كرسي الاعتراف

[نانو]

السلام عليكم ورحمه الله وبركاته

ازيك يانانو ايه اخبااااارك

وحشانا جدا

سؤالى انهارده:

عملتى ايه امبارح فى عيد الحب ............جبتي لمين هديه ومين جبلك هديه

اهم حاجه حلا ورولا جابولك هديه ولا لا

"لو ماحدش جابلك اجبلك انا يا قمر وماتزعلش نفسك "............

أسألتى سهله وبسيطه ومن المقرر

و عليكم السلام ورحمه الله وبركاته

انتوا اللي دايما بتوحشوني

امبارح قضيت عيد الحب في البيت كله مع جوزي وولادي

انا مش باجيب هديه ...انا باخد هديه بس... -_-

السنه ديه جاتلي احلي هديه -_- ...... لو قلتي انتي من مين هاديلك جايزه :happy:

حلا و رولا .....حبايبي لسه انا وبابا اللي بنجيب لهم

تم تعديل 16 فبراير 2007 بواسطة نانو

[yasovinas]

تحية احترام وتقدير للغاليه نانو على هذه الشخصية الرائعه وربنا يسعدك كمان وكمان

بس مش هسأل

[نانو]

ناااااااااانووووووو...ياااه ...بقى انتي اللي استلمت العهده....دحنا هنضحك ضوحك ياجودعاان :D

خدي السؤال ده

ايه وجه الشبه بينك وبين نادي الزمالك.... :D -_-

زوجتين لنفس الشخص -_-

وماذا يمثل لك الأهل العالميي كأعظم نادي التاريخ :happy: ؟

يمثل لي مصدر للعكننه دائم -_-

نانو...........

لماذا انضممت الى المحاورات؟؟؟؟؟؟؟؟؟؟؟؟

جات بالصدفه زي ما قلت قبل كده وجذبني جدا اسلوب المحاورات ومستواها الراقي والعلاقات الجميله بين الاعضاء

ومن هي نانو التي لا نعرفها؟؟؟؟؟؟؟؟؟؟

حقيقي ما فيش نانو غير اللي تعرفوها ....

ميزه المحاورات ...انك مهما حاولت تخفي شئ من شخصيتك ...مع الوقت بتبان الشخصيه بتفاصيلها

تم تعديل 16 فبراير 2007 بواسطة نانو

[nora]

اعذريني يا نانو انا والله مشغوله منت اليومين الي فاتو انت عرفه ان ميحشنيش غير الشديد الاوي

بصى هقولك كام كلمه وانت قولي معناهم

الحياة

اللقاء

الفراق

الغربه

الحزن

الندم

الصيف

الشتا

القلم

رولا

حلا

بس

جوبي

[memo2007]

السنه ديه جاتلي احلي هديه :wub: ...... لو قلتي انتي من مين هاديلك جايزه :angry2:

حلا و رولا .....حبايبي لسه انا وبابا اللي بنجيب لهم

اكيد الهديه بوستين جميلتين من الجميلتين والقمرين حلا ورولا

ربنا يخليهملك......................آااااااااميييييييييييييييين

إجابتى صح ولا لأ ;) عاوزة الهديه بأه

وياااااااااااااريت تجيبولى هديه معاهم ...اشمعنى زى ما تجيبلهم تجيبولى اصل انا عندى سنه ونص بالتمام

:wub: :wub: :D

سؤالى بأه:

حلا ورولا عندهم كام سنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

صدقينى أسألتى سهله وبسيطه!!!!!!!!!!!!!!!!!!!!!

[Scorpion]

نانو العزيزة ...

ايه هو أول موضوع او مداخلة خلتك بعد ما قريتيها تقرري أنك تشتركي في المحاورات ؟

فاكرة مين أول واحد رد علي اول مشاركة ليكي ؟

ايه اول حاجة بتدوري عليها عشان تقريها و ليه ( بخلاف أي موضوع أنت مشتركة فيه ) ؟

أتجوزتي عن طريق القلب .. عن طريق العقل .... او عن طريق الأهل ؟؟؟

آخر سؤال و مش حتقل عليكي بعده

أمتي حتقدمي عالهجرة لكندا ؟

[Modest]

الأخت الفاضلة نانو

بعد مراجعة جميع ما تقدم من أسئلة موجهة إلى شخصكم الكريم أود أن أسأل سؤال لم يتطرق إليه أي من الأخوة الأفاضل و الأخوات الفاضلات:

امتى حتقدمى للهجره لكندا؟

[نانو]

تحية احترام وتقدير للغاليه نانو على هذه الشخصية الرائعه وربنا يسعدك كمان وكمان

بس مش هسأل

ياسو فيناس ...... من اجمل الشخصيات الاسكندرانيه الرائعه التي قابلتها في منتدانا ...سعادتي الحقيقيه بوجودي وسطكم ... ربنا يكرمك و يسعدك بقلبك اللي لون الفل

ميرسي كتير ليك انك ما سألتش :)

الحياة طاحونه كبيييييييييره اوي عماله تطحن فينا يوم بعد يوم ....و مش هاتبطل غير لما نمشي ونسيبها

اللقاء حلم جميل ....

الفراق اكتر حاجه بتعذبني في الدنيا

الغربه اكبر ترس في الطاحونه الكبيره

الحزن كان صديق ...

الندم لازم بعد الغلط ...علشان ما تعديش الغلطه ببساطه كده

الصيف اللمه مع الاهل والحبايب وبيرجع كل اللي غايب

الشتاء كورنيش اسكندريه ..محمد منير ...جيلاتي عزه في عز البرد

القلم ساعه الحزن بيبقي القشه اللي بأتعلق فيها زي الغريق

رولا الدلع و الانوثه والطيبه

حلا الشقاوه المكر العند

اإجابتى صح ولا لأ :D عاوزة الهديه بأه

طبعا صح وهديتك بوسه كبيره اوي اوي اكبر من بتاعتهم كمان

حلا ورولا عندهم كام سنه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

واحده عندها ...6 سنين ... والتانيه عندها 6 سنين :)

[nora]

شطوره يا نانو خدي دو

...........................................اهو ده الي كان نفسي يحصل بص محصلش

...........................................اهو ده باه الي حصل

.........................................هو ده كان تمن غربتي

..........................................ياربت تصدقني ان ده هو الي حصلي فعلا

...........................................ده كان اطرف موقف

............................................ده اعز انسان على قلبي

............................................ده الي نفسي الايام تجمعني بيه

..........................................ده اخر حاجه ممكن اقولهالك

يلا جوبي

[memo2007]

لأ لأ لأ لأ

كتير بقول انى ذكيه وبفهمها وهيه طايره مش بيصدقونى ليييييييييييييييه ماعرفش

ياناس ياهو إجابتى صح

وخدت هديه

حد أدى .........مش عاوزين حسد مش عشان خد هديه هاتحسد ويتقر عليه بقى

:D :wub: :lol:

ربنا يخليهملك ومرسي جدا على هديتك اللطيفه دى

سؤالى :

انا اعرف ان ميول الطفل بتبان من صغره

فأكيد كل واحده ليها ميول مختلفه عن التانيه وبتحب تعمل حاجه معينه

واكيد شخصيه كل واحد بانت

فياريت تقولى لينا ميو كل واحده وشخصيتها وعرفتى ازاى "يعنى عملت ايه خلاكى تعرفي "

انا أسفه الأسئله بدأت تكون صعبه

بس لازم تجاوبى :lol:

تم تعديل 18 فبراير 2007 بواسطة memo2007

[inas]

نانو حببتي نورتي الكرسي

يلا باه رشحي حد اخدتي افراج :lol:

[نانو]

نانو العزيزة ...

ايه هو أول موضوع او مداخلة خلتك بعد ما قريتيها تقرري أنك تشتركي في المحاورات ؟

اول موضوع كان عن برنامج القاهره اليوم

فاكرة مين أول واحد رد علي اول مشاركة ليكي ؟

لا طبعا صعب اوي لاني انا باتميز بذاكره فولاذيه :blink:

ايه اول حاجة بتدوري عليها عشان تقريها و ليه ( بخلاف أي موضوع أنت مشتركة فيه ) ؟

شوف لو فيه قضيه حيه طبعا باتابعها اول حاجه وطبيعي اني بافتح كل المواضيع في الشريط الاحمر ولازم القي نظره علي باب الادب والشعر طبعا

أتجوزتي عن طريق القلب .. عن طريق العقل .... او عن طريق الأهل ؟؟؟

عن طريق الاهل

آخر سؤال و مش حتقل عليكي بعده

أمتي حتقدمي عالهجرة لكندا ؟

عارف يا سكوب انا اكتشفت اد ايه انت انسان لماح وذكي علشان بوكيه الورد اللي مع السؤال ده علشان انا بدات اتوتر من منظر السؤال نفسه :o

الأخت الفاضلة نانو

بعد مراجعة جميع ما تقدم من أسئلة موجهة إلى شخصكم الكريم أود أن أسأل سؤال لم يتطرق إليه أي من الأخوة الأفاضل و الأخوات الفاضلات:

