كرسي الاعتراف

[النسر المصري]

ايييييه دددددده bv:-

امتى!!

وفين !!

وازاي!!!

يعني عمي وعم عيالي يقعد على كرسي الاعترافات وانا ماعرفش!!

كده يا أونكل كوكي ماتعزمنيش عشان أسألك! :)

طب وحياة غلاوتك عندي ياأونكل ماكنت هسألك إلا أسألة محبة عرفانا وتقديرا لك ولقلبك الأبيض! :)

طب إكمني لسه الحمدلله ماحدش رشح...انا هسألك سؤالين اتنين!!

واحد ... ازاي عندك القدرة الرهيبه والتي أحييك عليها ...في انك تستحمل لزمات وغمزات الأهلاويه من حواليك على مدار خمسين سنة من الزمان!!!! ود بجانب مشاركتك في غمزات ولمزات الزمالكاويه في بعضهم البعض كمان :lol: !!

السؤال الثاني...وبأمانه ياشيخ... يعني عاوز تجاوبني بجد عالسؤال ده؟!

هل فعلا بتشعر بالفخر بوجود النادي الأهلي في مصرنا الحبيبه؟!

السؤال الثالث..وده بره اللعبه......لو طلبت من سعادتك تدورلي على عروسه...وافترضنا ان حضرتك لاقيتلي عروسة أحلامي.....وحصلت الموافقه وكنا ففي قمة السعادة انا والعروسه وفرحنا بشده لجمعتنا التي جمعتها لنا سوا....... ورجعت لأستأذن منك لكي اتزوجها ....

السؤال يطرح نفسه هنا؟!!

ماهو الشرط الذي ستشرطه علي ولا رجعة فيه كي أتمم زيجتي؟؟!!

بالنسبة للترشيح....لا يصح إلا الصحيح

ولا يخلف الأبيض إلا أبيض....وذلك بدون شرط أو تسريح

ولان الكوكو واو كان فصيح....فان الهوبا هو أولى بالترشيح

[kokowawa1979]

هو إنت تسرح يانسر وتيجي كمان بعد الوقت الضايع وكمان نسأل ؟؟؟

طيب ياسيدى علشان إنت حبيبي هاجاوبك :

واحد ... ازاي عندك القدرة الرهيبه والتي أحييك عليها ...في انك تستحمل لزمات وغمزات الأهلاويه من حواليك على مدار خمسين سنة من الزمان!!!! ود بجانب مشاركتك في غمزات ولمزات الزمالكاويه في بعضهم البعض كمان

دول 50 سنة خبرة ياعم النسر - مررت فيها بالعديد من الشخصيات المختلفة الطباع - ويمكن مشاغبات الأهلي والزمالك اتعودت عليها من وقت أن كنت في الإعدادي !! ثم تطورت في فترة الجيش حيث كان الضباط ينقسمون إلى قسمين زمالك وأهلي - وطبعا كان هناك فارق كبير بين ضباط الجيش في مناوشتهم وأساتذة المنتدى - لإن ضباط الجيش الأهلوية كان لسانهم زالف شوية - في الهزار طبعا !!

ومع ذلك أخوك كان مكسحهم :) لهذا فلقد تعودت على أي مناوشة في المحاورات خاصة وأنها مهذبة وبعيدة عن الخروج على الحياء - يعنى تقدر تقول مناوشات لذيذة - تجدد النشاط :lol:

وبعدين أنا عمري ماغمزت ولا لمزت ولا هاغمز ولا هالمز على أي واحد زملكاوي لإن الزملكاوية على قلب رجل واحد :) ومفيش واحد زملكاوي عمل اللي بتقول عليه يانسر أبدا - إحنا ناس عندنا مبادئ bv:-

هل فعلا بتشعر بالفخر بوجود النادي الأهلي في مصرنا الحبيبه؟

الإسلوب في السؤال أسلوب توكيد - كإني باموت في حب الأهلي وانت عايز تتأكد !!!

أنا فعلا أشعر بالفخر لوجود الزمالك والاسماعيلي والاتحاد السكندري في مصر لإن بالأمانة الأندية دي تاريخ برضه وبيكسبوا بعرق جبينهم مش بسبع دقايق وقت ضايع وضربات جزاء وهمية وتسللات واخد بالك يانسر !!

ونرجع ونقول حقيقة إن الأهلي فعلا شرف مصر في الفترة اللي اتحدت فيها قوى الظلم لتدمير الكرة المصرية من أجل الأهلي

ماحدش يقدر ينكر دور الأهلي في الكرة المصرية ياعم النسر - فقد حصل على بطولة الدوري بطريقة شبه احتكار - ومع ذلك الحمد لله وصلنا كاس العالم مرتين بس ( واخد بالك يا س.س )

ماتزعلش مني يانسر إنت طلبت الصراحة !!!!

السؤال الثالث..وده بره اللعبه......لو طلبت من سعادتك تدورلي على عروسه...وافترضنا ان حضرتك لاقيتلي عروسة أحلامي.....وحصلت الموافقه وكنا ففي قمة السعادة انا والعروسه وفرحنا بشده لجمعتنا التي جمعتها لنا سوا....... ورجعت لأستأذن منك لكي اتزوجها ....

السؤال يطرح نفسه هنا؟!!

ماهو الشرط الذي ستشرطه علي ولا رجعة فيه كي أتمم زيجتي؟؟!!

طبعا إنت راجل محترم يا نسر وحقيقي يابختها اللي هاتتجوزك ودي حفيفي من كل قلبي باقولها

أما الشرط فهو : ان تتق الله فيها ............................... مش أكتر من كدة

واي خدمة ياعم النسر

دلوقت صوت للدكتور هوبا - ياللا نكمل ترشيح

[النسر المصري]

نعم - أحببت زميلة لي بالكلية حب عفيف جدا وصامت من كلينا - ( طبعا الكلام ده غريب على شباب الأيام دي ) والتحقت فترة بالماجيستير من أجل أن أراها بعد أن أصبحت هي معيدة بالكلية - ولم تكن الظروف تسمح لي بالزواج وقتها لأنني كنت في بداية حياتي العملية بعد الانتهاء من التجنيد كضابط احتياط ولم تكن النواحي المادية متوافرة آنذاك للتقدم لها - ولم أشأ أن أظلمها معي بالانتظار حتى تكوين نفسي . على الرغم من أنها كان يمكنها الانتظار إلا أنني كنت قد آثرت الانسحاب بهدوء - وتزوجت هي من أستاذ فاضل بالكلية .

ليه بقى نفسي الزمن يرجع ياسيوة لإني كنت أتمنى ألا يكون هذا الحب الذي زلزل حياتي بمعنى الكلمة وصدقيني لايمكن أن أنساها أبدا كشخصية جديرة بالاحترام .....

إنت ليه بتقلبي على المواجع :)

قصدك يا استاذنا اني هندم على اللي انا ماعملتهوش من عشر سنين :lol:

انت عارف اني لحد النهارده لسه الست دي في دماغي....وكل مانزل مصر كل سنه...بعمل المستحيل عشان اشوفها نظره واحده بس ومن بعيد......رغم ان عندها دلقوتي ولدين

القصه تتطابق تمام التطابق مع قصتك يا كوكو واوا.....ولسه مش قادر انساها

كده اناإتأكدت اني مش هتجوز .....عارف ليه

لاني بدور على اللي زييها.....ومش هلاقي!!!

[kokowawa1979]

النسر كتب :

لاني بدور على اللي زييها.....ومش هلاقي!!!

لالالالالالالالالالالالالالا ياعم النسر أنا مش موافقك في النقطة دي - البنات ولاد الحلال والأصول كتتتتتتتتتتتتتتتير قوي ياعم النسر .

أنا فكرت تفكير عقلاني يتلاءم مع ظروفي المالية وقتها - واخترت زوجتى بمباركة الوالدة الله يرحمها - وأقولها لك بالفم المليان زوجتى حقيقة أفضل مني بكثير - لكن فعلا الحب الأول زي ما بنقول بيكون صعب على بعض الأشخاص نسيانه - لكن في النهاية لازم تعيش حياة مستقرة وتحاول تنسى الماضي

مع أطيب أمنياتي لك يا نسور بالعثور على بنت الحلال اللي تستاهلها وتستاهلك .

[drhouba]

حبيبي كوكو واوا أنا عمرى ما دخلت موضوع كرسى الإعتراف إلا مره واحده بالصدفه قبل ما أطلع العمره لقيت إسمك فى المرشحين و طبعا

رشحتك و سافرت بعدها بيوم أو إتنين للعمره و نسيت الموضوع و اليوم بالصدفه و كعادتى عندما أجد إسمك على موضوع بأدخل أشوفك

قلت إيه حتى لو مش كوره لقيتك إنت اللى على الكرسى و قريت آخر إجابه لك فلم أستطع مقاومة أن أبحث عن أول إعترافاتك لأقرئها

و و الله بعد قرائتها حبيتك أكتر و إحترمتك أكتر لصراحتك و وضوحك و شخصيتك الجميله اللى شوقتنى فعلا أقابلها لأ و إيه عايش فى الإمارات

البلد اللى بأحبها من 26 سنه من أول مره رجلى نزلت فيها و للآن مشتاق أرجع لها ده بالإضافه لإشتراكنا فى العذاب الزملكاوى طول العمر

شفت بقى كان عندى حق أعلنك قائدا عاما للجيوش الزملكاويه المشتركه .

أنا مش داخل أسألك أنا داخل أسجل تحياتى لك و ربنا يبارك لك فى صحتك و أولادك و عيلتك و يزيدك دين و إيمان

و مستنيك هناك فى المبادئ عشان ورانا شغل كتير مع الجماعه اللى هنا دول لغاية ما ربنا يهديهم

[badroora]

الآن وبعد أن انتهى الوقت الأصلي وكذلك الوقت الضائع - انتهى من جلوس كوكو واوا على الكرسي - نأتي لترشيح شخصية جديدة للجلوس على الكرسي :

وهناك العديد من النشطاء في الفترة الأخيرة - تأتي على رأسهم نجفة المغرورة ( استلقي وعدك لو كان لك نصيب :rolleyes: )

الآن أرشح أحد هذه الشخصيات وباعتبار أن سيوا حاليا في محكمة المحاورات - فإنني أرشح

(1) أخونا الفاضل أبو محمد

(2) أخونا الفاضل الدكتور هوبا

(3) الأخت الفاضلة الحاجة نانو

(4) الأخت الفاضلة نجفة المغرورة

هيا اختاروا وخللوني للآخر :angry:

انت اسطورة يا كوكواوا

سورى انا مش اشتركت لاتى كل سؤال عاوزة اسالى الاقي حد خده من على طرف لسانى

بس شوف انا حكمت عليك انت قلبك طيب وحنين ومثقف وانسان مثالى بجد من قبل ماقراه اعترفاتك

clwn: انت انسان هايل يا كوكواوا ربنا يخليك ويبارلكلك فى ولادك وزوجتك ويبعدها عن الجمعية بتاعتى لانك مننا ومش عاوزاه تتمرد او تعمل بنصايحي

وبلاش انا عشان

اعدائي كتروا ولى فى كل باب طار وانا مخى صغير ممكن اعيط brd::

تحياتى لك

نجفة الغلبانه

[Ahmad Farahat]

ماشي...........

ما دام نجفة منسحبة...........

يبقى أبو محمد

[kokowawa1979]

أخي وحبيبي الدكتور هوبا :

والله مش عارف ااقول لحضرتك إيه - أول مرة ألاقي نفسي مش عارف أرد!! كلامك الجميل - وذوقك في صياغة الكلام فعلا جعلني عاجزا على الرد أخي وصديقي العزيز الدكتور هوبا .

كنت أتمنى طبعا أن تكون موجودا في الإمارات حتى يتسنى لي رؤية شخصكم الكريم - لكن توعدني إن شاء الله أن تلبي دعوتي لزيارة المزرعة عندي لتمضية يوم كامل هناك مع الأخ النسر وأرسين و موديست - وطبعا أي أخ من الإخوة الأفاضل في المحاورات .

شكرا لك أخي الفاضل الدكتور هوبا - مع أطيب الأمنيات لك بالنجاح والاستقرار - وأن يطرح الله البركة في أبنائك ليكونوا خير خلف لخير سلف .

نجفة كتبت :

ا

نت اسطورة يا كوكواوا

إنت يا بنتي شايفاني بيليه واللا مارادونا :rolleyes: ده أنا غلببببببببان :angry:

بصراحة بقى يا نجفة إنت اللي إنسان مثقفة بصحيح لإنك بسم الله ماشاء الله متداخلة في كافة المواضيع - وبتدي لكل موضوع حقه وعلى حسب تكييفه - يعني الجد جد - والترفيهي ترفيهي - والصحي صحي - وكله فيه التزام - يعني نقدر نقول عليك محاوراتيه شاملة - ودي حقيقي بجد يا نجفة .

طبعا دموعك اللي بتقولي عليها بتنزل بسرعة ده بيدل على إنك إنسانة حساسة - يعني قلبك أبيض - يعني كان لازم تكوني زملكاوية clwn:

يعني يا نجفة لما واحد بيكون متنشن شويه مش بيلاقي الناس يقولول له خللي قلبك أبيض - عمر الناس قالت خلليه أحمر brd::

شاكر لك جدا كلامك الرقيق وعذوبة اللسان - والحمد لله إن حرمنا ما لهاش في النت وإلا كانت دخلت جمعيتك على طول وماكدبتش خبر :huh:

ربنا يكرمك في حياتك بإذن الله ويرزقك بابن الحلال اللي يستاهلك ( إذا كنت لسة ما تجوزتيش ) ويرزقك بالذرية الصالحة - وأن يكرم والديك بك دائما إن شاء الله

ولك خالص تقديري واحترامي لك

ندخل في الموضوع :

وباعتبار أن أخونا الدكتور هوبا لسة راجع من العمرة المقبولة والتي بذل فيها جهدا وكذلك الأخت الفاضلة الحاجة نانو - ( فلابد من حصولهما على فترة نقاهة ) وكذلك الإنسحاب المشرف bsh:) للأخت الفاضلة نجفة فإنني أضم صوتي لصوت أخي أرسين لتكون ثالث مرة نتفق فيها :blink: وأختار أخونا الكبير الفاضل أبو محمد

يبقى أبو محمد دلوقت صوتين -- والدكتور هوبا صوت واحد

ياللا نكمل ترشيحات

تم تعديل 1 مايو 2007 بواسطة kokowawa1979

[nash]

أنا ناش أوم ياسر

ومن مقعدي هذا...أرشح الكابتن الزملكاوي الكبير الدكتور هوبا..

وعمرة مقبوله إن شاء الله .. :rolleyes:

[badroora]

ميرسي جدا لزوئك يا كوكواوا

انا اختار الفاضل ابو محمد

لان المنتدى حسة هدى ومافيش مواضيع ساخنة وهنتحرم كدا من اراء ابو محمد الاكثر من رائعة

فبصراحة بقي دى فرصة لابو محمد ولينا

ابو محمد

نجفة

المجموع 3 اصوات

[نانو]

ارشح دكتور هوبا....... :ninja:

[kokowawa1979]

دلوقت أصبحت النتيجة التعادل بين الدكتور هوبا وأخونا أبو محمد

نلجأ لضربات الجزاء الترجيحية واللا وقت إضافي :ninja:

لكن هل يا ترى أخونا أبو محمد سامعنا ؟؟؟

[kokowawa1979]

نرجع بقى من جديد لإن الهدنة طولت :happy:

أخونا وحبيبنا الغالي أبو محمد واضح إنه مطنشنا هتا على الآخر :lol:

لهذا نرشح سكندري آخر هو أخونا الفاضل أبو أحمد الاسكندراني الشهير بكوكومين للجلوس على كرسي الاعتراف إيه رأي حضراتكم ؟

[badroora]

مواااااااااااااااااااااااااااااااااااااااااااااافقة

ايبقي الجنرال منجر الغالى ابو احمد صوتين

يلا حد يصوت كمان معانا بصوت عشان نقعد العزيز الغالى ابو احمد الاسكندرانى

عقلى الباطن

ليه كدا يا كوكواوا دا صحبك وشريكك وزملكاوى زيك :lol: wst::

يلا يا كوكومن يا جبل مايهزك ريح اجلس على كرسي العرش :happy:

[kokowawa1979]

حمدا لله على السلامة يانجفة - نورتي المحاورات مع باقي الإخواة والأخوات طبعا .

إحنا بس بنقول غن الزملكاوية حديد ومابيخافوش من المواجهة واولهم ابراهيم عيسى :happy:

إنت فين ياعم أرسين وفين شلتك علشان نكمل الترشيح

[Ahmad Farahat]

طبعا نجفة

ولا فيش غير نجفة

في غياب أبو محمد هختار مين يعني

معلش يا كوكومن

أنا أعرفها قبل منك

أقدمية يعني

السوبر أرسين

[badroora]

طبعا نجفة

ولا فيش غير نجفة

في غياب أبو محمد هختار مين يعني

معلش يا كوكومن

أنا أعرفها قبل منك

أقدمية يعني

السوبر أرسين

العزيز الغالى السوبر ارسين بك

ولا عشت ولا كنت انى اجلس على الكرسي قبل الجنرال منجار ابدا ابدا

دا الكبير انت متعرفش يعنى ايه الجنرال

فلبيز يا سوبر خليك ازى ورشح الجنرال بتاعنا

اوك يا مان يلا بي اوبن مايند اند رشح الجنرال

وعندك ارسين صوت

ونجفة صوت والغالى كوكواوا صوت

يبقي يا لهوىىىىىىىىىىىىىىىى 3 اصوات

على الجنرال منجار كوكومن الانفلوطى قصدى الاسكندرانى التوجة الى الموضوعات الخفيفة اول حارة يمين

كرسي الاعتراف

نداء عاجل للغالى كوكومن

:wub:

ارسين باقترح عليك تفتح الموضوع بتاعك محاكمة المحاورات علشان نقدر نضيف اسم الشخص المطلوب فى العنوان عشان يعرف بدل مناجر عربيات وميكروفونات ونادى علية وهو مش يبقي سمعنا

واهو نوفر البيذات لحفلة اخر جلقة

دا مجرد اقتراح

العزيز الغالى كوكواوا

الله يسلمك والمكان منور بحضرتك طبعا

وانا سعيدة جدا انك فتحت الموضوع دا تانى عشان المصريين الايام دى العين عليهم والهموم ملحقاهم فى كل حته خلى الناس تفرفش قبل رمضان

وابو احمد الغالى

يلا استعد عشان التصوير قصدى التصويت

تم تعديل 6 سبتمبر 2007 بواسطة نجفة المغرورة

[Ahmad Farahat]

لا مؤاخذة يا نجفة بعد إذنك

أنا صوتي عزيز عليه جدا

وما دام راحكا يبقى والله ما راجع

نجفة

نجفة

نجفة

[DARWEEN]

انا ارشح الزملكاوي قائد فريق الترحيبات

كوكومين

[Nola]

موضوع جميل.

وفكرته حلوه.

والاستاذ ابو أحمد الاسكندرانى من الشخصيات الراقيه جدا والى الواحد يحب يناقشه ويعرف عنه اكتر.

وبما أن فارس من فرسان المحاورات الكبار قال كلمته وهو الامير الصارم، قصدى استاذ دارون .( مش عارفه ليه بيفكرنى بفرسان المائده المستدره للملك ارثر فى كاميلوت )

يبقى لا يمكن نخالفه ابدا .

ارشح ابو أحمد ( كوكومين ) مع حفظ المقامات طبعا لكل من خالف هذا الترشيح .

تم تعديل 6 سبتمبر 2007 بواسطة Nola