الفرق بين صداقة الرجال وصداقة النساء

[رمضان]

هل تعرف الفرق بين الصداقة بين النساء و الصداقة بين الرجال

إليك الإجابة:

الصداقة بين النساء :

لم تعد الزوجة بيتها ذات ليلة . . وفي اليوم التالي قالت لزوجها أنها كانت

نائمة عند صديقة لها ..!

اتصل الزوج بأفضل عشر صديقات لزوجته ليتأكد من كلامها فأنكر الجميع رؤية زوجته تلك الليلة .

الصداقة بين الرجال :

لم يعد الزوج لبيته ذات ليلة . . وفي اليوم التالي قال لزوجته أنه كان نائماً

عند صديق له ..!

اتصلت الزوجة بأفضل 10 أصدقاء للزوج لتتأكد من صحة كلامه ...

ثمانية منهم أكدوا أنه كان نائماً عندهم تلك الليلة .. فيما أقسم اثنان أنه لا يزال عندهم إلي الآن

مع تحياتي

[darker19]

دي حلوة بجد.....

استعد للهجوم النسائي

[Simba]

أصل الستات مش بتعرف تكدب

[lonly in cold night]

استعد للهجوم النسائي

الحق خدلك ساتر يا ريس

[بنت النيل]

دي حلوة بجد.....

استعد للهجوم النسائي

حلوه فعلا يارمضان بس ليه هجوم يا داركر بالعكس الواضح ان الستات مكدبتش وكل واحدة قالت الصدق

الدور والباقى بقى على الرجاله :blink:

بس الخوف بقى ان يكون الراجل والست اللى رمضان بيحكى عنهم هما اللى كانوا مع بعض فى الليله دى :P :P :lol:

كل شىء جايز :lol:

[رمضان]

صباحكم سعيد ان شاء الله

بالامانة يا جماعة بالنسبة للحكاية دي

كنت في الشغل لما احب ازوغ كان احسن ناس تكدب وتغطيني همه البنات والستات وبيحبكوا الكدبة لدرجة انهم بيصدقوها انا نفسي بصدق الكدبة اللي اخترعناها مع بعض بعكس الرجالة بيتكشفوا بسرعة

[أبو حميد]

الموضوع كله مدح للستات مفيش هجوم عليهم ولا حاجة

الستات العشرة مبيكدبوش علشان صاحبتهم رغم سؤال الزوج المريب. يعني الستات غالبا ما بتكذبش بدون سبب بس لو كانت صاحبتهم ظبطت معاهم كانوا يمكن كدبوا. الرجالة بقى بيكدبوا عمال على بطال مجرد ما شعر أن صاحبه في مشكلة كدب في ثانية ومن غير ما يحس بتأنيب الضمير.

بالنسبة للموضوع التاني بتاع كدب الزميلات في العمل فده بيدلك على أن الستات فعلا أذكياء ولو حبوا يكدبوا فبيعرفوا يحبكوها صح مش زي الأتنين اللي بيحلفوا أن صاحبهم لسه عندهم.

[darker19]

إنتوا مش واخدين بالكم الموضوع فيه تحريض للرجالة على الإستمرار في الكدب - أنا عارف جوانيات رمضان كويس.....

[رمضان]

ازيك يا داركر عامل ايه واحشنا يا راجل

ايه الجوانيات دي يا داركر خليك محضر خير ده احنا اصحاب