أغانى للأطفال الحلوين..من فرقة فنون المحاوراتيين

[Siwa]

اتفضلي اغنية شادية الجميلة يا مدام نورة. انا رفعها بردة في موضوع الاستاذ زهيري كنوز غنائية. وديه إهداء خاص للامور سيف (ربنا يباركلك فية إن شاء الله) من طنط سيوة. :D

http://www.BLOCKED77/file/7472028/511abd94/bokra.html

ياااااااااااااااه انتم متتصوروش انا كنتا قلبه الدنيا على توت توت وسيف اول ما سمعها اعد يرقص رقص

بجد شكرا بس جوزي اتهرا من كتر مهو طول اليوم بعمل قطر :)

طب حد فاكر اغنية من ورى ستارت الليالي بتاعت شاديه

من ورى ستارت الليالي شمس بكرة جيه تاني

احنا شيفينك تعالي يمو ضحكه برتقالي (برتآني )

العروسهالدهبيه جي وفشفيفها ورده

شمس بكرة جيه جيه بكرة اجمل من النهرده

شفت يوم مهرة سمرة

نونو مسكه في ديل مامتها

قلت بكرة هتبقى حرة

تجري وحديها برحتها

عدى شهر وشهر تاني

شفتها فرسه جميلا

تنطلق تجري فيسواني

تقطع الرحله الطويله

ام قلتلها اوليلي

ليه بتجري يامهرة شرده

قالت الريح بتناديني بكرة اجمل من النهرده

......

شفت يوم عصفورة نونو

لسه طلعه من بضتها

رشها كان مبلول ولونه

لون غناها وصوصوتها

قمت الت في عقل بالي

بقى دي جنحها يشلها

سبتها ومشيت في حالي

بعد مده قلت اجلها

فالي واحد من جرنها

ياختى تارت ليها مده

قلت معنى طيرنها بكرة اجمل من النهرده

[nora]

يااااااااااااااه مش قدرة اصدف نفسي انا بموووووووت في الاغنيه دي بجد شكرا ليكي

[Modest]

بس لو حد يعرف طريقة التسجيل من الكمبيوتر علي شرائط كاسيت ياريت يقولي ازاي

تحت أمرك يا سيمبا .. الطريقة بسيطة و هاشرحها لك بالتفصيل هنا في نفس الموضوع إن شاء الله :)

و لكن ... امنحني بعض الوقت (مع الاعتذار لنانو :D )

بالنسبة لنقل المقطوعات من الكمبيوتر للكاسيت ، تحتاج إلى كابل كالموضح بالصورة التالية أو أي كابل صوتيات حسب مداخل و مخارج الكمبيوتر و الكاسيت لديك و ما إذا كانت Mono أو Stereo على سبيل المثال.

يتم التوصيل بين الكمبيوتر و الكاسيت بحيث يكون Audio out أو Line Out من الكمبيوتر إلى Audio In أو Line In في الكاسيت .. ثم استخدام برنامج - Cassette Tape Producer 7.0 – الذي قمت برفعه ليمكنك تحميله من هنـــــــــــــــــــــا و حجمه 2.07 ميجا بايت.

و هو لا يحتاج أكثر من إضافة المقطوعات التي تريدها إلى البرنامج ثم تشغيله مع الضغط على مفتاح التسجيل في الكاسيت ليقوم بنقل المقطوعات من الكمبيوتر إلى الكاسيت.

و لجعل الموضوع أكثر إفادةً سأقوم بشرح الطريقة العكسية – أي التسجيل من الكاسيت للكمبيوتر.

نحتاج إلى نفس الكابل الموضح بالصورة أعلاه للتوصيل بين الاثنين و لكن يُراعى أن يكون Audio out أو Line Out من الكاسيت إلى Audio In أو Mic أو Line In في الكمبيوتر .

ثم اتباع الخطوات التالية:

1- يمكن استخدام برنامج Sound recorder المدمج مع الويندوز بدون الحاجة لبرامج إضافية و إن كنت أُفضِّل استخدام أحد برامج التعامل مع الصوتيات مثل Adobe Audition مثلاً أو أي من البرامج التي تتيح التحكم في الملف الصوتي من قص و لصق و تعلية و خفض الصوت و إزالة التشويش إلى آخره من أدوات التحرير الضرورية للحصول على المقطوعة بالصورة التي ترتضيها.

(ملحوظة: لدي العديد من هذه البرامج و إذا رغبت أي منها يمكني إرسالها لك مباشرة بالإيميل إذا كانت صغيرة الحجم أو أضع لك رابط لتحميلها مباشرة إذا كانت كبيرة الحجم).

2- بعد مرور حوالي نصف دقيقة من بداية التسجيل لابد من إيقاف شريط الكاسيت و مراجعة الصوت المُسَجَّل على الكمبيوتر و إعادة المحاولة إذا لزم الأمر للحصول على Volume مناسب.. بدلاً من العودة إلى نقطة البداية بعد نقل الشريط بالكامل.

3- الملف الناتج عن التسجيل - في حال استخدمنا Sound recorder - سيكون امتداده WAV و الملفات بهذا الامتداد تكون كبيرة الحجم جداً و غير مناسبة للرفع على الإنترنت.

الطريقة موضّحة بالترتيب في الصور التالية: (عدد الصور 4)

4- الآن يلزم برنامج لتحويل ملف الصوت من WAV إلى MP3 مثلاً لتقليل حجم الملف و بالتالي يسهل رفعه على مواقع الرفع إذا أردنا المشاركة به في أحد الموضوعات أو إرساله إلى أصدقائنا.

أنصح باستخدام برنامج صغير و سهل الاستخدام اسمه FairStars Audio Converter و يمكنك الضغط هنـــــــــــــــــــا لتحميل البرنامج و حجمه 2.53 ميجا بايت.

الصورة التالية توضح شكل البرنامج و هو يتيح التحويل من و إلى العديد من صيغ الصوتيات.

بعد تحميله و تنصيبه على الكمبيوتر يمكن تسجيله بالمعلومات التالية:

Modest

F8742779

6A21-2640-423E-3A41

5- بعد تحويل الملف و بالتالي تقليل حجمُه نأتي إلى رفعه على أحد مواقع رفع الملفات و التي نحصل منها بعد الرفع على رابط التحميل.

أرجو أن اكون وُفِّقت في تبسيط الموضوع و تحت أمرك و أمر الجميع في أي سؤال

[inas]

بجد اغاني تجنن الي بتجمعوها

شكرا يا سيمبا انك عملت النداء ده

مستنيه اغنيتي :)

[واحد تاني]

موديست ...

ربنا يكرمك... :)

[Modest]

موديست ...

ربنا يكرمك... -_-

[nash]

بتعقدنا .... يا أستاذ موديست يعني

شوكرن......ايدك عالأغنيه

ورانا مصالح

[Siwa]

الاخ العزيز Modest. مش عارفة اقول اية بس على كرم حضرتك اللي مغرقنا. بس والله ربنا يجزيك كل الخير واكثر الله من امثالك. وزي ما قلت لحضرتك قبل كدة احنا المفروض نقول Modest في الجود

-_-

تم تعديل 23 ديسمبر 2006 بواسطة Siwa

[Ahmad Farahat]

إنتوا حلوين قوي وتشجعوا الواحد...........

بس فين أغاني يونس شلبي...........

[Modest]

بتعقدنا .... يا أستاذ موديست يعني

شوكرن......ايدك عالأغنيه

ورانا مصالح

حضرتك تؤمري يا ست الكل .. أنا بعت الواد بلية يشوف طلب حضرتك عند الدكان اللي في آخر الشارع و مش عارف إتأخر ليه .. سيادتك شوفي مصالحك و هابعت لك أي عيل من على القهوة ينده لك أول ما بلية يرجع -_-

بتطلب طلبات عجيبة الزبونة دي :P

-------------------------------------------------------------------------------------------------------

الاخ العزيز Modest. مش عارفة اقول اية بس على كرم حضرتك اللي مغرقنا. بس والله ربنا يجزيك كل الخير واكثر الله من امثالك. وزي ما قلت لحضرتك قبل كدة احنا المفروض نقول Modest في الجود

:wub:

ربنا يكرمك .. مفيش بعد ذوقك و كرمك يا ست الكل :wub:

أنا لي طلب عند حضرتك بعد إذنك يعني :o

ياريت تشوفي طلبات خالة ناش احسن وجعت لنا دماغنا :P ... أقصد يعني هيّا على راسنا من فوق و كلنا تحت أمرها -_- ... بس انتوا ستات زي بعض و تستحملوا بعض يعني :ph34r:

.

-------------------------------------------------------------------------------------------------------

إنتوا حلوين قوي وتشجعوا الواحد...........

بس فين أغاني يونس شلبي...........

على ما نلاقي يونس شلبي هاتلاقي رد خلال دقائق إن شاء الله و أتمنى يعجبك في موضوع نداء رقم 2 إلى حكمدارية العاصمة :D

.

تم تعديل 23 ديسمبر 2006 بواسطة Modest

[Simba]

ممكن بلية ربنا يكرمك يشوف لنا في الدكان اغاني بوجي وطمطم

وتتر سينما الأطفال

[Siwa]

الله يخليك يا استاذنا Modest. بس ملاقيتش طلب مدام ناش لسه. بس وعد هادور عليه إن شاء الله. بس نشيد الLycee دة صعب قوي. هاسأل طنط اعرفها كانت بتدرس في ليسيه باب اللوق زمان.مدام إيناس ومدام ناش والله مش لاقية طلباتكم لغاية دالوقتي. ينفع كاكي كاكي كاكي كا لعبد المنعم مدبولي الله يرحمه.

http://www.BLOCKED77/file/7831591/5d0ed7...ky_kaky_ka.html

[Ahmad Farahat]

[]

على ما نلاقي يونس شلبي هاتلاقي رد خلال دقائق إن شاء الله و أتمنى يعجبك في موضوع نداء رقم 2 إلى حكمدارية العاصمة :unsure:

.

يا عم موديست.............

أنا سجلت نفسي أصلا في المنتدى ده عشانك..............

صحيح بعد كده............

بقت ليه اهتمامات أخرى...........

بس إنت السبب برضه...........

[Modest]

على ما نلاقي يونس شلبي هاتلاقي رد خلال دقائق إن شاء الله و أتمنى يعجبك في موضوع نداء رقم 2 إلى حكمدارية العاصمة -_-

.

يا عم موديست.............

أنا سجلت نفسي أصلا في المنتدى ده عشانك..............

صحيح بعد كده............

بقت ليه اهتمامات أخرى...........

بس إنت السبب برضه...........

ده شرف لا أستحقه يا سيدي الفاضل و أتمنى أكون دائماً عند حسن ظنك و الجميع :wub:

لما ألحق اطلب لي 20 جنيه من أستاذ عادل أبوزيد حق الزبون اللي جبته المحاورات :unsure:

[Diab]

" لا تعطني سمكة ولكن علمني كيف أصطاد "

حكمة

يا شباب قولونا بتجيبوا الحاجات دي منين

[Simba]

سلامات أهل الكنوز

ان شاء الله تكونوا كلكم بخير

ممكن لو سمحتم اوبريت اللعبة بتاع لبلبة

ربنا يبارك فيكم

[واحد تاني]

ممكن لو سمحتم اوبريت اللعبة بتاع لبلبة

ينفع بتاع نيللي ... :rolleyes:

اصل لبلبة مكانش عندها لعب ... :angry:

اوبريت اللعبة

PART 1

PART 2

[Simba]

تسلم ايديك واحد تاني

يا اخي استر علي مش كده :rolleyes:

مجرد خطأ مطبعي

[واحد تاني]

تسلم ايديك واحد تاني

الله يسلمك ... :angry:

سامحني دا انا اللى سمعتك غلط ... :rolleyes:

[Ahmad Farahat]

إنتو حلوين قوي............

تسلم إيديكوا كلكم...........