كرسي الاعتراف

[kokowawa1979]

باسم كتب :

ايه الأسئلة دي؟

عايزين أسئلة صعبة شوية

ياحبيبنا ماتقلقش - ده تليين - والتقيل جاي قدام .

[bassem_2009]

ياحبيبنا ماتقلقش - ده تليين - والتقيل جاي قدام .

كنت بهذر :rolleyes:

باسم زكريا

[Ahmad Farahat]

باسم............

أسئلتي لك ستكون كالتالي............

ماذا يمثل لك جمال عبد الناصر خصوصا وأنك مثلي لم تعاصره؟

ما هو الحل في رأيك لنهضة الوطن؟

هل يمكن أن تحب من هي اكبر منك في العمر؟

بس..........

زي شكة الدبوس بالضبط....... :blink: :friends:

[bassem_2009]

ماذا يمثل لك جمال عبد الناصر خصوصا وأنك مثلي لم تعاصره؟

جمال عبد الناصر بعيد عن السياسة هو بالنسبة لي دفء الأسرة

هو حنان وحزم الأب

هو وجه أسمر جاء من أعمق أعماق النيل

هو ذلك الفارس الذي ربما جاء في الزمان الخاطئ

هو ذلك الحلم الذي أتمنى أن يرجع مرة أخرى

ما هو الحل في رأيك لنهضة الوطن؟

1- الناس تراعي ربنا في شغلها

2- نبطل بلادة وبلاهة وكل مشتقاتهما

3- نفتكر إننا مصريين

4- نبطل كلام شوية

ده طبعا بالنسبة للأفراد

وصدقني لما الأفراد حالهم يتصلح الحكومات هتتصلح برضه

هل يمكن أن تحب من هي اكبر منك في العمر؟

يمكن لو كنت سألتني السؤال ده من أسبوعين كنت قلت لك آه الحب بيصنع المهلبية

وإن مش عارف ايه رايح فين والكلام الكبير ده

أما دلوقتي بقول إن الحب لازم يبقى محكوم بالعقل

علشان يستمر

والعقل يفترض شوية شروط تتعلق بالتوافق الفكري والثقافي والعمري وأقصى شئ في موضوع العمر ده أن تكون أكبر مني بسنة واحدة

ومستنيك

باسم زكريا

[memo2007]

هل يمكن أن تحب من هي اكبر منك في العمر؟

يمكن لو كنت سألتني السؤال ده من أسبوعين كنت قلت لك آه الحب بيصنع المهلبية

وإن مش عارف ايه رايح فين والكلام الكبير ده

أما دلوقتي بقول إن الحب لازم يبقى محكوم بالعقل

علشان يستمر

والعقل يفترض شوية شروط تتعلق بالتوافق الفكري والثقافي والعمري وأقصى شئ في موضوع العمر ده أن تكون أكبر مني بسنة واحدة

ومستنيك

باسم زكريا

سؤالى اشمعنى من اسبوعين

يعنى بمعنى اوضح حصل ايه معاك من اسبوعين

[bassem_2009]

آه على الناس اللي قاعدة للسقطة واللقطة دي

اللي حصل

انا قبل أسبوعين كنت متخيل إن الحب يصنع المعجزات

وإن الحب ممكن يدوب الفروق بين أي اتنين

بس فجأة اكتشفت بعد موقف كده إنه لا

بس خلاص

باسم زكريا

[bassem_2009]

هي الأسئلة خلصت ولا المفروض إن أنا أتخلى عن الكرسي؟

باسم زكريا

[inas]

باسم انا اسفه كنت مش موجوده لمتابعة الموضوع لظروف السفر وبرجاء انك ترشح ثلاث اعضاء الف شكر ليك :happy:

[bassem_2009]

أنا أرشح

1- سيوة

2- كوكوواوا

3- البنت المصرية

[ahmed_tito91]

سيوه

[Ahmad Farahat]

يا عم باسم...........

لقد سبق لنا استجواب البنت المصرية...........

هذا أولا..........

لكن ماشي..........

موش مشكلة...............

أنا هاقول..........

كوكوواوا.........

[Ahmad Farahat]

إلى الإخوة الزملكاوية..........

يالا قدامكم عضوين زملكاوية.........

رشحوا.........

لأ مش كده...........

بلاش قرف

المناديل يا محمد

[drhouba]

كوكو واوا

[Siwa]

كده يا باسم.....

عاوز تحطني على الكرسي.....

طيب..... :)

عموما.....أنا هأختار أستاذنا كوكوواوا wst::

[Ahmad Farahat]

بعد إذنك يا إيناس..........

سيوة صوت واحد ..........

كوكوواوا (ثلاثة أصوت).........

سيوة

في يوم من الأيام هتقعدي على الكرسي..........

وهخلص القديم والجديد........

[kokowawa1979]

أبوس إيديكم ابعدوا عن كوكو واوا - ده غلبان - ومايغركمش اللي بيكتبه

أرشح سيوة - سيوة - سيوة - سيوة - سيوة

كدة سيوة خمس أصوات

:lol:

عموما أنا جاهز

أبدأ أسألتي لسيوة :D

[kokowawa1979]

عموما ياعم أرسين أنا بصراحة مش خايف إلا من أسئلتك إنت بالذات - :lol:

إذا سيوة مالهاش رغبة - أسد مكانها والأمر لله

[Ahmad Farahat]

عموما بالنسبة ليك أنا زهقت من الرياضة جايز أسألك في حاجات تانية

وعموما لو مش عايزني أسألك مفيش مشكلة

هطلعه على عينك في باب الرياضة

[kokowawa1979]

إزاي ياعم أرسين مش عاوزك تسأل - إسأل ياعم كل اللي يعجبك وأوعدكم هاتكون الإجابات بصراحة وبدون لف أو دوران - بس تستحملوني .

إتفضل ياأديب ابدأ وأنا تحت أمرك - لإنك هاتفاجأ بشخصية تانية غير توبيكات الرياضة اللي وجعت قلبي معاكم !!! :lol:

[kokowawa1979]

شفت ياعم أرسين ياحبيبنا أهو كل الناس طفشت :lol: بمجرد علمهم بجلوس كوكو واوا على كرسي الاعتراف - شوف لك بقى حد تاني :D