امتى حتقدمى للهجره لكندا؟

ياااااااااااااااااااااااه يا موديست ... :) ....مش عارفه كنت هاعيش ازاي من غير ما تسالني السؤال ده ...بجد بجد ...مش عارفه اعملك ايه

علشان اعبر عن مدي شكري وامتناني عن السؤال ده ...روح .....روح ....منك لله :blink:

تم تعديل 19 فبراير 2007 بواسطة نانو

[نانو]

شطوره يا نانو خدي دو

...........................................اهو ده الي كان نفسي يحصل بص محصلش

اني اهاجر كندا :)

...........................................اهو ده باه الي حصل

بقيت أم لبنتين زي القمر

.........................................هو ده كان تمن غربتي

بعدت عن أسكندريه اللي باحبها

..........................................ياربت تصدقني ان ده هو الي حصلي فعلا

اني حاقوم من على كرسي الأعتراف

...........................................ده كان اطرف موقف

............................................ده اعز انسان على قلبي

مامتي ربنا يخليهالي يباركلي فيها

............................................ده الي نفسي الايام تجمعني بيه

اخويا ...بقالي 3 سنين ما شوفتوش

..........................................ده اخر حاجه ممكن اقولهالك

ارحميينييييييييييييييييييييييييي

فياريت تقولى لينا ميو كل واحده وشخصيتها وعرفتى ازاى "يعنى عملت ايه خلاكى تعرفي "

حلا : بتحب الكرتون الكرتون والكرتون

اما رولا بقي يا ستي مختلفه خالص لانها بتحب الكرتون والكرتون والكرتون :blink:

ميرسي علي اليومين الحلوين اللي قضيتهم معاكم ...و ميرسي لكل اللي سأل وكل اللي قرأ ...

ارشح للكرسي

ياسو فيناس

فولانه

سكوربيون

تم تعديل 19 فبراير 2007 بواسطة نانو

[Modest]

ياااااااااااااااااااااااه يا موديست

...روح .....روح ....منك لله :)

بتدعي عليّا و انتي على كرسي الاعتراف يا نانو؟ :blink:

ربنا يسامحك يا نانو :o

[Scorpion]

الحق ...انا شايف زهيري دخل ... شوفوا بقي كائن من كان اللي حيقعد عالكرسي .. اول سؤال ليك هو ....:

من أنت ؟

[MZohairy]

الحق ...انا شايف زهيري دخل ... شوفوا بقي كائن من كان اللي حيقعد عالكرسي .. اول سؤال ليك هو ....:

من أنت ؟

ماشي :)

طيب شوف الابداع بقى في ظل التحدي.....

Who are you :blink:

[nash]

أرشح فولانه :)

أنتصارا للجنس الناعم وكيدا في الجنس الخشن

[Scorpion]

العضو الفاضل زهيري ..

تنص قواعد المحاورات علي عدم استخدام اي لغة أخري غير العربية كوسيلة تواصل بين الأعضاء ... لذا فأستخدامك للغة الفرنجة هو تحدي واضح و عصيان مدني و تهديد للوحدة الوطنية و عقوبتها عقوبة التخابر مع دولة أجنبية ... و عليه سيتم تحويل أوراق حضرتك للمفتي .. و حذف ما خطته يداك من لغة غير مفهومة بس بعد 3 اشهر حتي يري الأعضاء الشرفاء ما أقترفته يداك...

الله ... الوطن ...

عن الأدارة

سكوربيون عايز عشرة يكتفوني

[MZohairy]

العضو الفاضل زهيري ..

تنص قواعد المحاورات علي عدم استخدام اي لغة أخري غير العربية كوسيلة تواصل بين الأعضاء ... لذا فأستخدامك للغة الفرنجة هو تحدي واضح و عصيان مدني و تهديد للوحدة الوطنية و عقوبتها عقوبة التخابر مع دولة أجنبية ... و عليه سيتم تحويل أوراق حضرتك للمفتي .. و حذف ما خطته يداك من لغة غير مفهومة بس بعد 3 اشهر حتي يري الأعضاء الشرفاء ما أقترفته يداك...

الله ... الوطن ...

عن الأدارة

سكوربيون عايز عشرة يكتفوني

Scorpion Scorpion Scorpion Scorpion Scorpion Scorpion

كتبتلك اسمك يا سكوب فوق بكذا خط (خط الرقعه و النسخ و الكوفي و.......) :blink:

ابلغ المفتي يعمل حسابك معايا ولا مفيش داعي؟ :)

[إبن مصر]

أرشح........

فولانه هانم الخربوطلى.. :)

جالك الموت يا تارك الصلاااااااااااااااااااااااا :blink: