اذهب إلى المحتوى
محاورات المصريين

صوت الدموع فوق الخدود ... بيدوشنى

Tafshan

بواسطة Tafshan
في أدب و شعر و قراءات

 مشاركة

Recommended Posts

Tafshan عضو جديد

Tafshan

بتاريخ:
بتاريخ:

صرخة الم ملو العيون

تفشفشنى

و صوت الدموع فوق الخدود

بيدوشنى

و يا ريتنى باسمعهم ..

ماشى في طريقي

ما بين فلوق وشقوق

حافى و بقاوح

جوه شوك مرشوق

و الخطوه فوق منها الهم

عاشق و معشوق ..

خلتنى اتوه بين الحدود

تدشدشنى

و صوت الدموع فوق الخدود ..

بيدوشنى

صوت الشوارع عامله ف ودانى

زي النفير

و الزحمه خانقه صدرنا

و لا تراب امشير

و السكه تقطم ظهر

اجدعها حمير !!

و الحمل مربوط .. لجام مشدود

يهوشنى

و صوت الدموع فوق الخدود ..

بيدوشنى

الماتش متباع

رابط هذا التعليق
شارك
shahd عضو جديد

shahd

بتاريخ:
بتاريخ:

الله الله.. جميلة جدااااااا يا طفشان ........

في كل مرة يزداد اعجابي بجواهرك الثمينة سلمت اناملك <_<

 

طـــــــفولــــة شــــــهـــد

رابط هذا التعليق
شارك
فولان بن علان عضو جديد

فولان بن علان

بتاريخ:
بتاريخ:

صوت الدموع فوق الخدود

بيدوشنى

ليس فقط روعته في طزاجته لكنك تشعر أنه تعبير صناعة محلية بقيمة كونية

غارف معاه سنين من الآه

أجمل ما فيه إنه لسه ماشي ومش ها يقف

بيدوشه صوت الدموع على الخد

بيعكر صفو خطوته لكن ماشي

شايل كتير دايس على الألم

لكنه لسه ماشي

ياعم خف شجنك شوية

دشدشتنا ضحضحتنا

كسرت ضلوعنا

أجمل ما فيك إنك لسه ماشي

ياريت تاخدنا في سكتك

ما أروعك

وقولوا للناس حسنا

رابط هذا التعليق
شارك
bentmasria عضو جديد

bentmasria

بتاريخ:
بتاريخ:

صرخة الم ملو العيون

تفشفشنى

و صوت الدموع فوق الخدود

بيدوشنى

و يا ريتنى باسمعهم ..

صوت الحنين ويا الانين بيدهشنى

فى خطوى تايه جوه وشوش متغربين...........بتفرسنى

اشم ريحة وطن جو الرموش تنعنشنى

وارجع الاقى الدموع فوق الخدود

وتدوشنى

وسط الزحام...والخلق نام

تفشفشنى

يا طفشان يا رائع دائما ومستفز دائما وعااااااااااااااااالى فى معالجاتك لصرخات القلوب الوحيدة بحرفية المعلم الكبير وسلاسة الشاعر القدير

حروفك يافندم ...........أسرتنى :angry2: :unsure:

يسعد ايامك يارب

مانا ومادا

عندما تشرق عيناك بإبتسامة سعادة

يسكننى الفرح

فمنك صباحاتى

يا ارق اطلالة لفجرى الجديد

MADAMAMA

يكفينى من حبك انه......يملأ دنياى ....ويكفينى

يا لحظا من عمرى الآنى.....والآت بعمرك يطوينى

يكفينى .....انك........................تكفينى

رابط هذا التعليق
شارك
SANAA عضو جديد

SANAA

بتاريخ:
بتاريخ:

ماشى في طريقي

ما بين فلوق وشقوق

حافى و بقاوح

جوه شوك مرشوق

و الخطوه فوق منها الهم

عاشق و معشوق ..

خلتنى اتوه بين الحدود

تدشدشنى

و صوت الدموع فوق الخدود ..

بيدوشنى

..

بيدوشنى

طفشان........... معبره قوي برافو عليك :angry2:

عيوبي، إنْ سألتَ بها، كثيرٌ، وأيُّ النّاس ليسَ له عُيوبُ؟

وللإنسان ظاهرُ ما يراهُ، وليس عليه ما تُخفي الغيوبُ

يجرّونَ الذيولَ على المخازي، وقد مُلئتْ من الغِشّ الجُيوبُ

وكيفَ يصولُ في الأيام ليثٌ، إذا وَهَتِ المخالِبُ والنُّيوبُ؟

رابط هذا التعليق
شارك
Tafshan عضو جديد

Tafshan

بتاريخ:
  • كاتب الموضوع
بتاريخ:

الله الله.. جميلة جدااااااا يا طفشان ........

في كل مرة يزداد اعجابي بجواهرك الثمينة سلمت اناملك :)

الله يخليكِ يا فندم و تفضلى "تنفخى فيا " كده على طول :P

صوت الدموع فوق الخدود

بيدوشنى

ليس فقط روعته في طزاجته لكنك تشعر أنه تعبير صناعة محلية بقيمة كونية

غارف معاه سنين من الآه

أجمل ما فيه إنه لسه ماشي ومش ها يقف

بيدوشه صوت الدموع على الخد

بيعكر صفو خطوته لكن ماشي

شايل كتير دايس على الألم

لكنه لسه ماشي

ياعم خف شجنك شوية

دشدشتنا ضحضحتنا

كسرت ضلوعنا

أجمل ما فيك إنك لسه ماشي

ياريت تاخدنا في سكتك

ما أروعك

لازم امشى في الطريق

و ان طال

لازم ابقى للهموم

حمال

لسه شايل فوق ظهرى

عدة الترحال

و لسه باعشق بيوت كثير

بتكرشنى

و صوت الدموع فوق الخدود

بيدوشنى

ما بلاش سكتى يا فلان !!

شكراً يا صديقى على مرورك و اطرائك و تفاعلك الكريم :wub:

صوت الحنين ويا الانين بيدهشنى

فى خطوى تايه جوه وشوش متغربين...........بتفرسنى

اشم ريحة وطن جو الرموش تنعنشنى

وارجع الاقى الدموع فوق الخدود

وتدوشنى

وسط الزحام...والخلق نام

تفشفشنى

يا طفشان يا رائع دائما ومستفز دائما وعااااااااااااااااالى فى معالجاتك لصرخات القلوب الوحيدة بحرفية المعلم الكبير وسلاسة الشاعر القدير

حروفك يافندم ...........أسرتنى :wub: mfb:

يسعد ايامك يارب

مانا ومادا

ده زوقك يا فندم هو اللى اسرنى :P

اشكرك يا رفيقة القلم و صديقة الحرف و العزيزه دائماً مامت مادا - ربنا يخليه لكِ و يبارك لكِ فيه

طفشان........... معبره قوي برافو عليك :P

مدام سناء :o

وحشانا يا فندم ..

يا ريت نشوفك على طول كده منورانا ;) :lol:

الماتش متباع

رابط هذا التعليق
شارك
نانو عضو جديد

نانو

بتاريخ:
بتاريخ:

الله عليك يا طفشان كلامك بيخرج من القلب و يستقر مباشره في القلب

تسلم افكارك و ايديك

there is a miracle called friendship,that dwells in the heart

you donot know how it happens

or when it gets its start

رابط هذا التعليق
شارك
Tafshan عضو جديد

Tafshan

بتاريخ:
  • كاتب الموضوع
بتاريخ:

الله عليك يا طفشان كلامك بيخرج من القلب و يستقر مباشره في القلب

تسلم افكارك و ايديك

الله يخليكِ يا نانو .. يسعدنى ان مست كلماتى المتواضعه قلب حضرتك apple.gif

الماتش متباع

رابط هذا التعليق
شارك
مصرية يعني مصرية عضو جديد

مصرية يعني مصرية

بتاريخ:
بتاريخ:

طفشان

والله كلامك جميل جدا انا مش عرفه اقولك ايه

رائع بجد

انت موهبة

كلمات دقيقة وتشبيهات جامدة

تســــــــــــلم ايــــــــــــدك

623862sk39y2sogf.gif

رابط هذا التعليق
شارك
lonly in cold night عضو جديد

lonly in cold night

بتاريخ:
بتاريخ:

صرخة الم و بكا و نواح

او شمس يوم مليان افراح

قصة من اللى مليانه جراح

او قفشه منك او حتى مزاح

كل اللى بتكتبه بيخلينى انفرد

و انجعص

و ابات مرتاح

تسلم ايدك يا عم الطفشان

لا ترضى صفــعاً و لو من كـــفِ والدةٌ

........................................... مـا قضى ربُـكَ ان يُــســتعّبد الولـدُ

لو استـــمر على حمل الاذى اسدٌ

........................................... تنسى الكلاب و ينسى انه الاسدُ

---------------------------------------------------------------

يا بلـدنا و انتى الحــبيبه فيكى حــاجه محيراني

نزرع القمح فى سنين تطرح الكوسه في ثواني

12-05-06~tota.JPG12-05-06~jojo.JPG12-05-06~dodo.JPG

رابط هذا التعليق
شارك
nash عضو جديد

nash

بتاريخ:
بتاريخ:

روعه ..فعلا روعه

أنا حاسه..كأن صلاح جاهين معانا..والله

يعطيك العافيه يارب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

8782-016-02-1052.gif

صن ضحكة الأطفال يارب

فإن هي غردت في ظمأ الرمال أعشوشبت

لكن إن زودوها وبكيوا ..ونكدوا ..... هايتلطشوا

رابط هذا التعليق
شارك
Tafshan عضو جديد

Tafshan

بتاريخ:
  • كاتب الموضوع
بتاريخ:

طفشان

والله كلامك جميل جدا انا مش عرفه اقولك ايه

رائع بجد

انت موهبة

كلمات دقيقة وتشبيهات جامدة

تســــــــــــلم ايــــــــــــدك

الله يخليكِ يا مصريه :wub:

جعلنى الله عند حسن ظنك يا رب

صرخة الم و بكا و نواح

او شمس يوم مليان افراح

قصة من اللى مليانه جراح

او قفشه منك او حتى مزاح

كل اللى بتكتبه بيخلينى انفرد

و انجعص

و ابات مرتاح

تسلم ايدك يا عم الطفشان

و ايدك اللى بتشجعنى و تخلينى اكتب و احاول دائماً ما افقدش دعمكم ليا :)

روعه ..فعلا روعه

أنا حاسه..كأن صلاح جاهين معانا..والله

يعطيك العافيه يارب

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

8782-016-02-1052.gif

صلاح جاهين مره واحده :wub:

طب قولى صلاح عبد الله تبقى مبلوعه :P

يعطيكِ العافيه يا رب :wub:

الماتش متباع

رابط هذا التعليق
شارك
  • بعد 4 أسابيع...
أحمد رشاد شلبى عضو جديد

أحمد رشاد شلبى

بتاريخ:
بتاريخ:

عظمه على عظمه

صوت الدموع على الخدود 00 بيدوشنى

كل بلاد الدنيا جميلة

لكن اجمل من وطنى لا

لالالالالالا لالالا لا

وبحب الدنيادى بحالها

لكن اكتر من وطنى لا

لالالالالالا لالالالا لا

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف]الشهد و الدموع
      ماجد الكدوانى من الفنانين القلائل الذين يدركون جيدا مفهوم وغرض فكرة ضيف الشرف أو الظهور الخاص يعلم أن ذاك ا عرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]الشهد و الدموع
      فنانون مثل منى زكى وكريم عبدالعزيز وأحمد مكى عزيزو الظهور على الشاشة مما يدل على أنهم يعرفون قدرهم و عرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]الشهد و الدموع
      ريهام عبدالغفور فى شخصية عايدة بمسلسل قصر النيل لم تتمكن فقط من فهم الشخصية شكلا ومضمونا ولكنها قبضت عرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]الشهد و الدموع
      أحمد مكي انتظرناك طويلا حتى تأتى إلينا فى شخصية جادة وها قد فعلتها أخيرا بعد عشرين عاما من دخولك عالم عرض المقال كاملاً

      بواسطة News Bot
      كُتب

    • أبو محمد
      5
      5 أغسطس 2014 يوم القناة الثانية .. يوم انهمرت فيه الدموع
      فى هذا اليوم منذ عامين انهمرت الدموع حزنا على شهداء رفح الأولى أما اليوم - 5 أغسطس 2014 - فقد انهمرت الدموع أيضا إنه يوم الاحتفال بانطلاق تنفيذ مشروع قناة السويس الثانية مشروع قديم استخرجه الخونة من الأدراج وكانوا على وشك بيعه لقطر وتركيا لسلخ إقليم القناة عن الوطن الأم الذى لا يعرف الخونة عنه شيئا سوى أنه "سبوبة" فى سبيل تنفيذ مشروعهم "الدولى" اليوم ظهرت دموع فى عيون مستبشرة اليوم ظهرت - أيضا - دموع فى عيون وقحة

      بواسطة أبو محمد
      كُتب

×
×
  • أضف...