كرسي الاعتراف

[amrhoras]

لا بجد انت طلعت رئيس متواضع بس لسان الوزرا بتوع حيتعب معاك مانت ريس بقي

بما انك على كرسي الاعتراف قر واعترف اكتر حاجة عجباك فى بلدك ايه؟ اللى هى بالتحديد الاسكندرية عروس البحر المتوسط

وهل انت راضي عنها تمام الرضا؟

وماهى السلبيات التى تريد ان تغيرها ؟

وأكثر شي جميل تريد الاحتفاظ به داخل عروس البحر المتوسط؟

[kokomen]

لا بجد انت طلعت رئيس متواضع بس لسان الوزرا بتوع حيتعب معاك مانت ريس بقي

بما انك على كرسي الاعتراف قر واعترف اكتر حاجة عجباك فى بلدك ايه؟ اللى هى بالتحديد الاسكندرية عروس البحر المتوسط

وهل انت راضي عنها تمام الرضا؟

وماهى السلبيات التى تريد ان تغيرها ؟

وأكثر شي جميل تريد الاحتفاظ به داخل عروس البحر المتوسط؟

مساء الخير يا : amrhoras باشا

طبعا أنت عارف حبي للأسكندرية يفوق الوصف

علشان كده سوف أنقل الإقامة الي الأسكندرية صيف وشتاء

بيعجبني في أسكندرية .. شهامة أولاد الأسكندرية الجدعان قوي ودي أخلاق جميلة

أجمل حاجة في أسكندرية شواطئها الجميلة رغم الإزدحام الشديد في الصيف

بس المشكلة أرتفاع تكلفة دخول الشواطئ على المواطن البسيط اللى عايز يتمتع بالبحر الجميل

أيضا من السلبيات هو تغير شركة النظافة وتراكم القمامة بشكل يثير الإشمئزاز ولا حياة لمن تنادي وأجهزة المحافظة في نوم عميق

من السلبيات أيضا بناء العمارات والأبراج العالية على شارع الكورنيش مما شوه المنظر الجميل وحجب الهواء عن العمارات الموازية

لشارع الكورنيش مثل شارع جمال عبدالناصر الذي أسكن فيه ... شوفت ريسك مش قادر يشم شويه هواء حلوين منعشين للرئتين :blink:

أجمل شئ أريد الإحتفاظ به هو المباني القديمة الجميلة ..؟؟؟ اللى عايزين يبعوها اليومين دول ..؟؟ زي ما باعوا كل حاجة :sad:

وكل سنة وأنت طيب ... ممن نعزموك على واحد نسكافيه على شاطئ المندرة وتستمتع برزاز البحر ونسيمه الجميل wst::

[amrhoras]

وكل سنة وأنت طيب ... ممن نعزموك على واحد نسكافيه على شاطئ المندرة وتستمتع برزاز البحر ونسيمه الجميل

اده انا حاخد فكره وحشة عن الاسكندرنيه قوى يعنى ايه البخل ده بدال ماتقولى اكله سمك معتبره اجى اشرب نيسكافية بس ها يله حاجى ....

لانى بعتز بالاسكندرانيه جدا بس انت بس متخلفش وعدك وانا حاجيلك ادتبست يابيه

بس ماشا الله عليك انت حببتني فى اسكندرية اكتر ما انا بحبها ولو انى كان ليا مع القلعة بتاعتكم دى تار لن انساه طيلة حياتى اصلى اتقلبت فى الميه من على الصخور للى حوليها وكنت لسه جيايب موبايل مش بقالة 3 ايام وقع من جيبي وطلعونى بسنارة وهاتك ياضحك من الناس اللى كانت موجوده :) اموت واعرف كانو بيضحكوا على ايه .....؟ مع اننا كنا الفجر يعنى

بس والله كلمه من غير مجامله انا اعشق اسكندرية دون المحافظات كلها لانها بتجمع مابين القديم والحديث وعمرانه باهلها وناسها كل سنه وانت طيب وكل اهل اسكندرية نفر نفر :angry:

هو فين الناس بتوعنا محدش بيسأل ليه عموما كوكومن اجوبته فوق الممتازه ده بالنسبة لاسئلتى انتو رحتو وين الله لعب عيال ده ولا ايه ارجعو وعو......

اخر سؤال على الماشي

ياريس انت بتحب مين من المغنين والمغنيات

اذكر اسم (مغنى - مغنية ) قديم وحديث ؟ ثم اذكر اغنية تمثل لك احلى ذكريات قدامك 24 ساعة عشان تجاوب وان مجاوبتش حقفلك شارع جمال عبد الناصر بالابراج الجديدة بتاعة دادى :wub:

كل سنه وانت طيب يراجل ياطيب

اخوك فى الله عمرو حورس

تم تعديل 27 سبتمبر 2007 بواسطة amrhoras

[Folana]

يارب تكون مدام فولانة الزعيمة تكون زملكاوية على الأقل تساندنا كزملكاوية غلبانين في كل حته

السلام عليكم ورحمة الله ...

الحقيقة انا ماليش فى الكرة أصلا.....كنت زمان أهلاوية - معلش خيبت ظنك - تيمنا بأخواتى لكن بعد الزواج ونظرا لان زوجى الحبيب مالهوش فى الكرة ..فأقلعت انا كمان عن متابعة اى اخبار كروية .....

وصباحك جميل...........

[kokomen]

الأخ العزيز : عمرو حورس

مساء الخير والجمال

اده انا حاخد فكره وحشة عن الاسكندرنيه قوى يعنى ايه البخل ده بدال ماتقولى اكله سمك معتبره اجى اشرب نيسكافية بس ها يله حاجى ....

لانى بعتز بالاسكندرانيه جدا بس انت بس متخلفش وعدك وانا حاجيلك ادتبست يابيه

يا حبيبي أنا كنت عازمك على فنجان نسكافيه وسندويتش لحمة وشوية كابوريا وجمبري وجندفلي علشان تأزأز فيهم بالليل على

ضوء القمر أمام البحر الجميل .... يعني دي مش عزومة غداء .. دي بس حاجة فرايحي كده على ما قسم

أهلا بيك في أسكندرية تشرفونا كلكم ...وحنعمل لكم كافتيريا خاصة لأهل المحاورات كلهم .. وجميع المشروبات مجانا

اخر سؤال على الماشي

ياريس انت بتحب مين من المغنين والمغنيات

اذكر اسم (مغنى - مغنية ) قديم وحديث ؟ ثم اذكر اغنية تمثل لك احلى ذكريات قدامك 24 ساعة عشان تجاوب وان مجاوبتش حقفلك شارع جمال عبد الناصر بالابراج الجديدة بتاعة دادى :wub:

كل سنه وانت طيب يراجل ياطيب

اخوك فى الله عمرو حورس

الأغاني القديمة منها أغاني كثيرة حلوة

زي أم كلثوم كوكبة الشرق ... لسه فاكر قلبي يديلك أمان ولا فاكر كلمة حتعيد اللى كان

وكمان العندليب عبدالحليم ... أسبقني ياقلبي أسبقني على الجنة الحلوةأسبقني

وأغاني أسمهان ... وعبد الوهاب

الأغاني الحديثة بعضها جميل وأغلبها لا تستطيع تذكرها

بحب أسمع حبيب قلبي إيمان البحر درويش .. مطرب محترم مرهف الحس ملتزم بكلمات جميلة

زي ... أنا طير في السماء ... وأغانيه الوطنية الجميلة .. بس مش واخد حظه في وسط الفن الرديء

وزي على الحجار ومحمد الحلو ومحمد ثروت

والمغنية غادة رجب ... لها طابع جميل وأغاني جميلة

والغالبية الكبرى من مطربي فرقة الموسيقى العربية في الأوبرا ... تستمتع بأغانيهم الجميلة

وغالبية المطربين الآخرين ممكن تسمعه مرة عابرة كل كام شهر بالصدفة ..حيث أصبح لدينا مطرب لكل مواطن :angry:

دي ياسيدي أخر أخباري الفنية .... ومستعد أعمل شريط وألبوم جديد ضد الأغاني الهابطة :)

مع خالص تحياتي القلبية

[امانى]

اخويا الغالى ابن بلدى ابو احمد

كل سنه وانت طيب وفرحان وسعيد انت والعائلة الكريمة

انا رجعت وكنت خايفة عليك من المحاورين واسئلتهم لكن ماشاء الله عليك شرفتنا قدامهم

انا مش هسالك اى اسئلة النهاردة وهكتفى بالتصفيق لحضرتك على ايجاباتك النموذجيه وبصفتى اسكندرانيه بشجعك وبحييك

وانتظر بقى اسئلتى المرة القادمة وان شاء الله هتكون سهلة 0

امانى

[amrhoras]

اخويا الغالى ابن بلدى ابو احمد

كل سنه وانت طيب وفرحان وسعيد انت والعائلة الكريمة

انا رجعت وكنت خايفة عليك من المحاورين واسئلتهم لكن ماشاء الله عليك شرفتنا قدامهم

انا مش هسالك اى اسئلة النهاردة وهكتفى بالتصفيق لحضرتك على ايجاباتك النموذجيه وبصفتى اسكندرانيه بشجعك وبحييك

وانتظر بقى اسئلتى المرة القادمة وان شاء الله هتكون سهلة 0

امانى

وده بقى ان شاء الله اسميه ايه ؟؟

لا ده تحيز بقى ومش لاعب :blush2:

كـــــــــــوسه وبـــــــــدنجان و باميه كمان

من مطبخ المحاورات كان معكم المعتزل عمرو حورس

[badroora]

ابو احمد الاسكندرانى الغالى

شخبارك وشخبار الكرسي على الله تكون مرتاح ومبسوط !!!

امانى رجعت بالسلامة وباقي الغالى كوكواوا

انا مأجلة اسئلتى لحين عودة الغالى كوكواو بعد العيد

يعنى كل اللى عدي دا مسح زور استعد يا زعيم

[Ahmad Farahat]

ابو احمد الاسكندرانى الغالى

شخبارك وشخبار الكرسي على الله تكون مرتاح ومبسوط !!!

امانى رجعت بالسلامة وباقي الغالى كوكواوا

انا مأجلة اسئلتى لحين عودة الغالى كوكواو بعد العيد

يعنى كل اللى عدي دا مسح زور استعد يا زعيم

مسح زور يا مفترية

مش ممكن

الراجل كل اللي اتعمل فيه ومسح زور

معلش يا كوكومن

ده قدر الزملكاوية

[امانى]

الاخ العزيز عمرو حورس

كل سنه وانت طيب يا رب وجميع افراد العائلة الكريمة

عايذة اقولك انها مش كوسة والله بس هو تشجيع وبعدين انا لسه مسالتهوش علشان تحكم ان كانت كوسة ولا بامية

انا بس برفع من روحه المعنويه خصوصا ان اجابته نموذجية ودى حاجة تشرف الاسكندرانية وبعدين بعمل لقدام احسن

يجى يوم عليا والاقينى لا قدر الله مزنوقة وقاعدة على الكرسى متستعجلش فى الحكم وانتظر النتيجة 0

امانى

[kokomen]

اخويا الغالى ابن بلدى ابو احمد

كل سنه وانت طيب وفرحان وسعيد انت والعائلة الكريمة

انا رجعت وكنت خايفة عليك من المحاورين واسئلتهم لكن ماشاء الله عليك شرفتنا قدامهم

انا مش هسالك اى اسئلة النهاردة وهكتفى بالتصفيق لحضرتك على ايجاباتك النموذجيه وبصفتى اسكندرانيه بشجعك وبحييك

وانتظر بقى اسئلتى المرة القادمة وان شاء الله هتكون سهلة 0

امانى

الأخت الغالية مدام : أماني

حمدا لله على وصولك بالسلامة من الأراضي المقدسة

وعمرة مقبولة بإذن الله .. وتحسب لك بمقام حجة لأنها في رمضان إن شاء الله

أنا تحت أمرك في أي أسئلة ... بس عايز أسئلة سهلة علشان أعرف أجاوب عليها .. ومتنسيش إننا بلديات

شربنا من بحر واحد :lol: وسيبك من كلام الأخ عمرو حورس اللى عايز يوقع الإسكندرانية في بعض .؟؟؟

رغم أني لسه عازمه على نسكافيه في المحروسة .. وقدمت له كل طعام السي فود ... كابوريا وجمبري وجندوفلي

وسندويتش لحمة حواوشي محترم ...؟؟؟؟ لكن مفيش فايدة يأكل وينكر .... أوعي تتأثري بكلامه وخلي الأسئلة سهلة :lol:

مبروك العمرة مرة أخرى وعقبال الحج إن شاء الله

:sad: :ninja: :blink:

[kokomen]

ابو احمد الاسكندرانى الغالى

شخبارك وشخبار الكرسي على الله تكون مرتاح ومبسوط !!!

امانى رجعت بالسلامة وباقي الغالى كوكواوا

انا مأجلة اسئلتى لحين عودة الغالى كوكواو بعد العيد

يعنى كل اللى عدي دا مسح زور استعد يا زعيم

مسح زور يا مفترية

مش ممكن

الراجل كل اللي اتعمل فيه ومسح زور

معلش يا كوكومن

ده قدر الزملكاوية

مساء الخير .... ورمضان كريم

تحياتي القلبية للأخت ... نجفة ... يعني بدرية هانم مكاوي ... مبروك على الأسم الجميل

وتحياتي القلبية الخالصة لزعيم الأهلوية الفاضل ..أرسين باشا .. قصدي أحمد باشا فرحات ..أسم جميل

شوفت يا أحمد يا أخويا .. بدرية هانم عماله تقلب عليا أعضاء المحاورات المحترمين وبتحفزهم على إلقاء الأسئلة

الصعبة ... مش عارف مين مسلطها عليا ... مع انها زميلة في هيئة مكتب المحاورات للتهاني .. وزودت لها

مرتبها وكذا علاوة معيشة على بدل نقل والذي منه .. مفيش فايده ..؟؟؟ أحنا الرجاله دايما مظلومين يا أحمد يا اخويا ...؟؟

ومش مقدرة ظروف الزملكاوية اليومين دول .. يعني مش ملاحقين من الأخت بدرية .. ولا الحكام .. ولا الجماهير الأهلاوية

والزملكاوية .. ولا رود كرول .. ولا عباس ...؟؟؟؟؟؟؟؟ يا فرحة الأهلاوية فينا يا جدعان ..؟؟؟ :lol:

[Ahmad Farahat]

ربما لا استطيع التعامل مع الناس هنا إلا عبر الكلمات

فهي الوسيط الذي ينقل ما بيننا كل ما نحتاج أن ننقله عن أنفسنا

وأنت يا صديقي قليلا ما توظف كلماتك للتعبير عن نفسك

فأنت قليل الكلمات كثير المشاركات

وتتركز معظمها في باب الإجتماعيات

يمكنني تخمين عدة أشياء في شخصيتك

كأن تكون شخصا مضيافا ودودا وكريما فهل أنت كذلك حقا؟

أنت أب تعشق أبنائك إلى درجة كبيرة فأنت تلعب معهم كطفل صغير فهل أنت كذلك حقا؟

تبدو لي شخصا بشوشا فهل أنت كذلك حقا؟

هذا ما أشعر به في شخصيتك وأريد أن أعرف إلى أي حد أنا مصيب في هذا...........

أما ألأسئلة الأخرى......

1-متى تتألم؟

2-متى تشعر بالرضا؟

3-متى تفقد القناعة؟

4- شعرت بالغضب.......لماذا؟

5-متى تكره؟

وهناك أسئلة أخرى توقعها عن قريب

[kokomen]

مساء الخير أخي الحبيب : أحمد فرحات

أشكرك على الأسئلة الكثيرة المتعلقة بجوانب من شخصية العبد لله ... وهي أسئلة ذات أبعاد متعددة

كما نقول نحن في مجال التعليم إنها أسئلة مركبة ويمنع إستخدامها في الإختبارات ولكن سوف أجيب :blush2:

يمكنني تخمين عدة أشياء في شخصيتك

كأن تكون شخصا مضيافا ودودا وكريما فهل أنت كذلك حقا؟

أنت أب تعشق أبنائك إلى درجة كبيرة فأنت تلعب معهم كطفل صغير فهل أنت كذلك حقا؟

تبدو لي شخصا بشوشا فهل أنت كذلك حقا؟

هذا ما أشعر به في شخصيتك وأريد أن أعرف إلى أي حد أنا مصيب في هذا...........

عجيب ... بصدق.. كل ماذكرته صحيح ..؟؟ ولا أعرف كيف إستنتجت ذلك ..تحليل نفسي رائع

أكيد تخصصك ليس الهندسة ... قد يكون الطب في مجال التحليل النفسي الرائع

أما بخصوص أبنائي الأربعة فأنا أعشقهم لأنهم نعمة من الله علي وعلي زوجتي العظيمة

فأنت محق بنسبة 99.9 % ولكن ألاعب أولادي كطفل كبير حيث أن أصغرهم في الإعدادي الآن

1-متى تتألم؟

أتألم عندما أحس بألم الآخرين من حولي مثل والدتي الحبيبة وأخواني وأخواتي وأسرتي وكل أصدقائي

وأحاول أن أخفف عنهم بقدر إستطاعتي وأقف معهم في فرحهم وحزنهم وأدعو لهم بالتوفيق

2-متى تشعر بالرضا؟

أشعر بالرضا في كل الأحوال فما كان مقدر لك سوف يصيبك ... ولكن لا أخفي عليك قد أصاب بالتوتر أحيانا

وأول شعور بالرضا عندما رزقت بأول مولود وهي أنثى جميلة رقيقة أعتز بأنها أكبر أبنائي ولها معزة خاصة

3-متى تفقد القناعة؟

الحمد لله لم أفقد القناعة أبدا ... كما يقولون القناعة كنز لايفني ... كن قنوعا وارضى بما قسم الله لك تكن أغنى الناس

4- شعرت بالغضب.......لماذا؟

أشعر بالغضب عند حدوث أشياء كثيرة منها .. أن يستهزأ أحد بالدين ..أن يظلم زميل أوصديق لي في العمل وأدافع عنه

بشدة ..إيضا عندما يحصل أبنائي على درجات متدنية في إختباراتهم ...إيضا عندما يحصل طلابي على تقديرات منخفضة

أشعر بالغضب عندما يغتاب زميل زميله وأدافع عن الغائب ..ولذلك كثيرا ما وقعت لي مشاكل بسبب ذلك ولكني سعيد بهذا

5-متى تكره؟

صعب أن يكره الإنسان شيئا إلا في مواضع معينة ... أكره أن يستهزأ بالدين كما ذكرت .....سوى ذلك لا أحب الكراهية

ممكن أزعل لحدوث موقف معين من شخص ولكني والحمدلله لا أكرهه ويزول زعلي بسرعة غريبة ... ولذلك يعرف زملائي

هذا .. فاذا إنفعلت لموقف ما قد أتعصب وأنفعل وقتيا ثم لا يبقى في قلبي ذرة من الكراهية ... أحمد الله علي ذلك

مش بقولك قلب أبيض :ninja: زملكاوي ..غريبة لم تسألني عن النادي الذي أشجعه ..؟؟ :wub:

كفاية كده أنا تعبت من كتر الأسئله يا أبو الشعراء ... لما أحضر كباية عرقسوس أبلع بيها .. نشفت ريقي

أشكر حبيبي أحمد فرحات ... كل الأسئلة دي ولسه في أسئلة كمان ..؟؟؟ خليها صح وخطأ الله يسترك wst::

تم تعديل 8 أكتوبر 2007 بواسطة kokomen

[badroora]

ايه سبب اختيارك لاسم كوكومن ؟

يلا حاجة عاى مئسوم كدا لحد مالحبايب يرجعوا ونبتدى الاسئلة :blush2:

[kokomen]

ايه سبب اختيارك لاسم كوكومن ؟

يلا حاجة عاى مئسوم كدا لحد مالحبايب يرجعوا ونبتدى الاسئلة :ninja:

عقبال زواجك أن شاء الله وربنا يكرمك بالبنين والبنات

عندي أبني أسمه كريم .... والدلع كوكو ...؟؟؟؟؟؟

الظاهر كل الزملكاوية كده .. كوكوواوا .. وكوكومين :wub:

ياريت الأسئلة تكون موضوعية يعني صح وخطأ وإختيارات وتكون سهلة

ومباشرة ومن المنهج وإلا أشتكيكم لوزارة التربية والتعليم wst:: :lol:

:blush2:

[katkota]

انا بقترح صح مع اسفي له :blush2:

[badroora]

هلا والله بالغالى ابو احمد شخبارك وشخبار الكرسي معاك الاعضاء سابوك ولا ايه ولا نسيوك .

