أغانى وعجبانى...

[Siwa]

سيــــــــــــــــــــوة

أنا طالب الأغنية دي من أسبوعين ومحدش عبرني خالص. ياريت يا سيوة تساعديني أنتي بحكم أنك زمالكاوية زيي.

تأمرني يا استاذ أبوحميد....دا كفايه إنك زمالكاوي أصيل اتفضل حضرتك اغنية نهر القمر عطشان :) .

نهر القمر عطشان

تقدري تجبيها بسهولة لو شلتي الصورة النحس دي اللي حطتيها لنفسك.................

حد يحط شعار الزمالك برضه..........

مالك ومال الزمالك يا Arsen Loben يا أخويا :wub: .....إن شاء الله هلاقيلك الاغاني عشان تعرف إحنا الزمالكاويه كرماء قد ايه :P .

[عازفه على أوتار الذهب]

سيوه الجميله القمر متشكره جدآ جدآ جدآ عالاغنيه

انت متتصوريش انا بحب الأغنيه دي قد ايه...

ربنا يخيك ليا يا قمر... :wub: :) :P

****************************************

ياأعز واغلى واطيب قلب....

فسر للعالم معنى الحب....

وان شاوروا وقالوا عليك طيب....

خليك هنا من قلبي قريب.....

وكفايه تكون انسان فزمان فيه طيبة القلب بتتعيب...

ياطيب.......

[MZohairy]

سيوا

معندكيش اغنية ياما زأزأ الإمري على ورأ اللموني؟ :wub:

[أبو حميد]

ربنا يخليكي يا سيوة الأغنية دي ما سمعتهاش من 10 سنين على الأقل هي كانت عجباني قوي مع أني مكنتش ساعتها جربت الغربة

النهاردا سمعتها بطعم جديد وعملتلي حالة شجن رهيبة مش عارف اشكرك ازاي. المشكلة أت الأغنية ما بتكملش معايا ياريت تشوفي السبب على فكرة الشريط ده كان الوش التاني بتاعه جامد جدا ياريت تجيبهولنا كله

الكلمات للي مسمعش الأغنية قبل كده يمكن تعجبكم

نهر القمر عطشان سهر

يا غربة يا بلاد الحنين

واخدة قلوب المشتاقين

لبلاد بعيد عن حبهم

والنهر نهر العاشقين

نهر القمر عطشان سهر

كنا وكان كان زينا نهر القمر

نسهر ما نشبعشي غنا ولا سهر

دلوقت طعمك يا نغم على الوتر

طعم الندم على السنين

نهر القمر عطشان سهر

[عازفه على أوتار الذهب]

نهر القمر عطشان سهر

يا غربة يا بلاد الحنين

واخدة قلوب المشتاقين

لبلاد بعيد عن حبهم

والنهر نهر العاشقين

نهر القمر عطشان سهر

كنا وكان كان زينا نهر القمر

نسهر ما نشبعشي غنا ولا سهر

دلوقت طعمك يا نغم على الوتر

طعم الندم على السنين

نهر القمر عطشان سهر

فعلآ يا أبو حميد كلمات الأغنيه جميله جدآ...

انا نزلت الأغنيه عندي كمان....

شكرآ ابو حميد وشكرآ سيوه عالأغاني الحلوه دي...

[Siwa]

الله يخليكي ويكرمك على ذوقك يارب يا دهب....

حضرتك اللي جميله وذوقك الفني جميل ماشاء الله.... :wub:

استاذنا زهيري.....يا سلام على الاغاني يا سلام :P .....الاغنيه ديه انا بياني سمعتها من 50 سنه فاتت :) ......بس مش فاكره مين اللي غناها....باين فاطمه عيد مش كده !!!! بس مش لاقياها تنفع حلاوتها زايده حته......وبتكلم جد ..... انا عندي اغنيه اسمها حلاوتها زياده حته :wub: !!!!

وعلى فكره أياد ما شاء الله بقي زي القمر....تحب اشوفلك عروسه ليه :D ..

الحمد لله إن الاغنيه عجبت حضرتك يا أستاذ أحمد....انا جربت انزلها على جهازي تاني واشتغلت لغايه آخرها...هي 6 دقايق تقريبا...ممكن حضرتك تجرب تنزلها تاني وتقولي اشتغلت ولا لأ....عشان لو ماكانش كده هارفعها تاني إن شاء الله.....ممكن حضرتك تقولي اسماء الاغاني التانيه لمدحت صالح اللي حضرتك عاوزيهم عشان انا تخصص منير والحجار اكتر....:P

تم تعديل 10 يناير 2007 بواسطة Siwa

[Ahmad Farahat]

يا ستي إنتي كريمة وقلبك كبير من غير أغاني ولا حاجة...........

