كرسي الاعتراف

[لماضة مصرية جدا]

السلام عليكم و رحمة الله و بركاته

و الله حركة الجدعنة اللي انت هتعملها دي بتاعت الصورة (يا ريت تشيلها بقي و تبعتهالي اعملها بوستر...اوسكت...مش لاقيت الزر)

و عشان كده....هنعمل معاك برضه واجب جدعنة....و نجاوب ع السؤال و سيبك بقي من ليلة اعترافات ليلية دي

الحاجة اللي ممكن تخليني اخسر "و الله مكسوفة اكتبها".....الراجل بتاعي عشانها مش هقولك الخيانة و الستات و الليلة دي...لاني عندي قناعة اني احبه كما لم تحبه امرأة من قبل.... و من سياتي بعدي مجرد إناث (مش انا اللي قولت دي واحدة كده هقولك عليها بعدين)

يا عزيزي

انه يكذب.....

و اللي يوجعني اكتر ان يقرأ قلبي في عينيه الكذب....

و عندما تحدثه عيني اني سامحت كذبه...

يتمادي في غيه...

و يزداد كذبا

هذا وبالله التوفيق

و السلام عليكم و رحمة الله و بركاته

كان معكم

خميس ابو شلتة من رابطة المنجدين المتحدة

[Damo]

عزيزتي لماضة مصرية جدا

.

.

.

.

.

.

.

.

ليه اسمك لماضة مصرية و ازاي جاتلك الفكرة؟

[joo]

اية يا جماعة احنا قلنا اننا هنلعب مش هنام

على العموم تصبحو على خير واحلام سعيدة

وانت من اهلو يا جو

انا قلت ارد على نفسى لحسن تكونو فى سابع نومة

على العموم انا هشرب قهوة على ما تصحو

:closedeyes:

[عنبو]

يلا شوية اسئله كده بس اوعى حد يزعل ولازم يتجاوب عليهم كلهم ؟؟

هل تقبلين ان زوجك فى المستقبل يتزوج عليكى باخرى ؟؟ لو نعم تقولى ليه ولو لا تقولى ليه ؟؟

انتى من النوع الى بتحبى تخبى عمرك ولا تقوليه عادى ؟؟ طيب لو عادى عمرك كااام سنه ؟؟

لو طلبوا منك تقولى كلمة حق فى انسان المفروض انه فاكر ان وجهة نظرك فيه تمام مع انها عكس كده تماماً هتعملى ايه وانتى عارفه كده ؟؟

ايه هى الصفه التى اذا تواجدت فى شخص متقدم لكى استحاله هتوافقى عليه؟؟

مين اكتر عضو هنا فى المنتدى حاسه انه شبهك او زيك ؟؟

لو فيه رحله لخمسة اشخاص وطلبوا منك منظموا الرحله ان تختارى اربعة اشخاص غيرك من المنتدى هتختارى مين ؟؟ وليه ؟؟

هل تحبى السفر ولا انتى من النوع الى بيقول بلادى مش ممكن اسيبها ولا ممكن اغيرها ؟؟

مطلوب منك تختارى عضو و عضوه وتوصفى شكل كلاً منهم من خلال قرائتك لمشاركتهم ؟؟

كفاااايه كده يلا جااااااوبوا على دول

[قلب ابيض]

يلا شوية اسئله كده بس اوعى حد يزعل ولازم يتجاوب عليهم كلهم ؟؟

هل تقبلين ان زوجك فى المستقبل يتزوج عليكى باخرى ؟؟ لو نعم تقولى ليه ولو لا تقولى ليه ؟؟

انتى من النوع الى بتحبى تخبى عمرك ولا تقوليه عادى ؟؟ طيب لو عادى عمرك كااام سنه ؟؟

لو طلبوا منك تقولى كلمة حق فى انسان المفروض انه فاكر ان وجهة نظرك فيه تمام مع انها عكس كده تماماً هتعملى ايه وانتى عارفه كده ؟؟

ايه هى الصفه التى اذا تواجدت فى شخص متقدم لكى استحاله هتوافقى عليه؟؟

مين اكتر عضو هنا فى المنتدى حاسه انه شبهك او زيك ؟؟

لو فيه رحله لخمسة اشخاص وطلبوا منك منظموا الرحله ان تختارى اربعة اشخاص غيرك من المنتدى هتختارى مين ؟؟ وليه ؟؟

هل تحبى السفر ولا انتى من النوع الى بيقول بلادى مش ممكن اسيبها ولا ممكن اغيرها ؟؟

مطلوب منك تختارى عضو و عضوه وتوصفى شكل كلاً منهم من خلال قرائتك لمشاركتهم ؟؟

كفاااايه كده يلا جااااااوبوا على دول

ايه الحلاوه دى ياواد يا حاج محمد ياعنبو ياروش انت يا مدءدء

خليتلناش حاجه نسألها احنا ؟؟؟ :)

انا مستنيه ردودك يا لمضمض مع انى تقريبا مخمنه بعضها

اللى بالاحمر ده 00اشاركك السؤال فيه

كده بالاكراه

تم تعديل 9 ديسمبر 2009 بواسطة قلب ابيض

[لماضة مصرية جدا]

السلام عليكم و رحمة الله و بركاته

ايه يا حبايبي الحلوين الليلة الانس اللي انتو فيها دي.....يعني يا خويا انا رجعت لقانون البزرميط اللي اتحط في اول صفحة و لقيت لازم يبقي فيه تصويت و خمس اصوات في عين العدو و بتاع... و اذ فجعة ألاقيكم ابتديتو بالاسئلة .....طب مش حد يقولي.... يناديني م علي قهوة كتكوت

يا مسهل (أموت و اعرف مين اللي زقني....هو كابتن غبائي....ما علينا)

الاخت دامو.....دام العز ان شاء الله سالتي ليه اسمي لماضة....

و الحقيقة هو انا مش اخترته... هو انا لقيته لازق فيا منين ما اروح...بس هو كان اسم لماضة شقاوة.... و بعدين لاعتبارات امنية بقي و بتاع اكتفينا بلماضة....

الحقيقة يا بنتي (انا دلوقتي انجعصت في الكرسي و تقريبا هتربع عليه....الا هو برح كده و واسع)

الحقيقة اني من ساعة ما كنت في ابتدائي و الحمد لله عندي قدرة لغوية عجيبة....المدرسين كانوا بيخلوني امسك اذاعة الصباح....ايون (من اول الاناشيد لغاية تحية العلم)

و فريق التمثيل (اينعم كنت بتقلب علي ضهري م الضحك في اي موقف درامي و ابوظ المشهد......يااااااااااه فكرتيني مرة اختاروني اعمل مسرحية سنووايت بتاعت البت الروشة دي و اللي حواليها رجالة صغنتتين...اصلهم عدموا يا اوختشي....المهم الواد اللي كان قدامي... اللي هو هيلعب دور الامير المفروض كان في اخر المسرحية هيعطي سنو وايت قبلة عشان يرجعها للحياة.....أختك بقي كانت حوالي 10 ثنين.... ... و احنا ع المسرح و الواد داخل عليها... هجم.....هووووووووووووب

روحت قمت انا لوحدي بلا اسعافات اولية بلا كلام فاضي و قولتله واد يا عمرو بابا قاعد تحت يالا نحيي الجمهور" و دي كانت نهاية فرقة عكاشة المسرحية

اخواتي بقي في البيت... معتبرين اني بتكلم بالنيابة عنهم كلهم...

يعني ممكن تلاقيني بسال اخويا و انت عامل ايه مش كويس؟؟ ايون ما انت اكيد قلبتني في الجامعة قدام صحابك ؟ ألا ليه صاحبك هيثم حاجبه معووج؟ طب هو عنده مشكلة عاطفية؟ و طبعا سيل الاسئلة العميكة دي بيقف لما فيه ايد بتتطبق بشكل بونية و تلبس ف عيني

نيجي بقي علي 7 ك كباب و كفتة بتاعت عنبو.....

يلا شوية اسئله كده بس اوعى حد يزعل ولازم يتجاوب عليهم كلهم ؟؟

هل تقبلين ان زوجك فى المستقبل يتزوج عليكى باخرى ؟؟ لو نعم تقولى ليه ولو لا تقولى ليه ؟؟

ع فكرة هو اللي مش هيقبل...انا هعزم (و طبعا عزومة مراكبية و هكون ماسكة الكسرولة ورا ضهري)...

انا عندي قناعة كده انه مش هينفع يتجوز عليا......مش عشان انا غيورة جدا لا سمح الله و لا بطيق ان حد يفكر يقرب بس يتسلل ليه.....

بس عشان انا عارفة انه احبه كما لم تفعل امرأة من قبل....

و بعدين لعبته كل الالعاب كيكا ع العالي و كيكا ع الواطي... طب يبص بره ليه (وش عطيات في مسرحية الجوكر)

انتى من النوع الى بتحبى تخبى عمرك ولا تقوليه عادى ؟؟ طيب لو عادى عمرك كااام سنه ؟؟

و اخبي ليه يا رياسة.......هو مش حضرتك بتشتغل في التعداد السكاني برضه.... و كلنا في خدمة الوطن....و لا عايزهم يقولوا مشربتش من نيلها... طب و لا حتي اتمضمضت

بس هو سؤالي هو تقصد ايه بعمري......

