اكتر مشروب بتحبه و متقدرش تستغنى عنه ..

[abo 3ali]

فى حياه كل واحد منا مشروب مابقدرش يستغنى عنه

اكيد كلنا كمصريين بنحب الشاى بطريقه عجيبه و حتى لما حد يجى يعزم حد يقوله تعالى اشرب شاى

انا واحد من الناس مقدرش افتح عنيا من النوم بدون الشاى .و ساده ( من غير حليب ) و كشرى ( مش فتله )

فى ناس متقدرتش تفتح عينيها من غير القهوه او النسكافيه

طبعا عارفين انا كتر تناول اى مشروب بكثره مش مفيد

بس العلماء بيكتشفوا كل يوم فوائد عديده للشاى

و القهوه كمان مفيده جدا بس ماتتعداش فنجانين فى اليوم

يايلا كل واحد يقول ايه اكتر مشروب بيحبه .. و كمان بيحبه ليه . و بيشربه كام مره فى اليوم

ها .. حد قال شاى . قهوه . بيبسى حاجه ساقعه هنا

[otaka]

مش عارف انا متيم بحب شئ اسمه عصير القصب :P

صحيح انا بتعطاه مره فى السنه ولا حاجه لكن هو الحاجه الوحيده اللى بيكون نفسى اشربها بعد كده مليش نقط ضعف لا فى اكل و لا فى شرب

[abo 3ali]

مش عارف انا متيم بحب شئ اسمه عصير القصب :P

صحيح انا بتعطاه مره فى السنه ولا حاجه لكن هو الحاجه الوحيده اللى بيكون نفسى اشربها بعد كده مليش نقط ضعف لا فى اكل و لا فى شرب

الغربه حرمتنى من تانى امتع مشروب بالنسبه لى بعد الشاى .. عصير القصب

ساعات كان بيبقى نفسى اجيب ماكينه عصير و قصب للشغل و اطلب من الاوفيس بوى يعملى كل شويه .. احلام قصبويه ..

و انا كمان متيم زيك يا اوتاكا بعصير القصب

بس حبى الاول و الاخير و نقطه ضعفى هى الشـــــــــــــــــــــــاى

[Gihan]

كوكاكولا فى الازازة الصغيرة اللى كانت دايما فيها شوارب صراصير

بس باشربها مرة ولا اتنين فى السنه لما بانزل مصر واقنع الناس اللى عايزين يكرمونى انى مش عايزة cans عايييييييزه الازازة يا جماعة :P

[نانو]

كوكاكولا فى الازازة الصغيرة اللى كانت دايما فيها شوارب صراصير

بس باشربها مرة ولا اتنين فى السنه لما بانزل مصر واقنع الناس اللى عايزين يكرمونى انى مش عايزة cans عايييييييزه الازازة يا جماعة :P

انتي قلبك اسود كده ليه

شنابات الصراصير طلعتلك في الازازه من يجي 20 سنه ... :P انت لسه فاكره :D

انا بقه ما فيش اي حاجه في حياتي ما اقدرش استغني عنها

لما احس انه في حاجه هتاسرني ببعد عنها فورا يعني باشرب شاي بالنعناع ونسكافيه و كا بيتشينو وعصير واوقات ما اشربش غير مياه

تم تعديل 13 ديسمبر 2006 بواسطة نانو

[MZohairy]

يا سيدي على الريتش بلد كوكتيل

ولا لما الواحد يحب يروق دماغه بواحد بيرلي تيث كوكتيل

روعه

[هيثم نافع]

الشااااااااااااااااااااااااااااااااااااااااااااااااااااي

[واحد تاني]

بدون شك ... بيناكولادا

[nancy]

بدون شك ... بيناكولادا

??????????

انا اهم حاجة عندى شاى باللبن ممكن 3 مرات فى اليوم فى مج اد مج الشوربة :P

ممكن الكاكاو فى حالات الأكتئاب

ممكن السحلب فى السقعة اوى

ممكن الشاى الاخضر بالنعناع :D

[shahd]

الشاااااااااااااي سواء اخضر او احمر ومن غير سكر خاااااااالص :P

[darker19]

اكيد كلنا كمصريين بنحب الشاى بطريقه عجيبه و حتى لما حد يجى يعزم حد يقوله تعالى اشرب شاى

الشاي الشاي الشاي.... أوصفلك يا حبيبي الشاي.....

أنا من أكبر أعداء الشاييات أو الشاي بكل ألوانه و القهوة بكل أنواعها.......

والناس دايما بتستغرب مني إزاي مصري و ما بشربش شاي, ده غير إن الموضوع ده دايما بيسببلي إحراج إن كل ما أزور حد بيقدموا شاي فابكتفي بإني أدوقه عشان ما كسفوش ولو خد باله اني ما شربتهوش يقلي ايه الشاي ما عجبكش, هوا بارد ولا ناقص سكر, ولا ولا ولا ... ولو أعدت أحلفله لتاني يوم اني مش أدر أشربه مش هايسبني إلا لما يشربهولي....

هاتقولولي طيب ما تقله انك ما بتشربش شاي, ماهو لما بقول يقوم عازم عليا بقهوة أو نسكافية, فطبعا هاقول إني ما بشربهمش فالحكاية بتنتهي إنه يجبلي بيبسي أو تانج....

و المشكله إن الأعده كلها بتبقى يا شاي يا قهوة و أنا الوحيد إلي بتبقى قدامي كباية عصير.... فابحس بإحراج شديد من الموضوع ده....

عشان كده بطلت أزور حد....

--------------------------------------------------------------------------------------------

- مشروبي المفضل -

هوا بصراحة مفيش مشروب معين بس أنا يوميا لازم أشرب علبة لبن (مالح) أكتيفيا - أما ليه بأه - فده لأني بحبه و ثانيا مفيد جدا.....

و بشكل عام بعشق حاجه إسمها سوبيا و تمر هندي بس مش بلاقيهم هنا كتير و خصوصا السوبيا مش بلاقيها خالص.....

[عازفه على أوتار الذهب]

لازم كوبايه الشااااااي المضبوطه

الصبح عشان باقي اليوم يكون مضبوط

لو مفيش شاي يبقى قريفه وصداع

بس فعلآ ليه المصريين بالذات بيحبوا

الشاي بالطريقه دي....؟؟؟

مع إن الشاي من المنبهات...

يعني بيفوق.....!!!!!!

[nash]

ماأقدرش أفتح عيوني إلا :) :unsure:

بمج قهوة ساده بن محروق

[mano]

فنجان قهوه مغليه و ساده بدون سكر على الصبح مع صوت فيروز بدون فيروز متنفعش :)

[نانو]

بدون شك ... بيناكولادا

بدون شك انت رايق اوي يا واحد تاني :unsure: ....اليس البيناكولادا هذا هو شراب الجوز هند :)

[رمضان]

الفودكا الروسية والعياذ بالله

[بنت النيل]

فنجان قهوه مغليه و ساده بدون سكر على الصبح مع صوت فيروز بدون فيروز متنفعش :unsure:

ايه ده يامانو قهوة ومغليه وساده شكلك اول مابتصحى بتقراء صفحه الوفيات :angry2:

انا بقى ياجماعة بالنسبة للمشروبات مش مدمنه لشىء واحد او معين ولابد من انى اشربه يوميا وخصوصا الشاى ممكن اوى افضل شهور لما افتكر اشرب كوب شاى

لكن بحب النسكافيه والكابيتشينو بس برده مش يوميا يعنى كل يومين كدا اشرب منهم

وبحب عصير المانجو مووووووووووووووت :) بس يكون طبيعى طبعا

ااه افتكرت بحب فى الصيف اشرب البيبسى ويكون بارد جدا وكمان فيه قطع ثلج

تم تعديل 13 ديسمبر 2006 بواسطة بنت النيل

[drhouba]

كوكاكولا فى الازازة الصغيرة اللى كانت دايما فيها شوارب صراصير

بس باشربها مرة ولا اتنين فى السنه لما بانزل مصر واقنع الناس اللى عايزين يكرمونى انى مش عايزة cans عايييييييزه الازازة يا جماعة :angry2:

الأخت العزيزه جيهان ما تبقيش متزمته كده و بعدين مفيش حاجه بتفضل على حالها مش لازم يعنى البيبسى بشنبات الصرصار خلليكى متساهله شويه يعنى ممكن الحاجه الساقعه بأى بروتين و السلام :)

بصراحه يا شباب أنا فى الشتاء و الجو البارد ده أحب أشرب أى حاجه سخنه ما أكونش أنا اللى عاملها :unsure: و فى الصيف كلمنى عن العصاير الفريش و الفيروز فى مصر :)

[سهيلة]

مشروبى المفضل هوة

الشااااااااااااااااااااااااااااااى

وموش اى شاى لازم ليبتون خرز موش عارفة لية بعشقة مووووووووووت

ف اى وقت خصوصا الصبح

اما عن فوائد الشاى و اضرارة فكالتالى

ومن فوائد الشاى التى أكدها العلم أنه:

1 - يساعد على خفض الكوليسترول، والوقاية من الأزمات القلبية، وهذا ما يقره أساتذة القلب على مستوى العالم؛ حيث يعتبر الكوليسترول السبب الرئيس فى حدوث جلطات الشريان التاجى، وبالتالى الأزمات القلبية.

2 - يخفض من ضغط الدم،

لانة مدر للبول

3 - يساعد فى الوقاية من السكرى؛ إذ يقدم المؤكسدات الطبيعية فى الشاى - خاصة الأخضر - بمنع الإنزيم الخاص بتحويل النشا إلى سكريات بسيطة يمكن امتصاصها فى مجرى الدم، فينخفض بذلك مستوى السكر.

4 - يسهم الشاى الأخضر بشكل كبير فى وقاية الأسنان من التسوس، ويحمى اللثة من الالتهابات؛ حيث يعمل كمضاد للبكتريا المصاحبة للطعام، والتى تترسب على الأسنان، فيمنع تكونها، ويزيل الرائحة الكريهة من الفم.

5 - لا يساعد الشاى فقط على الاسترخاء، بل يمكنه أيضًا المساعدة فى التخلص من الكيلو جرامات الزائدة فى أوزاننا، فالشاى بجميع ألوانه يخدم النحافة؛ حيث يحفز ويقوى عملية حرق السعرات فى الجسم.

ويمتاز الشاى الأخضر بقدرته على تخليص الجسم من مواد سامة، ويحارب احتباس الماء، وينشط عمل الجهاز الهضمى، والكليتين، كما أنه يقلل من حدة الشهية.

6 - يحتوى الشاى على مواد تسمى «الفلافو نولات» تقاوم المواد المؤكسدة التى تدمر أنسجة الجسم وتفسدها، وبالتالى يعمل الشاى على وقاية الجسم من التحولات السرطانية.

إن المأخذ الوحيد الذى يؤخد على الشاى هو

الظن بإعاقته لامتصاص الحديد، والعلاج لذلك سهل، ويكمن فى تأخير تناول الشاى إلى ساعتين بعد الوجبة الغذائية، وتناول أطعمة تحوى فيتامين «ج» مع الحديد خاصة نباتى المصدر لرفع درجة امتصاصه فى الجسم ، مع عدم غلى الشاى مع الماء ، بل إعداده بطريقة الشاى «الكشرى» المعروفة، وهى إضافة الماء المغلى إلى الشاى فى الكوب أو الفنجان

[inas]

انا عموما مفيش شيء ياسرني غير الكابتشينو والنسكافيه و القهوه الفرنسي

والشاي دا لو النسكافيه خلص

والله عليه فنجان القهوه من بن البدوي او العميد

والاحلى منو ودي هوايتي

فنجان القهوه من البن البرازيلي الي في محطة الرمل

يميزو المكان الجميل تشرب فنجانك على الواقف وتروح تصرف القرشين بعد كده في صفيه وسعد

اكيد في حد جربو

بالنسبه للعصاير البرتقال و الاناناس والكيوي واللمون في زبادي خلاط لو سمحت :unsure:

انا اعدت سنه كل يوم خميس اروح كفتريا في الكويت مع مجموعه من اصحابي كان الجرسون اول ميشوفنا ينزل طقم كيوي منغير منتكلم ايييييييه كانت ايام

شكرا خلتني استرجع ذكرايات جميله عن ازنكم هعمل لنفسي قدح من القهوه الفرنسي :)

تم تعديل 13 ديسمبر 2006 بواسطة inas