درجة سياحية ولا بيزنس ؟

[حشيش]

الأخوة والأخوات الأعزاء :wub:

أود أن أقوم بعمل إستفتاء عن هذا الموضوع الحيوى بس مش عارف أعمل الإستفتاء إزاى :wub: ( ساعدونى ياإدارة أنا ست مريضة :wub: )

سؤال الإستفتاء هو: إذا سمحت لك ظروفك المادية أن تسافر على درجة رجال الأعمال بالطائرة ... فإنك تفضل:

(1) أن تسافر على الدرجة السياحية لتوفر فارق السعر فى ما هو أكثر فائدة ً ونفعا ً.

(2) أن تسافر على درجة رجال الأعمال ( ملعون أبو القرش اللى ما ينزه صاحبه).

(3) أن تسافر بالأتوبيس.

الحقيقة أنا عمرى ما سافرت على درجة رجال الأعمال مما أدى إلى حدوث تفاعل نفسى تراكمى عندى كلما خرجت من باب الطائرة مروراً على درجة رجال الأعمال بعد ما بيكونوا نزلوا من الطيارة قبل منى طبعاً :wub: ..... ولما بشوف الكراسى اللى كانوا قاعدين عليها قد إيه واسعة ومريحة وإنهم كانوا مفخدين طول الرحلة وأنا قاعد ورا مع المعيز بحقد عليهم وبزعق بأعلى صوتى واشتمهم بس هما مش بيكونوا سامعين أنا بقول إيه لأنهم بيكونوا خرجوا خلاص من المطار :wub:

المعذب / حشيش

[حشيش]

ومش بعيد كمان إن اللى نايمة جنب الراجل ده تكون المضيفة :wub: ... زيادة يعنى فى الإهتمام والترحيب بزباين درجة رجال الأعمال :wub:

[nash]

أهلا حشيش

والله سعيده بوجودك مرة ثانيه معانا..

وأحب أقولك ..كان ليك موضوع جميل عن الجيش..ويمكن ده كان سبب أنضمامي بشكل رسمي للمنتدي

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

نرجع للإستفتاء

أختار رقم 2بس للأسف زيك بالظبط دايما أشوفها فاضيه :wub: ..

[حشيش]

أهلا حشيش

والله سعيده بوجودك مرة ثانيه معانا..

وأحب أقولك ..كان ليك موضوع جميل عن الجيش..ويمكن ده كان سبب أنضمامي بشكل رسمي للمنتدي

<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<<

نرجع للإستفتاء

أختار رقم 2بس للأسف زيك بالظبط دايما أشوفها فاضيه :wub: ..

ربنا يجبر بخاطرك ياناش ياأختشى :wub:

[نانو]

حشيش حشيش حشيش ....احمدك يارب

نورتنا بجد والله :wub:

بص يا حشيش ما تشيلش في نفسك ابدا...انا كل مره اعدي جنبهم الاقي الكرسي كبيييييييييييير اوي وفاضي

و حاسه لو قعدت فيه هاغرق و مش هاطلع منه

تاني عيب انه المكان قدام الكرسي واسع ا وي يعني الواحد مش بيلاقيه حته يسند رجله فيها.....ياي بيعذبوا بتوع الدرجه الاولي دول

تالت عيب بقه هو...انه الدنيا بتبقي فاضيه جدا و الناس كده بعيده عن بعضيها....ما فيش ونس كده

ومع ذلك ...و بعد ذكر تلك العيوب الا اني نفسي :wub: اجرب الدرجه الاولي ديه :wub: و طبعا لو معايا طظ في الفلوس

تم تعديل 15 ديسمبر 2006 بواسطة نانو

[حشيش]

تاني عيب انه المكان قدام الكرسي واسع ا وي يعني الواحد مش بيلاقيه حته يسند رجله فيها

شكراً يانانو ... ربنا يجبر بخاطرك :wub: .... أنا على العكس منك أكتر حاجة بتضايقنى فى الدرجة السياحية إنى مش بعرف أفرد رجليا

[واحد تاني]

الأخوة والأخوات الأعزاء :wub:

أود أن أقوم بعمل إستفتاء عن هذا الموضوع الحيوى بس مش عارف أعمل الإستفتاء إزاى :wub: ( ساعدونى ياإدارة أنا ست مريضة :wub: )

سؤال الإستفتاء هو: إذا سمحت لك ظروفك المادية أن تسافر على درجة رجال الأعمال بالطائرة ... فإنك تفضل:

(1) أن تسافر على الدرجة السياحية لتوفر فارق السعر فى ما هو أكثر فائدة ً ونفعا ً.

(2) أن تسافر على درجة رجال الأعمال ( ملعون أبو القرش اللى ما ينزه صاحبه).

(3) أن تسافر بالأتوبيس.

المعذب / حشيش

شوف يا معنمي :wub: ... مفيش احلى من الاختيار رقم اتنين ... (خصوصا لما يكون على خساب المخل) mfb:

حمدلله ع السلامة :wub:

[رمضان]

والله فعلا بيكون جميل لو على حساب المحل وخصوصا لو بتاخد بدل سفر اليوم بالشيء الفلاني وسفر مجاني على درجة رجال الاعمال وعيش حياتك

ممتعة يا شباب بجد

[Modest]

شيشو حبيبي :wub:

مجرد ما شفت موضوع بإسمك قلت هادخل أرد يعني هأرد قبل ما أقرأ الموضوع عن إيه .. اعمل إيه إنت فعلاً واحشني :wub: ... هات بوسة

شوف يا عمي

أنا سافرت سفريات خاصة بالعمل (على خساب صاخب المخل على قول صديق الطفولة واحد بيه تاني -_- ) بعضها كان على الدرجة الأولى و البعض الآخر على درجة رجال الأعمال على شركات طيران عديدة و الفرق شاسع ليس فقط على الطائرة و إنما من لحظة دخولك المطار إلى لحظة خروجك منه ... أذكر بالذات في إير فرانس كنت لو عايز المضيفة تقعد جنبي تحكي لي حدوتة كانت هاتقعد بس أنا ما كنتش بارضى إنت عارف :)

على المستوى الشخصي بالتأكيد اختار رقم 2 إذا كانت الظروف تسمح و على رأيك: ( ملعون أبو القرش اللى ما ينزه صاحبه) -_-

بعد الرغي ده أقول لك إن الخلاصة في رأيي لو السفرية طويلة و ظروفك تسمح يبقى عيش يا شيشو و إركب بيزنيس كلاس و مِد رجليك إن شالله على مصر للطيران و ساعتها هاتاخد كل الجرايد و المجلات أول ما تركب الطيارة بدل ما توصل لك المضيفة ورا و تقول لك الجرايد خلصت و مفيش إلا الإيجيبشان جازيت :wub:

ماتغيبش عنّا تاني يا شيشو :wub:

[النسر المصري]

وانا كمان بخبك ياخشيش :wub: ...بخبك ووخشتني خدا خدا ياخشيش ياخبي.....على راي صديقي الخبيب واخد تاني :)

انا بس صعبت علي نفسي اني اعدي عالمحاورات من غير ماسلم عليك في التوبيك بتاع سعادتك... ودة رغم الهم والغم اللي انا عايشه اليومين دول....او السنة دي بمعنى اصح

..المهم سعادتك دايما توبيكاتك بتشبه الاختيار رقم اتنين....يعني درجة رجال الاعمال....وطبعا المفضله عندي دايما وابدا :wub:

رغم اني عمري ماركبتها :wub:

[nora]

ازيك يا حشيش فينك يا راجل والله ليك وحشه انت ومواضيعك الي دايما بتفطسني من الضحك ..........

انت بتسال هركب درجه رجال الاعمال والبيزنيس معلش ايه بيزنيس دي-_-

انا دايما بركب درجه رجال الاعمال طبعا:wub:

الواحد ميعرفش يحلم يا ناس شويه .........

بص بصراحه لو معايا همتع نفسي يلا الواحد يطلع العقد والكبت والحرمان وخاصة انك وانت طالع تلقيهم مدينهم مخدات وبطاطين ومشروبات وقائمة طعام وحجات كتير كده وانا ليه تجربه مع الدرجه رجال الاعمال كنت ايامها لسه ثانويه عامة و كنت مسافرة على الطيارة درجه سياحيه وكنت ايامها لسه باخد القطط بتعتي في الصندوق المخصص وانا من عادتي بتخانق علشان القطط تطلع معايا الطيارة وميشحنوهاش مع الشنط :wub:

وطبعا يا سيدي ركبنا الطيارة واول الناس الي حولينا مشافو القطط كاني مطلعه اسود وهتطلع تاكلهم مع اني مفتحتش القفص

والناس تسرخ لحد لما جت الموضيفه واعدت مصره تاخد القطط مني توديها للشحن وانا اعدت اعيط وراسي الف جزمه ان القطط تعد معايا بس وفعلا بعد استماته قرروا لحل المشكله ارسال القطط لدرجة رجال الاعمال وكان بابايا المرافق وانا كل شويه اروح اشوف بابا والمتعه الي كان عايش فيها :wub:

ومن ساعتها وبابا بيسافر بالقطط :wub:

ومرة سافرة على الطيران السيرينالكي لدبي على درجة رجال الاعمال لاني مكنتش لايه حجز في اي مكان بس وكانت رحله حلوة بس الاكل كان صعب جدا بتسالني المضيفه اسبايسي اووور ليييييتل سبايسي فقلت ليتل ياختي هو انا حمل الاسبايسي مش هقولكم ان الليتل كان حريقه في بقي :)

بس ذكريات الله يسامحك

[SANAA]

(1) أن تسافر على الدرجة السياحية لتوفر فارق السعر فى ما هو أكثر فائدة ً ونفعا ً.

لو مسافة الطيران من ساعه الي اربع ساعات يبقي (1)

(2) أن تسافر على درجة رجال الأعمال ( ملعون أبو القرش اللى ما ينزه صاحبه).

لو المسافه اكتر من اربع ساعات يبقي عيش حياتك(2)

[bentmasria]

حمد لله على سلامتك يا حشيش

يارب تكون بكل خير وعافية

موضوع شيق جدا جمع كل الحبايب

نورت بيتك الكبير كلنا افتقد خفة دمك ومواضيعك الرائعة

نورت :wub:

[حشيش]

الأعزاء واحد تانى ... رمضان ... مودست ... النسر المصرى ... نورا ... بنت مصرية :)

أنا موس عارف يسكركم إزاى والله :wub: .... أنا كمان يخبكم كتير :wub: ... أنا خلاص راخ يركب درجة البيزنيس ده علسان يجربه ومس يموت وهوه مخروم منها :wub:

[nancy]

ازيك يا حشيش فينك من زمان

انت عارف انا سافرت لحد دلوقت حوالى 30 مرة بس سياحى والساعتين دول بيعدوا هواء وعمرى ما فكرت لية مش بسافر فى احسن من كدة

بس لو مفيش حل ولازم اسافر وده الى متاح الخاص برجال الاعمال حسافر يعنى مجرد ظرف طارق

انما لو على حساب صاحب المحل يبقى رجال اعمال ولو ممكن اسافر فى اوضة الطيار يبقى احسن كمان :lol: