الى جميع البنات المحترمة

[متمردة]

الى جمع البنات المحترمات فى المنتدى العزيز والى جميع السيدات الافاضل فى هذا المنتدى الجميل

اود ان اطرح عليكم مشكله خاصه واريد انا اخد راى الاغلبية لكى اقرر ماذا افعل

فى يوم منالايام تقدم لى شاب لخطبتى ولكنى رفضة لاعتبارات شخصيه داخلى وانتهى الموضوع بالنسبة لى على الاقل

وما هى الا ايام معدوده واصبح هذا الشخص يلاحقنى مثل ظلى بدايه لا ادرى كيف حصل على رقم هاتفى وبدات الاتصالات الهستريه بى لدرجه انى معظم الاحيان اغلق هاتفى وما ان افتحه حتى اجد كميه كبيرة من الرسائل

وفجاه انتابنى غضب شديد واخذت الهاتف ورردت عليه مستخدمة اسلوب جارح بمعنى الكلمة وعبارات تهديده شتى

فما كان من هذا الشخص الا ان صمت وبعدد يوم واحد بالتمام والكمال لاحظته منتظرنى عند محل عملى ينتظر خروجى منه لحين صعودى الى السيارة ولكن دون حديث ولا زال الامر كما هو عليه حتى الان

مشكلتى هى بصراحه شديده انى لا اؤمن بقصص الحب والهوى واخاف منها خوفا شديدا وبصراحه تتوجس داخلى شكوك كثيرة مروعه عندما يفكر الجزء المظلم داخلى فيطرح اسئله لا هى على البال او الخاطر

ومشكلتى ايضا انى لا استطيع ان اكلم ابى فى الموضوع لانه مريض فاخاف ان يزيد هذا من توتره

ماذا تفعلوا لو كنتم مكانى

[shawshank]

هل تسمحين لي بالإدلاء برأيي ؟

هل يوجد أخ أكبر ؟ أو عم مثلا ؟

أنا رأيي أن :

- لا تحتكي به إطلاقًا .

- تعرضي الأمر على والدتك و تأخذي رأيها بمنتهى الهدوء و الصراحة . فبالقطع هي تعلم الكثير مما لا نعلمه هنا .

- تتحدثي إلى أخيك الأكبر أو عمك و يقوم بالاتصال بوالد هذا الشاب و يتحدث معه بمنتهى الهدوء عما يحدث و عن أن كل شئ قسمة و نصيب و ميصحش اللي بيعمله ابنه ... الخ .

[darker19]

أعذري تطفلي بالرد على الموضوع - أنا مش عارف انتي ليه محدده البنات المحترمات و السيدات الأفاضل بس - ياريت تعتبريني أخ بيقلك نصيحة .........

لازم يكون عندك حد في العائلة زي أخ أو عم أو خال تكلميه و هوا يتصرف طالما مش هاتقدري تحكي لوالدك, وبعدين هوا فين أهله لو تعرفي أهله ممكن تتصلي على والدته أو والده تفهميهم الي بيعمله ده, يمكن يكون لهم تأثير عليه.....

أما بأه لو الحلول دي ما نفعتش و قلبك جامد, استطاديه في مره و يكون في ناس كتير حواليكم ولمي عليه الناس و سبيلهم الباقي بس خلي بالك الحكاية دي ممكن تنتهي بإنك تروحي تعمليله قضية في القسم وحاجة تانية إوعي تفكري انك تمدي إيدك عليه ممكن يتنرفز ويردهالك في ساعتها أو يشيلها في نفسه و يردهالك بعدين.......

ودايما أول ما تشوفيه بصي حواليكي ودوري على ظابط شرطة.......

-----------------------------------------------------------------------------------

بس لا مؤاخذة أنا مش فاهم ايه دخل قصص الحب و الهوى بالموضوع ده......

[inas]

اختي المتمرده

بجد لازم تتمردي على فكرت خوفك من قصص الحب والهوا

لان من كلامك فهمت انك رفضتي العريس لاعتبارات شخصيه عندك وربطها بخوفك من الحب وطالما جا العريس من الباب يبقى مفيش خوف شيء طبيعي ان الوحده تتخطب وتحب زوج المستقبل طالما الموضوع كلو في اطار الاسره يعني مبتعمليش حاجه من وراهم ولا غلط

اما بخصوص ملاحقته لك فدا طبعا ميصحش ابدا ولازم يوضع له حد لان ممكن يعود عليكي فيما بعد بمشاكل انت في غنا عنها واقتراحات الي اتعرضت اظن انها هي الاسلم لازم حد من العائله سواء من طرفك او طرفو واحسن يكون راجل من العائله اخ خال عم ابن عم حتى ولازم لازم امك يكون عندها علم بما يحدث عشان اكيد هيا تقدر تقف جمبك في اي ظرف من الظروف وتحل معاك مشكلتك لو تطورت الامور

اتمنى اكون قدرت اساعدك

[نانو]

يا اختنا الجميله متمرده

اعتقد ان اخواتك شاوشنك وداركر وصفوا لك الحل الامثل في مشكلتك ديه

و هياانك تخرجي ايدك تماما من المعامله مع هذا الشخص ...و لا تعطي له الفرصه ابدا ان يتجاذب اطراف الحديث معك باي شكل والباقي يترك لاهلك كما نصحوكي

انا ليا بس تعليق صغير علي ربطك القصه ديه بالحب الذي لا تعترفي به؟؟؟

كونك انك فكرتي و اتخذتي القرار بعقلك و رفضتي هذه الشخص فلابد انه يفتقد كل مقومات الشخص المناسب لكي وبالتالي يفتقد الي مقومات الشخص الذي يمكن ان تحبيه

الحب ليس كما يصور في الافلام ..علاقه في الخفاء من وراء الاهل و ما يعقبها من مشاكل

لا ليس هذا هو النوع الوحيد من الحب ....هو ادني نوع ...و لكن هناك نوع رائع من الحب عندما ينشا بعد الحكم بالعقل يا اختي

مثلا يتقدم لكي خطيب ....و حكمتي عليه بعقلك انه مناسب لكي في كثير من الاشياء

و تتم الخطبه و تتم اللقاءات بينكم بعلم الاسره كما يحدث حسب عاداتنا....و قتها قد تنشا علاقه حب جميله و سويه وتكلل بزواج مثمر ان شاء الله

ستعلمين وقتها ما هو الحب ....و كيف انه حياه تنشا منها حياه

فلا تغلقي عقلك و قلبك للحب الحقيقي ولا تستمعي لمن يقولون ان زواج الصالونات لا ينتج عنه حب....بالعكس زواج الصالونات هو زواج العقل و بالتالي هو زواج الحب الذي يدوم و ربنا يوفقك

[SANAA]

فما كان من هذا الشخص الا ان صمت وبعدد يوم واحد بالتمام والكمال لاحظته منتظرنى عند محل عملى ينتظر خروجى منه لحين صعودى الى السيارة ولكن دون حديث ولا زال الامر كما هو عليه حتى الان

وايه المشكله مايقف طالما مش بتعرض لك باي كلام يبقي تجاهلي انه موجود تماما مره في مره حيزهق

[Simba]

الله يكون في عونه ...

أظن من اعماله ان الموضوع اكبر من سفالة وتهريج

لكن صاحبنا ده لسه مقتنع بالوقوف تحت البلكون وتشغيل الاغاني في التلفيونات أم منفلة بتاعة زمان

بس اقولك كلمة

فيه مثل زمان قولوه

خد اللي يحبك وما تاخدش اللي تحبه

والمثل ده ناس كتير اجمعت عليه

[wa7d]

إممممممم ...... إنت طالبه رأى البنات !!!! طب هن يفهمن إيه فى الحاجات دى . أظن إن الرجال من إخوتك الأعضاء هنا هم خير من ينصحك . وسوف أقول لك رأيى حيث أنك ذكرتى سيرة الحب . بالنسبة لهاذا الشاب إوعى تديله أى فرصة ، هذا الشاب مريض ، وقد يكون مرضه خطير . لذلك يجب التعامل معه بكل إحتراس .

أولا تقدمى - مع والدتك وأحد ارجال من العائلة أو زميل تثقى فيه من العمل - بعمل محضر فى الشرطة لهذا الشاب، وتطلبى من الشرطة أخذ تعهد عليه بعدم التعرض . ما أهمية هذا المحضر ؟ مهم جدا لأنه قد يبعد هذا الشاب - ويا دار ما دخلك شر . فإذا لم يبتعد يكون محضر عدم التعرض الذى حرر لهذا الشاب حماية لمن سوف يواجهه من رجال العائلة أو زملاء العمل ، فمن المحتمل أن يضطروا لإستخدام القوة معه ، ولو إننى أشك أنه سوف يصعد الأمور لهذه الدرجة - ولكن إذا حدث فلن تدخلوا فى مشاكل قانونية .

وإنشاء الله ربنا يوفقك بإبن الحلال الذى يستحق حبك ورعايتك كما يقول الإنجليز " Mr.right "

[Folana]

السلام عليكم ورحمة الله.....

هناك حلقة مفقودة فى الموضوع يا اخت متمردة....ولكن على اى حال..هذا الجزء المظلم داخلك دعيه يظهر على سطح تفكيرك..لان مهم جدا انك تفكرى فى جميع الاحتمالات..

واضح ان سلوكه غير سوى..ويسيطر عليه سلوك طفولى يجعله رافض لفكرة رفضك له...طبعا تصرفاته دى لا تدل على حب ولا غيره...اكتر منها بتدل على انه عايز يثبت لنفسه انه قادر على استرجاعك..

كل ده مايهمناش فى شىء...النقطة الاساسية هنا انك مش لازم تتصرفى لوحدك فى الموقف ده وخصوصا انه على حد قولك موقف رسمى معروف بين افراد اسرتك بمعنى انه اتقدم لخطبتك واترفض..

يبقى فى الحالة دى يفضل تدخل اى فرد من اسرتك للتفاهم معه...ولو انت مش محبذة الفكرة دى يبقى اى حد من زملاء العمل بس يكون رجل كبير سنا ومقاما منعا لحدوث مشاكل...

وتقدرى تغيرى يا ستى رقم تليفونك مؤقتا ..لحد ما يزهق...وماتحاوليش تعرضى نفسك لموقف مباشر معه تحت اى ظرف...لان اى موقف مباشر معه حيحسب عليك ومش لك ومش حتجنى من وراه سوى الشوشرة عليك فى مكان عملك

لان واضح ان سلوكه يتصف بالاندفاعية الطائشة واتباع الاهواء على حساب العقل...ومرة اخرى هو ليس طرف فى حديثنا الان ..يبقى تركيزنا كله حيكون على رد فعلك..واعلمى ان رفضك له جرحه وهو الدافع وراء كل هذه التصرفات ومش حب طبعا ولكن حب تملك وانتقام لكرامته ...

انت تتجاهليه تماما ..ولا حتى نظرة يعرف منها انك واخدة بالك منه ومتابعة تحركاته ولازم اى طرف يتدخل ويتكلم معاه بالحسنى وهو حيرتدع اكيد ......

والطرف اللى يتدخل ده مايكونش واحدة صاحبتك..لازم حد من عيلتك ..واكرر لو مش عايزة حد من عيلتك يتدخل ..يبقى انسان كبير فى السن بتثقى فيه ...

دلوقت انت بتقولى مشكلتى انى لا أؤمن بقصص الحب والهوى...والمشكلة دى مش مجال التعرض لها ومناقشتها دلوقت...المهم تحلى المشكلة الرئيسية وبعد كده نتكلم عن العشق والهوى ......:angry2:

ربنا معاك ...

[Simba]

سؤال ملح للأخوة والأخوات أصحاب المدخلات

لو افترضنا جدلا أن ما يحدث نوع من الحب

او حتي خارج الموضوع تماما

( هل من الممكن أن يطغي الحب علي كرامة الأنسان)

وبالنسبة لمتمردة اعتقد من الافضل تقرأ كتاب طوق الحمام وتشوف احوال العاشقين كانت ايه

وأنا مازلت مشفق علي هذا الشاب وعلي اي مشاعر تنتابه وأن كنت لا أوافق علي فكرة الاتصال بها علي التلفيون المحمول وتوسل الرضي منها

[nora]

إممممممم ...... إنت طالبه رأى البنات !!!! طب هن يفهمن إيه فى الحاجات دى . أظن إن الرجال من إخوتك الأعضاء هنا هم خير من ينصحك . وسوف أقول لك رأيى حيث أنك ذكرتى سيرة الحب . بالنسبة لهاذا الشاب إوعى تديله أى فرصة ، هذا الشاب مريض ، وقد يكون مرضه خطير . لذلك يجب التعامل معه بكل إحتراس .

أولا تقدمى - مع والدتك وأحد ارجال من العائلة أو زميل تثقى فيه من العمل - بعمل محضر فى الشرطة لهذا الشاب، وتطلبى من الشرطة أخذ تعهد عليه بعدم التعرض . ما أهمية هذا المحضر ؟ مهم جدا لأنه قد يبعد هذا الشاب - ويا دار ما دخلك شر . فإذا لم يبتعد يكون محضر عدم التعرض الذى حرر لهذا الشاب حماية لمن سوف يواجهه من رجال العائلة أو زملاء العمل ، فمن المحتمل أن يضطروا لإستخدام القوة معه ، ولو إننى أشك أنه سوف يصعد الأمور لهذه الدرجة - ولكن إذا حدث فلن تدخلوا فى مشاكل قانونية .

وإنشاء الله ربنا يوفقك بإبن الحلال الذى يستحق حبك ورعايتك كما يقول الإنجليز " Mr.right "

انا معاك انه نصاب بس مش معاك انها من اولها تجري تعمل محضر خلي حد يكلمه الاول ويحذرة ولم مجبش نتيجه سعتها يعملو كده لاني اعتقد انه هيكش علطول و لان متنساش انها بنت وهي مش حمل جرجرة في الاقسام وتقول اقوال حتى لو دخله تعمل بلاغ برضو بهدل انا حصلي مرة موقف مماثل ايام الشباب :unsure: بس كان داخل الحرم وبلغت صديق اخويا وده الي كان قدامي وقتها وعلطول هو اتصرف وبلغ امن الكليه وكان الذي كان واتعمله محضر ووجع قلب :angry2: بس فهو ده الحل المثالي مع الاشكال دي لانهم بحاولو يضحكو على البنت وبيفكرو انهم بحركاتهم دي هيصعبو عليكي وتسلمي اوعي اوعي اوعي وانا مع داركر لو متلمش صوتي ولمي عليه الناس وخليه ياخد علقه سخنه علشان يتعلم الادب انت بس تقولي متلم نفسك يا جدع انت وانت هتشوفي الي هيجرالو:o

[SANAA]

الى جمع البنات المحترمات فى المنتدى العزيز والى جميع السيدات الافاضل فى هذا المنتدى الجميل

اعتقد ان متمرده لما كتبت السطر ده ماكنتش تقصد استثناء الرجال وخبراتهم ولكن حست ان البنت او الست حتشعر او مرت باللي هي فيه عشان كده حددت السيدات والبنات

[بنت النيل]

الاخت متمرده طبعا مش هقدر اضيف كلام بعد كلام الاخوه الافاضل من الاعضاء

ولكن شوفى انتى بتقولى انك بتلاقيه وانتى خارجه من دوامك وانتى رايحه صح بس برده بتقولى ان مش بيتعرض لك بشىء خلاص انتى طالما فى حالك اعملى نفسك مش شايفه تماما

لان ابسط شىء هيقولك واحد واقف فى الشارع انتى مالك وكلام هيكون مش ظريف وممكن يكون محرج ليكى

وكمان فى شىء بالنسبة لنصيحه الاعضاء بان لو عندك اخ اكبر تقولى له،، لاء انا لا انصحك بذلك لان اكيد الاخ هيكون شباب والشباب ممكن يتهور او يتعصب عليه ويحصل بينهم اللى منرضهوش ونرجع نندم

ولكن اذا كان بيعترض ليكى بشىء بكلام باى شىء فالنصيحه هى انك تقولى لعمك لخالك هما كبار واكيد عارفين ومدركين اذاى يتصرفو فى الامور دى

او عليكى بالاتصال بوالدته واخبارها منعا للمشاكل

[متمردة]

شكرا يا جماعه على الردود واراكم المفيدة فعلا

وشكرا لردود الاخوة الاعضاء الذكور منهم

عموما حبيت اوضح ليكم معنى انى لاؤمن بقصص الحب والهوى بالنسبة للشخص ده بالذات ( لانه اتقدم وانا قلت لاء بناءا على كلام كتير اتناقش وصلت انه مش هو ده الانسان اللى انا محتاجة فى حياتى )

المشكله انى انا مصريه مقيمة فى الكويت مع اهلى صحيح لكن فعلا مقدرش اقول لوالدى لانى حبه اتحكم فى الموضوع بمفردى وعن المحاضر فى الاقسام اعتقد ان ده خطوة مستبعده حاليا وللاسف معنديش حد كبير فى الشغل لان كل الشغل ستات . مشكلتى فى انه بيقف عندى فى الشغل عند عربيتى والبنات عندى بيقولوا مس خطيبك بيقولك انت مش بتكلميه ليه ( تخيلوا بنات ممكن تكون عندى فى الصف وده بيسببلى احراج كبير لكن اللى تعبنى فى الموضوع ان الانسان ده فاكر انه بكده هيقدر يخلنى افكر بيه بس للاسف فعلا هو مش على بالى خالص ببساطة وانا متقفه مع الاستاذ اللى قال انه مممكن يكون مريض وكونى استخدم القوة معاه تيجى بنتيجة عكسية عليه

واعتقد لما افكر فى الموضوع

بس عجبى راى انى اغير شريحة تلفونى ده

وكمان اتجاهله تماما حتى يمل

ولو تطور الامر لاكبر من كده شكلى هقول لبابا وربنا فعلا يستر بقى على الولد ده

[رمضان]

السلام عليكم ورحمة الله وبركاته

انا لسه شايف الموضوع دلوقتي

بس احب اقولك حاجة واحدة بس هنا في الكويت بالذات لو اي واحدة اشتكت على واحد حتى لو بالكدب ممكن يتسفر فيها ما بالك بالصدق بقى

هيه شكوى واحدة وشوفي هيحصل فيه ايه

على العموم ربنا يسهل

[badroora]

اهلا بكي فى وطنك هنا بقي هتلاقي الحل عند اختك نجفة :rolleyes:

بصي يا متمردة يعنى من اسمك يدل على انك قوية وتقدرى تتمردي على الوضع الذى لا تقبلينه مع احترامى لكل الاخوة والاخوات ورئيهم القيم بس بصراحه انا اختلف معاكم فى موضوع تفويض حد يكلم بابا الشاب عشان يبعده عن طريقك دا كان زمان وحنا صغيرين فى ابتدائي مثلا تشكيه لولى امره

اسمعينى عزيزتى انا شخصيا لو مكانك هاسوي الاتى

طبعا انتى مصرحتيش سبب رفضك ايه ما علينا الشاب كان جاد وذهب اليك من الباب يعنى ميتخفش منه

كونه بيلحقك وبيزعجك ليه متحوليش تتناقشي معاه مش جايز لما تتكلمى معاه وتفهمية وضعك وانك مش موافقة عليه لاسباب خاصة بيكي يصرف نظر عنك عنك تماما اما سكوتك وهروبك وعدم مواجهتك للموقف بيخليه يتمادى

فراى لو تعرض لكى تانى اتكلمى معاه واوضحيله كل اللى بيعملة دا مش منه فايده والله بعد يبقي خير مبعدتش يبقي اسمعى كلام الزملاء واشكية لولى امره

ويعنى متئزميش المسائل كدا اى راجل اخرة صوت عالى :unsure: فى الشارع امة لا اله الا الله هتتلم وهيقوموا بالواجب :lol: المصريين جدعان وولاد بلد وخصوصا فى المواضيع دى ربنا يوفقك للخير يا رب

تحياتى نجفة