اذهب إلى المحتوى
محاورات المصريين

كرسي الاعتراف

inas

بواسطة inas
في موضوعات خفيفة

 مشاركة

Recommended Posts

justme عضو جديد

justme

بتاريخ:
بتاريخ: (معدل)

هو بالنسبة لموضوع الخوف ده هو خوف مطلق مش بتاع الحشرات يعني مثلا من الامتحاناات وكده

يلا كمان واحد اهوه

ما هو اصعب موقف انحطيتي فيه....؟؟

ايه الحاجة الى انتي ندمانة انك عملتيها ؟

وبمناسبة موضوع الرقاق والبط (فكرتوني بيه بقال زمان بشوفه عالنت بس اصلوا مش موجود في الدوحة)

ما هي الاكلة اللي بتفكرك بمصر بس والنبي ما تقولي فول او مشتقاته

بس مش عارف هو بقيت الاعضاء فين هما يظهر خافوا من موضوع الشلاليت ده :sad:

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
  • الردود 1.5k
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Damo عضو جديد

Damo

بتاريخ:
بتاريخ:

هو بالنسبة لموضوع الخوف ده هو خوف مطلق مش بتاع الحشرات يعني مثلا من الامتحاناات وكده

بس مش عارف هو بقيت الاعضاء فين هما يظهر خافوا من موضوع الشلاليت ده :sad:

اه فهمت... على فكرة يا justme اسئلتك صعبة .... الا حضرتك مش هتذاكر بقى :lol:

مفيش حاجة موعينة بتخوفني جامد يعني مثلا الامتحانات و اي حاجة جديده زاي مثلا رايحه مكان جديد لاي سبب او اول ما جيت نيوزيلاند او اول ما دخلت الجامعة دول بيخلوا جوايا شيء من الخوف لكن مش الى حد كبير يعني مش بيعقني بتاتا. مافيش حاجة اقدر اقول دي اكتر حاجة بتخوفني

باقي الاعضاء اكتشفو الحقيقة المرره...اني بمييييت رااااجل ايواا

بالذات الاخ عنبو..نزل بلستة تهديدات بعدين اختفى :blink:

" Feed Your Faith and your fears will starve to death "

Unkown~

رابط هذا التعليق
شارك
justme عضو جديد

justme

بتاريخ:
بتاريخ:

معلش عدلت المداخلة برجاء مراجعة ورقة الأسئلة

شوكرن

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
Damo عضو جديد

Damo

بتاريخ:
بتاريخ: (معدل)

لااااا لازم تعويضااااات مش ممكن اللخبطة دي.. عموما يلا هعديهالاك..المرادي بس :sad:

ما هو اصعب موقف انحطيتي فيه....؟؟

ايه الحاجة الى انتي ندمانة انك عملتيها ؟

وبمناسبة موضوع الرقاق والبط (فكرتوني بيه بقال زمان بشوفه عالنت بس اصلوا مش موجود في الدوحة)

ما هي الاكلة اللي بتفكرك بمصر بس والنبي ما تقولي فول او مشتقاته

- انا حاليا في موقف صعب جدا لكن افضل اني احكيه لما يخلص.

اصعب موقف بعد كده انا فاكراه كان في السعودية. كان في مدرس كنت بحبه و بحترمو جدا و هو كان بيشجعني مشكل غريييب رغم اني كنت ضعيفة جدااا في المادة دي. مرة كان عملنا امتحان على كام تشابتر و الامتحان كان معروف معادو من زماااان و قبليها بيومين اعز اصدقائي جوم قالو لا لازم نأجل الامتحان ده عشان مش لحقنا نذاكر. انا عاني كنت مذاكره كل حاجه و مازلت بذاكره عشان كده كده كان مستوايا في الانعاش. بعدين المدرس رفض تاجيله عشان الشله دي بالذات كانو غاويين شكوى مستمرة سواء بقى من معاد الامتحان او صعوبته الخ الخ.بعدين اقرب صحبة ليا جات قليتلي انتي كلميه هو بيحبك انتي هو بيكرهنا طول عمره, انا طبعا رفضت لان كانت حجتهم اي كلام + انا مليش دعوة مش انا اللي عايزاه يتاجل. صحبتي دي ابتدت تتنرفز عليا و تقولي انتي انانيه و مش بتفكري غير في نفسك و عرفه انك هتعملي حلو لكن احنا مش مهم.ساعتها الموقف الصعب كان اني مش عايزة اخسر صحبتي دي و في نفس الوقت مش عايزة اغير انطباع المدرس عني. طبعا دلوقتي لما بفكر في الموضوع بلاقي الحل واضح جدا لكن انا زاي ما قلت قبل كده انا في السعودية كنت مش انا و تفكيري مش سليم. ساعتها كان بالنسبالي موقف عويص.

-ندمانه على الوقت اللي خالفت فيه بابايا و حزن لدرجة انو بكى.. دا كان في السعودية برضة.. لا على فكره ايام السعودية حصلت درامات كتيره جدا لكن انا بفضل اني مش افتكرها لان مش كنت طبيعية. انا افضل اني احاسب نفسي و اعتبر حياتي بدأ من ما بعد السعودية فقط

-كشرييييييييي. احنا السنة اللي فاتت نزلنا مصر في العيد..ماكالناش خروف ولا شمينا ريحتو...كلنا كشري :blink:

تم تعديل بواسطة Damo

" Feed Your Faith and your fears will starve to death "

Unkown~

رابط هذا التعليق
شارك
justme عضو جديد

justme

بتاريخ:
بتاريخ: (معدل)

سبحان الله وانا برضوا اجازة العيد ضربت كشري

وش احمد حلمي في فيلم الناظر وهوفاتح بقه بيقول هههه لما كان ضارب كشري

انا اوغالب النوعاس الان :lol:

وااااااااااه

انا ماشي

ولاه يا شلاطة ولا يا حسبو ولا يا خيشة :blink:

امسكو البت دي ومتخلوهاش تقوم من هنا لغاية ما ارجع

ولو عملت حركة كده ولا كده كهرب الحتة :sad:

واعملي missed

تم تعديل بواسطة justme

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
Damo عضو جديد

Damo

بتاريخ:
بتاريخ: (معدل)

سبحان الله وانا برضوا اجازة العيد ضربت كشري

وش احمد حلمي في فيلم الناظر وهوفاتح بقه بيقول هههه لما كان ضارب كشري

انا اوغالب النوعاس الان wst::

وااااااااااه

انا ماشي

ولاه يا شلاطة ولا يا حسبو ولا يا خيشة :lol:

امسكو البت دي ومتخلوهاش تقوم من هنا لغاية ما ارجع

ولو عملت حركة كده ولا كده كهرب الحتة :sad:

واعملي missed

هههههه اوكيه جود نايت

يلا مين هيستلم النبطشية :blink:

تم تعديل بواسطة Damo

" Feed Your Faith and your fears will starve to death "

Unkown~

رابط هذا التعليق
شارك
الباشمهندس ياسر عضو جديد

الباشمهندس ياسر

بتاريخ:
بتاريخ:
ا
اجري يا معلمي............كبسة

بموووت فيها و هي طازة :sad:

كبسة ايه

انا متخيلك فراااااااشة طايرة و ف الاخر تطلعي غاوية كبسة و كشري

اه ياااااااااااني م النت و عمايله

ممكن سؤال

ايه المقصود من وراء forbidden love

تفاءلوا بالخير تجدوه

بعضا مني هنا .. فاحفظوه

رابط هذا التعليق
شارك
Damo عضو جديد

Damo

بتاريخ:
بتاريخ:
كبسة ايه

انا متخيلك فراااااااشة طايرة و ف الاخر تطلعي غاوية كبسة و كشري

اه ياااااااااااني م النت و عمايله

ممكن سؤال

ايه المقصود من وراء forbidden love

هههههه لا الفراشة بالنسبالي تخيييينه اه ولله انا اختي اللي هي ١٤ سنة سبقتني في الوزن و المقاسات. بس بقولكو اييييه مش عيزه تريقه دي خلقة ربنا. هتسألني بقى الاكل ده كلو بيروح فين هقولكو لسه جاري التنقيب..

بالنسبة بقى لسؤال حضرتك. forbidden love يعني لما يبقي في حب لكن في حاجات كتيره توقف في طريقه. و توقف في طريقه مش بمعنى حد مستقصدهم ولا الكلام ده لأ :sad:

لما يبقى في اسباب قوية تخليه مستحيل ان الاتنين دول يستمروا مع بعض. for example :

~ اختلاف الجنسيات

~ اصطدام الطموحات

~اختلاف الاديان و دي طبعا اخطر وحده!!!

بس. ارجو اني اكون وضحت الرؤيا. على فكره بس عشان ابرأ نفسي ولا سبب من دول ينطبق عليا انا اديت امثلة ملهاش دعوة بيا مخصوص :blink:

" Feed Your Faith and your fears will starve to death "

Unkown~

رابط هذا التعليق
شارك
عنبو عضو جديد

عنبو

بتاريخ:
بتاريخ:

دااااااااااامو

بالذات الاخ عنبو..نزل بلستة تهديدات بعدين اختفى

ولا ابو اسماعيل مبيختفووووووش ممكن يخااافوا اه لكن يختفوااااااالااااااااااااااااااااااااااااااااااااااااء طش طش طش طح

المهم الاسئله كلها اجبارى من الاول نتفق كده

1- هل دامو ده اسمك الحقيقى ولو مش الحقيقى ليه سميتى نفسك داااااامووووووو ؟؟

2- لو بعد الشر عد الشر يعنى معرفتيش تتوصلى الى الحماااااااار ابو ديلين يبقى خلاص زى لما اتفقنا هتستنى العدل طيب ولما ربنا ان شااااء الله بعد لما يرزقك باول طفل ؟؟ لو طفل هتسميه ايه وليه ولو طفله هتسميها ايه وليه ؟؟

3- مين هو العضو الى حااااااااااااااسه انك تعرفيه من زماااااااااان قوى او يشبه واااااااحد تعرفيه ؟؟ يجب ذكر عضو وعضوه ؟؟؟

4- متى تشعرين بالحنين الى مصر ؟؟

5- مصر بالنسبه ليكى ايه ؟؟

6- متى تبكى ؟؟

7- فى رحله علميه سوف تستمر عام واحد وكان على كل عضو فى الرحله ان يصطحب ثلاثه فقط وتقسيهم كالاتى

واحد من الاسره ......... عضو من المحاورات .......... واحد من المشاااهير ؟؟ من سوف تصطحبين ولماذا

8- ايه الاكله الى دااااااامو بتعرف تعلمها تطبخها يعنى ؟؟

9- هل فكرتى ان بحر الابحاث والعلوم ممكن يسرقوا منك حياااااااااااتك الشخصيه ؟؟ لو فكرتى هتعلمى ايه علشان تتلاشى الموضوع ده ؟

10- لو اعجبتى بواااااااحد هتروحى تقولى له انا معجبه بك ؟؟ ولا هتعلمى ايه ؟؟ هل مثلاً هتلفتى انتباه ولا ايه ؟؟

11-الحب بالنسبه لداااااااااامو ايه ؟؟

12- ما هو القرار الى كل شويه بتأجلى فيه مع انك حاااااااسه انه ضرورى قووووووى ؟؟

13- ايه اكثر شىء بيعصبك ؟؟

14- الرجل بالنسبه لداااااااااامو ايه ؟؟

كفاااااايه كده يلا عبقااااااااااااال بقى لما ابقى اعمل معاكى حوار وانتى اخد جائزة نوبل فى العلوم بس وقتها متبقيش تنسينا بس ؟؟

لما الدنيا تقسى عليك اوعى تخاف منها وتكش تربس عترس فيها ياولدى هى كده متجش غير وش

دوس فيها وجمد قلبك بس اياك على ضعيف تفش توصل فيها لاعلى مناصب بس اياك فى يوم تغش

رابط هذا التعليق
شارك
Damo عضو جديد

Damo

بتاريخ:
بتاريخ:
ولا ابو اسماعيل مبيختفووووووش ممكن يخااافوا اه لكن يختفوااااااالااااااااااااااااااااااااااااااااااااااااء طش طش طش طح

انا اللي جبتو لنفسي :unsure:

- هل دامو ده اسمك الحقيقى ولو مش الحقيقى ليه سميتى نفسك داااااامووووووو ؟؟

دامو مش اسمي الحقيقي. دامو عبارة عن كومبينة بين اسمي الاول و اسمي الاخير. ده بعد ما كازا جامعة عملتلها كومبينات مختلفة انا طلعت بدا في الاخر. حسيت انو اظرف واحد بعدين اختي قليتلو انو راكب عليا بشكل مرعب. فا قولت يلا اديني لقيت اسم للمحاورات و ما هو الا ملأ فراغات :roseop:

- لو بعد الشر عد الشر يعنى معرفتيش تتوصلى الى الحماااااااار ابو ديلين يبقى خلاص زى لما اتفقنا هتستنى العدل طيب ولما ربنا ان شااااء الله بعد لما يرزقك باول طفل ؟؟ لو طفل هتسميه ايه وليه ولو طفله هتسميها ايه وليه ؟؟

يااا رب. عقبالك قبل مني :wub:

طبعا انا قريت اول نص من السؤال ده اربع مرات لحد ما فهمتوا

اولا لو جالي ولد لااازم و حتمااااا اسميييييه عمرووووو ليه معرفش الاسم ده معلق معايا و بحس ان ليه نغمة! و اكيد سعيد الحظ هقولو على الموضوع ده قبل ما نتجوز عشان مش نختلف وانا بولد :roseop:

ايوااا امال ايه انا هكتبها في القايمه دي !!!!!!!

اما لو بنت بقى فا مش في بالي حاجة معينه. ممكن سارة او ندى او حاجة من هذا القبيل. يكون اسم تقليدي مش من نظام ناريمان و باكينام و الاصوات الغريبة دي.

4- متى تشعرين بالحنين الى مصر ؟؟

انا بحن لمصر في اوقات كتييير كتيير لاحصر لها. لما بفرح بزعل اني مفرحتش كده في مصر و لما بزعل بزعل اكتر اني فوق ده مش في مصر و بحن لمصر في المناسبات زاي العيد و رمضان و هكذا لان هنا البلد بتبقى نايمة ولا على بالها اصلا و حتى في اوقات الاحتفلات بتعتهم بردو لا يقارن بجو مصر. و ببقى نفسي ابقى في مصر موووت اوقات البلاوي بالذات. ايوااا البلاوي و لما اشوف في التلفزيون ناس طالعة مظاهرات و حملات و اعتصامات بزعل جدا جدا اني مش معاهم و مش عرفة اتحرك و اعمل حاجة زاييهم.

- مصر بالنسبه ليكى ايه ؟؟

مصر هي بلدي اللي اتربيت فيها و اللي ماسكها ناس %^&@$% !!!

بس انا دايما اقول بعد العسر يسر...و كل العسر ما زاد و طال كل ما اتأكد ان اكيد اليسر هيبقي حاجة كبيره كبيره كبيره

6- متى تبكى ؟؟

انا لا ابكي

7- فى رحله علميه سوف تستمر عام واحد وكان على كل عضو فى الرحله ان يصطحب ثلاثه فقط وتقسيهم كالاتى

واحد من الاسره ......... عضو من المحاورات .......... واحد من المشاااهير ؟؟ من سوف تصطحبين ولماذا

عضو من الاسرة: بابايا لان عقلو متفتح و يتقبل و ييدي فرصة لاي شيء جديد مهما كان صعب تصديقة

عضو من المحاورات: (انا في سري: ايه الاحراجات دي... :roseop: ) عنبووو طبعاااا (يا رب يكون صدق)

واحد من المشاهير: تامر حس. :roseop: .. قصدييي نسمة عبد العزيز... تعملي جو حلو في اللاب :lol:

8- ايه الاكله الى دااااااامو بتعرف تعلمها تطبخها يعنى ؟؟

اخخخ جينا للفضايح.. ماشي..هعترف... انا مامتي بتصوت يوميا..خلاص فقدت الامل فيا.. بس انا بعرف اعمل حاجات بسيطة اللي تمشي اوقات الشدة زي الرز المكرونة فراخ مسلوقة... يعني مقدرش افتح بيت :roseop:

من الاخر من الاخر...انا...انا...... انا بابايا سبقني في الطبخ

9- هل فكرتى ان بحر الابحاث والعلوم ممكن يسرقوا منك حياااااااااااتك الشخصيه ؟؟ لو فكرتى هتعلمى ايه علشان تتلاشى الموضوع ده ؟

انا فعلا فكرت في الموضوع ده كتير و كتير فتحتو مع بابايا, لكن تقدر تقول انو مش قلقانه منو اوي عشان انا بقدر ان يبقى عندي اسرة و لازم هما يكونو اولوياتي الاولى. اكيد هتمر عليا اوقات ابقى مش قدرة اتفرغلهم قوي لكن في نفس الوقت لو نصيبي كان بالمواصفات اللي في دماغي المفرود اني هيوقف جنبي و هيخفف عليا لحد ما تمر زاي مانا هعمل في اوقاته هو العصيبة بالظبط يعني هنشيل بعض. لكن انا مش بحب نظام انتي مش واخده بالك من بيتك سيبي الشغل اولادك محتاجينك. انا بكرر ان اكيد اسرتي هتبقى اولويتي الاولى.انا فارس احلامي لازم يقدر يجاري طموحاتي. و الطريقة الوحيدة اللي يقدر يجاريها انو يبقى عندو نفس الطموحات. مش قصدي في نفس المجال بالذات قصدي للextent . انا مشعرفة اشرح اللي عايزه اوصلو بالظبط بس يا رب تكون فهمتني. عموما لو لسه مش وصلت حضرتك ممكن تسأل بطريقة تانية.

" Feed Your Faith and your fears will starve to death "

Unkown~

رابط هذا التعليق
شارك
Damo عضو جديد

Damo

بتاريخ:
بتاريخ:
10- لو اعجبتى بواااااااحد هتروحى تقولى له انا معجبه بك ؟؟ ولا هتعلمى ايه ؟؟ هل مثلاً هتلفتى انتباه ولا ايه ؟؟

و الله انا مقدرش ادي اجابة محددة لانو بيبقى حسب الظروف. يعني هل هيبقى زميلي في الجامعة ولا حد في الشغل في المستقبل ولا ابن خالي :roseop:

و لو مثلا زميلي في الجامعة غالبا مش هعمل حاجة خالص لاني هبقى عارفه انو مجرد عبط بنات حب مراهقة كلام من ده و by time هنسى. و الكلام ده عن خبرة :roseop: . محددددش دماغووو تروووح لبعيييييد زاي ما قلت كهن بناااات :lol:

و لما احاول اتخايل الشخص المستهدف ده اننا نتجوز بتخض بقول لاااايمكن ابدااا. بحس انو مش ينفع مش احس ان ينفع اقضي معاه بقيت حياتي. اقوم اعرف علطول انو مشاعر مراهقة ملهاش اي قيمة

بعدين انا مفتكرش اني هلفت انتباهو... انا صحيح ببقى شبيييحة و جريئة موووت بالانجلش بس لما تيجي للحجات دي بتكسف موووت اه ولله..بطلع جبانة جداااا. انا ممكن اديه مش فرصة وحدة لأ كتييير ان هو اللي يقولي انو معجب بيا لو هو معجب فعلا لكن انا مفتكرش هعمل حاجة.

1

1-الحب بالنسبه لداااااااااامو ايه ؟؟

على فكرة ده تعجيز. justme يقولي الرومانسية و حضرتك تقولي الحب... انا مش بعرف اخلق تعريفات كتيره زاي الافاضل الكتير اللي في المنتدى. فعلا معنديش المهارة دي. الحب يعنيlove (عارفة عارفة جبتلكو التايها) الحب يعني اتنين ينسجمو مع بعض و يهتموا لبعض و كل واحد منهم يخاف على التاني...مشعرفة اقول ايه تاني..ممكن اختيارات؟

12- ما هو القرار الى كل شويه بتأجلى فيه مع انك حاااااااسه انه ضرورى قووووووى ؟؟

انا شكلي هندم اني جبت سيرته اكتر منو هو شخصيا...

هو موضوع عويص شوية... فاضي؟ ولا بلاش..المختصر المفيد اني شايفة انو قرار ضروري جدا جدا لكن مش عايزة اعمل اي حاجة دلوقتي لحد ما مشاعري تهدى شوية عشان اتأكد اني هعمل كده عشان ده الصح مش عشان احساسي كده. يعني من الاخر اتأكد انو قرار من العقل مش من القلب. انا زاي ما قلت قبل كده مش عايزة اقول حاجة لحد ما الحكاية تخلص.... ارجو ان حضرتك تتفهم. و عموما لو الموضوع طول اكيد هطرحة في موضوعات شخصية عشان انا محتاسة حبتين :roseop:

13- ايه اكثر شىء بيعصبك ؟؟

مممممممم ما بلااش ده كمااان... يعني مصمم تعرف؟ بصراحة بصراحة...اكتر حاجة بتعصبني... و بتنرفزنييي على الاااخر....مامتي...ايوااا مامتييي.... قولو بقى الابنة المتمردة او whatever بس ده اللي بيحصل و خلاص

14- الرجل بالنسبه لداااااااااامو ايه ؟؟

حضرتك قصدك رجل من انهي وجهة؟ يعني بابايا ؟ اخويا ؟ قريبي؟ شريكي؟

انا هخمن انو آخر واحد ده و عموما لو انا غلط عادي قول متتكسفش :roseop:

تعرف انا قعدت قدام الكي بورد عشر دقايق مبعملش حاجة غير اني بفكر في اجابة. اجابتي زي سؤال الرومانسية و سؤال الحب بالظبط. معنديش في دماغي تعريف معين...

ها ايه رأيك حلو كده؟ يا رب اكون نجحت :roseop:

" Feed Your Faith and your fears will starve to death "

Unkown~

رابط هذا التعليق
شارك
لماضة مصرية جدا عضو جديد

لماضة مصرية جدا

بتاريخ:
بتاريخ:

السلام عليكم و رحمة الله و بركاته

حبيبتشي حبيبتشي....ع فكرة انتي شخصية ثرية جدا ...... للنكش.... :lol:

مكنشي يومك يا شابة

طبعا.....لسه مخلصتيش اجابة ع اسئلة الحاج عنبو.... آديني مستنية....

بس و انت بتجاوبي بقي خدي عندك دول:

1- الراجل الشرقي يعجبك فيه ايه....... الراجل الغربي يعجبك فيه ايه؟؟؟

و يا سلام بقي لو اتدردبتي في الكلام و قولتلنا كده تحبي تاخديه شرقي و لا افرنجي..... :roseop:

2- لو اتحطيتي في موقف.....بابا (اللي انا حبيته جدا ع فكرة.....هو مرتبط؟؟؟) متوقع منك حاجة معينة.... او بمعني اصح راسملك توقعات كبيرة أوي.....و انتي اخترتي اختيار.....نسف كل توقعاته..... يا تري هترضي بابا..... و لا هتمشي ورا احساسك؟؟؟

3- لما تجيبلنا بنوتة ان شاء الله (سارة و لا ندي..... فكرتي في ريان....ده باب في الجنة....بس انا هسميه لبنتي ان شاء الله) ايه الحاجة اللي هتحرصي انك تعلميهالها؟؟

انا هروح الكلاس بتاعي دلوقتي و ع الله ارجع مالقكيش مجاوبة

"اللهم اجعل من بين أيديهم سدا و من خلفهم سدا:

اصل عندي امتحااااااااااااااااااااااااااان

مسااااااااااااااااااكم ورقة امتحان.... الاسئلة فيها سهلة... و السطور تحت بعضيها

دعواتكم

رابط هذا التعليق
شارك
justme عضو جديد

justme

بتاريخ:
بتاريخ:

انا جييييييييت

يا مرحب يا مرحب (صوت الرجالة اللي سبتهم امبارح مكتفين داموا)

اخبارك يا حج عنبي ايوه كده وريهم الشغل

امممم

بس انا مش شايف حد تاني

طيب استعنا بالله

يا فتاح يا عليم يا رزاق يا كريم :roseop:

السؤال الأول

اه لحظة واحدة

انا شامم ريحة اجابة غلط :lol:

موضوع العياط ده انا فاكر اني قريت ليكي رد على الاخت لماضة بتقولي فبها انك عيطتي قبل كده

من فلضلك السؤال ده يتعاد تاني

والنبي يا عنبي نزل سكينة الكهرباء وحطها على ال 220 خليها تعرف تفتكر كويس :roseop:

السؤال الاول

:roseop:

ايه اكتر حاجة بتدعيها لربنا لو حاجة شخصية براحتك

2- ما هو اكتر مكان في مصر اللي لما تشوفيه بيحسسك انك في مصر فعلا

3- ما هو اكتر شيء تتمني ان تجديه

4- ما هو احساسك لما سيبتي السعودية

5- انا عارف ان سعادتك بدأتي برة مصر وبعدين السعودية ونيوزيلندة يعني كوكتيل كده مصر جزء صغير فيه على الاقل زمنيا هل تحسين بالانتماء الحقيقي لمصر وما هي اكثر شيء تحبيه في مصر واكتر شيء بتكرهيه في مصر

يلا كفاية كده علشان الحق اذاكرلي كلمتين

في انتظار الرد

اه قبل مانسى والنبي يا عنبي متنساش ترفع السكينة قبل ما تروح لحسان البت يحصلها حاجة

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
Damo عضو جديد

Damo

بتاريخ:
بتاريخ: (معدل)
حبيبتشي حبيبتشي....ع فكرة انتي شخصية ثرية جدا ...... للنكش....

هيهيهيهي مرسي ده من زوق حضرتك بس :lol:

(هي دي حاجة حلوة ولا وحشة؟؟؟!)

1- الراجل الشرقي يعجبك فيه ايه....... الراجل الغربي يعجبك فيه ايه؟؟؟

بيعجبني في الرجل الغربي تفكيره العملي و الeffecient بيعجبني في الرجل الشرقي حجات بسيطه لكن كتيرة. مثلا لو ان مع اي شخص لاي سبب قولو رايحين نذاكر مثلا و جينا نقعد حركة انو يمسكلي الكرسي دي بتزقتطنيييي يعني it makes my day بس طبعا مش ببين :roseop: . بس و حاجات من هذا القابيل اشياء صغيرة لكن بتفرحني اوي.

و يا سلام بقي لو اتدردبتي في الكلام و قولتلنا كده تحبي تاخديه شرقي و لا افرنجي.....

ا كيييد اكييييد شرقي طبعاااا :roseop:

2- لو اتحطيتي في موقف.....بابا (اللي انا حبيته جدا ع فكرة.....هو مرتبط؟؟؟) متوقع منك حاجة معينة.... او بمعني اصح راسملك توقعات كبيرة أوي.....و انتي اخترتي اختيار.....نسف كل توقعاته..... يا تري هترضي بابا..... و لا هتمشي ورا احساسك؟؟؟

معلش يا لماضة مفيش نصيب :roseop:

هرضي بابايا

- لما تجيبلنا بنوتة ان شاء الله (سارة و لا ندي..... فكرتي في ريان....ده باب في الجنة....بس انا هسميه لبنتي ان شاء الله) ايه الحاجة اللي هتحرصي انك تعلميهالها؟؟

لازم اخليها تعرف قيمتها و ان مش شوية ابدا انها تبقى بنت ناس (ان شاء الله) لازم اعلمها ازاي تتعامل مع الحوليها (بالذات الجنس الاخر) بحكمة اكمن اللخبطة في الحته دي ممكن تحصل بسهولة جدا... ربنا يستر :roseop:

انا هروح الكلاس بتاعي دلوقتي و ع الله ارجع مالقكيش مجاوبة

"اللهم اجعل من بين أيديهم سدا و من خلفهم سدا:

اصل عندي امتحااااااااااااااااااااااااااان

مسااااااااااااااااااكم ورقة امتحان.... الاسئلة فيها سهلة... و السطور تحت بعضيها

دعواتكم

يااااا ررببب ينصرك على الاعداء يااا ربببب

تم تعديل بواسطة Damo

" Feed Your Faith and your fears will starve to death "

Unkown~

رابط هذا التعليق
شارك
Damo عضو جديد

Damo

بتاريخ:
بتاريخ:
السؤال الأول

اه لحظة واحدة

انا شامم ريحة اجابة غلط

موضوع العياط ده انا فاكر اني قريت ليكي رد على الاخت لماضة بتقولي فبها انك عيطتي قبل كده

من فلضلك السؤال ده يتعاد تاني

والنبي يا عنبي نزل سكينة الكهرباء وحطها على ال 220 خليها تعرف تفتكر كويس

لااااألاااأ هقوووول اهو اهقوووول ااايييي

هعترف ... انا فعلا عايط قبل كده مفيش حد معيطش في حياتو بس الكلام ده كان في السعودية.. و كان حاجات عادية يعني خبطنا قطة بالعربية..البطل مات في اخر الفيلم,,, او درامات اخرى حصلت في البيت. و كان في حاجات غريبة جدا بعايط عليها :blink: دانا دلوقتي كل ما افتكر اضحك و اقول ايه العبط اللي كنت فيه ده! لكن حاليا مفيش حاجة معينة تخليني اعيط. بعدين هو زاي ما تقول كده من كتر الشحططة النفسية مابقاش في حاجة اسوأ من اللي مريت بيه تخليني اعيط

2- ما هو اكتر مكان في مصر اللي لما تشوفيه بيحسسك انك في مصر فعلا

النادي او مدرستي القديمة

3- ما هو اكتر شيء تتمني ان تجديه

الراااااحة + السعادة في نفس الوقت. مشعرفة ليه الاتنين مش راضيين يظبطوا مع بعض

4- ما هو احساسك لما سيبتي السعودية

لما سبت السعودية فضلت مدة في الحالة اللي كنت فيها ساعتها لحد ما الدراسة ابتدت و اضطريت اخروج و اتعامل مع المجتمع و كده و نسيت السعودية دي خااالص كاني عمري ما رحت. دلوقتي بس بقى عندي استعداد افتكر ايام السعودية منغير ما اتأثر. لما سبت السعودية ماكانش عندي احساس معين... كنت خلاص خلصت عندي كل الاحاسيس... كنت لا فرحانة ولا زعلانة,,,, zero feelings

5- انا عارف ان سعادتك بدأتي برة مصر وبعدين السعودية ونيوزيلندة يعني كوكتيل كده مصر جزء صغير فيه على الاقل زمنيا هل تحسين بالانتماء الحقيقي لمصر وما هي اكثر شيء تحبيه في مصر واكتر شيء بتكرهيه في مصر

انا عمري ما حسيت بانتماء غير لمصر و عارفه اني هلف هلف و هرجع مصر تاني. اكتر حاجة بحبها في مصر اصحابي من المدرسة القديمة ... الحاجات اللي تتكره في مصر كتيييير مالهاش اول من آخر. اكتر حاجة بكرهها بجد المعاكسات. لما بنزل مصر الحاااجه الوحيدة اللي بتوقف في طريقي المعاكسات. بخاااااااف

اه قبل مانسى والنبي يا عنبي متنساش ترفع السكينة قبل ما تروح لحسان البت يحصلها حاجة

خود بالك من دي ضرووري يا عنبو اوعى تنسى wst::

يلا كفاية كده علشان الحق اذاكرلي كلمتين

اشوووفك منصووور ياا راااب

" Feed Your Faith and your fears will starve to death "

Unkown~

رابط هذا التعليق
شارك
Damo عضو جديد

Damo

بتاريخ:
بتاريخ:

انا نسيت السؤال ده سوري

مين هو العضو الى حااااااااااااااسه انك تعرفيه من زماااااااااان قوى او يشبه واااااااحد تعرفيه ؟؟ يجب ذكر عضو وعضوه ؟؟؟

بصراحة مفيش لاني معرفش حد كفاية في المنتدى لدرجة اني اقول كده

" Feed Your Faith and your fears will starve to death "

Unkown~

رابط هذا التعليق
شارك
justme عضو جديد

justme

بتاريخ:
بتاريخ:

الله ده حتى الاخت لميضة (يعني اذا سمحتي ندلعك شوية) طلعت هي راخرة في نفس ذات الوقت تلموذه

هو المنتدى ده في الاخر هيطلع تبع جامعة في كندا اصل كل الناس هنا بتذاكر وكده

طيب خدي الدفعة اللي بعدها (اصل انا من انصار الهجوم خير وسيلة للدفاع)

1- ايه اكتر حاجة تستفزك في البنات وفي الاولاد

مش عارف الاسئلة دي تنفع ولا لأ بس براحتك لأنك جبتي سيرة المعاكسة فعايز وجة نظرك في الموضوع

- ماسبب مضايقة الشباب للبنات في الشارع ؟؟

هل تعتقديين ان الشباب هو من يبداء في معاكسة البنت ؟؟

ومدام بقى الاخت لماضة فتحت السكة فاذا امكن يعني جاوبي دول كمان

هل تعتقدى بانك يوما ما سوف تتزوجين بفارس احلامك

-مامدى تاثير صديقاتك على طباعك وشخصيتك

واخيرا وليس بأخر

ايه رأيك بعد ما اتحتيطي على الكرسي كده والاسئلة نازلة مش عارفة منين ولا منين شعورك بقى عامل ازاي

مش عارف انا بادئ اشم ريحة شياط ربنا يستر عليكي يا داموا

لو الاسئلة شايفاها كتيرة احب ابشرك اول الغيث قطرة ولسه قدامنا 6 ايام بمنافعهم

[(من أجل ذلك كتبنا على بني إسرائيل أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون) سورة المائدة (32)

{وَكَذَلِكَ نُوَلِّي بَعْضَ الظَّالِمِينَ بَعْضًا بِمَا كَانُواْ يَكْسِبُونَ} [الأنعام:129]

( وَكَذَلِكَ جَعَلْنَا فِي كُلِّ قَرْيَةٍ أَكَابِرَ مُجْرِمِيهَا لِيَمْكُرُوا فِيهَا وَمَا يَمْكُرُونَ إِلَّا بِأَنفُسِهِمْ وَمَا يَشْعُرُونَ)سورة الأنعام 123

( أفرأيت من اتخذ إلهه هواه وأضله الله على علم وختم على سمعه وقلبه وجعل على بصره غشاوة فمن يهديه من بعد الله أفلا تذكرون (الجاثية 23 )

{ وَلَوْ أَنَّ أَهْلَ الْقُرَى آمَنُواْ وَاتَّقَواْ لَفَتَحْنَا عَلَيْهِم بَرَكَاتٍ مِّنَ السَّمَاءِ وَالأَرْضِ }[ سورة الأعراف ]

رابط هذا التعليق
شارك
رضوي عضو جديد

رضوي

بتاريخ:
بتاريخ:

السلام عليكم ورحمة الله وبركاته

ايه دة هو انا جيت متأخرة ولا ايه ؟

يارب الاقي مكان كويس

اهلا دامو ربنا معاكي ويقوكي علي اللي انتي فيه الله يكون في عونك

بس دة مايمنعش برضة اني حشترك معاهم ...........

بصي بقي ياقمر خدي شوية الأسئلة دي ع السريع

ايه البلد أو المكان اللي تحبي حياتك تستقر فيه ولماذا ؟

حياتك شريط سينيمائي ممكن تتحكمي فيه ايه المواقف اللي حصلت وتحبي تعمليلها مونتاج ؟ وايه المشاهد اللي نفسك تعمليها ؟

مين من الناس تحبي يكون معاكي للابد في رحلة حياتك ( غير بابا وماما ربنا يخليهم واختك طبعاً )؟

مين من الناس اللي عايزة تديله كارت أحمر وتقوليله اختفي خاااالص من حياتي ؟

ياتري عندك طموحات كان المفروض تحققيها و ماقدرتيش لسبب أو لأخر ؟

لحظة ندم علي حاجة عملتيها من زمان ياتري بتأنبي ضميرك وتتضايقي , ولا بتقولي الحمد لله انها جت علي اد كدة ؟ ولا بتقولي احمدك يارب اني مريت بالموقف دة علمني حاجات كتيير وقدرت اتفادي مواقف أصعب ؟

يالا بقي جاوبي براحتك ياجميل .

اللهم إرزقني بفرحة ... تجعلني أسجد لك باكية .

رابط هذا التعليق
شارك
joo عضو جديد

joo

بتاريخ:
بتاريخ:

هلا هلا هلا هلا هلا دمدومة

بصراحة انا مشلائى اسئلة اللة يسامحك يا عنبو خلصت على كل الاسئلة بس ملحوئة

بصى يا ستى مين هو اكتر شخصية فى المنتدى نفسك تعرفية اكتر ومكسوفة تسألية ؟ ولو سألتية هتسألى عن اية ؟

جاوبى بس بكل صراحة

لحسن اغزك مطوة ارن غزال ِ md2: :blink: :D wst::

[وسط][/وسط]2ah7ju81.gif

رابط هذا التعليق
شارك
Damo عضو جديد

Damo

بتاريخ:
بتاريخ:

انا جيييييت معلش يا جماعة اتأخرت عليكم. اكمن في ايام لما ااختي تشوف الكمبيوتر و الكمبيوتر يشوفها مفيش قوة تقدر تفرق بينهم.

اهلا يا رضوى. its never too late اديكي شايفة justme بيقول لسه ٦ ايام بمنافعهم...ربنا يستر بقى :roseop:

" Feed Your Faith and your fears will starve to death "

Unkown~

رابط هذا التعليق
شارك
زائر
هذا الموضوع مغلق.
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...