافعا ولو للحظة ثم اموت بعدها..........

18-من أي محافظة أنت في الأصل؟ وهل أثرت في تكوينك النفسي؟

انا نص ونص يعنى دفراوى اسكندرانى وابوعلم منوفى بس والله موش بخيلة وطبعا اثرت لان الريف وجماله ونقائه والبحر وصفائه وحنينه مزيج رائع لتكوين الروح فاهميننى يا اسكندرانية وشامين ريحة الطين المندى فى ساعة صبحية عند بيتى جدى فى المنوفية

19-ما هو اللون المفضل لديك؟ وهل تحبين الرياضة؟ ولأي فريق تميلين؟ يالا سؤال خفيف ع الماشي……

بحب اللون الابيض والسماوى ودرجات الاخضر الاوليف وكل لون له روح ومعنى فى نفسى بس دول المفضلين والقمة للابيض والأسود

الرياضة ايوه الحمد لله كنت زمان بلعب فى فرقة يد كويسة ومارست كم رياضة اجملهم ركوب الدراجات

كنت بلعب فى الزمالك بس دلوقتى بشجع الملوخية فريق هايل بالتقلية

20-لو لم أكن شاعرة لوددت أن أكون…………………..

انا اصلا موش شاعرة انا بكتب كل حاجة ومالهاش لون ادبى اصنف تحته بشكل متقن وعليه يبقى انا اتمنى ان اكون شاعرة حقا وفنانة تشكيلية بجد وكفاية هو انا طايلة حاجة

21-وفي النهاية يظل هذا السؤال هو الأهم في نظري ………

ما هو العــــــجز في نظرك؟؟؟؟؟؟؟

العجز ................................................................ ان لا استطيع فى لحظة اتمنى الاتحدث ما حييت ان اجيب طلبا لابنى او رغبة يتمناها ساعتها فقط سأشعر بالعجز ولا ولن يشعرنى به الا هذا

العجز هو حجة الضعفاء فى نظرى فمادمت قادرة على التنفس لن اعجز امام اى شىء وكلى ثقة بقدرة ربى ومساندته لى فى اشد المواقف

ارسين هو ده كان اختبار نفسى ولا ايه

انا حستقيل محدش يعمل كده تانى

[Salwa]

صباح الخير يابنت يامصرية ..

هل تعتقدين ان الأفكار المتشابهة تنبع من اشخاص لهم بالضرورة طباع ...ايضا ..متشابهة ؟؟ ام انك تؤمنين ان الوصول للهدف من الممكن ان يكون بعدة طرق مختلفة ؟؟..وبالتالى تختلف الطباع ؟؟

هل لديك سهوله ثقة فى الناس ؟ او بمعنى آخر تثقى فى الناس بسهولة ؟؟

هل لو طلب منك ( مادا ) الذهاب معه للملاهى واللعب معه هناك ....ترفضين بحجة ان هذا يقلل من وقارك ؟؟ ام تعيشين معه لحظات طفولته و...( طفولتك ) ؟بكل براءة ...ولا تهتمى بما يقولون !!..

شكرا ...( اختيارى لك كان موفق ....صح؟؟) .

...(( زعلانة لانى لم اسأل من كانوا يجلسون قبلى ....لكن ان شاء الله ملحوقة ونفتح لهم موضوع مخصوص ))

[نيرون]

:)

:rolleyes:

:rolleyes:

كلكم... كلكم.......

محسسنى انى معايا اعداديه....

مش فاهم حاجه.........انا جاهل ... انا جاهل......انا جاهل....

انى راحله..

ربنا يقل منكم..... مليتوا البلدددددد

[memo2007]

لاستاذ ميمو

اول حاجه لازم اباركلك يا مصريه على الكرسي الجميل ده وتانى حاجه لازم اسألك سؤال حلو كده.......... انتى متزوجه صح طب عندك كام ابن وابنه و اساميهم ايه وهما طبعا لسه صغار احكيلنا عن بعض المواقف " المضحكه " اللى بيعملوها معاكى ......... اكيد دمهم زى الشربات هايطلعو لمين غير لامهم

ميرسى على الذوق وانا يا سيدى الفاضل ارملة من حوالى اربع سنوات وربنا رزقنى قمر صغير اتجوزته وهو كل حياتى مادا افندى او محمد حيتم 3 سنين كمان كم يوم وهو سكر وفنان ورسام وصوته حلو والطف طفل فى الدنيا وكفاية ربنا يبارك فيه وفى اولادنا جميعا يارب

ويكفينى انه يكفينى :rolleyes:

.......................... ايه الاستاذ دى اينعم انا بعد سنتين هاكون استاذه موش استاذ " انا بنت" المهم ربنا يخليلك محمد ويطلع احسن واحد فى الدنيا .....بس بقولك ايه اعرفى من دلوقتى ان محمد ده عريسي "هاتلاقيكى بتقولى من همه اتجوز واحد قد امه الفرق بينه وبينى مش كتييييييييييييييير خاااااااااااااالص ده 15 سنه :) بس بسيطه صح :rolleyes: :rolleyes: هههههههههههههههههههههههههه.................... سؤالى بقى محمد بيحب الحساب " ده لانه لسه ماوصلش للرياضيات" شاطر يعنى فيه الحساب " عرف يعد من واحد لعشره ولا لسه

تم تعديل 30 يناير 2007 بواسطة memo2007

[Ahmad Farahat]

ر بما لا يدرك أحد سواي أهمية تلك الأسئلة............

إنني أعرف أنها لعبة.........

لكنها بالنسبة إلي شيء آخر.......

إنها محاولة لاكتشاف الآخرين............

آخرين لا أعرف أسمائهم أو أشكالهم أو طريقة تفكيرهم أو أي شيء آخر.............

سيدتي..........

أشكر ردودك الصريحة وأشكر صبرك على أسئلتي...........

كما أعتذر عن صغر الخط ولكنني كنت متعجلا نوعا ما............

وابقي اعملي ده لما أقعد مكانك............

أما النقد............

فقريبا..........

للغاية....

[bentmasria]

السلام عليكم

عدنا الى الكرسى الجميل

سلوى الحبيبة وحشتينى بجد

كلك احساس واسئلتك غالية من اغلى الناس الى قلبى والله يعلم

صباح الخير يابنت يامصرية .. صباح جديد يا سلوى يولد فى القلب قبل اطلالته احيانا صباح من صباحاتك المختلفة جدا يسعد صباحك يارب

هل تعتقدين ان الأفكار المتشابهة تنبع من اشخاص لهم بالضرورة طباع ...ايضا ..متشابهة ؟؟ ام انك تؤمنين ان الوصول للهدف من الممكن ان يكون بعدة طرق مختلفة ؟؟..وبالتالى تختلف الطباع ؟؟

بشكل ما هذا صحيح فالهادئون يفكرون بشكل ما والاكثر نشاطا ايضا كذلك كل ينطلق من قاعدة النشأة ربما وهذا لاينفى ان الوصول للاهداف قد يتطلب وسائل عدة ارجو الا يدخل فى نطاقها ارتداء احد وجوه الزيف فى لحظة ما لكننا جميعا احيانا نضطر لهذا وربما او غالبا لا يناسبنا فنعود لكوننا الحقيقى موش كده ولا ايه يعنى شفافية او الاقتراب منها يارب. وطبعا تختلف الطباع ففى كل منا لحظة يختلف فيها وقد لايتعرف الى نفسه انذاك او يفقد هويته الحقيقية.

هل لديك سهوله ثقة فى الناس ؟ او بمعنى آخر تثقى فى الناس بسهولة ؟؟

ايوه لدى سهولة مفرطة فى الثقة بالناس رغم تجاربى الأليمة بسبب هذا ولكنى افضل ألا افترض السىء فى اى من كان واتمنى ان يكون هذا احساس احد ما تجاهى فى أى لحظة لذا اعامل الناس مثلما اتمنى ان يعاملونى سيدتى الجميلة الفاضلة لا يوتوبيا الا فى قلوبنا سيدتى.

هل لو طلب منك ( مادا ) الذهاب معه للملاهى واللعب معه هناك ....ترفضين بحجة ان هذا يقلل من وقارك ؟؟ ام تعيشين معه لحظات طفولته و...( طفولتك ) ؟بكل براءة ...ولا تهتمى بما يقولون !!..

عند محمد ينتهى الوقار وارتدى الجينز واجرى لاصد كراته الرقيقة واتسلق معه المراجيح حتى اسألى كامل سلوى محمد وحيد بلا اب يقفز ويلهو معه هنا انا ام ولا يهمنى سوى سعادته والوقار ليس اداء ولكنه منك وفيك مهما فعلتى ولنل بصراحة فى موقف كهذا لن اهتم بم يقولون سأصبح طفلة شقية واركب دراجة واسمع ضحكاته تملأ الحياة سعادة يارب بس يبقى مبسوط.

شكرا ...( اختيارى لك كان موفق ....صح؟؟) .

انت موفقة دائما يا صاحبة القلب الرقيق واخترت محور حياتى وهنا لا اتوقف عن الحديث فهو منى وبى وكلى وبس......................

...(( زعلانة لانى لم اسأل من كانوا يجلسون قبلى ....لكن ان شاء الله ملحوقة ونفتح لهم موضوع مخصوص )) انا زعلانة انى كنت موش موجودة وانتى على الكرسى بس ملحوقة انتى عاوزة حديث صحفى موش سؤال تفتكرى ممكن نعمل مطبوعة صغيرة اسمها تأملات سلوى الراقية للمعايشات اليومية

احترمك واحترم عقلك سيدتى دون اية مجاملة بارك الله فيكى وحفظك واسرتك من كل شر يارب

ميمو حبيتى سامحينى يا قمرة

العتب على النظارات كعب الكوباية كنت مزغللة وحفطس معليش

.......................... ايه الاستاذ دى اينعم انا بعد سنتين هاكون استاذه موش استاذ " انا بنت" المهم ربنا يخليلك محمد ويطلع احسن واحد فى الدنيا .....بس بقولك ايه اعرفى من دلوقتى ان محمد ده عريسي "هاتلاقيكى بتقولى من همه اتجوز واحد قد امه الفرق بينه وبينى مش كتييييييييييييييير خاااااااااااااالص ده 15 سنه بس بسيطه صح هههههههههههههههههههههههههه.................... سؤالى بقى محمد بيحب الحساب " ده لانه لسه ماوصلش للرياضيات" شاطر يعنى فيه الحساب " عرف يعد من واحد لعشره ولا لسه

بالنسبة لمحمد افندى عبدالله ولدى انا موافقة بس خدى بالك هو كمان محجوز للانسة ابنة اخينا الكريم الرافعى وربنا محلل اربعة فمفيش مشكلة ابدا على الاقل تربيهم سوا وهو بيحوش بمعدل خمسة مليم يوميا وعليه على ما يكبر حيبقى عند مهر محترم ما تقلقيش خالص ربنا يسعدك يارب

محمد بيحب النظام والارقام والفك والتركيب وحافظ من واحد لعشره وحافظ قبل ما ينط فى البسين يقول واحد انين ثلاثة هوبا وينط المشكلة مرة نط بهدومه بجد صدقينى

بيلعب بكل اشكال العدادات بشكل كويس الحمد لله وعنده مهارات هايلة فى الفك والتركيب والرسم يارب يكون زى ما بتمنى وياستى الرياضيات كانت هواية والدته وجده يمكن يكون ورث شىء مننا ربنا كريم

يسعد يومك يارب

ارسين المرح لطيف القلب والمعشر

انا عارفة انك بتستكشف البشر وتبحث عن غرورهم ونقاط ضعفهم باسئلة ترتدى ثياب الذوق والصدق

بس صدقنى احنا ما اخترناش نلبس اقنعة الأسماء ولو تحبوا نقول كل شىء عن انفسنا بس انا بحب اسم بنت مصرية ده حتى بريدى من 8 سنين تقريبا لانى اكتشفت ان البنت المصرية الحقيقية كنز غالى واجدع من ميت راجل واخترت الاسم طمعا فى ان اكون جزءا من التركيبة الجدعة لبنات بلدى ربنا يحفظهم ويبارك فيهم

بس ياسيدى انا اسمى ايمان اختكم الكبيرة واتشرفت دايما بوجودى بينكم

ايناس موضوعك ده فعلا جميل ربنا يسعدك ويبارك فى اولادك يارب

[nancy]

بنت مصريه

انا فعلا بقالى فترة مسالتش بس باحب اقراء الى بتكتبه وقبلك مدام سلوى

بس عموما ممكن اسالك سؤال واحد حققتى احلامك بنسبة كام

[nora]

عندما تضيق بي الدنيا....................

ابكي عندما...............

افرح ل ................

اقول يا رتني................

[bentmasria]

نانسى جميلة القلب والروح

بنت مصريه

انا فعلا بقالى فترة مسالتش بس باحب اقراء الى بتكتبه وقبلك مدام سلوى

بس عموما ممكن اسالك سؤال واحد حققتى احلامك بنسبة كام

حققت احلامى بالنسبة لعملى بنسبة 10 فى المائة وفى علمى بنسبة 90 بالمائة والحمد لله

وبالنسبة لاسرتى بنسبة 80 فى المائة سايبة عشرين للمشوار الطويل اللى جاى لى يارب مع حماده بس يدينى العمر ان شاء الله

بالنسبة للفن انا مقصرة من آخر معرض وانا ست بيت هايلة يعنى ولا ربع فى المائة

وبالنسبة لايمان فربما لم اجدها حقا بعد

بالنسبة للكتابة وجودكم وتمتعى بقراءة تقديركم لافكارى المتواضعة خلانى ناجحة مليون بالمائة وخاصة انى احتفظت باعداد ديوانى الأول كثير قوى لغاية ما خلصت................. ونقول الحسبة كلها يا باشمهندسة

ان بالجمع والطرح يمكن اطلع ما حققتش حاجة

بالحب حكون حققت كل حاجة

ميرسى يا نانسى على سؤالك الجميل :lol:

نورا الغائبة الحاضرة ازيك

عندما تضيق بي الدنيا. استغفر ربى واتذكر رحمته واتصل بصديقة عزيزة لتشاركنى كوب عناب فى مكان نحبه ونتكلم عن كل شىء الا ما يضايقنى حقا ونمضى سعداء والحمد لله.

ابكي عندما...............سامحينى فأنا حقا لا ابكى ابدااااااااااااا ولو عندك طريقة علمينى ازاى ووالله لا اكذب

افرح ل ................ لبسمة سعادة تطل من عيون الآخرين فتدفىء قلبى خاصة محمد

اقول يا رتني................ لم اتعود الندم وياليت مثل لو تفتح عمل الشيطان فقط احيانا نتمنى ان يعود بنا الزمن فقد لا نفعل ما فعلناه بغير حب

جميلة مثل اسئلتك يا نورا

قبلاتى للحلوين

[nora]

الله يخليكي انا هنا بس العيال مجنيني مع شويه ظروف وحشه دعواتكم اطلع منها

سؤال اخير

كان نفسك تكوني مين لو مكنتيش انت ؟؟

وسؤال هيجنيني يعني ايه مادا؟؟:lol:

[yasovinas]

انا اول مرة ادخل الموضوع دا ويا محاسن الصدف {محاسن هانم لو سمحت :lol: } ادخل الاقي الغاليه ام الغالي ايمي :ph34r: ام مادا (مادا دلع حماده :P اللي هو اصلا دلع محمد :) )

سيدتي بداية اعيد واكرر مرة اخرى اعجابي واحترامي الشديد بشخصيتك الجميله والتي تفرض على اي انسان يعرفك عن قرب ان يحترمها ويحبها ،، اسف يا صديقتي فانا لا اتحدث عن اشعارك وفنك ورسوماتك ولكن اتحدث عن الانسانه داخلك

سؤالي قد يكون في غير محلة او في غير وقته

سيدتي مع كل هذا الحب الرائع للغالي محمد افندي ابن الفهر عبد الله رحمه الله الم يمر بخاطرك ما سيكون عليه الحال بعد 15 سنه ؛؛ عندما يصبح شاب وراجل وينصرف الى حياته الخاصه تاركاً خلفه حياتك الخاصة ؟؟

هل فكرتي في هذه الايام وما هي خططك لها

هل سوف يكون الرضا باقل القليل من محمد والانتقال الى هامش الحياه بعد ان كنت انت محور الحياة،،، ام سوف تحاولي ان تفرضي عليه ما قد ترينه او تسميه تعويض عما ضاع من عمري عليك يا مادا ؛؛؛؛؛ معلش سؤال بايخ ولو مش عايزة تجاوبي قولي (باص)

تحياتي

[Scorpion]

ردي يا هانم عالبيه اللي بيسرق الأسئلة من عاللسان قبل ما الواحد يكتبها ....

أفففف

[yasovinas]

ردي يا هانم عالبيه اللي بيسرق الأسئلة من عاللسان قبل ما الواحد يكتبها ....

أفففف

[color=#000099]طيب ورحمة خالتي نزاكه اللي هبت بوشها في وابور الجاز ؛؛؛؛؛؛ اني بنحبك يا سكوب :lol:

[bentmasria]

نورا السكرة

كان نفسك تكوني مين لو مكنتيش انت ؟؟

كان نفسى اكون انا بس اصغر عشر سنين عشان اقدر اجرى وراء ابنى والعب معاه زى ما قالت سلوى بس برضه حجرى انا لسه شباب

بجد يا نورا مكنش نفسى فى افضل من اللى انا فيه لانى عارفة انى يمكن وقعت فى بعض الأخطاء زى كل الناس بس خلاص رضيت ما أنا عليه وبس...................

وسؤال هيجنيني يعني ايه مادا؟؟

مادا هو محمد ابنى ربنا يحفظه ومانا دى تبقى انا دلع ايمان اسمى والفكرة بسيطة بما ناى بفترض انى بكتب خواطرى قلت احطهم على وزن واحد وربنا يسعدك يارب

الحاج ياسوفيناس

ربنا يتقبل منك يارب بس ياريت تكون سددت الربع يورو اللى عليك لكامل قبل ما تحج لحسن كل يوم يفتكر ويزعل وطبعا مانقدرش على زعل سى الاستاذ سكوب

سيدتي مع كل هذا الحب الرائع للغالي محمد افندي ابن الفهر عبد الله رحمه الله الم يمر بخاطرك ما سيكون عليه الحال بعد 15 سنه ؛؛ عندما يصبح شاب وراجل وينصرف الى حياته الخاصه تاركاً خلفه حياتك الخاصة ؟؟

هل فكرتي في هذه الايام وما هي خططك لها

هل سوف يكون الرضا باقل القليل من محمد والانتقال الى هامش الحياه بعد ان كنت انت محور الحياة،،، ام سوف تحاولي ان تفرضي عليه ما قد ترينه او تسميه تعويض عما ضاع من عمري عليك يا مادا ؛؛؛؛؛ معلش سؤال بايخ ولو مش عايزة تجاوبي قولي (باص)

عارف انا ممكن اقول باص بس حرد عليك علشان انا كمان بحترمك وفاهمة قلقك على الست العجوزة اللى هى انا

ياترى لما تكون فى سن الاربعين وعندك طفل محتاج كل اهتمامك ورعايتك وكمان مريض حتفكر اد ايه قبل ما تقرر انه يستاهل اللى فاضل لك من عمر انا عارفة انك حتقوللى لما يكبر ربنا يديه العمر وانا كمان حكبر معاه يا ياسر وموش حنكر انى وافقت اشوف ناس اتقدموا لى علشان اقيم الوضع وليس بنية الموافقة ولاقيت مواقف غريبة زى سيبى الولد عند والدتك او اشياء مشابهة والقليل رحب بوجود طفلى ربما لانهم متزوجون ويرغبون فى زوجة ثانية

انا احترم الزوج وحقوقه ولن اقصر فيها وايضا لن اقصر فى حق طفلى ولا استطيع المفاضلة واعلم ان طفلى يحتاج ابا دائما لكن هل سيكون اختيارى موفقا

هل ستتحقق المعادلة الصعبة فى وقت يسارع الناس لهاثا غالبا وراء رغباتهم قبل مراعاة مشاعر الآخرين وفكرت كثيرا ثم قررت وكان القرار لصالح طفلى لانه يستحق هذا بل واكثر والمشاعر ادرى انى لن افتقدها

اتدرى لم.................... لانها منا وفينا وتزداد دفئا كلما حصدنا ثمارا تمنيناها دائما ويكفينى ابتسامته والله يارب يبارك فيه يارب :wub: :wub: :P :o

ياسر وكامل وكل من يقلق بشأن اخته ايمان لقد مررت بتجارب المتنى واخرى اسعدتنى وشاهدت الكثير ومحصلة كل هذا فى عقلى المتواضع حسمت الأمر فما ينتظر طفلى ليس بالهين سيحارب كثيرا ويحتاج المعونة والتوجيه حتى ينال حقوقه المغتصبة وصحة جيدة ومستقبلا جيدا باذن الله وادعو الله ان يعيننى على هذا ان اكون اهلا له حقا وان يتشرف طفلى بى عندما يصبح رجلا يافعا بلا اى نية فى التحكم فيه فهو سيختار بمنتهى الحرية ان شاء الله

اتمنى فقط ان يستمتع بحياة هادئة مستقرة وان استطيع ان اوفرها له حقا بجهودى المتواضعة....................... وبس

كامل مستنية اسئلتك ربنا يستر

متعرفش حد يعلمنى ايطالى ويكون رخيص وابن حلال اصلى فشلت فى الالمانى وبتعلمه دلوقتى مجبرة :D

ربنا ما يحرمنيش من اهتمامكم وذوقكم الجميل يارب

[nora]

ايمان انا هسالك حاجه اخيره بجد واعذريني لو هيدايقك.........

انت بتقولي ابنك عيان وكذا مرة شفت المداخله دي خير ماله ؟؟

بس والله مش هزعجك تاني اسفه وليكي حق الامتناع عن الاجابه اذا كان ده تطفل في حياتك الشخصيه

[bentmasria]

الغالية نورا

مر محمد بظروف سيئة فقد ولد بمشاكل صعبة فى قلبه واجرى جراحتان قلب مفتوح والحمد لله اتحسن كتير جدا بفضل الله وبفضل اصدقاء اعتبروه طفلهم وساعدونى على اتمام الجراحات والحكاية كلها فى خدمات عامة التكافل الاجتماعى ويبقى له مشكله اقل خطورة وهى ارتجاع فى الشريان الرئوى وانتظر قرار الاطباء بشأنها سواء بالجراحة او البقاء حتى سن اكبر وهو عمره فقط 3 سنوات ربنا يعفى عنه وعن ابناءنا جميعا باذن الله

اتفقنا هنا على الصدق وانا احاول جاهدة ان اتحرى الصدق سامحينى لخصت الامر فقط لاوضح لكى

شكرا لاهتمامك وسؤالك

[inas]

ام ماد

اولا ربنا يخليلك ماد

ثانيا

مررت بين سطورك وكلماتك واد ايه حسيت انك انسانه عظيمه وام رحيمه ربنا يخليلك ماد ابنك ويفرحك بيه

ويديكي طولة العمر والصحه وتعرفي تجري وتلعبي معاه

لفت نظري كلمة وانك مبتعيطيش ابدا

البكاء يبغسل الروح ولكن لا استغرب من انك لا تبكي فقوة شخصيتك وارادتك وكونك فضلتي سعادة ابنك واخترتي ان تكوني له الاب و الام فلازم تكوني ثابته قويه مش تضعفي امام اي موقف وتجهشي بالبكاء امامه

بس نصيحه حاولي تختلي بنفسك وافرغي ما بداخلك وهتلاقي نفسك استرحتي كثيرا ولا تتدعي الامك تتراكم وتضغط عليك

وعودي لماد بصفاء ونشاط بعد عملية غسيل الروح دي :wub:

سؤال باه لو مفهاش غلاسه

ايه معنى الحجات دي لك

القلم

الالم

الماضي

الحياه

الحاضر

ماد

الحلم

البحر

كفايه :wub:

[bentmasria]

ايناس

ربنا يكرمك ويبارك فيكى انا ياريتنى جزء من كل الحاجات الحلوة اللى قلتيها دى

انا بس زى اى ام وانا واثقة ان كل بنات بلدى احسن منى الف الف مرة

وبالنسبة للدموع علمنى اعز انسان على قلبى انى اعبر عن المى بوسائل تانية موش بالدموع بكتب وامشى طريق طويل بينتهى بحالة الصفاء واحضن محمد ويطبطب عليا تفتكرى ده موش حيغسل اى الم مهما كان كبير

ونرجع لسؤالك

القلم

الالم

الماضي

الحياه

الحاضر

مادا

الحلم

البحر

القلم لسان حالى انا وسواى مريح صديق امين راقى احترمه واحترم من يرفع رايته دائما

الألم علامة مميزة لحياتنا الآن ولكن يمكننا دائما ان نسرق بضع لحظات سعادة لتكون زادا للطريق الطويل

الماضى طفولة رائعة شباب مشرق زواج موفق وحنين كبير لمن ذهبوا

الحياة تذكرة سفر لرحلة طالت او قصرت تقودنا حيث نتمنى ان نسكن ابدااااااااااااا

الحاضر اشراقة فى عينى طفلى وسعى وراء الكثير مم ينقصنا (الانسانية - الرحمة - التواصل - الصدق) وليتنا نبدأ بانفسنا لرضينا حقا

مادا حصاد الماضى الجميل ونبتة الحاضر ونور المستقبل وعمرى كله

البحر تركت قلبى فيه ايثور ويمورويذهب ليطارد اصدافا ربما لن المسها لكنه نسيج الاحلام وتجسيد الروح واجمل مكان اجد فيه فتاتى الصغيرة ذات الضفائر

اسئلتك فعلا جميلة زى قلبك الطيب

ربنا ينور ايامك بكل الحب والسعادة يارب

[yasovinas]

الغاليه على قدامي المحاورين وكل اهل المحاورات كمان

حقيقي انا فرحان وسعيد بما اقرأه هنا ولكن {وآه من لكن} مش عارف ليه بعد ما قريت ردك لاقيت عفركوش ابن الابالسه بيطنطط على كتفي الشمال ومصمم يحشر نفسه جوا ودني اللي هي مش بتسمع اصلا (انا اللي قافلها) ولاقيته عمال يقول

{{يـــــــــــــــــــــــا خـــــــــــــــــــــــــــــوفـــــــي منـــــــــــــك يــــــــــــــــــــــا بـــــــــــــــــــــــــدران}} :wub:

ايمي اصل شخصية بكل هذا الجمال وكل هذه القوة انا مش قادر اتخيل انها حماه طيبة وهادية وكده يعني عموما ربنا يعطينا طولة العمر ونفرح كلنا بمادا ونبقى نشوف

تحياتي :wub:

[bentmasria]

ربنا يبارك فى كل العفاريت الصغيرين يا ياسر ويفرحنا بيهم ويطمننا عليهم يارب

ويارب يا سيدى يدينا العمر ونشوفهم عرسان وعرايس وما تقلقش جهزوا بس العروسة وحتلاقوا العريس بيقول سمعا وطاعة يا حمايا وحماتى العزيزة ومامته حتعمل ودن من طين والتانية من عجين وتكبر وتروح تجرى فى التراك لو قادرة تمشى اصلا يعنى ............ كح كح

يسعد يومك يا استاذنا