وطظ في الزمالك يا ستي اللي هيبوظ الأخوة اللي ما بينا...............

أخوكي.........

أرسين لوبين..........

[Ahmad Farahat]

بالمناسبة يا سيوة أنا مشفتكيش كتير ليه في باب الأدب والشعر والقراءات.............

مع إن الموسيقى والشعر محدفين على بعض...............

نحب نعرف رأيك في كتابتنا.............

وبالذات أنا..........

مش أنا أخوكي ولا إيه...........

بقلك إيه برضه..........

أنا اتكلمت عن عبد اللطيف التلباني قبل كده............

ماعندكيش حاجة ليه............

[Siwa]

يا ستي إنتي كريمة وقلبك كبير من غير أغاني ولا حاجة...........

وطظ في الزمالك يا ستي اللي هيبوظ الأخوة اللي ما بينا...............

أخوكي.........

أرسين لوبين..........

طبعا يا Arsen Loben يا أخويا

...اهلي ايه ده بس اللي هنخسر بعض عشانه....

هو صحيح نادي الكوسه والقرع والحكومه...

.بس ولا يهمك....إحنا برده أخوات

أختك سيوة

بالمناسبة يا سيوة أنا مشفتكيش كتير ليه في باب الأدب والشعر والقراءات.............

مع إن الموسيقى والشعر محدفين على بعض...............

نحب نعرف رأيك في كتابتنا.............

وبالذات أنا..........

مش أنا أخوكي ولا إيه...........

بقلك إيه برضه..........

أنا اتكلمت عن عبد اللطيف التلباني قبل كده............

ماعندكيش حاجة ليه............

والله ياArsen Loben يا أخويا....انا باشارك فيه باب الأدب والشعر...بس في موضوع عمنا أحمد فؤاد نجم....لإني باحب اشعاره جدا... بس انا ما ليش في كتابه الشعر خالص....انا بأحبه جدا.. وخصوصا الشعر العباسي...بس مش اكتر...

وقريت لك مداخلات جميله جدا ما شاء الله في موضوع آه من الحرف....بصراحه عجبتني جدا....وبالمناسبه...انت بتكتب فصحى ولا فصحى وعاميه!!!!!

وإن شاء الله هاجيب قريب حاجات لعبد اللطيف التلباني الله يرحمه

تم تعديل 11 يناير 2007 بواسطة Siwa

[Ahmad Farahat]

إنني أكتب الفصحى احترافا كما قرأتي

والعامية هواية

وفي النهاية أنا هاو للشعر

قصائدي في أزهار الخريف تقرأينها

وأنا في انتظار ابن التلباني

[أبو محمد]

تسمحولى أقعد معاكم شوية فى الكازينو ده ؟ (على رأى أبلة فولانة المشرفة)

بسم الله ما شاء الله .. بنتنا Siwa مطولة رقبة فرقة حسب الله وعاملة زخم هايل (إيه زخم دى ؟ :ph34r: ) فى جميع مراحل النضال الغنائى ..

فى المرحلة الوسيطة (جت منين دى كمان ؟ :blink:) .. عندما كان الطرب يلفظ أنفاسه الأخيرة .. غنت ميادة الحناوى بعض ألحان بليغ والموجى ... ألحان بليغ لميادة منتشرة ومعروفة .. لكن عندى لحنين للموجى غنتهم ميادة لهم عندى ذكريات جميلة

آدى لحن (زى الربيع)

زى الربيع ما يهل ..

زى القـمر ما يطل

زى الندى ما يرد الروح ..

للدنيـا تضحـك ورد وفل

هـلـيـت يـاروح الـروح

رديت فى قـلبى الـروح

زى الربيع ..

زى الندى ..

زى الحياة ..

زى الربيع - ميادة - الموجى

[Siwa]

يا سلام يا استاذنا أبو محمد.... حضرتك تغيب عننا وترجعلنا بروائع ما شاء الله....انا ديه تالت مره اسمع الاغنيه من ساعه ما نزلتها....حقيقي روعه ما شاء الله....ربنا يكرمك يارب...حقيقي مياده الحناوي صوت جميل جدا ومظلوم كمان....بس صراحه لحن الموجي تحفه كمان...الف شكر لحضرتك......والحمد لله إن احنا مطولين رقبه الفرقه.....

سيوة الشهيرة بترتر كتاكيتو بني

[Ahmad Farahat]

طيب بمناسبة ميادة

حد سمع قصيدة أشواق للسنباطي بصوتها..............

[أبو محمد]

الأخوة الأفاضل والأخوات الفضليات

تم تفعيل رابط أغنية زى الربيع لميادة الحناوى من تلحين الموجى بعد أن كان (لسبب أو لآخر) لايعمل

وهذا رابط لأغنية رائعة أخرى لميادة من تلحين الموجى ..

قوللى يللى كنت أغلى الناس عليّه

جبت قلب منين يطـاوعك عالأسـيّة

جبت قلب منين - ميادة - الموجى

يا سلام يا استاذنا أبو محمد.... حضرتك تغيب عننا وترجعلنا بروائع ما شاء الله....انا ديه تالت مره اسمع الاغنيه من ساعه ما نزلتها....حقيقي روعه ما شاء الله....ربنا يكرمك يارب...حقيقي مياده الحناوي صوت جميل جدا ومظلوم كمان....بس صراحه لحن الموجي تحفه كمان...الف شكر لحضرتك......والحمد لله إن احنا مطولين رقبه الفرقه.....

سيوة الشهيرة بترتر كتاكيتو بني

لا شكر على واجب يا مطولة رقبتنا

أنا كنت واثق إنها حتعجبك لأنى واثق من ذوقك الرفيع .. أرجو أن تعجبك أيضا أغنية "جبت قلب منين"

والنبى ياسيوة ياختى دعبسى عندك كده على أغنية "ياواش ، ياواش يا مرجيحة" .. أحسن أبلة المشرفة مذنبانى فى الكنوز ... وشى فى الحيط من ساعتها ، ومش قادر أنزّل إيدى لغاية ما تسمع ياواش ياواش ... :lol:

[عازفه على أوتار الذهب]

ياريت يعني لو مش هتقل عليكم.... :wub:

ولا اتقل براحتي حد هنا عايز حاجه :lol:

لا اثدي لو ثمحتوا...

اممكن.... :happy:

ايوه كده ادب....

عايزه اغنيه....لسعاد حسني اسمها عصير العنب العنابي... :angry:

تجيبوها معرفش من اي محل عصير ....

وفي اغنيه لمطرب شعبي مغمور جديد بس مخدش فرصته اسمه اسامه عبد الغني.....

الاغنيه اسمها قلب وراح اغنيه جميله قوي ياريت تلاقوها...

وياريت شريط طارق الشيخ الجديد هوشعبي برضه...

ووووووووووو

.

.

.

شكرآ

[Siwa]

اتفضل عبد اللطيف التلباني يا ارسين لوبين....ولسه عندي شويه كمان....ها رفعهم قريب إن شاء الله

الهوى

ياحلاوتك ياسماره

تحت العنبايه

أنا كنت واثق إنها حتعجبك لأنى واثق من ذوقك الرفيع .. أرجو أن تعجبك أيضا أغنية "جبت قلب منين"

والنبى ياسيوة ياختى دعبسى عندك كده على أغنية "ياواش ، ياواش يا مرجيحة" .. أحسن أبلة المشرفة مذنبانى فى الكنوز ... وشى فى الحيط من ساعتها ، ومش قادر أنزّل إيدى لغاية ما تسمع ياواش ياواش ...

الله يكرمك ويخليك يا أستاذ نا ابو محمد....حضرتك اللي حسك الفني لا يعلى عليه....اغنيه جبت قلبي منين رائعه ما شاء الله....بتفكر الواحد بالحاجات الجميله بتاعة زمان....لحن جميل واداء رائع ما شاء الله....تسلم ايد حضرتك....إن شاء الله هادور لحضرتك على يا واش يا واش يا مرجيحه...والله انا كمان نفسي اسمعها جدا...

واتفضلي يا دهب يا جميله اغنية سعاد حسني هي اسمها بانو بانو

بانو

تم تعديل 13 يناير 2007 بواسطة Siwa

[عازفه على أوتار الذهب]

إيه ده انا ملحقتش ياسيوه...

انت بجد جميله قوي...

دا ولا مصباح علاء الدين....

متشكره جدآ جدآ جدآ عالأغنيه.....

وياريت تلاقيلي قلب وراح.....

[Siwa]

اتفضلي يا دهب....انتي اللي اجمل والله...

انا عمري ما سمعت عن المغني ده...

بس ادي رابط الاغنيه...ويارب تكون هي طلبك

قلب وراح

[أبو حميد]

اتفضلي يا دهب....انتي اللي اجمل والله...

انا عمري ما سمعت عن المغني ده...

بس ادي رابط الاغنيه...ويارب تكون هي طلبك

هي دي الأغنية فعلا يا سيوة لأنه أسم المطرب مكتوب أسامة عبد الغني مع اني زيك مسعتش عنه بس الأغنية حلوة فعلا ياما في الفن مجاهيل.

[Ahmad Farahat]

أنا سعيد بيكي جدا..........

حاليا أنت الوحيدة التي تقدم لنا ما نريد.........

وأنا عاتب على الآخرين............

بس عتاب من عينة (أوريه الملام بالعين وقلبي ع الرضا ناوي)

شكرا يا أختي الكبيرة..........