كرسي الاعتراف

[yasovinas]

ارشح فولانه

ونيابة عن اخي وصديقي موديست الصو

ارشح فولانه

وبما ان الغالي س س غايب ربنا يفك سجنه فانقل لكم ترشيحه للغاليه فولانه

يللا كده بقوا خمشتاشر بيرشحوا فولانه هاتو المتهم

[Scorpion]

علي فكرة يا زهر .. هذه نقرة و تلك نقرة اخري .. بس حعديها بمزاجي علشان بصراحة خرجت منها بحرفنة .. و انا بشجع اللعبة الحلوة ...

نرجع للأنتخابات .. الموقف لحد دلوقتي كده :

نانو رشحت فولانة = 1 صوت

ناش رشحت فولانة = 1 صوت

احمد محمود رشح فولانة = 1 صوت

ياسوفيناس رشح فولانة = 1 صوت

و آدي سكوب بيرشح فولانة = 1 صوت

تبقي الحسبة بالصلاة علي النبي 5 اصوات ...

الفلكة يا جابر

[Scorpion]

مدام فولانة هانم الخربطولي ..

أول سؤال حضرتك هو السؤال المسجل بالشهر العقاري بأسم زهر ابو اياد و هو يدور حول معضلة حياتية مركزية تدور حول الأنا :

و بما أنه أتكتب بالأنجليزي مؤخرآ و ثقافة حضرتك علي حسب علمي تركي .. فسوف أعيده عليك بلغة الضاد :

أنتي مين ؟

ده واحد

اتنين : عرفتي منين المحاورات ؟

تلاتة : أحكي بالتفصيل ظروف أول لقاء بأبو يارا ...

و كفاية عليكي مؤقتآ ....

[Modest]

أرشِّح الأخ الفاضل مزهوراتي :blush:

[MZohairy]

أرشِّح الأخ الفاضل مزهوراتي :blush:

أما انت حكايه والله العظيم :wub:

ياعم الترشيح اتعمل خلاااااص :blush:

انت مش مركز ولا ايه؟ :)

قاعدين يسألوا دلوقتي في سي السيد و عادمينه العافيه :ph34r:

تم تعديل 20 فبراير 2007 بواسطة mzohairy

[Diab]

الأخت الفاضلة نانو

بعد مراجعة جميع ما تقدم من أسئلة موجهة إلى شخصكم الكريم أود أن أسأل سؤال لم يتطرق إليه أي من الأخوة الأفاضل و الأخوات الفاضلات:

امتى حتقدمى للهجره لكندا؟

أنا قررت أسألك سؤال مختلف

لكندا للهجرة حتقدمي امتي ؟

[Scorpion]

ربنا يسامحكم انتو تالجوز ... موديست و زهر ... لخبطوا العالم ... يا دياب نانو خلاص طلعت براءة .. و حاليآ الكزرولة و المغرفة في ايد فولانة ... بس حد يروح يندهلها حاكم باين عليها و لا علي بالها الزومبة اللي خدتها ..

[Diab]

ربنا يسامحكم انتو تالجوز ... موديست و زهر ... لخبطوا العالم ... يا دياب نانو خلاص طلعت براءة .. و حاليآ الكزرولة و المغرفة في ايد فولانة ... بس حد يروح يندهلها حاكم باين عليها و لا علي بالها الزومبة اللي خدتها ..

خلاص نسأل فولانة هانم طوسون أغا

‘متي حتقدمي ع الهجرة لكنبة

[Folana]

السلام عليكم ورحمة الله ................

ميـــــــــــــــــــــــن بيدق على بابى.....وأنا فرحانة كده بشبابى :blush:

سكوب....ماشى يا سكوب ....حاضرررررررررررررررررررررر..

انا كنت واقفة قدام الفرن بأسوى لك ربع علشان اكتبه فى الرباعيات ...بس خلاص بقى...خلينى معاك هنا....

ايوه يا سيدى طلباتك ايه؟

مــــــن أنت؟

أنا مين؟....صدقنى انا شخصيا ما أعرفش مين أنا...فين أنا ..ليه أنا.....

ولكن تقدر تقول...ان أنا بنى أدم..زى اى بنى أدم موجود فى الدنيا...راكبة القطر السريع ومش عارفة رايح بى على فين....

يومين سعيدة...يومين حزينة...يومين مكتئبة....

والجمعة اجازة ...عطلة رسمية.....

يعنى تقدر تستنج ان انا فولانة....بس كده

عرفت منين المحاورات.....

أنا كنت ناوية والنية لله أدخل موضوعك اجاوب فيه..بس حاجاوب هنا....

أنا ماكنتش اعرف ان فيه حاجة اسمها منتديات اصلا.....وفى مرة من ذوات المرارير..أختى كانت عندى وفتحت منتدى اخر - مافيش داعى لذكر الاسماء - وعرضت على اسجل فيه ..وقد كان....سجلت ..ودخلت المطبخ لقيت موضوع وصفات بس كان اتقفل ....وماكنتش اعرف طبعا ايه النظام فى اى حاجة ففضلت ابعت واقول انا مش عارفة ادخل الموضوع يمكن علشان جديدة وفيه كلمة سر مثلا ...ماحدش رد على وانت عارف بقى المشرفين

وصلتنى رسالة من زميلة كانت معانا هنا - أوشا - لو تفتكروها...وفيها لينك المحاورات وقالت لى ان صاحب الوصفات موجود هنا...بس ودخلت على المطبخ على طول هنا..وفضلت فيه..

كنت باخاف جدا اخرج من المطبخ واشوف باقى المواضيع.....وبدات اخد جولة سياحية بين ابواب المنتدى..والحقيقة كنت مبهورة جدا بكل الاعضاء ومناقشتهم ...وقد كده سعدت ان الدنيا فيها ناس زيكم كده...بس برضه كنت خايفة جدا اشارك فى اى حاجة..وكنت ارجع تانى المطبخ أجرى واقفل الباب ورايا :blink:

بعد كده حاولت اكتب..وكانت المأساة...ان كل موضوع اكتب فيه اكون انا اخر اسم ..وماحدش يكتب ورايا...لدرجة انى كنت باخاف ارد فى اى موضوع احسن اقفله...ما انا نحس بقى ...:blink:

بعد كده الامور اتغيرت وبدات اكتب والاعضاء يردوا على والعجلة مشيت.....

ما اعرفش غير المحاورات هنا...بحبها جدا..جدا...وبحب كل الناس اللى فيها ....بانتمى لهم جدا...وبأسعد بأى عضو يشترك معانا وباكون منتظرة اى مشاركة منه علشان ارد عليه واشعره انه فى بيته وبين اهله واشيل من نفسه الرهبة اللى كنت باشعر بها قبل كده...

وكفاية كده...لانى لو اتكلمت عن المحاورات وعنكم كلكم مش حابطل كلام من كتر حبى لكم..... :ph34r:

ايه تانى....

تلاتة : أحكي بالتفصيل ظروف أول لقاء بأبو يارا ...

:wub:

أبو يارا ؟؟؟؟؟؟؟؟؟

شوف يا سيدى...أنا وعيت على الدنيا لقيت أبو يارا فى حياتى...ليه بقى؟...أقولك...

أصله قريبى جدا...قريبى خالص......وكان بيتفضل عندنا كتيرررررررررررر...رايح جاى...جاى رايح.....وأنا مكبرة ...لانى كنت غاوية تعليم وموسيقى فقط...

ولما دخلت الكلية....عدى التيرم الاول على خير....وفى بداية التيرم الثانى اتقدم لى صديق اخويا ...وعنها يا سيدى..تانى يوم الساعة سبعة الصبح لقينا المدعو ابو يارا بيخبط على بابنا ويصحينا من النوم...

قال ايه ..عايز يخطبنى......ده وقته؟... :)

كان خايف احسن اطير من ايده...

ولما افكره انه مانامش طول الليل علشان يلحقنى ..يقولى ..ماهو ده أكبر دليل انى ماكنتش فى وعيى...بالك انت يا فلفلة لو كنت نايم كويس..كنت اخدت قرار صح وماشفتيش وشى.... :blush:

طبعا هو بالنسبة لى زوجى وابويا.........لو تعبت هو اللى يعالجنى - مع مراعاة انه مش طبيب - ...يعنى الصراحة مش مخلينى محتاجة حاجةةةةة واصل...ماجصر والله

طبعا انسان طيب جدا الحمدلله...ربنا يخليه لى ولاولاده................

ادى قصة حياتى مع ابو يارا .....

وحاقوم شوية وارجع ارد على باجى الاسئلة...

يالا يا حضرات...حدش مشغول البال......حدش فيه عنده سؤال؟؟..............

[Modest]

نينة الحاجة فُلّة

منورة الكرسي يا نينة

كام سؤال متنوع كده في السريع .. أو سريع إيه بقى .. على مهلنا خاااااااالص :blush:

1- ماسبب اختيارك لإسم فولانة .. و لا هو ده اسمك الحقيقي؟ :blink:

6- أول كده ما قعدتي على الكرسي و اترستأتي (صح اترستأتي دي ؟ :ph34r: ) .... ما هو السؤال اللي خايفة تتسئليه؟ .. يعني قلتي لنفسك أنا خيفة أنا خيفة :wub: (مع الاعتذار لنورا :sad: )

3- ماهي أكلتك المُفَضلة؟

2- ماهو لونك المُفَضَّل؟

4- في شبابك قبل ما تبقي نينة :) .. كنتي بتعملي مقالب في خلق الله و لا كنتي هادية و مستكينة و مش بتفكري في المواضيع دي؟

8- هل قمتي بعمل و ندمتي عليه؟

3- فاكرة أخر مرة اتضربتي فيها من باباكي و مامتك؟

و نكتفي "مؤقتاً" بهذا الأسئلة الثلاثة :blink:

و لنا إييييييييه؟

صح ..... لنا عودة :blush:

تم تعديل 20 فبراير 2007 بواسطة Modest

[memo2007]

بجد منوره الكرسي ...............ومشرفانا

سؤالى :

ايه الحاجه اللى لو حد عملها معاكى بتضايقي قوى

وامتى بتضايقى من نفسك

وعندك كام ابن وابنه وعندهم قد ايه

وكفايه كده لأنى بحبك :blush: :wub: :)

[النسر المصري]

*****************

أولا انت وحشتينا اوي اوي وبقالي كتير اوي ماتكلمتش معاك :angry:

نفسي أسألك سؤال جبار خطير ماحصلش يافلفونه

(الحدث)

تم انتخابك رئيسه لجمهورية مصر العربيه وذلك بعد قيادتك لحملة شعبية قوميه ناجحة ضد اللافاش كيري أبو علاء المعري ؤحاشيته .......

(السؤال هو).....ما هي أهم عشر قرارات ستتخذينها فور توليك الحكم؟!

ايه رأيك في السؤال أبو خمستاشر سنه كرباج ده.. mfb: ...حلو مش كده :)

بلاش فلكة ياجابر!! :D

مفرمة لحمة ياجااااابر!!! :blink:

تم تعديل 2 مارس 2007 بواسطة folana

[أبو حميد]

وحاقوم شوية وارجع ارد على باجى الاسئلة...

يالا يا حضرات...حدش مشغول البال......حدش فيه عنده سؤال؟؟..............

أيه الروقان اللي انتي فيه ده يا فولانة يا أختى؟ ده مش تعجب ده سؤال يعني "بسم الله ما شاء الله" عيني عليكي باردة رايقة ومبسوطة وحاطة نسكافيه في الصورة بتاعتك وردودك تدل على دماغ رايقة نفسي أعرف جايبة الروقان ده منين؟؟؟؟؟

ياريت كمان شوية معلومات شخصية علشان مصلحة الضرايب يعني الأسم والسن ودول أختياري. عدد الأولاد كام؟ وشهادتك أيه؟ كتبك المفضلة؟ كتابك المفضلين من شعراء ومفكرين وأدباء؟ قصة حياتك بدون تفاصيل؟ مختصرة يعني ودول بقى اجباري. وبناء على ردودك هانبدأ الأسئلة اللي بحج وحجيج.

[nancy]

ازيك يا فولانه

انا مش باحب ادخل الا اقراء وبس وخصوصا فى الموضوع ده بدل ما حد ياخد باله منى

فعندى سؤال واحد بس

عملتى اية فى المكان الى جنب السلم كنت عوزاله ديكور :angry:

وتحياتى لكى

[Folana]

السلام عليكم ورحمة الله ........

أخى العزيز موديست باشا الشهير بمنعم حسب الله.....

1- ماسبب اختيارك لإسم فولانة .. و لا هو ده اسمك الحقيقي؟

سبب اختيارى لفولانة...لانه اسم معبر ومالوش معنى :P.......باختصار واحدة من الناس.....مش مهم بقى توتو...ولا نونو...ولا قطة ولا اى حاجة....

طبعا مش اسمى الحقيقى...لكن باحبه جدا.....سؤال ذكى جدا يا موديست ... :D

6- أول كده ما قعدتي على الكرسي و اترستأتي (صح اترستأتي دي ؟ :blink: ) .... ما هو السؤال اللي خايفة تتسئليه؟

.اخر يوم ابقى اقولكم عليه بعد الاسئله ما تخلص.. ازاى ابقى خايفه منه واقوله اول يوم.. ايه الذكاء ده؟؟ :) ...ده السؤال السادس ولا التانى؟ mfb:

3- ماهي أكلتك المُفَضلة؟

المسقعة...بحبها جدا ..وأسيب اى اكل تانى علشانها....خصوصا لو سوشى....

2- ماهو لونك المُفَضَّل؟

كل لون له دلالة خاصة عندى........... ولكنى احب الابيض اذ انه خليط من كل الالوان فهم جميعا يشكلون الابيض.. النقى.....

4- في شبابك قبل ما تبقي نينة :angry: .. كنتي بتعملي مقالب في خلق الله و لا كنتي هادية و مستكينة و مش بتفكري في المواضيع دي؟

ياه يا موديست يا ولدى.....رجعتنى سبعين سنة ...قبل اما ابقى نينة ..كنت هادية جدا....ومستكينة دى...لا ماكنتش باعمل مقالب فى حد...وكنت باتعاطف جدا مع الناس اللى حواليا وما احبش ااذيهم او اشوف حد بيأذيهم...( بس كل ده اتغير)

8- هل قمتي بعمل و ندمتي عليه؟

ايوه...قرار ندمت عليه جدا...وهو الحاق بنتى الكبيرة بالاى جى اكس واى زد ابستروف اس.....وانت عارف الاسباب طبعا....مش مادية بس..ولكن ضغط اعصاب ووقت وارهاق ..والنتيجة مش بتكون مرضية فى النهاية برضه.....ما انت مجرب وعارف...:o

لكن اعتقد انى حاعيد الكرة مع بنتى التانية...من اجل المساواة فقط...

3- فاكرة أخر مرة اتضربتي فيها من باباكي و مامتك؟

الحقيقة الحمدلله...ابويا عمره ما ضربنى...ولا أمى...رحمة الله عليهم ...كنت اخر العنقود ...وهادية ..وحبوبة ...فما كانش حد بيحب يزعلنى...كمان ماكنتش مشاغبة خالص او ممكن اعمل حاجة استاهل عليها الضرب يعنى.......

صح ..... لنا عودة

[Salwa]

فولانة يافولانة ...شرفتى وآنستى ونورتى ..

ممكن اسألك سؤالين؟؟ ...... ممكن تجاوبى بدون احراج.

لو فجأة وجدتى ان فيه ناس ...( اصدقاء او اقرباء) ......عندك على طول

و....بتفرض نفسها عليكى وبتتدخل فى حياتك ( بطريقة مكشوفة او بطريقة دبلوماسية ) ..وده اثر عليكى بالسلب .

..( طبعا ) وليس بالايجاب .

كيف يكون رد فعلك ؟؟ ....هل تضحين بهم ( بمعنى مواجههتهم ونهيهم ) ؟؟ ويزعلوا طبعا ....

ام تضحين براحتك ؟؟ ....( وتظلين فى حالة صمت وخجل ؟؟)

والا تتصرفى ازاى يعنى ؟؟؟ خصوصا انتى معروف عنك دبلوماسيتك المشهورة ...

تانى سؤال .....ده سهل بجد بجد يعنى ...

لو عندك عزومة ...وفجأة اكتشفتى ان واحد من المعازيم نباتى ...( شفتى ده سؤال سهل ازاى ؟؟ ) ...

اكتشفتى ده وانتوا بتستعدوا لتناول الطعام ( ومكنتيش عاملة حسابك ) ...تتصرفى ازاى ؟؟

مساء سعيد جدا جدا يافولانة هانم ..

[Folana]

بجد منوره الكرسي ...............ومشرفانا

سؤالى :

ايه الحاجه اللى لو حد عملها معاكى بتضايقي قوى

وامتى بتضايقى من نفسك

وعندك كام ابن وابنه وعندهم قد ايه

وكفايه كده لأنى بحبك :angry: :blink: mfb:

السلام عليكم ورحمة الله .....

حبيبتى ميمو2007...:D

ربنا يخليك...المنتدى كله منور بوجودك انت معانا....

ايه الحاجه اللى لو حد عملها معاكى بتضايقي قوى

أنا حاكلمك على طول كده من قلبى....انا الناس بالنسبة لى درجات....فى مقربين جدا ..ودول ممكن اتجاوز شوية عن تصرفاتهم....مع لفت النظر

وفيه مقربين بس ...باتضايق جدا لما اتخدع فيهم...لانى بطبيعتى بأثق فى الناس بسهولة جدا...فيحزننى جدا انى اكتشف انهم كانوا بيكدبوا على او بيخدعونى...او اكتشف فيهم صفات ما كنتش واخدة بالى منها...

وفيه ناس مش مقربين خالص...:)...ودول لا اقيم لهم وزنا...واتضايق جدا اذا تجاوزوا حدودهم فى اى حاجة...

وعموما...انا أكره الكدب جدا.....والفتنة....الحاجتين دول ممكن اخسر فيهم اى حد ...وضيفى عليهم الخيانة....خيانة اى شىء...

وامتى بتضايقى من نفسك

أتضايق من نفسى جدا ..عندما اشعر بالتقصير فيما هو مطلوب منى...أو افشل فى تحقيق هدف ..و.لو حسيت انى ظلمت حد او احرجته من غير داعى.... او حد تطاول عليا برضه وانا بعامله كويس...باتضايق جدا من نفسى لانى اخطأت فى تقديره

وعندك كام ابن وابنه وعندهم قد ايه

عندى بنتين...واحدة بتدرس الاى جى ...وفاضل لها سنة وتدخل الجامعة ان شاء الله ...والتانية فى المرحلة الاعدادية......

وكفايه كده لأنى بحبك

ربنا يعزك...وانا كمان بحبك فى الله.....

ولى عودة.....:P

[Folana]

ربنا يسامحكم انتو تالجوز ... موديست و زهر ... لخبطوا العالم ... يا دياب نانو خلاص طلعت براءة .. و حاليآ الكزرولة و المغرفة في ايد فولانة ... بس حد يروح يندهلها حاكم باين عليها و لا علي بالها الزومبة اللي خدتها ..

خلاص نسأل فولانة هانم طوسون أغا

‘متي حتقدمي ع الهجرة لكنبة

السلام عليكم ورحمة الله...

والله يا دياب يا خويا ..انا قاعدة مستنية الاوراق تيجى من عند المنجد بس ولو اتاخرت حاروح اهاجر عنده علشان الكنبة

[إبن مصر]

بسم الله حلال الله وأكبر...

استعنا على الشقا بالله...

الأول:

( وش حسن الهلالى بس وهو فى معتقل المغول)

متى...

الثانى:

كيف...

الثالث:

نعااااااااا ليه بقى؟؟؟؟؟؟

شويه جد..

أختى الغاليه ..

السؤال الأول:

متى شعرتى انك ندمت على الانضمام الى المحاورات.

السؤال الثانى:

متى شكرت الله انك انضممت الى المحاورات .

السؤال الثالث:

ماذا تعنى هذه الكلمات لك...

العجز

القوه

الحب

الامان

الخيانه

الضعف

النهايه

السؤال الرابع:

أيهم أحب اليك انتصار بألم...أم أنسحاب بلا خسائر.

أشكر لك سعه صدرك وتقبلك هذه الاسئله المبدئيه,,,,, ولنا عوده ان شاء الله.

احمد محمود

دكتوراه الاسئله المقارنه من جامعه هارفرد بشبرا الخيمه

و مبيض محاره

[Diab]

سؤال بجد

أنا دلوقت عندك وبطلب منك نصيحة تتنفعني في حياتي هتقوليلي إيه ؟ :ph34r: