لو خيرت أن تعيش في بلد غير بلدك؟؟؟ماذا تختار؟؟؟؟؟

[عازفه على أوتار الذهب]

لو خيرت أن تعيش في بلد غير بلدك؟؟؟ماذا تختار؟؟؟؟؟

ولماذا؟؟؟؟؟؟؟

[nash]

أهلا يا دهب...

أتمني أعيش في السويد

نسبه ..الأمان عاليه وبلد تحترم حقوق الإنسان

[inas]

اختار السعوديه

عشان اكون قريبه من مكه وعمل عمره كل متخنق بجد امنيه ليا

[هيثم نافع]

لبناااااااااااااااااااااااااااااااااااااااااااااااااااااااان

بالضيعة ياللي عاشقة النجمات

تم تعديل 12 ديسمبر 2006 بواسطة هيثم نافع

[عازفه على أوتار الذهب]

السويد

إختيار موفق ننوش

البلاد دي بتحترم حقوق الحيوان

فما بالك بالانسان؟؟؟؟

_______________________

ياريتنا يا نونا نقدر نكمل حياتنا

فبيت الله

أأمن مكان....

________________________

لبنان بلد جميله يا هيثم

بس يا ريت الجنوب يرجع زي ماكان

[نانو]

أهلا يا دهب...

أتمني أعيش في السويد

نسبه ..الأمان عاليه وبلد تحترم حقوق الإنسان

صباح الجمال يا ناشنوش

ليا واحده صاحبتي عايشه في السويد....بتعاني من الوحده الفظيعه و البرود في العلاقات الاجتماعيه و البروده القاتله في الجو

غير ان النهار قصير جدا عندهم....بتقولي الدنيا بتضلم الساعه 3 الظهر تخيلي بقه حياتك ممكن تبقي عامله ازاي...نحن في نعمه

اهلا بيكي يا عازفه علي اوتار الذهب

احب جدا واتمني اعيش في طيبه (المدينه المنوره)

بحبها و عندي حنين لها جامد جدا من قبل ما اشوفها و اكيد السبب في المسجد النبوي والراحه النفسيه اللي ممكن تكون موجوده هناك

[darker19]

المريخ - أخر روقان

أعد لوحدي لا فيه دوشة ولا في مشاكل و مريح الجمجمة بس بشرط يكون معايا اللاب توب عشان اعرف أكلمكم

-----------------------------------------------------------------------------------------------

لا بجد لو كده هارجع أستراليا, لأني اتعودت عليها غير ان هناك فعلا بيحترموا الإنسان عشان هوا انسان مش حاجة تانية زي ما في بلادنا فاكرين.

وكمان بلد هادية جدا و جميلة جدا....

[النسر المصري]

سؤال حلو يادهب...

بس بكل أمانه.....انا كنت هتمنى اعيش في دبي

دي حدوته تانيه ياجماعه.......بس هاتمنى اعيش فيها لما يكون معايا.....

ومعايا كتييير......كتير اوي اوي...

اصل البلد دي مش هتقدر تستمتع بيها الا وانت معاك كتير فعلا

لا بجد لو كده هارجع أستراليا, لأني اتعودت عليها غير ان هناك فعلا بيحترموا الإنسان عشان هوا انسان مش حاجة تانية زي ما في بلادنا فاكرين.

وكمان بلد هادية جدا و جميلة جدا....

دركر حبيبي ازيك عامل ايه ياعم الحج...واخبار صاحبك ايه...طمني عليه؟!

بالنسبه بقى لاستراليا كدوله بتحترم الانسان

فهي فعلا بتحترم الانسان.....بس الانسان اللي مقضيها بلبصه وفي الشوارع.....آخر مره قريت عن ان نساء استراليا عاملين مظاهرة بالبكيني قدام مسجد هناك عشان الشيخ خطب يوم جمعه عن موضوع كشف الاجساد وحكمة الله في ان تتستر المرأه وتتحجب

فما كان من الاستراليات الا ان قامت بمظاهره (عريااانه) قدام سيدنا الشيخ علشان عدم قمع الحريات

تخيل بقى هتافاتهم هتكون ايه.... :angry2:

[رمضان]

هلا ابو النسور اذا كان كلامك صح عن استراليا فأنا اختارها انا احب حرية الانسان قوي وبالذات لما يعبروا عنها بالشكل ده وياسلام على مولد سيدي العريان

واذا لم يكن استراليا احب اعيش في هاواي او شاطئ الريفيرا من الاخر انا اجتماعي جدا وبحب الناس

وطبعا صبح هيشوف اللي انا كاتبه ويدخل يحذفه فورا من حقه لسه مترقي

[darker19]

صباح الورد يا بشمهندس نسر - الحمد لله صاحبي دلوقتي أحسن بكتير والنزيف توقف بس عاملينله أشعه مقطعية ولسة ما ظهرتش النتيجة - بس ان شاء الله خير - و التانين خرجوا و احد جاله كسر في الكتف و التاني كانت عينه وارمه (حادثة عربية - خلي بالكم في السواقة يا جماعة)

----------------------------------------------------------------------------------------------------------------

بالنسبه بقى لاستراليا كدوله بتحترم الانسان

فهي فعلا بتحترم الانسان.....بس الانسان اللي مقضيها بلبصه وفي الشوارع.....آخر مره قريت عن ان نساء استراليا عاملين مظاهرة بالبكيني قدام مسجد هناك عشان الشيخ خطب يوم جمعه عن موضوع كشف الاجساد وحكمة الله في ان تتستر المرأه وتتحجب

فما كان من الاستراليات الا ان قامت بمظاهره (عريااانه) قدام سيدنا الشيخ علشان عدم قمع الحريات

تخيل بقى هتافاتهم هتكون ايه....

يا نسر هما مش مسلمين, لما يعملوا حاجة زي كده في بلدهم ما تقدرش تلوم عليهم لأنهم بيؤمنوا بحرية التعبير عن الرأي - لكن تيجي عندنا احنا لما 200 شاب في بلد مسلم و في وسط البلد يتهجموا على البنات ومفيش حكومة تلمهم - يبقى مين فيهم خليني ساكت احسن......

أنا مش بدافع عن أستراليا بس كل بلد لها سلبيات و إيجابيات بس دي حاجة أنا شفتها و عشتها فابقولها, وبعدين المسألة بتختلف على حسب الولاية, يعني أنا كنت عايش في ولاية فيكتوريا في ملبورن - ملبورن مليانه أجانب و من جنسيات مختلفة فا ما بتلاقيش عندهم عنصرية وسيدني و كوينز لاند وجولد كوست كل دول مناطق مليانه أجانب....... لكن لو طلعت مناطق زي كانبيرا واجا واجا أو أدالايد و بيرث ممكن تلاقي عنصرية بس عمرها ما هاتكون زي العنصرية الي في شمال أوروبا و لا حتى أمريكا.......

تخيل في مره كنت أعد مع واحد صاحبي في المطعم بتاعه كان فاتح مطعم هناك و مسميه البيت المصري (الكلام ده أيام الحرب بتاعت العراق) وأعدين نتكلم مع بعض و كان عنده زبون أسترالي الراجل أعد يتكلم معانا شوية و مرة واحده لقيناه بيسألنا إنتوا كنتوا فين الصبح, قلتله أنا رحت كليتي و خلصت رجعت نمت و صاحبي قاله أنا كنت في شغلي - لقيناه بيقولنا انتوا ما جيتوش المظاهرة ليه قلتله مظاهرة ايه - قالي كان فيه مظاهرة بنهاجم فيها جون هارود (رئيس وزراء أستراليا) عشان مش عايزين نشارك في الحرب على العراق.... قلتله بصراحة أنا ما كنتش أعرف انه فيه مظاهرة..... سألني لو كنت تعرف كنت هاتيجي وليه ما حاولتش تعرف...... معرفتش أرد عليه......

راح قالي إحنا كنا ماشين في المظاهرة بندور على أي واحد ملامحه عربية علشان نشيله و هوا الي يقول النداءات - بس ما لقيناش - قالي هاتفضلوا كده لحد امتى لو مش انتوا هاتدوروا على حقكم عمركم ما هاتعرفوا تخدوه و عمر غيركم ما هايجيبهولكم لأنهم مش أصحاب القضية.....

و على فكره ده مش رأيه هوا لوحده في كتير أسترال رأيهم من رأيه و الدليل المظاهرات دي - لكن تعالى شوف الشعوب التانية روسيا و الدول المتفككة من الإتحاد السوفياتي انتا ممكن تتقتل بسبب لونك لو كنت أسمر....

السويد إلي الأخت ناش كانت بتقول عليها - قمة في العنصرية أنا اتعرفت في استراليا على راجل عراقي كان عايش في السويد بيقولي ذلوا فيه لما شبعوا عشان أسمر و عربي وطلع عينه عشان يشتل, بيقولي لما كنت أركب الباص أو الترام الناس تبعد عني و يعاملوه على انه شئ قذر.... هيا دي السويد..

أمريكا مش محتاج أتكلم عنها إنتوا أكيد عارفين ايه الي بيحصل فيها....

ياراجل ده وأنا مسافر من هناك أخر مرة سألوني في الجوازات هاترجع امتى قلتلهم مش راجع تاني فاقالولي اتفضل معانا و دخلوني في أوضة على جمب, أنا فكرت اني عامل مصيبة في البلد و أنا مش واخد بالي, وجابولي مشرفة نفسية ومسئول من إدارة الهجرة, تخيل كانوا عايزني في إيه.......

لقيتهم بيقولولي انتا ماشي ليه, قلتلهم عشان خلاص خلصت و عايز أرجع أعيش مع أهلي, قالولي هيا البلد مش عجباك, قلتلهم بالعكس البلد حلوة جدا, قالوا طيب حد دايقك هنا و عشان كده هاتمشي قلتلهم لأ ما حصلش ان حد دايقني, قالولي إنتا الإقامة بتاعتك هتخلص كمان شهر لو خرجت وفات الشهر ده مش هاتعرف تدخل تاني إلا بإقامة جديدة قلتلهم عارف, قالولي لو انتا هاتعد إحنا هانساعدك في الإقامة الدائمة, قلتلهم المسألة مش مسألة إقامة أنا عايز أرجع أعيش مع أهلي مش أكتر, قالولي لو عندك مشاكل مادية برضه هانساعدك, قلتلهم برضة مش حكاية مشاكل مادية....

تخيل انتا بأه أنا مش عالم ذرة أو فلك وأيامها ما كنتش حتى متفوق في دراستي, و كانوا مهتمين بالشكل ده انهم يساعدوني وكمان بعد أحداث 11 سبتمبر....

خلاصة الكلام أنا لقيت إن الشعب الأسترالي شعب متحضر جدا جدا و على درجة عالية عالية من الثقافة و راقيين جدا في التعامل و احترام الناس وحياتي هناك بتخليني لما أسمع خبر زي الي انتا قلته ده بكون متأكد إنهم قلة.........

صحيح نسيت أقلك حاجة بعد ما سبتها حصلت حادثة هناك كانوا قبضوا على حوالي 15 شاب من جنسية عربية كانوا بيغتصبوا البنات الأستراليات تحت فكر أنهم مش مسلمين و ان ده حلال ليهم, وكانت قضية كبيرة جدا هناك و بسببها اتغيرت حاجات كتير في قوانين الهجرة ويمكن تكون سبب في أحداث زي الي ذكرتها......

[النسر المصري]

يعني انت ياداركر قعدت تأكلن ي في الفراولة والعنب وتأكلني الفراولة والعنب وتاني تأكلني في الفراولة والعنب وبعدين تروح لادعني لقمة فسيخ في الآخر

انا اول مره اعرف المعلومات دي عن استراليا....والفكره بدأت تلمع ف نافوخي.....بس حتة الفسيخ اللي في الآخر دي انا عاوز عنها معلومات مدققه......يعني ايه اللي اتغير بالظبط...قوانين فقط...ام المعامله ايضا؟!!!

.

[بنت النيل]

الــــــــــــسعوديــــــــــــــــة

دى اولا نفسى اعيش هناك

وثانيا اعيش فى البلد اللى فى ابو العيال :wub: :wub:

وياسلام بقى لو اكون قريبة من اهلى :D

شفتوا الطمع بقى يعنى تقدرو تقولوا عوزة بلد تفصيل :D

[MZohairy]

مصر :wub:

[nora]

انا كان نفسي اعيش يا في دبي او السعوديه جمب الكعبه علشان احج واعمل عمرة بجد المكان ده هتجنن واعيش فيه انا عملت عمرة وحده ونفسي موووووووووووووووووووووووووووووووووووووت ارجع هناك

ولو علشان اكمل تعليمي افكر اني اعيش في استراليا لان البلد دي بجد الايام الي جيه هتبقى حاجه جمده جدا:wub:

وياسلام يا سلام لو كلنا نروح هناك يبقى احتلال

[darker19]

لا مسألة قوانين مش أكتر و لجنسية عربية معينه مش الجنسية المصرية بس وحصلت كام مره اشتباكات بين المواطنين و العرب من الجنسية دي بس الموضوع اتلم, يعني لا تقلق أنا عندي اتني صحابي مصريين خدوا الإقامة بعد الحادث ده, ولو فكرت تروح استراليا أنصحك ما تقدمش من مصر و قدم من الكويت هاتكون أسهلك, ولو عايز تعرف حاجة معينه ابقى كلمني...

[inas]

بنت النيل قوليلي هتعمليها عند اي ترزي

عشان يعملي وحده معاك :wub:

[Diab]

أنا الحمد لله عايش في جدة

ساعة لمكة وأربعة للمدينة

أحلي مكان

[alhazem12004]

هااختار انى اعيش برضه فى بلدى [/colo

جمهـــــــــوريــــــــة مصــــــــــــــــــــــــــــــر العربيــــــــــــــــــــــــــة

لانها منى وانا حتته منها برغم كل سلبياتها برضه بحبها وبفتخر انى اكون منها :wub:

[abo 3ali]

ام الدنيــــــــــــــــــــــــــا

المحروســـــــــــــــــــــــــــــــــــه

مصــــــــــــــــــــــــــــــــــــــــــــــــــــــــر

الحمد لله رغم انى فى دبى و عايش فى مجتمع راقى الا انى برضه لو خيرونى تعيش فين اقولهم مصر

رغم كل اللى فيها و رغم كل اللى جاى ..

مصر و ارضها احلى حاجه فى الدنيا

[otaka]

اكيد فلسطين

لسبب واحد اننا مش هنشوفها ابدا

و الموضوع احلام

فلو بطلنا نحلم نموت