كرسي الاعتراف

[Folana]

السلام عليكم ورحمة الله ..............

نانوو يانانووو ..يا أجمل نانووووووووو.....

أسألك ولا هه... :D ...حاشوف لك كام سؤال كده من المقرر علشان انت حبيبتى....

- بيقولوا الأزمات بتظهر معادن الناس.......

ياترى مريتى بالموقف ده قبل كده...واكتشفتى انك كنت مخطئة فى تقييمك لاحد الاشخاص مثلا..سواء بالسلب او الايجاب

وقررتى انك تعيدى نظر فى تقييمك لهذا (ه) الشخص (ية)

- الى اى مدى تحرصى على تحقيق احلامك...

ولو احلامك تعارضت مع الواقع...ازاى تقدرى تتكيفى مع هذا الواقع..وتطوعى احلامك لتتماشى معه

- انت انسانة رومانسية الى حد بعيد...وواقعية الى حد ما....

ياترى اى جانب بيتغلب على الاخر فى مسار حياتك واتخاذك للقرارات...

- كل انسان بيكون مؤمن بشىء فى حياته........بيستمد منه قوته...واتزانه ..ورغبته فى الحياة....

شخص مثلا..مبدأ..الى اخره........هل بتنتمى للفئة دى..ولا لك فلسفة خاصة بتعبر عن وجهة نظرك واتجاهاتك ...

- اسعد لحظات حياتك...عندما..........اكملى

- قرار ندمت على اتخاذه................

- شخصية خاب ظنك فيها.......( مش لازم الاسم ولكن الصفات التى أدت بك الى خيبة الامل ...) يعنى بيخيب املك فى الاشخاص امتى...وايه الاسباب ....فخمتو؟

سؤال اخير...:D

بتحبينى زى ما انا بحبك فى الله كده؟.............. :o

وكفاية كده بقى......

[نانو]

س: ليه بتحبي حلا أكتر من رولا؟؟

مين قال كده :) مش هاتبطل افتر :D

بص هاقولك مش ممكن الام او الاب يحسوا انهم بيحبوا طفل اكتر من اخواته لكن بيبقي فيه طفل شقي ونغش كده وخصوصا ان حلا شبهي كتير اوي في الشقاوه ومش بتسيبني في حالي وانا كمان مش باسيبها ف حالها :D

س: مين بيساعد البنات في المذاكرة أنتي ولا باباهم؟؟

انا ..لا ن باباهم خلقه ضيق .... وبالتالي ممكن يتنرفذ عليهم وهو بيحب يحافظ علي صورته ....بابي يقول اه دايما و مش يزعق ....مامي تقول لا دايما وتزعق كتير :D

س: مين في المحاورات حاطة نمرته أو نمرتها في speed dial؟؟

احمد .....مش باستعملspeed dial :D

س: بتعملي الأكل كام يوم في الأسبوع وكام يوم من بره؟؟

احمد انا بدأت اشك فيك ....انت بتعرف الحاجات ديه منين :)

بص هاقولك انا جوزي مالوش في المشمر والمحمر يعني بيحب اوي الاكل الخفيف .. وعليه باطبخ 3 ايام في الاسبوع ..يا كزوفي :o

س: جيبتي عروسة للنسر ولا صرفتي نظر؟؟

هو فين النسر اصلا :P مش لما نشوفه علي شجره هنا ولا هنا

كفاية كده النهاردة ونكمل بكره

بكره ....بكره مين :wub: .....بكره اشوفك عند سلطان اسهل لي و ابقي اسال براحتك هناك

شيلوها

اه والله تصدق

[نانو]

فله يا فله ..... يا اجمل فله

كل ده و من المقرر :D

نوراااااااااااااااااااااااااااااااااا

انزلي يا بنتي بالكرسي الاخير ....اظن جه وقته

يقولوا الأزمات بتظهر معادن الناس.......

