الاهلي رفع راسنا في اليابان

[Eldisel]

بجد انا كنت محتار اضع هذا الموضوع تحت اني باب باب الرياضة ولا باب انجازات المصرين لان النادي الاهلي والمستوى المشرف الي ظهر بية والمركز التالت على اندية العالم دة انجاز كروي مصري مشرف للمصرين كلهم بس قولت اسيب الحكاية دي للادارة مع رجاء مني انه يتنقل لباب الانجازات :)

الاهلي ظهر فعلاً بمستوى اخلاقي وتكنيكي ومهاري و اداري وتدريب عالي جداً والمفروض كنا نلعب على الاول والتاني بجدارة ... بس النصيب

:blush:

تم تعديل 17 ديسمبر 2006 بواسطة se_ Elsyed

[رمضان]

الف مليون مبرك لمصر كلها وللعرب وللافارقة لان الاهلي رفع رأس الجميع

من حقك تفخر ،،،، أنت مصري ،،، أنت اهلاوي

[أبو زياد]

فوز الأهلى بهذا اللقب نتيجة طبيعية للكد و للمجهود

ولحسن الإدارة و التنظيم

شكرا للفريق الذى أسعد الشعب المصرى و الشعوب العربية

[se_ Elsyed]

الغريب بقى إن بعض المُشككين الذين قالوا إن الضجة التي أُثيرت حول الأداء المُشرف الذي أداه الأهلي أمام إنترناشيونالي لا يستحق الذكر لإنه فريق يُعتبر " حرس حدود الدوري البرازيلي "

يعني من اندية الوسط هناك .. يعني ضعيف وأي حد ياكله على قفاه

الغريب بقى إن حرس الحدود ده أصبح بطل اندية العالم بعد أن هزم برشلونة في النهائي 1-0 اليوم

والغريب بقى إن حرس الحدود نفسه بقى له كام سنة واكل عيش على قفا الزمالك ولا ننسى الخماسية الشهيرة العام الماضي

أرجو ان لا نحط من قدر الإنجاز الذي حققه الاهلي

والله لو الأهلي كان إنهزم في جميع مبارياته لكن ظهر بهذا الأدء والرجولة فكنا نحن جماهير الأهلي سنسعد بذلك

لإن كرة القدم متعه قبل ان تكون نتائج

أنا عن نفسي وفي أي بطولة يشترك فيها الزمالك والإسماعيلي دائماً أبحث عن الفُرجه والاداء الجميل بغض النظر عن لون الفانلة

لا أحد يفتش ويُنقب عن إنجازات منتخب البرازيل على قدر ما يستمتع باداءها وفنها

مبروك للأهلاوية ومبروك لكل مصر

[الحازم حسن]

أبو تريكة يتحدي الملل :wub:

لا بجد مبروك ألف مبروك

تم تعديل 17 ديسمبر 2006 بواسطة الحازم حسن

[Scorpion]

هيييه فين ايام ما كنا بنكسب احنا كمان .. ايام حسن شحاتة.. الدو ... .. فاروق جعفر و الضظوي ... ملحم بركات .. فهد بلان ...

فريق يفتح النفس فعلآ مش فريق الكشافة اللي بيقولوا عليه كسب كاس العالم ... بتقول اسمه ايه .. الأهلي.. أهلي مين...

يا استاذ المايك مفتوح حضرتك علي الهوا ....

يا نهار اسود ...

اهلي عمهم حابس دمهم .. نحن ابطال العالم .. نحن ابطااااااال العالم ... يسعدني و يشرفني ان يحصل فريق مصري علي هذا المركز المتقدم من مسابقة هامة مثل تلك التي تابعنا تفاصيلها علي شاشة التلفاز مؤخرآ ... و يا رب.. يا رب .. اشوف فيك يوم ياللي في بالي ... ياكش تحس علي نفسك بقي ...

هزار علي جنب ... لكل المصريين بوجه عام .. و للأهلوية بوجه خاص ... مبروك

فعلآ حاجة تشرف

[Siwa]

الف الف مليون مبروك لمصر كلها ولكل جماهير النادي الاهلي. انا والله زمالكاوية، بس الاهلي رفع راسنا كلنا، ويارب في البطولة الجاية ياخد المركزالأول إن شاء الله. وحقيقي انا بارفع القبعة إحتراما وتقديرا للنادي الإهلي الرائع. :wub: :unsure: :sad:

[nash]

الف ألف مبروووووووووووووك

للشياطين الحمر

وألف مبروووووووووووك لمصر ولشعب مصر الطيب

[عبده بيه]

الاهلي شرف العرب والافريكان

ده الاتقان في العمل والاخلاص والحب والتفاني والمسئولية لكل الادارة والاعيبين برافوا اد المسئوليه بكل الحب الله يوفقكم

[nora]

الف مبرووووووووك للاهلى بجد رفع راس مصر تخيلو كل الناس كانت من الصبح قعده على القهاوي علشان تتابع الماتش وانا اول لما جوزي قالي النتيجه غصب عني دمعت الف مبروك لمصر قبل كل شيء

[Ahmad Farahat]

الحمد لله...............

فقط...........

أرجو أن تعود العزة إلينا..............

وأن نتعامل مع الأندية الأخرى ونحن ممتلئون بإرادة النصر.............

وكفاية الدونية اللي شمينا ريحتها من تعليق محمود بكر..........

أسوأ حاجة في البطولة :blink:

[عبده بيه]

مبروك لمصر وللعرب والاعيبين المحترمين ابو تريكة اختير احسن لاعب في العالم العربي لهذا العام مبروك لمحمد ابو تريكة الفنان المحترم والملتزم وحبيب الملايين والذي رجع الزمن الجميل للكرة المصرية شكرا لابو تريكة