عدد الشموع في اخر تورتة (العيال اصحابي الجزم.....جابو غطا حلة و قلبوه و مش عارفة اه وجه الشبه بينه و بين التورتة و حطوا فيه 25 شمعة...... هم كان نفسهم يحطوا صواريخ .....ليه بقي.....طول عمري بقولهم نفسي زي توم لمابتفرقع فيه القنبلة بتاعت جيري و بعدين وشه يتفحم....و انا العيال اصحابي دول لسعان اصلا)

و لا تقصد.....السنين اللي انا عشتها في العمر ده؟؟؟

معلش يا زملة الحصير (وش استاذ خليفة خلف خلف الله المحاميي) اوضح......افصح......ابن

لو طلبوا منك تقولى كلمة حق فى انسان المفروض انه فاكر ان وجهة نظرك فيه تمام مع انها عكس كده تماماً هتعملى ايه وانتى عارفه كده ؟

ثوف يا ابني......(مش عارفة انجعص اكتر من كده ازاي.... انا خايفة اتزحلق م ع الكورسي... هو تيفال)

هو مش المشكلة هتقول ايه..... المهم هتقوله ازاي و امتي

هو طالما طلب وجهة نظري يبقي عارفني كويس و دة انا بحب ابتدي دايما بحاجة تشجع اللي قدامي.....زتنور ليه سكته.....و بعدين بكل هدووووووووء ......لا اوعي تنام....اقوله وجهة نظري بس بلاش الحدف في الكلام لانه بيتفهم نقد و الناس بتاخدها علي المجانص بتاعتها اوي.....و ممكن احكي ع العيوب كانها فيا... و اشوف هو ممكن يتفاعل معايا في الحوار ازاي

ايه هى الصفه التى اذا تواجدت فى شخص متقدم لكى استحاله هتوافقى عليه؟؟

علاقته سيئة باهله و خاصة والدته......او بقي عينه زايغة...... و ع فكرة بيبان من اول لقطة

مين اكتر عضو هنا فى المنتدى حاسه انه شبهك او زيك ؟؟

هو مافيش حد شبهي......(حبة الاطة بقي.....) عشان محدش بيشبه حد بس بتلاقي ان كل واحد بيخليك تشوف حتة فيك يمكن مكنتش واخد بالك منها قبل كده

يعني استاذ سي السيد.....حسيت انه المعلم و انا الواد بلية

لولا.......فكرتني بنفسي زماااااااااااااااااااااان لما كنت بكتب شعر (ايون و ده شعر بجد غير يا حبيبي رد عليا ازيك سلامات)

عنبو......بيفكرني دايما بالجدعنة و خصوصا في الغربة

قلب ابيض.....اشبهها ان الناس ممكن بترتاح معاها بسرعة و تحس انك تعرفها من زمان

بس اللي نفسي بجد اني اشبهها هي ماما سلوي

لو فيه رحله لخمسة اشخاص وطلبوا منك منظموا الرحله ان تختارى اربعة اشخاص غيرك من المنتدى هتختارى مين ؟؟ وليه ؟؟

ليه 4......عملا بالمثل القائل أربعة اربعة علي كل جنية مربعة

لا .......انا احب الونس جدا و اللمة و حلة محشي و مفرش كاروهات و افرش في اجدعها جونينة

هل تحبى السفر ولا انتى من النوع الى بيقول بلادى مش ممكن اسيبها ولا ممكن اغيرها ؟؟

بحبه جدا......بس اللي بحبه اكتر......يا تري مع مين؟؟؟؟

بلادي في ملامحي اصلا (انظر مرجع 1......مشربتش من نيلها......امال اللون الاصفر اللي باين عل وشك ده ايه؟؟؟)

مطلوب منك تختارى عضو و عضوه وتوصفى شكل كلاً منهم من خلال قرائتك لمشاركتهم ؟؟

قلب ابيض...... عينيها صافية... شقية..... و كلها حنية

متهيالي خلصت الاسئلة شكرا يا ولاد اقوم بقي م ع الكورسي..... عايزين نشوفكم بقي

فوتك بعافية

[عنبو]

ايه الحلاوه دى ياواد يا حاج محمد ياعنبو ياروش انت يا مدءدء

خليتلناش حاجه نسألها احنا ؟؟؟

انا مستنيه ردودك يا لمضمض مع انى تقريبا مخمنه بعضها

اللى بالاحمر ده 00اشاركك السؤال فيه

كده بالاكراه

انتى عارفه بقى الواحد لازم يستغل الموقف وانا استغلالى صحيح فين يا سهل جداً كان زمانه دلوقتى سال اسئله تخلص ؟؟

متهيالي خلصت الاسئلة شكرا يا ولاد اقوم بقي م ع الكورسي..... عايزين نشوفكم بقي

فوتك بعافية

الحقى يا ماما " قلب ابيض "" قااااااااال عاوزه تسيب الكرسى قبل اسبووووووووووووع دى احلام ورديه

[قلب ابيض]

مطلوب منك تختارى عضو و عضوه وتوصفى شكل كلاً منهم من خلال قرائتك لمشاركتهم ؟؟

قلب ابيض...... عينيها صافية... شقية..... و كلها حنية

يا جزوووووووووووووفى :blink:

نشنت يا فالح " وش استيفان روستى "

أكأنك شايفانى ولا ايه ؟؟ ماهى العيون دى اللى طرحته ارضا smk:

متهيالي خلصت الاسئلة شكرا يا ولاد اقوم بقي م ع الكورسي..... عايزين نشوفكم بقي

هههههههههه تهيؤات000 قال تقوم قال :sad:

فوتك بعافية

لاء معلش ماتفوتيش حاجه000خدى العافيه معاك واستنينى جايلك :happy:

[قلب ابيض]

ايه الحلاوه دى ياواد يا حاج محمد ياعنبو ياروش انت يا مدءدء

خليتلناش حاجه نسألها احنا ؟؟؟

انا مستنيه ردودك يا لمضمض مع انى تقريبا مخمنه بعضها

اللى بالاحمر ده 00اشاركك السؤال فيه

كده بالاكراه

انتى عارفه بقى الواحد لازم يستغل الموقف وانا استغلالى صحيح فين يا سهل جداً كان زمانه دلوقتى سال اسئله تخلص ؟؟

متهيالي خلصت الاسئلة شكرا يا ولاد اقوم بقي م ع الكورسي..... عايزين نشوفكم بقي

فوتك بعافية

الحقى يا ماما " قلب ابيض "" قااااااااال عاوزه تسيب الكرسى قبل اسبووووووووووووع دى احلام ورديه

ما تخافش يا محمد تقوم فيين 0000مش هى بتقول قانون اللعبه بقى بزرميط

طيب من النهارده مافيش قانون 000000انا القانون

نيها هاهاهاها " ضحكات شريره متقطعه "

استلمى يا لماضه الدفعه دى :

ـ ماهي اجمل لحظات حياتك؟

ـ "اكرهك "هل سبق وقلتيها لحد وبحرقه ؟؟

- لماضه فى كلمتين وبس

-اسم الدلع لك "مش للماضه "؟

- "تؤام روحى " مييين؟ صاحبه ؟ اخت ؟ زميله ؟000000؟ هه ايه بقى smk:

املئي الفراغات بالعضو المناسب ( عضوا أو عضوه )

---------- اتابع مشاركاتك بشغف

-----------انت انسان كسول جدا

----------- خفه دم ما حصلتش

-----------انت كئيب ليه ؟

-----------الله لايحرمنى منك

----------وحشنا قلمك

قال تمشى قااااااال :blink: فاصل ونواصل :happy:

[Damo]

املئي الفراغات بالعضو المناسب ( عضوا أو عضوه )

---------- اتابع مشاركاتك بشغف

-----------انت انسان كسول جدا

----------- خفه دم ما حصلتش

-----------انت كئيب ليه ؟

-----------الله لايحرمنى منك

----------وحشنا قلمك

قال تمشى قااااااال :happy: فاصل ونواصل smk:

احنا جايين نهدي النفوس :blink:

[Damo]

سؤالي:

بعد الشر بعد الشر بعد الشر لما تروحي الجنة (كلنا ان شاء الله) تحبي الناس تفتكرك بايه؟

تم تعديل 10 ديسمبر 2009 بواسطة Damo

[الباشمهندس ياسر]

سؤالي:

بعد الشر بعد الشر بعد الشر لما تروحي الجنة (كلنا ان شاء الله) تحبي الناس تفتكرك بايه؟

:blink: :happy: smk:

ايه يا بنتي التعبيرات البريئة دي

[Damo]

سؤالي:

بعد الشر بعد الشر بعد الشر لما تروحي الجنة (كلنا ان شاء الله) تحبي الناس تفتكرك بايه؟

:roseop:

ايه يا بنتي التعبيرات البريئة دي

هههههههههههه

الحق عليا اني بحاول الَطَف السؤال :lol:

[لماضة مصرية جدا]

السلام عليكم و رحمة الله و بركاته

يعني انا اصحي م النوم علي قلب ابيض و هي في الغابة و بتقول

"طيب من النهارده مافيش قانون 000000انا القانون

نيها هاهاهاها " ضحكات شريره متقطعه ""

نهارو رعب ان شاء الله......

استعنا ع الشقا بالله

يا مقوي الوحش ع الجحش يا كرييييييييييييييييييييييييييم (وش فريد شوقي في فيلم كان طالع فيه شيال....يا جماعة انا الطموح ماشي علي رجلين :blush2: )

استلمى يا لماضه الدفعه دى :

ـ ماهي اجمل لحظات حياتك؟

ياااااااااااااااااااااه اجمل لحظة في حياتي

قصدك يعني قلبي لما يبقي طاير من الفرخة....قصدي م الفرحة

لما اكون ماسكة الدنيا بايديا

لما ميهمنيش حاجة راحت و لا ايه اللي هيحصل

لما احس اني فراشة كده

لما احضن الدنيا بعنيا

يااااااااااااااااااااااه

اللحظة دي

يوم ما أقوم من ع الكورسي ان شاء الله

ـ "اكرهك "هل سبق وقلتيها لحد وبحرقه ؟؟

ليه حاسة ان فيه موسيقي تصويرية افريكانو هنا (فحيح ثعبان..... ضربات طبول....صوت شجر...... و طبعا سوباطة موز بتنزل علي راااااااااااااسي)

بصراحة انا مقولتهاش بس قولت واحدة حسيت انها وجعت اكتر منها

"سامحتك بجد"

- لماضه فى كلمتين وبس

كلمتين..... ايه التحدي ده

لماضة..... و بررم في كلمتين...... كان فيه ممثلة كومبارس (مش بقولكم كلي طموح) كانت زمان بتطلع يا اما تزغرط يا اما تقعد تتكلم ليه دايما بتفكرني بيا

ع العموم

لماضة في كلمتين

نور و نار

"بجد و محدش يهرش في دماغه و يقولي بشتغل في المطافي او كوهروبائي)

-اسم الدلع لك "مش للماضه "؟

طب تلاتة بالله العظيم ما حد يقولي روحي يا سوكيننة تعالي يا سوكيننة...لاكون طاخه بالنار (وش عبد العال و هو عامل صباعه الطويل للجمهور و مبرق عينيه)

بس هما عادة بيقولولي يا غزال

"يا غزال يا غزاااااااااااال العشق حلاااااااااااااال دوبني انا دوب.....سؤال عميق حد لاحظ في الللية الكبيرة ان العرايس بوقها ساقط اوي لتحت)

- "تؤام روحى " مييين؟ صاحبه ؟ اخت ؟ زميله ؟000000؟ هه ايه بقى ;)

:ninja:

حلوة اوي النقط دي.....و ايه بقي " هه ايه بقي؟؟؟" يعني ادردبي يا باااااااااتعة...... wst::

بجد برضه

توأم روحي.....

حد طوله حوالي 90 سم و عمره 8 سنين

و مسمينا في البيت بهلولة و زغلولة (بنت أخويا)

و دي بجد منخنشة في تلابيب روحي من جوه....... و لينا افتكاسات مع بعض......مث موممكن.....

طب احكيلكوا حاجة لطيفة جدا.....ع البت لمضموضة الصغيرة دي (ان شاء الله هدخلها المنتدي قريب)

رحنا النادي (اوعي حد دماغة تروح بقي ان احنا عيال جامدة و نوادي بقي.... دول حبة مراجيح و زوحليقة مكسورة من النص و العيال يا عيني لما بتتزحلق بتتحشر فيها)

المهم هي مكنتش تعرف حد هناك

انا روحت حدفتها و قعدت كده (بحب اطمن ع الكانتين)

المهم بضرب بعيني لقيتها رايحة ناحية شلة ولاد و داخلة عليهم... و بعدين

تعمل ايه عشان تتعرف و تلعب معاهم

راحت قالتلهم

ازيكم

طبعا كله رمي الكورة و ابتدي يبص علي كابتن شبر و نص

و بعدين قالت

ايه ده انتو مش فاكرني........ :)

ع فكرة هي اول مرة كانت تقابلهم اصلا بس يا حياة قلبي مكنتش عارفة تخش تلعب في وسطيهم ازاي فراحت مثبتاهم.....مش بقولكم منخنشة في قلبي ربنا يباركلي فيها

بالنوسبة بقي للاسئلة اللي تحت....... الفزيعة دي.....

معلش سامحوني بس انا لسه جديدة في المنتدي ...... مش اعرف ناس كتير و الله

و مش معقلة املا كل الفارغات ب

قلب تركواز..............قصدي قلب ابيض.......... :lol:

املئي الفراغات بالعضو المناسب ( عضوا أو عضوه )

---------- اتابع مشاركاتك بشغف

-----------انت انسان كسول جدا

----------- خفه دم ما حصلتش

-----------انت كئيب ليه ؟

-----------الله لايحرمنى منك

----------وحشنا قلمك

فيه بقي سؤال من كابتن لطيف قصدي كابتن دامو... اللي بتتمنالي فيه بطولة العمر

الله يسامحك يا شيخة

طب هو الواحد لو دخل الجنة.....قولوا آمين (لا بصوت عالي)

هتفرق معاه الناس تفتكره ع الارض اصلا

بس برضه عشان خاطرك يا جميل

نفسي الناس لو جه اسمي....

فقط

يبتسموا (ابتسامة حلوة كده....فيها دفا...فيها حنية...)

لو سرحوا بخيالهم يبقي كده رضا أوي

طيب اقوم انا بقي

و الله يا جماعة هيبقي ليكوا وحشة خاااااااااااااااااالص

هو مش الاسبوع خلص

الحمد لله

فوتكم بعافية

[رضوي]

السلام عليكم ورحمة الله وبركاته

ايه الحظ دة !!!!!!!!!!!!!! انا اول لما ادخل اللعبة دي الاقي لماضة قاعدة علي الكرسي ياه

ياحبيبتي يالمضمض

بصي بقي اسألك كدة كام سؤال ع الماشي , بس أسئلة خفيفة يعني ماتخفيش

ماذا لو

كلفتي بعمل رحلة استكشافية لجزيرة مجهولة وممكن تقيمي هناك لمدة تزيد عن شهر

حتاخدي ايه معاكي ( ادوات ماتقدريش تستغني عنها ,, بس مافيش ارسال لاي موبايل او نت )؟

مين من الاشخاص الي ممكن تستعيني بيهم في الرحلة دي (اشخاص من المنتدي ومن خارجه)؟

وانتي بتجهزي شنطتك للاستعداد للرحلة حتاخدي معاكي صور مين ؟

وتتمني تلاقي ايه هناك في الجزيرة ؟

ومين من الفنانين الي ممكن تاخدي تسجيلاتهم للتسلية ؟

وحتتصلي بمين قبل قيامك بالرحلة علشان تسلمي عليهم وتقوللهم حتوحشوني ؟

ومين الي محتاجة تعتذري له وتصالحيه ؟

ومين الي لازم تاخدي حقك منه؟ ولا المسامح كريم ؟

يالا رحلة كلها خيال × خيال ............تخيلي بقي وجاوبي علي الاسئلة

تحياتي الخاصة الي اختي لماضة

[لماضة مصرية جدا]

السلام عليكم و رحمة الله و بركاته

حبيبتشي.... حبيبتشي....

ايه يا بت الحلاوة دي..... جزيرة..... و مجهولة و خيال في خيال :happy: ......لا مقدرشي انا ع كده

بس خليني بس احاول انسي الايميج اللي بتيجي في افلام الكارتون :closedeyes:

اني قاعدة في حلة كبيرة و حواليا ناس لابسين الزي الرسمي لجزيرة بكاكا داسا (و اللي هو شراب أخضر و باستك من فوق) و عاملين زعرورة في راسهم من العظم........ و بيبصولي و بيضحكوا و بيقولوا هاكووووووووووووووووونا ما طاااااااااااطا

و من خلال قعدتي في الحلة... كقرباااااااااااان اقدر اجاوبك بقي ع الاسئلة الجامدة دي

ماذا لو

كلفتي بعمل رحلة استكشافية لجزيرة مجهولة وممكن تقيمي هناك لمدة تزيد عن شهر

بصي رحلة استكشافية..... رحلة مكوكية.....رحلة طبيخية....انتي بس قولي قدامي كلمة رحلة و كانك قولتي جزر(وش اسماعيل ياسين في فيلم المليونير المتضايق) بتلاقيني حد تااااااااااااني خالص.....(ايون قفايا بيجي قدام ووشي ورا )

لمدة تزيد عن شهر......مافيش مشكلة ......بس من خلال معرفتي العميكة بنوازع النفس البشرية اللمضاوية... متهيالي سكان الجزيرة الكرام اللي هما برضه مجهولين هيستغنوا عن خدماتي قبل كده بكتييييييييييييييير

حتاخدي ايه معاكي ( ادوات ماتقدريش تستغني عنها ,, بس مافيش ارسال لاي موبايل او نت )؟

بصي يا قلبي....انا عندي عادة كده اني بعد ما اوضب اي شنطة ابص ليها كده (و طبعا ايديا في وسطي) و أقول لو ضعتي هزعل علي ايه.... و اللي طبعا بتشحتف من غيابه مش باخده معايا..... و عشان كده دايما تلاقي شنطتي خالية من اي معني

فردة شبشب....من غير جوزها مثلا....(ما انا بقول يمكن لما نروح الحوتة الجديدة تلاقي فردة روشة كده....نقطع عليها ليه بقي)

برطمان فاضي....

طرحة لونها مختلف جدا عن لون اللبس (و متخافيش برضه بلبسها عااااااااادي جدا)

بس الحاجة اللي فعلا مقدرش استغني عنها

فيه بوصلة كده بتاعت اتجاهات القبلة

اسدال الصلاة

طبعا هتقولي و اكيد سجادة.....(جعلت لكم الارض مسجدا و طهورا) مش باخد معايا مصلية

بستغني بسهولة جدا عن الموبايل..... و اسالي عم جمال البقال (ساعات كتير ابقي ماسكاه في ايدي و بكلم الراجل الكوبارة.....هو يديني برطمان الصلصة....تلاقيني في حركة لا اراية بديله الموبايل و الف اقف معاه شوية....ابيع للناس و بعدين اتكل ع الله و اروح.....و هو برضه عم جمال بيتلكك كل مرة يردم ع الموبايل)

آه نسيت حاجة مهمة جدا..... جدا جدا

انا هآخد قيمة 7 كيلة شرابات.....

(معلش اصلها عقدة م الطفولة)

بحب البس شرابات كتير......في حين ممكن بسهولة استغني عن المرحلة اللي بعديها و هي لبس الجزمة

هآخد ايه تاني يا بت يا لمضمض.....

مش هقولك بقي هدوم و خيمة و بطانية....لا انا بحب اكتشف يا تري شعب هاكونا ماطاطا....بيعيش ازاي.....و هدفس نفسي في وسطيهم ع طول

آه نسيت.....فيه سكينة كده مش عارفة بيسموها سويسري و لا ايه بس عاملة زي الميدالية و فيها اشي قصافة تلاقي...اشي سوكينة تلاقي...اشي حب العزيز...لا مافيهاش دي

ايون سوكينة متعددة الاغراض

مين من الاشخاص الي ممكن تستعيني بيهم في الرحلة دي (اشخاص من المنتدي ومن خارجه)؟

بصي من جوه المنتدي و لا من بره

احب آخد حد ليه في جو الرحلات

حد يعرف في للاسعافات الأولية

حد يقدر يضرب الذئب علي راسه........اعووووووووووووو

حد بيحب يرفع اثقال....

يعني لو مثلا رجليا فأفأت من كتر المشاوير (ما انا اكيد هبقي رايح جاي علي زعيم شعب هاكونا ماطاطا...هترجاه يتنحي بقي) ساعتها يبقي يتطوع مشكورا بقي و يشيلني ع الاعناق.....علي الاقل هشوف لو فيه سفينة استغاثة جاية ( و طبعا هشاور لها تلف و ترجع... بلا وجع دماغ)

فيه حد تاني...

نفر......

نفر....

عبوووووووووود...........الوراااااااااااق

وانتي بتجهزي شنطتك للاستعداد للرحلة حتاخدي معاكي صور مين ؟

هاخد اي صورة خلفيتها بيضا....... الله مش يمكن يجيلي عقد عمل...... و انضطر اعمل بازابورت....(طول عمر واعية)

بصي انا مش بقتنع بحكاية الصور.....(عندي البوم انيماشن في قلبي)

بس باخد حاجات صغيرة بتربطني بالناس اللي بحبها

يعني... فيه خاتم ......بيفكرني بامي (ربنا يباركلي فيها)

قلم...(ع فكرة نشف و حالته اتدهورت خالص) بس بيفكرني بأبا الحاج ابو لمضمض

و هآخد جزرة......لا مجعتش بس هتفكرني بأرنبي باني

وتتمني تلاقي ايه هناك في الجزيرة ؟

اتمني الاقي شوية عيال صغنتتين كده...... فيهم شقاوة ......

أروح المهم....من الحواري و الازقة (ايون مش بتتقال كده)

و افضل احفظهم قرآن....

و احكيلهم حواديت.....

و اغسلهم وشهم (طب تصدقوا عمري ما انتابتني اي حالة قرف خاااااااالص)

و اعمل لهم في زعارير (جمع زعرورة..... انظر أعلاه).....

و انيمهم و اقومهم......ياااااااااااه

دول هيشوفوا ايام

ومين من الفنانين الي ممكن تاخدي تسجيلاتهم للتسلية ؟

انا بحب عمر خيرت..... و موسيقي اوان الورد...

بس يا تري هتمشي مع الشعب الهاكوني ماطاطي

هآخد اغاني سيد درويش...... و خاصة الرائعة (لأجل ما نعلي و نعلي و نعلي ......... لازم نطاطي نطاطي نطاطي......يمكن الشعب الهاكوني ماطاطي يبقي عنده نفس الفكر السياسي العميك ده)

وحتتصلي بمين قبل قيامك بالرحلة علشان تسلمي عليهم وتقوللهم حتوحشوني ؟

و لا حد

طب مش لما يوحشوني الاول

انا احب انا احس الاول و بعدين انفعل......

ع فكرة انا عادة بسافر و بعدين اتصل بالناس من هناااااااااااك (و اغرم بقي مكالمات دولية) احب ان الواحد ينفذ الاول و بعدين يقعد يحكي و يرط و كده

ومين الي محتاجة تعتذري له وتصالحيه ؟

لا الحمد لله مش استني لما ابقي رايحة الجهادية و اعتذر....... انا بحب اعتذر خبط لزق بعد الكارثة.....مش بحب يعدي يوم و الناس تبقي معبية كده في نفسها.......إلا إذا كان حد واجعني اوي بقي.........دي حكاية تانية خالص........ابقي قابليني ع المصطبة و اقولك

ومين الي لازم تاخدي حقك منه؟ ولا المسامح كريم ؟

في الحتة دي يا رضوي انا مبعرفش خالص

بس فعلا بسيبها علي ربنا و بحب الاية القرآنية "و أفوض أمري إلي الله إن الله بصير بالعباد" أنا بحب أوي تدابير ربنا أعدل العادلين

تحياتي الخاصة الي اختي لماضة

ليه حسيت انك مطبقة ايدك بحتة بخمسة و بتديهالي

يا حياتي يدوم العز

كده بقي اقدر اطلع م الحلة......لان الشعب الهاكوني مطاطي بيسلم عليكم و بيقولكم

دي مناظر تبعتوهالنا

صباحكم قطرات ندي...... و نسمة حلوة...و بحر رايق

فوتكم بعافية

[رضوي]

حبيبتي الغالية لمضمض :D

لحظة واحدة

مين الي قال ان فيه ناس في الجزيرة الي انتي رايحاها اصلا ياحياتي ؟؟؟؟؟؟؟؟؟!!!!!!!!!!!!!!!

وبعدي ايه حكاية الشنطة دي؟؟؟؟؟؟؟؟

تصدقي :) ;)

فكرة أكثر من رائعة

يعني الواحد مايخدش حاجة معاه أصلاً علشان مافيش حاجة تضيع منه

هايل

بدل كمية المتعلقات الي بناخدها في أي سفرية , واقعد اكلم نفسي ... ياتري ناسية ايه ؟

بس من هنا ورايح .......... مش حنسي حاجة .......... علشان مش هاخد معايا حاجة أصلاً ........ أحلي كلام

مني لكي ارق التحيات ( من غير الحتة ام خمسة ) ;)

[joo]

عزيزتى لماضة ام نص لسان

اية الشيء اللى يخليكى تبكى بحرقة جامدة جدا ؟ :lol:

طبعا مش لما جوزك يضربك

[لماضة مصرية جدا]

السلام عليكم و رحمة الله و بركاته

حبايبي الحلوين

عزيزتى لماضة ام نص لسان

:lol:

تصدق اول مرة حد يقولهالي...... يعني انا ممكن اقول ازيك يا ثكر يا عثل.......واو ده انا هبقي موكن خالص

اية الشيء اللى يخليكى تبكى بحرقة جامدة جدا ؟ :lol:

طبعا مش لما جوزك يضربك

فشر...... مين ده اللي يضرب مين......هو انا اصلا هصعب عليه لاني كائن رقيق جدا (آه و الله هو لسان و طالع ليه بني آدم)

الحاجة اللي تخليني ابكي اوي....

غير ان الجزمة ممكن تكون ضيقة

غير انك لسه بتعذبني بصورة ميل جيبسون

غير اني لسه قاعدة ع شفخانة الاعتراف دي

بص يا سيدي

بصيت (ايون خليك بقي باصص)

انا دمعتي مش قريبة خالص

و في اجمد المواقف دايما تلاقيني ابكي بعد الحدث مثلا بفترة (متفهمش يا خويا ده غباء و لا ايه)..... بس قريت في كتاب "تعمل ايه يا حسانين لو مافيش دمعتين"....ان فيه قطعية بشر بتاخد وقت عشان تبين انفعالاتها

المهم انا ببكي بشدة لما اوصل لمرحلة العجز....بيكون فيه موقف و استنفذت فيه كل اللي ف وسعي.......و ده بيكون في الصلاة

خد عندك التواريخ دي

الشهر اللي فات

من 3 سنين _يونية 14)

من 4 سنين- فبراير 20)

و بعدين ايه اللون الغامق ده

لا انا مقدرشي عل كده

واد يا بلية علق فرعين نووووووووووووور

و اد يا سليط اضرب صفارة

[الباشمهندس ياسر]

هو الموضوع وصل لدرجة انك تحفظي التواريخ

واااااااااااااو

بصراحة غلطان انه ميكملش

تم تعديل 15 ديسمبر 2009 بواسطة الباشمهندس ياسر