ترحيب بالفاضل سكوربيون

[عادل أبوزيد]

عاد اليوم الفاضل سكوربيون ......

أرحب به و أقول له طالت أجازتك !!

لن أقوم بتعريفكم بالمشرف سكوربيون أو الكاتب سكوربيون

هو غنى عن كل تعريف

[bentmasria]

والله يا استاذ عادل انا اسعد الناس برجوع سكوب والله يعلم ذلك لن اذكركم بمواقفه النبيلة معى حتى قبل ان انضم الى سلك الاشراف ومساندته لمحمد ايام محنتنا السابقة ولكن ايضا لان وجوده يسعد الجميع بمناقشاته ومناغشاته ومواضيعه الثرية الحكيمة وقضاياه الصاخبة الصامته ومناقشاته الراقيه لكافة الموضوعات

نورت بيتك يا سكوب

لاتتوقف عن الكتابة تعويضا عن الاجازة وكل يوم 50 موضوع على الاقل فيهم قصة قصيرة ومسرحيتين وكام موقف كوميدى

انا بقول اهوه

تحياتى لصديقى العزيز

مانا ومادا

[nora]

نورة المنتدى من تاني بجد ويارب ترجع تمللنا الدنيا مواضيع ........

(استغل شويه الشغل بتاع ايناس هنا اهو دعايه ليها برضو وترحيب حار للغالي)

أختك

نورة (ام سيف)

[نانو]

الغالي سكوب

نورتنا بجد...بجد

[shahd]

عموووووو سكوب ياعمووووو سكوب يارب تفضل منورنا على طول وما تغيبش لو سمحت ياراجل ياطيب

حقيقي الأنسان ده من اكثر الناس الي ما بخلوش عليا بالنصيحة والتوجيه من اول ما دخلت المحاروات .. خالص احترامي وامتناني لشخصه الكريم :blink:

[lonly in cold night]

سيدي الفاضل سكوربيون

مرحبا بعودتك الى المنتديات

و ننتظر منك العديد من المشاركات لتعوض ما فات

عزيزى كامل ارجو من الله ان يديم المعروف و لم الشمل في وطن واحد

شكرا يا صاحبي على اهداءك

[عصام]

أبعتك تجيب واحد فول وواحد طعمية .. تاخد كل الوقت دا وبعدين ترجع لى باديك فاضية :D

إتفضل انزل وماترجعش من غيراللى قلت لك عليه :blink:

[Modest]

يا تولتوميت أهلاً و سهلاً و مرحباً و عوداً حميداً :blink:

سكوربيون ... أهدي لك أغنية أم كلثوم "واحشني و انت قصاد عيني و شاغلني و انت بعيد عني" ...... بس ما تفهمنيش غلط :unsure:

[واحد تاني]

من موضوع "ورط اللي بعدك في سؤال"

عاوز تزور انهى بلد علشان تشوف فيها اية

عاوز ازور ايطاليا ....

عشان اشوف سكوب

منعرفش بعض ...

بس قريت كتير له وبجد نفسي في يوم من الايام اقابل الانسان المحترم ده :unsure:

[عصام]

عاوز ازور ايطاليا ....

عشان اشوف سكوب

ما تشوفش وحش :unsure:

ما انصحكش

[nash]

اهلا وسهلا...مرحبا ألف

إن شاءالله تكون فاكرني

أخي العزيز أسكربيون

[Scorpion]

يا خبر ابيض ...

و كمان استاذ عادل شخصيآ .....

ربنا يخليكم يا رب ....

شوفوا ... عكس نظرية داروين ..فيه نظرية سكوربيون .. اللي بتقول ان الأنسان اصله دب ..

و انا المثال الحي علي كده ...

كل سنة بلاقي نفسي لا شعوريآ و غصب عني بدخل في بيات ... ساعات شتوي .. ساعات صيفي .. و احلي حاجة في البيات ده لما بيخلص و ارجع ..

و الاقي مظاهرة حب زي دي ...

بحبكم كلكم ....

ما عدا اتنين هما عارفين نفسهم .. بالأمارة ساكنين جنب قهوة ...

:lol:

[عصام]

أنا مش ساكن جنبها .. أنا باقعد عليها بس :)

مين بقى الاتنين دول هه؟ :lol:

[إبن مصر]

كتنا نيله فى حظنا الهباب...

استاذ عادل شخصيا ...

وأنت...

أصلك..

يعنى أعمل..ايه

أولع فى نفسى..

صحيح.. ناس ليها تهنئه وناس ليها.....

ربنا يقل منكم...

مفيش فايده مفيش فايده..

يعنى أعمل ايه.. اعمل ايه..

مفيش الا حل واحد

ابلغ عنه انه ارهابى أصولى :lol:

[Scorpion]

خسئت يا مدمر امتثال و ست ابوها ... صحيح يا جدعان اللي علي راسه بطحة يحسس عليها ..

جبتش انا سيرتكم انتو الجوز ...

يا سااااتر عالحكد ..

[مصرية يعني مصرية]

لولو لوي لولو لوي لولو لوي

أهلا.....أهلا....أهلا

إيه ....الهنا إلي حنا فيه ياولاد

Scorpion رجع

و أنا بقول إيه النور ده

بيتك و مطرحك يا بني

كنت فين ...و حشتنا....أوي

يلا في إنتظار مواضيعك الحلوة