كرسي الاعتراف

[kokomen]

أهلا بالأخت العزيزة الغالية : أماني

شرفتي كرسي الإعتراف .... وطبعا أنتي بلدياتي أسكندرانية أصيلة ومصرية تشرفي كل نساء مصر العظماء

سؤال بسيط .... ماهو شعورك نحو أسكندرية الماريا وترابها الزعفران ... ومدى حبك لها ..؟؟؟

تشجعي وخلي قلبك قوي وأحنا ورائك ونساندك على كرسي الإعتراف .....

مع خالص تحياتي لأختي الأسكندرانية الأصيلة

[الطيار المصرى]

أماني هي اللي عليها الدور...هع هع هع هع(ضحكة شريرة).....سؤال بسيط...

قولي لأعزائنا المشاهدين من هي أماني كما تري نفسها؟؟؟

تحياتي...

الطيار المصري

[amrhoras]

بعيدا عن السياسه والاقتصاد والاكل والذكريات

لو ترجعى بالذاكره الى فيلم خلي بالك من زوزو لما طنط سعاد حسني زنقت عمو حسين فهمي فى الجامعه وقلتله سؤال وشه احمر واصفر

دعيني بعد حقبه من الزمان اعيد تكرار السؤال ولكن بصوره معكوسه

واسألك مـــــــــــــــــن انتى؟عزيزتي عاوز اكون صوره عن شخصيه امانى ؟ اده الطيار المصرى سبقني والله ما اخدت بالى

طيب ماهي هواياتك المفضله اثناء وقت الفراغ ومش تقولى التريكو لوسمحتى

شكرا اخوكى عمرو

تم تعديل 8 نوفمبر 2007 بواسطة amrhoras

[اياد شمس الدين]

السلام عليكم لو سمحتم عندى سؤال هو انا ينفع اشترك معكم ولا هذه اللعبة خاصة ارجوا الرد وشكرا

[amrhoras]

طبعا يا عم اياد انت تنور مع انى مش عضو دائم هنا بس واخدها عافيه

اخوك عمرو

[kokomen]

السلام عليكم لو سمحتم عندى سؤال هو انا ينفع اشترك معكم ولا هذه اللعبة خاصة ارجوا الرد وشكرا

الأخ الفاضل : اياد

أهلا بيك كعضو فاعل في المحاورات ويشرفنا ان تشترك في كل مواضيع المحاورات

فهي نافذة للجميع للإستفادة من الآراء الجيدة وطرح الأفكار النافعة بإذن الله

هذه ليست لعبة خاصة ... وإنما توجيه أسئلة للعضو الذي يجلس على كرسي الإعتراف

لنستفيد من آرائه ونكون فكرة عن شخصيته من كافة جوانبها ونلتزم بالبعد عن الأسئلة

الشخصية المحرجة ... لك الحق في الدخول وطرح أسئلتك ... أهلا بك ومرحبا نيابة

عن أخواني وأخواتي الكرام

[badroora]

أمانى حبيبة ألبي متقلقيش أنا جنبك اى حد يستفرد بيكي هتلائيني بالمرصاد.

سؤال بقي يا أمونه .

أيام الدراسة كنتى طالبة هادية فحالك ولا كنتى نشيطة وبتشتركى فى انشطة الجامعة ,وهى ايه الانشطة دي ؟

وايه اطرف المواقف اللى كانت بتقابلك اثناء دراستك ؟

كفاية كدا عشان مش تتعبي

تكرمى حبيبة ألبي

[امانى]

أهلا بالأخت العزيزة الغالية : أماني

شرفتي كرسي الإعتراف .... وطبعا أنتي بلدياتي أسكندرانية أصيلة ومصرية تشرفي كل نساء مصر العظماء

سؤال بسيط .... ماهو شعورك نحو أسكندرية الماريا وترابها الزعفران ... ومدى حبك لها ..؟؟؟

تشجعي وخلي قلبك قوي وأحنا ورائك ونساندك على كرسي الإعتراف .....

مع خالص تحياتي لأختي الأسكندرانية الأصيلة

أخى الفاضل ابو احمد

اجمل سؤال ممكن اجاوب عليه بحريه كاملة

يااااااااااااااااااااااااااااااه اسكندريه دى هى كل حياتى

أ-----س----ك----- ن------د-----ر-----ى-------ة

أ----- انتماء وحب عشته على ارضها الزكية ولدت بها ومن قبلى ولد ابى وجدى

س--- سنين عمرى اللى عدت بذكرياتها الجميله وطفوله رائعه بين احضان طبيعتها الخلابه وجوها الرائع

ك---كل احلامى عشتها على ارضها بين سمائها الصافيه وبحرها الجميل اللى ياما كلمته واشتكتله اللى فى قلبى وفرحته

ن---نعمه ربنا علينا فى جوها الرائع وناسها الطيبين الجدعان اووووووى

د---دنيتى كلها امسى وحاضرى ومشتقبلى ولو لفيت الدنيا بحالها ميعوضنيش ابدا عنها اى مكان فى الدنيا

ر--- روجى فى هواها اللى بتنفسه وفى سماها الصافيه وسحر ليلها الجميل

ى--- يارب متحرمنيش ابدا منها وافضل فيها لغايه ما اموت على ارضها

ة--- تروح السنين وتيجى عليها وهيا شامخه وافقه عروس البحر المتوسط بتقول انا اهه ماريا وترابى زعفرااان

امانى

تم تعديل 9 نوفمبر 2007 بواسطة امانى

[امانى]

أماني هي اللي عليها الدور...هع هع هع هع(ضحكة شريرة).....سؤال بسيط...

قولي لأعزائنا المشاهدين من هي أماني كما تري نفسها؟؟؟

تحياتي...

الطيار المصري

الاخ العزيز : الطيار المصرى

امانى هى :

عبد من عباد الله المؤمنين

انسانه بسيطه جدا نشأت فى اسره متوسطه الحال لاب متعلم يشغل منصب بأحدى الوضائف الحكوميه وام

على قدر بسيط من التعليم لكنها شعله ذكاء وكان لها اكبر دور فى حياتى ومستقبلى0 انا الابنه الكبرى لاربعة ابناء

تربيت فى هذه الاسره وكان اهم مايميزها هوا الحب والانسجام والتفاهم بين افرادها0

اب حنون لابعد الحدود وام حازمه برغم طيبه قلبها كان لهما الفضل فى غرس مبادئ ومثل عظيمه عرفت قيمة

هذه المبادئ والمثل فيما بعد الزواج0

وانا الان متزوجه من زوج فاضل ميسور الحال وام لطفلين ذكور واعيش حياه هادئه واستقرار عائلى

طموحه ولكن فى حدود امكانياتى0

قنوعه بما قدره الله لى والحمد لله0

مريت بتجارب قاسيه جعلت منى امانى الهادئه المترويه التى تحكم عقلها مع قلبها

امانى

تم تعديل 9 نوفمبر 2007 بواسطة امانى

[مسالم]

إذا كانت أماني مازالت على كرسي الاعتراف .. وأكن لها كل الاحترام والتقدير .. فهل لها ان تخبرنا بــ :

1- نصيحه ... سمعتيها سابقاً ومازلت تعملين بها ..

2- إسلوب حياه تتبعينه مع ابناءك .. جعلهم لا يألون جهداً في حب طاعتك.. واتباع إرشاداتك لهم.

3- سر حب وانجذاب الاخريات لكي.

اظن انها اسئله سهله وسريعه .. mfb:

[amrhoras]

ماشا الله واضح انك مذاكره كويس يامدام اماني ومركزه جدا معانا wst::

طب

أكثر بلد جذبتك ونفسك تذوريها بعد اسكندريه؟

حلم من زمان لم تحققيه بعد ولكنك تتمنى ان تحققيقه

ماذا تعنى كلمة كره عند مدام امانى ( امتى تكرهى ؟)

وعشان بقى مش تكرهيني من اسألتى mfb:

من هو المغنى المفضل لدى سيادتكم واكثر اغنيه تنجذبي اليها ؟

خلص الاسئله :unsure: عمرو حورس

[kokomen]

الأخت العزيزة الفاضلة : أماني

إجاباتك عن حب الأسكندرية جميلة جدا فيها إحساس رائع بالإنتماء والحنين لحبيبة قلبي أسكندرية

هل لي أن أسالك عن طبيعة عملك الذي تركتيه ..... وكيف ترين العلاقات في محيط العمل ..؟؟

هل معاملتك الرقيقة أثرت على مسؤولاياتك في العمل ..؟؟؟ وهل هي نفس المعاملة لأفراد أسرتك ..؟؟

كفاية كده النهارده .... وبعدين نسأل أسئلة أخرى ... تمنياتي لك بالتوفيق

mfb: :unsure: wst::

[امانى]

:unsure: بعيدا عن السياسه والاقتصاد والاكل والذكريات

لو ترجعى بالذاكره الى فيلم خلي بالك من زوزو لما طنط سعاد حسني زنقت عمو حسين فهمي فى الجامعه وقلتله سؤال وشه احمر واصفر

دعيني بعد حقبه من الزمان اعيد تكرار السؤال ولكن بصوره معكوسه

واسألك مـــــــــــــــــن انتى؟عزيزتي عاوز اكون صوره عن شخصيه امانى ؟ اده الطيار المصرى سبقني mfb: والله ما اخدت بالى

طيب ماهي هواياتك المفضله اثناء وقت الفراغ ومش تقولى التريكو لوسمحتى wst::

شكرا اخوكى عمرو

اخى الفاضل عمرو

بالنسبة لسؤالك الاول طبعا عرفت اجابته من ردى على الاخ طيار0 اما عن هواياتى فهى كتير خد عندك

1-- الرسم بحبه جدا وكمان الزغرفة ودى اتعلمتها من قريبة لى كانت فى كلية الفنون الجميلة وحبى ده بيخلينى اعمل

من أى حاجة ممكن تكون مهملة شئ رائع زى مثلا كوب مكسور او مج شاى انشرخ استفيد منه فى عمل شكل جمالى اخر

وبحب الزهور جدا جدا وفى وقت فراغى بحب انقلهم من مكان لمكان اخر بالشقة

2----بحب اقعد مع نفسى فى وقت فراغ وامسك القلم واكتب أى خواطر بحس ان جوايا احاسيس كتيرة بحب اكتبها على الورق

ساعات الاقيها كتير منظومة وتنفع تكون مش قادرة اقول شعر لكن اقول كلمات منظومة وبعدين انا باموت فى قراءة الشعر والادب

واول حاجة اعملها لما ادخل على النت فى المحاورات هى فتح باب الشعر والقراءات الادبيه

3---- فى وقت فراغى احب اتكلم مع اصدقائى فى التليفون وده طبعا بيخلى الفاتورة خليها فى سرك

4---لو سمحت ليا الظروف سماع موسيقى هاديه وده مبيحصلش كتير علشان الولاد عندى عايزين يسمعو الخبط والرزع بتاع

اليومين دول اظن كفايه كدة هوايات يا عمرو وعايزة اقولك على حاجة أنا مش مذاكرة والله ولا مركذة بس بقول الاجابات تلقائيا

ومن قلبى على طول لشاشة الكمبيوتر وربنا يستر للاخر

[امانى]

أمانى حبيبة ألبي متقلقيش أنا جنبك اى حد يستفرد بيكي هتلائيني بالمرصاد. mfb:

سؤال بقي يا أمونه .

أيام الدراسة كنتى طالبة هادية فحالك ولا كنتى نشيطة وبتشتركى فى انشطة الجامعة ,وهى ايه الانشطة دي ؟

وايه اطرف المواقف اللى كانت بتقابلك اثناء دراستك ؟

كفاية كدا عشان مش تتعبي

تكرمى حبيبة ألبي :unsure:

الاخت الغالية بدريه حبيبتى

شوفى يا بدريه وبمنتهى الامانه انا كنت طالبه عادية بتتصرف زيها زى اى طالبه بس فى حدود كانت مقيدانى كتير

منها الاشتراك فى الانشطة المختلفة الثقافية والمسرح والرحلات لكن بناءا على تعليمات الاسرة بعدم الاشتراك

فى نشاط وان الجامعة للعلم وبس مكنتش باشترك فى أى نشاط لكن مع ذلك كنت مرحة جدا وبكلم جميع زملائى

وزميلاتى وكانت لنا قفشات كتيرة وكنا بنمثل ونقلد الدكاترا لكن ده داخل سور الجامعة فقط

كنت بأحس بضيق شديد من والدتى لتشددها معى لكن بعد كدة عرفت انها كانت خايفة عليا

موقف طريف اتعرضت له فى سنة اولى فى كلية التجارة وكنا بندرس فيها مادة القانون وكنت ميح فيها يعنى بكرهها

وفى الامتحان فى سؤال معرفتش اجاوب عليه فهمست للبنت اللى جنبى وبدلنا ورق الاسئلة وجيت اكتب الاجابه

اللى هى كتباها كتبت لسه فاكر قلبى وبعدين انتبهت ان الاخت كاتبة اغنية أم كلثوم لسه فاكر قلبى يديلك امان وكانت

دى اول مرة واخر مرة احاول اسال حد فيها طبعا شطبت اللى كتبته والفت من دماغى ودشيت والحمد لله نجحت فيها بس بمقبول

مرة تانية حصلى موقف لا احسد عليه عمرى ما هنساه ابدا مرة كنت ومجموعة من الزميلات كنا بنتريق على دكتور فى مادة

المحاسبة وعلى طريقة كلامه لنا وشرحه للمحاضرة وكنت انا متطوعة لتقليده وانا بقلده لقيت العيال بلمت وسكتت مرة واحدة

بقلهم فى ايه سكتم ليه ولسة مكملتش ولقيت الدكتور اللى بقلده من ورايا بيقلى لأ مفيش حاجة كملى طبعا لكى ان تتخيلى

الباقى طبعا اعتزرت وبكيت واتحايلت انه يقبل اعتزارى والحمد لله عدت بسلام وكنت خايفة من نتيجة مادته لكن والله جبت فيها تقدير

جيد وكانت دى نهاية فرقتنا فى الكليه 0 فكرتينى بزكريات جميلة يا بدريه احلى فترات عمرى هى الجامعة

امانى

[امانى]

السلام عليكم لو سمحتم عندى سؤال هو انا ينفع اشترك معكم ولا هذه اللعبة خاصة ارجوا الرد وشكرا

[/quote

الاخ العزيز اياد شمس الدين

اهلا بك اخا بيننا فى المحاورات وزى ما تفضل الاخ الكريم ابو احمد وعرفك انها مش لعبة وانها مجرد اسئلة للعضو للتعرف على

شخصيته عن قرب وأنا تحت أمرك فى أى سؤال تحب توجه ليا بس والنبى خليه سؤال سهل وتشرف معانا فى الباب

امانى

[amrhoras]

كلية التجاره برده زميلة دراسه يعنى mfb: اخيرا يارب :lol:

بس هو ايه حكاية مادة القانون مع طلاب كلية التجاره فى كل مكان فيكي يامصر بس انا عادى جدا :unsure: مليش فى المحاسبة ولا القانون ولا الاداره

عزيزتي مدام امانى

انتى جميله حقا اجد الرقه والعقل والاتزان فى كل ردودك وانظر الى اليكي كزوجة متدينة محترمة ومثقفه واجدك فتاه من زمن الحب فى زمان ربنا وحده اعلم به اسأل الله التوفيق لكى وأسرتك حفظكم الله واعانكم على هذه الدنيا

بس بعيد عن ورقة الامتحان يعنى :P وياريت الاولاد ربنا يخليهملك اوعى يعرفو حاجه طبعا :lol:

اسمحى تقوليلي من هو الشخص الذى تتخذيه دائما قدوه ؟ ومن هو الشخص الذى تتمنى ان تقابليه ؟

هو الاسئلة لها حدود معينه ولا عادى اصلى سالتك كتير اوى ارجو متكونيش زهقتى

wst:: اخوكى عمرو

[امانى]

إذا كانت أماني مازالت على كرسي الاعتراف .. وأكن لها كل الاحترام والتقدير .. فهل لها ان تخبرنا بــ :

1- نصيحه ... سمعتيها سابقاً ومازلت تعملين بها ..

2- إسلوب حياه تتبعينه مع ابناءك .. جعلهم لا يألون جهداً في حب طاعتك.. واتباع إرشاداتك لهم.

3- سر حب وانجذاب الاخريات لكي.

اظن انها اسئله سهله وسريعه .. mfb:

الاخ العزيز مسالم

فى الحقيقة انا سمعت نصائح كتير بس اهمهم ثلاثة نصائح بأعمل بيهم

الاولى ---- الرضا بالمقسوم عبادة

الثانيه ---- عامل الناس بما تحب أن يعاملوك به

الثالثة----- اتق شر من أحسنت اليه

اجابه السؤال التانى

والله يا اخ مسالم بالنسبة لاسلوب الحياه اللى بتبعه مع اولادى فهى اساليب مش أسلوب واحد انت عارف اننا من جيل

غير جيلهم علشان كدة انا عاملة معاهم زى الاراجوز كل شوية بطريقة شكل بس المهم ان فى النهاية بأوصل الى انى

اخليهم على قد ما بقدر يكونوا راضيين عن اللى بأقوله والحمد لله فى بينا صداقة لانى بنزل معاهم الى مستوى تفكيرهم

وساعات بكون معاهم اعيل منهم علشان منخبيش حاجة على بعض والحمد لله انا راضية عنهم تماما

اجابة السؤال التالت

سر حب وانجزاب الاخريات لى 0 هو مش سر ولا حاجة هو لانى بحبهم بصدق وبأحترمهم وانا من طبيعتى اقدس الصداقة جدا

وبعتبرها أغلى وأسمى شئ فى الوجود

امانى

[امانى]

ماشا الله واضح انك مذاكره كويس يامدام اماني ومركزه جدا معانا wst::

طب

أكثر بلد جذبتك ونفسك تذوريها بعد اسكندريه؟

حلم من زمان لم تحققيه بعد ولكنك تتمنى ان تحققيقه

ماذا تعنى كلمة كره عند مدام امانى ( امتى تكرهى ؟)

وعشان بقى مش تكرهيني من اسألتى mfb:

من هو المغنى المفضل لدى سيادتكم واكثر اغنيه تنجذبي اليها ؟

خلص الاسئله :unsure: عمرو حورس

ماشى يا عمرو أهرينى اسئلة زى ما انت عايز لك يوم وتتزنق نفس الزنقة خد عند ك يا سيدى

اكتر بلد جزبتنى ونفسى اروحها فى مصر هى اسوان نفسى اشوف اثارها عن قرب لانى شفت معظم محافظات الجمهوريه

الا محافظات الصعيد ونفسى ازور الفيوم

السؤال التانى

حلم محققتهوش زمان كان نفسى اكون مهندسة ديكور ونفسى احققه لكن للاسف مينفعش بس بخلص عقدتى دى هنا فى

الشقة كل شويه اغير فى النظام والديكور والتجديد واللمسات الجماليه يعنى اهو بحاول اعالج حلمى اللى محققتهوش

السؤال التالت

ماذا تعنى كلمة كره عندى وامتى اكره

ابغض كلمة ليس لها وجود اطلاقا فى حياتى معرفش اكره ابدا والله يا عمرو ومش مبالغة أنا يمكن ازعل واتضايق من حد لكن عمر

اى زعل او ضيق يوصل بيا للكره حاشا لله او ان اتمنى له اى مكروه ابدا

انا ممكن اكره تصرفات انسان لكن لا استطيع ان اكرهه هو شخصيا

السؤال الاخير يا عمرو مين هو المغنى المفضل شوف يا سى عمرو

انا بحب جدا جدا نجاة وفيروز بحب اسمعهم ومحبش اشوفهم وهما بيغنوا يعنى اسمعهم باذنى فقط وبحب ام كلثوم فى

اغنيات كتيرة ومن المغنيين الرجالة عبد الحليم ومحمد منير وايمان البحر درويش

اكثر اغنيه انجذب لها لحنا وكلمات وصوتا هى اغنية ام كلثوم انت عمرى و قصيدة نجاه ايظن ورائعة فيروز باكتب اسمك

يا رب اكون وفقت فى الاجابه على اسئلتك واروح بقى اخلص اللى ورايا علشان اقعد اتفرج على الماتش ادعى للاهلى يكسب

يا رب يكسب ونفرح الليلة امين يا رب العالمين

تم تعديل 9 نوفمبر 2007 بواسطة امانى

[امانى]

الاخ العزيز ابو احمد معزرة كان نفسى ارد عليك دلوقت لكن الماتش قرب ادعيلنا من قلبك الاهلى يفوز وبعدين تفرج

عموما هرد عليك ان شاء الله ويارب اكون عند حسن ظنك وظن الجميع فى الرد

اختك امانى

تم تعديل 9 نوفمبر 2007 بواسطة امانى

[kokowawa1979]

أماني كتبت :

الاخ العزيز ابو احمد معزرة كان نفسى ارد عليك دلوقت لكن الماتش قرب ادعيلنا من قلبك الاهلى يفوز وبعدين تفرج

الظاهر أخونا كوكومين دعا .......... :lol:

أختى الفاضلة الأستاذة أماني :

هو سؤال على السريع :

ماهي المرحلة التي وصلت عندها في الحياة وشعرت أنك تقفين على نقطة تلاقي مفارق طرق لاختيار إحداها ؟

ولك تحياتي

كوكوواوا