كرسي الاعتراف

[kokomen]

بتحب البطاطس ؟! :rolleyes:

مساء الخير يا نسر يا مصري ياجميل

سؤال غريب جدا ...؟؟؟؟؟؟ بس حا أجاوب عليه علشان خاطر عيونك يا باشا ... وعلشان أنت أهلاوي وحبيبي :rolleyes:

** بحب البطاطس المسلوقة

** بحب البطاطس الشيبسي

** بحب البطاطس المسلوقة مع البقدونس والخل

** بحب البطاطس المسلوقة ومقطعة مقلية في الزيت

** بحب البطاطس الأصابع المقلية

** بحب البطاطس البوريه في صينية

** بحب البطاطس المحشية باللحم المفروم في صينية

شفت السؤال صعب إزاي ... طبعا كنت فاكر أنه سهل جدا

:cry1: :hang: :lol: :cry:

تم تعديل 19 أكتوبر 2007 بواسطة kokomen

[badroora]

اخر سؤال للجنرال منجار

علل لما ياتى

من هى المدعوه بدرية بركات ؟

الأخت العزيزة الفاضلة : بدرية بركات

اللاخ العزيز النسر

ايه حكاية البطاطس معاك اكيد ليها سر ؟

كل موضوع الاقيك داخل تسأل عن البطاطس بس خير

تم تعديل 20 أكتوبر 2007 بواسطة Badria Mekkawy

[امانى]

الاخ الغالى ابو احمد

مشرف كل الاسكندرانيه باجاباتك الرائعة فأنت فعلا نموزج مشرف لكل مصرى أصيل ربنا يوفقك دايما يارب فى كل ما تتمناه 0 ممكن بقى

اسالك انا اسئلة سهله

---1---- امتى أبو احمد يخرج عن شعوره ويطبق المثل اللى بيقول اتق شر الحليم اذا غضب

---2---- اذا لم تكن انت ابو احمد مدرس الكيمياء المعروف فماذا كنت تتمنى أن تكون

---3---- ماذا تعنى لك كلمة الاسكندريه أنا عارفة الاجابة مقدما لكن عايزة باقى الاخوة يعرفونها منك

شوف اسئلتى سهلة ازاى علشان لو لا قدر الله قعدت نفس القعدة تبقى تاخد بالك منى وتسالنى اسئلة سهله

والله يا استاذ احمد انت اخ رائع وانسان مخلص ربنا يوفقك فى عملك ويسعدك انت والاسرة الكريمة امين يا رب العالمين

امانى

[miramar]

ازيك يا كوكو و عامل ايه

سؤالي سؤال مباشر ووحيد و باساله لكل الناس الأيام دي

يا ترى لو مات حسني مبارك بكرة ايه شعورك؟؟

مرمر

[النسر المصري]

رغم الرد المجحف والمختصر بشده من قبل سؤالي الكريم.....بس انا هاعتبر انك رديت لاني بحبك :blink:

خد دي بقى

والله مالقيتلك واحده بيضا

اللاخ العزيز النسر

ايه حكاية البطاطس معاك اكيد ليها سر ؟

كل موضوع الاقيك داخل تسأل عن البطاطس بس خير

ابدا يا اختي الغاليه بدرية :lol:

الحكاية ومافيها اني شايف ان البطاطس لها دور هام في ظل التحولات الاقتصاديه والامبرباليه من حيث التكتلات الشاملة والمتمثلة في البروتكلات الموثقه من قبل الاتحاد الدولي لعلوم الكوسه والمهلبيه..

وهذا انا مافي صدد دراسته لاستبيان الموقف من حيث المبدأ

وشكراً

نسر هنداوي نسر الجنزوري

محلل اقتصاد في علوم البطاطس

وصاحب مزرعه بعد الضوهر :lol:

[Ahmad Farahat]

يا عيني عليك يا كوكومن

واحدة تنسى اسمها وتقلك بدرية بركات مش مكاوي

والتاني داير بشوال البطاطس

ربنا يكون في عونك

بتحب البامية :ninja:

[kokomen]

اخر سؤال للجنرال منجار

علل لما ياتى

من هى المدعوه بدرية بركات md2: ؟

الأخت العزيزة الفاضلة : بدرية بركات

اللاخ العزيز النسر

ايه حكاية البطاطس معاك اكيد ليها سر ؟

كل موضوع الاقيك داخل تسأل عن البطاطس بس خير B)

الأخت العزيزة الغالية

بدرية هانم مكاوي

والله مش عارف مين دي بدرية بركات

أوعي أكون كتبت اسمك غلط بس مش لاقي المداخلة دي اللى فيها الغلط ده

لكن عندي تفسير بسيط .. بدرية بركات دي تبقى أخت محمد بركات لاعب الأهلي المشهور يعني برده أهلاوية

[الطيار المصرى]

ابو احمد حبيب الكل....اجب عن الاسئلة الاتية علي ان تنقل السؤال و اجابته في كراس الاجابة:

ايه هو اسخف موقف تعرض ليه في حياتك؟

من هو الشخص الغبي في رأيك؟

ما هي الصفة التي تكره تواجدها في في من تتعامل معه؟

بس خلاص....الزمن ساعة الا 40 دقيقة...الوقت طويل....جاوب براحتك

تحياتي...

الطيار المصري

[kokomen]

الاخ الغالى ابو احمد

مشرف كل الاسكندرانيه باجاباتك الرائعة فأنت فعلا نموزج مشرف لكل مصرى أصيل ربنا يوفقك دايما يارب فى كل ما تتمناه 0 ممكن بقى

اسالك انا اسئلة سهله

---1---- امتى أبو احمد يخرج عن شعوره ويطبق المثل اللى بيقول اتق شر الحليم اذا غضب

---2---- اذا لم تكن انت ابو احمد مدرس الكيمياء المعروف فماذا كنت تتمنى أن تكون

---3---- ماذا تعنى لك كلمة الاسكندريه أنا عارفة الاجابة مقدما لكن عايزة باقى الاخوة يعرفونها منك

شوف اسئلتى سهلة ازاى علشان لو لا قدر الله قعدت نفس القعدة تبقى تاخد بالك منى وتسالنى اسئلة سهله

والله يا استاذ احمد انت اخ رائع وانسان مخلص ربنا يوفقك فى عملك ويسعدك انت والاسرة الكريمة امين يا رب العالمين

امانى

الأخت العزيزة الغالية : أماني

أشكرك أختي الكريمة على كلاماتك الرقيقة العزيزة علي قلبي وهناك الكثير والكثير من المصريين الشرفاء

الذين يشرفون مصر في جميع المجالات والحمد لله نحن نشرف بإنتمائنا لمصرنا العظيمة حفظها الله من كل سوء

---1---- امتى أبو احمد يخرج عن شعوره ويطبق المثل اللى بيقول اتق شر الحليم اذا غضب

الحمد لله أن أنا بتحكم في شعوري بشكل جيد .. لكن ممكن الواحد ينفعل لو فيه خطأ متكرر أو شخص يتعمد توجيه الإهانة

أو يتعمد التعامل بقلة ذوق وقلة أدب ...فأنا أحترم الصغير كما أحترم الكبير تماما .. ولذلك أتوقع المعاملة مع الآخرين بنفس الإحترام

---2---- اذا لم تكن انت ابو احمد مدرس الكيمياء المعروف فماذا كنت تتمنى أن تكون

كنت أتمنى أن أكون طبيبا يداوي آلام المرضى لأن مهنة الطب مهنة سامية لمن يقدرها ... والحمد لله فأن دراستي للأحياء والكيمياء

جعلتني أدرس كثيرا من علوم الطب حيث يوجد الكثير من العلوم المشتركة وهي محببة الي قلبي

--3---- ماذا تعنى لك كلمة الاسكندريه أنا عارفة الاجابة مقدما لكن عايزة باقى الاخوة يعرفونها منك

الأسكندرية .. الأسكندرية .. أسم رائع مدينتي التي ولدت بها وترعرت فيها وتعلمت الحب فيها .. حب والدي ووالدتي وأخواني وأخواتي وأصدقائي

وصديقاتي وحب أفراد أسرتي ..وحب كل شئ من حولك .. عندما تشعر بالضيق أجلس علي شاطئ البحر وأستقبل رزاز البحر ونسيمه وأستنشق هوائه

المنعش .. مما يجعلك تنسى هموم الدنيا ... النظر الي أمواج البحر وهي تصدر أصوات جميلة عند إرتطامها بالصخور .. وحركة الأمواج على الرمال

الناعمة تجعلك في عالم آخر تسرح بخيالك في بديع صنع الله وتنقي قلبك من مشاكل الدنيا وهمومها ... الأسكندرية مدينة تسري في دمي لتستقر في القلب

الأخت الغالية أماني أظنك تشعرين بهذا الشعور نحوالأسكندرية .. ولكني أؤكد نحن نحب الأسكندرية حبا شديدا .. ونحب أيضا كل أرض مصر المحروسة

أشكر أختي العزيزة أماني علي أنها ذكرتني بأجمل ذكريات حياتي وأجمل لحظات حب لعروس البحر المتوسط مدينة الأسكندرية وأدعوا الله لك بالتوفيق

والنجاح ولأسرتك الكريمة بالصحة والعافية والسعادة وراحة البال ... أشكرك سيدتي الكريمة

تم تعديل 24 أكتوبر 2007 بواسطة kokomen

[stone]

ايناس

[stone]

ايناس

[kokomen]

ازيك يا كوكو و عامل ايه

سؤالي سؤال مباشر ووحيد و باساله لكل الناس الأيام دي

يا ترى لو مات حسني مبارك بكرة ايه شعورك؟؟

مرمر

مساء الخير للأبنة : مرمر

الله يسلمك .. والحمد لله في جميع الأحوال .. دعائي لك بالنجاح والتفوق

من حسن أخلاق الإنسان أن لايشمت في أحد حتى ولو أختلف معه

ثم إن الأعمار بيد الله .. ولا تدري نفس ماذا تكسب غدا ولا تدري بأي أرض تموت

ولا يوجد أحد مستثنى من الموت وحسابه على الله .. هل من سيأتي بعده بأفضل منه العلم عندالله

تم تعديل 26 أكتوبر 2007 بواسطة kokomen

[kokomen]

يا عيني عليك يا كوكومن

واحدة تنسى اسمها وتقلك بدرية بركات مش مكاوي

والتاني داير بشوال البطاطس

ربنا يكون في عونك

بتحب البامية :oops:

أشكر أخي الحبيب : أحمد فرحات باشا

شفت الأسئلة الصعبة اللى بيسألوها ... طيب لما يقعدوا علي الكرسي .. يصير خير :phar:

أنت بتواسيني وبعدين تسألني سؤال محرج ... عامل زي شوطة أبو تريكه في المقص :happy:

أيوه طبعا با أحب البامية .. بس وأنا صغير من 30 سنة كده :lol: كنت أكره أكل قرون البامية

وآكل الصلصة فقط بيبقى طعمها جميل .. لغاية ما أتزوجت يا حبيبي وأنت عارف الباقي بقه

يعني غصب عنك حا تحب البامية واللى مش عاجبه يشرب من البحر :lol: :lol: :lol:

تم تعديل 26 أكتوبر 2007 بواسطة kokomen

[kokomen]

ابو احمد حبيب الكل....اجب عن الاسئلة الاتية علي ان تنقل السؤال و اجابته في كراس الاجابة:

ايه هو اسخف موقف تعرض ليه في حياتك؟

من هو الشخص الغبي في رأيك؟

ما هي الصفة التي تكره تواجدها في في من تتعامل معه؟

بس خلاص....الزمن ساعة الا 40 دقيقة...الوقت طويل....جاوب براحتك

تحياتي...

الطيار المصري

مساء الخير لحبيبنا : الطيار المصري الأصيل

والله بتفكرني بالضربة الجوية الأولى في حرب أكتوبر رمضان .. وأخنا بنقول الله أكبر

ابو احمد حبيب الكل....اجب عن الاسئلة الاتية علي ان تنقل السؤال و اجابته في كراس الاجابة:

حاضر يا حبيبي حا أنقل السؤا ل ر غم أني مش عارف ليه ..؟؟ وأظبط الكتابةوالإجابة .. وأفيش الهوامش على رأي محمود عبدالعزيز

في فيلم مش عارف أيه :lol: :lol:

ايه هو اسخف موقف تعرض ليه في حياتك؟

فيه مواقف سخيفة كثير .. بس أكثرها سخافة لما ضاع وفقد جواز سفري وإقامتي أثناء إستخراج تأشيرة سفر لي في نهاية العام الدراسي

ومكتب التعقيب يكتشف ذلك قبل سفري بيومين فقط .. وعينك ما تشوف إلا النور :oops: .. لف بقى حولين نفسك لغاية ما تستخرج جواز سفر

جديد وتعقيدات السفارة wst:: وطبعا لازم تعمل إعلان في الصحف وكمان تستخرج إقامة جديدة وبعدين تعمل تأشيرة جديدة .ويعني مصاريف

وعطلة كبيرة ضيعت من إجازتي شهر .. ونزلت إجازة 15 يوم فقط مع أسرتي .. ده غير التفاصيل المملة مش عايز أوجع دماغك بيها

من هو الشخص الغبي في رأيك؟

هو الشخص الذي لايستطيع أن يتعامل مع الآخرين بفطنة وكياسة .. هذه وجهة نظري :phar:

ما هي الصفة التي تكره تواجدها في في من تتعامل معه؟

أكره الإنسان المنافق والكذاب .. فهما خصلتان ذميمتان تفسد العلاقة بين البشر

بس خلاص....الزمن ساعة الا 40 دقيقة...الوقت طويل....جاوب براحتك

حرام عليك ياطيار يا مصري يا جميل ....... ده أنا كتبت لك الأسئلة وكمان الأجوبة يعني 4 صفحات :happy:

وكل ده في 20 دقيقة فقط وبتخدعني وتقول لي الوقت طويل :lol:

تحياتي القلبية لك ولكل أعضاء المحاورات الذين شرفوني .. أي دبسوني على كرسي الإعتراف :lol: وكفاية كده بقى

حرام عليكم شوفوا واحد ولا واحدة غيري .. ده أنا من قبل رمضان جالس على الكرسي ومش قادر أقوم .. وياريته كرسي جلد منجد :lol: :lol:

[kokomen]

الأخوة والأخوات الكرام

بعد أن إنتهيت من الجلوس على كرسي الإعتراف لفترة زمنية طويلة

طوال شهر رمضان وقبله بأسبوعين ثم شهر شوال أظن آن الآوان

أن نختار أحد المحاورين أو المحاورات ليجلس علي كرسي الإعتراف

وأنا أرشح الأخت الفاضلة ..... أماني ..... لأنها شخصية مميزة

لها طابع فريد ... وكمان لا تنسوا أنها بلدياتي يعني أسكندرانية عريقة

فتحنا باب التصويت يلا يامحاورين ومحاورات ..صوتوا .. بس مش في الإنتخابات :lol:

[amrhoras]

ياترى جاهزه يا مدام امانى

صفى عقلك خالص وركزى معانا جدا فى اللى حنقوله

انا بضم صوتى ل أ/ كوكومن وارشحك

[badroora]

أمانى

أمانى

أمانى

أبوحمد صوت =1

عمرو صوت = 1

نجفة صوت =1

1+1+1= 3

يبقي يلا يا امانى

النداء الاخير

أمـــــــــــــــــــــــــانى

مطلوب ضبط وإحضار .

[Ahmad Farahat]

بقى أماني اللي هتيجي

يا عيني

تيب

ماشي

أول سؤال

بتحبي الخيار

[امانى]

أمانى

أمانى

أمانى

أبوحمد صوت =1

عمرو صوت = 1

نجفة صوت =1

1+1+1= 3

يبقي يلا يا امانى

النداء الاخير

أمـــــــــــــــــــــــــانى

مطلوب ضبط وإحضار .

الاخوة الاعزاء ابو احمد وعمرو وبدريه

كدة برضه يعنى دورتم فى الدفاتر ملقتوش غير امانى 0 ماشى يا ابو احمد يا ابن بلدى يا غالى طيب

بلاش تيجى منك انت ده انت لسه مجرب الكرسى وعارف ذنقته 0 اشكرك يا عمرو واشكرك يا نجوفة

على التأييد فى الذنقة دى وعقبالكم فى القريب العاجل باذن الله وربنا يستر

امانى

تم تعديل 9 نوفمبر 2007 بواسطة امانى

[امانى]

بقى أماني اللي هتيجي

يا عيني

تيب

ماشي

أول سؤال

بتحبي الخيار

ادينى جيت يا احمد ياترى كنت فاكر انى مش حاجى ولا مستغرب انهم اختارونى 0 على العموم عندك حق ربنا يستر

استعنا على الشقا بالله ونقعد على الكرسى وبسم الله الرحمن الرحيم

اجاوب بقى على أول سؤال بتحبى الخيار؟

كويس انك مقلتش بطاطس علشان النسر هرانا اسئلة عن البطاطس خلينا فى الخيار اهو تغيير حتى فى الالوان

لون اخضر مبشر فى أول الاسئلة 0 بحب الخيار فى السلطة وبحبه فى المخلل دول النوعين اللى أعرفهم

وأعرف عنه انه بقى مشهور زيه زى العنب اتعمله شريط كاسيت مالى السوق وازيك بجى