خبر عــــــــاجل : اكتشاف اثار فى موقع الضبعة

[sayed_ossman]

جريدة الوطنى اليوم : الناطقه باسم الحزن الوطنى

فاجأة:

اكتشاف آثار مهمة فى الضبعة

في مفاجآة غير سارة لعلماء الطاقة النووية كشفت اللجنة العليا للآثار المشكلة لاجراء مسح أثري كلي داخل أراضي محطة الضبعة النووية ان الأرض منطقة غنية بالآثار اليونانية والرومانية علي رأسها بعض المقابر التي ترجع للعصر اليوناني، وأجزاء من الجدران فضلاً عن أجزاء من معاصر للنبيذ والعنب ترجع للعصر الروماني، كما تم الكشف عن مجموعة من الدفانات ترجع للعصر الروماني متزاحمة علي شكل توابيت ومبنية بالأحجار المتراصة بما يمثل شكل التوابيت القديمة.

وتم الكشف أيضاً داخل إحدي البقع الأثرية في أعلي التلال بالمحطة عن منطقة بها بقايا كتل حجرية ضخمة عبارة عن قاعدة وبرج للمراقبة، ومن الواضح أنها مكونات من مدينة قديمة كانت موجودة في هذا المكان.

وصرح مصدر مسئول بلجنة الآثار بأنه تم اعتماد مبلغ 50 ألف جنيه لإستكمال عمليات التنقيب.

تعليق :

يا جماعه قولو للناس انها كانت فنجرة بق وخلاص - او صرحوهم اننا عايزين ناخر المشروع حاجه وميت سنه - علشان كبيرنا مش شايف انه الوقت المناسب علشان نبقى دوله محترمه ولها وزنها - ولانه مش اشيف انه الوقت المناسب حتى تتخلص مصر من زيارات الشحاته المكوكيه للخليج- او لان ماما امريكا هتوقف عننا الاكل وهيبقى الشعب المصرى مجرد اولاد شوارع

[achnaton]

أستاذ سيد .. صباح الخير ..

لولا أنى ضيف على هذا الجهاز عند الجيران .. لأوضحت لك جزءا من هذا الموضوه .. حكاية الاثار دى حكايه معروفة بقالها قرون مش سنوات .. ومنطقة الضبعه دى موضوع سهل .. شوف كل الساحل من ابو قير حتى السلوم منطقه اصابتها الزلازل منذ اعوام بعيده - أكثر من 20 زلزال - وجابت عاليها واطيها .. وغطت مياه البحر مساحات كبيره من المدن والقرى الاغريقية والرومانية .. وما تبقى منها على اليابسه غطته الرمال ..

الساحل الشمالى ده يا استاذ سيد منطقة كان لها ايام الملك فؤاد دراسات كثيرة وابحاث عظيمه .. والكتب والمراجع موجوده ومنها المراجع اللى كانت فى مكتبات امراء الاسرة المالكه والتى استقرت كلها فى ثلاجة وبدرومات مكتبة جامعة القاهرة .. الخوف بقى يا اخى الفاضل ان الساحل لا يتحمل احمال المبانى التى انتشرت بشكل مكثف وخاصة فى ابو قير واسكندرية وغرب النيل وسيأتى اليوم الذى يتغلب فيها البحر ويبتلع الساحل من جديد .. فاذا كان حكومتنا السنية بتستهبل وبتبيع الهواء للشعب المسكين .. تبقى هابله لأن فيه مثقفين يعلمون الكثير .. وإذا كانت جادة فعلا فيما تدعيه يبقى ولا مؤاخذه غباء لأن التاريخ البطلمى واليونانى مش احنا بس اللى سجلناه دا العالم كله مسجله ..

ادعيلى .. استعيد صحتى وجهازى ويرفع عنى قانون الطوارئ المنزلى اللى مقيدنى لأكتب لك كل الحكاية ..

مع تحياتى للجميع

تم تعديل 23 ديسمبر 2006 بواسطة achnaton

[Eldisel]

والهي الموضوع وهو بيقوم كدة انا قلت لاذم يطلع عفريت ويوقفوة .... عشان لمى نقول احنى معملناش لية يلاقو رد ويقولوا اذاي دحنى من 150 سنة ابتدينة ولينى السبق في دة بس لقينا اثار في المنطقة الابتادينة فيها ووقفنا المشروع B)

[achnaton]

والهي الموضوع وهو بيقوم كدة انا قلت لاذم يطلع عفريت ويوقفوة .... عشان لمى نقول احنى معملناش لية يلاقو رد ويقولوا اذاي دحنى من 150 سنة ابتدينة ولينى السبق في دة بس لقينا اثار في المنطقة الابتادينة فيها ووقفنا المشروع B)

الفاضل ديزل

ايه ده يا ابنى ده عربى ولا ايه شوف كده :

والهي - والله - الموضوع وهو بيقوم كدة انا قلت لاذم - لازم - يطلع عفريت ويوقفوة .... عشان لمى - لما - نقول احنى - احنا - معملناش لية يلاقو - يلاقوا - رد ويقولوا اذاي- إزاى - دحنى - دا إحنا - من 150 سنة ابتدينة - ابتدينا - ولينى - ولنا - السبق في دة بس لقينا اثار في المنطقة الابتادينة- اللى ابتدينا - فيها ووقفنا المشروع :closedeyes:

انا مش عارف اعلق واقول ايه غير " منك لله يا حسين يا بهاء الدين ..

[Eldisel]

يعني انت قاعد عند جارجوا ساعتين وماشي ياعم اخناتون هطلعلي فيهم الاقطط الفطسانة في مداخلاتي :angry2:

عموماً شكراً ليك .... والعملية مش ناقصة تشريد ... وكمان انت هتلاقي من العينة دي كتير في المنتدى B) :closedeyes:

الوزير السابق والحالي بوزو الدنيا خالص ويعوض الله علينا كلنا

[يحى الشاعر]

أستاذ سيد .. صباح الخير ..

لولا أنى ضيف على هذا الجهاز عند الجيران .. لأوضحت لك جزءا من هذا الموضوه .. .............

............

...............

..

ادعيلى .. استعيد صحتى وجهازى ويرفع عنى قانون الطوارئ المنزلى اللى مقيدنى لأكتب لك كل الحكاية ..

مع تحياتى للجميع

حمدالله عـالســلامة ونسعد بقراءة سطورك وآرائك قريبا جدا إنشاءالله

المشكلة دى عندى برضه .... العيب فى "الكــى بورد" عفوا لائحة مفاتيح ...

المشكلة دى عندى برضه فى الكومبيوتر الألمانى ...... وحرف ال " ز " بيطلع لوحده .... من غير ما أقوله حاجه

يظهر أنكم فى مصر بتستعملوا لائحة المفاتيح الألمانى ...

إيه رأيك لو نتبادلهم ... أصل مافيش هنا "لائحة مفاتيح عربى" ...

دكتور يحى الشاعر

تم تعديل 23 ديسمبر 2006 بواسطة يحى الشاعر