كل سنه وانت طيب يا داركر

[وليد صفوت]

اخويا داركر :)

كل عام و انت طيب و بخير و إلى الله أقرب ... اللهم أجعله عاماً جديداً يقرب عبدك إليك. عاماً تحبه فيه يا رب العالمين.. ;)

كل سنة و انت طيب .. :angry:

[عصام]

إنت كنت مستخبى فين يا جدع انت :)

دا انت طلعت كارثة ;)

ألف مبروك ع المولود السعيد .. شفاه الله وعافاه .. وفك سجنه ..

:angry:

أخوك سعيد السمكرى :D

بارك الله لك فى عمرك ومتعك بالصحة ما أمد لك فيه

[se_ Elsyed]

كل سنة وانت طيب يا داركور

معليش جيت متأخر

اخوك مريض بقى وبقى عضمه كبيره

الاقيش عندك حبتين بنادول ابلع بهم التورتة ؟

[Sherief AbdelWahab]

كل سنة وخبير الآي تي بتاعنا بألف خير .. دمت لنا هارداً ، وحماك الله من الفيروسات ، و"فرمَتَ" لك كل الصعوبات ، ووقاك شر التهنيج وباجسات أولاد الحلال اللي ما خلوش لولاد الحلال حاجة.. :)

خلص الكلام

[واحد تاني]

كنت عايز استنى ليوم 20 واقولهالك في معادها ...

بس مش قادر بقى :rolleyes: ...

كل سنة وانت طيب يا داركر وعقبال 100 سنة وانت "ديفيلوبر" اد الدنيا :blink:

عقلي الباطن

"ديفيلوبر" دي ايه دي ... حد يكتب كده برضه (شكلها وحش اوي بالعربي بس هو فاهمني بقى)

وبعدين ما يمكن يطلع "ادمينستراتور" ... ايه اللى بتقوله ده :angry2:

[lonly in cold night]

---------------------------------------------------------------------------------------------

يا لونلي إلحقني بدال مانتا أعد تشمت فيا, الناس دي ما بترحمش, أنا لو كنت أعرف كده ما كنتش رحت الإجتماع ده....

خلاص يا باشمهندس

العزومة دى عندي :rolleyes:

ياه نسيت المحفظة mfb:

شوف الناس عاوزه ايه و انا حاوصل مشوار لغاية البنك و ارجع احاسب :angry2:

( وش صاحب حسن يوسف في فيلم سبع ايام في الجنة )

إنت كنت مستخبى فين يا جدع انت :blink:

دا انت طلعت كارثة :huh:

ألف مبروك ع المولود السعيد .. شفاه الله وعافاه .. وفك سجنه ..

mfb:

أخوك سعيد السمكرى :D

بارك الله لك فى عمرك ومتعك بالصحة ما أمد لك فيه

الاخ ده شفته فين؟ ... شفته فين؟

افتكرته -_-

ده بتاع كوهين ينعي ولده و يصلح ساعات -_-

[عازفه على أوتار الذهب]

أكشن أول مره:

عارفة يا دهب اليومين الي اختفيتوا فيهم كنا أعدين أنا ونورا ومزبطين هنا في المنتدى و كنا أخر روقان مفيش دوشة و لا إزعاج ولا أيتها حاجة....

(شكلي كده عكيت في الكلام) :blink:

أكشن تاني مره:

عارفة يا دهب اليومين الي اختفيتوا فيهم كنت أعد زعلان جدا و افقدتكم بجد ده أنا كنت بدعي ربنا عشان أشوفلكم رد أو موضوع و الحمد لله رجهتوا بالسلامة, بس نورا بأه الله يسامحها كانت فرحانه فيكم و أعده تقول أحسن زمانهم دلوقتي مفروسين و ما الى ذلك....

إحنا جايين نهدي النفوس....

وانتي طيبة يا دهب

---------------------------------------------

:angry2:

حلال فيك تتدبس يوم عيد ميلادك فعزومه

هبعتلك هديتك متفجرات :huh:

عشان الأكشن أول مره

ويا حرام متعكش غصب عنك فالكلام

وتعمل غلبان -_-

أما نورا هانم فأنا سمعت ضحكاتها المتعاليه جدآ عالتليفون

شمتانه فينا ومتصله مخصوص بس عشان تشمت :rolleyes:

تم تعديل 18 ديسمبر 2006 بواسطة عازفه على أوتار الذهب

[أبو حميد]

داركر باشا المتين

أنا طبعا متأسف أني جاي متأخر أهني وأبارك لأخويا وحبيبي وأبن ديرتي "داركر" عقبال ميت سنة وعقبال ما نفرح فيك يوم جوازك.

بالنسبة للتدبيسة أخوك أحمد يشيل عنك يا باشا وبقول بأعلى صوت ف المنتدى حفل عيد ميلاد داركر يا جماعة عندي أنا. الباشا بس يحدد المكان والزمان وأنا هاقوم باليلة كلها أحنا عندنا كام داركر ومن حسن حظك يوم 20 يوم أربع وعندي أجازة الخميس أو تخليه الخميس علشان ماتش الزمالك الأربع زي ما أنت عاوز.

وطبعا الدعوة عامة لعشرة الآف محاور مصري ومئات الاف الزائرين لموقع محاورات المصريين.

("طبعا ما أنا مطمن أن محدش هيجيي غير حبايبنا في الكويت بس") ده أقتباس عقلي الباكن برده بس مش عارف أقتبسه مظبوط

[darker19]

وليد صفوت شكرا على الدعوة الجميلة دي وشكرا على الكيك و الشمع , وانتا طيب....

--------------------------------------------------------------------------------------------------

عصام شوقي - إنتي بتكلمني أنا ولا بتكلم مين؟؟!

--------------------------------------------------------------------------------------------------

اخوك مريض بقى وبقى عضمه كبيره

الاقيش عندك حبتين بنادول ابلع بهم التورتة ؟

وإنتا طيب يا س س, وربنا يديك الصحة.....

في ريفووو ينفع؟

--------------------------------------------------------------------------------------------------

كل سنة وخبير الآي تي بتاعنا بألف خير .. دمت لنا هارداً ، وحماك الله من الفيروسات ، و"فرمَتَ" لك كل الصعوبات ، ووقاك شر التهنيج وباجسات أولاد الحلال اللي ما خلوش لولاد الحلال حاجة..

خلص الكلام

إيه الهنا الي أنا فيه ده, شريف باشا عبد الوهاب عندي في الموضوع.....

وإنتا بخير, ومتشكر جدا على التهنئة التكنيكال دي.....

--------------------------------------------------------------------------------------------------

واحد تاني - ادمينستراتور ان شاء الله - دعواتك معايا بأه....

وإنتا طيب يا باشا بس عارف الهدية الي جبتهالي مميزة فعلا عمر ما شفت هدية بالشكل ده... الحتة دي قصيتها من مذر بورد ولا كارت ولا ايه بالظبط (عايز أعرف القطعية دي منين؟)

--------------------------------------------------------------------------------------------------

ياه نسيت المحفظة

شوف الناس عاوزه ايه و انا حاوصل مشوار لغاية البنك و ارجع احاسب

لونلي إنتا طلعت منهم ولا ايه؟؟؟؟

أنا الي كانوا بيعملوا كده معايا كان بيقولولي الكرديت موقوف, بس كانت المحفظة موجودة....

بس إنتا بأه نسيت المحفظة كلها, يعني جيت في الملف وسبت الدركسيون....

--------------------------------------------------------------------------------------------------

هبعتلك هديتك متفجرات

متفجرات ايه؟؟؟ بمب العيد؟؟؟ (بضم السين)

أصدي الباء :wub:

--------------------------------------------------------------------------------------------------

asmg70 - الله يخليك يابوحميد هيا دي الجدعنة - بيشيل الليلة بقلب جامد....

بما إن الليلة على حساب أبوحميد أنا أقترح اننا نقضيها في Applebee's ولا نخليها Hard Rock أحسن؟

يلا اختاروا براحتكم وبلغوني...و حتة أربع أوخميس مش هاتفرق معايا أصلهم مش بيعرضوا الماتشات أصلا.....

[أبو حميد]

Applebee's !!!!!!!!

Hard Rock !!!!!؟؟!!

لن أنسى لك هذا الموقف يا داركر

بتـــــــــــــــــــــــــــــــــــــــــــدبسني

طـــــــــــــــــــــــــــــــــــــــــــــــــيب

على العموم يا سيدي عينينا ليك وأنا سداد من دينار لدينار ونص

[عازفه على أوتار الذهب]

كل سنه وانت طيب يا داركر

عشان اكون انا اول حد

قالهالك في يوم عيد ميلادك...

20/12

عيد ميلاد سعيد

happy birth day

تورته..

وكمان شموع

وبلونات

عقبال 100000 سنه

تم تعديل 20 ديسمبر 2006 بواسطة عازفه على أوتار الذهب

[nora]

البري بري بيلق في الشكمنات قال وانا دخت دخت السبع دخات رحت للمكانيكي اعد يلعب فيكي وانا قاعد مستني وهو راقد تحتيكي ترلم ...................... يا خبر انا على الهوا:lol:

هابي بيرز زي تو تو :lol:

ويارب ياربنا تكبر وتبقى ادنا ويبقى عندك كده 12 سنه زينا :o

يلا ونختم بالبري بري بئ بيلق في الشكمنات:o

تم تعديل 20 ديسمبر 2006 بواسطة nora

[بنت النيل]

البري بئ البري بئ بيلق في الشكمانات ترلم ترلم رحت رحت اغير زيت ترلم ...................... يا خبر انا على الهوا

هابي بيرز زي تو تو :lol:

ويارب ياربنا تكبر وتبقى ادنا ويبقى عندك كده 12 سنه زينا :o

يلا ونختم بالبري بري بئ بيلق في الشكمنات:lol:

ايه يا نورا ده اخر تحذير ليكى لما تكونى على الهواء مباشرة :P تاخدى بالك

بس قوليلى ايه اخبار الشكمنات دلوقت :o

اليوم عيد ميلاد داركر وهو نفس اليوم برده ماتش الزمالك هنا بالكويت .. ايه رايك ياداركر نحتفل بيه فى الملعب

عشان تبقى لمه والدعوة عامة :o

وبدل مانقول زمالك نقول داركر داركر :o

[inas]

يلا حالا بالا بالا

حيو ابو الفاصاد :o

هيكون عيد ميلادو الليله اجمل الاعيدا

سنه حلوه يا داركر

كان يوم اسود يوم ماجيت :o

كل ثنه وانت تيب يا دودو

فين الهديه باه:lol: :lol:

[Modest]

لما نعمل خير في الأسرة السعيدة دي .. و أهو كله بثوابه

قرأت في كتاب هندي إسمه "أعياد الميلاد و مقالب الأخوات البنات".. بيقول لك يا داركر الاحتفال بعيد ميلادك قبل ميعاده بيومين ده فال وحش و نحس كمان :o

أنا عارف إنكم زعلانين مع بعض انت و نورا و إيناس و مش ناقصين يعني .. لكن ماقدرش أسكت .. لازم أوعيك يا داركر ياخويا :lol:

علشان تعرف بس مين بيحبك أكتر يابو الدراكر .. إحنا و لا أخواتك :o

لكن ياللا معلش .. يمكن نورا كان قصدها خير :lol:

--------------------------------------------------------------------------------------------

كل سنة و انت طيب يا جميل و ربنا يجعل كل أيامك اعياد

و يحقق لك كل ما تتمناه

[nash]

يمكن نورا كان قصدها خير

ما أظنش :lol: :o

,,,,,,,,,,,,,,,,,,,,,,,,,,,,,,,,,,,,,,,,,,,

دراكر شايف أختك كاتبه أيه

كان يوم اسود يوم ماجيت :lol:

أنا ماليش دعوة

[محمود الشاعر]

كل سنة وانت طيب وعقبال 100 سنة سعادة ونجاح وتوفيق من الله

[darker19]

على العموم يا سيدي عينينا ليك وأنا سداد من دينار لدينار ونص

لأ يا أبوحميد انتا فهمتني غلط, إيه النمر دي؟؟؟؟

شكرا يا باشا على التلفون الجميل بجد ماكنتش متوقعه, و كل سنة وانتا طيب...

-----------------------------------------------------------------------------------

شكرا يا دهب والله فيكي الخير, طلعتي أحسن من هناء وشرين...

-----------------------------------------------------------------------------------

البري بري بيلق في الشكمنات قال وانا دخت دخت السبع دخات رحت للمكانيكي اعد يلعب فيكي وانا قاعد مستني وهو راقد تحتيكي ترلم ...................... يا خبر انا على الهوا

هابي بيرز زي تو تو

ويارب ياربنا تكبر وتبقى ادنا ويبقى عندك كده 12 سنه زينا

يلا ونختم بالبري بري بئ بيلق في الشكمنات

ربنا يشفي - (أنا إلي جبته لنفسي)

نورا لازم يعني تجيلك الحالة دي دلوقتي و تفرجي الناس علينا.......

-----------------------------------------------------------------------------------

اليوم عيد ميلاد داركر وهو نفس اليوم برده ماتش الزمالك هنا بالكويت .. ايه رايك ياداركر نحتفل بيه فى الملعب

عشان تبقى لمه والدعوة عامة

وبدل مانقول زمالك نقول داركر داركر

يا خسارة يا بنت النيل ماليش في الكورة, و بعدين انتي عايزة تدبسي asmg في عزومة الإستاد كله.....بلاش إفترا عالناس :lol:

وإنتي طيبة يا بنت النيل

-----------------------------------------------------------------------------------

كان يوم اسود يوم ماجيت

أكشن أول مره:

أناناس انتي كده استنفذتي كل محاولاتك من هنا ورايح ولا أعرفك وأتمنى ما أشوفلكيش أي مشاركه في أي موضوع يخصني و هاعملك بلوك في المسنجر و تليفونك مسحته....

(إيه الي أنا قلته ده)

أكشن تاني مره:

أناناس احترسي...

-----------------------------------------------------------------------------------

انا عارف إنكم زعلانين مع بعض انت و نورا و إيناس و مش ناقصين يعني .. لكن ماقدرش أسكت .. لازم أوعيك يا داركر ياخويا

علشان تعرف بس مين بيحبك أكتر يابو الدراكر .. إحنا و لا أخواتك

إنتا هاتقولي يا موديست، صفاء النية واضح زي الشمس :huh:

وإنتا طيب وشكرا على الدعوة الجميلة....

-----------------------------------------------------------------------------------

يمكن نورا كان قصدها خير

ما أظنش

دراكر شايف أختك كاتبه أيه

كان يوم اسود يوم ماجيت

أنا ماليش دعوة

ناش انتي نسيتي تكتبي العبارة الشهيرة:

(إحنا جايين نهدي النفوس)

-----------------------------------------------------------------------------------

وانتا طيب يا محمود و شكرا على الدعوات الحلوة دي....