كرسي الاعتراف

[inas]

كده التصويت وصل الى:

1.فولانه (صوت)

2.نانو ( صوتين) اصلي رشحتها :ninja:

3.يحي الشاعر (لا يوجد)

[أبو حميد]

من انت؟ :ph34r:

لسه ما أخترناش اللي هايتسئل والسؤال غير محتسب وبعدين باين السؤال ده هايبقى بعد كده بالحجز واللي يلحق يسأل.

كده التصويت وصل الى:

1.فولانه (صوت)

2.نانو ( صوتين) اصلي رشحتها :ninja:

3.يحي الشاعر (لا يوجد)

خدي بالك يا فولانة في تزوير في الأصوات وناس عاوزين يكهربوكي وبيحسبوا عليكي أصوات محصلتش وأنا مليش دعوة انا جاي أهدي النفوس وماشي على طول.

[إبن مصر]

نرشح الابنه الفاضله....

نانو..

معلش ..مره بقى حد من عامه الشعب بلاش مشرفين بقى.

[inas]

ابو حميد ترتيب ترشيح داروين كان اول حد فولانه يبقى صوت :ninja:

التصويت وصل الى:

1.فولانه (صوت)

2.نانو ( 3 اصوات) باين هتتكهربي المره دي يا جميل :ph34r:

3.يحي الشاعر (لا يوجد)

[أبو حميد]

or=#000099]أرشح من المشرفين ... فولانه

أرشح من المشاركين في الموضوع ... نانو

من غير المشاركين ... يحي الشاعر

ابو حميد ترتيب ترشيح داروين كان اول حد فولانه يبقى صوت :ninja:

التصويت وصل الى:

1.فولانه (صوت)

2.نانو ( 3 اصوات) باين هتتكهربي المره دي يا جميل :ph34r:

3.يحي الشاعر (لا يوجد)

داروين أختار 3 أسماء ليتم التصويت عليهم رشح فولانة ورشح نانو ورشح يحيى الشاعر ولم يخص فولانة بأي ترشيح خاص ليحسب لها.

[memo2007]

ن

ا

ن

و

تبقى نانو

[inas]

ابو حميد

لو اخدت بالك مع كل الي قعدم في الكرسي قبل كده كنت بعتبر اول ترشيح صوت حتى مع بنت مصريه والي قبلها

من ترشيح بنت مصريه

انا حرشح بالترتيب

استاذ عادل ابو زيد

استاذ داروين

استاذى العزيز احمد محمود

وكان ردي

التصويت وصل الى:

1.استاذ عادل ابو زيد (صوت واحد)

2.الاستاذ داروين (صوتان)

3.الاستاذ احمد محمود ( صوتان)

وراجع ايضا ماما سلوى وترشيحها صفحه 27 مش كوسه والله بس اصل دا اقل حاجه ادي حق للي اتعزب على الكرسي اسبوع يدي صوت للي مرشحهم :ph34r:

كده خالصين ولا لسه؟؟؟؟

وبعدين كده نانو اخدت 4 اصوات بترشيح ميمو

يبقى لازالت فولانه بعيده عن الكرسي :ninja:

[bentmasria]

ننوسة يا حبيبتى

تحبى الكنافة بالقشطة ولا بالمهلبية

ناااااااااااااااااااااانووووووووووووووووو

مبروك عليكى الكرسى

وبوسة كبيرة من محمد ومامته

استعينى على الشقى بالله

:ninja: :ph34r:

[Scorpion]

ايه كونافة.. ايه بوغاشة .. ايه بوقسوماط دي بنت مصرية ....

دي مش ترشييييح

دي عزومة كبيرة آآآآوي

صوت يوك ... ترشيح يوك ...

انتي مش قولتي ارشح واضحة ... يبقي صوتك لاغي ....

انتي جاية اشتغلي ايه ؟؟؟؟؟؟؟

تعالا انت فالاد آقراب ... انتي جاية تعملي ايه هنا ....

يتقدم العضو سكوربيون بكل هدؤ ... ثم علي انغام شعبان عبد الرحيم يبدأ في الغناء قائلآ :

انا جاي ارشح نانو ...

و صوتي آديه لنانو ...

و فين بقي الكنافة ...

يا معلمينا النضافة ....

و ايييييييييييييييييييييييييييييييييييه

:ninja:

نانو ... ردي علي سؤال خالك زهر .... علشان بجد الجدع ده مالوش حل :ph34r:

[عازفه على أوتار الذهب]

نون....حبيبة قلبي...

مبروك عليكي الكرسي....

انا جايه اصوت عليكي...لقيت لبستي البدله خلاص... :huh:

والله ولاد الحلال اللي بيحبوكي كتير...جالي اكتر من طلب عشان ارشحك....

والله مش عارفه ايه الحب ده يا نون...بس بدون ذكر اسماء....عشان ما أعدش...

انا جايه اشوفك بس وانت عالكرسي....

الف مبروك يا نون...... :wub: :wub:

[inas]

كده نقول الف مبروك عليك الكرسي يا نانو يا حبيبتي

يلا

استلمي

وتشجعي

وعيزه التزام

والا :wub:

مش عارفه

سؤال باه غتاته

اشمعنى اخترتي نانو؟

و عندك كام عيل؟

خريجة ايه وسنة كام وتقدير ايه واي جامعه؟

حلم بتتمني يجي اليوم ويتحقق

جوبي دول هعمل لنفسي فنجان قهوه وجيالك تاني :huh:

[nora]

انا اغيب اشترى كام كرسي الاقيكم بدئتو تسلخو البنيه طب تاخد نفسها وتختار الكرسي الاول عموما انا جبتلك كام كرسي يارب يعجبوكي

انا ارشكلك ده :huh:

وايه رايك في ده:

ولا ده :

مع اني متاكده انك هتختاري ده :

:wub:

علشان متقليش حرمناكي من حاجه

[نانو]

يا جماعه والله شعارفه اقولكم ايه انا بحبكم اوي اوي اه والله ....( وش واحد بيشحت )

بس بجد بجد يعني انا مكزوفه جدا

ماشي يا داورين ...كان عندك حق ...اديني اتلزقت في الكرسي وانا اللي كنت فاكره هاخرج منه زي الشعره من العجين

ما تخافيش يا نورا ..هافضل بسبوسه لاني اخترت كرسي مريح جدا... ولا كهربا ... ولا توصيلات من ديه ابدا وبعدين الكرسي الاخير ده ليه وقته مش دلوقتي انتوا طيبين وحلوين و ممكن ما احتاجوش اصلا

اينوا ...موشكرين ليكي اوي

احمد محمود بحب انا بنتنا ديه :D

ميمو حاضر ....نانو ...اوكي ....ما هو كل واحد وليه يوم :wub:

بنت مصريه .. ربنا يخليكي بوسه كبيره كمان من انتي نانو لمادا ومامته

سكوب ...الكنافه في الاخر ....يعني الحلو دايما في الاخر ...دلوقتي ايدك معايا في اللي انا فيه ده .....و ايييييييييييييييييييييييييييييه

دهب انتي طيوبه وجميله ورقيقه ...مش انتي حبيبتي ....جايه تشمتي فيا ليه .....هه :wub:

عموما طالما مافيش فايده يبقي لازم القعده تبقي مريحه كده وجميله يعني انا اخترت الشيزلونج المريح ده ... وتقدروا تأخدوا راحتكم ...بس مش اوي :huh:

سكوب انا هاسمع الكلام وهارد علي سؤال مزهوراتي اول سؤال

نعم يا مزهوراتي كنت بتقول ايه :o ....تاني ..تاني يا مزهوراتي...طب نعمل ايه في نفسنا علشان تبطل السؤال ده هه ....قولي ايه اللي يرضيك ....

ايناس نبدأ باسم الله

اشمعنى اخترتي نانو؟

شوفي يا ستي انا اخترت نانو في ثانيه كده ما كنتش مخططه له وعلي فكره عمر ماحد قالي خالص نانو

يعني كنت باتدلع بكل الاسامي المشتقه من اسمي الا نانو ....بس بعد ما دخلت المحاورات بقي هو احب اسم ليا هو و نونو

و عندك كام عيل؟

عندي بنوتين تؤام اسمهم ..حلا .. ورولا

خريجة ايه وسنة كام وتقدير ايه واي جامعه؟

خريجه صيدله ...سنه 95 جامعه اسكندريه ... والتقدير جيد جدا في اخر سنه :P

حلم بتتمني يجي اليوم ويتحقق

اني استقر في بلدي من غير ما اكون خايفه من بكره

جوبي دول هعمل لنفسي فنجان قهوه وجيالك تاني

اعمليلي معاكي فنجان يا اينوا بس فرنساوي لو سمحتي ..... وانا مستنياكي في الجونينه -_-

[إبن مصر]

نانو يا نانو.. استعنا على الشقى بالله...

1- متى تكتبى ولا تقرأى ما تكتبيه..

2-متى تقرأى ولا تجدى ما تكتبيه..

3-متى تريدى أن تكتبى ولا تجدى ما تكتبيه..

4-متى تريدى ان تقرأى ولكن ما بداخلك يكون أكبر مما تقرأيه..

بس كفايه كده دول مسح زور الاول...

بقى مش عاجبك ابنتا....

طا...

طا....يانانو..

برضه بنتا الغاليه...

وشكران..على حسن استناعكم...

[bentmasria]

نانو الننوسة

ازيك

اوعى تكونى زعلانة منى

ده احنا بنحبوكى

سؤالات يا ست البنات

ايهم اقرب الى قلبك

نانو بنت 15 سنة ولا نانو الأم ومتى تكون هذه اقرب او الاخرى؟

تكتبين بعمق وبساطة منذ متى تكتبين ولما لانرى لك محاولات شعرية؟

دراسة الصيدلة هل كانت اختيارك الأول ام تمنيتى شيئا آخر ولم تستطيعى تحقيقه؟

وانا راجعة تانى حبص بصة كده وجايالك يا حبيبة وانتى اعتبرى اى سؤال اختيارى بجد

كفاية اللى انتى فيه :huh: :wub: :wub:

[Modest]

أرشّح الأخ الفاضل مزهوراتي :huh:

[نانو]

اخويا الغالي احمد محمود

نانو يا نانو.. استعنا على الشقى بالله...

نعم.... يا نعم

- متى تكتبى ولا تقرأى ما تكتبيه.

لما اكون باكتب و انا حزينه اوي ...باكتب و اول ما اخلص اقطع اللي كتبته فورا

متى تقرأى ولا تجدى ما تكتبيه

اوقات كتير اولهم لما يكون اللي بقرأه عاجبني اوي و اصابني بالصمت.... ومن غير مبالغه ده بيحصل كتير لما اقرأ لكتير من الاخوه والاخوات هنا

و ثانيهم ببقي مش في المود اني اكتب او اعبر.....يعني ممكن اوي اقرا و ما الاقيش رد وبعد فتره ..احس بالكلام والاقي كتير عايزه اقوله

متى تريدى أن تكتبى ولا تجدى ما تكتبيه.

ديه بقي بتحصل كتير اوي ... وساعتها بأتعب جدا جدا....لان الكتابه هي اكتر حاجه بتريحني لما اكون تعبانه... ولما احس اني مش قادره امسك القلم بأتخنق زياده وساعتها بأدور .... و اقرأ كتير يمكن الاقي نفسي في كلمات غيري... وحقيقي بتحصل و خصوصا هنا في المنتدي ...اوقات كتير بأدخل باب الادب وادور في الملفات و اجد الكثير

-متى تريدى ان تقرأى ولكن ما بداخلك يكون أكبر مما تقرأيه..

لما اكون عايزه اكتب :P ....بمعني اصح لما بوصل للحاله ديه ساعتها بأقدر اكتب ...

بس كفايه كده دول مسح زور الاول...

كل ده مسح زور :huh: امال الغدا هايبقي ايه؟؟؟؟

وشكران..على حسن استناعكم..

والله العفوان يا افندم .... وحضرتك شرفتني بحضورك ... وبرضه حلوه بنتنا :wub:

اختي الغاليه بنت مصريه

وانا كمان بنحبوكي .... وحبيناكي اكتر من اسئلتك الجميله -_-

ايهم اقرب الى قلبك

نانو بنت 15 سنة ولا نانو الأم ومتى تكون هذه اقرب او الاخرى؟

شوفي يا سيدتي ...نانو الام ديه جزء من شخصيتي... وباقي الشخصيه نانو اللي عندها 15 سنه ... اللي اوقات ببقي عايزه اخلص منها لكن ما فيش فايده

والحقيقه هيا الاقرب لقلبي طبعا ...لان ديه انا في الحقيقه ... و حتي وانا بتعامل مع ولادي اوقات بتطغي الشخصيه ديه كمان

تكتبين بعمق وبساطة منذ متى تكتبين ولما لانرى لك محاولات شعرية؟

لاني ببساطه مش شاعره....شوفي يا ستي انا باكتب اللي باحس بيه وبس ... وعلي فكره لما باحس اني عايزه اكتب باكتب ولما اخلص مش ممكن اجي تاني اكمل علي اي حاجه كتبتها قبل كده ...لانه ببساطه احساس ....مش موهبه او مهنه

دراسة الصيدلة هل كانت اختيارك الأول ام تمنيتى شيئا آخر ولم تستطيعى تحقيقه؟

الحمد لله انا كنت باحب المجال الطبي عامه ... وباحب اوي الصيدله والشغل العملي فيها و راضيه و مبسوطه كمان

أرشّح الأخ الفاضل مزهوراتي :wub:

من انت ؟؟؟؟؟

[أبو حميد]

حد يحط النور الشديد في عنيها والمخبر ابو أيد مربربة ده يقف وراها لو عصلجت في الرد يتعامل على طول.

س: ليه أشتركتي في منتدى محاورات المصريين ومين اللي محرضك تشتركي؟

س: كسبتي أيه من ورا المنتدى المذكور أعلاه؟؟

س: تاخدي كام وتسيبي المنتدى؟؟

س: أيه أول موقع بتفتحيه لما تدخلي على النت؟؟

س : لو لقيتي مشاركات كتير جديدة في المنتدى مين صاحب أول مشاركة هاتقريها؟؟ عاوز اسم واحد.

س: سايبة المنتدى ليه وقاعدة معظم وقتك في باب الأدب؟؟

س: كصيدلانية متى بدأتي تكتبين أدوية للمرضى بنفسك وبناء على خبرتك بدون أستشارة طبيب؟؟

س : أيه هي أول حاجة بتفكري فيها الصبح أول ما تصحي؟؟

تم تعديل 13 فبراير 2007 بواسطة أبو حميد

[أبو حميد]

س: ليه بتحبي حلا أكتر من رولا؟؟

س: مين بيساعد البنات في المذاكرة أنتي ولا باباهم؟؟

س: مين في المحاورات حاطة نمرته أو نمرتها في speed dial؟؟

س: بتعملي الأكل كام يوم في الأسبوع وكام يوم من بره؟؟

س: جيبتي عروسة للنسر ولا صرفتي نظر؟؟

كفاية كده النهاردة ونكمل بكره

شيلوها

تم تعديل 13 فبراير 2007 بواسطة أبو حميد

[نانو]

حد يحط النور الشديد في عنيها والمخبر ابو أيد مربربة ده يقف وراها لو عصلجت في الرد يتعامل على طول.

ايه ده ... :P معقوله ابو حميد ..احمد ....احمد...احد مؤسسي عصابه الكويت العظمي...بتغدر بيا و جايبلي مخبر وايده مربربه كمان ؟؟؟ :D

ليك يوم يا ابو حميد ولا يهمك

نعم يا سيدي

س: ليه أشتركتي في منتدى محاورات المصريين ومين اللي محرضك تشتركي؟

بمحض الصدفه يا بيه والله ...كنت بأدور علي حاجه في برنامج القاهره اليوم من جوجل واتكعبلت في المحاورات و كانت ... وبالمناسبه

ديه كانت اول مره اعرف يعني ايه منتديات ثقافيه علي النت يعني 7/8/2006

ده كان تاريخ اول يوم ادخل فيه منتدي علي النت في حياتي

س: كسبتي أيه من ورا المنتدى المذكور أعلاه؟؟

اه ...كسبت كتير اوي يا ابو حميد ....شوف .... كسبت صداقات حقيقيه كان صعب اوي اني اقابل زيها في يوم من الايام وديه في حد ذاتها نعمه كبيره جدا

كسبت اخوات كتييييييييييييييييييييييييييير اوي اوي ....اتشرفت حقيقي اني بينهم ...

كسبت كتير من الامان و السكينه ...لاني لقيت وطن في الغربه

كسبت اني اتعلمت الهدوء و ضبط النفس شويه ..في رد الفعل ....انا مش هاديه اوي زي ما هو باين كده :D

اتعلمت قيمه الكلمه الحقيقي ... و قلتها قبل كده ولسه باقولها اني بحب جدا بيت الشعر اللي حاطه س س في امضاءه... وكتير اوي بأفكر نفسي بيه

ما من كاتب الا سيبلي و يبقي الدهر ما كتبت يداه ...فلا تخط بيدك غير خط يسرك في القيامه ان تراه

كسبت معلومات كتير في مجالات كتير سياسه و تاريخ .. وخصوصا التاريخ ....و في الادب طبعا .... يعني في مجالات كتير

مش هاقولك بس كده ...لان اكيد فيه كتير كسبته ولسه ممكن اكسبه طول فتره وجودي هنا ولو فضلت اتكلم ...هاخلص صفحات المنتدي كلها :D

س: تاخدي كام وتسيبي المنتدى؟؟

فيه حاجات مالهاش تمن ....الحب الحقيقي من غير مصلحه ما يتاقلوش مال الدنيا ....معاك ربع جنيه واروح :D

س: أيه أول موقع بتفتحيه لما تدخلي على النت؟؟

المحاورات طبعا :o

س: سايبة المنتدى ليه وقاعدة معظم وقتك في باب الأدب؟؟

لا انا مش سايبه المنتدي ....انا باحب كل حيطه هنا :) ...لكن بأميل اكتر لباب الادب ...يمكن لاني دراستي علمي طول عمري و كليتي كمان

وجوايا شغف كبير جدا ....للادب بشكل عام و للشعر بشكل خاص

كمان لما بأكون تعبانه او عندي مشكله ....بادخل باب الادب اقرا اتفاعل مع مع اقرأ استريح ...اطلع من الباب التاني انسانه تانيه خالص :)

س: كصيدلانية متى بدأتي تكتبين أدوية للمرضى بنفسك وبناء على خبرتك بدون أستشارة طبيب؟؟

بصي بعد طبعا ما وقفت في الصيدليه مباشره لانك عارف ان عندنا في مصر ناس كتير بتيجي للصيدلي و تبدا توصف في اعراض

ولازم اتعامل معاهم في حدود المسموح طبعا ... وعندنا في الصيدله بيسموهاo.t.c. drugs

اللي هيا الادويه اللي ممكن تصرف من الكاونتر مباشره ....لكن ممكن بقي في اهلي وعيلتي اجرب اكتر من كده بكتير والحمد لله كل محاولاتي كانت ناجحه

س : أيه هي أول حاجة بتفكري فيها الصبح أول ما تصحي؟؟

انا انسانه قلوقه بطبعي و بافكر كتير اوي ولازم قبل ما انام اكون بافكر في حاجه...اهي بقي هيا ديه الحاجه اللي اول ما اصحي بأفكر فيها :wub: