كرسي الاعتراف

[قلب ابيض]

بس اوعى تعمل زى اقلب ابيض اقعدت على الكرسى واقامت ولحد دلوقتى مجوبتش على أسألتى ؟؟

حراااام عليك ياحج محمد :wub: انت ليه مش طايقنى ؟؟؟

انا جاوبتك فى الاخر واعتذرت لك عشان اسألتك سقطت سهوا منى

وبعدين عاوزنى بعد مابلغت من العمر ارذله افتكر ممجموع الثانويه العامه ازاااااى؟؟

ماشى يا عنبو "حلوة و اوى عنبو دى يا ياسر"

[enjisultan]

اية يا رجالة الافترا دا

اية الاسئلة دى

ياسر ما تجاوبش غير على انت عايزوا

يا جماعة مش معقولة فين الخصوصية

كدة دا مش كرسى الاعتراف دا تعذيب

خلاص يا ياسر الاجابات السرية ابعتهالى على الخاص بقى وامرك للة :wub:

[الباشمهندس ياسر]

السؤال الاول ؟؟

انت خطبت كام مره ؟؟

3 مرات

كام مره انت اللى فركشت وكام مره هم اللى فركشوا ؟

انا فركشت مرتين و اتفركشت مرة

ما هى مواصفات شريكة حياتك ؟؟

بنت ناس و تكون بتفهم اوى و أمورة طبعا

هل تقبل ان تتزوج واحده اكبر منك فى السن ؟؟ حدد عدد السنين المقبوله ؟؟

مفكرتش فيها كده ... انما لو حبيت واحدة اكبر منى ايه المانع

انما احب ان عروسنى اصغر منى

لما ربنا ان شاء الله يرزقك بالزريه الصالحه

لو ولد هتسميه ايه ولو بنت هتمسها ايه ؟؟

نفسى ف بنوته و اسميها اشرقت و لو ولد الاول يبقى علام غالبا ( الا لو اخوبا سماه )

و بعد كده اسماء عربية للصحابة رضى الله عنهم

بترشح مين يكون نقيب العزابيه من بعدك ؟؟ للاجابه على هذا السؤال يجب الاختيار مما بين القوسين

(( محمد العنبى - الحاج محمد الروش - الكيميائى الروش ))

عنبو حبيبى

هل انت شخص مادى او شخص معنوى ؟؟ يعنى لو زعلت تحب اللى يراضيك يراضيك بحاجه معنويه ولا بماديه ولا الاتنين مع بعض ؟

معنوى جدا

جاوب على دول ياهندسه لما ارجع من الموقع هكمل ؟؟

بس اوعى تعمل زى اقلب ابيض اقعدت على الكرسى واقامت ولحد دلوقتى مجوبتش على أسألتى ؟؟

[الباشمهندس ياسر]

طيب يا هندسة ...

طالما إنك بتقول إن مافيش خطوط حمراء ولا بامبى مسخسخ

فهاسألك سؤالين جامدين شوية ..

معليش بقى .. استحمل أخوك

هم في الحقيقة سؤال وطلب

أما السؤال فهو:

هل تمنيت أن تكون إحدى العضوات في المحاورات زوجة لك ؟!!

نريد الإجابة بذكر أسماء صريحة, لا بالكلام النظري...

من جهة تمنيت فأنا تمنيت فعلا ... و لكن ما على الدنيا عتب كل ما فيها امانى

اما عن اسمها ... قعندى سؤال انت متأكد انك مبتشمش كولة بالليل يا صاحبى

اصل لو بتشرب حشيش مش هيعمل معاك كده فعلا :closedeyes:

أما الطلب فهو:

أخبرنا عن أي سرّ في حياتك لا يعرفه أحد إلا المقرّبين جداً منك في عالمك الحقيقي ..

تقريبا معنديش اسرار ... انسان واضح وضوح الشمس

بس افتكر ان علاقاتى الخاصة بتاعتى انا و بس

و معتقدش انها هتفيد حد هنا ف حاجة و الحمد لله انا مش بقصر فى اى افادة لاى حد فى اى سؤال

[الباشمهندس ياسر]

واللة العظيم كنت داخلة اقول ل grapes نفس الكلمة هوة كلة ضرب ضرب مافيش شتيمة وانت اخدت الكلمة من على لسانى يا ياسر عمرك اطول من عمرى

اية يا عنبو بالراحة على الراجل شوية دا لسة داخل وقاعد عل الكرسى وما خدش نقسة ويعدين ماتفرحش اوى كدة لك يوم لما كلكو فتوات امال مين اللى حينضرب (وش توفيق الدقن فى فيلم مش فاكرة اسمة من سلسلة الحرافيش )

ربنا يديك الصحة و طول العمر و حسن الختام

ياسر باشا السؤال الاول جاوب واوعى تقول الاجابة تونس

1.هل تؤيد عمل المرأة يعنى شايف ان الست لازم تشتغل فى الزمن دة

مش عارف اقولك ايه و الله

زمان كنت رافض عمل المرأة اظلاقا ... معندناش ف العائلة ولا واحدة بنشنغل

لما كبرت و شفت اشباه الرجال ... حسيت ان اللى خظها يرميها ف واحد كلب ... اكيد لازم تشتغل

و خصوصا اذا كانت من عائلة ظروقها متواضعة

2.ولا موافق من ناحية المبدأ يعنى اذا كان هناك داعى مثلا زيادة دخل الاسرةومساعدة الزوج او بحكم شهادتها مينفعش تقعد فى البيت زى زوجى مثلا بيقولى لو ماكنتيش دكتورة ماكنتش خليتك تشتغلى

دخل الاسرة ده مسؤولية الراجل شكلا و موضوعا ... انما لو تفضلت فيبثى بها و نعمت

و بالمسبة لطبيعة المهنة فالدكتورة مثلا و المدرسة برده و الممرضة و هكذا

من اهم المهن اللى مينقعش نستغنى عنهم كمجتمع

3. ترفضة مهما كانت الظروف ومش حتخلى زوجتك تشتغل

انا شحصيا مش ناوى اشغل مراتى .. و عشان كده مش هتجوز دكتورة.

( مرة رحت اشوف عروشة دكتورة و قالت عليا مش متدين .. :closedeyes: ... ع اساس انى رايح اخطب بنت تيمية مثلا )

انا عايزها تبقى فاضية ليا و بس

انت مكنتش انت تدلعنى مين هيدلعنى

راجعالك تانى انت لسة شفت حاجة

u r welcome

[enjisultan]

باشمهندس ياسر انت :closedeyes:

[قلب ابيض]

صباح الفل يا ياسوووور

خش عالمطلوب :

فى حياه كل منا نقطه تحول 00ايه نقطه التحول بالنسبه لك ؟

امتى ؟ وازاى؟ ومدى تأثيرها على حياتك الان

اعرف عنك انك شاب متفتح ومحتفظ بشرقيتك فى آن واحد 000سؤالى :

هل تسمح لزوجتك " ان شاء الله " بأن تكون لها صداقات من الرجال " مش زماله 00صدااااااقه "

أقرب عضو فى المحاورات الى قلبك00" عضو او عضوه "

لو بنتك " قول ان شالله" فى سن مراهقه 00ولانك عصرى جدا واب روش ومقرب لآبناءك وجت فجأتك وقالت لك :

يابابابحب زميلى فى المدرسه 00هاتعمل ايه؟؟؟

كلمه تقولها لـ ياسر

كلمه تقولها لى " قلب ابيض"

استنانى ها اشقر على شومبونجو وانقح لك كام سؤال وراجعه :closedeyes:

[عنبو]

تحيه خاصه للمهندس ياسر على شجاعته فى الاجابه على الاسئله

ويارب يياسر ولا هقولك هدعيلك وانا فى الحرم ان ربنا يرزقك بواحده بنت حلال مصفى

[elfakhrany]

الباشمهندس ياســر .... حبيب قلبى وقعت ومحدش سمى عليك wst::

هسألك كام سؤال خفيف عشان لما أقعد على الكرسى تظبطنى fty:: يعنى هراعيك وتراعينى :wub:

1- ماهى أهدافك فى الخمس سنوات القادمة ؟

2- هل تفكر بالعودة إلى مصر فى المستقبل القريب أم انك من مؤيدين الهجرة إلى الغرب ؟

3- فى حالة الزواج إن شاء الله هل تحلم بعدد صغير من الأبناء 1 أو 2 أم تريد عدد كبير 5 أو 6 ؟

4- ما الشيىء اللذى تمنيت تحقيقه ولم يتحقق حتى الأن ؟

5- ما هى الرياضات التى تحب ممارستها ؟

كــــفاية دول دلــوقتى :wub:

[ام بودى]

شكرا على الاجابات يا باشمهندس وادى الدفعة الجديدة

1.ما هى ابرز عيوبك ( وبلاش انى صريح وطيب واللى فى قلبى على لسانى الخ...غيرةقول لتا عيب او صفة ما ببتحبهاش فى نفسك)

2.هل تتقيل التقد بصدر رحب وهل ترضى ان يصارحك حد بعيوبك

3.هل انت كتاب مفتوح لعائلتك ويتدخلوا فى شئون حياتك ام علاقتك بهم على احسن ما يكون لكنك عايش مع نفسك ولك عالم خاص

4.الاختلاف فى الرأى لا يفسد للود قضية ..الى اى مدى تؤمن بهذا المبدأ وهل تطبقة عمليا وهل تعرضت لمواقف انتهت بسلام لانك تؤمن بهذا المبدأ؟

دى اسئلة عن ملامح وسمات الشخصية والاسئلة اللى جاية حنكون انسانية دون تعرض لامور شخصية

[الباشمهندس ياسر]

ههههههههههههههههههههههه

لا خلاص العم ياسر وقع فى الفخ جاوب بقى ياعم والحق يتقال الاستاذ سهل بيسأل اسئله سهله جداً

اما الدكتوره ام بودى فشكلها كده بتسحب رجلك لحد لما تجاوب وبعدين هتلاقى أسئله تانيه ؟؟

معلش ياسر فكرت برضه فى شوية اسئله كده

انت تفكر براحتك يا عنبو و انا على التنفيذ ... ( ليك يوم يا جميييييييييييل ) wst::

طيب ايه الاغنيه اللى حسيت بجد انها يتعبر عنك ؟؟

بصراحة يا صاحبى ... صعب اوى انك تختصر حياتك ف أغنية واحدة

انما ممكن كل موقف تلاقيه بيتناسب مع اغنية معينة

عموما : انا بسمع مدى كبير اوى م الاغانى ... صعب اوى اختصر

ازاى بتعبر عن فرحك ؟؟

حسب نوع الفرحة...

اوقات اشترى دبيحة و اوزعها

اوقات تلاقينى ماشى بغنى

احيانا نادرة جدا تلاقينى شغلت المزمار البلدى و رقصت عليه ... بلا تانجو بلا سامبا بلا كلام فاضى

ازاى بتعبر عن غضبك ؟؟

برده حسب الوقف يا صاحبى ...

اوقات كتيييييييير بعديها .. ( اللى تعرف تاخدها ف مجالك خدها )

اوقات بتمالك اعصابى و بفهم اللى قدامى الصح فين و الغلط فين بالادب

اوقات قليلة جدا بضطر انى اغلظ القول و يمكن اخبط كلمتين ناشفين شويه

نادرا ما بوصل رد الفعل لاكتر من كده انما من كام شهر نزلت م السيارة و ضربت واحد لانه مكنش ينفع يتعمل معاه غير كده

كفايه كده يياسر

اية يا رجالة الافترا دا

اية الاسئلة دى

ياسر ما تجاوبش غير على انت عايزوا

يا جماعة مش معقولة فين الخصوصية

كدة دا مش كرسى الاعتراف دا تعذيب

خلاص يا ياسر الاجابات السرية ابعتهالى على الخاص بقى وامرك للة

انتى تؤمرى يا دوك

بس هتدفعى كااااااااااام؟؟؟ :waf:

[الباشمهندس ياسر]

صباح الفل يا ياسوووور

مساء الورد و الهنا و السرور

و كوبايات الفرحة ف صوانى بتدور

خش عالمطلوب :

استعنا بالله على الشقى

فى حياه كل منا نقطه تحول 00ايه نقطه التحول بالنسبه لك ؟

امتى ؟ وازاى؟ ومدى تأثيرها على حياتك الان

ياااااااااااااااااااااااااااااااااااااااااااه

تخيلى حجم التنهيده اللى طلعت لما قريت الكلام ده.!!!

عموما هجاوبك يا قلب ابيض

ف السؤال بتاع عنبو .. خطبت و اتفركشت ... انا قلت انى اتفركشت مرة

و لان دى كانت اول مرة ف حياتى يحصل معايا كده... حسيت بصدمة صعبة اوى

الموضوع اننا وصلنا مع بعض لحائط سد فى مسألة معينة ... و مكنش ينفع فيها التهاون بأى طريقة إطلاقا

يعنى كانت مسألة اكون او لا اكون... و اهتديت الى انى اسيبلها قرار اننا نستمر بعد تعديل وضع معين او منستمرش

اختارت منستمرش و انفصلنا فعليا..

و دى كانت اول و اخر مرة حتى الان اكون مقدم شبكة و بنجهز لكتب الكتاب و الزفاف ...

لدرجة اننا كنا بنتناقش فعلا فى امور ترتيب حياتنا ووضعها و كده يعنى

لما البنت اختارت الانفصال ف سبيل انها متتنازلش عن عادات معينة .... أوشكت ان يجيلى اكتئاب

و قررت انى اعتبر الموقف ده سبب رئيسى لاعادة حسابات كتير اوى عندى

و قررت برده انى اوسع قراءاتى و علاقاتى الى اوسع مدى علشان اقدر افهم طريقة تفكير البنات اكتر

الكلام ده حصل من سنة تقريبا

دى كانت اخر نقطة مراجعة طريقة تفكير ف جزئية معينة ف الحياة

اعرف عنك انك شاب متفتح ومحتفظ بشرقيتك فى آن واحد 000سؤالى :

هل تسمح لزوجتك " ان شاء الله " بأن تكون لها صداقات من الرجال " مش زماله 00صدااااااقه "

تؤتؤ

م الاخر ... انا راجل بيغير م النسيم الطاير

أقرب عضو فى المحاورات الى قلبك00" عضو او عضوه "

بعتبر كل الجروب بتاعنا هنا اخوانى و اخواتى فعلا و الله

و كل يوم بحبهم اكتر م اللى قبله و نفسى نكرر التجربة بتاعت لقاء المحاورين اكتر و اكتر و نتعرف بشكل واقعى اكتر

لو بنتك " قول ان شالله" فى سن مراهقه 00ولانك عصرى جدا واب روش ومقرب لآبناءك وجت فجأتك وقالت لك :

يابابابحب زميلى فى المدرسه 00هاتعمل ايه؟؟؟

wst:: :waf:

الطبيعى انها هتقول حاجة زى كده لمامتها مش ليا انا ... بس هنقول مثلا مثلا انه حصل

و ماله يا حبيبتى ... اروح اخطبهولك ان شاء الله

بجد بقى ... ان شاء الله هحاول اعمل التالى

هحاول اتعامل مع الموقف و أكلمها عن معنى ان البنت تكون مرغوبة و انها دائما مطلوبة و ليست طالبة

( مع انى حسيت احساس انك تكون مرغوب و بشدة كمان ... احساسا اكثر من رائع و الله )

هحاول افهمها ان اى مشاعر ف المرحلة دى بتبقى مشاعر مضطربة و مش صحيحة و ان الهدف منها انها تحس احساسا الارتباط العاطفى

و ربنا يستر و منساش كل اللى قلته ده و القى نفسى بقولها باللهجة الصعيدى الاصيلة

جبر يلمك

سيبك من كل الخرابيط دى و الا قسما عظما فيها دفنك حية و بطلناها المدارس .. الله يولع ف المدارس و اللى عملوها

وف قاسم امين مطرح ما اتكحت ...ربنا يبعتله جملين فحم ... و ف هدى شعراوى مطرح ما غوروها ف مصيبة

الترجمة لمن تهمه الترجمة

الخرابيط : التخاريف

دفنك حية : وأدك ف التراب

اتكحت : الكحت هو الحفر لغة و الفعل الماضى المبنى للمجهول بمعنى ... أينما دفن

جملين فحم : اثنين من الإبل يحملون من الفحم لتزيد النار إشتعالا عليه .... القائل هنا يفترض أن قاسم أمين ف العذاب الحميم

تنويه : نسأل الله ان يرحم موتانا جميعا

كلمه تقولها لـ ياسر

العمر بيجرى

كلمه تقولها لى " قلب ابيض"

ربنا يزيد قلبك نور

استنانى ها اشقر على شومبونجو وانقح لك كام سؤال وراجعه ;)

ف انتظارك

تحيه خاصه للمهندس ياسر على شجاعته فى الاجابه على الاسئله

ويارب يياسر ولا هقولك هدعيلك وانا فى الحرم ان ربنا يرزقك بواحده بنت حلال مصفى

ربنا يكرمك يا محمد

فعلا انا محتاج دعوات زى دى و الله

و ان شاء الله لك بمثل

[الباشمهندس ياسر]

الباشمهندس ياســر .... حبيب قلبى وقعت ومحدش سمى عليك :lol:

هسألك كام سؤال خفيف عشان لما أقعد على الكرسى تظبطنى يعنى هراعيك وتراعينى :wub:

حبيبى ... انا اراعيك من غير اى حاجة ... بس حلو مبدأ شيلنى و أشييلك

1- ماهى أهدافك فى الخمس سنوات القادمة ؟

أنا بحب سيستم الاهداف جدا و كنت عامل بلان زى الفل و الحمد لله تحقق منه جانب كبير ع المستوى الاقتصادى ( لولا خسارة قريبة .. بهدلت الدنيا معايا )

و الجانب اللى متحققش كان ع المستوى الانسانى ......

الحمد لله على كل حال

2- هل تفكر بالعودة إلى مصر فى المستقبل القريب أم انك من مؤيدين الهجرة إلى الغرب ؟

انا مستقر ف مصر يا فخرانى ... يادوبك بطلع اعمل الهيتش و ارجع تانى .......... مجنون بقى هنعمل ايه

3- فى حالة الزواج إن شاء الله هل تحلم بعدد صغير من الأبناء 1 أو 2 أم تريد عدد كبير 5 أو 6 ؟

ان شاء الله لما اتجوز ناوى على عدد كبير ... حوالى 4 مثلا من كل زوجة

:lol: :lol: :lol:

4- ما الشيىء اللذى تمنيت تحقيقه ولم يتحقق حتى الأن ؟

الاستقرار

5- ما هى الرياضات التى تحب ممارستها ؟

حاليا المشى و احيانا تنس الطاولة

كــــفاية دول دلــوقتى :wub:

شكرا على الاجابات يا باشمهندس وادى الدفعة الجديدة

العفو يا دوك

1.ما هى ابرز عيوبك ( وبلاش انى صريح وطيب واللى فى قلبى على لسانى الخ...غيرةقول لتا عيب او صفة ما ببتحبهاش فى نفسك)

مغرور و تنك ...... اتقالى كده

مبخافش و سريع ردود الافعال و قاسى جدا عند الغضب ... ده اللى انا شايفه

كفاية كده ولا نشرد اكتر؟؟؟

2.هل تتقيل التقد بصدر رحب وهل ترضى ان يصارحك حد بعيوبك

جدا

3.هل انت كتاب مفتوح لعائلتك ويتدخلوا فى شئون حياتك ام علاقتك بهم على احسن ما يكون لكنك عايش مع نفسك ولك عالم خاص

بفضل الله احنا اسرة بالمعنى التقليدى

لكن من الطبيعى ان فيه مساحة خاصة جدا و محدش بيحاول يتجاوزها

4.الاختلاف فى الرأى لا يفسد للود قضية ..الى اى مدى تؤمن بهذا المبدأ وهل تطبقة عمليا وهل تعرضت لمواقف انتهت بسلام لانك تؤمن بهذا المبدأ؟

مؤمن بيه و بنفذه دائما ... لكن المشكلة غالبا بتبقى فى تعصب طرف النقاش الاخر

و لو حسيت ان اللى قدامى متعصب بشتررى دماغى و بكتفى ان افضل عقاب ليه انه يفضل ف ظلام جهله

دى اسئلة عن ملامح وسمات الشخصية والاسئلة اللى جاية حنكون انسانية دون تعرض لامور شخصية

اهلا بحضرتك دائما

[enjisultan]

لية كدة بس يا هندسة

هتتجوز اربعة

دا انت دايخ على عروسة واحدة وغالبا عايزها تفصيل

تقوم تتجوز اربعة

لأ ........واربع عيال من كل واحدة يعنى 16 عيل ومعانا الاربعة

هيبقى فى رقبتك 20 فى وش العدو

دا انت فدائى على فكرة

دلوقتى فى الزمن دا العدد الاوبتيمم عيل ونص لكل اسرة

ربنا يحققك لك اللى انت عايزة (مش العشرين طبعا)

[عنبو]

الوووووووووو

السلام عليكم

نسر يتكلم ... مين اللى اقاعد على الكرسى دلوقتى

اسد رد .....اكرر اسد رد .....

يظهر ان الاسد نايم

اسد انت اللى لسه قاعد على الكرسى طيب بقى خد الاسئله دى

ايه هو القرار اللى اخدته وشعرت بعديه انك ظلمت بنى ادام ؟؟

ياترى لو غلطت فى احد بتعمل اييه علشان تصالحه ؟؟

انت من النوع اللى بيقبل الاعزار ولا ؟؟

ايه الحاجه الغلط االى كنت بتعملها ومبقتش بتعملها دلوقتى ؟؟؟

احكيلنا على موقف محرج حصل لك ويكون كوميدى ؟؟

سلاموززززز

[سهيلة]

منور يا بشمهندس

سؤالين كدة على الماشى

نقطة ضعفك ايه؟

موقف كوميدى اتعرضت له وموش قادر تنساه؟

لو رجع بيك الزمن لورا رااااااااااااااااااااا ورا اوى خالص

هل كنت هتتبع نفس المسار ولا كنت هتغيره؟

[الباشمهندس ياسر]

لية كدة بس يا هندسة

هتتجوز اربعة

دا انت دايخ على عروسة واحدة وغالبا عايزها تفصيل

تقوم تتجوز اربعة

لأ ........واربع عيال من كل واحدة يعنى 16 عيل ومعانا الاربعة

هيبقى فى رقبتك 20 فى وش العدو

دا انت فدائى على فكرة

دلوقتى فى الزمن دا العدد الاوبتيمم عيل ونص لكل اسرة

ربنا يحققك لك اللى انت عايزة (مش العشرين طبعا)

ليه بس يا اختى كده ....

مين جاب سيرة اربعه؟!!!!

هن اتنين كفاية :blink:

[الباشمهندس ياسر]

يا جماعة هو انتوا هتفضلوا تساءلوا بس

مفيش نقاشات

[عنبو]

الوووووووووو

السلام عليكم

نسر يتكلم ... مين اللى اقاعد على الكرسى دلوقتى

اسد رد .....اكرر اسد رد .....

يظهر ان الاسد نايم

اسد انت اللى لسه قاعد على الكرسى طيب بقى خد الاسئله دى

ايه هو القرار اللى اخدته وشعرت بعديه انك ظلمت بنى ادام ؟؟

ياترى لو غلطت فى احد بتعمل اييه علشان تصالحه ؟؟

انت من النوع اللى بيقبل الاعزار ولا ؟؟

ايه الحاجه الغلط االى كنت بتعملها ومبقتش بتعملها دلوقتى ؟؟؟

احكيلنا على موقف محرج حصل لك ويكون كوميدى ؟؟

سلاموززززز

منور يا بشمهندس

سؤالين كدة على الماشى

نقطة ضعفك ايه؟

موقف كوميدى اتعرضت له وموش قادر تنساه؟

لو رجع بيك الزمن لورا رااااااااااااااااااااا ورا اوى خالص

هل كنت هتتبع نفس المسار ولا كنت هتغيره؟

متجاوب ياعم ياسر على الاسئله دى ؟؟ ده الاسبوع اقرب يخلص باقى فيه يجى 20 يوم كده

[قلب ابيض]

ياااااااااااسر

game over