سندوتش الترلم لم

[nancy]

السندوتش دة عبارة عن طريقة شفتها فى التلفزيون فى برنامج اجنبى وطريقة قرآتها

فعملت خلط بين الاتنين

وطلع الاختراع الترلم لم ده

ممكن تكون الوصفة دى موجودة باسم تانى معرفش

المهم دى الطريقة واكيد حيعجبكم :unsure:

انا سميتة ترلم لم على راى الشيخ امام فى فيلم الكيت كات :D

المهم

المقادير

واحد عيش فرنسى كبير

قطعتان من البفتيك

200 جرام مشروم

1 بصلة

1 فلفل رومى

1 طماطم

قليل من الزيتون

ملح -فلفل-سماق

زيت زيتون

ملعقة سمن نباتى

كوب ماء

جبنة شيدر او برميزان او مدزريلا ( شرايح)

الطريقة

تذوب السمن ونضع بالترتيب كل المقادير مقطة قطع صغيرة

البصل -لحم البفتيك-المشروم -الفلفل الرومى -طماطم -زيتون - زيت زيتون - ملح - فلفل -سماق

ثم كوب الماء وتغطى حتى تنتهى المياه

نضع كل ما سبق فى العيش الفرنسى المقطع على شكل القارب المفرغ

ويغطى بشرائح من اى من انواع الجبن السابقة

ويدخل الفرن حتى تحمر الجبن على الوجه

وبالهناء والشفاء

ملحوظة يمكن استبدال اللحم بالجمبرى او بالسوسيس او صدور الدجاج المسلوقة

اتمنى ان يحوز الترلم لم على اعجابكم :)

[عبده بيه]

الترلم لم تسلم الايادي وياريت لو سمحتي اختي الفاضلة طريقة عمل البصارة ولك جزيل الشكر

[مصرية يعني مصرية]

الترلم لم حلو هحاول أجربه

أما البصارة يا عبده بيه

ف إظاهر إن نانسي ما خادتش بالها عشان تقولك عليها

معلش أنا هقولك تعملها إزاي

المقادير

2كوب فول مدشوش (جاف بدون قشر) 6 كوب ماء

1 بصل متوسط مقطع

½ كوب كرفس مقطع

2 فص ثوم

1 ملعقة كبيرة كزبرة خضراء مفرومة

1 ملعقة كبيرة بقدونس مفروم

ملح وفلفل

1 ملعقة كبيرة زيت نباتي

½ كوب بصل مقطع كعيدان الكبريت (

الطريقة

- يُغسل الفول (يمكن نقعه لمدة 8 ساعات أو يمكن غليه في ماء لمدة 7 دقائق ثم يشطف بماء بارد).

- يُضاف الماء إلى الفول وباقي المحتويات ما عدا ملعقة كبيرة من الزيت والبصل.

- يُترك الخليط على نار هادئة لمدة ساعتين تقريباً بدون تقليب، ويُمكن إضافة مزيد من السائل إذا احتاج الأمر.

- يُرفع الزَّبد الظاهر على السطح كلما تطلب ذلك.

- عندما تنضج جميع المحتويات تصفى (تهرس) بمصفاة يدوية أو عن طريق خلاط كهربائي. ثم تعاد إلى نار متوسطة مرة أخرى مع التقليب هذه المرة حتى يغلظ قوام الخليط.

- تُقدم البصارة دافئة أو باردة بعد صبها في أطباق.

- للتزين يسخن الزيت ويحمر البصل حتى يصبح لونه بنياً ويوضع على ورقة أو قطعة قماش للتخلص من الزيت الزائد. ويمكن أن تزيين بقطع من قشر الليمون.

- يمكن أن تزَّين البصارة بقليل من اللحم المفروم المطهو عوضاً عن البصل المحمر. كما يمكن استخدام مرق الدجاج أو مرق اللحم بدلاً من الماء

بلبنان في أكلة شعبية شبيهة كتير بالبصارة الفرق بس هو ستبدال الفول بالعدس الأحمر وو إسمها مجدرة مصفاية :D :ph34r: :blink:

تم تعديل 12 يناير 2007 بواسطة مصرية يعني مصرية

[Simba]

والله يا عبده بيه طلع مزاجك عالي في الاكل فعلا وبتقدره انا كمان بحب البصارة ومن اعداء الترلم لم يعني اروح اجيب عيش فرنساوي وبفتيك وجبنة شيدر وفلفل رومي والبهارات دي كلها علشان في الاخر يطلع لي ساندويتش :ph34r:

وأنا اللي كنت بقعد علي عربية الفول ادب لي طبقين بالزيت الحار