كرسي الاعتراف

[lonly in cold night]

ايه يا جماعه؟

ما حدش اختار نورا ؟

ليه يعنى ؟

هي معشيه الحكام ولا ايه ؟

يا نسر يا صاحبي

صوت و احد؟

الف مبروك يا ايناس

اتفضل الكرسي

ماهو انا الصوت الخامس

[inas]

كده برضو :P

مش حرام عليكو ( وش بيعيط ونبي)

من حفر حفرة لاخيه يعني :lol:

انتم لميتو بعض وعملتو جمعيه عليا اتحدتو عليا :lol:

انا قلت اعمل طرشه :blush:

مين بينادي طيب جيا حالا :wub:

بعد ازنكم ريحا كولا لامبور :P

خير عوزين ايه اساله مبجوبش :)

المنتدى قدمت استقالتي منو :o

[عبده بيه]

اختنا ايناس اجيب الكرسي ولا انتي عايزة حاجات معينة في الكرسي يعني جلد او شمواه بمسند او تكايه ياريت بسرعة لان الناس منتظرة وبيجهزوا الاسئلة

[inas]

انا افضل استعمال الشيزلونج :wub:

معلش يعني الواحد لازم تكون نفسوياتو مستريحه :blush:

وهو يحس انو عند دكتور الامراض النفسيه ويفضفض برحتو

[inas]

طيب انا جاهزه ومستنيا

لحظه بس جبت معايا حجات لزوم القعده

محدش يمد ايدو دا للي قاعد على الكرسي بس معلش يا س س :lol:

اهم ما في الاعده الكابتشينو بتاعي

كده مش ناقص حاجه

افتكرو جميعا بلاش غلاسه في الاساله كل واحد ليه يوم :wub:

س س انا مهما عملت فيك فانا برضو اختك الصغير :blush:

[nora]

والله شكرا انكم اخترتوا ايناس:wub:

انا في منتهى السعاده ويلا هبدأ الاساله

مفيش مرة ندمتى انك سبتي الكويت ؟؟ وفي الحالتين عللي السبب؟(عقلي الباطن حلوة علل دي :blush:)

تم تعديل 20 ديسمبر 2006 بواسطة nora

[عازفه على أوتار الذهب]

:lol:

خخخخخخخخخخخخ

انا عايزه وش شماته..

مكانش يومك يا نونا ياحبيبتي :o

أبدأ بأول سؤال مين اكتر حد مش طايقاه دلوقتي

غيري؟؟؟...

وبعدين انت كده جايه تاكلي مش لا تتسألي

تم تعديل 20 ديسمبر 2006 بواسطة عازفه على أوتار الذهب

[نانو]

يا اهلا يا اهلا

يا بنتي

من فحر فحره لاخيه ادلق فيها

ما علينا

شوفي يا ستي

انتي قلتي قبل كده انك كنتي عضوه في المنتدي زمان

سيبتيه ليه زمان ؟

و رجعتي ليه :o ؟ انت منورانا طبعا :lol:

و ايه الفرق بين المنتدي زمان ودلوقتي؟

و اي ايام كانت احلي بالنسبه لك ؟

كفايه دلوقتي و نكمل كلامنا بعدين :lol:

[inas]

نوره بقى تبقي اختي واول مين يسالني

طيب ندمانه ولا لا واعلل؟؟

ندمانه مش على كل الحالات يعني في ايجابيات وسلبيات وجدتها في عودتي الى ارض والوطن :lol:

الايجابيات تتمثل في تجمع شمل اسرتي الي مش بيتجمع ودا راجع لاسباب عمل الزوج

والسلبيات في تففكك شمل اسرتنا المشتته في بقاع الارض اشاسا

وتركي للعمل وما عاد علي بامور تانيه كتير

دهب انت دا شيء مفروغ منه مين تاني خليها في سري

سبتو زمان والكلام ده كان في اول زواجي ولزحمة حياتي بالعمل حيث ان كنت بشتغل دوامين (عرفه اني منوره :o )

زمان والله سجلت وملحقتش اشارك كتير بس كل الي فكراه بجد بجد دلوقتي بقى احلى بكتير بالمجموعه الحلوه والي بتحسسك انك وسط اخواتك ومبتزهقيش بجد والله

رجعت ليه دا بناءا على دعوة نوره ليا هي بتقلي المنتدى حصل في كذا فرحت قلتلها انا ملياش طقطان على المنتديات

فقالت جربي

ومن يومها مبسبوش :lol:

على فكره انا حتى مش فاكره اسمي القديم كان ايه الي سجلت بيه هنا زمان :o

اي اسئله تاني

[nash]

بجد بجد

ايه شعورك وأنتي ليكي أخت أسمها نورا

وأخ أسمه داركر

مش عايزة

جواب ديبلوماسي

عايزة الحقيقه....أيه مشاعرك دلوقتي تجاههم :lol: :o

[nancy]

شوفى يا انوس انا مكنتش عوزاكى تبقى على الشيزلونج

علشان انت طيبة ومن النوع الى بيقول كل الى عندة بسهولة

انا كنت عوزة حد من الناس الى مش بيتكلموا على نفسهم خالص ايوة موجودين وبيهزروا ويشاركوا بس مبيتكلموش عن حياتهم خالص

وهو حد انا عرفاه بس مفيش داعى باة هو عارف نفسة :o

عموما بما انك قاعدة كدة ومسترعة وجايبة كل التسالى دى

وزنك كام يا انوس على كل الرمرمة دى

ومن غير ما نكدب علشان اختك حتفتن عليكى على طول :lol:

[nora]

شوفى يا انوس انا مكنتش عوزاكى تبقى على الشيزلونج

علشان انت طيبة ومن النوع الى بيقول كل الى عندة بسهولة

انا كنت عوزة حد من الناس الى مش بيتكلموا على نفسهم خالص ايوة موجودين وبيهزروا ويشاركوا بس مبيتكلموش عن حياتهم خالص

وهو حد انا عرفاه بس مفيش داعى باة هو عارف نفسة ;)

عموما بما انك قاعدة كدة ومسترعة وجايبة كل التسالى دى

وزنك كام يا انوس على كل الرمرمة دى

ومن غير ما نكدب علشان اختك حتفتن عليكى على طول :lol:

انا ممكن ارد بالنيابه عنها وزنها 555 في عين العدو :lol:

والله يا نونوس صعبانه عليا اوي :P

سؤال على الماشي كده

نفسك كنتي تباي مين ؟؟ شخص كنتى تبقى زيو كده ؟؟:huh:

[darker19]

أناناس بما إني أخوكي و وعارفك كويس فعندي أسأله كتييييييييييييييييييييير.....

بس مش عارف مالي نسيتهم مره واحده :lol:

س: أنا عارف كويس جدا إنك ما كنتيش بتطبخي قبل الجواز (إلا لو بتعتبري حلة الرز بالبسلة والجزر واللحمة المفرومة الي كانت بتتحرق منك كل مره ده طبيخ), السؤال أخدتي قد إيه كفترة تدريب وتجارب في الطبخ على جوزك؟

بيتهيألي كتير أوي لأني أشك إنك إتعلمتي حاجة.....

س: أتمنى إنك ما تستغربيش من السؤال, إنتي مواليد سنة كام؟؟؟؟ :huh:

مش عارف ليه دايما بنساها السنة العفشة دي.......

مسموح لك أن تجيبي على الخاص أو عن طريق ال sms

---------------------------------------------------------------------------------------------

بجد بجد

ايه شعورك وأنتي ليكي أخت أسمها نورا

وأخ أسمه داركر

مش عايزة

جواب ديبلوماسي

عايزة الحقيقه....أيه مشاعرك دلوقتي تجاههم

بجد بجد

تنفعي مهدئة نفوس فعلا....

بس سؤال في الجون, وأكرر معك السؤال مع اني عارف الإجابة مسبقا....

تم تعديل 20 ديسمبر 2006 بواسطة darker19

[inas]

ناش احساس فظيييييييييييييييييييييييع مش عارفا اوصفو ازاي اييييه دنيا دا كفايا الاخ ضلمه الي مسودها في وشنا :huh:

شوفي يا نانسي انا عملا رجيم وبعد مخلص الرجيم هقولك وزني والواحد اهو بيسلى بشوية صور

ابقى زي مين :lol: بجد بجد زي امهات المؤمنين وخاصة السيده عائشه

داركر

لحد النهرده بدرب فيه :P

انا مواليد 1900 وخشبه

السنه الي مات فيها ؟؟؟؟؟؟؟؟ :lol:

شفت بربط تاريخ ميلادي بموت حد ;)

شكرا يا جماعه وهدو اللعب شويه

[عازفه على أوتار الذهب]

.نوسه حبيبة قلبي ومرت أخوي

هسألك.. وأحرجك :D

إيه أكتر موقف محرج مريتي بيه فحياتك؟؟؟؟

ومتتوهيش :blink:

وايه اكتر حاجه كنتي بتتمني تحققيها ومعرفتيش؟؟؟

____________________________________

_________________________________

س: أنا عارف كويس جدا إنك ما كنتيش بتطبخي قبل الجواز (إلا لو بتعتبري حلة الرز بالبسلة والجزر واللحمة المفرومة الي كانت بتتحرق منك كل مره ده طبيخ), السؤال أخدتي قد إيه كفترة تدريب وتجارب في الطبخ على جوزك؟

:o

يعني انت كنت عارف موضوع الرز بالبسله ده ومقولتش :D

تم تعديل 20 ديسمبر 2006 بواسطة عازفه على أوتار الذهب

[inas]

.نوسه حبيبة قلبي ومرت أخوي

هسألك.. وأحرجك :unsure:

إيه أكتر موقف محرج مريتي بيه فحياتك؟؟؟؟

ومتتوهيش :)

وايه اكتر حاجه كنتي بتتمني تحققيها ومعرفتيش؟؟؟

:o

يعني انت كنت عارف موضوع الرز بالبسله ده ومقولتش B)

اكتر موقف محرج مريت بيه

بس محدش يضحك

كنت في مره ريحا اقابل خطيبي الي هو اخوكي وجوزي حاليا

وكنت مشيكا على الاخر ولبسا جزمه كعب عالي وجيبه طويله

وكان مستنيني في محطة الرمل وشفتو فوقفت التاكسي وجيت نازله كعب الجزمه شبك في الجيبه ووقعت على وشي في الارض :blush:

هو جي بيعدي الشارع وشايفني واعد يضحك انا قمت ولقيتو جي بيقولي كنت هعمل نفسي معرفكيش :blink:

شفتو جوزي فخور بيا اد ايه mfb:

اكتر حاجه كنت بتمنى احققها ومعرفتش اني احضر ماجستير ودكتوراه بس ان شاء الله لما العيال يكبروا هتفرغ للموضوع ده بجديه :lol:

فكرتني ياداركر انا لسه معملتلهمش هنا رز بالبسله والجزر واللحمه المفرومه بكره عزماكي عندي على الغداء يا دهب :P

[Scorpion]

كان فيه سؤال في زوري لسي السيد بس بلعته و من ساعتها الزغطة مش عايزة تسيبني ... اففففف عالصحوبية ...

يبقي نطلعه وز وز علي اللي بعده ...

وسعوا يا اخواننا نشوف مين اللي علي المرجيحة ... ايناس ...

ايناس بتاعتنا اخت نورا و داركر .... هاندريد بير سنت

عزيزتي ايناس ..

هل شعرتي مرة بالغيرة من اخواتك .. او ان الأهل بيفضلوا واحد منهم عنك ؟

نورا كانت ضعيفة في النحو و الإملاء زمان ؟ طبعآ انتي عارفة انها شهيرة في الجوار بصيحتها الخالدة انا خيفة انا خيفة ....

ازاي بتقضي يومك في الكويت .. و ايه اللي حيختلف لو كنتي فضلتي في مصر ؟

حسيتي مرة ان فيه عنصرية في الكويت ... يعني نظرة مختلفة ليكي لأنك مصرية ؟

اسوأ موقف حصل لك هناك ؟

و كفاية عليكي دلوقتي ...

[سهيلة]

اينااس واللة موضوعك الظريف دة شبة موضوع كان موجود زمان اسمو كرسى الحقيقة

يا ريت الادرارة تضم الموضوعين

بما ان ايناس على كرسى الكهربا قصدى الاعتراف هسالك سوال واحد يا ايناس

ماذا تمثل لكى هذة الكلمات من معنى

الحب

الفشل

السعادة

المال

الحلم

؟؟؟

[bentmasria]

ايناس واحشانى بجد

اهلا بيكى على المقصلة

سورى قصدى كرسى الاعتراف

بقولك يا قمرة

ياترى جوزك موافق تنزلى تشتغلى فى مصر ولا ماصدق زى كلهم تقعدى فى البيت تربى العيال؟؟

وياترى معترض على موضوع المحاورات ولا عشان انتى وسط العيلة يعنى؟؟

ياترى لسه بتحبيه؟؟

موش بقولك واحشانى

انا جاية اهدى النفوس بس :) :D

اختك ام محمد

[نانو]

اناناسه

امتي بتلاقي نفسك سعيده اوي

يمكن تكون في اكتر من لحظه او موقف انا بقي عايزه اسعد لحظه ممكن تمر عليكي

كل ست اهم شئ في حياتها زوجها و واولادها...لكن انتي ازاي بتحسسي انك فعلا حققتي ذاتك....بتحسي انك هنا ايناس

و علي فكره ممكن تكون لحظه واحده مريتي بالاحساس ده في حياتك ويمكن ما جاش تاني ويمكن لسه انت مستنياه

وشوكرنون ولي عوده مره اخري