هديه للازواج

[نانو]

المره ديه علشان ماتقولوش عليا اني متحيزه و بدافع عن حقوق المراه

المره ديه ....جايه و معايا هديه للازواج ...الحلوين بس

كتير جدا بيحصل ان ست البيت اللي هيا احنا تغير في شكل البيت و ترتيب الاثاث او تغير في تسريحه شعرها وا لونه و طريقه لبسها

و تبقي متشوقه علشان تشوف رد فعل جوزها اول ما يدخل من الشغل ....و يبقي قلبها بيدق مستني يفرح بس بمجرد ابتسامه من زوجها

من غير حتي مرسي يا حبيبتي....و اذا بها تصدم من رد فعله انه فعلا مش شايف ولا حاسس باي تغير ...صح؟

طيب بلاش ديه اوقات كتير اوي الست بتبقي مخنوقه و عندها مشكله او مشاكل و برضه بتبقي مستنيه لحظه وصول زوجها من الشغل علشان تحكيله و تفضل تلاحقه من اوضه لاوضه للمطبخ و نهايه بغرفه النوم وهو بيشد الغطاء علي وشه و هيا لسه بتحكي وبتحكي...بدون اي رد فعل

و الادهي انها بتوفاجا انها لو كلمته عن الموضع نفسه تاني يوم بيبقي مش فاكره

ما تزعلوش يا سيدات و ما تخافوش يا رجال ...وصلت لحل تلك المشكله الاذليه اللي ما فيش بيت مش بيعاني منها

معلش يا سيداتي شويه سعه صدر وتقبل الموضوع...ديه الحكايه طلعت غصب عنهم

قرات المقال التالي و نقلته لكم ...تفضلوا شاركوني

سبب صمت الرجل وثرثرة المرأة

قال إن الرجل يعبر عن التعب بالسكوت والميل إلى الهدوء، أما المرأة فالتعب يمدها برغبة مضاعفة للحديث.

وكل منهما يتمنى أن يشاركه الآخر حاله، فالرجل المنهك يريد امرأة صامتة لبعض الوقت، والمرأة المتعبة تريد زوجاً سامعاً متحدثاً متفاعلاً.

لكن درجة الإلحاح تختلف من الطرفين، فالرجل لا يلح على المرأة كي تصمت، إلا أن المرأة كثيراً ما تلح عليه كي يتكلم ، والنتيجة: "خناقة" ذات ملامح متكررة من وقت لآخر.

الجديد في هذا الموضوع أنه لم يعد بالإمكان إلقاء اللوم في سكوت الرجل وثرثرة المرأة على التنشئة والتعود والتأثير الإعلامي وما إلى ذلك، وإنما على خريطة الدماغ. فقد أثبتت دراسة علمية نشرت نتائجها صحيفة "نيويورك تايمز" على موقعها الإلكتروني أن دماغ الرجل مصمم بما يتناسق مع هذا الوضع، تماماً كما أن دماغ المرأة مصمم ليواجه التعب بالثرثرة.

وقد استخدم علماء أمريكيون تقنيات الانبعاث البوزتروني المتقدمة لمراقبة تركيب الدماغ وخريطة عمله لدى كل من الرجل والمرأة وتوصلوا إلى وجود اختلافات جوهرية بين الاثنين.

فعلى سبيل المثال يستنفذ دماغ الرجل قسطاً كبيراً من طاقته في المهارات المكانية مثل التصميم الميكانيكي وتوظيف الأشكال المادية والتجريد، لكن دماغ الرجل ليس لديه المساحة الكافية التي يمكنه استخدامها لإنتاج الكلمات والعبارات بغزارة واستخدامها لوصف الأحوال التي يمر بها.

وتوصلت الدراسة نفسها إلى سبب ما يقال من أن أعصاب المرأة تهدأ قبل أعصاب الرجل.

فقد تبين أن دماغ الرجل أقل إنتاجاً لنوعين من المواد الكيماوية هما مادتا سيروتونين وأوكسيتوسين ، وهاتان المادتان مسؤولتان عن تهدئة الأعصاب عند حدوث موقف متوتر.

.

[MZohairy]

قطيعه

قطعواالرجاله و سنينهم

هو بقى في رجاله اليومين دول ياختشي :P

[نانو]

قطيعه

قطعواالرجاله و سنينهم

هو بقى في رجاله اليومين دول ياختشي :P

هو انتوا مافيش فايده فيكم :P

انا الحق عليا اني باكون ناصفه وعادله...اصبر بقه عليا يا زوهيري :D

[inas]

ست الدكتوره هي المادتين دول بنجبهم من عند العطار :P

اصلي عيزا منهم اتنين كيلو :D

شكرا على المعلومات المفيده

[Folana]

السلام عليكم ورحمة الله ....

نانو يانانو ..يا أجمل نانووو.....انت دائما كده تصيبى الهدف...:P...عايزة ارد على موضوعك الجميل بس الاول اسمحى..اصلى افتكرت موقفين كده يضحكوا فاسمعيهم منى الاول وبعدين نسترسل فى الكلام..

اول موقف..بمناسبة ان الرجل مش بياخد باله من تغير لون الشعر والكيماويات اللى بتستخدمها المرأة مضحية يا ولداه برأسها فى سبيل لفت نظره...كانت بنتى من كذا سنة كده عند مدام فرنساوى بس كبيرة فى السن..وبتقولى يامامى عاملة شعرها لون غريب جدا وعمالة تسألها هه يا بنت فولانة ايه رأيك فى لون شعرى ..بنتى تقولها جميل جدا يا مدام ..مافيش احسن من كده...ليس فى الامكان ابدع مما كان..

بتقولى وبعدين يا مامى شوية وجوزها رجع من بره وما اخدتش باله خالص فالمدام قالته له هه ايه رأيك فى لون شعرى ..بص لها باحتقار وقالها ايه القرف اللى انت مهبباه فى شعرك ده :D

تانى موقف بمناسبة الرغى...انا كمان ما باصدق اصطاد زوجى وافضل ارغى ارغى ..وفى مرة كنت واقفة فى المطبخ وهو معايا وعمالة اقوله شفت مش حصل وحصل ...وحصل وحصل ...وعمالة اكمل بقى ...شوية لقيت الموبيل بيرن رديت..لاقيته زوجى بيقولى هه ..خلصتى الحكاية ولا لسه ...:P

تصورى سابنى وخرج وانا من كتر ما انا مندمجة فى الرغى ماحستش....والله عنده حق يهرب...:P..

حاكمل معاك بعد شوية احسن افتكرت حاجة عايزة احكى لزوجى عليها ...:)

[drhouba]

يا سلام يا نانو أثلجتى صدرى بالموضوع ده أنا قلت أرد عليكى فى السريع مؤقتا لغاية ما أمخمخ لك على رواقه بس الواحد نفسه يشوف جوزك المحظوظ اللى مع ست مخها كبير زيك و نعم الستات و الله و يا بخت أولادك كمان اللى متربيين أساسا بالحب ( شفتى مش ناسى مواضيعك إزاى ) يا ريت كل الزوجات زيك و بعد إذنك مؤقتا علشان أقوم أعمل أى حاجه فى مكان تانى غير ده لأن مراتى من 3 سنين بتزن حواليه فى موضوع مش سامعه و لو فضلت قاعد قدام الكمبيوتر الجزء الكويس اللى فاضل فى مخى اللى إتكلمتى عنه حيطير هو و شاشة الكمبيوتر اللى قدامى اللهم أنقذنى و أنقذ جميع الأزواج و أنت أرحم الراحمين :P

تم تعديل 13 ديسمبر 2006 بواسطة drhouba

[Folana]

السلام عليكم ورحمة الله ...

عودة لموضوعك يا نانو....جميل انهم وجدوا مبررات لصمت الحملان ..قصدى صمت الرجال...لكن ولان دى فعلا مشكلة متواجدة فى معظم البيوت..يبقى لابد من البحث عن حل ...

الحوار بين الزوجين - بعيدا عن الجانب التشريحى لمخ كل منهما- هو اسلوب رئيسى للتفاهم وحل المشكلات ...

وممكن اعتباره معياراً للنضج والتوازن لأطراف العلاقة لان انعدام الحوار ممكن يؤدى الى تفاقم المشاكل الزوجية...

وعلى الجانب الاخر..ممكن حوار بسيط جدا يؤدى الى مشكلة كبيرة....ومعركة حاسمة يحاول كل طرف اثبات وجهة نظره فيها..وده بالطبع يعكس ضعف القدرة على الحوار والقدرة على التعبير...

زى مثلا ..لو الزوجة سألت زوجها حنروح فين النهاردة..او ايه رأيك فى لون شعرى...وتختلف الردود وتختلف وجهات النظر الى ان ينقلب الامر الى معركة كلامية ..وقد يتحول الحوار الى شجار وخصام...

يبقى اهم حاجة علشان نتغلب على حكاية التشريح العقلى للرجل والمرأة.....او نتجنب الفروق الفردية دى بقدر المستطاع يبقى لازم نبحث عن وسائل أمنة تجعل من الحوار بين الزوجين متعة ...وتجعله حوار ناجح...

والزوجة بيقع عليها العبء الاكبر فى نجاح الحوار والمناقشة ....لازم تكون لماحة...تنظر فى عيون زوجها وتعلم اذا كان الوقت مناسب لفتح مواضيع للنقاش ولا لأ...

يعنى اختيار الوقت المناسب ...حتى يستطيع كل طرف التعبير عن رأيه وتقبل رأى الطرف الاخر...ويؤجل الحوار شوية لو شعر اى طرف ان الاخر ليس فى حالة تسمح له بالنقاش...تعبان مثلا..زهقان...جعان

مش شرط ابدا ان النقاش يستمر ساعات .....ايضا لابد من تعلم فنية الاستماع للطرف الاخر...يعنى زى مابنعرف نحكى ونتكلم لازم نعرف نسمع كمان

ضرورة ابتكار أساليب متعددة للنقاش وللتأثير على الطرف الاخر....كذلك لابد من وجود مرونة فى الكلام واعتراف بالخطأ

وايضا يا نانو تراعى ان الزوج راجع من بره مثقل بالهموم...والمتاعب ..طاقته النفسية استنفذت خلاص...يعنى محتاج شوية راحة وبعدين نبدأ نطاردهم بحكايتنا..

الموضوع محتاج شوية مهارات اجتماعية......

[Gihan]

المره ديه علشان ماتقولوش عليا اني متحيزه و بدافع عن حقوق المراه

سبب صمت الرجل وثرثرة المرأة

قال إن الرجل يعبر عن التعب بالسكوت والميل إلى الهدوء، أما المرأة فالتعب يمدها برغبة مضاعفة للحديث. الجديد في هذا الموضوع أنه لم يعد بالإمكان إلقاء اللوم في سكوت الرجل وثرثرة المرأة على التنشئة والتعود والتأثير الإعلامي وما إلى ذلك، وإنما على خريطة الدماغ. فقد أثبتت دراسة علمية نشرت نتائجها صحيفة "نيويورك تايمز" على موقعها الإلكتروني أن دماغ الرجل مصمم بما يتناسق مع هذا الوضع، تماماً كما أن دماغ المرأة مصمم ليواجه التعب بالثرثرة.

وقد استخدم علماء أمريكيون تقنيات الانبعاث البوزتروني المتقدمة لمراقبة تركيب الدماغ وخريطة عمله لدى كل من الرجل والمرأة وتوصلوا إلى وجود اختلافات جوهرية بين الاثنين.

فعلى سبيل المثال يستنفذ دماغ الرجل قسطاً كبيراً من طاقته في المهارات المكانية مثل التصميم الميكانيكي وتوظيف الأشكال المادية والتجريد، لكن دماغ الرجل ليس لديه المساحة الكافية التي يمكنه استخدامها لإنتاج الكلمات والعبارات بغزارة واستخدامها لوصف الأحوال التي يمر بها.

وتوصلت الدراسة نفسها إلى سبب ما يقال من أن أعصاب المرأة تهدأ قبل أعصاب الرجل.

فقد تبين أن دماغ الرجل أقل إنتاجاً لنوعين من المواد الكيماوية هما مادتا سيروتونين وأوكسيتوسين ، وهاتان المادتان مسؤولتان عن تهدئة الأعصاب عند حدوث موقف متوتر.

.

يعنى يا نانو يا اختشى لو الراجل عمل دماغ سيروتونين وأوكسيتوسين حيسمع ويفهم ويتكلم زيينا ؟

انتى باين عليكى بريءة دة تلاقى اللى عمل البحث دة راجل عايز يخلص من زن مراتة

[Moon Light]

نانو الحبيبة سيقي الرجل بنفس سماتة ما حيينا ومهما تغيرت الاسباب فهو دائم المركزية يحب ان يكون هو المحور الذي تدور حولة الارض وبخاصة الرجل

الشرقي فهي امور ترجع للتربية والثقافة والعادات بان كل شيء يتم لراحة الرجل دون الانتباه الي من تجاورة في الحياة فهو يريد حين يصل الي بيتة ان

يجد كل شيء معد لاستقبالة غير عابيء بنفسية ولا بتفكير ولا مظهر تلك التي اعدت لة كل شيء لذا علينا تقبل الامر كما هو لان ليس بيدنا ما نغير بة ذلك

وربنا يخليهم لينا هما بيتعبوا برضة علشانا

[drhouba]

نانو الحبيبة سيقي الرجل بنفس سماتة ما حيينا ومهما تغيرت الاسباب فهو دائم المركزية يحب ان يكون هو المحور الذي تدور حولة الارض وبخاصة الرجل

الشرقي فهي امور ترجع للتربية والثقافة والعادات بان كل شيء يتم لراحة الرجل دون الانتباه الي من تجاورة في الحياة فهو يريد حين يصل الي بيتة ان

يجد كل شيء معد لاستقبالة غير عابيء بنفسية ولا بتفكير ولا مظهر تلك التي اعدت لة كل شيء لذا علينا تقبل الامر كما هو لان ليس بيدنا ما نغير بة ذلك

وربنا يخليهم لينا هما بيتعبوا برضة علشانا

أتفق معك تماما فى أن الرجل دائم المركزيه لأنه بيلف حوالين نفسه ليل و نهار من الشغل و البيت و الذى منه و لكنى أختلف فى أنه يحب أن يكون المحور اللى تدور حوله الأرض بالعكس هو ممكن يلف الكره الأرضيه كلها علشان يلاقى حته هاديه ينام فيها بعد الظهر ...... مش كده و اللا إيه ؟ :)

[بنت النيل]

أتفق معك تماما فى أن الرجل دائم المركزيه لأنه بيلف حوالين نفسه ليل و نهار من الشغل و البيت و الذى منه و لكنى أختلف فى أنه يحب أن يكون المحور اللى تدور حوله الأرض بالعكس هو ممكن يلف الكره الأرضيه كلها علشان يلاقى حته هاديه ينام فيها بعد الظهر ...... مش كده و اللا إيه ؟ :unsure:

اولا موضوعك جميل يا نانو وكما قال دكتور هوبا اثلجتى صدورنا

اما بقى عن كلامك يا دكتور هوبا فى ان الراجل ممكن يلف الكره الارضيه كلها عشان يلاقى حته ينام فيها بعد الظهر

اناعندى له اقتراح يوفر عليه اللفه دى كلها وهى انه يجى ينام عندنا بعدالظهر :angry2:

وده لسبب طبعا ان زوجى العزيز لو الدنيا انقلبت لازم ينام بعدالظهر يعنى بقى واقع وامر مفروج منه :)

فبخدها من قصيرها واخد الاولاد الكتاكيت اللى عندى وننام احنا كمان :)

ما اطلع فى العمر نوما ولا قصر فيه طول السهر ،،، مش بيقولو كدا برده :)

[نانو]

ست الدكتوره هي المادتين دول بنجبهم من عند العطار :)

اصلي عيزا منهم اتنين كيلو :unsure:

شكرا على المعلومات المفيده

ياريت يا انانس كنا كلنا جيبنا منهم 2 طن و ندسهم في كل انواع الماكولات و المشروبات علشان البيه

[نانو]

فولانه

انا فطست علي روحي من الضحك....و اتفكرت حالتي مع جوزي لما اكون عايزه اناقشه في موضوع

بصي هو روحه مش في مناخيره ....لا هيا بره اصلا...مش بيحب النقاش و انا بعد 7 سنين لسه برضه مصره اناقش ...لان النقاش سلوك يرقي بالانسانيه

لكن ...النقاش بيدا مثلا ادام التليفزيون و بعد يبدا يوم يتحرك ...اعرف انه بدا اول لحظات الملل...مرورا بالمطبخ ياكل اي حاجه ول ما فيش يشرب ميه ..ثم يتمد ليخرج الي غرفه النوم يقلب في اي حاجه قدامه ....و لما يلاقي ما فيش فايده وانا لسه مصره علي استكمال المسيره...يبقي الحل الوحيد هو الحمام...المشهد الاخير اني واقفه علي باب الحمام و بكمل الموضوع برضه و ينتهي باحدي كلمتين حاضر او لا.....بس اقولكم علي سر

غالبا بعد اللفه الطويله ديه بيبقي حاضر.....صدقوني اللفه ديه بتجيب فايده في الاخر....بصرف النظر هو قالها عن اقتناع او زهق ..مش مهم :angry2:

يا سلام يا نانو أثلجتى صدرى بالموضوع ده أنا قلت أرد عليكى فى السريع مؤقتا لغاية ما أمخمخ لك على رواقه بس الواحد نفسه يشوف جوزك المحظوظ اللى مع ست مخها كبير زيك و نعم الستات و الله و يا بخت أولادك كمان اللى متربيين أساسا بالحب ( شفتى مش ناسى مواضيعك إزاى ) يا ريت كل الزوجات زيك و بعد إذنك مؤقتا علشان أقوم أعمل أى حاجه فى مكان تانى غير ده لأن مراتى من 3 سنين بتزن حواليه فى موضوع مش سامعه و لو فضلت قاعد قدام الكمبيوتر الجزء الكويس اللى فاضل فى مخى اللى إتكلمتى عنه حيطير هو و شاشة الكمبيوتر اللى قدامى اللهم أنقذنى و أنقذ جميع الأزواج و أنت أرحم الراحمين :unsure:

بص يا دكتور هوبا...بصراحه كده و من غير زعل...انا شاكه في جوانياتك

انت تدخل في الموضع الاول بوش الملاك ...و تقولي اثلجتي صدري

و في اخر كلامك الاقيك تقولي انقذ جميع الازواج .....هو ايه اصله ده :)

و

[نانو]

السلام عليكم ورحمة الله ...

عودة لموضوعك يا نانو....جميل انهم وجدوا مبررات لصمت الحملان ..قصدى صمت الرجال...لكن ولان دى فعلا مشكلة متواجدة فى معظم البيوت..يبقى لابد من البحث عن حل ...

الحوار بين الزوجين - بعيدا عن الجانب التشريحى لمخ كل منهما- هو اسلوب رئيسى للتفاهم وحل المشكلات ...

انتي عارفه يا فولانه صدقيني قبل ما نفكر ازاي ممكن نتناقش مع الازواج كان مهم نعرف ايه سبب عدم تجاوبهم بسهوله في النقاش نفسه

وخلانا نقعد نفكر و نتناقش في كيفيه الوصول لاحسن طريقه للنقاش مع الزوج

و بجد انا كنت سعيده جدا لما لقيت الكلام او اقصد البحث ده ....لان ديه مشكله موجوده في كل بيت ...و اكيد كلنا متفقين انها مشكله جينات في الرجاله

كلهم باختلاف بيئتهم وثقافتهم تجمهم صفه واحده يبقي الموضوع خارج من ايديهم (يعني كلهم عبد الناصر)

زي ما كل الرجاله متفقين ان كلام الستات الكتير مشكله مشتركه بين كل الزوجات

بمعني ان لما يجي دكتور يقول ان الضغط النفسي عند المراه يفرغ بالكلام ....اعتقد انه ده لما الزوج يعرفه هيقدر مراته

و لما كمان يقول ان الضغط العصبي للرجل يفرغ عن طريق الصمت و الهدوء و عدم الكلام ده هيفيد برضه الزوجه و خصوصا علشان تقدر تتفهم موقف جوزها خصوصا اول ما يكون راجع من الشغل....هو ليه مش شايف اي شئ جميل تعبانه فيه من الصبح علشان خاطر تحاول تسعده ولو للحظه

الزوج في حياه الزوجه كل حياتها بتحاول ترضيه بكل الاشكال ....ولما ما تلاقيش رد فعل هيا كانت متوقعاه بتصاب بالاحباط

و كتر الاحباطات بتعمل فتور في الحياه الزوجيه و تزيد معاه المشاكل

ان هدفي ان الزوج و الزوجه يعرفوا ان هذه السلبيه موجوده في كل منهم غصب عنه

و بالتالي كل واحد يحاول يغير من نفسه و يتفهم الاخر و يقدر ظروفه

تصدقي يا فولانه يا ختي

احنا كنا ظالمنهم

ده اتاري مخهم كده ....خلقه ربنا بقه هنقول ايه

كل كلامك عن التفاهم بين الزوجين و كيفيه اختيار الوقت المناسب والطريقه المثلي في اقامه حوار اكتر من رائع حضرتك دكتور نفساويه ولا ايه؟

[darker19]

بصي هو روحه مش في مناخيره ....لا هيا بره اصلا...مش بيحب النقاش و انا بعد 7 سنين لسه برضه مصره اناقش ...لان النقاش سلوك يرقي بالانسانيه

-------------------------------------------------

غالبا بعد اللفه الطويله ديه بيبقي حاضر.....صدقوني اللفه ديه بتجيب فايده في الاخر....بصرف النظر هو قالها عن اقتناع او زهق ..مش مهم

-------------------------------------------------

احنا كنا ظالمنهم

ده اتاري مخهم كده ....خلقه ربنا بقه هنقول ايه

يانانو أنا شايف الموضوع ده من أول ما كتبتيه و بصراحة كنت محتار وقلت في عقل بالي معقولة تكون مقتنعة بالكلام ده ولا فيه نوايا خفيه للموضوع؟؟؟؟

وفضلت الصمت إلى أن ظهرت الحقيقة............ :closedeyes:

يعني بالرغم من إنك إدعيتي إنك مقتنعة بالدراسة دي, ومع ذلك بتحثي باقي النساء على الزن على أزواجهم لما قلتي إن حضرتك بعد 7 سنين زواج و لسة مصره على النقاش, وان نهاية اللفة الطويلة يتجيب نتيجة..... طيب يبقى إزاي مقتنعه بأه بالدراسة دي؟؟؟؟

وهنا يتجلى أن الهدف من الموضوع هوا زيادة الرغي وليس الحد منه.......

و بعدين بتقولي إنكم ظالمنا و إنه احنا مخنا كده و ان دي خلقة ربنا......

في دي بأه معاكي حق.... بس أحب أضيف معلومة إحنا بأه مش ظالمينكم لأن كل الرجال مستعدين يبصموا بالعشرة ان النساء راغااااااااااااين

----------------------------------------------------------------------------------

هاتقولولي إنتا مالك بالموضوع إنتا مش متجوز - هاقلكم أهي غلاسة

تم تعديل 14 ديسمبر 2006 بواسطة darker19

[أبو زياد]

سبب صمت الرجل وثرثرة المرأة

قال إن الرجل يعبر عن التعب بالسكوت والميل إلى الهدوء، أما المرأة فالتعب يمدها برغبة مضاعفة للحديث.

وقالت الدكتورة فلانة :

والزوجة بيقع عليها العبء الاكبر فى نجاح الحوار والمناقشة ....لازم تكون لماحة...تنظر فى عيون زوجها وتعلم اذا كان الوقت مناسب لفتح مواضيع للنقاش ولا لأ...

يعنى اختيار الوقت المناسب ...حتى يستطيع كل طرف التعبير عن رأيه وتقبل رأى الطرف الاخر...ويؤجل الحوار شوية لو شعر اى طرف ان الاخر ليس فى حالة تسمح له بالنقاش...تعبان مثلا..زهقان...جعان

إيه الهنا اللى أنا فيه دة - مش مصدق نفسى !! :closedeyes:

تعرفى يا أستاذة نانو .. أنا عمرى ما كنت باصدق الأبحاث و الدراسات اللى يقعد يقولك توصلت الدراسة و معرفش ثمرة الطماطم فيها إيه .. و كل طماطماية واحدة كل أسبوع قبل الأكل ... و الكلام دة كله

فعلا إنتى غيرتى فكرتى .. و جزاكى الله خير .. بعد كدة حاقرا كل المجلات و النشرات

لأ بجد البحث واضح إنه واقعى و منطقى لأنه بيفسر حالات كتير ما كنتش بالاقى لها تفسير

مش حاطول و حاعطى الفرصة لجميع الإخوة ليطلعوا عليه

شكرا لك إنك فكرتى فينا و نقلتى لنا هذه المعلومات !!

[نانو]

نانو الحبيبة سيقي الرجل بنفس سماتة ما حيينا ومهما تغيرت الاسباب فهو دائم المركزية يحب ان يكون هو المحور الذي تدور حولة الارض وبخاصة الرجل

الشرقي فهي امور ترجع للتربية والثقافة والعادات بان كل شيء يتم لراحة الرجل دون الانتباه الي من تجاورة في الحياة فهو يريد حين يصل الي بيتة ان

يجد كل شيء معد لاستقبالة غير عابيء بنفسية ولا بتفكير ولا مظهر تلك التي اعدت لة كل شيء لذا علينا تقبل الامر كما هو لان ليس بيدنا ما نغير بة ذلك

وربنا يخليهم لينا هما بيتعبوا برضة علشانا

هيا ديه النقطه يا مون لايت انه الرجل لا يجهد ذهنه كثيرا بجرد دخوله البيت بما فيه ملاحظه الجديد في المنزل او علي زوجته

لكن احنا اتفقنا ان ضغط الشغل ديه نقطه نرجع نقول فيه سيدات بتشتغل و مع ذلك لو هي مكانه بتاخد بالها من كل كبيره وصغيره

هنا بقه تظهر نتيجه واهميه البحث ده و اللي خلاني فعلا انقل الموضوع ده رغم انه اكيد موضوع مش جديد و مزمن لكن الجديد هنا

اني توصلت ان الشئ ده غصب عنهم :closedeyes:

داركر

داركر يا داكر... اولا انت تنور اي مكان تدخله و من حقك طبعا المشاركه حتي لو مش متجوز لانك عاذب اليوم و زوج بعد بكره الصبح :huh:

شوف يا سيدي صدقني المره في صفاء نيتي ...حقيقي مش فاتحه الموضوع كيد في الرجاله بالعكس

ده انا كنت طايره من الفرح لاني اكتشفت السبب الحقيقي وراء هذا السلوك الجماعي و من الرجال وهو تجاهل نساءهم

بالرغم ان الزوجه بتكون متاكده ان زوجها بيجبها و يقدرها ...فتبقي مش فاهمه ايه الحكايه بالضبط

بالنسبه للتناقض اللي بتقولي عليه

لا مش حقيقي اولا انا ما قولتش اني هابطل زن علي جوزي في اي موضوع انا عايزه اقنعه بيه....

ليه بقه.....خلينا نعترف بحقيقه و هيا ان البيت ....الست عمليا هيا اللي بتمشيه مش الزوج

و الست الذكيه هيا اللي بتحسس زوجها انه هو اللي اخد القرار.....و ده برضه راجع لنفس سبب تعب الزوج من شغله و انه بيكون تماما مستكفي من المشاكل اللي بيقابلها في الشغل....و ما يصدق يروح البيت ويرمي كل الحمل الي فاضل علي زوجته فهيا لما قال يعني تكلمه علشان تقنعه بوجهه نظرها اللي في الاخر هتمشي هتمشي....يبقي هيا طيبه و قلبها كبير كمان انها بتتعب نفسها و تحاول اقناعه.....ناس ما بتحمدش ربنا :D

ثانيا المعلومه اللي وصلتلها من البحث ده هي سبب عدم تجاوب الزوج.... خير كويس الحمد لله اني فهمت بس ده ما يمنعش اني ابطل

بالعكس ده يديني ثقه في نفسي زياده ان الراجل ساكت مش عدم استهانه بتفكيري وانما علشان ما فيهوش نفس يتكلم :huh:

ابو زياد

انت تامر هو احنا نقدر ننساكم

يعني الست لها مين غير جوزها وبيتها هم دول املها و هدفها و حياتها كلها ليهم وبيهم :P

تم تعديل 14 ديسمبر 2006 بواسطة نانو

[Modest]

كلمة " إمرأة " ترجمتها في الأوردو (اللي هيا لغة أهل الباكستان و بعض مناطق الدول المجاورة لهم و المشهور عنهم الحكمة و بُعد النظر ) تعني : " زنانة "

هذا و بالله التوفيق :closedeyes:

[Folana]

كلمة " إمرأة " ترجمتها في الأوردو (اللي هيا لغة أهل الباكستان و بعض مناطق الدول المجاورة لهم و المشهور عنهم الحكمة و بُعد النظر ) تعني : " زنانة "

هذا و بالله التوفيق :D

السلام عليكم ورحمة الله....

عمى موديست..ماشى كلامك ..كل اللى تقوله سعادتك يمشى على رقبتنا يا عمى....اوكىىىىىىىى....مسير الحى يتلاقى .... :closedeyes:

[ahmed77]

نانو الموضوع ده جميلا فعلا عوزين موضيع زي دي

انا موجز من يجي سنتين

والموضوع ده كان عملي صداع مش عارف اعمل فيه ايه

اكثر من مرة اول لزوجتي اعملي معروف لما تلايني راجع تعبان او متضايق اصبري علي شوية لما راتاح اسئلي الي انت عوزاه

طبعا مفيش فيده الي في دمغها في دمغها

وبعدين ربنا هداني لحل ظريف اوي لقيت او الموضوع كله حكاوي في حكاوي لا تودي ولا تجيب يعني حاجة كده مش محتاج الواحد ياخد قرار لقيت احسن حل ان اركز علي بعض نقاط الحاوي دي كاني ال مشارك يعني وخلاص

هو ده الحل

وبالي علي الوضع ده يجي سنه وكلة تمام

الا طبعا في الموضويع الجد ومعها شوية مجمالات الله اكلت جميل مفيش احسن من كده

البس ده اول مرة اشوفة

انت زي القمر

في حاجات كتير اوي في البيت اتغيرت

انت تعبتي اوي في كل ده

والله انا مقدر تعبها بس هيا مش بتختار الوقت المناسب الي تول فيه الحاجات دي واعتقد ان معظم السيدات كده

وربنا يجعله عامر