كرسي الاعتراف

[badroora]

يبقي كدا يا جماعة المنجار كسب الف الف مبروك

عدد الاصوات 4 لابو احمد و1 لنجفة

يبقي الغالى ابو احمد

على الجنرال منجار ابو احمد الغالى الصعود الى الكرسي

اخترت لك كرسي فريحي زى مواضيعك التى تبعث البهجة الى قلوبنا

وانت اختار يا زعيم اى كرسي تحب

وبما انك اسكندرانى

تم تعديل 6 سبتمبر 2007 بواسطة نجفة المغرورة

[kokowawa1979]

كدة بقى تمام أخونا أبو احمد الاسكندراني كسب

تفضل إجلس ومتعنا يالحبيب الغالي :wub:

السؤال الأول سؤال بسيط :

من هو أبو أحمد الاسكندراني ؟

[امانى]

اضم صوتى الى اصواتكم بترشيح الاخ الفاضل ابو احمد الاسكندرانى فهو من الشخصيات التى تجعلك تحب

ان تعرف عنها كل شئ وبعدين يا نجفة انت كمان لازم تقعدى على الكرسى لانك من الشخصيات المحبوبة قوى

عندنا ونحب نعرف عنك كل شئ وبضم صوتى لصوت ارسين فى ترشيحك 0

امانى

[badroora]

العزيزة امانى الكرسي ضيق مش هيخدنى انا وابو احمد هاسبله انا الطالعة دى وميرسي لزوذقك يا ارق واحلى واجمل امانى فى الدنيا

النداء الثانى الى

الجنرال منجار

كوكومن

الرجاء الصعود الى الكرسي

لنبدا جلستنا

الجميع فى انتظار هلتك علينا

فلتهبط يا جنرال

على الجنرال منجار

كوكومن التوجة الى كرسي الاعتراف والجلوس على الكرسي

[Ahmad Farahat]

يلا يا شباب

إنتوا رجعتوا فيها ولا ايه

عايزين نحط كوكومن على الكرسي ونهريه أسأله

[kokomen]

السلام عليكم

ليه كده ياجماعة الخير؟؟؟ الواحد بيخاف من كرسي الإعتراف ده

وأشكر الأخت نجفة على طقم الكراسي المريحة بس دبستيني أمام لجنة الإختبار ؟؟؟؟

ولكني أفضل كرسي البحر الجميل مع الشمسية

علشان كل ما الواحد يتزنق في سؤال ينزل يأخذ غطس سريع :lol:

أهم حاجة ميكنش فيه مخبرين ويبقى الإعتراف بعيد عن قسم الشرطة

وإلا سوف أبلغ لجنة حقوق الإنسان

:rolleyes: i*:

[kokomen]

أعترف وأقر

أنني أبو أحمد الإسكندراني

من مواليد حبيبة قلبي مدينة الأسكندرية

حي محرم بك

بكالوريوس علوم وتربية \ جامعة الأسكندرية

مدرس أحياء وكيمياء

خلاص كده أقوم من على كرسي الإعتراف

:lol: :rolleyes:

[badroora]

هلا هلا والله بابو احمد حمدالله عالسلامة ومبارك عليك الشهر

للاسف يا ابو احمد هضطتر تجلس على الكرسي الى ما بعد رمضان لانى

الغالى كوكواوا كل سنه وهو طيب واسرته طيبة ومبارك عليهم الشهر هو اللى رشحك الاول يعنى اكيد عنده اسئلة كتير يود ان يسالها لك ومش عاوزين نكروتك كدا فى كام سؤال

وكمان العزيزة الغالية امانى ربنا يرجعها بالسلامة من الاراضي المقدسة لاداء العمرة بردوا رشحتك واكيد عندها اسئلة تسالها

فمعلش يا كبير جيب سحورك وفطورك معاك لان قعدتك هتطول

:lol: واهلا وسلاه بك نورت الكرسي

نجفة مساعد الجنرال منجار ومنظمة مواعيدة

الغالى ابو احمد

[Ahmad Farahat]

هلا هلا والله بابو احمد حمدالله عالسلامة ومبارك عليك الشهر

للاسف يا ابو احمد هضطتر تجلس على الكرسي الى ما بعد رمضان لانى

الغالى كوكواوا كل سنه وهو طيب واسرته طيبة ومبارك عليهم الشهر هو اللى رشحك الاول يعنى اكيد عنده اسئلة كتير يود ان يسالها لك ومش عاوزين نكروتك كدا فى كام سؤال

وكمان العزيزة الغالية امانى ربنا يرجعها بالسلامة من الاراضي المقدسة لاداء العمرة بردوا رشحتك واكيد عندها اسئلة تسالها

فمعلش يا كبير جيب سحورك وفطورك معاك لان قعدتك هتطول

:blush2: واهلا وسلاه بك نورت الكرسي

نجفة مساعد الجنرال منجار ومنظمة مواعيدة

الغالى ابو احمد :egyflag:

اضم صوتي إلى صوت الأخت نجفة عشان يبقى الصوت عالي شوية ويوصل إسكندرية

عموما ممكن كل يوم أسليك بسؤال كده ولا اتنين لحد ما الأسئلة تنهمر عليك كالمطر

تحياتي يا جنرال

[الطيار المصرى]

الله الله....ابو احمد تكرم و وافق ان يقعد علي الكرسي..... بكامل ارادته الحرة.... واخد بالك حضرتك معايا من بكامل ارادته دي؟؟

و احنا زي ما نجفة قالت مش هنكروتك في كام سؤال و القعدة هتطول...نكروت مين...ده الجنرال ابو احمد؟؟؟

و معلهش بقي...الشغل كوم...و الكرسي كوم تاني...اتفقنا...عشان مش نخلص اسئلة نرجع نلاقي نفسنا اتفصلنا...

و كل سنة و حضرتك طيب يا جنرال...و معادنا مع الاسئلة بعد الفاصل....قصدي بعد الفطار ان شاء الله...

تحياتي...

الطيار المصري

تم تعديل 20 سبتمبر 2007 بواسطة الطيار المصرى

[amrhoras]

انا مش فاهم حاجة كوكومن ولا ابو احمد الاسكندرانى ؟؟؟

انا أرشح أبو أحمد الاسكندارانى ده بعد اذنكم طبعا واوجهله سؤال

لو رشحوك رئيس لجمهورية مصر العربية شوف انت بقيت رئيس انهارده وصحيت وقالولك صباح الخير ياريس الشعب منتظر منك أول قرار قبل الفطار كدى جرى بيه ريقك فياترى حيكون أول قرار جمهورى لسيادتك ايه ياسعادة الريس ؟؟؟؟؟ :egyflag:

شكرا

بس مشكورة والله اختنا ايناس على الفكرة الجميلة دى

تم تعديل 20 سبتمبر 2007 بواسطة amrhoras

[kokomen]

الله الله....ابو احمد تكرم و وافق ان يقعد علي الكرسي..... بكامل ارادته الحرة.... واخد بالك حضرتك معايا من بكامل ارادته دي؟؟

و احنا زي ما نجفة قالت مش هنكروتك في كام سؤال و القعدة هتطول...نكروت مين...ده الجنرال ابو احمد؟؟؟

و معلهش بقي...الشغل كوم...و الكرسي كوم تاني...اتفقنا...عشان مش نخلص اسئلة نرجع نلاقي نفسنا اتفصلنا...

و كل سنة و حضرتك طيب يا جنرال...و معادنا مع الاسئلة بعد الفاصل....قصدي بعد الفطار ان شاء الله...

تحياتي...

الطيار المصري

مساء الخير يا طيار يا مصري ياجميل

كده برده .. مكانش العشم ... أنا قلت أنك حتقف معايا

وخصوصا أنك عضو فعال في هيئة مكتب المحاورات المحترمين

والمفروض تدافع عني ياحبيبي مش تبعني في أول لحظة .. زي ما بيعملوا لاعبي الزمالك المحترفين :egyflag:

كل سنة وانت طيب ياراجل يا طيب ورمضان كريم ...متنسانيش في حتة كنافة :blush2:

[kokomen]

انا مش فاهم حاجة كوكومن ولا ابو احمد الاسكندرانى ؟؟؟

انا أرشح أبو أحمد الاسكندارانى ده بعد اذنكم طبعا واوجهله سؤال

لو رشحوك رئيس لجمهورية مصر العربية شوف انت بقيت رئيس انهارده وصحيت وقالولك صباح الخير ياريس الشعب منتظر منك أول قرار قبل الفطار كدى جرى بيه ريقك فياترى حيكون أول قرار جمهورى لسيادتك ايه ياسعادة الريس ؟؟؟؟؟ :blush2:

شكرا

بس مشكورة والله اختنا ايناس على الفكرة الجميلة دى

الأخ الفاضل : amrhoras

مساء الخير وكل سنة وأنت طيب ورمضان كريم

أنا ياسيدي أبو أحمد الأسكندراني المشهور بكوكومن أظن كده الأمور وضحت :lol:

ياحبييبي بالراحة عليا شوية ..؟؟؟ يعني خلي الأسئلة خفيفة وبسيطة مش تدخل على الثقيل مرة واحدة

كده مرة واحدة رئيس جمهورية ..؟؟ طيب خليها عضو مجلس محلي ..؟؟ ولا عضو مجلس شعب ملوش كلمة وملوش لازمة :lol:

وبعدين ياحبيبي ماخبيش عليك الكرسي له سحر جميل ... يعني لازم أشيل الحرس القديم وأجيب الشلة بتاعتي ..؟؟ وما يضرش برده شوية قرايب ينفعوا الواحد

ندخل على التقيل بقى ...أول قرار أشيل الدعم من على رغيف العيش ...؟؟؟؟؟؟؟ وأحط الدعم على البسكويت والناس تهيص مع دخلة عيد الفطر ودي فرصة

علشان الفقراء يجربوا طعم البسكويت العادي والمغلف بالشيكولاته ...؟؟؟؟؟؟ أيه رأيك في القرار الجرئ ده ..؟؟؟؟؟ سمعني صوتك :sad: :egyflag:

[kokomen]

هلا هلا والله بابو احمد حمدالله عالسلامة ومبارك عليك الشهر

للاسف يا ابو احمد هضطتر تجلس على الكرسي الى ما بعد رمضان لانى

الغالى كوكواوا كل سنه وهو طيب واسرته طيبة ومبارك عليهم الشهر هو اللى رشحك الاول يعنى اكيد عنده اسئلة كتير يود ان يسالها لك ومش عاوزين نكروتك كدا فى كام سؤال

وكمان العزيزة الغالية امانى ربنا يرجعها بالسلامة من الاراضي المقدسة لاداء العمرة بردوا رشحتك واكيد عندها اسئلة تسالها

فمعلش يا كبير جيب سحورك وفطورك معاك لان قعدتك هتطول

:blush2: واهلا وسلاه بك نورت الكرسي

نجفة مساعد الجنرال منجار ومنظمة مواعيدة

الغالى ابو احمد :egyflag:

أهلا وسهلا بالأخت نجفة هانم المتواضعة

كل سنة وأنتي طيبة ورمضان كريم .... وأصحى يانايم وحد الدايم

أنا قلت العزيزة نجفة ومديرة مكتب هيئة المحاورات للتهاني حتعمل حساب للزمالة لكن الظاهر أنك عايزة الجماعة يمطروني بالأسئلة

وبعدين أنا قلت فرصة حتكون الأسئلة سريعة وخفيفة وخصوصا الناس بيتقلوا في الفطار والسحور وكتر الكنافة والقطايف حيخلى الأسئلة خفيفة

لكن الظاهر أنكم ناويين تخلوها توريطة كبيرة ... ولعلمكم الأسئلة اللى حتورطنى ... ستكون الإجابة الدبلوماسية .... هي لا تعليق ..؟؟؟

:lol: :lol:

[kokomen]

كتب الغالي أرسين يقول

اضم صوتي إلى صوت الأخت نجفة عشان يبقى الصوت عالي شوية ويوصل إسكندرية

عموما ممكن كل يوم أسليك بسؤال كده ولا اتنين لحد ما الأسئلة تنهمر عليك كالمطر

تحياتي يا جنرال

مساء الخير يا أرسين باشا ياحبيبي

كل سنة وأنت طيب ياراجل يا طيب يا أبو قلب أبيض زي الفل .. لكن برده أهلاوي :sad:

أنا با أقول أرسين ده حبيبي ومدير عام مكتب المحاورات ... مكانش العشم تدبسني وتورطنى التوريطة دي

معلش طبعا 3 أهلاوية مقابل العبد لله الزملكاوي الغلبان يبقى الأغلبية في مكتب المحاورات أهلاوية

يارب تكون مدام فولانة الزعيمة تكون زملكاوية على الأقل تساندنا كزملكاوية غلبانين في كل حته :sad:

وبعدين يا أرسين باشا يا شاعر يا رقيق .. خلى أسئلتك بسيطة يعني إختيارات أو صح وخطأ أو نعم ولا

علشان ربنا يسترها وتعدي على خير ... وبعدين حا أفضل لازق في كرسي الإعتراف طول شهر رمضان

حرام عليكم ده ظلم ... وحفطر أزاي وأتسحر أزاي ..وبعدين أنا با أدخل النت الأربعاء والخميس والجمعة فقط

تحياتي القلبية لأعضاء مكتب المحاورات للتهاني الموقرين المحترمين ولكل المحاورين والمحاورات

:egyflag: :blush2: :lol: :lol:

[الطيار المصرى]

حبيب قلبي يابو احمد....

سؤال خفيف ظريف علي الماشي كده قبل الفطار؟؟؟

فيه اولاد تاني غير احمد؟؟؟؟ :blush2:

الاجابة في دقيقة و نصف... :egyflag:

تحياتي...

الطيار المصري

[badroora]

طبعا يا ابو احمد انا زمل وكل حاجة بس انت شخص مو عادى انت الجنرال منجار وطبعا الشخصيات المحبوبة مثلك اكيد كل واحد عنده الف سؤال وسؤال يود ان يسالة

وانا استائذتك ااجل اسئلتى لحين رجوع الغالى كوكواوا وامانى عشان الموضوع يشعشع ويلعلع

بس اياك تختفي بعد العيد هنزعل اوى

سلام يا كبير

[kokomen]

حبيب قلبي يابو احمد....

سؤال خفيف ظريف علي الماشي كده قبل الفطار؟؟؟

فيه اولاد تاني غير احمد؟؟؟؟ :sad: :sad:

الاجابة في دقيقة و نصف... :lol:

تحياتي...

الطيار المصري

مساء الفل والياسمين .. يا أحلى طيار مصري

المجموع الكلي ..عندي أربع من فلذات الأكباد

ولدين وبنتين ... والحمد والشكر لله

عقبال عندك بإذن الله

:egyflag: :blush2: :lol:

[amrhoras]

انا مش فاهم حاجة كوكومن ولا ابو احمد الاسكندرانى ؟؟؟

انا أرشح أبو أحمد الاسكندارانى ده بعد اذنكم طبعا واوجهله سؤال

لو رشحوك رئيس لجمهورية مصر العربية شوف انت بقيت رئيس انهارده وصحيت وقالولك صباح الخير ياريس الشعب منتظر منك أول قرار قبل الفطار كدى جرى بيه ريقك فياترى حيكون أول قرار جمهورى لسيادتك ايه ياسعادة الريس ؟؟؟؟؟

شكرا

بس مشكورة والله اختنا ايناس على الفكرة الجميلة دى

الأخ الفاضل : amrhoras

مساء الخير وكل سنة وأنت طيب ورمضان كريم

أنا ياسيدي أبو أحمد الأسكندراني المشهور بكوكومن أظن كده الأمور وضحت

ياحبييبي بالراحة عليا شوية ..؟؟؟ يعني خلي الأسئلة خفيفة وبسيطة مش تدخل على الثقيل مرة واحدة

كده مرة واحدة رئيس جمهورية ..؟؟ طيب خليها عضو مجلس محلي ..؟؟ ولا عضو مجلس شعب ملوش كلمة وملوش لازمة :lol:

وبعدين ياحبيبي ماخبيش عليك الكرسي له سحر جميل ... يعني لازم أشيل الحرس القديم وأجيب الشلة بتاعتي ..؟؟ وما يضرش برده شوية قرايب ينفعوا الواحد

ندخل على التقيل بقى ...أول قرار أشيل الدعم من على رغيف العيش ...؟؟؟؟؟؟؟ وأحط الدعم على البسكويت والناس تهيص مع دخلة عيد الفطر ودي فرصة

علشان الفقراء يجربوا طعم البسكويت العادي والمغلف بالشيكولاته ...؟؟؟؟؟؟ أيه رأيك في القرار الجرئ ده ..؟؟؟؟؟ سمعني صوتك :lol: :blush2:

اعذرني لتداخل الامور عليا يا ابو احمد الاسكندرانى كل سنه وانت يارب بصحة وعافية ورمضان كريم بس القرار ده ياريس منحاز للبسكوت بمناسبة العيد بقى ليه نسيت الكعك والبديفور انا اعترض وبشده على دعم البسكوت وأضم صوتى لصوت المعارضة الى أن ترجع فى قرارك ياريس

ومسى التماسي على الورد اللى قاعد على الكراسي ياريس الكل ليلتك فل كوكتيل سمعته زمان وقولت اهديهولك .

نتكلم جد السؤال التانى ركز معايا كويس كدة

من خلال سلطات سيادتكم ياريس عرضوا عليك تاخد اسبوع راحة بعد انتخابات الرياسة وطبعا بعد ثورة دعم البسكوت فسيادتك تختار أى مكان فى العالم كى تقضى الويك اند اللى مدته اسبوع بحاله ريس بقى بس اوعى تعملى زى ساركوزى وتروح تقضية مع جورج دبليو بوش لما اعتلى عرش فرنسا .

خلى بالك من خلال اجابتكم يافندم ستوضح الينا اشياء كثيرة من شخصيتك يافندم ومبروك عليك الكرسي ياريس

طلبي من اخوانى الاعزاء اننا نشد شويه فى الاسئلة عشان الريس يعرف انه وراه شعب ياكل الزلط ومش نايم فى الطراوة يعنى

رمضان عليكم سعيد واللهم بلغنا رمضان وتقبل الله منا ومتكم صوما مقبولا وإفطارا شهيا

شكرا

تم تعديل 21 سبتمبر 2007 بواسطة amrhoras

[kokomen]

مساء الخير

الأخ العزيز :amrhoras

كل سنةوأنت طيب وشعب مصر كله بخير وسلام ويكون تمام التمام..... أهلا بأراء المعارضة الحرة المستقلة

ياسيدي نعدل قرار الدعم بناء على رأي المعارضة ويصبح الدعم شاملا البسكويت بأنواعه والبيتيفور والكحك المنقوش

البلدي والغريبة والملبن وجميع الحلويات الشرقية فقط وليس الغربية ..أيه رايك شوفت بقى الديمقراطية .. أحلى ديمقراطية

نتكلم جد السؤال التانى ركز معايا كويس كدة

من خلال سلطات سيادتكم ياريس عرضوا عليك تاخد اسبوع راحة بعد انتخابات الرياسة وطبعا بعد ثورة دعم البسكوت فسيادتك تختار أى مكان فى العالم كى تقضى الويك اند اللى مدته اسبوع بحاله ريس بقى بس اوعى تعملى زى ساركوزى وتروح تقضية مع جورج دبليو بوش لما اعتلى عرش فرنسا .

بيني وبينك ياحبيب قلبي ... سؤالك صعب ويحتاج الي رأي المستشارين اللي موجودين بجواري

شوف ياسيدي الكريم ... أنا صيفت في مارينا عدة مرات عند ناس أقربائي .. وسمعت عن لسان الوزاء

ورأيت اللسان من بعيد ...؟؟؟؟ نفسي بقى مع المريسة الجديدة ...؟؟؟؟؟؟

أصيف في فيلا جميلة على لسان الوزراء يبقى كده الواحد فش غليله في المكان اللي محدش قادر يقرب منه

وبالمناسبة أطلع لساني للوزراء ... وأقولهم مفيش حد .. أحسن من حد ... أيه رأيكم يا أحسن معارضه

:blush2:

شوفت طلبات الريس متواضعة ازاي :lol: