كرسي الاعتراف

[inas]

والله يا س س شما ريحة غدر في الموضوع والله اعلم ;)

وبعدين هو عشان فنرة استجوابك انتهت خلاص تشمت في العضو الغلبان ابن الحلال الي حيعد مكانك :D

مكنتش اتخيل ان حاجه زي كده تطلع منك انت يا س س :)

انت بتتهرب ليه من اسالتي

وده مقرر اجباري

في ازواج كتير بعد الجواز بيندمو هل انت واحد منهم ؟؟ وليه؟؟ اوعى تقول اه لحسن مسج صغير يوصل للمدام

جاوب بصراحه مطلقه :angry:

[nancy]

يا جماعة س س كان كريم معانا طول الوقت الى كان فية على الكرسى

فالمفروض ان اختياره للشخص الى بعدة لا يرد دى اصول اللعبة

هه اخترت مين يا س س؟؟؟؟؟ :rolleyes:

[نانو]

يا اناناس يا صاحبه الموضوع

س س

كان شخص مثالي جاوب كل الاسئله بكل صراحه واجابات وافيه و مقنعه

و ما كروتش بمعني اصح في الشغل الموكل ليه

يعني ابسط حاجه ان الراجل ده يكرم وياخد جايزه

علشان يبقي مثل يحتذي به بعد كده لكل واحد يتربط في الكرسي ده

علشان كده احنا لازم نكافئه بانه يختار هو العضو التالي

[lonly in cold night]

يا جماعة س س كان كريم معانا طول الوقت الى كان فية على الكرسى

فالمفروض ان اختياره للشخص الى بعدة لا يرد دى اصول اللعبة

هه اخترت مين يا س س؟؟؟؟؟ :rolleyes:

يا اناناس يا صاحبه الموضوع

س س

كان شخص مثالي جاوب كل الاسئله بكل صراحه واجابات وافيه و مقنعه

و ما كروتش بمعني اصح في الشغل الموكل ليه

يعني ابسط حاجه ان الراجل ده يكرم وياخد جايزه

علشان يبقي مثل يحتذي به بعد كده لكل واحد يتربط في الكرسي ده

علشان كده احنا لازم نكافئه بانه يختار هو العضو التالي

والله يا ايناس يا بنتى شكل الموضوع بيتظبط عليكى انك تقعدى على الكرسي

كلهم عاوزين يكافئوا س س بانه هو اللى يختار

و واضح انك حانشوفك بكره على الكرسي

قلبي معاكي

[inas]

مين ده تكافؤوه ودبسوني انا

انا عرفا س س مش هيرحمني

بمناسبة انتهاء فترة استجوابك يا س س احب اكرمك

ولك مني تلم الهدايا

(لعقل الباطن: ابقى افتكرني حاول حاول)

ومنحناك التاج ده

ولك مني هذه الهديه باسم المنتدى ( العقل الباطن : ايكش يطمر فيه وميختارنيش :rolleyes: )

الا محدش شاف س س تلاقيه بيكمل ال8000 في حته تانيه

[Eldisel]

لا ياجدعان انا مش من رقي ان س س يختار حد

انا رئي ان س س يرشح تلات اشخاص ويتم الاختيار من قبل الاعضاء ... خلينا ديمقراطين

ملحوظة:

يا س س انت مسؤل من الاسئلة الي اتسألتلك لازم تجاوب عليها ... بليز ... بليز :wub:

[النسر المصري]

ماهو طنشني انا كمان ياديسل...وماردش على أسألتي......وقال ايه اني دا خل الموضوع بالغلط B)

يعني جاوب على الأسئله اللي هو عاوزها وساب اللي مش عاجبه ..

ده انا لو منه وانتم عارفين اني راجل ضيموغرراقي .....انا كنت جاوبت على كل سؤال يتسأل حتى لو كان محرج لان دي امانه انا قبلت اني اشيلها...مش اطنش!!

بس بردو ماتنساش انه ده سين سين باشا........صاحب حضارة تمنتلاف مداخلة... يعني ان كنت زعلان لازم تسامحه :wub:

صحيح انت مش لازم تسيب حقك ولازم تجبره انه يجاوب على أسئلتك....وحقك كمان تزعل منه!! :wub: -_-

بس بردو لازم تسامحه لان سين سين كبيرنا كلنا!!! :D

بس مش لازم تسيب حقك B)

تم تعديل 19 ديسمبر 2006 بواسطة النسر المصري

[inas]

بالفعل هي دي شروط اللعبه التصويت :wub:

انا اايدك بشده :wub:

[Eldisel]

يا سلامممممممممممممممممممممممممممم

ما اجمل احساس الاب عندما يجد ابناءه يشاطرونه افراحه واوجاعه

وعشان كده اليكم القرار الديكتاتوري التالي

" قرار ديكتاتور سين سيني رقم 8000 تقسيم كاف

بهذا قررنا نحن سين سين ملك المحاورات والمنتديات المجاورة بأن يكون لقب التخاطب من الاعضاء لرفعة الباشا هو كالتالي :

1- عضو عامل مداخلاته اكثر من 5000 ... ده مسموح له يندهلي ويقولي يا " آبيه "

2- "" " 3000 واقل من 5 باكو .. "" " بابي " مش my door قصدي my mother يعني بابا

3- " " 1000 واقل من تلات بواكي " " " اونكل "

4- عضو عامل " " 300 واقل من باكو " أبا الحاج سين سين "

5- عضو عامل عامله سودا ومداخلاته 300 وانت نازل ده مالوش كلام معايا اساساً الا لما يجيب حده يضمنه او على الاقل يثبت لي انه مطلع بطاقة الرقم القومي

ينفذ القرار من ساعته وتاريخه وابقى اشوف حد يخالف القرار ده عشان اعلقه على باب شئون المحاورات

طب حد يضمني بقى عشان الكلام كدة مع السيد س س بقى بوسطة وهو اعلن ان حضارة8000 بتعتة ياعم يانسر يامصري دكتاتورية

ياعني ابتدى يتعالى على المواطنين الغلابة :wub:

واحنا الي كونا عاوزين نرشحة قدام جمال مبارك في الانتخابات الجاية :wub: -_-

تم تعديل 19 ديسمبر 2006 بواسطة Eldisel

[se_ Elsyed]

هه اخترت مين يا س س؟؟؟؟؟ :wub:

اصبري على الرز احسن يشيط يا نانسي

الشعب مش طلب ديمقراطية وتشريح

ماشي يا شعب

بعد ما خلص الكام سؤال اللي في ايدي هاشرح تلاته تختاروا انتو بقى بينهم واهو كل سنة وانتو طيبين العيد الكبير قرب وقرررب قرببببب واللي ما يشتري يتفرج

[se_ Elsyed]

اناناس

س : في ازواج كتير بعد الجواز بيندمو هل انت واحد منهم ؟؟ وليه؟؟

ج : بالعكس والله ده انا اي حد بيسألني عن الجواز بأقوله " الجواز اصلاح وتهذيب واصلاح "

--------------------------

ديزل اللي عامل لي زي عفريت العلبه

1- ما هو اجمل شعور احسست بية ؟

ج : شعور الابوبه - زي الامومة كده - بكره تتجوز ( ابقى قابلني ) وتعرف

2- و ما هو اجمل شعور انت مفتقدة ؟

ج : شعور النجاح في بلدي

3- وما هو الشعور الذي لا تعرف طعمة وتتمنى معرفتة ؟ وشعور اخر لاتتمنى معرفتة ؟

ج : الفُنضام

ايه يا عم الاسئلة الارتوازية دي ؟ قلنا الاسئلة تبقى في مستوى الطالب المتوسط

4- ولو انت لم تولد في هذا الزمن دة , اني زمن كنت تتمنى تكون اتولت فية ؟ اية اللحظة الي انت نفسك ترجعلها من الزمن الي فات ( ازكر زمنين تلاتة اربعة )

ج : مش هاقول زمن الرسول او الصحابه الاوائل لانهم كانوا رجالة وعلى قدر المسئولية وشكلي كده ماكنتش هاضيف لهم حاجة .... لكن بجد كان نفسي ابقى مع صلاح الدين او قُطز لانهم بنوا بلادهم من الصفر وفعلاً حفروا في الصخر ولم يجدوها على طبق من فضه .

5- اية اجمل دعوة سمعتها من الست الولدة ليك ؟ واية اجمل دعوة بتدعيها لولادك .. ولزوجتك ؟ ولا مبتدعلهمش!؟

اجمل دعوة من والدتي هي : ربنا يُستر طريقك

بأدعي لولادي واقولهم : ربنا يكفيكو شر حاكم ظالم والمعنى في بطن سين سين

مراتي ما بتدعليش الا واحنا راجعين مُحملين بالمشتروات وبتقولي : ربنا يخليك لنا ( بس شكلها ما بتكملش الدعوة لان الدعوة الصحيحة هي ربنا يخليك لنا وتدفع )

- من ترشحة ليكون خليفتك على الكورسي ؟ ولية ؟

ج : يا خبر النهاردة بفلوس واوعى تغير المحطة

[se_ Elsyed]

اطلعولي بقى من ورا الستارة

واللي كلته بط بط هاطلعه عليكو وز وز

1- النسر المصري

2- نورا

3- ايناس

والاتنين الاخرانيين دول ممكن نربطهم في كرسي واحد، واحده نربطها في الكرسي نفسه والتانية تتربط في رجل الكرسي عشان تحرموا تعملوا فيها تنظيم الاخوة الاعداء ،

ولو انهن ما يستحملوش توصيلة في سلك متوصل فيه حجر قلم

لذلك انا شخصياً هأعطي صوتي بكل نزاهه للـ

النسر المصري

واهو الواحد وهو بيضرب فيه يبقى مُستحضر صورة النسر المصري الاصلاني ..

وكما قال اللمبي

اللي بيحضر العفريت يصرفة

ولو ما عرفتش تصرفوا يبقى بتحضرو ليه من اشاسه

[Folana]

السلام عليكم ورحمة الله ....

س.س. سى سيد الحبايب يا ضنااااااااااايا انت...عين أمك يا خويا ..انت لسه متكتف هنا؟...امال حتترحل امتى؟ :angry2:

[inas]

للاسف مش هقدر اصوت الاسبوع ده ولا نوه ولا نسر لهم الحق في التصويت طالما مرشحين

شكرا يا س س طمر فيك الرشاوي :angry2:

مرشحين الاسبوع:

1. النسر المصري ( صوت واحد)

2.إيناس ( لايوجد)

3. نوره ( لا يوجد)

يلا بسرعه يا جماعه صوتوا اليوم اخر يوم

تم تعديل 19 ديسمبر 2006 بواسطة inas

[darker19]

س س (كفانة يا معنمي)

هما فكوا أسرك خلاص - ألف مبروك يا باشا و تعيش وتاخد غيرها و إن شاء الله يرشحوك لفترة تانية يعني الي أعدين عالكراسي دول أجدع منك

(إيه الي أنا بقوله ده شكلنا هانروح في داهية) :angry2:

أصدي يستدعوك للإستجواب مره أخرى أمام مجلس شعب المحاورات الموقر.....

(يادي النيلة شكلي أنا الي هايستجوبوني في الحجز) :)

نهايته حمد الله عالسلامة

للمرة الثانية على التوالي أرشح إيناس و على فكرة يا جماعة إيناس كمان إسبوع مش هاتقدر تشارك معانا لمدة شهر تقريبا لسوء الطقس و الحالة الجوية في المنطقة الي هيا مقيمة فيها....

فنصيحة إلحقوها دلوقتي عشان بعدين مش هاتعرفوا تصطادوها, أنا بتكلم بجد كمان اسبوع مش هاتكون معانا.....

شوفتوا الندالة :D

تم تعديل 19 ديسمبر 2006 بواسطة darker19

[عازفه على أوتار الذهب]

بصوت بأعلى صووووووووووت

:angry2:

اينااااااااااااس

اينااااااااااااااس

ايناااااااااااااس

عشان تبطلي يانونا تربطي الناس فكراسي :) ...

كان نفسي الحقك يا س س..

بس مش عارفه ليه حظك حلو معايا كده

كل ماكنت آجي اكتبلك سؤال حاجه تعطلني

بس الاخوه الافاضل قاموا معاك بالواجب..

كفاره

حمد لله عالسلامه

تم تعديل 19 ديسمبر 2006 بواسطة عازفه على أوتار الذهب

[inas]

طيب ماشي يا نسر

(العقل الباطن : يارتني كنت اخترتك :angry2: عموما ليك يوم)

شفت يا نسر

ماشي يا داركر يعني انا مسكرته الموضوع عشان افلسع من الكرسي تفتن عليا شفتو الاخوه

دي طلعت امتى انا كتبت الرد لقيت حد رادد تاني شكرا يا دهب ماشي(وجه شرير)

التصويت وصل الى:

1. النسر المصري ( صوت واحد)

2. إيناس (صوتين)

3.نوره ( لايوجد)

تم تعديل 19 ديسمبر 2006 بواسطة inas

[عبده بيه]

انا ارشح

ايناس

وبون كوراج بالجيم المعطشة

يعني مجهود حسن نسيت ان ثقافتك الماني مع تحياتي

بردوه ايناس

[nash]

اكيد آآآآآآي بيبول

فيه غيرها ....أناناس

[نانو]

و انا كمان

اناناس