ماذا زاد عليك و ماذا نقص منك في 2006 ؟

[MZohairy]

أنا ولله الحمد كانت سنه جميله

جالي إياد (رغم اننا مبنعرفش ننام لغاية دلوقتي) ;)

و سنه موفقه في مجال العمل

و الولاد نجحوا

و موضوع كندا ظهرت معالمه

و صحيا الحمدلله لي و للأسره

مماتش حد الحمدلله

وابو محمد بقى مشرف في المنتدى :ph34r:

اخباركوا ايه انتم بقى؟؟؟ :ph34r:

[رمضان]

اهلا بك اخر مزهيري

بالنسبة لي كانت سنة 2006 والحمد تمثل لي نقلة كبيرة جدا وسنة فاصلة في مستقبلي وتحديد اولوياتي بفضل وتوفيق من الله

بالنسبة للعمل كانت تمثل لي نقلة كبيرة جدا الى ابعد ما اتصور والحمد لله وقبل نهاية هذا العام كان هناك نقلة اكبر بالنسبة للعمل ايضا اعتقد اني لن اصل الى ابعد من ذلك حتى في خيالي احمد الله واشكر فضله على توفيق لي

بالنسبة لباقي الاشياء فجميع ايامي منسوخة من بعضها لدرجة اني مش بفرق بين الايام وبعضها

طبعا اهم شيء كبرت سنة وبقى عندي 26 والحمد لله

واتمنى في 2007 الاستقرار في حياتي من الناحية الاجتماعية

فليمن الله علينا جميعا بنعمه وفضله ويديم علينا الصحة والخير

[متمردة]

انا الحمد الله سنه 2006 سنه جميلة طيبة عدت بسلام وهدوء

اكتشفت ناس كتير على حقيقتها

واصبحت اقوى من اى وقت تانى

حبيت المهنه اللى انا فيها

ونفس الوقت الوقت حزنت حزن شديد السنه ده

السبب الاول كان حادثة العبارة المؤسفه رغم انى مكنش ليه حد عليها بس كنت لما اتخيل نفسى واحده منها نايمة فى حالها وفى لحظة استفاقة الا نفسى فى بارد اشبه بالصيق اصارع بين الحياه والموت

اتلمت حين اضطرت رايت على شاشه التلفزيون امهات ضحين بابنائهن وامهات احتفظن بصغارهن فى احضانهن الى انت توفت

واحسست ايضا بالظلم عندما يكون احد الذين صعدوا على السفينه كانوا من العاملين فى الكويت الذين شافوا الويل بمعنى الكلمه وكلمه نزول علشان يشوف الاهل والاصحاب والزوجة ده كبيرة اوى اه محدش يفكرنى

والصدمه التانية اللى قابلتها هى انفلونزا الطيور وضرب البورصه ادواجن فى مصر فى حين اسرائيل كانت اذكى مننا بكتير فى التعامل مع الازمة

المهم ان السنه ده جميلة وعدت على خير ولسه الامل موجود

[nash]

اهلا مسيو زوهيري :rolleyes:

كنت ناويه أرد...بس الصراحه لقيت الوقت متأخر....

خليها بكرة إن شاءالله.... :)

ومانجيلكش في حاجه وحشه :)

[nora]

في سنه 2006 كانت بشكل عام حلوة عليا:

ربنا كرمني ب نور الدين و سيف الدين مالي الدنيا عليا شقاوة وعيشه في مرستان والحمد لله

والحمد لله ماما وبابا واخواتي بخير بشكل عام كانت سنه هديه وفيها استقرار سواء مادي او اجتماعي

اتغيرت في علاقتي مع ربنا بدأت اقرب من الله والحمد لله اهو الواحد بيجتهد

اتغيرت فيا طباع كتيرة لان كنت ببقى بحاول اراعي كل الناس ومفيش مرة حد راعاني ولا شالني فعرفت ان انا منتظرش شيء من حد و مجيش على نفسي ابدا

نقصني حجات ...

اه اهلى ..

حياتي العمليه والاجتماعيه محدوده جدا وده الي نويه اغيرة في 2007 انشاء الله

بس :rolleyes:

[Simba]

الحمد لله قربت تعدي بحلوها ومرها

ويارب السنة الجاية تكون من غير مر

بس المميز فيها ان بنتي نقلت من مدرسة العام لمدرسة الأزهر بتأييد البعض ورفض البعض وكان في النهاية كلمة الزوجة هي العليا .......

حد في الدنيا يروح لناظرة المدرسة يشتكي لها من حاجة تقوله دقيقة وراجعة هشتري طماطم بس قبل ما الراجل يمشي

والله العظيم حصل ده في المدرسة العام

[أبو محمد]

الحمد لله رب العالمين .. نشكره ونحمده فى السراء والضراء

بدأت السنة بالاشتراك فى هذا الموقع المحترم .. وعلى رأى زهيرى ها أنا أنهيها بتولى بعض من المسئولية فيه .. على الله ما تكونش توريطة :)

أسرتى والحمد لله بخير

إبنى الأصغر (هيثم) عقد قرانه فى الصيف الماضى .. محمد مريّح بقاله سنة بعد تجربة لم تكتمل .. بيقول إن الموضوع أصبح فى ديل قائمة الأولويات :rolleyes: .. بس هو مين .. أمه وراه وراه ومش حتعتقه إلا لما تسلمه بإيدها :)

كان أسوأ خبر عندما علمنا أن إحدى صديقات الأسرة قد توفاها الله بالأمس بعد أن صارعت مرضا نادرا لمدة عامين .. العجيب أن أحد الأصدقاء قال لى إنه يعرف خمسة توفاهم الله بنفس المرض ..

مصر يا أم العجايب .. يعنى ما عندناش وفرة إلا فى الأمراض النادرة ؟ :wub:

[أسد]

2006

مر بخيره وشره ...

باقي له أيام معدودة ...

الحمد لله على كل حال ...

أنا شخصياً لم تكن لدي أحداثاً جوهرية في حياتي هذا العام ...

إلا أنه ولله الحمد .. أفضل من الأعوام التي سبقته ..

الحمد لله