يلا خلينيى انا اعملك رفرش

امممممممممممممم

استعد يا زعيم

اولا كل سنه وانت طيب

اما بعد

انا من خلال زمالتى لك وكونى دراعك اليومين فى المكتب

شايفة ان ابو احمد انسان طيب جدا وحبوب ومتسامح

هنا السؤال

ايه الوش الاخر لابو احمد الاسكندرانى

بمعنى يعنى 9 شهور لاشوفتك اختلفت مع حد ولا مسكت فلا رئبت حد

امتى تختلف ومت تثور وبتعمل ايه وقتها ؟

هل شحصية ابو احمد او كوكومن هى نفسها ابو احمد فى المنزل ومقر عمله؟

هل طبيعتك كدا فى الواقع مجامل ومن اول المهنئين للمحيطين بك ؟

كفاية كدا لحد مافكر فى اسئلة تانى :rolleyes:

[kokomen]

الأخت العزيزة الفاضلة : بدرية بركات

مساء الخير وكل سنة وأنتي طيبة

أنا قلت خلاص الموضوع إنتهى وفرحت وقمت من على الكرسي ..؟؟ لكن الظاهر أنك رجعتيني تاني للكرسي

انا من خلال زمالتى لك وكونى دراعك اليومين فى المكتب

شايفة ان ابو احمد انسان طيب جدا وحبوب ومتسامح

هنا السؤال

ايه الوش الاخر لابو احمد الاسكندرانى

بمعنى يعنى 9 شهور لاشوفتك اختلفت مع حد ولا مسكت فلا رئبت حد

امتى تختلف ومت تثور وبتعمل ايه وقتها ؟

مفيش وش آخر ولاحاجة ... لكن إذا إختلفت مع أحد أتناقش معه بهدوء وقد يحتدم النقاش وقد أتمسك برأيي

وهذا لايفسد للود قضية .... وقد أثور إذا تعمد أحد أن يجرح شعوري شخصيا أو أسرتي أو وطني مصر والأمة الإسلامية

وكما يقول المثل .. إتق شر الحليم إذا غضب ... وطبعا ادافع عن نفسي وعن من مستهم هذه الإهانة ....؟؟؟؟؟؟؟؟

ولكن دائما ما ينتهي الموضوع ولا أحمل في قلبي ضغينة لأحد ..... ألا الأعداء الدائمين للإسلام والمسلمين

هل شحصية ابو احمد او كوكومن هى نفسها ابو احمد فى المنزل ومقر عمله؟

هل طبيعتك كدا فى الواقع مجامل ومن اول المهنئين للمحيطين بك ؟

كفاية كدا لحد مافكر فى اسئلة تانى

شخصيتي في المنزل مرحة جدا ولكن عند اللزوم أكون منتهى الحزم والقوة حتى مع أولادي

أما في العمل فأنا أخلط العمل دائما بالفكاهة والمرح الخفيف حتى مع طلابي لتصل إليهم المعلومات بسلاسة

فعلا طبيعتي مجامل جدا وأحب كل من يعمل معي وأبادر بمجاملة أصدقائي وزملائي في العمل الى أقصى الحدود

لذلك أتمتع بحب كل من حولي ويتقربون مني كثيرا .. لدرجة أنني كاتم أسرار للكثير منهم .. ويعرفون أنني

لايمكن أن أفشي سرا لأحد أئتمنني عليه شخص حتى ولو حدث إختلاف بيننا .. والحمد لله على ذلك

ياربي ... لسه فيه أسئلة تاني .. حرام عليكي ..؟؟ ده أنا بقالي أكثر من شهر ونصف علي كرسي الإعتراف

مع خالص تحياتي

:rolleyes: :rolleyes:

[النسر المصري]

بتحب البطاطس ؟! :rolleyes: