كرسي الاعتراف

[badroora]

الاخ العزيز ابو احمد معزرة كان نفسى ارد عليك دلوقت لكن الماتش قرب ادعيلنا من قلبك الاهلى يفوز وبعدين تفرج

عموما هرد عليك ان شاء الله ويارب اكون عند حسن ظنك وظن الجميع فى الرد

اختك امانى

احساسك ايه يا امانى بعد ما بن بلدك دعالك ؟

للاسف يا امانى مش قدرة تفرقي بين ابو احمد الشخص وابو احمد الزملكاوى !!!!! :aslam:

تم تعديل 10 نوفمبر 2007 بواسطة Badria Mekkawy

[امانى]

الأخت العزيزة الفاضلة : أماني

إجاباتك عن حب الأسكندرية جميلة جدا فيها إحساس رائع بالإنتماء والحنين لحبيبة قلبي أسكندرية

هل لي أن أسالك عن طبيعة عملك الذي تركتيه ..... وكيف ترين العلاقات في محيط العمل ..؟؟

هل معاملتك الرقيقة أثرت على مسؤولاياتك في العمل ..؟؟؟ وهل هي نفس المعاملة لأفراد أسرتك ..؟؟

كفاية كده النهارده .... وبعدين نسأل أسئلة أخرى ... تمنياتي لك بالتوفيق

:aslam: :bro: yaw: pps:

الاخ العزيز ابو احمد

قبل ما اجاوب على أ سئلتك هو صحيح انت دعتلنا امبارح فى الماتش ولا دعيت علينا

طبعا انا بضحك لان مش معقول يعنى تدعى علينا احنا فى الاخر بنمثل مصر امنا كلنا ولو ان يوم ماتش الاهلى والاسماعيلى

كان بعض جمهور الاسماعيلية الكرام حامل لافتات تؤيد النجم الساحلى التونسى شفت بقى وطنية وانتماء اكتر من كده

عموما يا ابو احمد دى كلها مقدرات ربنا والاهلى بقى من حقه يرتاح شويه وبعدين بصراحة الاهلى امبارح كان يستحق الفوز

واللعيبة كلهم ابطال لحد الاخر بأستثناء الدقائق الاخيرة ومنه لله الحكم 0

نرجع للأسئلة

كنت أعمل بقسم العلاقات التجاريه قسم حسابات فى احدى الشركات

والله يا ابو احمد بالنسبة للعلاقات بين الزملاء بتختلف من مكان لأخر وطبعا اكيد فى الكويس وبرضه فى النوع الاخر الوصولى

على حساب زمايله0 لكن بالامانه القسم اللى كنت فيه كان كلهم ممتاذين وأسرة واحدة وما ذالو على اتصال بيا والسؤال عنى

باستمرار 0

بالنسبة لمعاملتى فى العمل مع الزملاء لم تؤثر اطلاقا على مسؤلياتى فى العمل بالعكس انا علاقتى الطيبه بكل زميل وزميلة

كانت سبب فى انضباط سير العمل لأن كل واحد كان بيقوم بعمله عن حب وليس خوف ودى مش مبالغة والله العظيم يا ابو

احمد فعلا ممكن بالمعاملة الطيبة والخوف على الزملاء سواء كانو مرؤسين او رؤساء بيكون لها فعل السحر فى العمل وطبعا ده مبيتوفرش

كتير0 والسؤال الاخير هل هى المعاملة فى العمل هى نفس المعاملة فى الشغل ؟ والله يا ابو أحمد انا مبعرفش افصل يعنى بكون

طبيعية فى كل مكان هو بس يمكن بكون حازمة مع الاولاد شويه فى البيت لكن بتصرف على طبيعتى فى أى مكان وصدقنى

يا ابو احمد اكثر شئ احذننى كان ترك العمل رغم انه بمحض ارادتى وبقرارى لكن بسبب ليس له أى علاقة بالعمل نفسه 0

هتعرفه من اجابتى على كوكوواوا يارب اكون وفقت فى اجاباتى عليك وهى والله بدون تفكير او ترتيب

امانى

[miramar]

اماني حبيبتي نورتي الكرسي

سؤال مصيري محتاج اجابة عاجلة؟؟

الكرسي مريح؟؟؟؟؟؟؟؟؟

مرمر

تم تعديل 10 نوفمبر 2007 بواسطة miramar

[امانى]

pps: كلية التجاره برده زميلة دراسه يعنى :aslam: اخيرا يارب :lol:

بس هو ايه حكاية مادة القانون مع طلاب كلية التجاره فى كل مكان فيكي يامصر بس انا عادى جدا :bro: مليش فى المحاسبة ولا القانون ولا الاداره

عزيزتي مدام امانى

انتى جميله حقا اجد الرقه والعقل والاتزان فى كل ردودك وانظر الى اليكي كزوجة متدينة محترمة ومثقفه واجدك فتاه من زمن الحب فى زمان ربنا وحده اعلم به اسأل الله التوفيق لكى وأسرتك حفظكم الله واعانكم على هذه الدنيا

بس بعيد عن ورقة الامتحان يعنى :sad: وياريت الاولاد ربنا يخليهملك اوعى يعرفو حاجه طبعا :blink:

اسمحى تقوليلي من هو الشخص الذى تتخذيه دائما قدوه ؟ ومن هو الشخص الذى تتمنى ان تقابليه ؟

هو الاسئلة لها حدود معينه ولا عادى اصلى سالتك كتير اوى ارجو متكونيش زهقتى

yaw: اخوكى عمرو

اخى العزيز عمرو اشكرك على كلماتك الرقيقة بخصوصى واسال يا عم زى ما انت عايز هو فى حاجة لسه تتسأل عموما

انا تحت امرك فى اى استفسار ونجاوب بقى على السؤالين بتوعك

الشخص الذى اتخذه قدوة دينيا هو الرسول عليه افضل الصلاة والسلام اما عن الاشخاص الموجودة فى دنيتنا حاليا فأنا

قدوتى فى الحياه هى والدى رحمه الله عليه فقد علمنى الكثير من طباعه كان يعطى ولا ينتظر المقابل محب لكل الناس

فأحبته كل الناس عمرة ما نام شايل من حد كان يقول الله يرحمه احسن حاجة فى الدنيا انك تنام صافى الزهن وقلبك عمران

بالحب لكل الناس وكانت دعوته لى دائما ربنا يحبب فيكى خلقه الله يرحمه ويسكنه فسيح جناته

الشخص اللى اتمنى اقابله صديقة لى من ايام الجامعة اسمها سناء احمد التونى هما اتنقلوا من الاسكندرية الى بورسعيد وكانت بتكلمنى

وفجاة انقطعت اخبارها يا ريت تكون بتدخل المنتدى وتقرا كلامى وتطلبنى على تليفونى ورقمه زى ماهو متغيرش

سؤال لك يا عمرو انت زملكاوى صح ولا غلطولو كنت زملكاوى ايه شعورك بعد النتيجة فرحان زى اخونا كوكوواوا؟

تم تعديل 10 نوفمبر 2007 بواسطة امانى

[امانى]

أماني كتبت :

الاخ العزيز ابو احمد معزرة كان نفسى ارد عليك دلوقت لكن الماتش قرب ادعيلنا من قلبك الاهلى يفوز وبعدين تفرج

الظاهر أخونا كوكومين دعا .......... :aslam:

أختى الفاضلة الأستاذة أماني :

هو سؤال على السريع :

ماهي المرحلة التي وصلت عندها في الحياة وشعرت أنك تقفين على نقطة تلاقي مفارق طرق لاختيار إحداها ؟

ولك تحياتي

كوكوواوا

تقصد يعنى يا اخ كوكواوا ان ابو احمد دعا علينا مظنش هو ممكن ميدعيش لنا لكن ميدعيش علينا وبعدين هو مقراش الكلام

الا بعد الماتش لانى قفلت الكمبيوتر فتحت التليفزيون لقيت الماتش اشتغل وبعدين انت فرحان كدة ليه عموما لكل فارس كبو ة

شوف بقى يا اخى العزيز سؤالك ده جدد عليا الجراح وكنت عايزة احتفظ بالاجابة لنفسى لكن من اسئلة الاخ ابو احمد حسيت

انه عايز يسالنى ليه سبت شغلى وسؤالك مرتبط بسؤاله وعلشان كدة حبيت اجاوب علشان يبقى مفيش علامات استفهام

ممكن تكون موجودة لو مجوبتش 0

كنت بشتغل والحمد لله كان ربنا موفقنى لاكبر درجة فى عملى وكان شغلى ليس له أى تأثير على بيتى وكنت سعيدة جدا

بعملى وكنت بعتبره هو كيانى الى ان شاءت ارادة الله ان يصاب زوجى بجلطة فى القلب دون سابق انزار طبعا مش هدخل فى

تفاصيل لأنها تفاصيل كلها مؤلمة طبعا زمايلى كلهم ورؤسائى الى جانب الاهل من الجانبين كانو بجوارى ومسبونيش ابدا وعمل

زوجى عملية تغيير الشرايين وتمت بنجاح والحمد لله وطبعا اولادنا كانو صغيرين محتاجين لوجودنا معا وبما ان زوجى اصبح بحاله

لا ينفع معها الانفعال كان لابد ان اتحمل مسؤليتهم كاملة على الاقل فى هذه الفترة خصوصا ان الاولاد عرفت ان لو عملوا اى حاجة

مش حقدر اقول او اشتكى لابوهم علشان ظروفه0 كان لازم وقفة معاهم ووقعت بين اختيارين والاتنين اصعب من بعض اما العمل

وكيانى اللى بحس بيه وانا موجوده فيه او الاولاد وتربيتهم تربيه سليمة ؟ طبعا كان الاختيار لصالح ابنائى أمومتى غلبت على احساسى

بقيمتى فى العمل وفعلا تركت العمل واتفرغت لاولادى والحمد لله كان اختيارى سليم دون ضغط من احد 0 صحيح انا بحن لشغلى

اوى لكن اولادى وبيتى وزوجى هما كل حياتى والحمد لله زوجى الان بصحة جيدة وانا و هو بنكمل رسالتنا فى الحياة من أجل اولادنا

يا رب اكون جاوبتك على سؤالك يا كوكوواوا وميكنش مفهمتش السؤال صح

امانى

تم تعديل 10 نوفمبر 2007 بواسطة امانى

[amrhoras]

للاسف اختى امانى انا لا احب الكره وان كنت اشجع اللعبه الحلوه مع عدم التميييز بين اى من الفرق خاصة انى كنت بتفرج على المباريات الدوليه فقط لا غير بس اكثر من 3 سنوات لم ارى ماتش كوره واحد :aslam:

رحم الله والدك ووالدى وكل اموات المسلمين فعلا انسان عظيم احسن تربيتك والانسان العظيم يموت جسدا فقط لكن سمعته وعمله يستمرون الى مالا نهايه تغمده رب العالمين برحمته واسكنه فسيح جناته هو كل اموات المسلمين وابي من الضمن يارب العالمين

نقوم هنا بدعوه وننادى :-

نداء الى الاخت سناء من السهل ان تجدى انسانه تحبيها لكن من الصعب ان تجدى من يقدر حبك له وانا اجد مدام امانى جديره بهذا الحب نرجو ان تعود المياه الى مجاريها

على فكره !

اختيارك كان صعب بس هو عين العقل والصواب وربنا يخليكو لبعض وتعيشوا دائما اسره سعيده ويديم عليكم نعمه الصحة والسعاده امين يار العالمين

والـــــــــــــف مليون سلامة لزوجك الغالى ارجو له دوام الصحه واعانه الله واعانك معه

هذا يحمسنى اكثر واشكرك على أن تأذنى لى بأن اسأل بحريه

ماذا تعنى لكى الطفوله ؟

اكثر لحظة سعاده ضحكتي فيها من قلبك؟

لحظه الم عاهدتى نفسك بعدها انك ستكونى كذا وتتخطيها ونجحتى ؟ اسأل الله ان لم تكن هناك لحظات الم لاختى الغاليه امانى

شكرا اخوكى عمرو

تم تعديل 10 نوفمبر 2007 بواسطة amrhoras

[kokowawa1979]

أماني كتبت :

زوجى عملية تغيير الشرايين وتمت بنجاح والحمد لله وطبعا اولادنا كانو صغيرين محتاجين لوجودنا معا وبما ان زوجى اصبح بحاله

لا ينفع معها الانفعال كان لابد ان اتحمل مسؤليتهم كاملة على الاقل فى هذه الفترة خصوصا ان الاولاد عرفت ان لو عملوا اى حاجة

مش حقدر اقول او اشتكى لابوهم علشان ظروفه0 كان لازم وقفة معاهم ووقعت بين اختيارين والاتنين اصعب من بعض اما العمل

وكيانى اللى بحس بيه وانا موجوده فيه او الاولاد وتربيتهم تربيه سليمة ؟ طبعا كان الاختيار لصالح ابنائى أمومتى غلبت على احساسى

بقيمتى فى العمل وفعلا تركت العمل واتفرغت لاولادى والحمد لله كان اختيارى سليم دون ضغط من احد 0 صحيح انا بحن لشغلى

اوى لكن اولادى وبيتى وزوجى هما كل حياتى والحمد لله زوجى الان بصحة جيدة وانا و هو بنكمل رسالتنا فى الحياة من أجل اولادنا

والله إنت إنسانة مثالية وعقلانية جدا ياأخت أماني - وأدعو الله سبحانه وتعالى أن يديم موفور الصحة والعافية على جميع أفراد عائلتك وخاصة زوجك - وأن يقيكم جميعا شر الأمراض .

على فكرة مين قال لك إني فرحان في الأهلي !!!

دي يا يادوب مداعبات بريئه لحبايبي الأهلوية في الموقع .

تحياتي لك ولجميع أفراد أسرتك الكريمة

[امانى]

اماني حبيبتي نورتي الكرسي

سؤال مصيري محتاج اجابة عاجلة؟؟

الكرسي مريح؟؟؟؟؟؟؟؟؟

مرمر

اختى الامورة مرمر

فى الحقيقة يا مرمر كنت خايفة قوى من الكرسى فى الاول بس بعد كدةلقيته مريح على الاقل اهو الواحد

بيفضفض مع الاخوة والاخوات من خلال اسئلتهم عن حاجات فى نفسه وبيعرف معاهم من خلال قراءة اجوبته

من هى امانى اطمنى الكرسى مريح على الاخر وبكرة تجربيه

امانى

[امانى]

الاخ العزيز ابو احمد معزرة كان نفسى ارد عليك دلوقت لكن الماتش قرب ادعيلنا من قلبك الاهلى يفوز وبعدين تفرج

عموما هرد عليك ان شاء الله ويارب اكون عند حسن ظنك وظن الجميع فى الرد

اختك امانى

احساسك ايه يا امانى بعد ما بن بلدك دعالك ؟

للاسف يا امانى مش قدرة تفرقي بين ابو احمد الشخص وابو احمد الزملكاوى !!!!! :lol:

حبيبتى نجوفه بدرية

والله يا بدريه انا شايفة ان ابو احمد ملحقش يدعيلنا يعنى لا دعى لنا ولا علينا وبعدين احنا كنا بنمثل مصر

يا ترى الزمالك ما بتحبش مصر ولا الاهلى بقى عقدة جميع الانديه بس مهما الزملكاوية يعملو عمرهم ما

يبقو زى جمهور الاسماعيلى اللى عينى عينك كدة فى الماتش رافعين رايات تشجع النجم الساحلى شفتى

انتماء لمصر اكتر من كدة قوليلى انت اهلويه ولا زملكاوية ولا بتشجعى اللعبة الحلوة اوعى تكونى زملكاويه

امانى

تم تعديل 13 نوفمبر 2007 بواسطة امانى

[امانى]

للاسف اختى امانى انا لا احب الكره وان كنت اشجع اللعبه الحلوه مع عدم التميييز بين اى من الفرق خاصة انى كنت بتفرج على المباريات الدوليه فقط لا غير بس اكثر من 3 سنوات لم ارى ماتش كوره واحد :lol:

رحم الله والدك ووالدى وكل اموات المسلمين فعلا انسان عظيم احسن تربيتك والانسان العظيم يموت جسدا فقط لكن سمعته وعمله يستمرون الى مالا نهايه تغمده رب العالمين برحمته واسكنه فسيح جناته هو كل اموات المسلمين وابي من الضمن يارب العالمين

نقوم هنا بدعوه وننادى :-

نداء الى الاخت سناء من السهل ان تجدى انسانه تحبيها لكن من الصعب ان تجدى من يقدر حبك له وانا اجد مدام امانى جديره بهذا الحب نرجو ان تعود المياه الى مجاريها

على فكره !

اختيارك كان صعب بس هو عين العقل والصواب وربنا يخليكو لبعض وتعيشوا دائما اسره سعيده ويديم عليكم نعمه الصحة والسعاده امين يار العالمين

والـــــــــــــف مليون سلامة لزوجك الغالى ارجو له دوام الصحه واعانه الله واعانك معه

هذا يحمسنى اكثر واشكرك على أن تأذنى لى بأن اسأل بحريه

ماذا تعنى لكى الطفوله ؟

اكثر لحظة سعاده ضحكتي فيها من قلبك؟

لحظه الم عاهدتى نفسك بعدها انك ستكونى كذا وتتخطيها ونجحتى ؟ اسأل الله ان لم تكن هناك لحظات الم لاختى الغاليه امانى

شكرا اخوكى عمرو

اخى العزيز عمرو معلش اتاخرت عليك شويه فى الاجابه يالا نبتدى نجاوب عن اول سؤال

ماذا تعنى لكى الطفولة؟ يااااااااااااااه يا عمرو الطفولة دى أجمل مرحلة فى عمر الانسان وانا كانت طفولتى

رائعة فقد كنت اول الابناء واول فرحتهم زى ما كان ابى وامى دائما يقولو انت اول فرحتنا وبرضه كنت اول الاحفاد

بالنسبة لاسرة ابى وامى فكنت مدلله من الجميع ومع ذلك كانت امى تغرس فيا مبادئ وقيم تكبر معىيوما

بعد يوم 0

السؤال التانى أكثر لحظة ضحكت فيها من قلبى وكنت فى منتهى السعادة يوم أن قرر والدى ان ياخذ والدتى لقضاء

العمرة وطلبت منه بعفويه كدة وقلت له خدنى معاكم علشان اخلى بالى منكم وكنت صغيرة فضحك والدى ضحكة

كبيرة وقال ماشى نخدك معانا تخلى بالك مننا وفعلا اخدنى معاهم وكانت دى لحظة سعادة لا انساها

لحظة سعادة يوم حصولى على الثانويه العامة وكان والدى وعدنى بشراء سلسلة ذهبية بعد النتيجة وفعلا وفا

بوعده 0 يوم سعادة يوم وضحكات من القلب يوم خطوبتى 0 لحظة سعادة لا انساها يوم ان رزقنا الله بابنى محمد

اجابة السؤال الثالث يا عمرو صعبة على نفسى

لحظة الم عاهدت نفسى بعدها ان اتخطاها ونجحت هى لحظة دخول ذوجى حجرة العمليات ولمدة خمسة ساعات

كانت هذة الساعات بعمرى كله حسيت انى انتهيت وجميع من كانو حولى فى وادى وكنت لوحدى فى وادى بعيد

ممسكة بأولادى وفى انتظار رحمة ربنا بينا الى ان جاء الفرج وبشرنا بنجاح العمليه0

لحظة الم عاهدت نفسى ان اتخطاها ونجحت هى قرارى بترك العمل كنت حزينة جدا لذلك لكن تخطيت هذا الحزن

لدافع اقوى واغلى منى وهما ولادى وزوجى لا انكر انى مريت بمرحلة من الحزن كبيرة ولكن لست نادمة ولو رجعت

الى ما حدث من تانى كنت هتخذ نفس القرار0

لحظة الم لا انساها هو وفاة والدى رحمة الله عليه وهى قريبة من حوالى عام ونصف وكان والدى وما ذال قيمة

كبيرة فى حياتى كان لى هو النور اللى بيهدينى احسست بعده انى بلا نور ولكن تغلبت على هذا الاحساس

وبما انى الكبيرة جمعت شمل اخوتى والتففنا حول امى نلتمس فيها العوض عن والدى والحمد لله على كل حال

يارب يا عمرو اكون وفقت فى ان اجيب عن اسئلتك ولك منى كل تحية

امانى

[badroora]

انتماء لمصر اكتر من كدة قوليلى انت اهلويه ولا زملكاوية ولا بتشجعى اللعبة الحلوة اوعى تكونى زملكاويه

والله يا امانى يا اوختى

انا اهلوبة بالاكراه ابويا مخلينا اهلوية غصب عننا

ابويا اتصلت به لما الاهلى انغلب والله بالصدفة ماكنت اقصد وانا ابويا انا بالذات دونا عن اخواتى مدلعة يعنى اى حاجة اقولها ابويا يقبلها فطمعت وبقولة مالك صوتك منفسن ليه بيقولى مافيش امى من بعيد اصله ماتله ميت قولت يا لهوي مين قول بسرعة قالى لا بس الاهل انغلب قولتله يا راجل ومزعل نفسك ليه ما يتحرق بجاز تعرفي رمي السماعة مرديش يكلمنى :lol: وقال لامى دى بتستهتر بمشاعري وانا ميته على نفسي من الضحك قولتلها اديهولى تانى مرديش يكلمنى غير بعدها بيومين لما هدى

ابويا لو حد من عياله جراله حاجة مش هيزعل عليه قد ما بيزعل على الاهلى لو انغلب او يجراله مكره تفتكر بقي يا امانى اقدر اكون حاجة غير اهلاوية وانا لسه فى ذمت ابويا

يعنى اللى بيتعمل فى باب الرياضة دا ميجيش ذرة من اللى ابويا بيعمله مع جيرانا الزملكاوية بيبقي ناقص يقتلوا بعض :lol:

يلا المهم

على فكرة يا امانى انتى بنت حلال اوى وجدعة جدا وكل ماقرا اى رد ليكي على اى سؤال ببقي سعيدة جدا بيكي وباحس قد ايه انك انسانة عظيمة

ربنا يباركلك يا رب ويهنيكي ويديكى على قد نيتك !!

سؤال كدا معلش

بتحبي الكوسة ؟ :lol:

تم تعديل 13 نوفمبر 2007 بواسطة Badria Mekkawy

[miramar]

سؤال كدا معلش

بتحبي الكوسة ؟

سؤال اخوه

بتحبي البطاطس ؟؟؟(اهداء الى النسر المصري)

مرمر

تم تعديل 13 نوفمبر 2007 بواسطة miramar

[امانى]

يلا المهم

على فكرة يا امانى انتى بنت حلال اوى وجدعة جدا وكل ماقرا اى رد ليكي على اى سؤال ببقي سعيدة جدا بيكي وباحس قد ايه انك انسانة عظيمة

ربنا يباركلك يا رب ويهنيكي ويديكى على قد نيتك !!

سؤال كدا معلش

بتحبي الكوسة ؟ :ninja:

اختى وحبيبتى بدرية أنا بصراحة مش عارفة اقولك ايه انت فعلا انسانة عظيمة بكل المقاييس 0 متشكرة على كلماتك

الرقيقة وربنا يسعدك ويحقق لكى كل امنياتك 0 نجاوب على سؤالك بتحبى الكوسة؟

شوفى يا بدورة أنا بحب الكوسة محشية باللحم المفروم مع الارز مبحبهاش مطبوخة و أولادى بيحبوها بالباشميل

ده لو كان سؤالك بخصوص الكوسة الأكل أما اذا كنت تقصدى الكوسة فى التعامل فأنا برفضها تماما مبحبهاش اطلاقا

بحس انها وسيلة رخيصة للوصول الى اى هدف من ورائها ربنا يكفيكى ويكفينى ويكفى الجميع شر هذا النوع من الكوسة

ولكى منى دول :lol:

امانى

[امانى]

سؤال كدا معلش

بتحبي الكوسة ؟

سؤال اخوه

بتحبي البطاطس ؟؟؟(اهداء الى النسر المصري)

مرمر

حبيبتى مرمر اسئلتك صعبة قوى اهو انا مش عارفة اقولك ايه شوفى يا مرمورة أنا بحب البطاطس قوى

بكل انواعها وهى عندنا زى السلطة لازم تكون موجودة كل يوم مع الأكل لدرجة ان لو نسيت أعملها فى

يوم الاقى الاولاد وكأن حاجة نقصاهم ويشتروا الشيبسى العائلى تعويضا عنها 0 بعدين انت بتسألى

بسؤال النسر كان هو المفروض انه يسألنى هذا السؤال بس هو زعلان منى معلش يا نسر خلاص

تحياتى يا مرمورة وخدى شمى دول :ninja: :lol:

[kokomen]

الأخت العزيزة : أماني

الظاهر المحاورين والمحاورات إنشغلوا عن طرح الأسئلة عليكي الفترة الماضية

وأنا كذلك مررت بظروف صعبة .. ومرت والحمدلله ثم أصابتني نزلة برد شديدة

في الرياض قبل نزولي إجازة نصف العام ووصلت الي الإسكندرية وأنا مريض

ولكن الظاهر إن المطر وجو أسكندرية صحصحني شوية .. علشان كده قلت

أوجه لأختي أماني شوية أسئلة علي الماشي كده .....؟؟؟؟ وننعش ذاكرة الأعضاء

ماذا يعجبك في هذا الوقت وأشهر الشتاء في الأسكندرية ..؟؟؟؟؟

كيف تحتفلين بعيد الأضحي ... ؟؟؟؟؟ وكل عام وأنتي وأسرتك بخير وصحة وسعادة

وكل سنة وأنتي طيبة وأسرتك الكريمة بعيد الأضحى المبارك

:h!!!h: :blink:

تم تعديل 16 ديسمبر 2007 بواسطة kokomen

[امانى]

الأخت العزيزة : أماني

الظاهر المحاورين والمحاورات إنشغلوا عن طرح الأسئلة عليكي الفترة الماضية

وأنا كذلك مررت بظروف صعبة .. ومرت والحمدلله ثم أصابتني نزلة برد شديدة

في الرياض قبل نزولي إجازة نصف العام ووصلت الي الإسكندرية وأنا مريض

ولكن الظاهر إن المطر وجو أسكندرية صحصحني شوية .. علشان كده قلت

أوجه لأختي أماني شوية أسئلة علي الماشي كده .....؟؟؟؟ وننعش ذاكرة الأعضاء

ماذا يعجبك في هذا الوقت وأشهر الشتاء في الأسكندرية ..؟؟؟؟؟

كيف تحتفلين بعيد الأضحي ... ؟؟؟؟؟ وكل عام وأنتي وأسرتك بخير وصحة وسعادة

وكل سنة وأنتي طيبة وأسرتك الكريمة بعيد الأضحى المبارك

:blush2: :unsure: :happy: :ninja: :blink:

الاخ العزيز ابو احمد اولا وقبل كل شئ حمدا لله على سلامة رجوعك الى ارض الوطن وكل سنة وانت طيب وجميع اسرتك

الكريمة بخير وسعادة بمناسبة عيد الاضحى المبارك اعاده الله عليكم باليمن والبركات

ثانيا اظن كفايه عليا قاعدة على الكرسى بقالى مدة طويلة يا ريت نرشح حد تانى يقعد علشان اقوم اعيد بقى

ثالثا بخصوص اسئلتك شوف يا ابو احمد انا بحب اسكندريه فى كل شهور السنه ومش هتصدق لو قلت لك انى بحبها فى

الخريف والشتاء بحبها فى الخريف بعد سفر المصيفين منها ويبدا الزحام يخف منها بحس انها دلوقت من حق الاسكندرانية

لوحدهم وبما انى بعشق البحر بس من بعيد يعنى بحب اقعد على الكرسى فى اول الشط واسرح بخيالى لبعيد

برغم الشتاء برضه بحب امشى امامه وكأنه بينادينى فى سر بينا مش عارفة ايه هو بحس ان فى ارتباط بينا كبير 0 عموما

اسكندريه حلوة فى اى وقت

اما بخصوص كيفية قضاء عيد الاضحى المبارك فأول يوم لا نخرج نظرا للذحام ونكتفى باننا نعيد على اصدقائنا تليفونيا وعلى جيرانا

بالعمارة ويقتصر الخروج على اولادنا مع اصدقاؤهم فقط

تانى يوم نقوم بزيارة اهل زوجى وقضاء اليوم معهم حيث يجتمعون جميع الاخوة والاخوات فى بيت العيلة

ثالث يوم بيكون الجو هدا بياخدنا زوجى ويخرجنا اما الى احد الانديه او لرؤيه فيلم او للتنزه فى المنتزة لانها قريبة منا وهو ده

اليوم اللى بنتنزه فيه فى العيد

رابع يوم فى البيت علشان الذحام وممكن نستقبل فيه ضيوفنا

طبعا الاولاد خارج الحسابات فهم كل يوم بيخرجو ا اما مع والدهم او مع اصحابهم

اتمنى اكون وفقت فى اجابتى على اسئلتك وكل عام وانت بخير وسلمتك الف سلامة ومنور الاسكندرية

امانى

[miramar]

مدام أماني انتي باين عليكي لسة متذنبة على كرسي الاعتراف بس انا هسالك سؤال بسيط عشان نشعلل الموضوع تاني تفتكري ايه ناقص في المحاورات ؟؟؟؟

مرمر

تم تعديل 11 يناير 2008 بواسطة miramar

[the prince]

انا جديد هنا خالص

ولكن تسمحيلي اسالك شويه اساله معتاده

لحد بس ماخد علي الجو في المنتدي بعد كده ..........

يلا معلش

بسم الله

ايه اخبارك؟

ايه اخبار المطبخ معاكي؟

ايه اخبار الكتب؟

اي كتاب بتحبي تقرايه؟

اي كاتب اثر فيكي جامد جداا؟

لو عاده الايام ايه اللي هتغيريه وليه؟

متزوجه؟

اي اكتر حاجه بتكرهيها؟

من اللي دلك علي المنتدي؟

مشتركه في اي منتدي اخر؟

اي البلاد اللي نفسك تزوريها؟

مين اكتر عضو ف المنتدي بتحبي تقراي مواضيعه؟

عضو كسلان؟

عضو مصتنع؟

عضو مبينزلكيش من زور؟

اقول ايه كمان .....ايه .......ايه

مش عارف خلاص كفايه

حرام

اسف علي الرزاله زعلي التطويل

وشكرا

[امانى]

مدام أماني انتي باين عليكي لسة متذنبة على كرسي الاعتراف بس انا هسالك سؤال بسيط عشان نشعلل الموضوع تاني تفتكري ايه ناقص في المحاورات ؟؟؟؟

مرمر

[/quote

مرمورة حبيبتى فعلا متذنبة على الكرسى مش لاقيه حد يتبرع ويقعد مكانى بعدين فينك مش باينة ؟ بتزاكرى ربنا معاكى ويوفقك

وتدخلى كليه الطب وتبقى دكتورة المحاورات

شوفى يا مرمر اذا كنت تقصدى ايه ناقص فى ابواب المحاورات فأنا شايفة ان المحاورات جمعت كل الاقسام وان كنت شايفة ضرورة وجود

باب للصحة يهتم بما يتعلق بصحة الفرد أما اذا كنت تقصدى بسؤالك ايه ناقص فى المحاورات بوجه عام يبقى انا حاسة ان المحاورات

اليومين دول ساكنه مفيهاش حيوية زى من فترة كانت كلها حيوية ونشاط وتوهج كمان انا حاسة ان بدريه تاركة فراغ كبير فى المحاورات

وبعض الاعضاء بدأو يبعدوا يمكن علشان الامتحانات مش عارفة كمان حاسة بحزن لقرار احمد فرحات بالرحيل عن المحاورات لانه

من المحاوريين الاكفاء والمحترمين كفايه كدة يا مرمر يا ترى هل المقصود من سؤالك ما جاوبت عليه ولا انا فهمت سؤالك خطا عرفينى

امانى

[امانى]

انا جديد هنا خالص

ولكن تسمحيلي اسالك شويه اساله معتاده

لحد بس ماخد علي الجو في المنتدي بعد كده ..........

يلا معلش

بسم الله

ايه اخبارك؟

ايه اخبار المطبخ معاكي؟

ايه اخبار الكتب؟

اي كتاب بتحبي تقرايه؟

اي كاتب اثر فيكي جامد جداا؟

لو عاده الايام ايه اللي هتغيريه وليه؟

متزوجه؟

اي اكتر حاجه بتكرهيها؟

من اللي دلك علي المنتدي؟

مشتركه في اي منتدي اخر؟

اي البلاد اللي نفسك تزوريها؟

مين اكتر عضو ف المنتدي بتحبي تقراي مواضيعه؟

عضو كسلان؟

عضو مصتنع؟

عضو مبينزلكيش من زور؟

اقول ايه كمان .....ايه .......ايه

مش عارف خلاص كفايه

حرام

اسف علي الرزاله زعلي التطويل

وشكرا

الاخ البرنس . كل دى اسئلة حرام عليك هو انا فى امتحان ومش عارفة عموما علشان انت جديد بالمنتدى بارحب بيك وهجاوبك

على كل اسئلتك نبدا بالسؤال الاول والتانى أخبارى الحمد لله بخير واخبار المطبخ تمام بعرف اطبخ كويس بشهادة الجميع

اخبار الكتب قليلة كان زمان عندى وقت اقرأ وكنت احب اقرا ليوسف السباعى والقصص القصيرة ليوسف ادريس دلوقت مفيش وقت

يعنى يا دوب اقرا الجريدة اليومية واقرا مواضيع المحاورات

لو عادت الايام تانى ايه اللى هغيره معتقدش كانت حاجة هتتغير كلها مقدرات ربنا وكنت هعيشها كما عشتها

متزوجه ايوة متزوجة وعندى ولدين

اكتر حاجة بكرهها النفاق والنفاق يشمل حاجات كتيرة منها الكدب والخبث والتقرب على حساب الغير ربنا يبعدنا عن هذه الرزيلة

مين دلنى على المنتدى صديقة لى

لست مشتركة فى انديه اخرى

احب ازور فى مصر مدن الصعيد لانى لم ازورها خصوصا اسوان والاقصر وخارج مصر اروح فينيسيا او فيينا

تسال من اكثر عضو احب ان اقرأ مواضيعه

انا هجاوبك بدون تحديد خلينا نقول ايه اكتر باب تحب تقرأى فيه . انا بحب جدا باب الادب والقراءات والشعر وفى الحقيقة كل اللى بيكتبوا

فيه رائعين دون استثناء

اكتر عضو كسلان انا لأنى كنت بحاول اكتب بدايات شعر لكن توقفت واكتفيت بالقراءة لكل الابواب والرد عليها

عضو مصطنع يعنى ايه معتقدش فى المحاورات اعضاء متصنعين الكل طبيعيين والكل صريح والكل يعبر عن رأيه فى وضوح

عضو مبينزليش من زور الحمد لله مفيش عضو فى المحاورات احس تجاهه بهذا الاحساس الكل محترم والكل ناضج حتى صغار

الاعضاء الكل بحس انهم اخوتى واخواتى محاورين ومحاورات

تقول ايه كمان هو لسه فى اسئلة مسألتهاش على الله اكون جاوبتك باللى عايز تعرفه واهلا بيك مرة ثانية اخا بيننا بالمحاورات

امانى

تم تعديل 11 يناير 2008 بواسطة امانى