ياترى مريتى بالموقف ده قبل كده...واكتشفتى انك كنت مخطئة فى تقييمك لاحد الاشخاص مثلا..سواء بالسلب او الايجاب

وقررتى انك تعيدى نظر فى تقييمك لهذا (ه) الشخص (ية)

اه انا مريت بازمتين .....اصعب ازمتين في حياتي... وفي المرتين كسبت اقرب اصدقاء لقلبي دلوقتي ...فعلا اصدقاء بمعني الكلمه لكن الحقيقه

ما كنت شايفاهم وحشين ...هما كانوا بس بعاد عني ...علي فكره ...انا صعب اوي اشوف حد وحش

- الى اى مدى تحرصى على تحقيق احلامك...

الي مدي الزيرو.....انا صعب اوي اسعي في تحقيق حلم ...مشكلتي اني مش باعرف اخطط ابدا..... وانا باعترف انه ده عيب ...

ولو احلامك تعارضت مع الواقع...ازاى تقدرى تتكيفى مع هذا الواقع..وتطوعى احلامك لتتماشى معه

انا انسانه متاقلمه لاقصي درجه ....و احاول دايما البحث عن النقط الايجابيه في اي موقف سلبي ادامي ...لكن احلامي ...باطلق لها العنان تماما

- انت انسانة رومانسية الى حد بعيد...وواقعية الى حد ما....

ياترى اى جانب بيتغلب على الاخر فى مسار حياتك واتخاذك للقرارات...

بصي يا ستي انا زي ماقلتي اني رومانسيه لحد بعيد و جدا كمان ....بس للاسف واقعيه لحد بعيييد اوي برضه

وده التناقض الفظيع اللي جوايا .... واللي بيمزقني في كتير من الاحيان.... لكني اتعودت المعاناه من نفسي .....وغالبا الجانب الرومانسي هو اللي بيغلب للاسف :wub:

- كل انسان بيكون مؤمن بشىء فى حياته........بيستمد منه قوته...واتزانه ..ورغبته فى الحياة....

شخص مثلا..مبدأ..الى اخره........هل بتنتمى للفئة دى..ولا لك فلسفة خاصة بتعبر عن وجهة نظرك واتجاهاتك ...

بصي انا انسانه باعشق الحريه .... وبأكره الانسياق لاي شئ .... وبكره التحجر والجمود .. ومافيش عندي مستحيل ... ودايما في حاله تحفز لتقبل الجديد لكن اهم ثابت مش بيتغير الحمد لله هو ايماني بربنا و ثقتي فيه ولله الحمد .... ويمكن النقطه ديه هيا نقطه الاتزان الحقيقي في حياتي و مخلياني مش خايفه

وسط كم المتناقضات اللي بعيشه

- اسعد لحظات حياتك...عندما..........اكملى

عندما اكون قاعده ادام البحر في كرسي مريح ... ومعايا كوبايه نسكافيه و باسمع ام كلثوم وبالتحديد انت عمري و غير صوتها هدووووووووووووء تام

قرار ندمت على اتخاذه................

يوم ما رفضت استلم تكليفي بعد تخرجي من الكليه مباشره ....

- شخصية خاب ظنك فيها.......( مش لازم الاسم ولكن الصفات التى أدت بك الى خيبة الامل ...) يعنى بيخيب املك فى الاشخاص امتى...وايه الاسباب ....فخمتو؟

بيخيب املي في الاشخاص لما تكون الشخصيه ديه قريبه مني اوي ... واحتاجلها ما الاقيهاش....

انا متسامحه لابعد الحدود ...الا لما اكون محتاجه لحد ..لاني باحسها لحظه ضعف واللي ادامي كسرني فيها بتبقي صعبه جدا عليا وبيخيب ظني فيه

وحصلت معايا من صديقه عمري قبل كده .... وعانيت فتره طويله بسببها

سؤال اخير...

بتحبينى زى ما انا بحبك فى الله كده؟..............

:) اه والله أوي كمان ..... وانتي عارفه ..... :o

وكفاية كده بقى.....

ليه ما لسه بدري ....انا اصلي مافيش ورايه حاجه :D

ويالا بقي علي الماسنجر نكمل قعدتنا :)

[Salwa]

نانو ياعسل....

هو سؤال واحد وارجو الشفافية فى الرد...(على فكرة الصورة جميلة جدا ...البحر وnano..الاتنين احلى من بعض).

هل تعتقدى ان انسان.( يضحى بجزء من عمره...ويعمل عملا لا يرضيه مثلا ويدخر كثيرا )...كى يستطيع ان يتمتع بالجزء الباقى ويعيش فى راحة هو على حق ؟.ام ان الانسان الذى( يعمل عملا يرضيه نفسيا و يدخر قليلا )..هو الاصوب فى اتخاذ القرار ؟؟

[نانو]

نانو ياعسل....

هو سؤال واحد وارجو الشفافية فى الرد...(على فكرة الصورة جميلة جدا ...البحر وnano..الاتنين احلى من بعض).

هل تعتقدى ان انسان.( يضحى بجزء من عمره...ويعمل عملا لا يرضيه مثلا ويدخر كثيرا )...كى يستطيع ان يتمتع بالجزء الباقى ويعيش فى راحة هو على حق ؟.ام ان الانسان الذى( يعمل عملا يرضيه نفسيا و يدخر قليلا )..هو الاصوب فى اتخاذ القرار ؟؟

امي الحبيبه سلوي

ربنا يخليكي علي ذوقك ....اكيد الصوره هاتعجبك علشان فيها بحرنا وهوانا وشطنا :wub:

حقيقي بجد وبكل شفافيه ....ان الواحد يعمل عمل يرضيه ويدخر قليل احسن بكتيييييييييييييييير اوي

لان عمل مش هايرضيه ....يعني ضغط نفسي متواصل ...يعني تعب جسماني ومشاكل صحيه مترتبه عليه

و كمان لكذا سبب

اولهم انه مش ضامن عمره هايعيش لغايه امتي و هايتمتع باللي بيشيله ولا لأ ....

ثانيا .....العمر اللي بيعدي وبيروح مش بيرجع ....يعني اللي هاقدر اتمتع بيه انا وجوزي وعيالي و احنا في راحه بال بكره ممكن اوي مانقدرش نتمتع بيه بامر من الطبيب

ثالثا ....الفلوس القليله ممكن اوي تتعوض بمشروع ناجح ....في الكبر

لكن العمر لما يعدي عمره ما هايتعوض والصحه لو راحت ولو بمال الدنيا كله مش ممكن ترجع

اقول كمان ولا كفايه .....بيتهيئلي كفايه :)

تم تعديل 13 فبراير 2007 بواسطة نانو

[memo2007]

ميمو حاضر ....نانو ...اوكي ....ما هو كل واحد وليه يوم :wub:

ايه بتستحلفيلي على فكرة انا بحبك أوىىىىىىىىىىىىىىىىىىىىىىى "فوق ما تتصورى" :wub: :wub:

سؤاااااااااالى بأه:

إمتى بتحسي إنك مضايقه من نفسك أو إنك مش فاهمه نفسك

وانهى احلى ايام حياتك " ايام الثانوى ولا ايام الكليه "

"ايام ما قبل الزواج ولا ما بعدها "

وأخيرا ربنا يخليلك بنااااااااااتك قولى آااااااااااااامين

تم تعديل 14 فبراير 2007 بواسطة memo2007

[MZohairy]

أرشّح الأخ الفاضل مزهوراتي :wub:

أما انت حكايه والله العظيم :wub:

ياعم الترشيح اتعمل خلاااااص :wub:

انت مش مركز ولا ايه؟ :wub:

قاعدين يسألوا دلوقتي في سي السيد و عادمينه العافيه :wub:

[Gihan]

نانو حبيبى

قعدوكى على الكرسي ؟

يللا اسال انا كمان

1- امتى حتقدمى للهجره لكندا؟

2-امتى حتقدمى للهجره لكندا؟

3-امتى حتقدمى للهجره لكندا؟

4-امتى حتقدمى للهجره لكندا؟

5-فى رايك مين احسن اخت فى الدنيا؟

6-امتى حتقدمى للهجره لكندا؟

جاوبى بقي

[nancy]

نانو

حاسالك سؤالين وبس

1- راضية عن نفسك بنسية كام وليه

2- اية حلمك الى عوزة تحققية خلال ال10 سنين الى جايين

وبعيدن معاك يا زهيرى وماله لما مودست يختار براحته الراجل قايم من العيا وفى فترة نقاهه ولسة بيستوعب الموضوع

بس انا نفسى يا زهيرى كنت تقعد على الكرسى علشان كلنا نسالك من انت؟؟ :wub:

[DARWEEN]

نونااااااااااا كويس انك جيتي :wub: :wub:

متى شعرتي بالسعاده ؟؟

ومتى تشعرين بالغضب ؟؟

أيه الحاجه اللي مش بتحبيها في المحاورات ؟؟ مطلوب حاجتين على الأقل

متى تشعرين بالورمانسيه ؟؟

ما الذي تحبينه في الزواج وما الذي تكرهينه فيه ؟

ماذا تفعلي إذا شعرت ان حياتك الزوجيه في خطر ؟؟

كفايه دول لحد ما أحضر لك الباقي

[Modest]

أرشّح الأخ الفاضل مزهوراتي B)

من انت ؟؟؟؟؟

أرشّح الأخ الفاضل مزهوراتي -_-

أما انت حكايه والله العظيم

ياعم الترشيح اتعمل خلاااااص :wub:

انت مش مركز ولا ايه؟ :wub:

قاعدين يسألوا دلوقتي في سي السيد و عادمينه العافيه

ممكن يا نانو أقعد دقيقتين بس على الكرسي الحلو ده احكي لكم حدوتة بمناسبة السؤال الغير مكرر ده و اللي أول مرة اشوفه بتاع "من أنت؟" -_- ... و هأقوم على طول.

بتقولي ممكن؟.. شكراً يا أميرة :wub:

في زيارتي الأخيرة للرياض من أسبوعين .. أول ما هبطت أرض المطار اتصلت بالعمدة الآلي سي السيد علشان اتفق معاه هايخطفني امتى و فين و إزاي :wub:

قلت له هاكون في اجتماعات مهمة يا سين سين يا اخويا و أول ما أخلص هاتصل بك علشان نتفق على المكان و الزمان و السلاح ..

الراجل لقاني إتأخرت عليه .. و كمان مش قادر يتصل بيا علشان عارف الزنقة اللي أنا فيها .. لقيته باعت لي ماسج على الموبايل بيقول لي فيها "من أنت؟ :D .. قصدي انت فين؟"

و انا في وسط الاجتماع بابص على الماسج و الجماعة حواليا لقوني لامؤاخذة يعني تغيرت 180 درجة .. من شخص راسم الجدية و مش عارف ايه لواحد تاني خالص مسخسخ على روحه من الضحك.

شفت أفكارك كانت هاتوديني في داهية ازاي يا مزهوراتي؟ :wub:

ميرسي يا نانو .. اتفضلي الكرسي. -_-

.

تم تعديل 15 فبراير 2007 بواسطة Modest

[Modest]

نانو يا نانو.. استعنا على الشقى بالله...

1- متى تكتبى ولا تقرأى ما تكتبيه..

2-متى تقرأى ولا تجدى ما تكتبيه..

3-متى تريدى أن تكتبى ولا تجدى ما تكتبيه..

4-متى تريدى ان تقرأى ولكن ما بداخلك يكون أكبر مما تقرأيه..

بس كفايه كده دول مسح زور الاول...

بقى مش عاجبك ابنتا....

طا...

طا....يانانو..

برضه بنتا الغاليه...

وشكران..على حسن استناعكم...

:wub: :wub:

نانو يا نانو.. استعنا على الشقا بالله...

1- متى تقرئي ولا تفهمي ما تقرئيه..

2-متى تكتبي ولا تكتبي ما تكتبيه..

3-متى تريدى أن تلعبي ولا تجدى ما تلعبيه..

4-متى تريدى أن تكتبي و لكن لا تجدي ما تكتبيه..

بس كفايه كده دول مسح زور الاول...

بقى مش عاجبك ابنتا....

طا...

طا....يانانو..

برضه بنتا الغاليه...

وشكران..على حسن استناعكم...

[نانو]

ميمو اهلا بيكي يا جميله

ايه بتستحلفيلي على فكرة انا بحبك أوىىىىىىىىىىىىىىىىىىىىىىى "فوق ما تتصورى"

و انا كمان اوي اوي يا ميمو

سؤاااااااااالى بأه:

إمتى بتحسي إنك مضايقه من نفسك أو إنك مش فاهمه نفسك

بابقي متضايقه من نفسي لو حسيت انك جرحت حد او حد زعلت حد بدون قصد

اما مش فاهمه نفسي ...لا ما اعتقدش لاني باحاسب نفسي كتير اوي اوي وباتلكم معاها كتير وفاهمه هيا بتعمل ايه وليه

وانهى احلى ايام حياتك " ايام الثانوى ولا ايام الكليه "

"ايام ما قبل الزواج ولا ما بعدها "

بصراحه وبجد بعد الجواز

وأخيرا ربنا يخليلك بنااااااااااتك قولى آااااااااااااامين

امين يارب

بيجوووووو حبيبتي

نانو حبيبى

قعدوكى على الكرسي ؟

يللا اسال انا كمان

1- امتى حتقدمى للهجره لكندا؟

شوفي يا ستي انا قدمت بالفعل و الرد كمان خلاص قرب يوصل ادعيلي بقي :sad:

2-امتى حتقدمى للهجره لكندا؟

بصي انا جهزت كل حاجه خلاص وفاضل علي تقديم الورق :sad:

3-امتى حتقدمى للهجره لكندا؟

اديني لسه اهوه بادور علي الورق في النت و باجهز نفسي واول ما اخلص هاقدم -_-

4-امتى حتقدمى للهجره لكندا؟

شوفي يا جيجي موضوع الهجره ده انا فعلا بافكر فيه وشاغل مخي اوي و كنت عايزه اخد رايك فيه اوي -_-

5-فى رايك مين احسن اخت فى الدنيا؟

طبعا اانتي GIHAN

6-امتى حتقدمى للهجره لكندا؟

لا بصراحه الموضوع ده مش في دماغي اصلا :huh:

[نانو]

حاسالك سؤالين وبس

1- راضية عن نفسك بنسية كام وليه

مش هاعرف اقولك نسبه لاني متقلبه جدا علي نفسي ويوم اشوف نفسي ممتازه جدا و ما فيش بعد كده

ويوم تاني اول بمعني اصح ممكن اوي بعدها بساعه اشوف اني ما فيش اسوء من كده

2- اية حلمك الى عوزة تحققية خلال ال10 سنين الى جايين

نانسي انا بحلم علي قدي اوي اوي

عايزه بس الاستقرار ...لبيتي و ربنا يبارك لي في ولادي وجوزي وبيتي

[نانو]

داروين يا هلا يا هلا

نونااااااااااا كويس انك جيتي

انا هنا يا افندم اتفضل

متى شعرتي بالسعاده ؟؟

اشعر بالسعاده ...مع كل لحظه صدق حقيقيه اعيشها بكل احساسي .....مهما كانت حتي لو كانت لحظه بكاء علي شئ غالي ....لحظه اخلاص حقيقه من صديق او لحظه حب

ومتى تشعرين بالغضب ؟؟

اشعر بالغضب لما اللي ادامي ما يفهمنيش

أيه الحاجه اللي مش بتحبيها في المحاورات ؟؟ مطلوب حاجتين على الأقل

حاجتين دول كتير اوي يا داورين :sad:

ان بيقفل كتير اليومين دول ... وده بيصيبني بالاحباط

وانه بيخليني احرق الاكل اوقات كتير :sad:

متى تشعرين بالورمانسيه ؟؟

باشعر بالرومانسيه كتيييييييييييير ممكن اوي لما اسمع اغنيه حلوه ...اقرا شعر ..اشوف لوحه.... اشوف البحر واوقات كمان من نسمه الهوا

ما الذي تحبينه في الزواج وما الذي تكرهينه فيه ؟

باحب في الزواج الاستقرار والسكينه و احساس الاسره وطبعا الاولاد

وباكره المطبخ -_-

ماذا تفعلي إذا شعرت ان حياتك الزوجيه في خطر ؟؟

الحقيقه مرحله ا ن حياتي الزوجيه تكون في خطر ديه بتبقي مرحله متأخره اوي الطبيعي اني احس قبل كده بكتير واتحرك قبل كده بكتير

يعني فيه مراحل كتير اوي بتبدأ ممكن تؤدي للخطر ...مش ممكن استني ابدا لغايه ما توصل لمرحله الخطر

كفايه دول لحد ما أحضر لك الباقي

لا والله ما انت قايم خليك قاعد مستريح -_-

[نانو]

ممكن يا نانو أقعد دقيقتين بس على الكرسي الحلو ده احكي لكم حدوتة بمناسبة السؤال الغير مكرر ده و اللي أول مرة اشوفه بتاع "من أنت؟" -_- ... و هأقوم على طول.

بتقولي ممكن؟.. شكراً يا أميرة :sad:

تؤتؤ انا مش اميره انا نانووووووووووو :huh:

ميرسي يا نانو .. اتفضلي الكرسي. -_-

العفو اي خدمه :sad: وما تبقاش تيجي تاني

.

[نانو]

نانو يا نانو.. استعنا على الشقى بالله...

1- متى تكتبى ولا تقرأى ما تكتبيه..

2-متى تقرأى ولا تجدى ما تكتبيه..

3-متى تريدى أن تكتبى ولا تجدى ما تكتبيه..

4-متى تريدى ان تقرأى ولكن ما بداخلك يكون أكبر مما تقرأيه..

بس كفايه كده دول مسح زور الاول...

بقى مش عاجبك ابنتا....

طا...

طا....يانانو..

برضه بنتا الغاليه...

وشكران..على حسن استناعكم...

:sad: -_-

نانو يا نانو.. استعنا على الشقا بالله...

1- متى تقرئي ولا تفهمي ما تقرئيه..

2-متى تكتبي ولا تكتبي ما تكتبيه..

3-متى تريدى أن تلعبي ولا تجدى ما تلعبيه..

4-متى تريدى أن تكتبي و لكن لا تجدي ما تكتبيه..

بس كفايه كده دول مسح زور الاول...

بقى مش عاجبك ابنتا....

طا...

طا....يانانو..

برضه بنتا الغاليه...

وشكران..على حسن استناعكم...

اايه ده مين فين ليه ؟؟؟ :sad:

هو احمد ولا محمود ولا محمود و احمد ولا مين بالضبط اللي بيسأل عن ايه -_-

[memo2007]

السلام عليكم ورحمه الله وبركاته

ازيك يانانو ايه اخبااااارك

وحشانا جدا

سؤالى انهارده:

عملتى ايه امبارح فى عيد الحب ............جبتي لمين هديه ومين جبلك هديه

اهم حاجه حلا ورولا جابولك هديه ولا لا

"لو ماحدش جابلك اجبلك انا يا قمر وماتزعلش نفسك "............

أسألتى سهله وبسيطه ومن المقرر

[النسر المصري]

ناااااااااانووووووو...ياااه ...بقى انتي اللي استلمت العهده....دحنا هنضحك ضوحك ياجودعاان :D

خدي السؤال ده

ايه وجه الشبه بينك وبين نادي الزمالك.... -_- -_-

وماذا يمثل لك الأهل العالميي كأعظم نادي التاريخ :happy: ؟

[Ahmad Farahat]

نانو...........

لماذا انضممت الى المحاورات؟؟؟؟؟؟؟؟؟؟؟؟

ومن هي نانو التي لا نعرفها؟؟؟؟؟؟؟؟؟؟