يا سلام علي جوز الاتنين

[Simba]

يا سلام عليك يا جوز الأتنين

مش بتبص شمال ويمين

ماهو انت عندك حاجة تملي العين

دقت عنب اليمن وبلح الشام

تقول غدا

يجهزلك قوام

تقول عشا

يجي تمام في تمام

اليوم مع الأولي أم دم خفيف

تلعبوا دور كوتشينة

وتقولها كسبت ده انا واد حريف

تنزلك بالكومي علي سهوة

تطلب منها انت واحد قهوة

تقولك اخر نكتة سمعتها

تضحك معاها

هي تضحك معاك علي الناس وخيبتها

يا سلام عليك يا جوز الاتنين

صحيح بجد معلم

وفي حياتك يا سلام سلم

اليوم مع التانية

أم ثقافة عالية

بتشوفوا نشرة اخبار

تقولك تحليها من وجهة نظر نسائية

وتعلق علي مقاطع حاسة انها عدائية

وتحكي ليك علي ايام الكلية والثانوية

يا بختك يا عم يا بختك

ام دم خفيف تشوف ف الجرنان حظك

وتسأل علي اللي في نفسك

والتانية عندها في الحياة سياسة

وبرضه رقيقة وحساسة

تم تعديل 21 ديسمبر 2006 بواسطة سمبا

[shahd]

ههههههههه فكرة لذيذة ياسمبا وكلماتك دمها خفيف جداااااا -_-

[رمضان]

الله عليكي والله يا سلام على جوز الاتنين والتلاتة كمان ما اروعها

انا نفسي اتجوز 3

[nancy]

سيمبا خد دول كمان :)

يسلام على جوز الاتنين

فى الصبح وظيفة

والظهر عند الزوجة التانية

تشكى الهم وتحكى فى ثانيه

عن طلبتها الى عوزة ميه

وتخرج من عند التانية على الوظيفة التانية

وترجع تتعشى مع الزوجة الاولى

الى تقولك انا منكوبة

وفى كل حياتى مظلومة

اخدك غلبان ولما طلعلك جناح

رحت دور على الملاح

وتقول انا اقدر اكون ملاح

وفى بحر الحب انا لماح

وادى النتيجة خلصت العشاء

وقبل ما ترد عليا رحت فى خبر كان

من التعب والجرى

مع الوظفتين

والزوجتين

والشكوتين

وانت ايه ؟؟؟

انتهيييييييت :)

[Siwa]

صح مضبوط تمام يا استاذة نانسي على رأي استاذنا ايمن في برنامج العرايس بتاع التلفزيون. ونصيحة يا استاذ رمضان. اليومين دول اللي نفسة بتوزة إنة يتجوز اكتر من واحدة. بتبقى نهايتة حاجة من اتنين ياما هيدخل عنبر العقلاء. :) .. يا اما هيشوف فيلم المرآة والساطور على ارض الواقع.. :) . آة قبل مانسى مشاركة جميلة ودمها خفيف يا استاذ سمبا

[عبده بيه]

يا جماعة واحدة وطالعة عيني امال لو اتنين يبقي هعمل ايه لكن كلامك جميل تحياتي